បារាំង៖ថូបុរាណចិនមួយគ្រឿងត្រូវបានលក់ចេញក្នុងតម្លៃដ៏ខ្ពស់បំផុត ពោលគឺមានតម្លៃរហូតដល់ជិត ៩លានដុល្លារអាមេរិក នេះបើយោងតាមការចុះផ្សាយរបស់បណ្តញសារព័ត៌មាន Channel News Asia នៅព្រឹកថ្ងៃអង្គារ ទី៤ ខែតុលានេះ។ ថូដ៏កម្រនេះត្រូវបានដាក់លក់តាមរយៈការដេញថ្លៃមួយដែលត្រូវបានរៀបចំឡើយនៅក្នុងសណ្ឋាគារ​ Fontainebleau ក្នុងទីក្រុងប៉ារីស ប្រទេសបារាំង កាលពីចុងសប្តាហ៍កន្លងទៅ ខណៈអ្នកចូលរួមក្នុងការដេញថ្លៃមានចំនួន ៣០នាក់។ ប្រភពខាងលើបានបញ្ជាក់ថា ថូបុរាណចិនដ៏ប្រណិតមួយនេះត្រូវបានផលិតឡើងកាលពីអំឡុងសតវត្សទី ១៨ ឬនៅអំឡុងឆ្នាំ ១៨០០ ពោលគឺវាមានអាយុកាលជាង ២០០ឆ្នាំមកហើយ។ ថូដែលមានកម្ពស់ ៥៤សង់ទីម៉ែត្រនោះគឺជាកម្មសិទ្ធរបស់បុរសអាយុ ៥៩ឆ្នាំរស់នៅក្រៅទឹកដីបារាំង ហើយគាត់ទទួលបានថូមួយនេះពីអតីតម្តាយរបស់គាត់ជាច្រើនឆ្នាំមកហើយ។ នៅក្នុងការដេញថ្លៃនោះថូត្រូវបាក់លក់ចេញក្នុងតម្លៃ ៧,៧លានអឺរ៉ូ (៧,៦ លានដុល្លារអាមេរិក) ខណៈបើគេគិតបញ្ចូលទាំងការរៀបចំផ្សេងៗនិងនីតិវិធីគ្រប់បែបយ៉ាងរាប់ចាប់តាំងពីការចាប់ផ្តើមលក់រហូតដល់ការរក្សាសិទ្ធក្នុងនាមជាម្ចាស់កម្មសិទ្ធក្រោយពេលទិញរួចគឺថូបុរាណចិនមួយនេះមានតម្លៃសរុបរហូតដល់ ៩,១២លានអឺរ៉ូ

អាមេរិក៖ គ្រោះថ្នាក់ចរាចរណ៍ដ៏គួរឲ្យរន្ធត់មួយបានកើតឡើងនៅក្នុងទីក្រុង Lincoln រដ្ឋ Nebraska សហរដ្ឋអាមេរិក កាលចុងសប្តាហ៍កន្លងទៅ ខណៈតាមរយៈហេតុការណ៍អកុសលនេះបានបង្ហាញឲ្យឃើញនូវមុខងារដ៏ពិសេសមួយរបស់ទូរស័ព្ទ iPhone 14 គឺមុខងាររាយការណ៍អំពីគ្រោះថ្នាក់បន្ទាន់ដោយស្វ័យប្រវត្តិទៅកាន់អាជ្ញាធរ។ បើយោងតាមការចុះផ្សាយរបស់របស់បណ្តាញសារព័ត៌មាន Daily Mail នៅថ្ងៃចន្ទ ទី៣ ខែតុលានេះបានបញ្ជាក់ថា ហេតុការណ៍គ្រោះថ្នាក់បានបង្កឡើងដោយមានរថយន្តទំនើបប្រភេទ Honda Accord​ មួយគ្រឿងបើកបរយ៉ាងលឿនហើយបានជ្រុលចង្កូតទៅបុកដើមឈើមួយដើមយ៉ាងពេញទំហឹង នៅម៉ោងប្រមាណជា ២ និង ១៥នាទីយប់រំលងអាធ្រាតនៃថ្ងៃអាទិត្យកន្លងទៅ។ នៅក្នុងរថយន្តហោះមានផ្ទុកមនុស្សសរុបចំនួន ៦នាក់ មានអាយុជាង ២០ឆ្នាំ ហើយក្នុងនោះក៏មានជនរងគ្រោះម្នាក់ជាស្រ្តីផងដែរ។ បើតាមអាជ្ញាធរអាមេរិកទទួលបន្ទុកនៅតំបន់កើតហេតុបានបញ្ជាក់ថា ក្រោយគ្រោះថ្នាក់បានកើតឡើង អាជ្ញាធរក៏បានទទួលដំណឹងភ្លាមៗផងដែរ ដោយដំណឹងត្រូវបានផ្តល់ជូនតាមរយៈមុខងារ

ឥណ្ឌូនេស៊ី៖ របាយការណ៍ចុងក្រោយដែលបានចុះផ្សាយដោយបណ្តាញសារព័ត៌មាន Channel News Asia នៅព្រឹកថ្ងៃអង្គារ ទី៤ ខែតុលានេះបានបញ្ជាក់ថា ចំនួនពលរដ្ឋឥណ្ឌូនេស៊ីជាកូនក្មេងដែលបានស្លាប់នៅក្នុងហេតុការណ៍រត់ជាន់គ្នានៅក្នុងកីឡដ្ឋានបាល់ទាត់ មានចំនួនរហូតដល់ ៣២នាក់ឯណោះ ខណៈនាពេលកន្លងមកតួលេខនេះត្រូវបានគេរាយការណ៍ថាមានត្រឹម ១៧នាក់ប៉ុណ្ណោះ។ គួរកត់សម្គាល់ថា របាយការណ៍ចុងក្រោយស្តីពីស្ថានភាពជនរងគ្រោះហាក់មានការប្រែប្រួលបន្តិចបើធៀបទៅនឹងរបាយការណ៍បឋម ដ្បិតជនរងគ្រោះត្រូវបានបញ្ជូនទៅកាន់មន្ទីរពេទ្យផ្សេងៗគ្នាក្នុងស្ថានភាពបន្ទាន់បំផុត ហើយការផ្តល់ទិន្នន័យភ្លាមៗពីខាងមន្ទីរពេទ្យមកកាន់អាជ្ញាធរក៏មានលក្ខណៈមិនច្បាស់លាស់ ១០០%ដែរ ដូចជាពេលខ្លះមានការរាយការ​ណ៍អំពីអ្នកស្លាប់ស្ទួនឈ្មោះគ្នាដែលធ្វើឲ្យតួលេខច្រើនជាងចំនួនជាក់ស្តែង ខណៈខាងមន្ទីរខ្លះបានរាយការណ៍ត្រឹមមានអ្នកស្លាប់តែមិនបញ្ជាក់ថា ជាកូនក្មេងឬជាមនុស្សចាស់នោះទេ។ យ៉ាងណាក្តី គិតត្រឹមពេលនេះនៅក្នុងរបាយការណ៍ចុងក្រោយដែលអាជ្ញាធរឥណ្ឌូនេស៊ីអាចទទួលបានគឺមាន អ្នករងរបួសចំនួន ៣២៣នាក់ អ្នកស្លាប់មានចំនួន ១២៥នាក់ក្នុងនោះមានកុមារចំនួន ៣២នាក់ ហើយក្នុងចំណោមអ្នកស្លាប់ជាកុមារនោះទៀតសោធគឺមានក្មេងខ្លះមានអាយុត្រឹមតែ ៣-៤ឆ្នាំប៉ុណ្ណោះ។ គួររម្លឹកជូនថា ហេតុការណ៍គ្រោះថ្នាក់ខាងលើនេះបានកើតឡើងកាលពីថ្ងៃអាទិត្យកន្លងទៅ ផ្តើមឡើងដោយក្រុមអ្នកគាំទ្រក្លឹបបាល់ទាត់ Arema

ឥណ្ឌូនេស៊ី៖ អំពើហិង្សាដែលជាការវាយតប់គ្នារវាងក្រុមអ្នកគាំទ្រក្លឹបបាល់ទាត់នៅក្នុងប្រទេសឥណ្ឌូនេស៊ីតែងកើតមានជារឿយៗ ជាពិសេសនៅក្នុងក្របខណ្ឌបាល់ទាល់នៅក្នុងខេត្ត Jakarta ដែលសម្បូរទៅដោយអ្នកគាំទ្រមានលក្ខណៈជ្រុលនិយមនិងហិង្សានិយម។ យ៉ាងណាក្តីកាលពីចុងសប្តាហ៍កន្លងទៅនេះ មានហេតុការណ៍ហិង្សាដ៏ធ្ងន់ធ្ងរមួយបានកើតឡើងនៅក្នុងកីឡដ្ឋានបាល់ទាត់ក្នុងក្រុង Malang ខេត្ត Java ដែលបានបណ្តាលឲ្យមានមនុស្សស្លាប់រហូត​ដល់ ១២៥នាក់ និងបង្កឲ្យមានអ្នករងរបួសចំនួន ៣២៣នាក់ផងដែរ។ បើតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃចន្ទ ទី៣ ខែតុលានេះបានបញ្ជាក់ថា អំពើហិង្សាខាងលើនេះត្រូវបានគេចាត់ទុកថា ជាអំពើហិង្សាដ៏អាក្រក់បំផុតមួយនៅក្នុងប្រវត្តិបាល់ទាត់ពិភពលោក។ បើយោងតាមរបាយការណ៍ចុងក្រោយមួយរបស់អាជ្ញាធរឥណ្ឌូនេស៊ីបានបញ្ជាក់ថា នៅក្នុងចំណោមជនរងគ្រោះដែលបានស្លាប់បាត់បង់ជីវិតទាំងអស់នោះគឺមានជនរងគ្រោះចំនួន ១៧នាក់ជាកុមារ ដែលមិនបានធ្វើសកម្មភាពហិង្សាអ្វីទាល់តែសោះ ពោលគឺពួកគេបានស្លាប់យ៉ាងអាណោចអាធ័មបំផុត ព្រោះតែឥរិយាបថគឃ្លើន គ្មានការពិចារណា និងអសីលធម៌បំផុតពីសំណាក់ក្រុមអ្នកគាំទ្រក្លឹបបាល់ទាត់ជាមនុស្សធំពេញវ័យ។ គួរបញ្ជាក់ជូនថា រឿងរ៉ាវចម្រូងចម្រាសខាងលើនេះបានកើតឡើងកាលពីថ្ងៃអាទិត្យកន្លងទៅ ផ្តើមឡើងដោយក្រុមអ្នកគាំទ្រក្លឹបបាល់ទាត់ Arema

សហរដ្ឋអាមេរិក៖ តួលេខពលរដ្ឋអាមេរិកដែលបានស្លាប់ដោយសារព្យុះ Ian បានបន្តរកើនឡើងរហូតដល់ ៨៧នាក់ហើយ នេះបើយោងតាមការចុះផ្សាយរបស់បណ្តាញសារ​ព័ត៌មាន NBC News នៅព្រឹកថ្ងៃចន្ទ ទី៣ ខែតុលានេះ។ នៅក្នុងចំណោមជនរងគ្រោះដែលបានស្លាប់បាត់បង់ជីវិតទាំងអស់នោះគឺមានជនរងគ្រោះចំនួន ៨៣នាក់ជាពលរដ្ឋរស់នៅក្នុងរដ្ឋផ្លរីដា និង ៤នាក់ផ្សេងទៀតជាពលរដ្ឋរស់នៅក្នុងរដ្ឋកាលីហ្វ័រញ៉ា ខណៈទំហំនៃការខូចខាតវិញគឺគិតត្រឹមពេលនេះអាចមានតម្លៃខ្ទង់រាប់ពាន់ដុល្លារឯណោះ។ បើយោងតាមទីភ្នាក់ងារគ្រប់គ្រងគ្រោះមហន្តរាយអាមេរិកបានបញ្ជាក់ថា តួលេខអ្នកស្លាប់បាត់បង់ជីវិតខាងលើនេះគឺជារបាយការណ៍ចុងក្រោយដោយគិតត្រឹមថ្ងៃអាទិត្យ ទី២ ខែតុលាម្សិលមិញនេះ ខណៈ​តួលេខនេះអាចបន្តកើនឡើងផងដែរ ដ្បិតនៅពេលនេះជំនន់ទឹកភ្លៀងនៅកំពុងបង្កការគំរាមគំហែងខ្លាំងនៅឡើយ។ ជុំវិញករណីនេះមន្ត្រីទទួលបន្ទុកផ្នែកជួយសង្គ្រោះជនរងគ្រោះកំពុងរងនូវការរិះគន់យ៉ាងខ្លាំងចំពោះរបៀបនៃការឆ្លើយតបនឹងបញ្ហាបន្ទាន់ ដែលពលរដ្ឋជាច្រើនបានអះអាងថា មានភាពយឺតយ៉ាវនិងមិនសូវមានប្រសិទ្ធភាពនោះទេ។ សូមបញ្ជាក់ថា ខ្យល់ព្យុះ Ian ត្រូវបានគេចាត់ទុកថា ជាព្យុះដែលមានគ្រោះថ្នាក់ខ្ពស់បំផុតមួយសម្រាប់សហរដ្ឋអាមេរិកនៅក្នុងឆ្នាំ ២០២២ នេះ ដោយព្យុះមួយនេះបានបោកបក់ក្នុងល្បឿនរហូតដល់ ២៤១គីឡូម៉ែត្រក្នុងមួយម៉ោង

ឥណ្ឌូនេស៊ី៖ ក្រុមប៉ូលិសឥណ្ឌូនេស៊ីដែលជាប់ទាក់ទងក្នុងការបង្ក្រាបអំពើហិង្សានៅក្នុងនៅក្នុងកីឡដ្ឋានបាល់ទាត់ក្នុងទីក្រុង Malang កំពុងទទួលរងនូវការរិះគន់យ៉ាងខ្លាំង ​ខណៈហេតុ​ការណ៍អកុសលនោះបានបណ្តាលឲ្យមានជនរងគ្រោះដែលជាអ្នកគាំទ្រក្លឹបបាល់ទាត់ចំនួន ១២៥នាក់បានស្លាប់បាត់បង់ជីវិត និង ៣២៣នាក់ផ្សេងទៀតរងរបួសធ្ងន់។ គួរបញ្ជាក់ជូនថា រឿងរ៉ាវចម្រូងចម្រាសខាងលើនេះបានកើតឡើងកាលពីថ្ងៃអាទិត្យកន្លងទៅ ផ្តើមឡើងដោយក្រុមអ្នកគាំទ្រក្លឹបបាល់ទាត់ Arema FC ដែលបានលេងចាញ់ក្រុមភ្ញៀវគឺក្រុមបាល់ទាត់ Persebaya Surabaya ក្នុងលទ្ធផល ៣-២។ ក្រោយបានឃើញក្រុមបាល់ទាត់ Arema FC ចាញ់ការប្រកួតទាំងមិនអស់ចិត្ត ក្រុមអ្នកគាំទ្រមួយចំនួនក៏បានសម្រុករត់ក្នុងទីលានដើម្បីសម្តែងនូវការមិនពេញចិត្ត ហើយភាពចលាចលក៏ផ្តើមកើតមានយ៉ាងខ្លាំងតែម្តង។ ភាគច្រើននៃជនរងគ្រោះដែលស្លាប់បាត់បង់ជីវិតគឺបានស្លាប់ដោយសារតែការរត់ជាន់គ្នា ខណៈជនរងគ្រោះខ្លះក៏បានស្លាប់ក្នុងដៃរបស់ក្រុមកីឡាករផងដែរ។ សាធារណៈជននិងក្រុមអ្នករងរបួសនៅក្នុងហេតុការណ៍នេះភាគច្រើន បានរិះគន់ថា ក្រុមប៉ូលិសបានធ្វើសកម្មភាពលើសពីតួនាទីរបស់ពួកគាត់ ហើយរឿងដែលបង្កឲ្យមានភាពចលាចលខ្លាំងបំផុតនោះគឺការសម្រេចបាញ់ឧស្ម័នបង្ហូរទឹកភ្នែកនៅក្នុងកីឡដ្ឋានដែលធ្វើឲ្យស្រ្តី កុមារ និងអ្នកចូលទស្សនាទូទៅ ពោលគឺជាអ្នកក្រុមគាំទ្រដែលមិនបានប​ង្កអំពើហិង្សាក៏ត្រូវស្ថិតនៅក្នុងស្ថានភាពអាសន្ននិងមិនអាចរកផ្លូវចេញកីឡាដ្ឋានបានដោយសុវត្ថិភាពដែរ។ យ៉ាងណាក្តីក្រុមប៉ូលិសបានបញ្ជាក់ថា ការសម្រេចបាញ់ឧស្ម័នបង្ហូរទឹកភ្នែកនិងការបង្ក្រាបកម្រិតធ្ងន់នោះត្រូវបានធ្វើឡើង ក្រោយមានប៉ូលិសចំនួន

ឥណ្ឌូនេស៊ី៖ យោងតាមសេចក្តីរាយការណ៍របស់បណ្តាញសារព័ត៌មាន The Strait Times បានឲ្យដឹង​ថា គ្រោះរញ្ជួយដីកម្រិតមធ្យមមួយបានវាយប្រហារតំបន់ភាគជើងខេត្តស៊ូម៉ាត្រា ប្រទេសឥណ្ឌូនេស៊ី នៅថ្ងៃសោរ៍ ទី១ ខែតុលានេះ។ បើតាម​ទីភ្នាក់ងារ​ឧតុនិយមនិង​ភូគព្ភសាស្ត្រឥណ្ឌូនេស៊ីបានបញ្ជាក់ថា ហេតុការណ៍រញ្ជួញដីបានកើតឡើងក្នុងកម្រិត ៥,៨ រ៉ិចទ័រ និងបានកើតឡើងកាលពីអំឡុងម៉ោង ២ និង ២៨នាទី ទៀបភ្លឺនៃថ្ងៃទី១ ខែតុលានេះ ខណៈគ្រោះរញ្ជួយដីបានកើតឡើងក្នុងរយៈពេលខ្លីប៉ុណ្ណោះ។ បើទោះជាយ៉ាងនេះក្តី ទីភ្នាក់ងារគ្រប់គ្រងគ្រោះមហន្តរាយជាតិឥណ្ឌូនេស៊ីបានបញ្ជាក់ថា ហេតុការណ៍រញ្ជួញដីមួយភ្លែតខាងលើនេះបានឆក់យកជីវិតពលរដ្ឋឥណ្ឌូនេស៊ីចំនួន ១នាក់ និងបង្កឲ្យពលរដ្ឋចំនួន ៩នាក់ផ្សេងទៀតត្រូវរងរបួសធ្ងន់ធ្ងរផងដែរ។ ក្រៅតែមានអ្នករងរបួសនិងស្លាប់ហើយ គ្រោះធម្មជាតិដែលតែងតែកើតមាននៅឥណ្ឌូនេស៊ីជាញឹកញាប់ខាងលើនេះក៏បានបំផ្លាញផ្ទះសម្បែង អគារ និងព្រទ្យសម្បត្តិសាធារណៈអស់មួយចំនួនដែរ តែខាងអាជ្ញាធរឥណ្ឌូនេស៊ីមិនបានបញ្ជាក់ថា ការខូចខាតនោះមានទំហំជាទឹកប្រាក់ប៉ុណ្ណានោះទេ៕

អាមេរិក៖ សភាអាមេរិកកាលពីថ្ងៃសុក្រ ទី៣០ ខែកញ្ញាម្សិលមិញនេះបានអនុម័តលើគម្រោងថវិកាសម្រាប់រយៈពេលខ្លីមួយ ដែលអនុញ្ញាតឲ្យរដ្ឋាភិបាលអាមេរិកអាចផ្តល់ជំនួយនៅកាន់ប្រទេសអ៊ុយក្រែនក្នុងទំហំទឹកប្រាក់ចំនួន ១២,៣ ​ពាន់លានដុល្លារអាមេរិកបន្ថែមទៀត។ បើតាមការចុះផ្សាយរបស់បណ្តាញសារព័ត៌មាន The Strait Times បានបញ្ជាក់ថា ក្រោយមានការអនុម័តពីស្ថាប័នរដ្ឋសភារួចហើយ លោកប្រធានាធិបតីអាមេរិកក៏បានចុះហត្ថលេខាដើម្បីអនុវត្តគម្រោងថវិកាខាងលើនេះភ្លាមៗផងដែរ ពោលគឺលោក ចូ បៃឌិន បានចុះហត្ថលេខាទាំងពាក់កណ្តាលយប់ទាំងម្តង។ ប្រភពខាងលើបានបន្តថា គម្រោងថវិកាខាងលើនេះនឹងត្រូវអនុវត្តរហូតដល់ពាក់កណ្តាលខែធ្នូ ឆ្នាំ ២០២២​ ខណៈជំនួយដែលអាមេរិកត្រូវផ្តល់ជូនទៅកាន់ប្រទេសអ៊ុយក្រែននោះនឹងត្រូវបែងចែកជា ២ប្រភេទធំៗ គឺជំនួយផ្នែកយោធា និងជំនួយសម្រាប់ស្រោចស្រង់សេដ្ឋកិច្ចជាតិអ៊ុយក្រែនឡើងវិញ។ គួរបញ្ជាក់ជូនថា បើគិតបញ្ជូលទាំងកញ្ចប់ជំនួយខាងលើនេះ និងកញ្ចប់ជំនួយដែលអាមេរិកធ្លាប់បានផ្តល់ជូនអ៊ុយក្រែនចាប់តាំងពីមានសង្គ្រាមជាមួយរុស្ស៊ីមក គឺអាមេរិកបានផ្តល់ជំនួយសរុបប្រមាណជា ៥៤ពាន់លានដុល្លារហើយសម្រាប់នៅក្នុងឆ្នាំ ២០២២នេះ៕ អត្ថបទ៖ ភក្តី

សហរដ្ឋអាមេរិក៖ យោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃសោរ៍ ទី១ តុលានេះបានឲ្យដឹង ព្យុះ Ian បានបន្តឆក់យកជីវិតពលរដ្ឋរស់នៅក្នុងរដ្ឋផ្លរីដា សហរដ្ឋអាមេរិក រហូតដល់ ២១នាក់​​ហើយ ខណៈគិតត្រឹមពេលនេះឥទ្ធិពលរបស់ព្យុះបានថយចុះជាងមុនបន្តិច។ យ៉ាងណាក្តី ក្រោយបង្កការគំរាមគំហែងយ៉ាងខ្លាំងនៅក្នុងរដ្ឋផ្លរីដារួចហើយ ព្យុះកំណាច Ian បានបន្តដំណើរទៅដល់រដ្ឋកាលីហ្វ័រញ៉ា ដែលជារដ្ឋដ៏សំខាន់មួយរបស់អាមេរិកហើយ បើគិតត្រឹមព្រឹកថ្ងៃសោរ៍នេះ។ លោក Kevin Guthrie ដែលនាយកគ្រប់គ្រងផ្នែកសង្គ្រោះបន្ទាន់ប្រចាំ រដ្ឋផ្លរីដាបានបញ្ជាក់ថា របាយការណ៍ស្តីពីមានករណីអ្នកស្លាប់បាត់បង់ជីវិតខាងលើនេះគឺជារបាយការណ៍បឋមមួយ ដែលអាជ្ញាធរអាចទទួលបានតាមរយៈការរាយការណ៍ពីសំណាក់ប្រជាពលរដ្ឋ ខណៈក្រុមមន្ត្រីជំនាញនៅមិនទាន់អាចធ្វើការបូកសរុបចំនួនជាក់ស្តែងនិងកំណត់អត្តសញ្ញាណរបស់ជនរងជាផ្លូវការបាននៅឡើយទេ។ សូមបញ្ជាក់ថា ខ្យល់ព្យុះ Ian ត្រូវបានគេចាត់ទុកថា

ថៃ៖ យោងតាមការចុះផ្សាយរបស់បណ្តាញសារព័ត៌មាន Nation Thailand បានឲ្យដឹងថា ធនាគារជាតិថៃកាលពីថ្ងៃព្រហស្បតិ៍ ទី២៩ ខែកញ្ញាម្សិលមិញនេះបានជូនដំណឹងថាបានបោះពុម្ពប្រាក់ក្រដាស ២០បាត ដោយមានកំហុសបច្ចេកទេស ខណៈក្រដាសប្រាក់ទាំងអស់នោះបានដាក់ឲ្យសាធារណៈជនប្រើប្រាស់ជាផ្លូវការរួចទៅហើយ។ យ៉ាងណាក្តី ធនាគារជាតិថៃបានប្រាប់មិនឲ្យពលរដ្ឋខ្លួនមានការព្រួយបារម្ភនិងសោកស្តាយដែលកំពុងប្រើប្រាស់ឬរក្សាទុកក្រដាសប្រាក់ដែលបានបោះពុម្ពខុសនោះទេ ដ្បិតអាជ្ញាធរថៃនឹងទទួលខុសត្រូវចំពោះកំហុសបច្ចេកទេសដ៏ធំមួយនេះ ដោយមិនបង្កឲ្យមានកាខាតបង់ចំពោះប្រជាពលរដ្ឋណាម្នាក់ឡើយសូម្បីតែមួយបាត។ បើតាមលោកស្រី Wachira Aromdee ដែលជាទេសាភិបាលរងធនាគារកណ្តាលថៃបានបញ្ជាក់ថា ​ក្រដាសប្រាក់ដែលមានកំហុសបច្ចេកទេសនោះត្រូវបានបោះពុម្ពដោយក្រុមហ៊ុន De La Rue International Limited (DLR) ខណៈកំហុសដែលមាននៅលើក្រដាសប្រាក់នោះគឺលេខស៊េរីរបស់ក្រដាសប្រាក់ដែលបានសរសេរជាលេខថៃមានតួលេខខុសគ្នាទៅនឹងលេខដែលបានសរសេរជាលេខអង់គ្លេស ពោលគឺនៅលើក្រដាសប្រាក់តែមួយមានលេខស៊េរី ២ផ្សេងគ្នារវាងលេខជាតិនិងលេខអន្តរជាតិ។ លោកស្រី Wachira Aromdee បានបញ្ជាក់ថា ក្នុងអំឡុងពេលនេះពលរដ្ឋទូទៅនៅតែអាចបន្តប្រើប្រាស់ក្រដាសប្រាក់ដែលមានលេខស៊េរីខុសគ្នានោះបានជាធម្មតាឬពួកគេអាចទៅប្តូរយកក្រដាសប្រាក់ផ្សេងទៀតបាននៅតាមធនាគារទូទាំងប្រទេសថៃ