អាមេរិក៖ លោកប្រធានាធិបតីសហរដ្ឋអាមេរិក ដូណាល់ ត្រាំ បានគំរាមចាត់វិធានការយោធាប្រឆាំងនឹងរដ្ឋាភិបាលកូឡុំប៊ីបន្ថែមទៀត នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី៥ ខែមករា។ ការគំរាមនេះត្រូវបានធ្វើឡើងក្រោយសហរដ្ឋអាមេរិកបានប្រើប្រាស់កម្លាំងយោធាប្រឆាំងនឹងរដ្ឋាភិបាលនៃប្រទេសវេណេស៊ុយអេឡាបានយ៉ាងជោគជ័យ និងឈានទៅដល់ការចាប់ខ្លួនលោកប្រធានាធិបតី នីកូឡាស ម៉ាឌូរ៉ូ និងភរិយារបស់គាត់ទៀតផង។ ថ្លែងប្រាប់ទៅកាន់អ្នកសារព័ត៌មាន លោក ដូណាល់ ត្រាំ បានបញ្ជាក់ថា “ប្រទេសកូឡុំប៊ីគឺកំពុងមានជំងឺធ្ងន់ធ្ងរខ្លាំងណាស់” ដ្បិតប្រទេសមួយនេះស្ថិតនៅក្រោមការគ្រប់គ្រងរបស់អ្នកដឹកនាំដែលចូលចិត្តតែផលិតកូកាអ៊ីន ហើយលក់សារធាតុខុសច្បាប់ទាំងនេះទៅកាន់សហរដ្ឋអាមេរិក។ លោក ដូណាល់ ត្រាំ បានបន្តថា សម្រាប់ខ្ញុំការប្រឆាំងទៅនឹងរដ្ឋាភិបាលកូឡុំប៊ីគឺ “ស្តាប់ទៅវាល្អសម្រាប់ខ្ញុំ”។ យ៉ាងណាក្តី ប្រធានាធិបតីអាមេរិករូបនេះនៅមិនទាន់បញ្ជាក់លម្អិតថា នឹងចាត់វិធានការយោធាទៅលើប្រទេសកូឡុំប៊ីនៅពេលណានោះទេ៕ អត្ថបទ៖

ចិន៖ ចិនបានបាញ់មីស៊ីលជាច្រើនគ្រាប់នៅក្នុងថ្ងៃទី២ នៃការធ្វើសមយុទ្ធយោធាឡោមព័ទ្ធកោះតៃវ៉ាន់ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីយប់ថ្ងៃទី៣០ ខែធ្នូ។ បន្ថែមពីការបាញ់មីស៊ីល​​ ចិនក៏បានដាក់ពង្រាយយន្តហោះចម្បាំង និងនាវាចម្បាំងរាប់សិបគ្រឿងនៅជុំវិញកោះតៃវ៉ាន់ផងដែរ។ គួរកត់សម្គាល់ថា យមយុទ្ធយោធាដែលចិនកំពុងធ្វើឡើងនៅពេលនេះគឺជាសមយុទ្ធបាញ់គ្រាប់ពិត (Live-fire Drills) ដែលមានគោលបំណងចង់បង្ហាញពីសមត្ថភាពជាក់ស្តែងរបស់កងកម្លាំងចិនក្នុងការបិទផ្លូវកំពង់ផែសំខាន់ៗរបស់កោះដែលស្ថិតនៅក្រោមការគ្រប់គ្រងរបស់ចិន និងសមត្ថភាពដ៏ខ្លាំងខ្លាក្នុងការវាយប្រហារទៅលើគោលដៅសមុទ្រ។ ឆ្លើយតបនឹងការធ្វើសមយុទ្ធយោធារបស់ចិនខាងលើនេះ កោះតៃវ៉ាន់បានរិះគន់ថា “ជាការញុះញង់បង្កឱ្យមានជម្លោះ”​ ហើយសមយុទ្ធនេះក៏បានបរាជ័យក្នុងការបិទផ្លូវលើកោះតៃវ៉ាន់ផងដែរ៕ អត្ថបទ៖ ភក្តី ប្រភព៖ Channel News Asia

ថៃ៖ អត្តពលិកកីឡាអេឡិចត្រូនិកជនជាតិថៃម្នាក់ត្រូវបានបណ្តេញចេញពីការប្រកួតកីឡាស៊ីហ្គេមលើកទី៣៣ ភ្លាមៗ បន្ទាប់ពីគេបានរកឃើញថា នាងបានបន្លំក្នុងអំឡុងពេលនៃការប្រកួត នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី១៧ ខែធ្នូ។ អត្តពលិកថៃរូបនេះមានឈ្មោះថា Naphat Warasin ភេទស្រី អាយុ ២៤ឆ្នាំ ហើយនៅលើបណ្តាញសង្គមនាងមានឈ្មោះហៅក្រៅថា “Tokyogurl”។ ប្រភពខាងលើបានបន្តថា តាមការគ្រោងទុក គឺអត្តពលិក Naphat Warasin ត្រូវចូលរួមប្រកួតក្នុងវិញ្ញាសាកីឡាអេឡិចត្រូនិក “Arena of Valor” សម្រាប់ស្រ្តី ហើយនៅក្នុងវិញ្ញាសានេះ គឺក្រុមជម្រើសជាតិថៃត្រូវប្រកួតជាមួយក្រុមជម្រើសជាតិវៀតណាម។ បើតាមគណៈកម្មាធិការរៀបចំការប្រកួតស៊ីហ្គេមលើកទី៣៣ នៅក្នុងប្រទេសថៃបានបញ្ជាក់ថា អត្តពលិក

ជប៉ុន៖ យ៉ាងហោចណាស់មានមនុស្សចំនួន ២នាក់បានស្លាប់បាត់បង់ជីវិតនៅក្នុងហេតុការណ៍មានភ្លើងឆេះបន្ទប់សូណា (Sauna) ឯកជនមួយកន្លែងនៅក្នុងប្រទេសជប៉ុន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១៧ ខែធ្នូ។ បន្ទប់សូណាដែលជាកន្លែងកើតហេតុនេះគឺជាផ្នែកមួយរបស់ហាង Saunatiger មានទីតាំងស្ថិតនៅក្នុងសង្កាត់​ Akasaka នៃទីក្រុងតូក្យូ។ ប្រភពខាងលើបានបន្តថា ជនរងគ្រោះដែលបានស្លាប់បាត់បង់ជីវិតទាំង ២រូបនេះ រួមមាន លោក Masanari Matsuda អាយុ ៣៦ឆ្នាំ និងម្នាក់ទៀតជាប្រពន្ធរបស់គាត់ មានឈ្មោះថា Yoko និងមានអាយុ ៣៧ឆ្នាំ។ បើតាមអាជ្ញាធរជប៉ុនបានបញ្ជាក់ថា ប្តីប្រពន្ធទាំង ២នេះ គឺជាម្ចាស់ហាង Saunatiger

ថៃ-កម្ពុជា៖ បណ្តាញសារព័ត៌មាន Reuters នៅក្នុងថ្ងៃទី១១ ខែធ្នូនេះ បានចុះផ្សាយថា ការប្រយុទ្ធគ្នារវាងកម្លាំងនៃប្រទេសថៃនិង​កម្ពុជានៅតាមតំបន់ព្រំដែននៅតែបន្តកើតមាន ខណៈដែលភាគីទាំងពីរកំពុងរង់ចាំការហៅទូរស័ព្ទពីសំណាក់លោកប្រធានាធិបតីអាមេរិក ដូណាល់ ត្រាំ សម្រាប់ការសម្របសម្រួល។ គិតត្រឹមមពេលនេះ ការប៉ះទង្គិចគ្នារវាងប្រទេសថៃ-កម្ពុជា បានឈានចូលដល់ថ្ងៃទី ៤ហើយ។ គួររម្លឹកជូនថា នៅចំពោះស្ថានភាពតានតឹងរវាងប្រទេសថៃ-កម្ពុជា លោក ដូណាល់ ត្រាំ ដែលជាអ្នកដឹកនាំឱ្យមានកិច្ចព្រមព្រាងសន្តិភាពរវាងប្រទេសថៃ-កម្ពុជានាពេលកន្លងមក បានបញ្ជាក់សារថ្មីថា លោកនឹងហៅទូរស័ព្ទទៅភាគីថៃនិងកម្ពុជា ដើម្បីសម្របសម្រួលឱ្យភាគីទាំងពីរអនុវត្តបទឈប់បាញ់និងកិច្ចព្រមព្រាងសន្តិភាពឡើងវិញ។ លោក ដូណាល់ ត្រាំ ក៏ធ្លាប់បញ្ជាក់ផងដែរថា លោកជឿជាក់ថាលោកនឹងអាចសម្របសម្រួលបញ្ចប់ជម្លោះរវាងប្រទេសថៃ-កម្ពុជាបានផងដែរ៕ អត្ថបទ៖ ភក្តី ប្រភព៖ Reuters

ជប៉ុន៖ប្រទេសជប៉ុនបានទទួលរងការវាយប្រហារដោយគ្រោះរញ្ជួយដីកម្រិត ៥,៧រ៉ិចទ័រ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១១ ខែធ្នូ។ ទីតាំងដែលជាកន្លែងរងការវាយប្រហារដោយគ្រោះធម្មជាតិខាងលើនេះគឺកោះ Honshu ដែលស្ថិតនៅប៉ែកខាងកើតនៃប្រទេសជប៉ុន។ យ៉ាងណាក្តី បើយោងតាមមជ្ឈមណ្ឌលរញ្ជួយដីមេឌីទែរ៉ាណេអឺរ៉ុបវិញឱ្យដឹងថា គ្រោះរញ្ជួយដីខាងលើនេះមានកម្រិតដល់ ៦,៥រ៉ិចទ័រឯណោះ និងបានបណ្តាលឱ្យមានរំញ័រនៅក្នុងផ្ទៃដីក្នុងជម្រៅប្រមាណជា ៥៧គីឡូម៉ែត្រ។ រហូតមកទល់នឹងពេលនេះអាជ្ញាធរជប៉ុននៅមិនទាន់អាចបញ្ជាក់ពីចំនួនជនរងគ្រោះ និងការខូចខាតបង្កឡើងដោយគ្រោះរញ្ជួយដីខាងលើនេះបាននៅឡើយទេ៕ អត្ថបទ៖ ភក្តី ប្រភព៖ The Strait Time

ចិន៖ យ៉ាងហោចណាស់មានមនុស្សចំនួន ១២នាក់បានស្លាប់បាត់បង់ជីវិតនៅក្នុងហេតុការណ៍មានភ្លើងឆេះអគារមួយកន្លែងនៅក្នុងប្រទេសចិន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១០ ខែធ្នូ។ រហូតមកទល់នឹងពេលនេះអាជ្ញាធរចិននៅមិនទាន់អាចបង្ហាញអត្ថអញ្ញាណពិតប្រាកដរបស់ជនរងគ្រោះ ដែលបានស្លាប់បាត់បង់ជីវិតទាំងអស់នេះនៅឡើយទេ។ ប្រភពខាងលើបានបន្តថា អគារដែលជាកន្លែងកើតហេតុនេះគឺជាអគារលំនៅដ្ឋានកម្ពស់ ៤ជាន់ មានទីតាំងស្ថិតនៅក្នុងទីក្រុង​ Shantou ភាគខាងត្បូងប្រទេសចិន។ អគ្គិភ័យបានចាប់ផ្តើមឆាបឆេះនៅម៉ោងប្រមាណជា ៩ និង ២០នាទីយប់ នៃថ្ងៃទី ៩ ខែធ្នូ ហើយអាជ្ញាធរបានប្រើប្រាស់ពេលប្រមាណជា ៤០នាទី ទើបអាចពន្លត់ភ្លើងបានទាំងស្រុង។ រហូតមកទល់នឹងពេលនេះអាជ្ញាធរចិននៅមិនទាន់អាចកំណត់ចំពោះមូលហេតុ និងអ្នកទទួលខុសត្រូវចំពោះករណីខាងលើនេះបាននៅឡើយទេ ខណៈការស៊ើបអង្កេតកំពុងត្រូវបានធ្វើឡើងដោយប៉ូលិសជំនាញ៕ អត្ថបទ៖ ភក្តី ប្រភព៖ The

ចិន៖ តុលាការចិនបានបង្គាប់ឱ្យ​ក្រុមហ៊ុនអាកាសចរណ៍ Malaysia Airlines ត្រូវបង់ប្រាក់សងជំងឺចិត្តដល់គ្រួសារជនរងគ្រោះដែលបានបាត់ខ្លួនក្នុងជើងហោះហើរ MH370 កាលពីជាង ១០ឆ្នាំមុន ជាប្រាក់ចំនួន ២,៩លានយ័ន (៤១០,២៤០ដុល្លារ) ក្នុងមួយករណី នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី៩​ ខែធ្នូ។ តុលាការចិនបានបញ្ជាក់ថា ជនរងគ្រោះជាពលរដ្ឋចិនដែលស្ថិតនៅក្នុងករណីខាងលើនេះគឺមានចំនួន ៨ករណី។ គួររម្លឹកជូនថា ករណីបាត់ខ្លួនអ្នកដំណើរខាងលើនេះបានកើតឡើង កាលពីថ្ងៃទី៨​ ខែមីនា ឆ្នាំ២០១៤ ពោលគឺមានរយៈពេលជាងមួយទសវត្សរ៍មកហើយ។ ប្រភពខាងលើបានបន្តថា យន្តហោះដែលស្ថិតនៅក្នុងហេតុការណ៍គ្រោះថ្នាក់ដ៏កម្រនេះ គឺជាយន្តហោះប្រភេទ Boeing 777 មានផ្ទុកអ្នកដំណើរសរុបចំនួន ២៣៩នាក់ និងមានទិសដៅធ្វើដំណើរចេញពីទីក្រុងគូឡាឡាំពួ ប្រទេសម៉ាឡេស៊ី ឆ្ពោះទៅកាន់ទីក្រុងប៉េកាំង ប្រទេសចិន។

ជប៉ុន៖ ប្រទេសជប៉ុនបានទទួលរងការវាយប្រហារដោយគ្រោះរញ្ជួយដីកម្រិត ៧,៥ រ៉ិចទ័រ  នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី៩ ខែធ្នូ។ គ្រោះរញ្ជួយដីបានកើតឡើងនៅម៉ោង ១១ និង ១៥នាទី យប់ថ្ងៃទី៨ ខែធ្នូ និងបានវាយប្រហារទៅលើទីតាំងសំខាន់ៗជាច្រើននៅតំបន់ភាគឦសាននៃប្រទេសជប៉ុន។ ភ្លាមៗក្រោយពេលកើតហេតុអាជ្ញាធរជប៉ុនបានបញ្ជាក់ថា មានពលរដ្ឋចំនួន ៣០នាក់បានរងរបួស និងបានធ្វើការជម្លៀសពលរដ្ឋប្រមាណជា ៩០,០០០ជាបន្ទាន់ ហើយអាជ្ញាធរជប៉ុនថែមទាំងបានដាក់ចេញសញ្ញាព្រមានអំពីហានិភ័យការកើតមានរលកយក្សស៊ូណាមិកម្ពស់ ៣ម៉ែត្រទៀតផង។ យ៉ាងណាក្តី រហូតមកទល់នឹងពេលនេះអាជ្ញាធរជប៉ុនបានសម្រេចលុបចោលសេចក្តីព្រមានអំពីការកើតមានរលកយក្សនេះវិញហើយ ក្រោយស្ថានភាពបានត្រលប់មករកភាពជាប្រក្រតីវិញ៕  អត្ថបទ៖ ភក្តី ប្រភព៖  The Strait Time

នៅព្រឹកថ្ងៃទី០៨ ខែធ្នូ ឆ្នាំ២០២៥ សារព័ត៌មាន CNN ដាក់ចំណងជើងថាថៃបើកការវាយប្រហារតាមផ្លូវអាកាសលើកម្ពុជា ខណៈភាពតានតឹងនៅតាមបណ្ដោយព្រំដែនរវាងប្រទេសទាំង២ ផ្ទុះឡើងសាជាថ្មីដែលនេះបាន និងកំពុងបង្កហានិភ័យនៃការដួលរលំកិច្ចព្រមព្រៀងសន្តិភាពដែលលោកប្រធានាធិបតីអាមេរិក ដូណាល់ ត្រាំ ជាអ្នកសម្របសម្រួលឡើងកាលជាង២ខែមុន។ នេះបើយោងតាមការចុះផ្សាយរបណ្តាញសារព័ត៌មាន CNN នៅក្នុងថ្ងៃទី៨​ ខែធ្នូ។ សូមបញ្ជាក់ជូនថា កងកម្លាំងថៃបានបើកការវាយប្រហារមកកាន់ប្រទេសកម្ពុជា កាលពីយប់ថ្ងៃទី៧ ម្សិលមិញនេះ ហើយតំបន់នៅក្នុងប្រទេសកម្ពុជាដែលជាទីតាំងទទួលរងការវាយប្រហារពីភាគីថៃនោះ មានដូចជា តំបន់អានសេះ តាមាន់ធំ និងតាក្របី។ បើតាមក្រសួងការពារជាតិកម្ពុជាបានបញ្ជាក់ឱ្យដឹងផងដែរថា នៅព្រឹកថ្ងៃទី៨​ ខែធ្នូនេះ កងកម្លាំងថៃក៏បានប្រើប្រាស់រថក្រោះជាច្រើនគ្រឿងបន្ថែមទៀត​ ដើម្បីបាញ់ប្រហារមកកាន់ទីតាំងខាងលើនេះផងដែរ៕ អត្ថបទ៖ ភក្តី ប្រភព៖ CNN