ថៃ៖ ទីបំផុតរដ្ឋសភាថៃបោះឆ្នោតជ្រើសតាំងលោក Anutin Charnvirakul ជានាយករដ្ឋមន្ត្រីជាផ្លូវការហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅរសៀលថ្ងៃទី៥ ខែកញ្ញា។ លោក Anutin Charnvirakul បានក្លាយជានាយករដ្ឋមន្ត្រីទី៣២ របស់ថៃ ជំនួសលោកស្រី Paetongtarn Shinawatra ដែលត្រូវបានតុលាការធម្មនុញ្ញដកចេញ ពីតំណែងកាលពីសប្ដាហ៍មុន។ ប្រភពខាងលើបានបន្តថា ក្នុងការទទួលបានតំណែងជានាយករដ្ឋមន្ត្រីថៃនេះ លោក Anutin Charnvirakul ទទួលបានសំឡេងគាំទ្រពីសំណាក់សមាជិកសភាមកពីគណបក្សផ្ទាល់របស់លោក គឺគណបក្ស Bhumjaithai Party ក្នុងសំឡេងរហូតដល់ ១៤៦ និងទទួលបានសំឡេងគាំទ្រពីគណបក្សដែលជាសម្ព័ន្ធមិត្ត គឺគណបក្ស People’s Party ក្នុងសំឡេង

អាហ្វហ្គានីស្ថាន៖ ជនរងគ្រោះដែលបានស្លាប់បាត់បង់ជីវិតពីហេតុការណ៍រញ្ជួយដីនៅក្នុងប្រទេសអាហ្វហ្គានីស្ថាននៅតែប​ន្តកើនឡើង បើទោះជាគ្រោះធម្មជាតិដ៏អាក្រក់បានកើតឡើងជាច្រើនថ្ងៃមកហើយក្តី។ យោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី៥​ ខែកញ្ញា បានឱ្យដឹងថា គិតត្រឹមពេលនេះតួលេខអ្នកស្លាប់បានកើនឡើងជាង ២,២០០នាក់ហើយ។ របាយការ​ណ៍ចុងក្រោយមួយរបស់អាជ្ញាធរអាហ្វហ្គានីស្ថានបានបញ្ជាក់ថា នៅក្នុងខេត្ត Kunar បានរកឃើញមានអ្នកស្លាប់ចំនួន ២,២០៥ នាក់ និងរបួសចំនួន ៣,៦៤០នាក់ ហើយនៅក្នុងខេត្ត Nangarhar និងខេត្ត Laghman បានរកឃើញមានអ្នកស្លាប់ចំនួន ១២នាក់ និងរបួសជាច្រើនរយនាក់។សូមរម្លឹកជូនថា ហេតុការណ៍រញ្ជួយដីនៅក្នុងប្រទេសអាហ្វហ្គានីស្ថានបានកើតឡើងតាំងតែពីចុងសប្តាហ៍មុនម្លេះ ដោយគ្រោះរញ្ជួយដីបានកើតឡើងក្នុងកម្រិត ៦រ៉ិចទ័រ៕ អត្ថបទ៖ ភក្តី ប្រភព៖ Channel News Asia      

អាមេរិក៖ លោកប្រធានាធិបតី​អា​មេ​រិ​កក​ដូ​ណា​ល់ ​ត្រាំ ​គ្រោងចុះហត្ថលេខលើក្រឹត្យពិសេសមួយដើម្បីប្តូរឈ្មោះ “ក្រសួង​ការពារជាតិ”​ ទៅជា​ “ក្រសួងសឹក​សង្គ្រាម” ​វិញ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី ៥ ខែកញ្ញា។ ការផ្លាស់ប្តូរក្រសួងដ៏សំខាន់មួយនេះក៏ត្រូវបានគេមើឃើញថា គឺ​ជា​ការ​ផ្លាស់​ប្ដូរ​ដ៏ធំមួយ​ក្នុង​ប្រវត្តិសាស្ត្រអាមេរិកផងដែរ​។ ប្រភពខាងលើបានបន្តថា តាមការពិតឈ្មោះ “ក្រសួងសឹក​សង្គ្រាម” មិនមែនជាឈ្មោះថ្មីសម្រាប់សហរដ្ឋអាមេរិកនោះទេ ដ្បិតកាលពីអតីតកាលឈ្មោះនេះគឺធ្លាប់ត្រូវបានប្រើប្រាស់រួចហើយនៅមុនសង្គ្រាមលោកលើកទី២ ។ យ៉ាង​ណាក្តី នៅក្នុងឆ្នាំ ១៩៤៩ លោកប្រធានាធិបតីអាមេរិក ឌ្រួ​ម៉ា​ន់ បានសម្រេចប្តូរឈ្មោះ “ក្រសួងសឹក​សង្គ្រាម” ទៅជា “ក្រសួង​ការពារជាតិ” ដើម្បីងាយស្រួល​រៀបចំក្បាល​ម៉ា​ស៊ីន​យោធា​អា​មេ​រិ​ក​ឡើង​វិញក្រោយង្គ្រាមលោកលើទី២ បានបញ្ចប់៕ អត្ថបទ៖ ភក្តី

ម៉ាឡេស៊ី៖ អាជ្ញាធរម៉ាឡេស៊ីបានព្រមានក្រុមហ៊ុន TikTok ឱ្យរឹតបន្តឹងលើការកំណត់អាយុអ្នកប្រើប្រាស់នៅតាមបណ្តាប្រទេសក្នុងតំបន់អាស៊ីអាគ្នេយ៍ ដើម្បីទប់ស្កាត់ការគំរាមកំហែងតាមអ៊ីនធឺណិត នេះបើយោងតាមការចុះផ្សាយរបស់បណ្តាញសារព័ត៌មាន Chanel News Asia នៅក្នុងថ្ងៃសុក្រ​ ទី៥​ ខែកញ្ញា។ ការព្រមានខាងលើនេះត្រូវបានធ្វើឡើងពីសំណាក់លោក Fahmi Fadzil ដែលជារដ្ឋមន្ត្រីក្រសួងទំនាក់ទំនង នៃប្រទេសម៉ាឡេស៊ី។ បើតាមលោករដ្ឋមន្ត្រីរូបនេះបានបញ្ជាក់ថា នាពេលកន្លងមកក្រុមហ៊ុន TikTok ធ្លាប់បានអះអាងថា ក្រុមហ៊ុនបានកំណត់ឱ្យអ្នកប្រើប្រាស់បណ្តាញសង្គមរបស់ខ្លួនត្រូវមានអាយុលើសពី ១៣ឆ្នាំឡើងទៅ ប៉ុន្តែជាក់ស្តែងគេនៅតែមើលឃើញថា មានក្មេងៗអាយុតិចជាងការកំណត់នេះនៅតែអាចប្រើប្រាស់បណ្តាញសង្គម TikTok បានជាធម្មតា។ លោក Fahmi Fadzil បានបន្តថា អ្នកប្រើប្រាស់បណ្តាញសង្គម TikTok វ័យក្មេងទាំងនេះហើយ ដែលជាជនរងគ្រោះក្នុងករណីគំរាមគំហែងតាមអ៊ីនធឺណិតតាមរយៈរូបភាពផ្សេងៗ៕ អត្ថបទ៖ ភក្តី ប្រភព៖ Chanel

អាមេរិក៖ លោកប្រធានាធិបតីអាមេរិក​ ដូណាល់ ត្រាំ បានចុះហត្ថលេខាលើបទបញ្ជាមួយ ដែលអនុញ្ញាតឱ្យមានការកាត់បន្ថយពន្ធនាំចូលរថយន្តនិងផលិតផលមួយចំនួនទៀតពីប្រទេសជប៉ុនមកសល់ត្រឹមអត្រា ១៥%ប៉ុណ្ណោះ នេះបើយោងតាមការចុះផ្សាយរបស់បណ្តញសារព័ត៌មាន Channel News Asia នៅក្នុងថ្ងៃសុក្រ ទី៥ ខែកញ្ញា។ ការអនុវត្តពន្ធនាំចូលរថយន្តក្នុងអត្រា ១៥% នេះ នឹងត្រូវអនុវត្តក្នុងរយៈពេល ៧ថ្ងៃបន្ទាប់ពីថ្ងៃចុះហត្ថលេខាខាងលើនេះ។ គួររម្លឹកជូនថា​ នាពេលកន្លងរដ្ឋបាលរបស់លោក ដូណាល់ ត្រាំ ធ្លាប់កំណត់អត្រាពន្ធនាំចូលរថយន្តពីប្រទេសជប៉ុនក្នុងអត្រារហូតដល់ ២៧,៥% ហើយអត្រាពន្ធដ៏ខ្ពស់នេះបានធ្វើឱ្យប៉ះពាល់ដល់ក្រុមហ៊ុនផលិតរថយន្តជប៉ុនយ៉ាងខ្លាំង។ ជាក់ស្តែងរបាយការណ៍មួយបានបង្ហាញថា កាលពីខែមុនក្រុមហ៊ុនផលិតរថយន្ត Toyota របស់ជប៉ុនបានខាតបង់ប្រាក់អស់ចំនួន ១០ពាន់លានដុល្លារ ដោយច្បាប់ដំឡើងពន្ធគយរបស់អាមេរិក។ គួរកត់សម្គាល់ថា ការសម្រេចបន្ថយពន្ធនាំចូលលើរថយន្តជប៉ុនពីសំណាក់សហរដ្ឋអាមេរិកនៅពេលនេះ

នីហ្សេរីយ៉ា៖ យ៉ាងហោចណាស់មានមនុស្សចំនួន ៦០នាក់បានស្លាប់បាត់បង់ជីវិតនៅក្នុងហេតុការណ៍លិចទូកមួយគ្រឿងនៅក្នុងរដ្ឋ Niger នៃប្រទេសនីហ្សេរីយ៉ា នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី៤ ខែកញ្ញា។ ទន្ទឹមគ្នានេះ ក៏មានម​នុស្សចំនួន ១០នាក់ផ្សេងទៀតមានស្ថានភាពធ្ងន់ធ្ងរ និងកំពុងទទួលការសង្គ្រោះបន្ទាន់នៅមន្ទីរពេទ្យផងដែរ។ ប្រភពខាងលើបានបន្តថា​ ទូកដែលបានជួបគ្រោះថ្នាក់ខាងលើនេះមានផ្ទុកមនុស្សសរុបចំនួន ១០០នាក់ និងមានទិសដៅធ្វើដំណើរចេញពីតំបន់ Tungan Sule នៃស្រុក Malale ឆ្ពោះទៅកាន់តំបន់ Dugga នៃសហគមន៍ Gausawa ខណៈទូកបានលិចក្រោយធ្វើដំណើរបានពាក់កណ្តាលផ្លូវ។ សូមបញ្ជាក់ជូនថា ហេតុការណ៍លិចទូកនៅក្នុងប្រទេសនីហ្សេរីយ៉ាបានកើតឡើងជារឿយៗ ហើយមូលហេតុចម្បងដែលនាំឱ្យទូកត្រូវលិចគឺភាគច្រើនបណ្តាលមកពីការផ្ទុកអ្នកដំណើរច្រើនលើសកំណត់ស្តង់ដាសុវត្ថិភាព៕ អត្ថបទ៖ ភក្តី ប្រភព៖The Strait Time  

អាមេរិក៖ គណៈវិនិច្ឆ័យសហព័ន្ធសហរដ្ឋអាមេរិក បានកំណត់ឱ្យក្រុមហ៊ុន Google ត្រូវបង់ប្រាក់ចំនួន ៤២៥លានដុល្លារ ជុំវិញករណីបំពានសិទ្ធឯកជនរបស់អ្នកប្រើប្រាស់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី ៤ ខែកញ្ញា។ សាលក្រម​នេះ​ត្រូវបានធ្វើ​ឡើង​បន្ទាប់​ពីមាន​ការ​កាត់​ទោស​មួយនៅ​តុលាការ​សហព័ន្ធ​ក្នុង​ទីក្រុង San Francisco រដ្ឋ California។ គួរកត់សម្គាល់ថា ករណីបំពានសិទ្ធឯកជនរបស់អ្នកប្រើប្រាស់បង្កឡើងដោយក្រុមហ៊ុន Google បានកើតមានជារឿយៗ ហើយករណីបទល្មើសនេះបានកើតឡើងក្នុងទម្រង់ជាការលួចប្រមូលព័ត៌មានផ្ទាល់ខ្លួន និងចំណូលចិត្តរបស់អ្នកប្រើប្រាស់ ដើម្បីឱ្យពួកគេអាចមើលឃើញឬទទួលបានការផ្សព្វផ្សាយពាណិជ្ជកម្ម​ទាំងឡាយណា ដែលត្រូវនឹងទំនោរចិត្តរបស់ពួកគេ។ យ៉ាងណាក្តី ការលួចប្រមូលទិន្នន័យពីអ្នកប្រើប្រាស់ទាំងនេះ ត្រូវបានធ្វើឡើងដោយគ្មានការអនុញ្ញាតពីសមីខ្លួនឡើយ ហើយពេលខ្លះវាក៏បានធ្វើឱ្យប៉ះពាល់ដល់ឯកជនភាពរបស់អ្នកប្រើប្រាស់យ៉ាងខ្លាំងផងដែរ៕ អត្ថបទ៖ ភក្តី ប្រភព៖ The Strait Time

ព័រទុយហ្គាល់៖ យ៉ាង​ហោចណាស់មានមនុស្សចំនួន ១៥នាក់បានស្លាប់បាត់បង់ជីវិតនៅក្នុងហេតុការណ៍ក្រឡាប់រថយន្តភ្លើងខ្នាតមួយគ្រឿង នៅក្នុងទីក្រុង Lisbon នៃប្រទេសព័រទុយហ្គាល់ នេះបើយោងតាមការចុះផ្សាយរបស់បណ្តាញសារព័ត៌មាន​ Channel News Asia នៅក្នុងថ្ងៃពុធ ទី៤ ខែកញ្ញា។ ក្រៅតែពីបានបណ្តាលឱ្យមានមនុស្សស្លាប់បាង់បង់ជីវិតហើយ ហេតុការណ៍គ្រោះថ្នាក់នេះក៏បានបណ្តាលឱ្យមនុស្សចំនួន ១៨នាក់ផ្សេងទៀតរងរបួសផងដែរ។ រហូតមទល់នឹងពេលនេះ អាជ្ញាធរក្រុង Lisbon នៅមិនទាន់អាចបញ្ជាក់ពីមូលហេតុបច្ចេកទេសជាក់លាក់ ដែលបណ្តាលឱ្យរថយន្តភ្លើងខ្នាតតូចមួយគ្រឿងនេះត្រូវបើកធ្លាក់ផ្លូវ និងបណ្តាលឱ្យមានគ្រោះថ្នាក់ធ្ងន់ធ្ងរដូចខាងលើនេះនៅឡើយទេ ខណៈករណីគ្រោះថ្នាក់នេះគឺជាករណីកម្រមួយ។ សូមបញ្ជាក់ជូនថា រថយន្តភ្លើងខ្នាតតូច (The cable car railway) គឺមធ្យោបាយ​ធ្វើដំណើរសម្រាប់អ្នកទេសចរដ៏ពេញនិយមមួយនៅក្នុងទីក្រុង Lisbon ហើយជាមធ្យមនៅក្នុងមួយឆ្នាំគឺរថយន្តភ្លើងខ្នាតតូចនេះអាចទាក់ទាញភ្ញៀវទេសចរឱ្យមកជិះលេងកម្សាន្តប្រមាណជា ៣លាននាក់៕ អត្ថបទ៖ ភក្តី ប្រភព៖ Channel

ចិន៖ លោកប្រធានាធិបតីចិន ស៊ី ជិនពីង បានថ្លែងថា ពិភពលោកអាចប្រឈមមុខទៅនឹងជម្រើសរវាងសន្តិភាព ឬសង្រ្គាមបាន នេះបើយោងតាមការចុះផ្សាយរបស់បណ្តាញសារព័ត៌មាន Reuters នៅរសៀលថ្ងៃទី៣ ខែកញ្ញា។ ការថ្លែងខាងលើនេះត្រូវបានធ្វើឡើងនៅក្នុងអំឡុងពេល ដែលលោក ស៊ី ជិនពីង ថ្លែងសុន្ទរកថាបើកពិធីព្យុហយាត្រាយោធាដ៏ធំមួយនៅទីក្រុងប៉េកាំង។ គួរកត់សម្គាល់ថា នៅក្នុងពិធីព្យុហយាត្រាយោធារបស់ប្រទេសចិនខាងលើនេះ ក៏មានការចូលរួមពីសំណាក់ប្រមុខដឹកប្រទេសកូរ៉េខាងជើង គឺលោក គីម ជុងអ៊ុន និងលោកប្រធានាធិបតីរុស្ស៊ី​ វ៉្លាឌីមៀរ ពូទីន ផងដែរ។​ ចំណុចដែលគួរឱ្យសម្គាល់មួយទៀតថា គឺចិនបានបង្ហាញនូវអាវុធទំនើបជាច្រើន រួមមានទាំងអាវុធឡាស៊ែរ មីស៊ីលផ្លោងនុយក្លេអ៊ែរ និងដ្រូនក្រោមទឹកផងដែរ។ សូមបញ្ជាក់ជូនថា ការរៀបពិធីព្យុហយាត្រាយោធាទ្រង់ទ្រាយធំខាងលើនេះ គឺត្រូវបានរៀបចំឡើងចំខួបលើកទី ៨០

កូរ៉េខាងត្បូង៖ យ៉ាងហោចណាស់មានមនុស្សចំនួន ៣នាក់បានស្លាប់បាត់បង់ជីវិតនៅក្នុងហេតុការណ៍ចាក់សម្លាប់យ៉ាងកម្រោលមួយនៅក្នុងហាងលក់ភីហ្សាមួយកន្លែងក្នុងទីក្រុងសេអ៊ូល ប្រទេសកូរ៉េខាងត្បូង នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី៣ ខែកញ្ញា។ នៅក្នុងចំណោមជនរងគ្រោះទាំង ៣នាក់នោះគឺមាន ២នាក់ជាបុរស និងមានម្នាក់ជាស្រ្តី ដែលស្លាប់បាត់បង់ជីវិត ក្រោយបញ្ជូនទៅដល់មន្ទីរពេទ្យ។ បើតាមប៉ូលិសកូរ៉េខាងត្បូងបានបញ្ជាក់ថា ជនបង្កហេតុគឺជាម្ចាស់លក់ភីហ្សាខាងលើនេះផ្ទាល់តែម្តង ហើយមុនពេលដែលរូបគាត់ធ្វើសកម្មភាពយកកាំបិទទៅចាក់សម្លាប់មនុស្សយ៉ាងកម្រោលនេះ គឺរូបគាត់បានកើតមានជម្លោះជាមួយអ្នកម៉ៅការម្នាក់យ៉ាងខ្លាំង។ តាមការសន្និដ្ឋានបឋម សកម្មភាពចាក់សម្លាប់មនុស្សនេះអាចកើតឡើងដោយសារតែកំហឹងរបស់ម្ចាស់ហាង ដែលបង្កឡើងដោយសារជម្លោះរបស់គាត់ ដ្បិតគេបានមើលឃើញថា ក្រោយពេលមានជម្លោះភ្លាមៗ ជនបង្កហេតុក៏បានព្យាយាមធ្វើបាបខ្លួនឯងផងដែរ៕ អត្ថបទ៖ ភក្តី ប្រភព៖  Channel News Asia