អាមេរិក៖ Meta ដែលជាក្រុមហ៊ុនគ្រប់គ្រង់លើបណ្តាញសង្គម Facebook និង Instagram បានអនុវត្តផែនការកាត់បន្ថយបុគ្គលិកជុំទី ៣ ដែលជាជុំចុងក្រោយរបស់ខ្លួនរួចរាល់ហើយកាលដើមសប្តាហ៍នេះ។ ក្រុមបុគ្គលិកដែលត្រូវបានបញ្ឈប់ពីការងារទាំងអស់នោះមានដូចជា ក្រុមបុគ្គលិកមកពីផ្នែកទីផ្សារ ផ្នែកសុវត្ថិភាពគេហទំព័រ ផ្នែកវិស្វកម្មសហគ្រាស ផ្នែកគ្រប់គ្រងកម្មវិធី ផ្នែកយុទ្ធសាស្ត្រមាតិការ និងផ្នែកទំនាក់ទំនងសាជីវកម្មជាដើម។ បើគិតចាប់តាំងពីពេលដែលក្រុមហ៊ុន Meta ផ្តើមអនុវត្តផែនការកាត់បន្ថយបុគ្គលិកនៅពាក់កណ្តាលឆ្នាំ​ ២០២១ រហូតមកទល់នឹងពេលនេះ​ គឺមានបុគ្គលិកសរុបជាង ១១,០០០នាក់ដែលត្រូវបានបាត់បង់ការងារ។ ការកាត់បន្ថយបុគ្គលិកនេះគឺជាផែនការបញ្ឈប់បុគ្គលិកទ្រង់ទ្រាយធំបំផុតមិនធ្លាប់មាននោះទេ ខណៈនាពេលកន្លងមកក្រុមហ៊ុនធ្លាប់បានអះអាងថា ហេតុផលនៃការអនុវត្តគម្រោងនេះគឺត្រូវបានធ្វើឡើងដើម្បីឆ្លើយតបទៅនឹងស្ថានភាពហរិញ្ញវត្ថុរបស់ក្រុមហ៊ុន។ យ៉ាងណាក្តី បើយោងតាមការចុះផ្សាយរបស់បណ្តាញសារព័ត៌មាន The Thaiger បានបញ្ជាក់ថា ទន្ទឹមនឹងការកាត់បន្ថយកម្លាំងពលកម្មរបស់មនុស្សក្នុងទំហំដ៏ច្រើននេះ ក្រុមហ៊ុន Meta ក៏កំពុងតែផ្តោតលើកម្រោងយកបច្ចេក AI (បញ្ញាសិប្បនិម្មិត)​

អង់គ្លេស៖ វីដេអូបែបលេងសើចមួយប្រភេទដែលមានលក្ខណៈជាការសម្តែងធ្វើឲ្យអ្នកណាម្នាក់ភ្ញាក់ផ្អើល ឬជាទូទៅគេតែងហៅថា “Prank” កំពុងទទួលបានប្រជាប្រិយភាពយ៉ាងខ្លាំងនៅលើបណ្តាញសង្គមនាពេលបច្ចុប្បន្ននេះ។ យ៉ាងណាក្តី សម្រាប់អាជ្ញាធរអង់គ្លេសបានមើលឃើញថា ការផលិតនិងបង្ហោះវីដេអូ “Prank” មួយចំនួនបានធ្វើឲ្យប៉ះពាល់យ៉ាងខ្លាំងចំពោះសិទ្ធរបស់បុគ្គលដែលត្រូវគេលេងសើចជាមួយនោះ ហើយមនុស្សមួយចំនួនក៏មិនពេញចិត្តឲ្យគេមកលេងសើច និងយកវីដេអូមានសកម្មភាពរបស់ពួកគាត់ទៅបង្ហោះជាសាធារណៈផងដែរ។ ដើម្បីឆ្លើយតបនឹងរឿងវ៉ាវចម្រូងខាងលើនេះ អាជ្ញាធរអង់គ្លេសបានសម្រេចដាក់ចេញនូវវិធានការតឹងរឹងមួយ​ គឺកំណត់ឲ្យអ្នកប្រើប្រាស់បណ្តាញសង្គម TikTok ត្រូវតែទទួលបានការអនុញ្ញាតពីបុគ្គលដែលមានសកម្មភាពនៅក្នុងវីដេអូជាមុនសិន ទើបអាចបង្ហោះវីដេអូនោះជាសាធារណៈបាន។ ក្នុងករណីដែលអ្នកប្រើប្រាស់បណ្តាញសង្គម TikTok បង្ហោះវីដេអូដោយគ្មានការអនុញ្ញាតពីបុគ្គលទាំងឡាយដែលមានសកម្មភាពនៅក្នុងនោះទេ គឺអាជ្ញាធរនឹងធ្វើការបិទគណនីរបស់ពួកគេ ហើយក្នុងករណីធ្ងន់ធ្ងរពួកគេអាចប្រឈមនឹងការដោះស្រាយតាមផ្លូវច្បាប់ផងដែរ ប្រសិនបើមានបុគ្គលណាម្នាក់ដែលមានសកម្មភាពក្នុងវីដេអូនោះដាក់ពាក្យប្តឹងមកកាន់អាជ្ញាធរ៕ អត្ថបទ៖ ភក្តី ប្រភព៖ South China Morning Post

វៀតណាម៖ តុលាការវៀតណាមបានសម្រេចផ្តន្ទាទោសអ្នកលក់ហ្វឺម្នាក់ឲ្យ​ជាប់ពន្ធនាគាររយៈពេល ៥ឆ្នាំកន្លះ ក្រោយអ្នកលក់អាហារតាមចិញ្ចើមផ្លូវរូបនេះបានធ្វើសកម្មភាពសើចចំអកឲ្យ​មន្ត្រីជាន់ខ្ពស់របស់រដ្ឋាភិបាលវៀតណាមម្នាក់។ អ្នកលក់ហ្វឺរូបនេះមានឈ្មោះថា Bui Tuan Lam អាយុ ៣៩ឆ្នាំ និងជាអ្នកលក់ដ៏ល្បីមួយរូបក្រោយរូបគាត់បានប្រើប្រាស់ស្តាយរោយស្លឹកខ្ទឹមដាក់ក្នុងហ្វឺរបស់គាត់ ដូចទៅនឹងស្តាយរបស់កំពូលចុងភៅរោយអំបិល “Salt Bae”។ គួររម្លឹកជូនថា កាលពីខែវិច្ឆិកា ឆ្នាំ២០២១កន្លងទៅ លោក Bui Tuan Lam បានប្រើប្រាស់ Facebook មានឈ្មោះថា “Green Onion Bae” បង្ហោះវីដេអូមួយ ដែលបង្ហាញពីសកម្មភាពរោយស្លឹកខ្ទឹមអមដោយការប្រើប្រាស់ពាក្យ​ពេចន៍មួយចំនួនដែលមានលក្ខណៈសើចចំអកដល់មន្ត្រីជាន់ខ្ពស់របស់រដ្ឋាភិបាលវៀតណាមម្នាក់ ដែលបានទៅពិសារសាច់គោតម្លៃជាង​១ពាន់ដុល្លាររបស់កំពូលចុងភៅ “Salt Bae” នៅក្នុងប្រទេសអង់គ្លេស។ ការសើចចំអកនោះគឺចង់បង្ហាញថា ហេតុអ្វីមន្ត្រីរបស់រដ្ឋាភិបាលវៀតណាមដែលមានប្រាក់ខែតិចតួច បែរជាមានលុយទៅញ៉ាំអាហារតម្លៃជាង ១ពាន់ដុល្លារ

ចិន៖ បុរសជនជាតិចិនម្នាក់ត្រូវបានជនខិលខូចប្រើប្រាស់បច្ចេកវិទ្យា AI (បញ្ញាសិប្បនិម្មិត) មកបោកប្រាស់យកប្រាក់អស់ជាង ៦០ម៉ឺនដុល្លារ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅព្រឹកថ្ងៃព្រហស្បតិ៍ ទី២៥ ខែឧសភានេះ។ បុរសជាជនរងគ្រោះត្រូវបានគេរស្គាល់ថា មានឈ្មោះ Guo រស់នៅក្នុងទីក្រុង Fuzhou ភាគខាងត្បូងនៃប្រទេសចិន។ ប្រភពខាងលើបានបន្តថា មុនពេលកើតហេតុលោក Guo បានទទួលការហៅទូរស័ព្ទជាវីដេអូពីមិត្តភក្តិស្និតស្នាលរបស់គាត់ម្នាក់ ដែលតេមកនិយាយរៀបរាប់ពីបញ្ហាបន្ទាប់ដែលរូបគាត់កំពុងជួបប្រទះ និងចាំបាច់ត្រូវការខ្ចីលុយពីលោក Guo ចំនួន ៤,៣ លានយន់ (៦០៨ ២១២​ដុល្លារ)។ ដោយបានមើលឃើញមុខមាត់ និងសំឡេងពិតជាមិត្តភក្តិស្និតស្នាលរបស់ខ្លួន លោក Guo ក៏បានផ្ញើលុយគ្រប់ចំនួនទៅកាន់ជនខិលខូច តែលោកបានកត់សម្គាល់រឿងចម្លែកមួយថា ក្នុងពេលសន្ទនានោះមិត្តភក្តិរបស់គាត់មិនបានប្រើប្រាស់ពាក្យមួយចំនួនដែលពួកគាត់តែងតែនិយាយដាក់គ្នានោះទេ។ ដោយមានមន្ទិលក្នុងចិត្ត

អ៊ុយរូហ្គាយ៖ ពលរដ្ឋ​រាប់ម៉ឺនគ្រួសារដែលកំពុងរស់នៅក្នុងរដ្ឋធានីម៉ុងតេវីដេអូ នៃប្រទេសអ៊ុយរូហ្គាយត្រូវបានបណ្តាញសារព័ត៌មាន The Strait Time រាយការណ៍នៅរសៀលថ្ងៃពុធ ទី២៤នេះថា​ កំពុងតែនាំគ្នាបួងសួងសុំឲ្យមានភ្លៀងធ្លាក់ ខណៈបរិមាណទឹកបម្រុងទុកសម្រាប់ប្រើប្រាស់ក្នុងទីក្រុងមួយនេះបានរីងស្ងួតស្ទើរតែអស់ទៅហើយ។ បើតាមអាជ្ញាធរក្រុងម៉ុងតេវីដេអូបានបញ្ជាក់ថា នៅក្នុងអាងស្តុកទឹកសម្រាប់ផ្គត់ផ្គង់ក្នុងទីក្រុងនៅពេលនេះគឺមានទឹកនៅសល់ប្រមាណជា ៦,២លានម៉ែត្រគូបតែប៉ុណ្ណោះ ខណៈជាមធ្យមក្នុងមួយថ្ងៃទីក្រុងមួយនេះត្រូវការទឹកប្រើប្រាស់ប្រហែលជា ៦៥០,០០០ម៉ែត្រគូប។ ផ្អែកលើរបាយការណ៍ខាងលើនេះគឺមានន័យថា ទីក្រុងម៉ុងតេវីដេអូនៅសល់ទឹកសម្រាប់ប្រើប្រាស់បានត្រឹមតែប្រមាណជា ១០ថ្ងៃទៀតប៉ុណ្ណោះ។ គួរកត់សម្គាល់ថា ប្រទេសអ៊ុយរូហ្គាយបានប្រឈមនឹងរលកកម្តៅខ្ពស់បំផុតនៅក្នុងរដូវក្តៅឆ្នាំនេះ ហើយបញ្ហាធម្មតជាតិមួយនេះក៏បានធ្វើឲ្យប្រភពទឹកសំខាន់ៗជាច្រើននៅប្រទេសអ៊ុយរូហ្គាយត្រូវរីងស្ងួតផងដែរ។ ជាក់ស្តែងទីក្រុងម៉ុងតេវីដេអូកំពុងប្រឈមនឹងភាពរាំងស្ងួតដ៏អាក្រក់បំផុតមិនធ្លាប់នៅក្នុងរយៈពេល ៧៤ឆ្នាំចុងក្រោយនេះ ខណៈបញ្ហានេះបានធ្វើឲ្យចរន្តទឹកនៅក្នុងតំបន់មួយចំនួនត្រូវមានភាពខ្វះខាតយ៉ាងខ្លាំង ឬទទួលបានទឹកតែគ្មានគុណភាពល្អគ្រប់គ្រាន់សម្រាប់ប្រើប្រាស់៕  អត្ថបទ៖ ភក្តី ប្រភព៖ The Strait Time

អាមេ​រិក៖ បន្ទាប់ពីបានរាតត្បាតពិភពលោកអស់រយៈពេលជាង ៣ឆ្នាំមក គិតត្រឹមពេលនេះជំងឺកូវីដ-១៩ នៅតែជាឃាតកឈាមត្រជាក់ ដែលអាចសម្លាប់មនុស្សបានលឿនបំផុត នេះបើយោងតាមការសិក្សាមួយដែលបានចុះផ្សាយដោយបណ្តាញសារព័ត៌មាន The Strait Time នៅព្រឹកថ្ងៃពុធ ទី២៤ ខែឧសភានេះ។ ការសិក្សាមួយនេះត្រូវបានធ្វើឡើងដោយនាយកដ្ឋានកិច្ចការអតីតយុទ្ធជន (Veterans Affairs) អាមេរិក ខណៈរបាយការណ៍នៃការសិក្សានេះត្រូវបានចេញផ្សាយក្រោយពេលដែលអង្គការសុខភាពពិភពលោកបានប្រកាសថា កូវីដ-១៩ លែងជាជំងឺដែលត្រូវទាញសញ្ញាអាសន្នទៀតហើយ។ យ៉ាងណាក្តី បើតាមលោក Ziyad Al-Aly ដែលនាយកនៃស្ថាប័នកិច្ចការអតីតយុទ្ធជនអាមេរិកបានអះអាងថា ជំងឺកូវីដ-១៩នៅតែបន្តសម្លាប់មនុស្សលឿនជាងជំងឺកាចសាហាវផ្សេងៗទៀត ជំងឺបេះដូង និងជំងឺមហារីកជាដើម។ លទ្ធផលនៃការសិក្សាបានបង្ហាញថា ជំងឺកូវីដ-១៩ បានសម្លាប់មនុស្សម្នាក់រៀងរាល់ ៤នាទី បើទោះជាគិតត្រឹមពេលនេះពិភពលោកមានវ៉ាក់សាំងការពារនិងមានភាពស៊ាំជាមួយជំងឺឆ្លងមួយនេះក៏ហើយក្តី។ លទ្ធផលនេះក៏បានធ្វើឲ្យក្រុមអ្នកជំនាញកំពុងមានចម្ងល់ថា តើគួរបន្តអនុវត្តវិធានការប្រយុទ្ធប្រឆាំងនឹងជំងឺកូវីដ-១៩

អាមេរិក៖ ក្រុមមន្ត្រីសុខាភិបាលជាន់ខ្ពស់អាមេរិកបានទាញសញ្ញាអាសន្នជុំវិញករណីគ្រោះថ្នាក់នៃការប្រើប្រាស់បណ្តាញសង្គមចំពោះកុមារ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃពុធ ទី២៤ ខែឧសភានេះ។ ការទាញសញ្ញាអាសន្ននៅពេលនេះគឺជាការព្រមានយ៉ាងម៉ឹងម៉ាត់ទៅកាន់ឪពុកម្តាយ  ក្រុមហ៊ុនបច្ចេកវិទ្យា និងនិយតករ ដោយផ្អែកលើភស្តុតាងជាច្រើនដែលបានប​ង្ហាញថា បណ្តាញសង្គមពិតជាបានជះឥទ្ធិពលអាក្រក់ចំពោះក្រុមអ្នកប្រើប្រាស់វ័យក្មេង។ បើតាមក្រុមអ្នកជំនាញអាមេរិកបានអះអាងថា មាតិការអវិជ្ជមាននៅលើបណ្តាញសង្គមបានជម្រុញឲ្យមនុស្សវ័យជំទង់និងកុមារមានបញ្ហាសុខភាពផ្លូវចិត្តជាច្រើនដូចជា ការបាក់ទឹកចិត្ត ថប់អារម្មណ៍  មានគំនិតចង់ធ្វើបាបខ្លួនឯងឬសម្លាប់ខ្លួន លែងខ្វល់រឿងចំណីអាហារ និងការ​សិក្សាជាដើម។ ជាក់ស្តែងការសិក្សាមួយបានរកឃើញថា ក្នុងចំណោមយុវតីវ័យក្មេងនៅអាមេរិកដែលបានធ្វើការរំលូតកូន គឺមាន ៩៥% ជាអ្នកដែលមានទម្លាប់ប្រើប្រាស់បណ្តាញសង្គមយ៉ាងសកម្ម។ ដើម្បីឆ្លើយតបនឹងបញ្ហានេះ ឪពុកម្តាយ  ក្រុមហ៊ុនបច្ចេកវិទ្យា និងនិយតករត្រូវតែយកចិត្តទុកដាក់លើការប្រើប្រាស់បណ្តាញសង្គមរបស់ក្រុមអ្នកប្រើប្រាស់វ័យក្មេង ដូចជាធ្វើការកំណត់ពេលវេលានៃការប្រើប្រាស់ និងកំណត់មាតិការដែលពួកគេអាចមើលឃើញជាដើម៕ អត្ថបទ៖ ភក្តី

ចិន៖ ប្រទេសចិននឹងដាក់លក់ផ្លែទុរេនដាំក្នុងស្រុកជាលើកដំបូងរបស់ខ្លួននៅខែមិថុនាខាងមុខនេះ នេះបើយោងតាមការចុះផ្សាយរបស់បណ្តាញសារព័ត៌មាន South China Moring Post នៅថ្ងៃអង្គារ ទី២៣ ខែឧសភានេះ។ តាមកា​រព្យាករណ៍ទិន្នផលទុរេនដែលចិនអាចប្រមូលបាននោះគឺមានទម្ងន់ប្រមាណជា ២,៤៥០​ តោន ដែលទុរេនទាំងនោះត្រូវបានដាំដុះយ៉ាងយកចិត្តទុកដាក់ពីក្រុមអ្នកជំនាញផ្នែកកសិកម្មនៅលើផ្ទៃដីចំការរាប់រយហិកតាក្នុងខេត្ត Hainan ភាគខាងត្បូងនៃប្រទេសចិន។ យ៉ាងណាក្តី ទិន្នផលក្នុងបរិមាណខាងលើនេះត្រូវបានក្រុមអ្នកជំនាញផ្នែកសេដ្ឋកិច្ចមើលឃើញថា មិនអាចឆ្លើយតបទៅនឹងតម្រូវការក្នុងទីផ្សារទូទាំងប្រទេសចិនបាននោះទេ ពោលគឺចិននៅតែបន្តនាំចូលទុរេនពីបណ្តាលប្រទេសមួយចំនួននៅតំបន់អាស៊ីអាគ្នេយ៍ក្នុងបរិមាណច្រើន ដូចជាប្រទេសថៃ ប្រទេសវៀតណាម ប្រទេសហ្វីលីពីន និងប្រទេសម៉ាឡេស៊ី។ គួររម្លឹកជូនថា កាលពីឆ្នាំកន្លងទៅប្រទេសចិនធ្លាប់បាននាំចូលផ្លែទុរេនស្រស់ក្នុងបរិមាណជាង ៨២៤,០០០តោន  ខណៈទុរេនទាំងអស់នោះតម្លៃសរុបជាង ៤ពាន់លានដុល្លារ៕ អត្ថបទ៖ ភក្តី ប្រភព៖ South China Moring Post

ចិន៖ តារាល្បីនៅលើបណ្តាញអ៊ីនធឺណិតក្នុងប្រទេសចិនម្នាក់ត្រូវបានរាយការណ៍ថា បានស្លាប់បាត់បង់ជីវិត ក្រោយរូបគាត់ព្យាយាមផឹកស្រាក្នុងបរិមាណយ៉ាងច្រើន ដើម្បីទាក់ទាញការចាប់អារម្មណ៍ពីក្រុមអ្នកគាំទ្ររបស់គាត់។ បើយោងតាមការចុះផ្សាយរបស់បណ្តាញសារព័ត៌មាន BBC នៅព្រឹកថ្ងៃអង្គារ ទី២៣ ខែឧសភានេះបានបញ្ជាក់ថា ជនរងគ្រោះមានឈ្មោះថា Wang ភេទប្រុស មានអាយុ ៣៤ឆ្នាំ។ ប្រភពខាងលើបានបន្តថា នៅក្នុងថ្ងៃកើតហេតុនោះលោក Wang បានផឹកស្រាប្រភេទ Baijiu ចំនួន ៧ដប និងធ្វើការ Live ផ្ទាល់នូវសកម្មភាពនោះតាមរយៈគណនី Douyin (កំណែពិសេសនៃកម្មវិធី TikTok ប្រើបានតែនៅក្នុងប្រទេសចិន) ផ្ទាល់ខ្លួនរបស់គាត់ ខណៈវីដេអូនោះបានទាក់ទាញអ្នកទស្សនាជាច្រើននាក់។ យ៉ាងណាក្តី ១២ម៉ោងក្រោយមក លោក Wang ត្រូវបានរាយការណ៍ថា ស្លាប់បាត់បង់ជីវិត ព្រោះតែការផឹកស្រាក្នុងបរិមាណដ៏ច្រើននោះ។

អាមេរិក៖ ក្រុមហ៊ុន TikTok បានដាក់ពាក្យប្តឹងទៅកាន់តុលាការសហព័ន្ធអាមេរិកក្រោយអាជ្ញាធររដ្ឋម៉ុនតាណាសម្រេចធ្វើការហាមឃាត់បណ្តាញសង្គមរបស់ខ្លួន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅព្រឹកថ្ងៃអង្គារ ទី២៣ ខែឧសភានេះ។ បើតាមអ្នកនាំពាក្យរបស់ក្រុមហ៊ុន TikTok បានអះអាងថា៖ “យើងនឹងឈ្នះក្នុងការតវ៉ាតាមប្រព័ន្ធច្បាប់នេះ ដ្បិតពួកយើងមានភស្តុតាងគ្រ​ប់គ្រាន់ដើម្បីបញ្ជាក់ពីភាពត្រឹមត្រូវរបស់ពួកយើង”។ គួរកត់សម្គាល់ថា តាមគម្រោងគឺអាជ្ញាធររដ្ឋម៉ុនតាណានឹងបិទមិនឲ្យពលរដ្ឋខ្លួនប្រើប្រាស់បណ្តាញសង្គម TikTok ចាប់ពីឆ្នាំ ២០១៤តទៅក្រោមហេតុផលថា ដើម្បីរក្សាសុវត្ថិភាពទិន្នន័យអ្នកប្រើប្រាស់ ដ្បិត TikTok គឺជាចារកម្មរបស់រដ្ឋាភិបាលចិន។ គួររម្លឹកផងដែរថា កាលពីចុងសប្តាហ៍នេះក៏មានពលរដ្ឋអាមេរិកចំនួន ៥នាក់បានដាក់ពាក្យបណ្តឹងទៅកាន់តុលាការជុំវិញករណីខាងលើនេះផងដែរ ដោយពួកគេបានអះអាងថា TikTok បានរួមចំណែកផ្សព្វផ្សាយអាជីវកម្មរបស់ពួកគេឲ្យមានភាពរីកចម្រើន ហើយ TikTok ក៏ជា​ការកំសាន្តប្រចាំថ្ងៃដ៏ល្អមួយផងដែរ៕ អត្ថបទ៖ ភក្តី ប្រភព៖ The Strait