(ខេត្តកណ្ដាល)៖ នៅថ្ងៃទី ៣១ ខែមីនា ឆ្នាំ ២០២៥ នេះ ព័ត៌មានទូរទស្សន៍មហាផ្ទៃ បានឱ្យដឹងថា អភិបាលខេត្តកណ្ដាល ចុះសួរសុខទុក្ខ កម្លាំងនគរបាលស្រុកអង្គស្នួល ដែលរងរបួស ក្នុងប្រតិបត្តិការទាក់ចាប់មុខសញ្ញាផ្តើមចេញពីករណីឆក់ និងឈានដល់ធ្វើសកម្មភាពយកអាវុធភ្ជង់រថយន្តអ្នកធ្វើដំណើរ ដើម្បីជិះគេចខ្លួន នៅចំណុចផ្លូវល្បឿនលឿន។ តាមការបញ្ជាក់បន្ថែមរបស់ ព័ត៌មានទូរទស្សន៍មហាផ្ទៃ បានឱ្យដឹងថា នារសៀលថ្ងៃទី ៣០ ខែមីនា ឆ្នាំ ២០២៥ ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល ដោយមានការចូលរួមពីឯកឧត្តមអភិបាលរងខេត្ត ស្នងការនគរបាលខេត្ត លោកអភិបាលស្រុកអង្គស្នួល បានអញ្ជើញសួរសុខទុក្ខ

យោងតាមការចុះផ្សាយរបស់ក្រសួងព័ត៌មាន បានឱ្យដឹងថា ដោយមើលឃើញពីភាពសំបូរបែបនៃកម្មវិធីនានាក្នុងព្រឹត្តិការណ៏អង្គរសង្រ្កាន្ត ឆ្នាំ២០២៥ និង​ភាព​មមាញឹករបស់ក្រុមការងារ គណៈកម្មាធិការរៀបចំព្រឹត្តិការណ៍ បានសម្រេចសម្រួលកម្មវិធី “ចង្វាក់បេះដូងអង្គរ (Angkor Comes to Life)” ដោយបញ្ចូលស្មារតី ខ្លឹមសារ ការតុបតែងរចនា និងក្រុមការងារអនុវត្តកម្មវិធី ទៅក្នុងកម្មវិធីក្បួនដង្ហែអង្គរសង្ក្រាន្ត ហើយក៏ជាការទុកពេលវេលាឲ្យក្រុមការងារបានផ្តោតការយកចិត្តទុកដាក់លើការរៀបចំកម្មវិធីផ្សេងៗ ឱ្យកាន់តែមានភាពទាក់ទាញ និងប្រណីតភាព។ ព្រឹត្តិការណ៍អង្គរសង្ក្រាន្ដឆ្នាំ២០២៥ នៅតែបន្ដរៀបចំដោយការយកចិត្តទុកដាក់ខ្ពស់ ដើម្បីចូលរួមថែរក្សាការពារវប្បធម៌ ទំនៀមទំលាប់ ប្រពៃណី ដែលដូនតាខ្មែរបានបន្សល់ទុកអោយ និងបន្ដកេរដំណែល ដែលមិនអាចកាត់ថ្លៃបាននេះទៅកាន់កូនចៅជំនាន់ក្រោយបន្ដរហូតទៅ។ ជាថ្មីម្ដងទៀត ព្រឹត្តិការណ៍អង្គរសង្ក្រាន្ដឆ្នាំ២០២៥ បានត្រៀមខ្លួនជាស្រេចដើម្បីស្វាគមន៍ភ្ញៀវទេសចរជាតិ និងអន្ដរជាតិ ជាពិសេសបងប្អូនប្រជាពលរដ្ឋខ្មែរទាំងអស់ អញ្ជើញចូលរួមជួបជុំគ្នារីករាយក្នុងនាមមហាគ្រួសារខ្មែរ

ថៃ៖ តួលេខអ្នកបាត់បង់ជីវិតដោយសារគ្រោះរញ្ជួយដីនៅក្នុងប្រទេសថៃបានបន្តកើនឡើងដល់ចំនួន ១៨នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅយប់ថ្ងៃអាទិត្យ ទី៣០ ខែមីនា។ ជាមួយគ្នានេះអាជ្ញាធរថៃក៏បានបញ្ជាក់ផងដែរថា នៅពេលពលរដ្ឋចំនួន ៧៨នាក់ផ្សេងទៀតកំពុងតែបាត់ខ្លួននៅក្រោមគំនរបាក់បែក។ ចំពោះចំណាត់ការជាទូទៅវិញ នៅពេលនេះអាជ្ញាធរថៃបានសម្រេចបើកការស៊ើបអង្កេតទៅលើសំណង់អាគារមួយកន្លែងរបស់ក្រុមហ៊ុនចិន មានកម្ពស់ ៣០ជាន់ ដែលអាជ្ញាធរថៃកំពុងសង្ស័យថា អគារនេះបានបាក់ស្រុតមិនមែនដោយសារតែគ្រោះរញ្ជួយដីនោះទេ តែមកពីសំណងអគារនេះត្រូវបានសាងសង់ដោយគ្មានស្តង់ដារសុវត្ថិភាពត្រឹមត្រូវ។ ក្នុងករណីដែលអាជ្ញាធរថៃបានរកឃើញថា​ អគារកម្ពស់ ៣០ជាន់នេះបានបាត់ដោយសារតែរចនាបថគ្មានគុណភាពនោះ គឺអាជ្ញាធរអាចនឹងចាត់វិធានការផ្លូវច្បាប់ចំពោះក្រុមហ៊ុនចិនដែលម្ចាស់អគារ ពោលគឺតម្រូវឱ្យក្រុមហ៊ុនត្រូវដោះស្រាយសំណងផ្សេងៗជាដើម៕ អត្ថបទ៖ ភក្តី ប្រភព៖បាងកកប៉ុស្តិ៍

មីយ៉ាន់ម៉ា៖ តួលេខអ្នកស្លាប់បាត់បង់ជីវិតដោយសារគ្រោះញ្ជួយដីនៅក្នុងប្រទេសមីយ៉ាន់ម៉ាបានកើនឡើងដល់ចំនួន ១,៧០០នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី៣១ ខែមីនា។ ទន្ទឹមគ្នានេះចំនួនពលរដ្ឋដែលកំពុងបាត់ខ្លួនវិញក៏មានការកើនឡើងផងដែរ ពោលគឺមានប្រមាណជា ៣០០នាក់។ ដោយឡែកចំពោះតួលេខពលរដ្ឋរងរបួសវិញគឺមានចំនួនប្រមាណជា ៣,៤០០នាក់ដដែល ដោយនៅក្នុងនោះក៏មានអ្នករងរបួសធ្ងន់ធ្ងរជាច្រើននាក់ផងដែរ។ សូមបញ្ជាក់ជូនថា ប្រទេសមីយ៉ាន់ម៉ាបានជួបប្រទះនូវគ្រោះរញ្ជួយដីកម្រិតធ្ងន់ចំនួន ២ដងកាលពីថ្ងៃសុក្រកន្លងទៅ ដោយគ្រោះរញ្ជួយដីទី ១ បានកើតឡើងក្នុងកម្រិត ៧,៧រ៉ិចទ័រ និងគ្រោះរញ្ជួយដីទី ២ បានកើតឡើងក្នុងកម្រិត ៦,៧រ៉ិចទ័រ ហើយបន្ទាប់មកគ្រោះរញ្ជួយដីកម្រិតស្រាលជាច្រើនដងផ្សេងទៀតក៏បន្តកើតមានជាបន្តបន្ទាប់គ្នារហូតដល់មកថ្ងៃចន្ទ ទើបធ្វើឱ្យចំនួនជនរងគ្រោះនិងការខូតខាតផ្សេងៗនៅតែបន្តកើនឡើងនិងកើតមានបន្ថែមទៀត៕  អត្ថបទ៖ ភក្តី ប្រភព៖ Channel News Asia  

អភិបាលខេត្តតាកែវ ឯកឧត្តម វ៉ី សំណាង បានថ្លែងថា ក្រោមម្លប់នៃសន្តិភាព ពិតជាបានផ្តល់ឱកាសដល់អ្នកវិនិយោគិន មកបណ្តាក់ទុកវិនិយោគនៅលើទឹកដីខេត្តតាកែវ កាន់តែច្រើន ហើយក៏ផ្តល់ឱកាសការងារទៅដល់បងប្អូនប្រជាពលរដ្ឋ ជាពិសេសតាមយៈលំហូរវិនិយោគនេះ ធ្វើឱ្យសេដ្ឋកិច្ចរបស់ខេត្តកាន់តែរីកចម្រើនឡើងថែមទៀត ។ ថ្លែងនៅក្នុងឱកាសអញ្ជើញជាអធិបតីភាពក្នុងពិធីស្រោចស្រព្វសុគន្ធាវារី និងសម្ពោធសមិទ្ធផលនានាក្នុងវត្តព្រៃវែង ដែលស្ថិតនៅស្រុកគិរីវង់ នាព្រឹកថ្ងៃអាទិត្យ ទី៣០ ខែមីនា ឆ្នាំ២០២៥ ឯកឧត្តម វ៉ី សំណាង អភិបាលខេត្ត បានមានប្រសាសន៍បន្តទៀតថា ខេត្តតាកែវកំពុងទាក់ទាញវិនិយោគិនជាតិ និងអន្តរជាតិកាន់តែច្រើនឡើងៗ ដោយសារស្ថិរភាពសន្តិសុខ និងសក្តានុពលសេដ្ឋកិច្ចដ៏រឹងមាំ។ កំណើនវិនិយោគនេះបាននាំមកនូវផលប្រយោជន៍យ៉ាងច្រើនដល់បងប្អូនប្រជាពលរដ្ឋក្នុងខេត្ត ដូចជាការបណ្តាក់ទុនវិនិយោគថ្មីៗបានបង្កើតឱកាសការងារជាច្រើនសម្រាប់ពលរដ្ឋ ធ្វើឱ្យជីវភាពរបស់ពួកគាត់កាន់តែប្រសើរឡើង ព្រមទាំងលើកកម្ពស់ជីវភាពរស់នៅរបស់បងប្អូនពុកម៉ែ ក៏ដូចជាប្រជាជនខេត្តតាកែវទាំងមូល

ថៃ៖ទារកមហាសំណាងម្នាក់បានកើតដោយសុវត្ថិភាពក្នុងអំឡុងពេលមានហេតុការណ៍រញ្ជួយដីនៅក្នុងប្រទេថៃ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអាទិត្យ ទី៣០ ខែមីនា។ ទារកអាយុថ្លៃរូបនេះបានកើតចេញពីពោះស្រ្តីជនជាតិថៃម្នាក់ឈ្មោះ Kanthong Saenmuangshin អាយុ ៣៦ឆ្នាំ នៅក្នុងមន្ទីរពេទ្យមួយកន្លែងក្នុងទីក្រុងបាងកក។ គួររម្លឹកជូនថា ប្រទេសថៃបានកើតមានហេតុការណ៍រញ្ជួយដីតាំងតែពីថ្ងៃសុក្រមកម្លេះ ហើយគិតត្រឹមពេលនេះអាជ្ញាធរថៃបានប្រកាសរកឃើញមានអ្នកស្លាប់សរុបចំនួន ១០នាក់ រងរបួសចំនួន ៣០នាក់ ខណៈថៃមិនមានអ្នកកំពុងបាត់ខ្លួនឬកំពុងកប់ជាប់នៅក្រោមគំនរបាក់បែកនោះទេ។ យ៉ាងណាក្តី​ មានអគារនិងហេដ្ឋារចនាសម្ព័ន្ធមួយចំនួននៅក្នុងទីក្រុងបាងកក បានរងនូវការខូតខាត៕  អត្ថបទ៖ ភក្តី ប្រភព៖ The Strait Time

(ភ្នំពេញ)៖ នាព្រឹកថ្ងៃសុក្រ ទី២៨ ខែមីនា ឆ្នាំ២០២៥ នៅទីស្តីការក្រុមប្រឹក្សាអភិវឌ្ឍន៍កម្ពុជា ឯកឧត្តម ជា វុទ្ធី និងសហការីបានទទួលជួបពិភាក្សាការងារជាមួយលោក ម៉ាយ ជាំងទ្បុង (Mai Jianglong) អនុប្រធានក្រុមហ៊ុន China Minsheng Stone Industry Group មកពីទីក្រុងស៊ាមិន សាធារណរដ្ឋប្រជាមានិតចិន។ ក្រុមហ៊ុនមានបំណងបណ្តាក់ទុនវិនិយោគកែច្នៃថ្មម៉ាប និងផលិតថ្មម៉ាបសិប្បនិម្មិតនៅកម្ពុជា។ មានមិតិក្នុងជំនួបនេះ ឯកឧត្តមអគ្គលេខាធិការបានសម្តែងនូវការស្វាគមន៍ និងគាំទ្រគម្រោងវិនិយោគរបស់ក្រុមហ៊ុននៅកម្ពុជា និងបានជម្រាបជូនក្រុមហ៊ុនពីបរិស្ថានវិនិយោគនៅកម្ពុជាដែលពោរពេញដោយភាពអំណោយផល ពិសេស របបលើកទឹកចិត្តវិនិយោគ និងវិធានការគាំទ្រនានារបស់រាជរដ្ឋាភិបាលដែលបានបន្តដាក់ចេញសំដៅធ្វើឱ្យបរិយាកាសវិនិយោគ និងធុរកិច្ចនៅកម្ពុជាកាន់តែប្រសើរទ្បើង និងកាន់តែមានភាពទាក់ទាញ។ ក្នុងន័យនេះ

ភ្នំពេញ៖ ព្រះអង្គម្ចាស់ Guillaume Jean Joseph Marie រជ្ជទាយាទនៃប្រទេសលុចសំបួ អមដំណើរ ដោយ លោក Xavier Bettel ឧបនាយករដ្ឋមន្ត្រី រដ្ឋមន្ត្រីការបរទេស និងពាណិជ្ជកម្មក្រៅប្រទេស និងជារដ្ឋមន្ត្រីសម្រាប់កិច្ចសហប្រតិបត្តិការអភិវឌ្ឍន៍ និងសកម្មភាពមនុស្សធម៌ នឹងយាងបំពេញ ព្រះរាជទស្សនកិច្ចនៅព្រះរាជាណាចក្រកម្ពុជា ពីថ្ងៃទី២៩ ខែមីនា ដល់ថ្ងៃទី២ ខែមេសា ឆ្នាំ២០២៥ ។ យោងតាមសេចក្តីប្រកាសព័ត៌មានរបស់ក្រសួងការបរទេសចុះថ្ងៃទី២៨ ខែមីនានេះ បានឱ្យដឹងថាក្នុងឱកាសនៃព្រះរាជទស្សនកិច្ចនេះ ព្រះអង្គម្ចាស់រជ្ជទាយាទ Guillaume Jean Joseph Marie នឹងមានជំនួបទ្វេភាគីជាមួយ

យោងតាមការចុះផ្សាយរបស់ក្រសួងព័ត៌មាននៅថ្ងៃទី២៩ ខែមីនានេះ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានលើកទ្បើងពីតួនាទីជាសារវន្ត និងយ៉ាងសកម្ម របស់ធនាគារជាតិនៃកម្ពុជាក្នុងការជំរុញ និងកៀរគរប្រភពហិរញ្ញប្បទានសម្រាប់គាំទ្រដល់គោលដៅសកលស្តីពីអព្យាក្រឹតកាបូននៅឆ្នាំ២០៥០ ខាងមុខនេះ។ លោកជំទាវបណ្ឌិត បានលើកឡើងពីការប្តេជ្ញាចិត្តរបស់រាជរដ្ឋាភិបាលកម្ពុជា ក្នុងការចូលរួមសម្រេចឱ្យបានគោលដៅសកលឆ្នាំ២០៥០ ស្តីពីអព្យាក្រឹតកាបូន ដែលក្នុងនោះរដ្ឋាភិបាលកម្ពុជា បានដាក់ចេញនូវគោលនយោបាយនិងយុទ្ធសាស្រ្តចាំបាច់ជាច្រើន ដើម្បីបង្កើនសកម្មភាពកាត់បន្ថយនិងបន្សាំជាមួយការប្រែប្រួលអាកាសធាតុ។ ការបញ្ជាក់នេះ បានធ្វើឡើងនៅក្នុងឱកាសលោកជំទាវបណ្ឌិតបានអញ្ជើញចូលរួមជាវាគ្មិនកិត្តិយសក្នុងកិច្ចពិភាក្សាតុមូល ក្រោមប្រធានបទស្តីពី “ហិរញ្ញវត្ថុអន្តរកាល សម្រាប់អនាគតនៃការបន្ថយឧស្ម័នកាបូនិចដល់កម្រិតសូន្យ” ដែលបានរៀបចំឡើងក្នុងវេទិកាបូអាវសម្រាប់អាស៊ី ប្រចាំឆ្នាំ២០២៥ នាថ្ងៃទី២៧ ខែមីនា ឆ្នាំ២០២៥ ក្នុងខេត្តហៃណាន ប្រទេសចិន។ ប្រភព៖ ធនាគារជាតិនៃកម្ពុជា

Toyota ត្រូវបានគេស្គាល់យ៉ាងទូលំទូលាយសម្រាប់រថយន្តដែលមានគុណភាពខ្ពស់ ជាមួយនឹងម៉ូឌែលប្រចាំត្រកូលរបស់ខ្លួនដូចជា Camry និង Corolla ដែលជានិមិត្តសញ្ញានៃវិស្វកម្មជប៉ុន។ ទោះជាយ៉ាងណាក៏ដោយ រថយន្តម៉ាកតូយ៉ូតាជាច្រើនដែលដាក់លក់ក្នុងទីផ្សារបច្ចុប្បន្ន រួមទាំងប្រទេសកម្ពុជាផងដែរនោះ គឺមិនមែនបង្កើតឡើងដោយក្រុមហ៊ុនតូយ៉ូតាផ្ទាល់ទាំងអស់នោះទេ។ ផ្ទុយទៅវិញ ម៉ូឌែលរថយន្តមួយចំនួនត្រូវបានផលិតដោយក្រុមហ៊ុន Daihatsu ដែលជាក្រុមហ៊ុនបុត្រសម្ព័ន្ធរបស់ Toyota ដែលមានឯកទេសខាងរថយន្តធុនតូច និងមានតម្លៃសមរម្យ។ Daihatsu គឺមានប្រវត្តិយូរយារណាស់មកហើយក្នុងការផលិតរថយន្តធុនតូចៗ ជាពិសេសសម្រាប់ផ្នែករថយន្ត Kei របស់ប្រទេសជប៉ុន ក៏ដូចជាសម្រាប់ទីផ្សារដែលកំពុងអភិវឌ្ឍ ដោយផ្តល់នូវតម្លៃសមរម្យ និងប្រសិទ្ធភាពប្រេងឥន្ធនៈ ដែលជាចំណុចសំខាន់សម្រាប់ការលក់របស់ពួកគេ។ ក្រុមហ៊ុន Toyota បានបង្កើនជំនាញរបស់ Daihatsu ដោយដាក់ស្លាកសញ្ញាម៉ូដែលមួយចំនួនរបស់ខ្លួនឡើងវិញក្រោមឈ្មោះ Toyota ដែលអនុញ្ញាតឱ្យក្រុមហ៊ុននេះផ្តល់ជូននូវរថយន្តដែលមានតម្លៃសមរម្យនៅក្នុងតំបន់។