ឥណ្ឌា៖ រដ្ឋាភិបាលនៃប្រទេសឥណ្ឌាបានសម្រេចផ្អាកការងារមន្ត្រីម្នាក់ ដែលបានបញ្ជាឲ្យគេបង្ហូរទឹកចេញពីអាងស្តុកទឹកមួយកន្លែង ដើម្បីស្វែងរកទូរស័ព្ទរបស់គាត់បានបានធ្លាក់ចូលទៅក្នុងនោះ។ បើយោងតាមការចុះផ្សាយរបស់បណ្តាញសារព័ត៌មាន The Guardian បានឲ្យដឹង​ថា ហេតុការណ៍នេះបានកើតឡើងនៅក្នុងរដ្ឋ Chhattisgarh ភាគខាងលិចនៃប្រទេសឥណ្ឌា ខណៈមន្ត្រីដែលត្រូវបានព្យួរពីការងារនោះមានឈ្មោះថា Rajesh Vishwas មានតួនាទីជា មន្ត្រីត្រួតពិនិត្យគុណភាពចំណីអាហារ។ ប្រភពខាងលើបានបន្តថា ទូរស័ព្ទដែលបានធ្លាក់ចូលទៅក្នុងអាងស្តុកទឹកនោះគឺជាទូរស័ព្ទដៃម៉ាក Samsung ដែលមានផ្ទុកទិន្នន័យសំខាន់ៗមួយចំនួនរបស់លោក Rajesh Vishwas ក្នុងពេលចុះបំពេញការងារក្នុងនាមជាមន្ត្រីត្រួតពិនិត្យគុណភាពចំណីអាហារ។ យ៉ាងណាក្តី អាងស្តុកទឹកដែលត្រូវបានគេបង្ហូរទឹកចេញអស់នោះគឺជាប្រភពទឹកដ៏សំខាន់មួយសម្រាប់ប្រជាពលរដ្ឋ និងប្រជាកសិករនៅជុំវិញតំបន់កើតហេតុនោះ។ អាងស្តុកទឹកនោះមានទឹកប្រមាណជា ២លានម៉ែត្រគូប ដែលអាចផ្គត់ផ្គង់ក្នុងការធ្វើកសិកម្មលើផ្ទៃដីប្រមាណជា ៦០០ហិចតា។ ហេតុផលសំខាន់មួយទៀតដែលជម្រុញឲ្យរដ្ឋាភិបាលឥណ្ឌាសម្រេចផ្អាកការងារមន្ត្រីខាងលើនេះ គឺសកម្មភាពរបស់គាត់បានកើតឡើងស្របពេលដែលពលរដ្ឋឥណ្ឌាជាច្រើននាក់កំពុងត្រូវការទឹកសម្រាប់ប្រើប្រាស់ប្រចាំថ្ងៃជាចាំបាច់ ដ្បិតប្រភពទឹកជាច្រើននៅក្នុងប្រទេសឥណ្ឌាបានរីងស្ងួតក្រោយសីតុណ្ណភាពបានកើនឡើងក្នុងកម្រិតយ៉ាងខ្ពស់៕ អត្ថបទ៖ ភក្តី ប្រភព៖ The Guardian

ស៊ុយអែត៖ ត្រីបាឡែនដែលជាចារកម្មរបស់រដ្ឋាភិបាលរុស្ស៊ីត្រូវបានគេប្រទះឃើញបង្ហាញខ្លួនតំបន់ឆ្នេរសមុទ្រនៃប្រទេសស៊ុយអែត នេះបើយោងតាមការចុះផ្សាយរបស់បណ្តាសារព័ត៌មាន The Strait Time កាលពីយប់ថ្ងៃចន្ទ ទី២៩ ខែឧសភានេះ។ តាមការកត់សម្គាល់ត្រីបាឡែនដែលជាចារម្មរបស់រុស្ស៊ីប្រភេទនេះធ្លាប់បានបង្ហាញខ្លួនជាលើកដំបូងនៅឆ្នេរសមុទ្រនៃប្រទេសន័រវេស កាលពីអំឡុងឆ្នាំ ២០១៩។ បើតាមក្រុមអ្នកជំនាញបានឲ្យដឹងថា ចារម្មដ៏ឆ្លាតវ័យនេះមានអាយុប្រហែលជា ១៣-១៤ឆ្នាំ ត្រូវបានបណ្តុះបណ្តាលនិងហ្វឹកហាត់ដោយក្រុមអ្នកជំនាញរុស្ស៊ី ហើយវាបានរួមចំណែកបំពេញការងារសំខាន់សំខាន់ៗជាច្រើនក្នុងវិស័យយោធាជើងទឹករបស់រុស្ស៊ី។ ប្រភពខាងលើបានបន្តថា ការបង្ហាញខ្លួនរបស់ត្រីបាឡែនដែលជាចារម្មរបស់រុស្ស៊ីនៅពេលនេះគឺទំនងជាកើតឡើងក្រោយពេលវាបានបញ្ចប់បេសកកម្មរយៈពេល ៤ឆ្នាំនៅក្នុងប្រទេសន័រវេស ហើយត្រូវបន្តបេសកកម្មថ្មីនៅដែនសមុទ្រនៃប្រទេសស៊ុយអែតវិញម្តង៕ ប្រភព៖ The Strait Time

ចិន៖ កាសែត The Strait Time បានរាយការណ៍ថា នៅក្នុងថ្ងៃអង្គារ ទី៣០ ខែឧសភានេះចិនបានបញ្ជូនអវកាសយានិកបីនាក់ទៅកាន់ស្ថានីយអវកាស Tiangong  តាមរយៈការបង្ហោះយានអវកាសដ៏ទំនើបចុងក្រោយមួយរបស់ខ្លួន។ យានអវកាសដែលចិនទើបតែបានបង្ហោះនោះមានឈ្មោះថា Long March-2F ត្រូវបានបង្ហោះចេញពីស្ថានីយ៍ Jiuquan Satellite Launch Centre ដែលស្ថិតនៅភាគភាគពាយ័ព្យនៃប្រទេសចិន។ប្រភពខាងលើបានបន្តថា ការបង្ហោះយានអវកាសនេះគឺជា បេសកកម្ម Shenzhou-16 របស់ចិន ហើយវាគឺជាបេសកកម្មលើកទី​មួយ ដែលចិនបានបញ្ជូនអ្នកវិទ្យាសាស្រ្តស៊ីវិលទៅកាន់ទីអវកាស។ ទន្ទឹមនឹងការបញ្ជូនយានអវកាសដ៏ទំនើបខាងលើនេះ អាជ្ញាធរចិនបានបញ្ជាក់ថានៅចុងទសវត្សរ៍នេះ (អំឡុងឆ្នាំ ២០៣០)​ ចិនក៏មានគម្រោងបញ្ជូនយានអវកាសទៅកាន់ឋានព្រះចន្ទផងដែរ។ គួរបញ្ជាក់ជូនថា ចិនបានវិនិយោគប្រាក់រាប់ពាន់លានដុល្លារក្នុងកម្មវិធីអភិវឌ្ឍវិស័យអវកាសរបស់ខ្លួន ហើយការខិតខំនេះបានជំរុញឲ្យវិស័យអវកាសរបស់ចិនតាមទាន់វិស័យអវកាសរបស់សហរដ្ឋអាមេរិកនិងប្រទេសរុស្ស៊ីផងដែរ៕ អត្ថបទ៖ ភក្តី

ចិន៖ យោងតាមការចុះផ្សាយរបស់បណ្តាញសារព័ត៌មាន The Strait Time បានឲ្យដឹងថា សីតុណ្ហភាពនៅក្នុងទីក្រុងសៀងហៃ ប្រទេសចិនបានឡើងដល់កម្រិតខ្ពស់បំផុតមិនធ្លាប់មានកាលពីថ្ងៃចន្ទ ទី២៩ ខែឧសភាម្សិលមិញនេះ។ បើតាមការិយាល័យឧតុនិយមក្រុងសៀងហៃបានបញ្ជាក់ថា សីតុណ្ហភាពនៅក្នុងទីក្រុងសៀងហៃបានកើនឡើងដល់ ៣៦,១ អង្សាសេ​ ដែលជាកម្រិតខ្ពស់បំផុតមិនធ្លាប់មានទាល់តែសោះក្នុងរយៈពេលជាង ១០០ឆ្នាំចុងក្រោយនេះ។ ផ្អែកទៅតាមរបាយការណ៍របស់អាជ្ញាធរក្រុងសៀងហៃបានបង្ហាញថា នាពេលកន្លងមកទីក្រុងសេដ្ឋកិច្ចមួយនេះធ្លាប់ប្រឈមនឹងរលកកម្តៅខ្ពស់បំផុតត្រឹមកម្រិត ៣៥,៧ អង្សាសេប៉ុណ្ណោះ។ យោងតាមការព្យាករណ៍បានបង្ហាញថា នៅក្នុងរយៈពេល ២-៣ថ្ងៃទៀតតំបន់ផ្សេងៗមួយចំនួនទៀតរបស់ចិនក៏ត្រូវប្រឈមនឹងរលកកម្តៅក្នុងកម្រិតខ្ពស់ផងដែរដូចជា ក្រុងសំខាន់ក្នុងខេត្ត Sichuan ត្រូវប្រឈមនឹងរលកកម្តៅក្នុងកម្រិត ៣៨អង្សាសេ តំបន់ភាគខាងត្បូងខេត្ត Sichuan, ខេត្ត Guizhou, ខេត្ត Yunnan ត្រូវប្រឈមនឹងរលកកម្តៅក្នុងកម្រិត ៣៩អង្សាសេ ខណៈតំបន់ដាច់ស្រយាលមួយចំនួនត្រូវប្រឈមនឹងរលកកម្តៅរហូតដល់ ៤២អង្សាសេ៕ អត្ថបទ៖

អាមេរិក៖ ថ្ងៃបញ្ចប់ការសិក្សានៅមហាវិទ្យាល័យគឺជាថ្ងៃដ៏រីករាយមួយសម្រាប់ក្រុមនិស្សិតគ្រប់រូប ត្បិតក្រុមនិស្សិតរាប់ពាន់នាក់មកពីផ្នែកផ្សេងៗគ្នានិងជំនាន់់ផ្សេងៗគ្នា​ត្រូវបានអញ្ជើញឲ្យមកជួបជុំគ្នាក្នុងកម្មវិធីតែមួយដើម្បីទទួលសញ្ញាប័ត្រនិងថតរូបភាពស្អាតៗទុកជាអនុស្សាវរីយ៍។ បន្ថែមពីលើភាពរីករាយខាងលើនេះ ក្រុមនិសិត្សជាង ២ពាន់នាក់នៅសហរដ្ឋអាមេរិកត្រូវបានបណ្តាញសារព័ត៌មាន NDTV រាយការណ៍ថា ពួកគេមានការភ្ញាក់ផ្អើលយ៉ាង​ខ្លាំង ដោយពួកគេត្រូវទទួលរង្វាន់ជាទឹកប្រាក់ម្នាក់ ១,០០០ដុល្លារទាំងមិនបានដឹងខ្លួនមុន។ លោកមហាសេដ្ឋី Robert Hale ប្រភពខាងលើបានបន្តថា ភាពភ្ញាក់ផ្អើលនេះបានកើតឡើងនៅក្នុងវិធីចែកសញ្ញាប័ត្រដល់និស្សិតចំនួន ២,៥០០នាក់នៅឯសាកលវិទ្យាល័យ Massachusetts ក្នុងរដ្ឋ Boston ​កាលពីសប្តាហ៍កន្លងទៅនេះ។ នៅក្នុងពិធីចែកសញ្ញាប័ត្រនោះខាងសាកលវិទ្យាល័យបានអញ្ជើញលោកមហាសេដ្ឋី Robert Hale មកធ្វើជាវាគ្មិនកិត្តិយ​ស ហើយនៅក្នុងអំឡុងពេលថ្លែងសន្ទរកថា ស្រាប់តែលោកមហាសេដ្ឋីរូបនេះបានប្រកាសថា គាត់នឹងយកលុយផ្ទាល់ខ្លួនរបស់គាត់ផ្តល់ជារង្វាន់ដល់និស្សិតទាំងអស់ដោយម្នាក់ៗត្រូវបាន ១,០០០ដុល្លារ។ យ៉ាងណាក្តី លោក Robert Hale បានរៀបចំប្រាក់ ១,០០០ដុល្លារនោះក្នុងស្រោមសំបុត្រ ២ផ្សេងគ្នា ដោយស្រោមសំបុត្រមួយមានលុយ ៥០០ដុល្លារសម្រាប់ផ្តល់ជូននិស្សិតផ្ទាល់ និងស្រោមសំបុត្រដែលមានលុយ

អូស្រ្តាលី៖ ទីក្រុងមែលប៊ននៃប្រទេសអូស្រ្តាលីបានរងនូវការវាយប្រហារដោយគ្រោះរញ្ជួយដីក្នុងកម្រិតខ្ពស់គួរឲ្យកត់សម្គាល់មួយ នេះបើយោងតាមការចុះផ្សាយរបស់បណ្តាញសារព័ត៌មាន CNN នៅព្រឹកថ្ងៃចន្ទ ទី២៩ ខែឧសភានេះ។ គ្រោះរញ្ជួយដីបានកើតឡើងក្នុងកម្រិត ៣,៨ រ៉ិចទ័រ នៅតំបន់ភាគខាងជើងទីក្រុងមែលប៊ន ខណៈហេតុការណ៍រញ្ជួញដីនេះបានកើតឡើងនៅក្នុងរយៈពេលប្រមាណជា ៥-១០ វីនាទីប៉ុណ្ណោះ។ បើទោះជាគ្រោះធម្មជាតិដែលបានកើត​មានឡើងក្នុងជម្រៅដីប្រហែលជា ២គីឡូម៉ែត្រមួយនេះមិនបានបង្កឲ្យមានគ្រោះថ្នាក់ធ្ងន់ធ្ងរក៏ពិតមែន តែសម្រាប់អាជ្ញាធរក្រុងមែលប៊នបានកត់សម្គាល់ថា​ វាគឺជាគ្រោះរញ្ជួយដីដ៏កម្រមួយ ពោលគឺជាគ្រោះរញ្ជួយដីកម្រិតខ្ពស់បំផុតមិនធ្លាប់មានបើគិតក្នុងរយៈ ១២០ចុងក្រោយនេះ។ អាជ្ញាធរអូស្រ្តាលីបានបន្តថា កាលពីឆ្នាំ ១៩០២ ទីក្រុងមែនប៊នធ្លាប់កើតមានគ្រោះរញ្ជួញដីម្តងក្នុងកម្រិត ៤,៥ រ៉ិចទ័រ ហើយតាំងពីពេលនោះមកទីក្រុងដ៏ធំមួយនេះមិនធ្លាប់កើតមានគ្រោះរញ្ជួយដីគួរឲ្យកត់សម្គាល់ណាមួយឡើយ៕ អត្ថបទ៖ ភក្តី ប្រភព៖ CNN

ថៃ៖ នាយកដ្ឋានជំរុញពាណិជ្ជកម្មអន្តរជាតិថៃបានព្រមានឲ្យមានការពង្រឹងលើគុណភាពទុរេនដែលត្រូវនាំចេញទៅលក់នៅក្នុងប្រទេសចិន ក្រោយទុរេនថៃហាក់កំពុងរងនូវការគំរាមគំហែងយ៉ាងខ្លាំងពីសំណាក់ទុរេនរបស់ហ្វីលីពីនិងទុរេនវៀតណាមនៅក្នុងទីផ្សារដ៏ធំមួយនេះ។ បើយោងតាមការចុះផ្សាយរបស់បណ្តាញសារព័ត៌មាន National Thailand នៅថ្ងៃទី ២៨ ខែឧសភានេះបានឲ្យដឹងថា ទុរេនថៃនៅក្នុងទីផ្សារប្រទេសចិនបានធ្លាក់ថ្លៃពីតម្លៃចន្លោះពី ៥២-៥៨បាត (៧,៣៦-៨,២០ដុល្លារ) ក្នុងមួយគីឡូក្រាមមកសល់ត្រឹមតម្លៃចន្លោះពី ៣៦-៤៨យន់ (៥,១០-៦,៨០ដុល្លារ) ក្នុងមួយគីឡូក្រាមគិតត្រឹមចុងខែឧសភានេះ។ បើតាមលោក Phusit Ratanakul Sereroengrit ដែលជាប្រធាននាយកដ្ឋានជំរុញពាណិជ្ជកម្មអន្តរជាតិថៃបានបញ្ជាក់ថា ការធ្លាក់ចុះនៃតម្លៃរបស់ទុរេនថៃនៅពេលនេះគឺដោយសារតែមានការប្រកួតប្រជែងខ្លាំងពីសំណាក់ទុរេនហ្វីលីពីន ដែលមានតម្លៃចន្លោះពី ៣៧-៤៥ យន់ (៥,២៣-៦,៣៧ ដុល្លារ) ក្នុងមួយគីឡូក្រាម និងទុរេនវៀតណាមដែលមានតម្លៃចន្លោះពី ៣២-៤១ យន់ (៤,៥៣-៥,៨០ដុល្លារ)ក្នុងមួយគីឡូក្រាម។ គួរបញ្ជាក់ជូនថា កាលពីឆ្នាំកន្លងទៅប្រទេសចិនធ្លាប់បាននាំចូលទុរេនជាង ៨២៥,០០០តោន

ក្នុងរយៈពេលជាច្រើនខែចុងក្រោយនេះសីតុណ្ហភាពបានកើនឡើងក្តៅស្ទើរតែគ្រប់ទីកន្លែងនៅជុំវិញពិភពលោក ខណៈពលរដ្ឋម្នាក់ៗបានស្វែងរកវិធីផ្សេងៗគ្នាដើម្បីសម្របខ្លួនទៅនឹងបញ្ហាអាកាសធាតុនេះដ៏អាក្រក់នេះ។ បើយោងតាមការចុះផ្សាយរបស់បណ្តាញសារព័ត៌មាន World of Buzz បានឲ្យដឹងថា មានវិធីសាមញ្ញៗ  ៦យ៉ាងអាចជួយឲ្យលោកអ្នកអាចសម្របខ្លួនបានយ៉ាងស្រួលជាមួយនឹងអាកាសធាតុក្តៅ មានដូចជា៖ ១៖ញ៉ាំអាហារហឹរឲ្យបានច្រើន ព្រោះអាហារដែលមានរសជាតិហឹរនឹងធ្វើឲ្យលោកអ្នកបែកញឹស ហើយញឹសទាំងទាំងនោះក៏បានរួមចំណែកធ្វើឲ្យរាងកាយរបស់លោកត្រជាក់ផងដែរ។ ២៖ផឹកតែបុរាណធម្មជាតិរបស់ចិន ដូចជាតែ Chrysanthemum, តែ Luo Han Guo, តែ Winter Melon, និង តែ Tie Guan Yin​(ប្រភេទតែអ៊ូឡុង) ដើម្បីបង្កើតភាពត្រជាក់ចេញពីក្នុងរាងកាយ។ ៣៖សៀកសំលៀកបំពាក់ពណ៌ភ្លឺៗ ឬស្រាលៗ ដូចជាពណ៌សជាដើមដើម្បីកាត់បន្ថយការស្រូបកម្តៅមកកាន់រាងកាយ។ សំលៀកបំពាក់ពណ៌ខ្មៅគឺអាចស្រូបកំដៅបានលឿនបំផុត។ ៤៖ដាក់ធុងទឹកនៅក្នុងបន្ទប់ឲ្យបានច្រើន ដើម្បីជួយបង្កើតបរិយាកាសត្រជាក់។ ៥៖ដាក់ដុំទឹកកកនៅពីមុខកង្ហាររបស់លោកអ្នកក៏អាចជួយបង្កើតឲ្យមានខ្យល់ត្រជាក់នៅក្នុងផ្ទះបានដែរ។

វៀតណាម៖ យោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅព្រឹកថ្ងៃសោរ៍ ទី២៧ ខែឧសភាបានឲ្យដឹងថា ប្រទេសវៀតណាមគ្រោងនឹងកាត់​បន្ថយការនាំចេញអង្ករពី ៧,១លានតោន (គិតក្នុងឆ្នាំ ២០២២) មកសល់ត្រឹម ៤លានតោន ឬស្មើនឹងការកាត់បន្ថយបរិមាណអង្ករ ៤៤%នៃចំនួនអង្ករដែលវៀតណាមធ្លាប់នាំចេញជាមធ្យមប្រចាំឆ្នាំនៅត្រឹមឆ្នាំ ២០៣០ ខាងមុខនេះ។ គួរបញ្ជាក់ថា នាពេលបច្ចុប្បន្ននេះវៀតណាមគឺជាប្រទេសនាំចេញអង្ករក្នុងបរិមាណច្រើនបំផុតលំដាប់ទី ៣នៅលើពិភពលោកបន្ទាប់ពីប្រទេសឥណ្ឌា និងប្រទេសថៃ។ ប្រភពខាងលើបានបន្តថា ហេតុផលសំខាន់ៗមួយចំនួនដែលធ្វើឲ្យរដ្ឋាភិបាលវៀតណាមត្រូវដាក់ចេញនូវផែនការកាត់បន្ថយការនាំអង្ករចេញខាងលើនេះមានដូចជា ធានាសន្តិសុខស្បៀងអាហារក្នុងស្រុក ការពារបរិស្ថាន សម្របខ្លួនទៅនឹងការប្រែប្រួលអាកាសធាតុ និងជំរុញការនាំចេញតែអង្ករដែលដែលមានគុណភាពខ្ពស់។ ការសម្រេចកាត់បន្ថយការនាំចេញអង្ករក្នុងបរិមានដ៏ច្រើននេះនឹងធ្វើឲ្យប្រាក់ចំណូលបានមកពីការលក់អង្កររបស់វៀតណាមត្រូវធ្លាក់ពី ៣,៤៥ ពាន់លានដុល្លារ (គិតក្នុងឆ្នាំ ២០២២) មកដល់ត្រឹម ២,៦២ពាន់លានដុល្លារប៉ុណ្ណោះ (គិតក្នុងឆ្នាំ ២០៣០)៕

អង់គ្លេស៖ ការសិក្សាថ្មីមួយបានរកឃើញថា មួយភាគបីនៃចំនួនប្រជាជននៅលើពិភពលោកនឹងត្រូវរស់នៅក្នុងស្ថានភាពក្តៅប្រកបដោយគ្រោះថ្នាក់មួយនៅត្រឹមឆ្នាំ ២០៨០ ខាងមុខនេះ ប្រសិនបើពិភពលោកនៅតែបន្តដើរលើគន្លងបច្ចុប្បន្នរបស់ខ្លួន។ យោងតាមការចុះផ្សាយរបស់បណ្តាញសារព័ត៌មាន The Strait Time នៅព្រឹកថ្ងៃសោរ៍ ទី២៧ ខែឧសភានេះបានបញ្ជាក់ថា​​ ការសិក្សាខាងលើនេះត្រូវបានធ្វើឡើងដោយក្រុមអ្នកស្រាវជ្រាវមកពីសាកលវិទ្យាល័យ Exeter University ដែលជាផ្នែកមួយនៃវិទ្យស្ថានប្រព័ន្ធសកល (Global Systems Institute) មានមូលដ្ឋាននៅក្នុងប្រទេសអង់គ្លេស។ លទ្ធផលនៅក្នុងការសិក្សាបានបង្ហាញថា សីតុណ្ហភាពជាមធ្យមនៅលើពិភពលោកនឹងត្រូវកើនឡើង ២,៧ អង្សាសេ ហើយតំបន់អាហ្វ្រិកខាងលិចនឹងក្លាយជាតំបន់ដែលមានសីតុណ្ហភាពក្តៅបំផុត។ ក្នុងការសិក្សាក៏បានបង្ហាញផងដែរ ប្រទេសដែលនឹងមានពលរដ្ឋងាយរងគ្រោះដោយរលកកម្តៅជាងគេមានចំនួន ៣ដូចជា ប្រទេសឥណ្ឌាដែលនឹងមានពលរដ្ឋរងផលប៉ះពល់ខ្លាំងពីរលកកម្តៅប្រមាណជា ៦០០លាននាក់ ប្រទេសនីហ្សេរីយ៉ាមានពលរដ្ឋរងគ្រោះដោយរលកកម្តៅប្រមាណជា ៣០០លាននាក់ និងប្រទេសឥណ្ឌូនេស៊ីមានពលរដ្ឋរងគ្រោះដោយរលកកម្តៅប្រមាណជា​ ១០០លាននាក់ផងដែរ។