វៀតណាម៖ យ៉ាងហោចណាស់មានមនុស្សម្នាក់បានស្លាប់បាត់បង់ជីវិតដោយសារតែឥទ្ធិពលរបស់ព្យុះទីហ្វុង Bualoi នៅក្នុងប្រទេសវៀតណាម នេះបើយោងតាមការចុះផ្សាយរបស់បណ្តាញសារ The Strait Time នៅក្នុងថ្ងៃទី២៩ ខែកញ្ញា។ ក្រៅតែពីបានបណ្តាលឱ្យមានមនុស្សត្រូវស្លាប់បាត់បង់ជីវិតហើយ គ្រោះធម្មជាតិនេះក៏បានបណ្តាលឱ្យក្រុមអ្នកនេសាទសមុទ្រចំនួន ១២នាក់ផ្សេងទៀតកំពុងតែបាត់ខ្លួនផងដែរ។ បើតាមអាជ្ញាធរគ្រប់គ្រងគ្រោះមហន្តរាយវៀតណាមបានបញ្ជាក់ថា គិតត្រឹមពេលនេះព្យុះទីហ្វុង Bualoi កំពុងធ្វើការបោកបក់ក្នុងល្បឿនប្រមាណជា ៨៨គីឡូម៉ែត្រនៅក្នុងមួយម៉ោងឆ្លងកាត់ខេត្ត Nghe An ខណៈឥទ្ធិពលរបស់ព្យុះបានបណ្តាលឱ្យមានភ្លៀងធ្លាក់និងខ្យល់បោកបក់យ៉ាងខ្លាំង ដីនៅតំបន់ខ្លះបានបាក់ស្រុត និងចរន្តអគ្គិសនីនៅតំបន់មួយចំនួនត្រូវបានកាត់ផ្តាច់ជាបណ្តោះអាសន្ន។ នៅចំពោះមុខស្ថានភាពគ្រោះថ្នាក់នេះ អាជ្ញាធរវៀតណាមក៏បានធ្វើការជម្លៀសប្រជាពលរដ្ឋប្រមាណជា ២៨,៥០០នាក់ជាបណ្តោះអាសន្នសិនផងដែរ៕ អត្ថបទ៖ ភក្តី ប្រភព៖  The Strait Time

អាមេរិក៖ យ៉ាងហោចណាស់មានមនុស្សចំនួន​ ៤នាក់បានស្លាប់បាត់បង់ជីវិតនៅក្នុងហេតុការណ៍បាញ់ប្រហារគួរឱ្យតក់ស្លុតមួយនៅសហរដ្ឋអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី២៩​ ខែកញ្ញា។ ក្រៅតែពីបានបណ្តាលឱ្យមានមនុស្សត្រូវស្លាប់ភ្លាមៗនៅនឹងកន្លែងកើតហេតុណ៍ហើយ ហេតុការណ៍អកុសលនេះក៏បានបណ្តាលឱ្យមានមនុស្សចំនួន ៨នាក់ផ្សេងទៀតបានរងរបួសផងដែរ។ ប្រភពខាងលើបានបន្តថា ហេតុការ​ណ៍បានកើតឡើងនៅក្នុងព្រះវិហារ Mormon ដែលជាព្រះវិហាររបស់អ្នកកាត់សាសនាគ្រិស្តដ៏ធំមួយ មានទីតាំងស្ថិតនៅក្នុងរដ្ឋ Michigan។ មុនដំបូងឡើយ ជនសង្ស័យដែលមានឈ្មោះថា Thomas Jacob Sanford អាយុ ៤០ឆ្នាំ បានបើករថយន្តចូលទៅក្នុងព្រះវិហារជាធម្មតា បន្ទាប់មករូបគាត់ក៏បានទាញកាំភ្លើងមកបាញ់រះទៅកាន់ហ្វូងមនុស្ស ហើយបន្ទាប់មកទៀតគាត់ក៏បានដុតធ្វើសកម្មភាពដុតព្រះវិហារផងដែរ។ ប្រភពខាងលើបានបន្តថា ជនសង្ស័យដែលបានធ្វើសកម្មភាពតែម្នាក់ឯង ត្រូវបានប៉ូលិសបាញ់សម្លាប់ក្រោយពេលធ្វើសកម្មភាពបានប្រមាណជា ៨នាទី៕ អត្ថបទ៖ ភក្តី ប្រភព៖ The Strait

ថៃ៖ ទីបំផុតអាជ្ញាធរថៃបានរកឃើញ បុគ្គលប្រុសស្រីពីរនាក់ ដែលបាននាំគ្នាធ្វើសកម្មភាពរួមភេទនៅលើរថយន្ត Pickup ពណ៌ខ្មៅមួយគ្រឿងបានហើយ ក្រោយវីដេអូនៃការប្រព្រឹត្តិអំពើអសីលធម៌របស់ពួកគេត្រូវបានបង្ហោះពេញបណ្តាញសង្គម។ យោងតាមការចុះផ្សាយរបស់បណ្តាញសារព័ត៌មាន Khaosod បានឱ្យដឹងថា ហេតុការណ៍បានកើតឡើងនៅក្នុងខេត្តភូកេត ភាគខាងត្បូងប្រទេសថៃ ខណៈបុរសដែលបានប្រព្រឹត្តិសកម្មភាពផ្ទាល់នោះមានឈ្មោះថា Georgii ជាភ្ញៀវទេសចរជនជាតិរុស្ស៊ី និងមានអាយុ ២៣ឆ្នាំ។ ដោយឡែកអត្តសញ្ញាណរបស់ស្រ្តីដែលបានចូលរួមប្រព្រឹត្តិសកម្មភាពខាងលើនេះវិញត្រូវបានបង្ហាញត្រឹមថា គាត់ជាជនជាតិថៃ ដែលបានទទួលប្រាក់ចំនួន ១,០០០បាត (៣១ ដុល្លារ) ពីលោក Georgii ជាថ្នូរនឹងការចូលរួមធ្វើសកម្មភាពជាមួយគ្នា ដើម្បីថតជាវីដេអូសម្រាប់យកទៅបង្កើតជាមាតិកាផ្សេងៗនៅលើបណ្តាញអ៊ីនធឺណិត។ ក្រៅតែពីបានឃាត់ខ្លួនបុគ្គលទាំង ២នាក់នេះហើយ អាជ្ញាធរថៃក៏បាតឃាត់ខ្លួនបុរសជនជាតិរុស្ស៊ីម្នាក់ទៀត​ ដែលជាអ្នកបើករថយន្តផងដែរ​ ដែលគាត់មានឈ្មោះថា Alex និងមានអាយុ ២៥ឆ្នាំ។ អាជ្ញាធរថៃបានបញ្ជាក់ថា អ្នកដែលបានចូលរួមប្រព្រឹត្តិសកម្មភាពមិនសមរម្យដោយផ្ទាល់ទាំង

អាមេរិក៖ តុលាការកំពូលអាមេរិកបានអនុញ្ញាតឱ្យរដ្ឋបាលរបស់លោក ដូណាល់ ត្រាំ កាត់ជំនួយបរទេស ដែលមានតម្លៃសរុបប្រហែលជា ៤ពាន់លានដុល្លារហើយ​ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី២៧ ខែកញ្ញា។ សេចក្តីសម្រេចនេះក៏បានរួមចំណែកជួយឱ្យលោក ដូណាល់ ត្រាំ អាចបន្តអនុវត្តនយោបាយ “America First” (គិតពីប្រយោជន៍អាមេរិកមុនគេ) ក្នុងការដឹកនាំរបស់គាត់ផងដែរ។ សូមបញ្ជាក់ជូនថា តាមគម្រោងគឺកញ្ចប់ជំនួយដែលមានតម្លៃខ្ទង់ ៤ពាន់លានដុល្លារនេះជាកញ្ចប់ថវិកា ដែលរដ្ឋាភិបាលអាមេរិកត្រូវផ្តល់ជាជំនួយតាមរយៈរូបភាពផ្សេងៗទៅកាន់អង្គការ ស្ថាប័ន ឬប្រទេសនានានៅជុំវិញពិភពលោកសម្រាប់ប្រើប្រាស់នៅក្នុងឆ្នាំសារពើពន្ធខាងមុខនេះ ពោលគឺជារយៈពេលពេញមួយឆ្នាំដោយគិតចាប់ពីដើមខែតុលា ឆ្នាំ២០២៥ រហូតដល់ចុងខែកញ្ញា ឆ្នាំ២០២៦។ យ៉ាងណាក្តី យោងតាមសេចក្តីសម្រេចរបស់តុលាការខាងលើនេះគឺមានន័យថា គម្រោងជំនួយរបស់រដ្ឋាភិបាលអាមេរិក

ហ្វីលីពីន៖ យ៉ាងយោចណាស់មានពលរដ្ឋហ្វីលីពីនចំនួន ៣នាក់បានស្លាប់បាត់បង់ជីវិតដោយសារតែឥទ្ធិពលរបស់ព្យុះទីហ្វុង Ragasa នេះបើយោងតាមការចុះផ្សាយរបស់បណ្តាញសារព័ត៌មាន The Strait Time កាលពីយប់ថ្ងៃទី២៦ ខែកញ្ញា។ ទីតាំងដែលកំពុងរងការវាយប្រហារដោយគ្រោះធម្មជាតិយ៉ាងធ្ងន់ធ្ងរនេះគឺតំបន់ Bicol ដែលស្ថិតប៉ែកខាងត្បូង នៃរដ្ឋធានីម៉ានីល។ ប្រភពខាងលើបានបន្តថា ក្រៅតែពីបានបណ្តាលឱ្យមានមនុស្សត្រូវស្លាប់បាត់បង់ជីវិតហើយ អាជ្ញាធរហ្វីលីពីនក៏បានធ្វើការជម្លៀសពលរដ្ឋនៅក្នុងតំបន់រងគ្រោះជាង ៤០០,០០០នាក់ទៅកាន់កន្លែងមានសុវត្ថិភាពជាបណ្តោះអាសន្នសិនផងដែរ។ បើតាមអាជ្ញាធរគ្រប់គ្រងគ្រោះមហន្តរាយហ្វីលីពីនបានបញ្ជាក់ថា គិតត្រឹមពេលនេះព្យុះកំពុងបោកបក់ក្នុងល្បឿន ១១០គីឡូម៉ែត្រក្នុងមួយម៉ោង និងកំពុងបង្កឱ្យមានព្យុះភ្លៀងយ៉ាងខ្លាំងផងដែរ៕ អត្ថបទ៖ ភក្តី ប្រភព៖ The Strait Time  

ចិន៖ របាយការណ៍មួយបានបង្ហាញថា ប្រទេសចិនកំពុងបង្កើតនិងដំឡើងរោងចក្រមនុស្សយន្ត (Factory Robot) ច្រើនជាងប្រទេសណាៗទាំងអស់នៅទូទាំងពិភពលោក រួមទាំងសហរដ្ឋអាមេរិកផងដែរ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី២៦ ខែកញ្ញា។ សូមបញ្ជាក់ជូនថា រោងចក្រមនុស្សយន្ត (Factory Robot) ខាងលើនេះគឺសំដៅដល់ប្រភេទរោងចក្រ ដែលមានប្រតិបត្តិការភាគច្រើនធ្វើឡើងដោយមនុស្សយន្ត ឬម៉ាស៊ីនស្វ័យប្រវត្តិជំនួយឱ្យកម្លាំងពលកម្មម​នុស្ស។ យោងតាមរបាយការណ៍មួយរបស់អង្គការ International Federation of Robotics ដែលទើបបានចុះផ្សាយកាលពីថ្ងៃទី២៥ ខែកញ្ញា ឆ្នាំ២០២៥នេះ បានឱ្យដឹងថា គិតត្រឹមឆ្នាំ២០២៤ នៅប្រទេសចិនទាំងមូលមានការប្រើប្រាស់មនុស្សយន្ត ឬម៉ាស៊ីនស្វ័យប្រវត្តិនៅតាមរោងចក្រជាង ២លានគ្រឿងរួចទៅហើយ ខណៈចិនក៏មានគម្រោងបង្កើនការប្រើប្រាស់មនុស្សយន្ត

ថៃ៖ រដ្ឋមន្ត្រីការបរទេសថ្មីរបស់ប្រទេសថៃបានអំពាវនាវឱ្យភាគីថៃនិងកម្ពុជា គួរកាត់បន្ថយវត្តមានយោធានៅតាមតំបន់ព្រំដែនរួមគ្នាដើម្បីបន្ថយភាពតានតឹង នេះបើយោងតាមការចុះផ្សាយរបស់បណ្តាញសារព័ត៌មាន Reuters នៅក្នុងថ្ងៃទី២៦ ខែកញ្ញា។ រដ្ឋមន្ត្រីការបរទេសថៃរូបនេះមានឈ្មោះថា Sihasak Phuangketkeow ដែលទើបបានស្បថចូលកាន់តំណែងក្នុងថ្ងៃដំណាលគ្នាជាមួយលោកនាយករដ្ឋមន្ត្រីថៃ Anutin Charnvirakul ។ ប្រភពខាងលើបានបន្តថា ការអំពាវនាវខាងលើនេះត្រូវបានធ្វើឡើងក្នុងអំឡុងពេលដែលលោក Sihasak Phuangketkeow បានផ្តល់បទសម្ភាសន៍ទៅកាន់អ្នកការសែតជាច្រើននាក់នៅក្នុងទីក្រុងបាងកក ហើយវាក៏ជាការផ្តល់បទសម្ភាសន៍ជាសាធារណៈលើកដំបូងរបស់រដ្ឋមន្ត្រីការបរទេសរូបនេះផងដែរ ចាប់តាំងពីរូបគាត់បានស្បថចូលកាន់តំណែងជាផ្លូវការមក។ គួរកត់សម្គាល់ថា បញ្ហាជម្លោះនៅតាមតំបន់ព្រំដែនរវាងប្រទេសថៃនិងប្រទេសកម្ពុជាបានអូសបន្លាយជាច្រើនខែមកហើយ ខណៈរហូតមកទល់នឹងពេលនេះកិច្ចព្រមព្រៀងផ្លូវការដើម្បីឈានទៅដល់ការបិទបញ្ចប់បញ្ហាទាំងស្រុងហាក់នៅមិនទាន់ចេញជារូបរាងនៅឡើយទេ៕ អត្ថបទ៖ ភក្តី ប្រភព៖ Reuters

អាមេរិក៖ នៅទីបំផុតលោកប្រធានាធិបតីអាមេរិក ដូណាល់​ ត្រាំ បានចុះហត្ថលេខាលើផែនការលក់ប្រតិបត្តិការរបស់ TikTok នៅសហរដ្ឋអាមេរិកជាផ្លូវការហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី២៦ ខែកញ្ញា។ សម្រាប់អ្នកដែលអាចទិញប្រតិបត្តិការ ឬសិទ្ធគ្រប់គ្រងបណ្តាញសង្គម TikTok នៅលើទឹកដីអាមេរិកបាន គឺអាចជាក្រុមអ្នកវិនិយោគទាំងនៅក្នុងសហរដ្ឋអាមេរិកផ្ទាល់ និងនៅទូទាំងពិភពលោក។ យោងតាមលោក James David Vance អនុប្រធានាធិបតីអាមេរិកបានបញ្ជាក់ថា ចំពោះតម្លៃនៃដាក់លក់សិទ្ធគ្រប់គ្រងប្រតិបត្តិការលើបណ្តាញសង្គម TikTok នៅសហរដ្ឋអាមេរិកខាងលើនេះគឺមានចំនួន ១៤ពាន់លានដុល្លារ។ សូមបញ្ជាក់ជូនថា នៅក្នុងសហរដ្ឋអាមេរិកទាំងមូលគិតត្រឹមពេលបច្ចុប្បន្ននេះគឺកំពុងមានអ្នកប្រើប្រាស់បណ្តាញសង្គម TikTok ចំនួនប្រមាណជា ១៧០លាននាក់ ខណៈគណនីបណ្តាញសង្គម TikTok ផ្ទាល់ខ្លួនរបស់លោកប្រធានាធិបតី ដូណាល់ ត្រាំ មានអ្នកតាមដានចំនួន ១៥លាននាក់ផងដែរ៕

ឥណ្ឌា៖ យ៉ាងហោចណាស់ពលរដ្ឋឥណ្ឌាចំនួន ១០នាក់បានស្លាប់បាត់បង់ជីវិតដោយសារតែព្យុះភ្លៀងដ៏ធ្ងន់ធ្ងរមួយ នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃទី២៥ ខែកញ្ញា។ នៅក្នុងចំណោមអ្នកស្លាប់ទាំង ១០នាក់នោះ គឺមានជនរងគ្រោះចំនួន ៩នាក់បានស្លាប់ដោយសារតែឆក់ចរន្តអគ្គិសនីឆ្លងតាមទឹក ដែលបានជន់លិចយ៉ាងឆាប់រហ័ស។ ប្រភពខាងលើបានបន្តថា ទីតាំងដែលកំពុងរកគ្រោះដោយសារគ្រោះធម្មជាតិនេះគឺ ទីក្រុង Kolkata នៃរដ្ឋ West Bengal ភាគខាងលិច នៃប្រទេសឥណ្ឌា។ បើតាមអាជ្ញាធរគ្រប់គ្រងគ្រោះមហន្តរាយឥណ្ឌាបានបញ្ជាក់ថា ភ្លៀងដែលកំពុងធ្លាក់នៅក្នុងទីក្រុង Kolkata នៅពេលនេះ គឺជាភ្លៀងដែលធ្លាក់ខ្លាំងមិនធ្លាប់មាននោះទេនៅក្នុងរយៈពេល ៣៩ឆ្នាំចុងក្រោយនេះ៕   អត្ថបទ៖ ភក្តី ប្រភព៖ BBC

ថៃ៖ នាយករដ្ឋមន្ត្រីថៃ លោក Anutin Charnvirakul បានឱ្យដឹងថា លោកគ្រោងនឹងធ្វើការរំលាយសភានៅចុងខែមករា ឆ្នាំ២០២៦ ដើម្បីរៀបចំការបោះឆ្នោតជាថ្មី នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី២៥ ខែកញ្ញា។ ចំពោះការបោះឆ្នោតជាទូទៅវិញ គឺគ្រោងនឹងរៀបចំឡើងនៅចុងខែមីនា ឬយ៉ាងយូរបំផុតនៅដើមខែមេសា។ គួររម្លឹកជូនថា លោក Anutin Charnvirakul បានឈ្នះការបោះឆ្នោតនៅក្នុងសភាថៃ ដើម្បីទទួលបានតំណែងជានាយករដ្ឋមន្ត្រីកាលពីដើមខែកញ្ញានេះ ហើយលោកគឺជានាយករដ្ឋមន្ត្រីទី៣ របស់ថៃផងដែរ ប់ើគិតចាប់តាំងពីឆ្នាំ ២០២៣មក។ សូមបញ្ជាក់ជូនថា លោក Anutin Charnvirakul គឺប្រធានគណបក្ស Bhumjaithai ដែលត្រូវបានបង្កើតឡើងនៅក្នុងឆ្នាំ​២០០៨ ហើយមុនពេលចូលកាន់តំណែងជានាយករដ្ឋមន្ត្រីថៃ លោក Anutin