តៃវ៉ាន់៖ យ៉ាងយោចណាស់មានពលរដ្ឋតៃវ៉ាន់ចំនួន​ ១៤នាក់បានស្លាប់បាត់បង់ជីវិតដោយសារឥទ្ធិពលរបស់ព្យុះទីហ្វុង Ragasa នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី២៥ ខែកញ្ញា។ ទីតាំងដែលកំពុងរងឥទ្ធិពលអាក្រក់ពីគ្រោះធម្មជាតិដ៏ធ្ងន់ធ្ងរនេះគឺតំបន់ឆ្នេរ Hualien ដែលស្ថិតនៅប៉ែកខាងកើត នៃកោះតៃវ៉ាន់។ ប្រភពខាងលើបានបន្តថា ក្រៅតែពីបានបណ្តាលឱ្យមានស្លាប់បាត់បង់ជីវិតហើយ គិតត្រឹមពេលនេះក៏នៅមានមនុស្សចំនួន ៣៣នាក់ផ្សេងទៀតកំពុងតែបាត់ខ្លួនផងដែរ។ គួររម្លឹកជូនថា កាលពីថ្ងៃម្សិលមិញអាជ្ញាធរតៃវ៉ាន់បានជូនដំណឹងថា អ្នកស្លាប់មានចំនួនរហូតដល់ ១៧នាក់ តែតួលេខផ្លូវការចុងក្រោយគិតត្រឹមពេលនេះត្រូវកែសម្រួលមកសល់ត្រឹម ១៤នាក់វិញ។ សូមបញ្ជាក់ជូនផងដែរថា តួលេខអ្នកស្លាប់និងបាត់ខ្លួនអាចបន្តមានការប្រែប្រួល ដ្បិតគិតត្រឹមពេលនេះព្យុះទីហ្វុង Ragasa នៅមិនទាន់ថយចុះឥទ្ធិពលនៅឡើយទេ៕ អត្ថបទ៖ ភក្តី ប្រភព៖ The Strait Time

អាមេរិក៖ លោកប្រធានាធិបតីអាមេរិក ដូណាល់ ត្រាំ បានឱ្យដឹងថា កងកម្លាំងអាមេរិកបានវាយប្រហារទូកដឹកគ្រឿងញៀនរបស់វេណេស៊ុយអេឡាមួយគ្រឿងទៀតហើយ នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃទី២០ ខែកញ្ញា។ ដូចនេះគិតត្រឹមពេលនេះគឺមានទូកដឹកគ្រឿងញៀនរបស់វេណេស៊ុយអេឡាចំនួន ៣គ្រឿងហើយ ដែលត្រូវកងកម្លាំងអាមេរិកបើកការវាយប្រហារនៅលើដែនទឹកអន្តរជាតិ។ ប្រភពខាងលើបានបន្តថា នៅក្នុងការវាយប្រហារលើកទី ៣ នេះ កងកម្លាំងអាមេរិកក៏បានសម្លាប់មនុស្សនៅលើទូកអស់ចំនួន ៣នាក់បន្ថែមទៀតផងដែរ ខណៈការវាយប្រហារ ២ដងកន្លងមក គឺបានបណ្តាលឱ្យមានអ្នកស្លាប់សរុបចំនួន ១៤នាក់រួចហើយ។  គួរកត់សម្គាល់ថា ភាពតានតឹងរវាងអាមេរិកនិងវេណេស៊ុយអេឡាបានផ្តើមកើតឡើងបន្ទាប់ពីអាមេរិកបានដាក់ពង្រាយនាវាចម្បាំងទៅកាន់ភាគខាងត្បូងនៃតំបន់ការ៉ាប៊ីន ដែលនៅទីនោះមានការប្រតិបត្តិការណ៍បង្រ្កាបគ្រឿងញៀនទ្រង់ទ្រាយធំរហូតបណ្តាល​ឱ្យមានមនុស្សចំនួន ១១នាក់ត្រូវស្លាប់បាត់បង់ជីវិតផងដែរ៕ អត្ថបទ៖ ភក្តី ប្រភព៖ BBC  

អាមេរិក៖ លោកប្រធានាធិបតីអាមេរិក ដូណាល់ ត្រាំ ចុះហត្ថលេខាលើបទបញ្ជាប្រតិបត្តិពិសេសមួយ ដើម្បីបន្ថែមថ្លៃទិដ្ឋការប្រភេទ H-1B រហូតដល់ ១០០,០០០ដុល្លារនៅក្នុងមួយឆ្នាំ នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃទី ២០ ខែកញ្ញា។ សូមបញ្ជាក់ជូនថា ទិដ្ឋាការ H-1B គឺជាទិដ្ឋការសម្រាប់ផ្តល់ជូនជនបរទេសទាំងឡាយណា ដែលមានជំនាញការងារខ្ពស់ និងមានបំណងចង់ទៅស្នាក់នៅនិងធ្វើការងារក្នុងរយៈពេលកំណត់ណាមួយដោយស្របច្បាប់នៅក្នុងសហរដ្ឋអាមេរិក។ ដូចនេះគឺមានន័យថា ចាប់ពីថ្ងៃចុះហត្ថលេខារបស់លោក ដូណាល់ ត្រាំ ខាងលើនេះ គឺក្រុមជន​បរទេសទាំងអស់ ដែលមានជំនាញការងារខ្ពស់ ហើយមានបំណងចង់ទៅប្រកបការងារនៅលើទឹកដីសហរដ្ឋអាមេរិក គឺត្រូវបង់ប្រាក់ថ្លៃទិដ្ឋការចំនួន ១០០,០០០ដុល្លារក្នុងមួយឆ្នាំ។​ នៅលើបណ្តាញសង្គមរបស់ខ្លួន លោកប្រធានាធិបតីអាមេរិក ដូណាល់ ត្រាំ បានបញ្ជាក់ថា

តៃវ៉ាន់៖ បុរសម្នាក់បានរៀបចំគម្រោងសុំមិត្តស្រីរៀបការគួរឱ្យភ្ញាក់ផ្អើលបំផុត ដោយគាត់បានបង្ហាញផ្ទាំងដែលមានពាក្យ “Marry Me” (រៀបការជាមួយបង) នៅក្នុងក្លុបរថយន្ត Mercedes-Benz ដ៏ទំនើបមួយគ្រឿង តែនៅទីបំផុតគាត់ក៏ត្រូវប៉ូលិសចាប់ខ្លួន ដ្បិតប៉ូលិសបានរកឃើញគ្រឿងញៀននៅក្នុងរថយន្តមួយគ្រឿងនោះ។ យោងតាមការចុះផ្សាយរបស់បណ្តាញសារព័ត៌មាន World of Buzz បានបញ្ជាក់ថា ហេតុការណ៍ខាងលើនេះបានកើតឡើងតាំងពីអំឡុងខែមិថុនាម្លេះ តែករណីនេះទើបផ្ទុះល្បីៗនៅលើបណ្តាញសង្គមកាលពីពេលថ្មីៗនេះ។ ប្រភពខាងលើបានបន្តថា បុរសដែលត្រូវបានប៉ូលិសចាប់ខ្លួនក្នុងថ្ងៃសុំមិត្តរៀបការរូបនេះមានឈ្មោះថា Huang អាយុ ២៩ឆ្នាំ ជាពលរដ្ឋតៃវ៉ាន់ ខណៈហេតុការណ៍ជាក់ស្តែងបានកើតឡើងនៅលើដងផ្លូវដ៏មមាញឹកមួយនៅលើកោះតៃវ៉ាន់។ ដើម្បីហេតុដែលនាំឱ្យមានការឃាត់ខ្លួនលោក Huang គឺដោយសារតែគាត់បានចតរថយន្តដោយខុសច្បាប់ ក្នុងពេលដែលគាត់កំពុងធ្វើសកម្មភាពសុំមិត្តស្រីរៀបការនោះ។ ក្រោយប្រទះឃើញមានរថយន្តចតដោយគ្មានសណ្តាប់ធ្នាប់នៅលើដងផ្លូវ គឺដំបូងឡើយក្រុមប៉ូលិសបានទៅណែនាំឱ្យលោក Huang ចតរថយន្តឱ្យបានត្រឹមត្រូវតាមគំនូសចររាចរណ៍ តែគាត់មិនព្រមធ្វើតាមភ្លាមៗនោះទេ ទើបធ្វើឱ្យប៉ូលិសត្រូវអនុវត្តទៅតាមច្បាប់ ដោយមានទាំងការត្រួតពិនិត្យមើលរថយន្តផងដែរ ហើយក្នុងពេលត្រួតពិនិត្យនោះប៉ូលិសក៏បានរកឃើញមានកញ្ចប់គ្រឿងញៀនប្រភេទខេតាមីនតែម្តង។ ផ្អែកទៅតាមភស្តុតាងជាក់ស្តែង

អាមេរិក៖ ក្រុមហ៊ុន Meta ទើបបានបញ្ចេញវ៉ែនតាឆ្លាតវ័យមួយប្រភេទ ដែលមានឈ្មោះថា Oakley ក្នុងតម្លៃ ៤៩៩ដុល្លារ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១៨ ខែកញ្ញា។ វ៉ែនតា Oakley ត្រូវបានរចនាឡើងជាពិសេសសម្រាប់អត្តពលិក ដោយបានពាក់បំពាក់នូវបច្ចេកវិទ្យាទំនើបៗជាច្រើន ជាមួយនឹងថាមពលថ្ម ដែលអាចប្រើប្រាស់ក្នុងរយៈពេលរហូតដល់ ៩ម៉ោង។ មុខងារសំខាន់ៗរបស់វ៉ែនតា Oakley ឬមានឈ្មោះពេញថា Oakley Meta Vanguard រួមមាន៖ -មានកាមេរ៉ាសម្រាប់មើលសកម្មភាពនៅចំកណ្តាលវ៉ែនតា -មានឧបករណ៍បំពងសំឡេង (Louder Speaker) -មុខងារធន់នឹងទឹកបានខ្លាំង -មានមុខងារកែសម្រួល​ (ពង្រីក​ឬបង្រួម) នៅលើដងវ៉ែនតា -អាចភ្ជាប់ជាមួយនឹងកម្មវិធី

ជប៉ុន៖ ក្រុមហ៊ុនអាកាសចរណ៍ Japan Airlines បានជូនដំណឹងជាសាធារណៈថា នឹងកាត់ប្រាក់ខែនាយកប្រតិបត្តិនិងបុគ្គលិកជាន់ខ្ពស់ចំនួន ៣៧នាក់ ក្រោយកើតមានករណី អ្នកបើកបរយន្តហោះទទួលទានគ្រឿងស្រវឹងច្រើនលើសកម្រិតមុនពេញចូលទៅបំពេញការងារ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១៧​ ខែកញ្ញា។​ នៅក្នុងចំណោមនាយកប្រតិបត្តិនិងបុគ្គលិកជាន់ខ្ពស់ ដែលត្រូវរងនូវការពិន័យកាត់ប្រាក់ខែទាំង ៣៧នាក់ ក៏រួ​មមានទាំងប្រធាន និងសមាជិកក្រុមប្រឹក្សារបស់ក្រុមហ៊ុនផងដែរ។ ប្រភពខាងលើបានបន្តថា ការកាត់បន្ថយប្រាក់ខែចំពោះនាយកប្រតិបត្តិនិងបុគ្គលិកជាន់ខ្ពស់ខាងលើនេះនឹងត្រូវធ្វើឡើងក្នុងកម្រិតផ្សេងៗគ្នា ដូចជាប្រាក់ខែរបស់អគ្គនាយកនឹងត្រូវកាត់បន្ថយចំនួន ៣០%ក្នុងរយៈពេល ២ខែ ប្រាក់ខែរបស់នាយកប្រតិបត្តិទទួលបន្ទុកត្រួតពិនិត្យសុវត្ថិភាពម្នាក់ និងនាយកប្រតិបត្តិទទួលបន្ទុកប្រតិបត្តិការហោះហើរម្នាក់នឹងត្រូវកាត់បន្ថយចំនួន ២០% ក្នុងរយៈពេល ១ខែ ខណៈនាយកប្រតិ​បត្តិនិងបុគ្គលិកជាន់ខ្ពស់ផ្សេងទៀតនឹងត្រូវកាត់បន្ថយចំនួន​ ១០%។ សូមរម្លឹកជូនថា រឿងរ៉ាវចម្រូងចម្រាសខាងលើនេះបានកើតឡើងកាលពីសប្តាហ៍មុន ដោយមានអ្នកបើកបរយន្តហោះសម្រាប់ជើងហោះហើរអន្តរជាតិមួយចំនួនត្រូវបានរកឃើញថា

លោក Antonio Guterre  អគ្គលេខាធិការអង្គការសហប្រជាជាតិ (UN) បានកំពុងតែរៀបចំសំណើកាត់បន្ថយថវិកាសម្រាប់ប្រើប្រាស់ក្នុងឆ្នាំ២០២៦ ចំនួន ១៥%ហើយ នេះបើយោងតាមការចុះផ្សាយរប​ស់បណ្តាញសារព័ត៌មាន The Strait Time នៅក្នុងថ្ងៃទី១៧​ ខែកញ្ញា។ តាមការគ្រោងទុក សំណើខាងលើនេះនឹងត្រូវអនុម័តជាផ្លូវការក្នុងពេលឆាប់ៗនេះ ដោយគ្មានការកែប្រែអ្វីឡើយ។ ប្រភពខាងលើបានបន្តថា កែសម្រួលកញ្ចប់ថវិកាដ៏ច្រើនខាងលើនេះក៏អាចនាំឱ្យមានការកាត់បន្ថយបុគ្គលិកចំនួន ២,៦៨១នាក់ផងដែរ។ សូមរម្លឹកជូនថា កាលពីខែសីហាកន្លងទៅអង្គការសហប្រជាជាតិធ្លាប់បានជូនដំណឹងថា អង្គការនឹងកាត់បន្ថយកញ្ចប់ថវិកាប្រចាំឆ្នាំ២០២៦ ចំនួន ១៥% ដែលស្មើនឹងទឹកប្រាក់ប្រមាណជា ៥០០លានដុល្លារ និងកាត់បន្ថយបុគ្គលិកចំនួន ១៩% ឬស្មើនឹងជាង ២,០០០នាក់នៅទូទាំងពិភពលោក ដើម្បីឆ្លើយតបទៅនឹងការផ្អាកផ្តល់ជំនួយយ៉ាងច្រើនពីសហរដ្ឋអាមេរិក៕ អត្ថបទ៖ ភក្តី

ម៉ាឡេស៊ី៖ តួលេខអ្នកស្លាប់បាត់បង់ជីវិតដោយសារជំនន់ទឹកភ្លៀងនិងការបាក់ដីនៅម៉ាឡេស៊ីបានកើតឡើងដល់ ១២នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia ដោយគិតត្រឹមយប់ថ្ងៃទី១៦ ខែកញ្ញា។ ទីតាំងជាកន្លែងកំពុងរងការវាយប្រហារដោយគ្រោះធម្មជាតិនេះគឺរដ្ឋ Sabah ដែលស្ថិតនៅប៉ែកខាងជើង នៃប្រទេសម៉ាឡេស៊ី។ គួរបញ្ជាក់ជូនថា គ្រោះធម្មជាតិខាងលើនេះបានផ្តើមកើតមានជាច្រើនថ្ងៃមកហើយ ដោយវាបានបង្កឡើងសារតែឥទ្ធិពលរបស់ព្យុះទីហ្វុង Kajiki។ នៅចំពោះមុខស្ថានភាពអាសន្ននេះ លោកនាយករដ្ឋមន្ត្រីម៉ាឡេស៊ី Anwar Ibrahim បានសម្រេចអនុម័តកញ្ចប់ថវិកាសង្គ្រោះបន្ទាន់ចំនួន ១០លានរីងហ្គីត (២,៣៨លានដុល្លារ) សម្រាប់យកទៅប្រើប្រាស់ក្នុងប្រតិបត្តិការណ៍ជួយជនរងគ្រោះដែលបានរងផលប៉ះពាល់ក្នុងរូបភាពផ្សេងៗគ្នា ដូចជាអ្នកដែលត្រូវជម្លៀសខ្លួន អ្នករងរបួស​ និងក្រុមគ្រួសារនៃជនរងគ្រោះដែលបានស្លាប់បាត់បង់ជីវិតជាដើម៕ អត្ថបទ៖ ភក្តី ប្រភព៖ Channel News Asia  

ចិន៖ តុលាការក្រុងសៀងហៃ ប្រទេសចិន បានបង្គាប់ឱ្យយុវជនចំនួន ២រូបត្រូវបង់ប្រាក់សងជំងឺចិត្តទៅកាន់ភោជនីយដ្ឋានមួយកន្លែងចំនួន ២,២ លានយ័ន (៣០៩,០៣២ ដុល្លារអាមេរិក) ក្រោយពួកគេបាននាំគ្នាធ្វើសកម្មភាពនោមដាក់ឆ្នាំងស៊ុប Hotpot នៅក្នុងភោជនីយដ្ឋាន និងថតជាវីដេអូបង្ហោះលេងពេញបណ្តាញសង្គម។ យោងតាមការចុះផ្សាយរបស់បណ្តាញសារព័ត៌មាន Channel News Asia បានឱ្យដឹងថា រឿងរ៉ាវចម្រូងចម្រាសនេះបានកើតឡើងនៅក្នុងភោជនីយដ្ឋាន Haidilao Hotpot នៅក្នុងទីក្រុងសៀងហៃ និងបានកើតឡើងតាំងតែចុងខែកុម្ភៈម្លេះ ខណៈសេចក្តីសម្រេចរបស់តុលាការទើបត្រូវបានធ្វើឡើងកាលពីពេលថ្មីៗនេះ។ យុវជនទាំង ២រូបនោះមានឈ្មោះ Tang និង ឈ្មោះ Wu មានអាយុ ១៧ឆ្នាំដូចគ្នា ហើយនៅក្នុងថ្ងៃកើតហេតុនោះ ពួកគេបានទៅញ៉ាំស៊ុប Hotpot

អាមេរិក៖ លោកប្រធានាធិបតីអាមេរិក ដូណាល់ ត្រាំ បានឱ្យដឹងថា​ អាមេរិកបានវាយប្រហារទៅលើទូកដឹកគ្រឿងញៀនមួយគ្រឿងរបស់ប្រទេសវេណេស៊ុយអេឡា ដែលបានបើកចូលដែនទឹកអន្តរជាតិ នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃទី១៦​​ ខែកញ្ញា។ ក្នុងការវាយប្រហារនោះក៏បានបណ្តាលឱ្យមនុស្សចំនួន ៣នាក់ត្រូវស្លាប់បាត់បង់ជីវិតផងដែរ។ យ៉ាងណាក្តី លោកប្រធានាធិបតីអាមេរិក ដូណាល់ ត្រាំ មិនបានបង្ហាញភស្តុតាងជាក់លាក់ដែលបង្ហាញថា ទូកមួយគ្រឿងនោះពិតជាបានផ្ទុកគ្រឿងញៀនមែននោះទេ​ ខណៈលោកអាចបញ្ជាក់ត្រឹមថា ទូកមួយគ្រឿងនោះកំពុងព្យាយាមធ្វើដំណើរចូលមកកាន់ដែនដីអាមេរិក។ គួរកត់សម្គាល់ថា ភាពតានតឹងរវាងអាមេរិកនិងវេណេស៊ុយអេឡាបានផ្តើមកើតឡើងបន្ទាប់ពីអាមេរិកបានដាក់ពង្រាយនាវាចម្បាំងទៅកាន់ភាគខាងត្បូងនៃតំបន់ការ៉ាប៊ីន ដែលនៅទីនោះមានការប្រតិបត្តិការណ៍បង្រ្កាបគ្រឿងញៀនទ្រង់ទ្រាយធំរហូតបណ្តាល​ឱ្យមានមនុស្សចំនួន ១១នាក់ត្រូវស្លាប់បាត់បង់ជីវិតផងដែរ៕ អត្ថបទ៖ ភក្តី ប្រភព៖BBC