អភិបាលខេត្តតាកែវ ឯកឧត្តម វ៉ី សំណាង បានថ្លែងថា ក្រោមម្លប់នៃសន្តិភាព ពិតជាបានផ្តល់ឱកាសដល់អ្នកវិនិយោគិន មកបណ្តាក់ទុកវិនិយោគនៅលើទឹកដីខេត្តតាកែវ កាន់តែច្រើន ហើយក៏ផ្តល់ឱកាសការងារទៅដល់បងប្អូនប្រជាពលរដ្ឋ ជាពិសេសតាមយៈលំហូរវិនិយោគនេះ ធ្វើឱ្យសេដ្ឋកិច្ចរបស់ខេត្តកាន់តែរីកចម្រើនឡើងថែមទៀត ។ ថ្លែងនៅក្នុងឱកាសអញ្ជើញជាអធិបតីភាពក្នុងពិធីស្រោចស្រព្វសុគន្ធាវារី និងសម្ពោធសមិទ្ធផលនានាក្នុងវត្តព្រៃវែង ដែលស្ថិតនៅស្រុកគិរីវង់ នាព្រឹកថ្ងៃអាទិត្យ ទី៣០ ខែមីនា ឆ្នាំ២០២៥ ឯកឧត្តម វ៉ី សំណាង អភិបាលខេត្ត បានមានប្រសាសន៍បន្តទៀតថា ខេត្តតាកែវកំពុងទាក់ទាញវិនិយោគិនជាតិ និងអន្តរជាតិកាន់តែច្រើនឡើងៗ ដោយសារស្ថិរភាពសន្តិសុខ និងសក្តានុពលសេដ្ឋកិច្ចដ៏រឹងមាំ។ កំណើនវិនិយោគនេះបាននាំមកនូវផលប្រយោជន៍យ៉ាងច្រើនដល់បងប្អូនប្រជាពលរដ្ឋក្នុងខេត្ត ដូចជាការបណ្តាក់ទុនវិនិយោគថ្មីៗបានបង្កើតឱកាសការងារជាច្រើនសម្រាប់ពលរដ្ឋ ធ្វើឱ្យជីវភាពរបស់ពួកគាត់កាន់តែប្រសើរឡើង ព្រមទាំងលើកកម្ពស់ជីវភាពរស់នៅរបស់បងប្អូនពុកម៉ែ ក៏ដូចជាប្រជាជនខេត្តតាកែវទាំងមូល

ថៃ៖ទារកមហាសំណាងម្នាក់បានកើតដោយសុវត្ថិភាពក្នុងអំឡុងពេលមានហេតុការណ៍រញ្ជួយដីនៅក្នុងប្រទេថៃ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអាទិត្យ ទី៣០ ខែមីនា។ ទារកអាយុថ្លៃរូបនេះបានកើតចេញពីពោះស្រ្តីជនជាតិថៃម្នាក់ឈ្មោះ Kanthong Saenmuangshin អាយុ ៣៦ឆ្នាំ នៅក្នុងមន្ទីរពេទ្យមួយកន្លែងក្នុងទីក្រុងបាងកក។ គួររម្លឹកជូនថា ប្រទេសថៃបានកើតមានហេតុការណ៍រញ្ជួយដីតាំងតែពីថ្ងៃសុក្រមកម្លេះ ហើយគិតត្រឹមពេលនេះអាជ្ញាធរថៃបានប្រកាសរកឃើញមានអ្នកស្លាប់សរុបចំនួន ១០នាក់ រងរបួសចំនួន ៣០នាក់ ខណៈថៃមិនមានអ្នកកំពុងបាត់ខ្លួនឬកំពុងកប់ជាប់នៅក្រោមគំនរបាក់បែកនោះទេ។ យ៉ាងណាក្តី​ មានអគារនិងហេដ្ឋារចនាសម្ព័ន្ធមួយចំនួននៅក្នុងទីក្រុងបាងកក បានរងនូវការខូតខាត៕  អត្ថបទ៖ ភក្តី ប្រភព៖ The Strait Time

(ភ្នំពេញ)៖ នាព្រឹកថ្ងៃសុក្រ ទី២៨ ខែមីនា ឆ្នាំ២០២៥ នៅទីស្តីការក្រុមប្រឹក្សាអភិវឌ្ឍន៍កម្ពុជា ឯកឧត្តម ជា វុទ្ធី និងសហការីបានទទួលជួបពិភាក្សាការងារជាមួយលោក ម៉ាយ ជាំងទ្បុង (Mai Jianglong) អនុប្រធានក្រុមហ៊ុន China Minsheng Stone Industry Group មកពីទីក្រុងស៊ាមិន សាធារណរដ្ឋប្រជាមានិតចិន។ ក្រុមហ៊ុនមានបំណងបណ្តាក់ទុនវិនិយោគកែច្នៃថ្មម៉ាប និងផលិតថ្មម៉ាបសិប្បនិម្មិតនៅកម្ពុជា។ មានមិតិក្នុងជំនួបនេះ ឯកឧត្តមអគ្គលេខាធិការបានសម្តែងនូវការស្វាគមន៍ និងគាំទ្រគម្រោងវិនិយោគរបស់ក្រុមហ៊ុននៅកម្ពុជា និងបានជម្រាបជូនក្រុមហ៊ុនពីបរិស្ថានវិនិយោគនៅកម្ពុជាដែលពោរពេញដោយភាពអំណោយផល ពិសេស របបលើកទឹកចិត្តវិនិយោគ និងវិធានការគាំទ្រនានារបស់រាជរដ្ឋាភិបាលដែលបានបន្តដាក់ចេញសំដៅធ្វើឱ្យបរិយាកាសវិនិយោគ និងធុរកិច្ចនៅកម្ពុជាកាន់តែប្រសើរទ្បើង និងកាន់តែមានភាពទាក់ទាញ។ ក្នុងន័យនេះ

ភ្នំពេញ៖ ព្រះអង្គម្ចាស់ Guillaume Jean Joseph Marie រជ្ជទាយាទនៃប្រទេសលុចសំបួ អមដំណើរ ដោយ លោក Xavier Bettel ឧបនាយករដ្ឋមន្ត្រី រដ្ឋមន្ត្រីការបរទេស និងពាណិជ្ជកម្មក្រៅប្រទេស និងជារដ្ឋមន្ត្រីសម្រាប់កិច្ចសហប្រតិបត្តិការអភិវឌ្ឍន៍ និងសកម្មភាពមនុស្សធម៌ នឹងយាងបំពេញ ព្រះរាជទស្សនកិច្ចនៅព្រះរាជាណាចក្រកម្ពុជា ពីថ្ងៃទី២៩ ខែមីនា ដល់ថ្ងៃទី២ ខែមេសា ឆ្នាំ២០២៥ ។ យោងតាមសេចក្តីប្រកាសព័ត៌មានរបស់ក្រសួងការបរទេសចុះថ្ងៃទី២៨ ខែមីនានេះ បានឱ្យដឹងថាក្នុងឱកាសនៃព្រះរាជទស្សនកិច្ចនេះ ព្រះអង្គម្ចាស់រជ្ជទាយាទ Guillaume Jean Joseph Marie នឹងមានជំនួបទ្វេភាគីជាមួយ

យោងតាមការចុះផ្សាយរបស់ក្រសួងព័ត៌មាននៅថ្ងៃទី២៩ ខែមីនានេះ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានលើកទ្បើងពីតួនាទីជាសារវន្ត និងយ៉ាងសកម្ម របស់ធនាគារជាតិនៃកម្ពុជាក្នុងការជំរុញ និងកៀរគរប្រភពហិរញ្ញប្បទានសម្រាប់គាំទ្រដល់គោលដៅសកលស្តីពីអព្យាក្រឹតកាបូននៅឆ្នាំ២០៥០ ខាងមុខនេះ។ លោកជំទាវបណ្ឌិត បានលើកឡើងពីការប្តេជ្ញាចិត្តរបស់រាជរដ្ឋាភិបាលកម្ពុជា ក្នុងការចូលរួមសម្រេចឱ្យបានគោលដៅសកលឆ្នាំ២០៥០ ស្តីពីអព្យាក្រឹតកាបូន ដែលក្នុងនោះរដ្ឋាភិបាលកម្ពុជា បានដាក់ចេញនូវគោលនយោបាយនិងយុទ្ធសាស្រ្តចាំបាច់ជាច្រើន ដើម្បីបង្កើនសកម្មភាពកាត់បន្ថយនិងបន្សាំជាមួយការប្រែប្រួលអាកាសធាតុ។ ការបញ្ជាក់នេះ បានធ្វើឡើងនៅក្នុងឱកាសលោកជំទាវបណ្ឌិតបានអញ្ជើញចូលរួមជាវាគ្មិនកិត្តិយសក្នុងកិច្ចពិភាក្សាតុមូល ក្រោមប្រធានបទស្តីពី “ហិរញ្ញវត្ថុអន្តរកាល សម្រាប់អនាគតនៃការបន្ថយឧស្ម័នកាបូនិចដល់កម្រិតសូន្យ” ដែលបានរៀបចំឡើងក្នុងវេទិកាបូអាវសម្រាប់អាស៊ី ប្រចាំឆ្នាំ២០២៥ នាថ្ងៃទី២៧ ខែមីនា ឆ្នាំ២០២៥ ក្នុងខេត្តហៃណាន ប្រទេសចិន។ ប្រភព៖ ធនាគារជាតិនៃកម្ពុជា

Toyota ត្រូវបានគេស្គាល់យ៉ាងទូលំទូលាយសម្រាប់រថយន្តដែលមានគុណភាពខ្ពស់ ជាមួយនឹងម៉ូឌែលប្រចាំត្រកូលរបស់ខ្លួនដូចជា Camry និង Corolla ដែលជានិមិត្តសញ្ញានៃវិស្វកម្មជប៉ុន។ ទោះជាយ៉ាងណាក៏ដោយ រថយន្តម៉ាកតូយ៉ូតាជាច្រើនដែលដាក់លក់ក្នុងទីផ្សារបច្ចុប្បន្ន រួមទាំងប្រទេសកម្ពុជាផងដែរនោះ គឺមិនមែនបង្កើតឡើងដោយក្រុមហ៊ុនតូយ៉ូតាផ្ទាល់ទាំងអស់នោះទេ។ ផ្ទុយទៅវិញ ម៉ូឌែលរថយន្តមួយចំនួនត្រូវបានផលិតដោយក្រុមហ៊ុន Daihatsu ដែលជាក្រុមហ៊ុនបុត្រសម្ព័ន្ធរបស់ Toyota ដែលមានឯកទេសខាងរថយន្តធុនតូច និងមានតម្លៃសមរម្យ។ Daihatsu គឺមានប្រវត្តិយូរយារណាស់មកហើយក្នុងការផលិតរថយន្តធុនតូចៗ ជាពិសេសសម្រាប់ផ្នែករថយន្ត Kei របស់ប្រទេសជប៉ុន ក៏ដូចជាសម្រាប់ទីផ្សារដែលកំពុងអភិវឌ្ឍ ដោយផ្តល់នូវតម្លៃសមរម្យ និងប្រសិទ្ធភាពប្រេងឥន្ធនៈ ដែលជាចំណុចសំខាន់សម្រាប់ការលក់របស់ពួកគេ។ ក្រុមហ៊ុន Toyota បានបង្កើនជំនាញរបស់ Daihatsu ដោយដាក់ស្លាកសញ្ញាម៉ូដែលមួយចំនួនរបស់ខ្លួនឡើងវិញក្រោមឈ្មោះ Toyota ដែលអនុញ្ញាតឱ្យក្រុមហ៊ុននេះផ្តល់ជូននូវរថយន្តដែលមានតម្លៃសមរម្យនៅក្នុងតំបន់។

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នៅថ្ងៃទី២៩ ខែមីនានេះ បានចេញសារចូលរួមនូវការសោកស្តាយជាមួយរាជរដ្ឋាភិបាលថៃ និងរដ្ឋាភិបាលសាធារណរដ្ឋសហភាពមីយ៉ាន់ម៉ា និងចំពោះប្រជាពលរដ្ឋដែលបានទទួលរងគ្រោះដោយឧបទ្ទវហេតុគ្រោះធម្មជាតិរញ្ជួយដីនៅប្រទេសថៃ និងប្រទេសមីយ៉ាន់ម៉ា។ ដោយខ្លឹមសារទាំងមូលនៅខាងក្រោមនេះ៖ «ជាដំបូងខ្ញុំសូមចូលរួមនូវការសោកស្តាយជាមួយរាជរដ្ឋាភិបាលថៃ និងរដ្ឋាភិបាលសាធារណរដ្ឋសហភាពមីយ៉ាន់ម៉ា និងចំពោះប្រជាពលរដ្ឋដែលបានទទួលរងគ្រោះដោយឧបទ្ទវហេតុគ្រោះធម្មជាតិរញ្ជួយដីនៅប្រទេសថៃ និងប្រទេសមីយ៉ាន់ម៉ា នៅរសៀលសុក្រ ថ្ងៃទី២៨ ខែមីនា ឆ្នាំ២០២៥នេះ។ ចាប់តាំងពីឧបទ្ទវហេតុរញ្ជួយដីបានកើតឡើង ក្រសួងការបរទេស និងសហប្រតិបត្តិការអន្តរជាតិ និងក្រសួងការងារ និងបណ្តុះបណ្តាលវិជ្ជាជីវ: តាមរយ:ឯកអគ្គរាជទូតនៃព្រះរាជាណាចក្រកម្ពុជាប្រចាំប្រទេសថៃ និងទីប្រឹក្សាពលកររបស់យើង បានចុះផ្ទាល់ដល់កន្លែងកើតហេតុ ដើម្បីក្តាប់នូវព័ត៌មាន និងស្ថានភាពនៅទីនោះ ក៏ដូចជាធ្វើការទំនាក់ទំនងជាមួយប្រជាពលកររបស់យើង ដែលកំពុងធ្វើការនៅទីក្រុងបាងកក ដើម្បីបន្តតាមដានការវិវត្តស្ថានភាព និងផ្តល់ការជួយអន្តរាគមន៍ សំដៅជួយដល់បងប្អូនយើងបានទាន់ពេលវេលា

យោងតាមការបង្ហោះរបស់ក្រសួងអប់រំ នៅថ្ងៃទី២៩ ខែមីនានេះ បានឱ្យដឹងថា បេក្ខជននិងបេក្ខនារីឆ្នើមទាំង២រូបមកពីថ្នាក់ពីរភាសាបារាំង-ខ្មែរនៃវិទ្យាល័យព្រះមុនីវង្ស ខេត្តបាត់ដំបង និងតំណាងឱ្យប្រទេសកម្ពុជាទទួលបានចំណាត់លេខ(១)ក្នុងការប្រកួតបញ្ចេញមតិជាសាធារណៈ (Concours d’éloquence)លក្ខណៈអន្តរជាតិនៅវគ្គផ្ដាច់ព្រ័ត្រទល់នឹងក្រុមបេក្ខជនមកពីប្រទេសវៀតណាម ក្នុងក្របខ័ណ្ឌគ្រឹះស្ថានសិក្សាទទួលបានស្លាកសញ្ញាឡាប៊ែលហ្រ្វង់(LabelFrancÉducation) នៅទីក្រុងគូឡាឡាំពួរ ប្រទេសម៉ាឡេស៊ី។ អបអរសាទរទៅកាន់សិស្សថ្នាក់ភាសាបារាំង២រូប មកពីវិទ្យាល័យព្រះមុនីវង្ស ខេត្តបាត់ដំបង ដែលទទួលបានជ័យលាភីក្នុងការប្រកួតប្រជែងការនិយាយជាសាធារណៈវគ្គផ្ដាច់ព្រាត់នៅប្រទេសម៉ាឡេសុី។ មហាជនពិតជាមោទនភាពនិងភាពត្រេកអរជាខ្លាំងចំពោះយុវជនយុវតីទាំងពីរដែលបានទទួលនូវសមិទ្ធផលដ៏ល្អត្រឡប់មកវិញ៕

(ភ្នំពេញ)៖ ករណីជនល្មើសភ្ជង់ជនរងគ្រោះនៅតាមផ្លូវល្បឿនលឿន នាព្រឹកថ្ងៃទី២៩ ខែមីនា ឆ្នាំ២០២៥ នៅពេលនេះកម្លាំងសមត្ថកិច្ចស្រុកអង្គស្នួល ខេត្តកណ្តាល ចាប់ខ្លួនបានម្នាក់ និងរត់គេចខ្លួនម្នាក់ ករណីជនល្មើសភ្ជង់ជនរងគ្រោះនៅតាមផ្លូវល្បឿនលឿន នៅពេលនេះកម្លាំងនគរបាលចាប់ខ្លួនបានម្នាក់ និងរត់គេចខ្លួនម្នាក់។ យោងតាមការចុះផ្សាយរបស់លោក ស៊ន សុភក្រ្ត-Sorn Sopheak បានឱ្យដឹងថា ករណីនេះផ្តើមចេញពីករណីឆក់ ដែលបង្កដោយជនល្មើស២នាក់ ហើយពេលនគរបាលដេញចាប់ ពួកវាបានរត់ទៅភ្ជង់ឡានជនរងគ្រោះទី១ ដែលកំពុងធ្វើដំណើរតាមផ្លូវ រួចយករថយន្តនេះ ទៅប្លុងចោល ហើយទៅភ្ជង់ឡានទី២ របស់អ្នកដំណើរ រហូតឡើងផ្លូវល្បឿនលឿន បើកគេច តែចុងក្រោយត្រូវនគរបាលតាមចាប់បានម្នាក់ រីឯម្នាក់ទៀតកំពុងគេចខ្លួន។ បន្តិចទៀតនឹងចេញព័ត៌មានលម្អិតជូន។

មន្ទីរធនធានទឹក និងឧតុនិយមខេត្តស្ទឹងត្រែង បានឱ្យដឹងថាចាប់ថ្ងៃទី៣០ ខែមីនា រហូតដល់ថ្ងៃទី០៣ ខែមេសា ឆ្នាំ២០២៥ ខាងមុខនេះ សម្ពាធទាប និងកម្រិតសម្ពាធខ្សោយ បាននិងកំពុងមានឥទ្ធិពលមកលើខេត្តស្ទឹងត្រែង ស្ថានភាពបែបនេះ និងធ្វើឱ្យអាកាសធាតុមានពពកច្រើន មានភ្លៀងផ្គររន្ទះពីតិចទៅច្រើន បរិមាណ៨០% សីតុណ្ហភាពមានពី២៦អង្សាសេ ទៅ៣៤អង្សាសេ និងខ្យល់ខ្លាំង (ឬខ្យល់កន្ត្រាក់) មានល្បឿន កម្រិតបង្គួរ។ ការណ៍ខាងលើនេះមន្ទីរធនធានទឹក ក៏បានណែនាំឲ្យប្រជាពលរដ្ឋក្នុងមូលដ្ឋានខេត្តស្ទឹងត្រែង មានការប្រុងប្រយ័ត្ន ចំពោះអាកាសធាតុ ជានិច្ច៕