(ភ្នំពេញ) ថ្ងៃទី៥ ខែមេសា ឆ្នាំ២០២៥៖ ដូចដែលបងប្អូនបានជ្រាបរួចមកហើយថា ក្រុមហ៊ុន ស៊ុនស៊ីម៉ិចកូ មានលក់គ្រប់ផលិតផលគ្រឿងអេឡិចត្រូនិកទាំងអស់របស់សាមសុង។ ហើយអ្វីដែលកាន់តែពិសេស ថ្ងៃនេះ ក្រុមហ៊ុនសាមសុង បានធ្វើការប្រកាសដាក់លក់ បន្ថែមនូវទូរសព្ទដៃសាមសុង គ្រប់ម៉ូឌែលដែលមានលក់នៅគ្រប់សាខាស៊ុនស៊ីម៉ិចកូ។ នៅថ្ងៃទី៤ មេសា ឆ្នាំ២០២៥ ក្រុមហ៊ុនសាមសុង និង ក្រុមហ៊ុនស៊ុនស៊ីម៉ិចកូ បានប្រកាសជាផ្លូវការ នូវកិច្ចសហការរួមគ្នាដោយមានការចូលរួមពីសំណាក់អ្នកគ្រប់គ្រងពីក្រុមហ៊ុន សាមសុង និងគណៈគ្រប់គ្រងក្រុមហ៊ុនស៊ុនស៊ីម៉ិចកូ Influencers ល្បីៗប្រចាំប្រទេសកម្ពុជា និងអ្នកសារព័ត៌មានជាច្រើនមកទស្សនា និងធ្វើការតេស្តផលិតផលដោយផ្ទាល់ដែលមានទីតាំងនៅស៊ុនស៊ីមិចកូ សាខាបូកគោ។ គោលបំណងនៃកិច្ចសហការនេះ គឺដើម្បីឱ្យអតិថិជនសាមសុង មានភាពងាយស្រួលជាង មុន ដោយអតិថិជនគ្រាន់តែអញ្ជើញទៅតែមួយកន្លែង

អាជ្ញាធរជាតិអប្សរា នៅយប់ថ្ងៃទី០៤ ខែមេសា ឆ្នាំ២០២៥នេះ បានចេញសេចក្តីប្រកាសព័ត៌មាន ដោយ ថ្មីៗនេះគណនីហ្វេសប៊ុក និង TikTok ឈ្មោះ Nina Daily បានបង្ហោះផ្សព្វផ្សាយវីដេអូប្រើប្រាស់កាយវិការ និងសម្លៀកបំពាក់មិនសមរម្យនៅ មុខប្រាសាទអង្គរវត្ត ក្នុងគោលដៅបង្ហាញ និងលើកតម្កើងពីការហាត់ប្រាណរបស់ខ្លួន ដែលប៉ះពាល់ដល់តម្លៃ របស់អង្គរ សម្បត្តិបេតិកភណ្ឌពិភពលោក។ ក្នុងសេចក្តីប្រកាសព័ត៌មានអាជ្ញាធរជាតិអប្សរា សូមសម្តែងការមិនពេញចិត្ត និងមិនអាចទទួលយកបាន ចំពោះការប្រើប្រាស់ សម្បត្តិបេតិកភណ្ឌជាតិដោយពុំសមស្របនេះ ក្នុងនោះអង្គរវត្ត មិនមែនត្រឹមតែជាកេតនភណ្ឌជាតិ អត្តសញ្ញាណ ជាតិ និងជាទីសក្ការបូជាប៉ុណ្ណោះទេ ប៉ុន្តែក៏មានតម្លៃជាសកល ជាកិត្តិយសជាតិ ដែលត្រូវបានទទួលស្គាល់ថាជា បេតិកភណ្ឌពិភពលោក។

អាមេរិក៖ សហរដ្ឋអាមេ​រិកបានប្រកាសហាមឃាត់មន្ត្រីរបស់ខ្លួន ដែលកំពុងបំពេញការងារនៅក្នុងប្រទេសចិន មិនឱ្យមានទំនាក់ទំនងស្នេហាជាមួយពលរដ្ឋចិនឡើយ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅក្នុងថ្ងៃព្រហស្បតិ៍ ទី៣​ ខែមេសា។ ទំនាក់ទំនងស្នេហាដែលរដ្ឋាភិបាលអាមេរិកបានហាមឃាត់នោះ គឺមានទាំងការរៀបការស្របច្បាប់ និងទំនាកទំនងក្រៅផ្លូវការផងដែរ។ គួរកត់សម្គាល់ថា មន្ត្រីនៃរដ្ឋាភិបាលអាមេរិក ដែលកំពុងបំពេញការងារនៅក្នុងប្រទេសចិននោះ គឺសំដៅនៅកាន់ក្រុមមន្ត្រីក្នុងស្ថានទូតអាមេរិកប្រចាំនៅប្រទេសចិន។ ប្រភពខាងលើបានបន្តថា រហូតមកទល់នឹងពេលនេះទាំងរដ្ឋាភិបាលចិន និងស្ថានទូតអាមេរិកប្រចាំនៅក្នុងប្រទេសចិន នៅមិនទាន់បង្ហាញប្រតិកម្មយ៉ាងណាឡើយទេ។ សូមបញ្ជាក់ជូនថា សេចក្តីហាមឃាត់ខាងលើនេះត្រូវបានធ្វើឡើងក្រោយរដ្ឋាភិបាលអាមេរិកបានដំឡើងអត្រាពន្ធនាំចូលពីប្រទេសចិនក្នុងអត្រារហូតដល់ ៣៤% ពោលគឺអាចនិយាយបានថា អាមេរិកហាក់កំពុងតែធ្វើសង្គ្រាមពាណិជ្ជកម្មនិងការទូតជាមួយប្រទេសចិន៕   អត្ថបទ៖ ភក្តី ប្រភព៖ បាងកកប៉ុស្តិ៍

ថៃ៖ លោកស្រីនាយករដ្ឋមន្ត្រីថៃ Paetongtarn Shinawatra បាននិយាយថា បានត្រៀមដោះស្រាយបញ្ហានៃការដំឡើងអត្រាពន្ធនាំចូលថ្មីពីអាមេរិករួចហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃព្រហស្បតិ៍ ទី៣ ខែមេសា។ ទន្ទឹមគ្នាលោកស្រីក៏បានប្រាប់ឱ្យប្រទេសជាសមាជិកអាស៊ានត្រូវតែបើកការចរចារជាផ្លូវការមួយជាមួយអាមេរិកចំពោះបញ្ហានេះផងដែរ ដ្បិតវាមានកម្រិតខ្ពស់ខ្លាំងណាស់។ លោកស្រី Paetongtarn Shinawatra បានបន្តថា នៅចំពោះបញ្ហានេះរដ្ឋាភិបាលថៃនឹងដាក់ចេញយន្តការក្នុងរយៈពេលខ្លីមួយចំនួន ដើម្បីជួយសម្របសម្រួលដល់ក្រុមអ្នកផលិតនិងក្រុមអ្នកដឹកជញ្ជូន ដើម្បីឱ្យពួកគេអាចបន្តសកម្មភាពអាជីវកម្មបានក្នុងអំឡុងពេលដែលអាមេរិកកំពុងអនុវត្តអត្រាពន្ធថ្មីនេះ។ ចំពោះយន្តការរយៈពេលវែងវិញគឺរដ្ឋាភិបាលនឹងព្យាយាមធ្វើការចរចារ ឬបង្កើតកិច្ចព្រមព្រៀមពិសេសណាមួយ ដើម្បីធ្វើឱ្យអត្រាពន្ធនាំចូលនេះអាចធ្លាក់ចុះមកវិញខ្លះ។ សូមបញ្ជាក់ជូនថា អត្រាពន្ធថ្មីដែលអាមេរិកនឹងអនុវត្តចំពោះទំនិញថៃ គឺមានកម្រិត ៣៦% ហើយអត្រាដ៏ខ្ពស់នេះនឹងធ្វើឱ្យប៉ះពាល់យ៉ាងខ្លាំងដល់ក្រុមហ៊ុនផលិតទំនិញជាច្រើននៅក្នុងប្រទេសថៃ ក៏ដូចជាប៉ះពាល់ដល់សេដ្ឋកិច្ចនៃប្រទេសថៃមួយផ្នែកផងដែរ៕  អត្ថបទ៖ ភក្តី ប្រភព៖ The Strait Time

(រាជធានីភ្នំពេញ)៖ នៅរសៀលថ្ងៃទី ២ ខែមេសា ឆ្នាំ ២០២៥ នេះ សមាគមឧកញ៉ាកម្ពុជា អំពាវនាវដល់គោរមវន្តទាំងអស់ ឱ្យប្រកាន់ខ្ជាប់ សីលធម៌ សុជីវធម៌ និងសេចក្តីថ្លៃថ្នូរនៅក្នុងសង្គម ក្នុងការប្រើប្រាស់បណ្តាញសង្គម ឬមធ្យោបាយផ្សព្វផ្សាយនានា។ ក្នុងសេចក្ដីប្រកាសព័ត៌មានរបស់ សមាគមឧកញ៉ាកម្ពុជា បានឱ្យដឹងថា សមាគមឧកញ៉ាកម្ពុជា គឺជា ស្ថាប័នតែមួយគត់ ដែលតំណាងឱ្យគោរមវន្តទាំងអស់នៅក្នុងព្រះរាជាណាចក្រកម្ពុជា និងបានចែងអំពីតួនាទី ភារកិច្ច ព្រមទាំងសិទ្ធិនិងកាតព្វកិច្ចរបស់សមាគមដើម្បីរក្សានិងលើកកម្ពស់គុណតម្លៃ និងឧត្តមភាពដ៏ឧត្តុង្គឧត្តម នៃគោរមងារ ឧកញ៉ា ដែលជាព្រះរាជទានដ៏ខ្ពង់ខ្ពស់បំផុតរបស់ ព្រះមហាក្សត្រ នៃព្រះរាជាណាចក្រកម្ពុជា តាំងពីបុរាណ កាលរៀងមក ជាពិសេសការពង្រឹងសាមគ្គីភាព

ចិន៖ លោកប្រធានាធិបតីចិន ស៊ី ជិនពីង គ្រោងនឹងធ្វើដំណើរទស្សនកិច្ចមកកាន់បណ្តាប្រទេសមួយចំនួនក្នុងតំបន់អាស៊ាននៅពាក់កណ្តាលខែមេសានេះ នេះបើយោងតាមការចុះផ្សាយរបស់កាសែត South China Morning Post កាលពីយប់ថ្ងៃទី៣១ ខែមីនា។ បណ្តាប្រទេសដែលលោក ស៊ី ជីនពីង គ្រោងនឹងធ្វើដំណើរទស្សនកិច្ចទៅកាន់នោះរួមមាន ប្រទេសម៉ាឡេស៊ី ប្រទេសវៀតណាម និងប្រទេសកម្ពុជាផងដែរ។ ប្រភពខាងលើបានបន្តថា ដំណើរទស្សកិច្ចរបស់លោកប្រធានាធិបតីចិន ស៊ី ជិនពីង ខាងលើនេះគឺត្រូវបានធ្វើឡើងក្នុងគោលបំណងរឹតចំណងមិត្តភាពនិងពាណិជ្ជកម្មជាមួយប្រទេសនៅក្នុងតំបន់អាស៊ាន ហើយវាក៏ជាដំណើរទស្សនកិច្ចដ៏គួរឱ្យភ្ញាក់ផ្អើលមួយផងដែរ។ យ៉ាងណាក្តី សម្រាប់ក្រុមអ្នកឃ្លាំមើលស្ថានភាពនយោបាយនៅលើពិភពលោកបានលើកឡើងថា ដំណើរទស្សនកិច្ចរបស់ប្រមុខដឹកនាំចិននេះអាចជាគោលនយោបាយការទូតថ្មីមួយសម្រា​ប់ប្រជែងនឹងសហរដ្ឋអាមេរិក ដែលទើបសម្រេចផ្តាច់ជំនួយធំៗជាច្រើន ហើយការសម្រេចផ្តាច់ជំនួយនោះក៏បានប៉ះពាល់ដល់បណ្តាប្រទេសមួយចំនួននៅក្នុងតំបន់អាស៊ានផងដែរ៕   អត្ថបទ៖ ភក្តី ប្រភព៖ South China

(ខេត្តកណ្ដាល)៖ នៅថ្ងៃទី ៣១ ខែមីនា ឆ្នាំ ២០២៥ នេះ ព័ត៌មានទូរទស្សន៍មហាផ្ទៃ បានឱ្យដឹងថា អភិបាលខេត្តកណ្ដាល ចុះសួរសុខទុក្ខ កម្លាំងនគរបាលស្រុកអង្គស្នួល ដែលរងរបួស ក្នុងប្រតិបត្តិការទាក់ចាប់មុខសញ្ញាផ្តើមចេញពីករណីឆក់ និងឈានដល់ធ្វើសកម្មភាពយកអាវុធភ្ជង់រថយន្តអ្នកធ្វើដំណើរ ដើម្បីជិះគេចខ្លួន នៅចំណុចផ្លូវល្បឿនលឿន។ តាមការបញ្ជាក់បន្ថែមរបស់ ព័ត៌មានទូរទស្សន៍មហាផ្ទៃ បានឱ្យដឹងថា នារសៀលថ្ងៃទី ៣០ ខែមីនា ឆ្នាំ ២០២៥ ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល ដោយមានការចូលរួមពីឯកឧត្តមអភិបាលរងខេត្ត ស្នងការនគរបាលខេត្ត លោកអភិបាលស្រុកអង្គស្នួល បានអញ្ជើញសួរសុខទុក្ខ

យោងតាមការចុះផ្សាយរបស់ក្រសួងព័ត៌មាន បានឱ្យដឹងថា ដោយមើលឃើញពីភាពសំបូរបែបនៃកម្មវិធីនានាក្នុងព្រឹត្តិការណ៏អង្គរសង្រ្កាន្ត ឆ្នាំ២០២៥ និង​ភាព​មមាញឹករបស់ក្រុមការងារ គណៈកម្មាធិការរៀបចំព្រឹត្តិការណ៍ បានសម្រេចសម្រួលកម្មវិធី “ចង្វាក់បេះដូងអង្គរ (Angkor Comes to Life)” ដោយបញ្ចូលស្មារតី ខ្លឹមសារ ការតុបតែងរចនា និងក្រុមការងារអនុវត្តកម្មវិធី ទៅក្នុងកម្មវិធីក្បួនដង្ហែអង្គរសង្ក្រាន្ត ហើយក៏ជាការទុកពេលវេលាឲ្យក្រុមការងារបានផ្តោតការយកចិត្តទុកដាក់លើការរៀបចំកម្មវិធីផ្សេងៗ ឱ្យកាន់តែមានភាពទាក់ទាញ និងប្រណីតភាព។ ព្រឹត្តិការណ៍អង្គរសង្ក្រាន្ដឆ្នាំ២០២៥ នៅតែបន្ដរៀបចំដោយការយកចិត្តទុកដាក់ខ្ពស់ ដើម្បីចូលរួមថែរក្សាការពារវប្បធម៌ ទំនៀមទំលាប់ ប្រពៃណី ដែលដូនតាខ្មែរបានបន្សល់ទុកអោយ និងបន្ដកេរដំណែល ដែលមិនអាចកាត់ថ្លៃបាននេះទៅកាន់កូនចៅជំនាន់ក្រោយបន្ដរហូតទៅ។ ជាថ្មីម្ដងទៀត ព្រឹត្តិការណ៍អង្គរសង្ក្រាន្ដឆ្នាំ២០២៥ បានត្រៀមខ្លួនជាស្រេចដើម្បីស្វាគមន៍ភ្ញៀវទេសចរជាតិ និងអន្ដរជាតិ ជាពិសេសបងប្អូនប្រជាពលរដ្ឋខ្មែរទាំងអស់ អញ្ជើញចូលរួមជួបជុំគ្នារីករាយក្នុងនាមមហាគ្រួសារខ្មែរ

ថៃ៖ តួលេខអ្នកបាត់បង់ជីវិតដោយសារគ្រោះរញ្ជួយដីនៅក្នុងប្រទេសថៃបានបន្តកើនឡើងដល់ចំនួន ១៨នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅយប់ថ្ងៃអាទិត្យ ទី៣០ ខែមីនា។ ជាមួយគ្នានេះអាជ្ញាធរថៃក៏បានបញ្ជាក់ផងដែរថា នៅពេលពលរដ្ឋចំនួន ៧៨នាក់ផ្សេងទៀតកំពុងតែបាត់ខ្លួននៅក្រោមគំនរបាក់បែក។ ចំពោះចំណាត់ការជាទូទៅវិញ នៅពេលនេះអាជ្ញាធរថៃបានសម្រេចបើកការស៊ើបអង្កេតទៅលើសំណង់អាគារមួយកន្លែងរបស់ក្រុមហ៊ុនចិន មានកម្ពស់ ៣០ជាន់ ដែលអាជ្ញាធរថៃកំពុងសង្ស័យថា អគារនេះបានបាក់ស្រុតមិនមែនដោយសារតែគ្រោះរញ្ជួយដីនោះទេ តែមកពីសំណងអគារនេះត្រូវបានសាងសង់ដោយគ្មានស្តង់ដារសុវត្ថិភាពត្រឹមត្រូវ។ ក្នុងករណីដែលអាជ្ញាធរថៃបានរកឃើញថា​ អគារកម្ពស់ ៣០ជាន់នេះបានបាត់ដោយសារតែរចនាបថគ្មានគុណភាពនោះ គឺអាជ្ញាធរអាចនឹងចាត់វិធានការផ្លូវច្បាប់ចំពោះក្រុមហ៊ុនចិនដែលម្ចាស់អគារ ពោលគឺតម្រូវឱ្យក្រុមហ៊ុនត្រូវដោះស្រាយសំណងផ្សេងៗជាដើម៕ អត្ថបទ៖ ភក្តី ប្រភព៖បាងកកប៉ុស្តិ៍

មីយ៉ាន់ម៉ា៖ តួលេខអ្នកស្លាប់បាត់បង់ជីវិតដោយសារគ្រោះញ្ជួយដីនៅក្នុងប្រទេសមីយ៉ាន់ម៉ាបានកើនឡើងដល់ចំនួន ១,៧០០នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី៣១ ខែមីនា។ ទន្ទឹមគ្នានេះចំនួនពលរដ្ឋដែលកំពុងបាត់ខ្លួនវិញក៏មានការកើនឡើងផងដែរ ពោលគឺមានប្រមាណជា ៣០០នាក់។ ដោយឡែកចំពោះតួលេខពលរដ្ឋរងរបួសវិញគឺមានចំនួនប្រមាណជា ៣,៤០០នាក់ដដែល ដោយនៅក្នុងនោះក៏មានអ្នករងរបួសធ្ងន់ធ្ងរជាច្រើននាក់ផងដែរ។ សូមបញ្ជាក់ជូនថា ប្រទេសមីយ៉ាន់ម៉ាបានជួបប្រទះនូវគ្រោះរញ្ជួយដីកម្រិតធ្ងន់ចំនួន ២ដងកាលពីថ្ងៃសុក្រកន្លងទៅ ដោយគ្រោះរញ្ជួយដីទី ១ បានកើតឡើងក្នុងកម្រិត ៧,៧រ៉ិចទ័រ និងគ្រោះរញ្ជួយដីទី ២ បានកើតឡើងក្នុងកម្រិត ៦,៧រ៉ិចទ័រ ហើយបន្ទាប់មកគ្រោះរញ្ជួយដីកម្រិតស្រាលជាច្រើនដងផ្សេងទៀតក៏បន្តកើតមានជាបន្តបន្ទាប់គ្នារហូតដល់មកថ្ងៃចន្ទ ទើបធ្វើឱ្យចំនួនជនរងគ្រោះនិងការខូតខាតផ្សេងៗនៅតែបន្តកើនឡើងនិងកើតមានបន្ថែមទៀត៕  អត្ថបទ៖ ភក្តី ប្រភព៖ Channel News Asia