ហ្គាហ្សា៖ តួលេខអ្នកស្លាប់បាត់បង់ជីវិតនៅតំបន់ហ្គាហ្សានៅតែបន្តកើនឡើង ហើយបើយោងតាមរបាយការណ៍ចុងក្រោយមួយដែលត្រូវបានចុះផ្សាយដោយបណ្តាញសារព័ត៌មាន Channel News Asia នៅក្នុងថ្ងៃព្រហស្បតិ៍ ទី២១ ខែធ្នូនេះបានឲ្យដឹងថា តួលេខអ្នកស្លាប់បានកើនឡើងដល់ខ្ទង់ ២០,០០០នាក់ហើយ។ នៅក្នុងចំណោមជនរងគ្រោះដែលបានស្លាប់បាត់បង់ជីវិតទាំងអស់នេះគឺភាគច្រើនជាពលរដ្ឋស៊ីវិលប៉ាឡេស្ទីន។ ចំពោះភាគីខាងអ៊ីស្រាអែលវិញហាក់មិនបានបង្ហាញអំពីការកើនឡើងនៃតួលេខអ្នកស្លាប់បាត់បង់ជីវិតឡើយ ហើយគិតត្រឹមពេលនេះគឺនៅមានចំណាត់ខ្មាំងអ៊ីស្រាអែលចំនួន ១២៩នាក់ទៀត ដែលកំពុងស្ថិតនៅក្នុងកណ្តាប់ដៃរបស់ក្រុមហាម៉ាស។ ចំពោះបច្ចុប្បន្នភាពនៃបញ្ហាផ្សេងៗវិញហាក់មិនមានការប្រែប្រួលខ្លាំងឡើយ​ ពោលគឺកងកម្លាំងអ៊ីស្រាអែលនៅតែបន្តវាយកម្ទេចក្រុមហាម៉ាសឲ្យរលាយអស់ដោយមិនខ្វល់ពីការណែនាំរបស់ប្រទេសណាឡើយ ខណៈពិភពលោកអាចត្រឹមតែជួយផ្តល់ជំនួយមនុស្សធម៌ទៅកាន់ពលរដ្ឋស៊ីវីលនៅតំបន់ហ្គាហ្សាប៉ុណ្ណោះ៕ អត្ថបទ៖ ភក្តី ប្រភព៖ Channel News Asia

ថៃ៖ អាជ្ញាធរសុខាភិបាលថៃបានជូនដំណឹងអំពីការរកឃើញករណីឆ្លងជាលើកដំបូងនូវមេរោគនៃជំងឺកូវីដ-១៩ បំប្លែងខ្លួនថ្មីមួយប្រភេទ ដែលត្រូវបានគេចាត់ទុកថាជាមេរោគដែលខ្លាំងបំផុតមួយ នេះបើយោងតាមការចុះផ្សាយរបស់បណ្តាញសារព័ត៌មាន បាងកកងប៉ុស្តិ៍ នៅក្នុងថ្ងៃពុធ ទី២០ ខែធ្នូនេះ។ មេរោគបំប្លែងខ្លួនថ្មីនេះមានឈ្មោះថា JN.1 ដែលជាមេរោគបំប្លែងខ្លួនចេញពីមេរោគកូវីដ-១៩ ប្រភេទអូមេក្រុង។ ប្រភពខាងលើបានបន្តថា ចំណុចខ្លាំងរបស់មេរោគកូវីដ-១៩ ប្រភេទ JN.1 គឺវាពូកែចាប់យកកោសិកាផ្សេងៗ ​និងអាចគេចខ្លួនចេញពីប្រព័ន្ធការពាររាងកាយក្នុងខ្លួនមនុស្សបាន។ យ៉ាងណាក្តី អ្នកជំងឺទី ១ ដែលបានឆ្លងមេរោគនៃជំងឺកូវីដ-១៩ប្រភេទថ្មីនេះនៅពុំទាន់មានរោគសញ្ញាអ្វីធ្ងន់ធ្ងរគួរឲ្យកត់សម្គាល់នៅឡើយទេ ខណៈអ្នកជំងឺកំពុងត្រូវបានដាក់ឲ្យនៅដាច់ដោយឡែកនិងតាមដានយ៉ាងយកចិត្តទុកដាក់បំផុតពីសំណាក់ក្រុមវេជ្ជបណ្ឌិតនៅក្នុងមន្ទីរពេទ្យ Ramathibodi ក្នុងទីក្រុងបាងកក៕ អត្ថបទ៖ ភក្តី ប្រភព៖ បាងកកងប៉ុស្តិ៍

ចិន៖ ក្រុមអ្នកជួយសង្គ្រោះចិនបានរកឃើញសាកសពពលរដ្ឋដែលបានស្លាប់បាត់បង់ជីវិតក្នុងហេតុការណ៍រញ្ជួយដីនៅភាគខាងជើងប្រទេសចំនួន ២០នាក់បន្ថែមទៀត នេះបើយោងតាមរបាយការណ៍ចុងក្រោយមួយដែលត្រូវបានចុះផ្សាយដោយបណ្តាញសារព័ត៌មាន The Strait Time នៅព្រឹកថ្ងៃពុធ ទី២០ ខែធ្នូនេះ។ គិតត្រឹមពេលនេះតួលេខអ្នកស្លាប់មានចំនួន ១៣១នាក់​ ខណៈប្រតិបត្តិការណ៍ស្វែងរកជនរងគ្រោះនៅមិនទាន់បិទបញ្ចប់ទាំងស្រុងនៅឡើយទេ។ ប្រភពខាងលើបានប​ន្តថា ចំពោះអ្នករងរបួសវិញគឺគិតត្រឹមពេលនេះមានចំនួន ៧១០នាក់ ហើយក្នុងនោះក៏មានមួយចំនួនបានរងរបួសកម្រិតធ្ងន់ផងដែរ។ បើតាមអាជ្ញាធរចិនបានបញ្ជាក់ថា គ្រោះរញ្ជួយដីដែលបានកើតឡើងតាំងតែពីយប់ថ្ងៃចន្ទនោះគឺមានកម្រិត ៦,២ រ៉ិចទ័រ និងបានកើតឡើងនៅតាមទីតាំងផ្សេងៗគ្នាជាច្រើនកន្លែង ខណៈតំបន់ Jishishan របស់ខេត្ត Gansu គឺជាកន្លែងដែលទទួលរងគ្រោះថ្នាក់ខ្លាំងជាងគេ​ ដោយនៅក្នុងតំបន់មួយនេះមានតួលេខអ្នកស្លាប់រហូតដល់ ១១៣នាក់ មានអ្នកផ្ទះចំនួន ១៥៥,៣៩៣កន្លែងត្រូវបានបំផ្លាញ និងមានអ្នករងរបួសចំនួន ៥៣៦នាក់ផងដែរ៕ អត្ថបទ៖ ភក្តី ប្រភព៖ The

ថៃ៖ ទីបំផុតអាជ្ញាធរថៃបានបើកឲ្យ​ភ្ញៀវទេសចរជាតិនិងអន្តរជាតិអាចធ្វើដំណើរចូលដល់ល្បាក់ទី២ និងល្បាក់ទី៣នៅក្នុងរូងភ្នំថាំហ្លួងហើយ ក្រោយមានការពន្យាពេលអស់រយៈពេលជាច្រើនឆ្នាំមក។ គួររម្លឹកជូនថា រូងភ្នំថាំហ្លួង ទទួលបានការចាប់អារម្មណ៍យ៉ាងខ្លាំងនៅទូទាំងពិភពលោកកាលពីឆ្នាំ២០១៨កន្លងទៅ ក្រោយមានក្មេងៗដែលជាក្រុមបាល់ទាត់ចំនួន ១២នាក់​ និងគ្រូបង្វឹកម្នាក់បានជាប់នៅក្នុងនោះអស់រយៈពេល ១៧ថ្ងៃ ហើយពួកគេទាំងអស់សុទ្ធមានសំណាងអាចនៅមានជីវិតរស់ទាំងអស់គ្នា។ គួរបញ្ជាក់ជូនថា ក្រោយពេលកើតមានហេតុការណ៍គួរឲ្យចាប់អាមរ្មណ៍ខាងលើនេះបានបន្តិច អាជ្ញាធរថៃក៏បានសម្រេចដាក់តំបន់រូងភ្នំថាំហ្លួង នាងណន ជាឧទ្យានជាតិសម្រាប់ឲ្យភ្ញៀវទេសចរទៅកំសាន្តដែរ តែអ្នកទេសចរណ៍អាចទៅទស្សនារូងភ្នំថាំហ្លួងបានត្រឹមតែល្បាក់ទី ១ប៉ុណ្ណោះ ត្បិតអាជ្ញាធរថៃនៅមិនទាន់អាចធានាបាននូវសុវត្ថិភាពជូនក្រុមអ្នកទេសចរនោះទេ ប្រសិនបើពួកគេចង់ធ្វើដំណើរចូលទៅដល់ល្បាក់ទី៣ ដែលជាកន្លែងក្មេ​ងៗទាំង ១២នាក់ និងគ្រូបង្វឹកពួកគេបានស្នាក់នៅក្នុងអំឡុងពេលជាប់នៅក្នុងរូងភ្នំនោះ។ យ៉ាងណាក្តី ចាប់ពីពាក់កណ្តាលខែធ្នូនេះតទៅឧទ្យានជាតិថាំហ្លួងនាងណន ដែលមានទីតាំងនៅក្នុងខេត្តឈៀងរ៉ាយ បានសម្រេចបើកឲ្យអ្នកទេសចរអាចធ្វើដំណើរចូលទៅដល់ល្បាក់ទី ៣ហើយ ពោលគឺអ្នកទេសចរអាចធ្វើដំណើរនិងស្រាវជ្រាវក្នុងរូងភ្នំបានគ្រប់ទីកន្លែងជាមួយនិងលក្ខខណ្ឌដូចខាងក្រោមនេះ៖ -តម្លៃសំបុត្រសម្រាប់ភ្ញៀវទេសចរជាតិថៃម្នាក់គឺ ៩៥០បាត (២៧ដុល្លារ)  និងសម្រាប់ភ្ញៀវទេសចរអន្តរជាតិម្នាក់គឺ

កូរ៉េខាងជើង៖ ប្រទេសកូរ៉េខាងជើងបានធ្វើការបាញ់សាកល្បងនូវមីស៊ីលប្រភេទ ICMB (Intercontinental Ballistic Missile) ឬ អាចហៅថា មីស៊ីលផ្លោងអន្តរទ្វីបជំនាន់ថ្មីមួយគ្រាប់កាលពីម្សិលមិញ និងបានធ្វើឲ្យកូរ៉េខាងត្បូង​ ជប៉ុន និងអាមេរិកមានការភ្ញាក់ផ្អើលយ៉ាងខ្លាំងចំពោះឥទ្ធិពលរបស់មីស៊ីលនោះ។ មីស៊ីលផ្លោងអន្តរទ្វីបមួយគ្រាប់ននោះមានឈ្មោះថា Hwasong-18 និងមានសមត្ថភាពអាចហោះផ្លោងបានក្នុងរយៈកម្ពស់ ៦,៥១៨គីឡូម៉ែត្រ និងអាចហោះទៅចំគោលដៅដែលមានរយៈចម្ងាយ​ ១,០០២គីឡូម៉ែត្របាន។ នៅក្នុងថ្ងៃអង្គារ ទី១៩ ខែធ្នូនេះប្រទេសកូរ៉េខាងជើងបានចេញមកធ្វើការបញ្ជាក់ថា ការបាញ់សាកល្បងមីស៊ីលផ្លោងអន្តរទ្វីបមួយគ្រាប់ខាងលើនេះគឺជាការត្រៀមខ្លួននិងវាស់ស្ទង់សមត្ថភាពរបស់ខ្លួនក្នុងការប្រកាសសង្គ្រាមនុយក្លេអ៊ែរប្រឆាំងជាមួយនិងការបង្កើនអរិភាពរបស់សហរដ្ឋអាមេរិក។ សូមបញ្ជាក់ជូនថា រឿងរ៉ាវចម្រូងចម្រាសដែលធ្វើឲ្យកូរ៉េខាងជើងមិនសប្បាយចិត្តជាមួយអាមេរិកកាលពីពេលថ្មីៗនេះគឺបានកើតឡើងដោយសារតែអាមេរិកបានធ្វើសមយុទ្ធយោធាទ្រង់ទ្រាយធំរួមគ្នាជាមួយប្រទេសកូរ៉េខាងត្បូង និងជប៉ុននៅតាមតំបន់ឆ្នេរសមុទ្រដែលនៅក្បែរប្រទេសកូរ៉េខាងជើងដែរ៕ អត្ថបទ៖ ភក្តី ប្រភព៖ The Strait Time

ចិន៖ យ៉ាងហោចណាស់មានមនុស្សចំនួន ១១១នាក់បានស្លាប់បាត់បង់ជីវិតដោយសារគ្រោះរញ្ជួយ​ដីដ៏កម្រមួយនៅភាខាងជើងប្រទេសចិន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអង្គារ ទី១៩ ខែធ្នូនេះ។ តួលេខអ្នកស្លាប់និងអ្នករងរបួសអាចបន្តកើនឡើង ដ្បិតគិតត្រឹមពេលនេះប្រតិបត្តិការណ៍ស្វែងរកជនរងគ្រោះនៅក្រោមគំនរបាក់បែកនៅមិនទាន់បិទបញ្ចប់ទាំងស្រុងនៅឡើយទេ។ បើតាមតាមវិទ្យាស្ថានស្ទង់មតិនិងភូមិសាស្ត្រសហរដ្ឋអាមេរិកបានឲ្យដឹងថា គ្រោះរញ្ជួយ​ដីនោះបានកើតឡើងក្នុងកម្រិត ៥,៩ រ៉ិចទ័រ ខណៈរហូតមកទល់នឹងពេលនេះអាជ្ញាធរចិននៅមិនទាន់អាចបញ្ជាក់ច្បាស់អំពីកម្រិតនៃការរញ្ជួយបាននៅឡើយទេ។ ប្រភពខាងលើបានបន្តថា ចំពោះទីតាំងដែលបានរងនូវការវាយប្រហារដោយគ្រោះរញ្ជួយវិញគឺមានជាច្រើនកន្លែងដាច់ដោយឡែកពីគ្នា មានដូចជាខេត្ត Gansu ដែលមានអ្នកស្លាប់បាត់បង់ជីវិតចំនួន ១០០នាក់ ក្រុង Haidong មានអ្នកស្លាប់ចំនួន ១១នាក់ និងរងរបួសជាង ១០០នាក់ ហើយខេត្ត Shaanxi ក៏បានរងនូវការរញ្ជួយដែរ តែពុំមានអ្នករងរបួសនោះទេ៕   អត្ថបទ៖ ភក្តី ប្រភព៖ The

ម៉ាឡេស៊ី៖ ទុរេនមួយផ្លែត្រូវបានលក់ចេញក្នុងតម្លៃរហូតដល់ជិត ៤ពាន់ដុល្លារអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃចន្ទ ទី១៨ ខែធ្នូនេះ។ ទុរេនដ៏មានតម្លៃខ្ពស់បំផុតនេះគឺជាទុរេនប្រភេទ Musang King ដែលត្រូវបានដាំដុះនៅក្នុងតំបន់ Raub នៃរដ្ឋ Pahang ប្រទេសម៉ាឡេស៊ី។ ប្រភពខាងលើបានបន្តថា ការដាក់លក់ទុរេនមួយផ្លែខាងលើនេះត្រូវបានរៀបចំឡើងតាមរយៈពិធីដេញថ្លៃមួយ ដែលរៀបចំឡើងដោយគណៈកម្មាធិការសម្រាប់ទំនាក់ទំនង និងពហុព័ត៌មានប្រចាំរដ្ឋ Pahang សហការណ៍ជាមួយអង្គការក្រៅរដ្ឋាភិបាលមួយចំនួន ខណៈពិធីដេញថ្លៃនេះត្រូវបានរៀបចំឡើងក្នុងគោលបំំណងផ្សព្វផ្សាយអំពីវប្បធម៌ និងធនធានធម្មជាតិសំខាន់ៗមួយចំនួនដែលមាននៅក្នុងរដ្ឋPahang។ សូមបញ្ជាក់ជូនថា តម្លៃចុងក្រោយរបស់ទុរេនមួយផ្លែខាងលើនេះគឺ ១៨៥,០០០ រីងហ្គីត ឬស្នើហ្នឹង ៣៩,៣៩៩ ដុល្លារអាមេរិក៕ អត្ថបទ៖ ភក្តី ប្រភព៖  The Strait

អាមេរិក៖ រថយន្តមួយគ្រឿងបានបើកបុកក្បួនរថយន្តរបស់លោកប្រធានាធិបតី​អាមេរិក ​ខណៈលោក ចូ បៃឌិន ពុំមានគ្រោះថ្នាក់អ្វីនោះទេ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃចន្ទ ទី១៨​ ខែធ្នូនេះ។ គ្រោះថ្នាក់បានកើតឡើងកាលពីម៉ោង៨ និង ៧នាទីយប់ថ្ងៃទី១៧ ខណៈចំណុចកើតហេតុនោះគឺស្ថិតនៅលើដងវិថីដ៏មមាញឹកមួយកន្លែងស្ថិតនៅក្នុងក្រុង Wilmington រដ្ឋ North Carolina សហរដ្ឋអាមេរិក។ ប្រភពខាងលើបានបន្តថា លោកប្រធានាធិបតីអាមេរិក និងលោកជំទាវទី ១  ជៀល បៃឌិន បានអញ្ជើញធ្វើដំណើរទៅទីតាំងកើតហេតុខាងលើនេះដើម្បីចូលរួមយុទ្ធនាការផ្សព្វផ្សាយការបោះឆ្នោតមួយសម្រាប់ឆ្នាំ ២០២៤ ហើយបន្ទាប់មកលោកក៏បាននៅទទួលទានអាហារពេលល្ងាចជាមួយក្រុមការងារនៅនោះ និងបានចេញដំណើរមកវិញទាំងមេឃកំពុងតែធ្លាក់ភ្លៀងខ្លាំង។ លុះក្បួនរថយន្តរបស់លោកប្រធានាធិបតីធ្វើដំណើរមកដល់កន្លែងកើតហេតុស្រាប់តែមានរថយន្តម៉ាក Sedan ពណ៌ទឹកប្រាក់មួយគ្រឿងបើកមកបុកក្បួនរថយន្តដោយអចតនា

​កូរ៉េខាងត្បូង៖ មានស្រ្តីកូរ៉េខាងត្បូងដែលមានអាយុខ្ទង់ ២០ឆ្នាំត្រឹមតែ ២៧,៥ %ប៉ុណ្ណោះដែលមានបំណងចង់រៀបការ នេះបើយោងតាមការសិក្សាមួយដែលត្រូវបានចុះផ្សាយដោយបណ្តាញសារព័ត៌មាន The Strait Time នៅក្នុងថ្ងៃចន្ទ ទី១៨ ខែធ្នូនេះ។ ការសិក្សាមួយនេះត្រូវបានធ្វើឡើងដោយវិទ្យាស្ថានសិត្ថិកូរ៉េខាងត្បូង និងត្រូវបានធ្វើឡើងដោយផ្តោតលើការសម្រេសចិត្តរបស់ក្រុមយុវតីទាំងនោះនៅក្នុងឆ្នាំ​២០២២។  ប្រភពខាងលើបានបន្តថា តួលេខ ២៧,៥% នេះគឺជាអត្រាដែលយុវតីកូរ៉េខាងត្បូងមានបំណងចង់រៀបការទាបបំផុតមិនធ្លាប់មាននោះទេ ហើយបើធ្វើការប្រៀបធៀបទៅនឹងលទ្ធផលនៃការសិក្សានៅក្នុងឆ្នាំ ២០១៨កន្លងទៅគឺអត្រាដូចគ្នានេះមានរហូតដល់ ៥២,៩%។ នៅក្នុងការសិក្សាខាងលើនេះក៏បានបង្ហាញផងដែរថា នៅក្នុងចំណោមបុរសកូរ៉េខាងត្បូងដែលមានអាយុខ្ទង់ ២០ឆ្នាំវិញគឺមានអត្រាអ្នកចង់រៀបការចំនួន ៤១,៩%​ ពោលគឺមានកម្រិតខ្ពស់ជាងស្ត្រី។ ដោយឡែកនៅក្នុងចំណោមស្រ្តីដែលមានអាយុខ្ទង់ ៣០ឆ្នាំវិញគឺមានអត្រាអ្នកចង់រៀបការចំនួន ៣១,៨% សម្រាប់ការសិក្សានៅក្នុងឆ្នាំ ២០២២ ខណៈលទ្ធផលនៃការសិក្សានៅក្នុងឆ្នាំ ២០០៨គឺអាត្រានេះរហូតដល់ ៥១,៥%៕

កូរ៉េខាងត្បូង៖ សីតុណ្ណភាពនៅក្នុងប្រទេសកូរ៉េខាងត្បូងបានចុះត្រជាក់រហូតដល់ -១២,៤អង្សាសេ​កាលពីថ្ងៃអាទិត្យកន្លងទៅ ខណៈនៅព្រឹកថ្ងៃចន្ទទី ១៨ ខែធ្នូនេះសីតុណ្ហភាពបានបន្តធ្លាក់ចុះរហូតដល់ -១៨អង្សាសេ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ យ៉ាងណាក្តី  នៅតាមតំបន់ផ្សេងៗគ្នាមួយចំនួនសីតុណ្ហភាពក៏អាចមានការប្រែប្រួលផងដែរ ខណៈសីតុណ្ហភាពខ្ពស់បំផុតនោះគឺមានកម្រិតត្រឹម -៣អង្សាសេ។ ប្រភពខាងលើបានបន្តថា នៅចំពោះមុខស្ថានភាពអាកាសធាតុចុះត្រជាក់ខ្លាំងនេះកូរ៉េខាងត្បូងក៏ត្រូវប្រឈមនឹងបញ្ហាមួយចំនួនផងដែរ តួយ៉ាងដូចជាកាលពីម្សិលមិញរថភ្លើងជាច្រើនខ្សែបានផ្អាកដំណើរការជាបណ្តោះអាសន្ន ព្រោះតែគ្មានអ្នកដំណើរណាម្នាក់មកជិះនោះទេ ហើយមានអាគារចំនួន ២៨កន្លែងបានរងនូវការខូតខាតដែលបណ្តាលមកពីកម្លាំងខ្យល់បក់យ៉ាងខ្លាំង។ ដោយឡែកកោះ JEJU ដែលជាកោះធំបំផុតរបស់កូរ៉េខាងត្បូងវិញហាក់បានរងផលប៉ះពាល់ខ្លាំងជាងគេ ដោយផ្លូវសាធារណៈប្រមាណជា ១,១០០ខ្សែនៅលើកោះត្រូវបានដាក់ប្រើប្រាស់ក្នុងលក្ខខណ្ឌប្រុងប្រយ័ត្នកម្រិតខ្ពស់ ពោលគឺទាល់តែរថយន្តខ្នាតធំដែលអាចទប់ទល់ជាមួយនឹងកម្លាំងខ្យល់បានទើបត្រូវបានគេអនុញ្ញាតឲ្យធ្វើដំណើរ។ ជាងនេះទៅទៀតជើងហោះហើរទៅកាន់កោះដ៏មានសក្កានុពលមួយនេះជាង ១០០ជើងត្រូវបានលុបចោល និងពន្យាពេលផងដែរ៕ អត្ថបទ៖ ភក្តី ប្រភព៖  Channel News