ជប៉ុន៖ អាជ្ញាធរក្រុងអូសាកាបានឃាត់ខ្លួនប្តីប្រពន្ធ ២នាក់ពីបទរត់ពន្ធអង្ករខុសច្បាប់ចំនួន ៤៥តោនពីប្រទេសវៀតណាមទៅកាន់ប្រទេសជប៉ុន នេះបើយោងតាមការចុះផ្សាយរបស់បណ្តាញសារព័ត៌មាន VN Express នៅក្នុងថ្ងៃទី៨ ខែតុលា។ ជនសង្ស័យទាំង ២រូបនោះមានរួមមាន បុរសជាប្តីឈ្មោះ Tomoyuki Takeshige អាយុ ៤៧ឆ្នាំ ជាជនជាតិជប៉ុន ខណៈស្រ្តីជាប្រពន្ធមានឈ្មោះថា Tran Thi Thu Huyen ៣៦ឆ្នាំ​ ជាជនជាតិវៀតណាម។ បើតាមអាជ្ញាធរក្រុងអូសាកាបានបញ្ជាក់ថា អង្ករទាំង ៤៥តោននោះត្រូវបានវេចខ្ចប់ដាក់នៅក្នុងថង់តូចៗ ហើយបានដាក់នៅក្នុងកេះចំនួន ២,២៧២ផ្សេងៗ និងបានបិទស្លាកថា “សណ្កែកខៀវ” ដើម្បីរួចផុតពីការបង់ពន្ធ។ សូមបញ្ជាក់ជូនថា យោងទៅតាមច្បាប់គយ និងច្បាប់ការពារផលិតផលកសិកម្មរបស់ប្រទេសជប៉ុនបានកំណត់ថា ការនាំអង្ករចូលទៅក្នុងប្រទេសជប៉ុននឹងត្រូវបង់ពន្ធជាប្រាក់ចំនួន

វៀតណាម៖ យ៉ាងហោចណាស់មានពលរដ្ឋវៀតណាមចំនួន ៨នាក់ត្រូវបានរាយការណ៍ថា បានស្លាប់បាត់បង់ជីវិតដោយសារតែបញ្ហាទឹកជំនន់ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី៨ ខែតុលា។ តំបន់ដែលកំពុងរងការគំរាមគំហែងដោយគ្រោះធម្មជាតិនេះគឺទីក្រុង Thai Nguyen ដែលស្ថិតប៉ែកខាងជើង នៃប្រទេសវៀតណាម។ បើតាមក្រសួងបរិស្ថានវៀតណាមបានបញ្ជាក់ថា ក្រៅតែពីបានបណ្តាលឱ្យមានមនុស្សត្រូវស្លាប់បាត់បង់ជីវិតហើយ គិតត្រឹមពេលនេះក៏នៅមានមនុស្សចំនួន ៥នាក់ផ្សេងទៀតកំពុងតែបាត់ខ្លួនផងដែរ។ ប្រភពខាងលើបានបន្តថា តួលេខជនរងគ្រោះខាងលើនេះគឺជាការបូកសរុបចំនួនអ្នកស្លាប់និងបាត់ខ្លួននៅក្នុងរយៈពេល ១សប្តាហ៍ចុងក្រោយនេះ ខណៈគិតត្រឹមពេលនេះកម្រិតទឹកជំនន់នៅមិនទាន់ថយចុះទៅវិញនៅឡើយទេ៕ អត្ថបទ៖ ភក្តី ប្រភព៖ Channel News Asia

អេស្ប៉ាញ៖ យ៉ាងហោចណាស់មានមនុស្សចំនួន ៤នាក់បានស្លាប់បាត់បង់ជីវិតនៅក្នុងហេតុការណ៍បាក់អគារមួយកន្លែងនៅក្នុងប្រទេសអេស្ប៉ាញ នេះបើយោងតាមការចុះផ្សាយរ​បស់បណ្តាញសារព័ត៌មាន The Strait Time នៅក្នុងថ្ងៃទី៨ ខែតុលា។ អគារដែលជាកន្លែងកើតហេតុខាងលើនេះគឺជាសណ្ឋាគារ ដែលកំពុងស្ថិតនៅក្នុងការជួសជុល និងមានទីតាំងស្ថិតនៅកណ្តាលទីក្រុងម៉ាឌ្រីដ។ ប្រភពខាងលើបានបន្តថា នៅក្នុងចំណោមជនរងគ្រោះដែលបានស្លាប់បាត់បង់ជីវិតទាំងអស់នោះគឺមានជនរងគ្រោះចំនួន ៣នាក់ជាកម្មករសំណង់ ភេទប្រុស ដែលកំពុងបំពេញការងារក្នុងការដ្ឋានជួសជុលសណ្ឋាគារខាងលើនេះ ហើយពួកគេមានអាយុចន្លោះពី ៣០ឆ្នាំដល់៥០ឆ្នាំ និងមកពីប្រទេសផ្សេងៗគ្នារួមមាន ប្រទេសអេក្វាឌ័រ ប្រទេសម៉ាលី និងប្រទេសហ្គីណេ។ ដោយឡែកជនរងគ្រោះម្នាក់ទៀត គឺជាស្រ្តី មានអាយុ ៣០ឆ្នាំ និងជាស្ថាបត្យករនៃគម្រោងជួសជុលខាងលើនេះផងដែរ៕ អត្ថបទ៖ ភក្តី ប្រភព៖ The Strait Time  

ឥណ្ឌា៖ ​យ៉ាងហោចណាស់មានមនុស្សចំនួន ១៥នាក់បានស្លាប់បាត់បង់ជីវិតនៅក្នុងហេតុការណ៍បាក់ដីយ៉ាងឆាប់រហ័សមួយនៅក្នុងប្រទេសឥណ្ឌា នេះបើយោងតាមការចុះផ្សាយរបស់បណ្តាញសារព័ត៌មាន​ The Strait Time នៅក្នុងថ្ងៃទី៨ ខែតុលា។ ហេតុការណ៍អកុសលនេះបានកើតឡើងនៅរដ្ឋ Himachal Pradesh ប៉ែកខាងត្បូងនៃប្រទេសឥណ្ឌា។ បើតាមអាជ្ញាធរឥណ្ឌាបានបញ្ជាក់ថា ជនរងគ្រោះដែលបានស្លាប់បាត់បង់ជីវិតទាំងអស់នោះគឺសុទ្ធតែជាអ្នកដំណើរ ដែលកំពុងធ្វើដំណើរនៅក្នុងរថយន្តក្រុងមួយគ្រឿង​ ដោយនៅក្នុងនោះក៏មានកូនក្មេងចំនួន ៣នាក់ផងដែរ។ ប្រភពខាងលើបានបន្តថា នៅពេលដែលរថយន្តក្រុងមួយគ្រឿងនេះបើកទៅដល់កន្លែងកើតហេតុស្រាប់តែដីបានបាក់ស្រុតយ៉ាងឆាប់រហ័ស និងបានធ្វើឱ្យរថយន្តត្រូវធ្លាក់ពីផ្លូវនិងក្រឡាប់តែម្តង។ សូមបញ្ជាក់ជូនថា ហេតុការណ៍បាក់ដីបានកើតមានជារឿយៗនៅក្នុងប្រទេសឥណ្ឌា ដោយហេតុការណ៍នេះបានកើតឡើងនៅក្នុងតំបន់ដែលមានភ្លៀងធ្លាក់ខ្លាំង៕ អត្ថបទ៖ ភក្តី ប្រភព៖ The Strait Time

ឥណ្ឌូណេស៊ី៖ តួលេខអ្នកស្លាប់បាត់បង់ជីវិតនៅក្នុងហេតុបាក់សាលារៀននៅក្នុងប្រទេសឥណ្ឌូណេស៊ីបានកើនឡើងដល់ចំនួន ៦៥នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីយប់ថ្ងៃទី៦ ខែតុលា។ គួររម្លឹកជូនថា ហេតុការណ៍អកុសលខាងលើនេះបានកើតឡើងតាំងតែពីថ្ងៃទី៣០ ​ខែតុលា ម្លេះ តែភ្លាមៗក្រោយពេលកើតហេតុតួលេខអ្នកស្លាប់ជាក់ស្តែងមានត្រឹមតែម្នាក់ប៉ុណ្ណោះ និងមានមនុស្សជាច្រើនត្រូវកប់ជាប់ក្រោមគំនរបាក់បែក។ យ៉ាងណាក្តី ក្នុងរយៈមួយសប្តាហ៍កន្លងមកនេះ អ្នកដែលបានរងរបួសធ្ងន់ធ្ងរមួយចំនួនក្នុងពេលកើតហេតុក៏បានស្លាប់ជាបន្តបន្ទាន់​ ហើយអ្នកដែលបានកប់ជាប់នៅក្រោមគំនរបាក់បែកក៏ត្រូវបានគេបញ្ជាក់ថា បានស្លាប់ជាបន្តបន្ទាប់ទៀត​ ទើបធ្វើឱ្យតួលេខអ្នកស្លាប់ត្រូវកើនឡើងយ៉ាងច្រើនដូចនេះ។ សូមបញ្ជាក់ជូនផងដែរថា សាលារៀនដែលជាកន្លែងកើតហេតុខាងលើគឺជា គឺជាសាលាបង្រៀបសាសនាឥស្លាមមួយកន្លែង ដែលមានទីតាំងស្ថិតនៅក្នុងខេត្ត East Java ប៉ែកខាងកើតនៃប្រទេសឥណ្ឌូណេស៊ី៕ អត្ថបទ៖ ភក្តី ប្រភព៖ Channel News Asia

ថៃ៖ លោកនាយករដ្ឋមន្ត្រីថៃ Anutin Charnvirakul បានដាក់ចេញនូវបទបញ្ហាឱ្យមានប្រតិបត្តិការសង្គ្រោះបន្ទាន់មួយចំពោះក្រុមប្រជាពលរដ្ឋដែលបានរងគ្រោះដោយទឹកជំនន់​ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីយប់ថ្ងៃទី៦ ខែតុលា។ ក្រុមជនរងគ្រោះទាំងនោះគឺជាពលរដ្ឋ ដែលកំពុងរស់នៅក្នុងខេត្តចំនួន១៦ ផ្សេងគ្នា ស្ថិតនៅប៉ែកខាងជើងនៃប្រទេសថៃ។ របាយការណ៍ចុងក្រោយមួយរបស់អាជ្ញាធរគ្រប់គ្រងគ្រោះមហន្តរាយថៃបានឱ្យដឹងថា គិតត្រឹមពេលនេះទឹកជំនន់បានបណ្តាលឱ្យពលរដ្ឋថៃចំនួន ១២នាក់បានស្លាប់បាត់បង់ជីវិត និងប​ង្កការប៉ះពាល់ធ្ងន់ធ្ងរដល់ប្រជាពលរដ្ឋប្រមាណជា ១០០,០០០គ្រួសារ។ ប្រភពខាងលើបានបន្តថា ផលប៉ះពាល់នៃគ្រោះធម្មជាតិខាងលើអាចមានកម្រិតធ្ងន់ធ្ងរជាងនេះបន្ថែមទៀត ដ្បិតរហូតមកទល់នឹងពេលនេះ ព្យុះភ្លៀងនៅតែបន្តធ្លាក់ខ្លាំងនៅក្នុងតំបន់រងគ្រោះ៕ អត្ថបទ៖ ភក្តី ប្រភព៖ Channel News Asia

ជប៉ុន៖ តម្លៃភាគហ៊ុននៅក្នុងទីក្រុងតូក្យូបានកើនឡើងចំនួន ៥% ក្រោយលោកស្រី Sanae Takaichi ត្រូវបានបោះឆ្នោតឱ្យក្លាយជាមេដឹកនាំគណបក្សកាន់អំណាចគឺ គណបក្សប្រជាធិបតេយ្យសេរី (LDP) នេះបើយោងតាម​ការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី៦ ខែតុលា។ សូមបញ្ជាក់ថា ការជាប់ឆ្នោតក្លាយជាមេដឹកនាំគណបក្ស LDP នៅពេលនេះ គឺមានន័យថា លោកស្រី Sanae Takaichi អាចនឹងក្លាយជានាយករដ្ឋមន្ត្រីស្រីរបស់ប្រទេសជប៉ុនដំបូងគេផងដែរ។ គួរបញ្ជាក់ជូនថា លោកស្រី Sanae Takaichi អាយុ ៦៤ឆ្នាំ ធ្លាប់កាន់តំណែងជារដ្ឋមន្ត្រីក្រសួងសេដ្ឋកិច្ចនៃប្រទេសជប៉ុន ហើយលោកស្រីគឺជាមនុស្សដែលមានសក្តានុពលម្នាក់ក្នុងការជួយជំរុញឱ្យមានសន្ទុះក្នុងវិស័យពាណិជ្ជកម្មនិងសេដ្ឋកិច្ចជាតិជប៉ុននាពេលកន្លងមក។ ព្រោះហេតុផលនេះហើយ ទើបដំណឹងជ័យជំនះរបស់លោកស្រី Sanae Takaichi ក្នុងការក្លាយជាមេដឹកនាំគណបក្ស LDP ក៏ដូចជាត្រៀមធ្វើជានាយករដ្ឋមន្ត្រី​ជប៉ុនក្នុងពេលដ៏ខ្លីខាងមុខនេះ

ឥណ្ឌា៖ យ៉ាងហោចណាស់មានអ្នកជំងឺចំនួន ៦នាក់បានស្លាប់បាត់បង់ជីវិតនៅក្នុងហេតុការណ៍មានភ្លើងឆេះមន្ទីរពេទ្យមួយកន្លែងនៅក្នុងប្រទេសឥណ្ឌា នេះបើយោងតាម​ការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី៦ ខែតុលា។ មន្ទីរពេទ្យដែលជាកន្លែងកើតហេតុនោះមានឈ្មោះថា Sawai Man Singh មានទីតាំងស្ថិតនៅក្នុងទីក្រុង Jaipur ភាគពាយ័ព្យ នៃប្រទេសឥណ្ឌា។ ក្រៅតែពីបានបណ្តាលឱ្យមានអ្នកជំងឺត្រូវស្លាប់បាត់បង់ជីវិតហើយ ហេតុការណ៍អកុសលនេះក៏បានបណ្តាលឱ្យអ្នកជំងឺចំនួន ៥នាក់ផ្សេងបានរបួសធ្ងន់ធ្ងផងដែរ ខណៈអ្នកជំងឺជំនួយ ១៣នាក់ផ្សេងត្រូវបានគេជួយសង្គ្រោះចេញពីអគ្គិភ័យទាន់ពេលវេលា។ ប្រភពខាងលើបានបន្តថា រហូតមកទល់នឹងពេលនេះគេនៅមិនទាន់បញ្ជាក់ពីមូលហេតុជាក់លាក់ ដែលបានបណ្តាលឱ្យមានភ្លើងត្រូវឆេះមន្ទីរពេទ្យយ៉ាងឆាប់រហ័សដូចនេះទេ ហើយអ្វីដែលបានដឹងនោះគឺត្រឹមថា អគ្គិភ័យមានប្រភពចេញមកពីបន្ទប់សង្គ្រោះបន្ទាន់នៃមន្ទីរពេទ្យ៕ អត្ថបទ៖ ភក្តី ប្រភព៖ The Strait Time

នេប៉ាល់៖ ​យ៉ាងហោចណាស់មានមនុស្សចំនួន​ ៦៣នាក់បានស្លាប់បាត់បង់ជីវិតដោយសារឥទ្ធិពលព្យុះភ្លៀងនៅតំបន់ព្រំដែននៃប្រទេសនេប៉ាល់ និងប្រទេសឥណ្ឌា នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីយប់ថ្ងៃទី៥ ខែតុលា។ ទន្ទឹមគ្នានេះក៏មានមនុស្សចំនួន ៥នាក់ផ្សេងទៀតកំពុងតែបាត់ខ្លួនផងដែរ។ គិតត្រឹមពេលនេះព្យុះភ្លៀងនៅតែបន្តធ្លាក់ខ្លាំង ដែលបានបណ្តាលឱ្យតំបន់មួយចំនួនត្រូវជន់លិចដោយជំនន់ទឹកភ្លៀង ខណៈតំបន់មួយចំនួនក៏ត្រូវប្រឈមនឹងបញ្ហាបាក់ដីយ៉ាងឆាប់ផងដែរ។ សូមបញ្ជាក់ជូនថា ប្រទេសនេប៉ាល់កំពុងរងនូវការគំរាមគំហែងដោយសារគ្រោះធម្មជាតិយ៉ាងធ្ងន់ធ្ងរក្នុងរយៈពេលប៉ុន្មានថ្ងៃចុងក្រោយនេះ ជាក់ស្តែងនៅលើភ្នំអេវឺរេសឯនោះវិញក៏កំពុងមានមនុស្សជិត ១,០០០នាក់ត្រូវជាន់នៅលើទោះផងដែរ ដោយសារតែមានព្យុះព្រិលទឹកកកខ្លាំងពេក៕ អត្ថបទ៖ ភក្តី ប្រភព៖ Channel News Asia

អាឡឺម៉ង់៖ អាកាសយានដ្ឋាន Munich របស់ប្រទេសអាឡឺម៉ង់បានសម្រេចផ្អាកប្រតិបត្តិការណ៍ហោះហើររបស់ខ្លួនជាបន្ទាន់ ក្រោយពីប្រទះឃើញ Drone ដែលគ្មានអត្តសញ្ញាណច្បាស់លាស់រាប់សិបគ្រឿងនៅលើដែនអាកាស នេះបើយោងតាមការចុះផ្សាយរបស់បណ្តាញសារព័ត៌មាន South China Morning Post នៅក្នុងថ្ងៃទី​៤ ខែតុលា។ គិតត្រឹមពេលនេះ ការសម្រេចផ្អាកប្រតិបត្តិការណ៍ហោះហើរយ៉ាងបន្ទាន់នេះបានអូសបន្លាយដល់ថ្ងៃទី២ហើយ ខណៈអាជ្ញាធរអាកាសចរណ៍អាឡឺម៉ង់នៅមិនទាន់អាចបញ្ជាក់ពីប្រភពនៃបញ្ហានិងដំណោះស្រាយឱ្យបានច្បាស់លាស់នៅឡើយទេ។ យ៉ាងណាក្តី តាមការសន្និដ្ឋានបឋមរបស់ប្រទេសមួយចំនួនគឺពួកគេបានដាក់ការសង្ស័យថា Drone គ្មានអត្តសញ្ញាណទាំងអស់នោះទំនងជារបស់ប្រទេសរុស្ស៊ី​ ខណៈហេតុផលជាក់លាក់នៅពីក្រោយហេតុការណ៍ដ៏កម្រនេះ នៅមិនទាន់មានអ្នកជំនាញណាអាចពន្យល់បាននៅឡើយទេ។ ក្រៅតែពីអាកាសយានដ្ឋាន Munich របស់ប្រទេសអាឡឺម៉ង់ នៅថ្ងៃនេះក៏មានអាកាសយានដ្ឋានមួយចំនួនទៀតនៅក្នុងប្រទេសដាណឺម៉ាក ន័រវេស និងប៉ូឡូញ បានសម្រចផ្អាកប្រតិ​​​បត្តិការណ៍ជាបណ្តោះអាសន្នសិនផងដែរ ដើម្បីការពារគ្រោះថ្នាក់ផ្សេងៗដែលអាចកើតមានឡើងចំពោះអ្នកដំណើរ។ ប្រភពខាងលើបានបន្តថា ការសម្រេចផ្អាកប្រតិបត្តិការណ៍របស់អាកាសយានដ្ឋាន Munich បានធ្វើឱ្យប៉ះពាល់ដល់ជើងហោះហើរចំនួន