អាមេរិក៖ លោកប្រធានាធិបតីអាមេរិក ដូណាល់ ត្រាំ បានឱ្យដឹងថា លោកនឹងជួបជាមួយលោកប្រធានាធិបតីចិន ស៊ី ជិនភីង ដោយផ្ទាល់ដើម្បីចរចារអំពីបញ្ហានៃបណ្តាញសង្គម TikTok នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១៦ ខែកញ្ញា។ ចំពោះកាលបរិច្ឆេទជាក់លាក់នៃជំនួបរវាងមេដឹកកំពូលទាំង ២រូបនេះវិញគឺត្រូវបានកំណត់យកថ្ងៃទី ១៩ ខែកញ្ញា។ នៅលើបណ្តាញសង្គមផ្ទាល់ខ្លួន លោកប្រធានាធិបតីអាមេរិក ដូណាល់ ត្រាំ បានបញ្ជាក់ថា ដំណោះស្រាយដ៏ស្របស្រមមួយរវាងភាគីអាមេរិកនិងចិនត្រូវតែកើតមានឡើង​ ហើយបើទោះជាដំណោះស្រាយត្រូវបានបង្កើតឡើងក្នុងទម្រង់យ៉ាងណាក៏ដោយ ក៏ទំនាក់ទំនងរវាងអាមេរិកនិងចិននៅតែមានភាពល្អប្រសើរដែរ។ រហូតមកទល់នឹងពេលនេះ ភាគីចិននៅមិនទាន់បង្ហាញប្រតិកម្មយ៉ាងណានៅឡើយទេចំពោះរឿងរ៉ាវចម្រូងចម្រាសខាងលើនេះ ខណៈភាគីចិន​ក៏រំពឹងចង់បញ្ចប់បញ្ហាខាលើនេះឱ្យបានឆាប់រហ័សផងដែរ៕  អត្ថបទ៖ ភក្តី ប្រភព៖  The

អាមេរិក៖ លោកប្រធានាធិបតីអាមេរិក ដូណាល់ ត្រាំ ព្រមានប្រកាសដាក់ទីក្រុងវ៉ាស៊ីនតោនក្នុងភាពមានអាសន្ន នេះបើយោងតាមការចុះផ្សាយរបស់បណ្តាញសារព័ត៌មាន VN Express នៅក្នុងថ្ងៃទី១៥ ខែកញ្ញា។ ការព្រមាននេះត្រូវបានធ្វើឡើងក្រោយអភិបាលក្រុងវ៉ាស៊ីនតោន គឺលោកស្រី​ Muriel Elizabeth Bowser បានប្រកាសថា ប៉ូលិសក្រុងវ៉ាស៊ីនតោននឹងមិនសហការជាមួយភ្នាក់ងារអនុវត្តច្បាប់អន្តោប្រវេសន៍ និងគយនោះទេ។ សូមបញ្ជាក់ជូនថា  ភ្នាក់ងារអនុវត្តច្បាប់អន្តោប្រវេសន៍ និងគយ (Immigration and Customs Enforcement) ឬកាត់ថា ភ្នាក់ងារ ICE បានកំពុងតែបំពេញបេសកកម្មរបស់ខ្លួនយ៉ាងតឹងរឹងបំផុតនៅតាមបណ្តារដ្ឋនិងក្រុងនានានៅទូទាំងសហរដ្ឋអាមេរិក ដោយក្រុមភ្នាក់ងារពិសេសនេះបានចុះទៅតាមទីសារធារណៈឬផ្ទះរបស់ប្រជាពលរដ្ឋ ហើយសម្រេចឆែកមើលប័ណ្ណស្នាក់នៅស្របច្បាប់ចំពោះពលរដ្ឋណាដែលស្ថិតនៅក្នុងការសង្ស័យតែម្តង។ ក្នុងករណីដែលភ្នាក់ងារ ICE រកឃើញថា ពលរដ្ឋណាគ្មានប័ណ្ណស្នាក់នៅអាមេរិកដោយស្របច្បាប់នោះទេ

អាមេរិក៖ រដ្ឋបាលអាមេរិកក្រោមការដឹកនាំរបស់លោក ដូណាល់ ត្រាំ នឹងពន្យាពេលនៃការបិទបណ្តាញសង្គម TikTok ជាថ្មីម្តងទៀត ដែលការពន្យាពេលនេះគឺជាលើកទី៤ ហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១៥ ខែ កញ្ញា។ យោងទៅតាមសេចក្តីសម្រេចនាពេលកន្លងមក គឺក្រុមហ៊ុន ByteDance ត្រូវសម្រេចចិត្តលក់បណ្តាញសង្គម TikTok ឬទុកឱ្យអាជ្ញាធរអាមេរិកបិទបណ្តាញសង្គមមួយនេះត្រឹមថ្ងៃទី១៧ ខែកញ្ញា។ យ៉ាងណាក្តី រដ្ឋបាលអាមេរិកនៅមិនទាន់កំណត់ពេលវេលាជាក់លាក់នៃការអនុវត្តច្បាប់បិទបណ្តាញសង្គម TikTok ថ្មីនៅឡើយទេ ដោយរដ្ឋបាលអាមេរិកបានឱ្យដឹងត្រឹមថា ការសម្រចពន្យាពេលជាថ្មីម្តងទៀតគឺដើម្បីទុកពេលវេលាឱ្យបានគ្រប់គ្រាន់សម្រាប់ឱ្យក្រុម ByteDance និងអាជ្ញាធរអាមេរិកធ្វើការចរចារនិងស្វែងរកដំណោះស្រាយសមស្របមួយ។ សូមបញ្ជាក់ជូនថា រឿងរ៉ាវចម្រូងចម្រាស់រវាងក្រុមហ៊ុន ByteDance

ឥណ្ឌូណេស៊ី៖ តួលេខអ្នកស្លាប់បាត់បង់ជីវិតដោយសារទឹកជំនន់នៅកោះបាលី ប្រទេសឥណ្ឌូណេស៊ីបានកើនឡើងដល់ ១៤នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងរសៀលថ្ងៃទី១១ ខែកញ្ញា។ ទន្ទឹមគ្នានេះ ក៏មានមនុស្សចំនួន ២នាក់ផ្សេងទៀតត្រូវបានរាយការណ៍ថាកំពុងតែបាត់ខ្លួនផងដែរ។ នៅចំពោះមុខស្ថានភាពគ្រោះថ្នាក់នេះ អាជ្ញាធរគ្រប់គ្រងគ្រោះមហន្តរាយឥណ្ឌូណេស៊ីបានដាក់ពង្រាយក្រុមអ្នកជួយសង្គ្រោះចំនួន ១២៥នាក់នៅក្នុងតំបន់ដែលមានទឹកជំនន់ ដើម្បីត្រៀមជួយពលរដ្ឋក្នុងករណីមានហេតុការណ៍បន្ទាន់ណាមួយកើតឡើង និងជួយតាមស្វែងរកមនុស្សដែលកំពុងបាត់ខ្លួន។ ប្រភពខាងលើបានបន្តថា ក្រៅតែពីបានបណ្តាលឱ្យមានអ្នកស្លាប់និងបាត់ខ្លួនហើយ ជំនន់ទឹកភ្លៀងខាងលើនេះក៏បាន​បង្ខំឱ្យពលរដ្ឋជាង ៥០០នាក់ត្រូវជម្លៀសខ្លួនយ៉ាងបន្ទាន់ផងដែរ៕ អត្ថបទ៖ ភក្តី ប្រភព៖ The Strait Time

អាមេរិក៖ សកម្មជនស្តាំនិយមអាមេរិក និងជាអ្នកអត្ថាធិប្បាយដ៏មានឥទ្ធិពលម្នាក់គឺលោក Charlie Kirk ត្រូវបានគេបាញ់សម្លាប់យ៉ាងអាណោចអាធ័ម នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី១១ ខែកញ្ញា។ ករណីឃាតកម្មនេះបានកើតឡើងនៅក្នុងសាកលវិទ្យាល័យ Utah ជាទីកន្លែងដែលលោក Charlie Kirk បានអញ្ជើញទៅធ្វើបទបង្ហាញក្នុងព្រឹត្តិការណ៍ដ៏ធំមួយនៅពីមុខមនុស្សរាប់រយនាក់។ រហូតមកទល់នឹងពេលនេះ អាជ្ញាធរអាមេរិកនៅមិនទាន់អាចកំណត់អត្តសញ្ញាណឃាតករបាននៅឡើយទេ ហើយមូលហេតុជាក់លាក់នៃការធ្វើឃាតក៏នៅមិនទាន់មានការបញ្ជាក់ច្បាស់នៅឡើយដែររ ខណៈគេអាចសន្និដ្ឋានជាបឋមបានថា ករណីឃាតកម្មនេះអាចជាករណីធ្វើឃាតនយោបាយ។ សូមបញ្ជាក់ជូនថា លោក Charlie Kirk អាយុ ៣១ឆ្នាំគឺជាសម្ព័ន្ធមិត្តដ៏មានឥទ្ធិពលរបស់លោកប្រធានាធិបតី Donald Trump ហើយនាពេលកន្លងមក លោក Charlie Kirk ត្រូវបានគេមើលឃើញថា គឺជាបុគ្គលដ៏មានសក្តានុពលម្នាក់ ដែលបានជួយឃោសនាឱ្យយុវជនអាមេរិកបោះឆ្នោតជ្រើសរើសលោក

ឥណ្ឌូណេស៊ី៖ យ៉ាងហោចណាស់មានមនុស្សចំនួន ៦នាក់បានស្លាប់បាត់បង់ជីវិតដោយសារតែទឹកជំនន់នៅក្នុងប្រទេសឥណ្ឌូណេស៊ី នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១០ ខែកញ្ញា។ ក្រៅតែពីបានបណ្តាលឱ្យមានអ្នកស្លាប់ហើយ ទឹកជំនន់ក៏បានបង្ខំឱ្យពលរដ្ឋប្រមាណជា ៨៥នាក់ត្រូវជម្លៀសខ្លួនជាបន្ទាន់ផងដែរ។ ប្រភពខាងលើបានបន្តថា ទីតាំងដែលកំពុងរងការវាយប្រហារដោយគ្រោះធម្មជាតិនេះគឺ កោះបាលីដែលជាទិសដៅទេសចរណ៍ដ៏មានប្រជាប្រិយភាពមួយសម្រាប់អ្នកទេសចរនៅជុំវិញពិភពលោក។ បើតាមអាជ្ញាធរឥណ្ឌូណេស៊ីបានបញ្ជាក់ថា ទឹកជំនន់ដែលកំពុងបង្កការគំរាមគំហែងដល់អាយុជីវិតពលរដ្ឋនៅលើកោះលីខាងលើនេះ គឺជាជំនន់ទឹកភ្លៀងដែលបានកើតឡើងយ៉ាងឆាប់រហ័សក្រោយមានភ្លៀងធ្លាក់ខ្លាំង និងជាច្រើនថ្ងៃជាប់ៗគ្នា៕ អត្ថបទ៖ ភក្តី ប្រភព៖ The Strait Time  

អាមេរិក៖ ក្រុមហ៊ុនបច្ចេកវិទ្យាខ្នាតយក្សរបស់សហរដ្ឋអាមេរិក Apple នៅតែបន្តឈានមុខគេក្នុងការអភិវឌ្ឍឧបករណ៍អេឡិចត្រូនិចរបស់ខ្លួន ដើម្បីបំពេញនូវតម្រូវចាំបាច់របស់អ្នកប្រើប្រាស់ និងដើម្បីប្រជែងក្នុងទីផ្សារលក់នៅជុំវិញពិភពលោក។ ជាក់ស្តែងកាលពីយប់មិញនេះ ក្រុមហ៊ុន Apple បានបញ្ចេញលក់នូវនាឡិកាឆ្លាតវ័យកំណែចុងក្រោយបង្អស់មួយ ដែលអាចផ្តល់ព័ត៌មានអំពីសម្ពាធឈាមរបស់អ្នកប្រើប្រាស់បានយ៉ាងមានប្រសិទ្ធភាព។ នាឡិកាដៃស៊េរីចុងក្រោយរបស់ក្រុមហ៊ុន Apple គឺរួមមាននាឡិកាម៉ូដែល Series 11 និង Ultra ដែលសុទ្ធតែបានបំពាក់នូវបច្ចេកវិទ្យាសម្រាប់ត្រួតពិនិត្យមើលប្រព័ន្ធសម្ពាធឈាម និងមុខងារទំនើបៗជាច្រើនទៀត  ដូចជាមុខងារផ្កាយរណបផងដែរ។ តាមរយៈមុខងារត្រួតពិនិត្យមើលប្រព័ន្ធសម្ពាធឈាម នាឡិកាដៃទាំង ២ម៉ូដែលខាងលើនេះនឹងរួចចំណែកជួយលើកកម្ពស់សុខភាពអ្នកប្រើប្រាស់បានជាប្រចាំ និងចំណេញពេលវេលាយ៉ាងច្រើន ពោលគឺអ្នកប្រើប្រាស់អាចទទួលបានព័ត៌មានអំពីសម្ពាធឈាមរបស់ខ្លួននៅលើដៃរបស់ខ្លួនផ្ទាល់តែម្តង ដោយមិនចាំបាច់ចំណាយពេលវេលាទៅមន្ទីរពេទ្យ ឬទិញឧបករណ៍ពិនិត្យសម្ពាធឈាមនោះទេ៕ អត្ថបទ៖ ភក្តី ប្រភព៖ The Strait Time

ម៉ិចស៊ីកូ៖ យ៉ាងហោចណាស់មានមនុស្សចំនួន ១០នាក់បានស្លាប់បាត់បង់ជីវិតនៅក្នុងហេតុការណ៍រថភ្លើងបើកបុករថយន្តក្រុងមួយគ្រឿងនៅក្នុងប្រទេសម៉ិចស៊ីកូ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី៩ ខែកញ្ញា។ ក្រៅតែពីបានបណ្តាលឱ្យមានអ្នកស្លាប់បាត់បង់ជីវិតហើយ ហេតុការណ៍គ្រោះថ្នាក់នេះក៏បានបណ្តាលឱ្យមានមនុស្សចំនួន ៦១នាក់ផ្សេងទៀតបានរងរបួសធ្ងន់និងស្រាលផងដែរ។ បើតាមអាជ្ញាធរម៉ិចស៊ីកូបានបញ្ជាក់ថា គ្រោះថ្នាក់នេះបានបណ្តាលមកពីរថយន្តក្រុងដឹកអ្នកដំណើរ ដែលជាប្រភេទរថយន្តក្រុងមានកម្ពស់ ២ជាន់ព្យាយាមបើកកាត់ផ្លូវរថភ្លើងដោយភាពធ្វេសប្រហែសមិនបានមើលសញ្ញាហាមឃាត់ ហើយក៏ត្រូវរថភ្លើងបើកបុកចំពាក់កណ្តាលរថយន្តយ៉ាងពេញទំហឹងតែម្តង។ រហូតមកទល់នឹងពេលនេះ ក្រុមហ៊ុនគ្រប់គ្រងរថយន្តក្រុងសម្រាប់ដឹកអ្នកដំណើរនៅមិនទាន់បានចេញសេចក្តីថ្លែងការយ៉ាងចំពោះគ្រោះថ្នាក់ខាងលើនេះនៅឡើយទេ ខណៈយោងតាមផ្លូវច្បាប់គឺក្រុមហ៊ុនត្រូវទទួលខុសត្រូវទាំងស្រុងចំពោះហេតុការណ៍គ្រោះថ្នាក់នេះ៕ អត្ថបទ៖ ភក្តី ប្រភព៖ The Strait Time

ថៃ៖ អតីតនាយករដ្ឋមន្ត្រីថៃ គឺលោក ថាក់ស៊ីន ស៊ីណាវ៉ាត្រា ត្រូវបានតុលាការកំពូលថៃសម្រេចផ្តន្ទាទោសឱ្យជាប់ពន្ធនាគារយៈពេល ១ឆ្នាំ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃអង្គារ ទី៩​ ខែកញ្ញា។ ការអនុវត្តទោសចំពោះការសម្រេចខាងលើនេះនឹងមិនរួមបញ្ជូលរយៈពេល ៦ខែ ដែលរូបលោកធ្លាប់បានស្នាក់នៅក្នុងមន្ទីរពេទ្យរយៈពេល ៦ខែ កាលពីឆ្នាំ២០២៣ឡើយ។ សូមរម្លឹកជូនថា លោក ថាក់ស៊ីន ស៊ីណាវ៉ាត្រា ធ្លាប់ត្រូវបានកាត់ទោស​ឱ្យ​ជាប់​ពន្ធនាគារ ៨​ឆ្នាំ ពីបទប្រមាថព្រះមហាក្សត្រថៃ តែក្រោយមកក៏ត្រូវបានកាត់បន្ថយមកត្រឹម១​ឆ្នាំ ដោយមានការលើកលែងទោសពីព្រះមហាក្សត្រ។ ក្នុងពេលអនុវត្តទោសនោះ លោក ថាក់ស៊ីន ស៊ីណាវ៉ាត្រា បានស្នើសុំនៅក្រៅឃុំរយៈពេល ៦ខែ និង ៦ខែទៀត

ឥណ្ឌូណេស៊ី៖ យ៉ាងហោចណាស់មានមនុស្សចំនួន ៣នាក់បានស្លាប់បាត់បង់ជីវិតនៅក្នុងហេតុការណ៍បាក់អគារមួយនៅកន្លែងនៅក្នុងប្រទេសឥណ្ឌូណេស៊ី នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia​ នៅក្នុងថ្ងៃចន្ទ ទី៨ ខែសីហា។ ទីតាំងដែលជាកន្លែងកើតហេតុនេះគឺជាអគារសម្រាប់បួងសួងឬរៀបចំពិធីតាមបែបសាសនា ស្ថិតនៅលើកោះ Java ភាគកណ្តាលប្រទេសឥណ្ឌូណេស៊ី។ បើតាមអាជ្ញាធរឥណ្ឌូណេស៊ីបានបញ្ជាក់ថា ក្រៅតែពីបានបណ្តាលឱ្យមានមនុស្សត្រូវស្លាប់បាត់បង់ជីវិតហើយ ហេតុការណ៍អកុសលខាងលើនេះក៏បានបណ្តាលឱ្យមានមនុស្សចំនួន ៨៤នាក់ផ្សេងទៀតត្រូវរងរបួសធ្ងន់និងស្រាលផងដែរ។ រហូតមកទល់នឹងពេលនេះ អាជ្ញាធរឥណ្ឌូណេស៊ីនៅមិនទាន់អាចបញ្ជាក់ពីមូលហេតុជាក់លាក់ ដែលបណ្តាលឱ្យអគារត្រូវដួលរលំយ៉ាងលឿនដូចនេះទេ ខណៈការស៊ើបអង្កេតពីសំណាក់មន្ត្រីជំនាញកំពុងត្រូវបានធ្វើឡើង៕ អត្ថបទ៖ ភក្តី ប្រភព៖ Channel News Asia​