អង់គ្លេស៖ របាយការណ៍មួយដែលត្រូវបានចុះផ្សាយដោយបណ្តាញសារព័ត៌មាន The Strait Times នៅព្រឹកថ្ងៃអង្គារ​ ទី៦ ខែសីហានេះបានឲ្យដឹងថា​ ពលរដ្ឋអង់គ្លេសជាច្រើននាក់បាននាំគ្នាកាត់បន្ថយការចំណាយមិនសូវចាំបាច់របស់ពួកគេ ក្រោយអតិផរណានៅអង់គ្លេសបានកើនឡើងដល់កម្រិតដ៏ខ្ពស់មួយ។ របាយការណ៍ដែលជាការស្ទង់មតិក្នុងចំណោមអ្នកដើរទិញទំនិញក្នុងផ្សារជាច្រើននាក់នោះបានបង្ហាញថា ពលរដ្ឋអង់គ្លេសសម្រេចកាត់បន្ថយការចំណាយរបស់ពួកគេទៅលើការទិញសំលៀកបំពាក់ ការដើរកំសាន្ត ការជួបជុំ ការទិញសម្ភារៈតុបតែងលម្អខ្លួន និងសម្ភារៈជាច្រើនទៀតដែលមិនសូវសំខាន់ខ្លាំងសម្រាប់ការរស់នៅប្រចាំថ្ងៃ។ ទន្ទឹមគ្នាពលរដ្ឋអង់គ្លេសបាននាំគ្នាយកចិត្តទុកដាក់ទៅលើការចំណាយសំខាន់ៗជាច្រើន ដូចជាការចំណាយលើចំណីអាហារ ភ្លើងអគ្គិសនី ប្រេងឥន្ទនៈ និងហ្គាល ដែលកំពុងឡើងថ្លៃយ៉ាងខ្លាំងនាពេលបច្ចុប្បន្ននេះ។ គួរកត់សម្គាល់ថា ចាប់តាំងពីរុស្ស៊ីផ្តើមឈ្លានពានចូលទឹកដីអ៊ុយក្រែនមក រុស្ស៊ីបានកាត់បន្ថយការផ្គត់ផ្គង់ឧស្ម័ននិងប្រេងទៅកាន់បណ្តាប្រទេសជាច្រើន ជាពិសេសប្រទេសនៅតំបន់អឺរ៉ុបតែម្តង ដែលកត្តានេះបានធ្វើឲ្យតម្លៃទំនិញមួយចំនួននៅលើពិភពលោកត្រូវឡើងថ្លៃ ហើយដោយបូកផ្សំជាមួយនឹងផលប៉ះពាល់ដោយវិបត្តិកូរីដ-១៩ខ្លះទៀតផងនោះ ប្រទេសមួយចំនួនត្រូវប្រឈមនឹងបញ្ហាអតិផរណានិងវិបត្តិសេដកិច្ចធ្ងរធ្ងរតែម្តង។ ជាក់ស្តែងកម្រិតអតិរផណានៅក្នុងអង់គ្លេសបានកើនឡើងរហូតដល់ ១០%ក្នុងរយៈពេលត្រឹមតែប៉ុន្មានខែចុងក្រោយនេះ ខណៈអ្នកជំនាញបានព្យាករណ៍ថា នៅឆ្នាំ ២០២៣ខាងមុខនេះវិបត្តិអតិផរណានៅអង់គ្លេសអាចនឹងកើនដល់កម្រិត

កូរ៉េខាងត្បូង៖ ព្យុះទីហ្វុង Hinnamnor កំពុងតែគំរាមគំហែងតំបន់មួយចំនួននៅក្នុងប្រទេសកូរ៉េខាងត្បូងយ៉ាងខ្លាំង នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃអង្គារ ទី៦ ខែកញ្ញានេះ។ គិតត្រឹមពេលនេះឥទ្ធិពលនៃព្យុះ Hinnamnor បានបង្កឲ្យមានខ្យល់បោកបក់ក្នុងល្បឿនរហូតដល់ ១៤៤គីឡូម៉ែត្រក្នុងមួយម៉ោងនិងបង្កឲ្យមានភ្លៀងធ្លាក់យ៉ាងខ្លាំង ខណៈនៅតំបន់ខ្លះបរិមាណដ៏ច្រើននៃទឹកភ្លៀងបានបង្កទៅជាទឹកជំនន់ជន់លេចទីក្រុងនិងបំផ្លាញផ្លូវសាធារណៈអស់ជាច្រើនកន្លែងទៀតផង។ បើតាមក្រសួងមហាផ្ទៃនិងសុវត្ថិភាពកូរ៉េខាងត្បូងបានបញ្ជាក់ថា​ មានបុរសអាយុ ២៥ឆ្នាំម្នាក់បានបាត់ខ្លួន ព្រោះតែជំនន់ទឹកភ្លៀងបានហូរកួចយកទៅបាត់  ពលរដ្ឋជាង ៣,៤០០នាក់ត្រូវបង្ខំចិត្តធ្វើការជម្លៀសខ្លួនជាបន្ទាន់ ខណៈអាជ្ញាធរកូរ៉េខាងត្បូងក៏កំពុងតែណែនាំឲ្យពលរដ្ឋប្រមាណជា ១៤,០០០នាក់ត្រូវផ្សេងទៀតត្រូវប្រញាប់ធ្វើការជម្លៀសខ្លួនជាបន្ទាន់ផងដែរ មុនពេលព្យុះបោកបក់ទៅដល់។ សាលារៀនជាង ៦០០កន្លែងត្រូវបានផ្អាកដំណើរការជាបណ្តោះអាសន្ន ជើងហោះហើរជាង ២៥០ សេវាសាឡាងចំនួន ៧០គ្រឿងត្រូវបានពន្យាពេល ទូកនេសាទជាង ៦៦,០០០គ្រឿងត្រូវអាក់ខានធ្វើសកម្មភាពនេសាទ ខណៈផ្ទះជាង

វៀតណាម៖ យោងតាមការចុះផ្សាយរបស់បណ្តាញសារព័ត៌មាន VN Express​ កាលពីថ្ងៃអាទិត្យ ទី៤ ខែកញ្ញានេះបានឲ្យដឹងថា មានស្ថានីយ៍លក់ប្រេងឥន្ទនៈមួយចំនួននៅក្នុងទីក្រុងហាណូយ និងនៅក្នុងខេត្តភាគខាងជើងនៃប្រទេសវៀតណាមដូចជាខេត្ត Thai Nguyen និងខេត្ត Vinh Phuc បានអស់ប្រេងឥន្ទនៈនិងហ្គាសម្រាប់លក់ឲ្យអតិថិជន។ ហេតុការណ៍នេះបានកើតឡើងនៅ ២ថ្ងៃប៉ុណ្ណោះ មុនពេលដែលអាជ្ញាធរវៀតណាមនឹងធ្វើការកំណត់តម្លៃប្រេងឥន្ទនៈជាថ្មីម្តងទៀតសម្រាប់ឲ្យដាក់លក់នៅលើទីផ្សារទូទាំងប្រទេសវៀតណាម។ ប្រភពខាងលើបានបន្តថា នៅក្នុងស្ថានីយ៍ប្រេងឥន្ទនៈមួយចំនួនបានអស់ប្រេងសាំងសម្រាប់លក់ក្នុងបរិមាណច្រើន តែនៅសល់ខ្លះអាចលក់ក្នុងបរិមាណតិចតួចបាន ខណៈស្ថានីយ៍ប្រេងឥន្ទនៈមួយចំនួននៅក្នុងទីក្រុងហាណូយវិញបានអស់សាំងរលីងពីស្តុកតែម្តង តែនៅសល់ប្រេងម៉ាស៊ូតខ្លះសម្រាប់លក់។ បើតាមលោក Chu Quoc Khanh អនុប្រធាននាយកដ្ឋានឃ្លាំមើលទីផ្សារលក់ផលិតផលប្រេងឥន្ទនៈបានឲ្យដឹងថា គាត់បានទទួលរបាយការណ៍អំពីបញ្ហាខ្វះខាតប្រេងឥន្ទនៈសម្រាប់លក់នេះទាំងពីថ្ងៃសោរ៍ ទី៣ ខែកញ្ញាមកម្លេះ ហើយស្ថានីយ៍មួយចំនួនតូចនៅភាគខាងត្បូងប្រទេសកំពុងប្រឈមនឹងបញ្ហាដូចគ្នានេះផងដែរ។ លោកអនុប្រធាននាយដ្ឋានរូបនេះបានបន្តទៀតថា បញ្ហាដដែលនេះគឺមិនមែនកើតឡើងចំពោះស្ថានីយ៍លក់រាយនោះទេ តែជាក់ស្តែងសូម្បីតែក្រុមហ៊ុន

វៀតណាម៖ វៀតណាមគ្រោងនឹងរៀបចំឲ្យមានថ្ងៃឈប់សម្រាកក្នុងពិធីបុណ្យចូលឆ្នាំប្រពៃណីជាតិរហូត​ដល់ ៩ថ្ងៃសម្រាប់នៅក្នុងឆ្នាំ ២០២៣ នេះបើយោងតាមការចុះផ្សាយរបស់បណ្តាញសារព័ត៌មាន​ Vietnam News កាលពីចុងសប្តាហ៍កន្លងទៅនេះ។ គិតត្រឹមពេលនេះក្រសួងការងារ យុទ្ធជនពិការ និងសង្គមកិច្ចដែលជាអ្នកផ្តួចផ្តើមលើកសំណើសុំរៀបចំថ្ងៃឈប់សម្រាកក្នុងរយៈពេលដ៏វែងនេះបានបញ្ជូនគម្រោងសំណើទៅកាន់រដ្ឋមន្ត្រីនិងនាយកដ្ឋានពាក់ព័ន្ធដើម្បីពិនិត្យនិងផ្តល់យោបល់រួចអស់ហើយ ខណៈសំណើនឹងត្រូវបញ្ជូនបន្តទៅកាន់នាយករដ្ឋមន្ត្រីដើម្បីធ្វើការអនុម័តជាផ្លូវការ។ តាមគម្រោងថ្ងៃឈប់សម្រាកក្នុងពិធីបុណ្យចូលឆ្នាំប្រពៃណីជាតិវៀតណាមខាងមុខនេះនឹងមានជម្រើសចំនួន ២ ដោយជម្រើសទី ១គឺថ្ងៃឈប់សម្រាកសរុបនឹងមានរយៈពេល ៧ថ្ងៃ គិតចាប់ពីថ្ងៃទីសុក្រ ទី២០ ខែមករា រហូតដល់ថ្ងៃ​ព្រហស្បតិ៍ ទី២៦ ខែមករា ដោយក្នុងនោះថ្ងៃឈប់សម្រាកផ្លូវការមានចំនួន ៥ថ្ងៃ និងបូកបន្ថែមចំនួន ២ថ្ងៃទៀត ព្រោះថ្ងៃបុណ្យចំលើថ្ងៃចុងសប្តាហ៍ (ថ្ងៃសោរ៍ ទី២១ និងថ្ងៃអាទិត្យ ទី២២) ដែលជាថ្ងៃត្រូវឈប់សម្រាកស្រាប់ទៅហើយ។ សម្រាប់ជម្រើសទី

ថៃ៖ អាជ្ញាធរក្រុងបាងកកបានចេញសេចក្តីព្រមានអំពីបញ្ហាទឹកជំនន់ចំពោះសហគមន៍មួយចំនួននៅតាមដងទន្លេចៅប្រាយ៉ា នេះបើយោងតាមការចុះផ្សាយរបស់បណ្តាញសារព័ត៌មាន Nation Thailand។ បើតាមរដ្ឋបាលក្រុងបាងកកបានបញ្ជាក់ថា ទឹកភ្លៀងបានផ្តើមធ្លាក់យ៉ាងច្រើនតាំងពីថ្ងៃសោរ៍ចុងសប្តាហ៍មុននិងអាចបន្តធ្លាក់ច្រើនរហូតដល់ថ្ងៃព្រហស្បតិ៍ក្នុងសប្តាហ៍នេះ ខណៈឥទ្ធិពលនៃទឹកភ្លៀងនឹងបង្ករឲ្យមានទឹកហូរកាត់ទំនប់ទន្លេចៅប្រាយ៉ាកើនឡើងក្នុងបរិមាណចន្លោះពី ១,៨០០ ទៅ ២,០០០ ម៉ែត្រគុបក្នុងមួយវីនាទីផងដែរ។ បើតាមមជ្ឈមណ្ឌលសម្រាប់ការព្យាករណ៍កម្ពស់ទឹកបានបញ្ជាក់ថា ទឹកទន្លេចៅប្រាយ៉ាអាចនឹងកើនឡើងក្នុងចន្លោះកម្ពស់ពី ០,៤-០,៥ ម៉ែត្រនិងអាចបង្កផលប៉ះពាល់យ៉ាងខ្លាំងចំពោះសហគមន៍នៅជាប់ទំនប់ ខណៈស្ថានភាពគ្រោះថ្នាក់នេះអាចបន្តអូសបន្លាយរហូតដល់ថ្ងៃទី ១០ ខែកញ្ញានេះ។​ បើតាមរដ្ឋបាលក្រុងបាកកកបានបញ្ជាក់ថា គិតត្រឹមពេលនេះទឹកជំនន់នៅមិនទាន់គំរាមគំហែងអាយុជីវិតពលរដ្ឋណាម្នាក់នៅឡើយទេ តែទោះជាយ៉ាងណាក្តី​អាជ្ញាធរក្រុងបានត្រៀមខ្លួនរួចរាល់ហើយក្នុងការជួយសង្គ្រោះប្រជាពលរដ្ឋក្នុងករណីមានគ្រោះថ្នាក់ធ្ងន់ធ្ងរណាមួយបានកើតឡើង៕ អត្ថបទ៖ ភក្តី ប្រភព៖​ Nation Thailand    

កូរ៉េខាងត្បូង៖ ប្រទេសកូរ៉េខាងត្បូងនៅថ្ងៃចន្ទ ទី៥ ខែកញ្ញានេះបានចេញសេចក្តីណែនាំអំពីបញ្ហាអាកាសធាតុ និងបានបង្កើនកម្រិតប្រកាសអាសន្នទៀតផងចំពោះព្យុះទីហ្វុង Hinnamnor​ ដែលអាចបង្កការគំរាមគំហែងខ្លាំងនៅតាមតំបន់មួយចំនួននាពេលដ៏ខ្លីខាងមុខនេះ។ ព្យុះទីហ្វុង Hinnamnor បានធ្វើដំណើរចេញពីតំបន់ភាគខាងជើងប្រទេសក្នុងល្បឿន ១៩គីឡូម៉ែត្រក្នុងមួយម៉ោង ខណៈព្យុះនេះនឹងបន្តដំណើរឆ្ពោះទៅកាន់តំបន់ភាគត្បូង ដែលមានចម្ងាយប្រមាណជា ៩០គឺឡូម៉ែត្រពីកំពង់ផែក្រុង Busan នៅព្រឹកស្អែកនេះ។ តាមការព្យាករណ៍ព្យុះទីហ្វុង Hinnamnor នឹងបង្កឲ្យមានខ្យល់បោកបក់យ៉ាងខ្លាំង និងបង្កឲ្យមានភ្លៀងធ្លាក់យ៉ាងច្រើនផងដែរ។ បើតាមអាជ្ញាធរគ្រប់គ្រងគ្រោះមហន្តរាយកូរ៉េខាងត្បូងបានបញ្ជាក់ថា ព្យុះទីហ្វុង Hinnamnor អាចបង្កការគំរាមគំហែងក្នុងទីក្រុង និងតំបន់ជាច្រើនដូចជា Gwangju, Busan, Daegu, Ulsan និងនៅតំបន់កោះ Jeju ហើយអាជ្ញាធរបានសម្រេចទាញសញ្ញាអាសន្នក្នុងកម្រិតដ៏ខ្ពស់មួយដែលមិនធ្លាប់មាននោះទេក្នុងរយៈពេល ៥ឆ្នាំចុងក្រោយនេះ។ នៅចំពោះមុនបញ្ហាអាកាសធាតុនេះក្រុមហ៊ុនសាងសង់កប៉ាល់ចំនួន

អាមេរិក៖ រដ្ឋកាលីហ្វ័រញ៉ា សហរដ្ឋអាមេរិកបានសម្រេចបង្កើត “មជ្ឈមណ្ឌលត្រជាក់” ដើម្បីជួយជនងាយរងគ្រោះដោយរលកកម្តៅ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅព្រឹកថ្ងៃសោរ៍ ទី៣ ខែសីហានេះ។ ការសម្រេចបង្កើត “មជ្ឈមណ្ឌលត្រជាក់” ត្រូវបានធ្វើឡើងក្រោយពេលដែលសីតុណ្ហភាពនៅតំបន់ខ្លះក្នុងរដ្ឋកាលីហ្វ័រញ៉ា​បានកើនឡើងរហូតដល់កម្រិត ៤៣អង្សាសេ ហើយនៅក្នុងបរិយាកាសដ៏ក្តៅនេះតម្រូវការនៃការប្រើប្រាស់ម៉ាស៊ីនត្រជាក់និងកង្ហារនៅតាមផ្ទះរបស់ប្រជាពលរដ្ឋម្នាក់ៗក៏មានការកើនឡើងយ៉ាងគំហុកផងដែរ។ នៅចំពោះមុខស្ថានភាពបន្ទាន់នេះបានធ្វើឲ្យការផ្គត់ផ្គង់អគ្គិសនីទៅតាមផ្ទះប្រជាពលរដ្ឋម្នាក់ៗត្រូវបានកាត់បន្ថយ ដែលធ្វើឲ្យពលរដ្ឋមួយចំនួនត្រូវស្នាក់នៅក្នុងផ្ទះក្រោមសីតុណ្ហភាពយ៉ាងក្តី។ ដើម្បីឆ្លើយនឹងបញ្ហាប្រឈមនេះអាជ្ញាធររដ្ឋកាលីហ្វ័រញ៉ាបានសម្រេចបង្កើត “មជ្ឈមណ្ឌលត្រជាក់” ចំនួន ៤០កន្លែងផ្សេងគ្នា ដើម្បីអនុញ្ញាតឲ្យពលរដ្ឋដែលមិនអាចស្នាក់នៅផ្ទះខ្លួនឯងបានអាចនាំគ្នាមកសម្រាកនៅក្នុងមជ្ឈមណ្ឌលនេះបាន។ គិតត្រឹមពេលនេះនៅក្នុង “មជ្ឈមណ្ឌលត្រជាក់” ទាំងអស់គឺមានពលរដ្ឋរាប់ពាន់នាក់បានទៅស្នាក់នៅរួមគ្នាដើម្បីទទួលបានបរិយាកាសត្រជាក់ និងអាចទទួលបានភេសជ្ជៈត្រជាក់ៗសម្រាប់ទទួលទានផងដែរ៕ ប្រភព៖ The Strait Time

ថៃ៖ រឿងរ៉ាវទាក់ទងនឹងករណីភ្លើងឆេះ Pub Mountain B នៅក្នុងប្រទេសថៃនៅមិនទាន់បិទបញ្ចប់ទាំងស្រុងនៅឡើយទេ ដ្បិតនៅថ្ងៃសៅរ៍ ទី៣ ខែសីហានេះកាសែត បាងកកប៉ុស្តិ៍ បានរាយការណ៍ថា មានជនរងគ្រោះនៅក្នុងហេតុការណ៍អកុសលនោះម្នាក់ទៀតហើយបានស្លាប់បាត់បង់ជីវិត។ ដូចនេះគិតត្រឹមពេលនេះចំនួនជនរងគ្រោះដែលបានស្លាប់បាត់បង់ជីវិតសរុបក្នុងអគ្គីភ័យដែលបានលេបត្របាក់អាគារ Pub យ៉ាងឆាប់រហ័សនោះបានកើនឡើងដល់ ២៣នាក់ហើយ។ គួររម្លឹកជូនថា Pub Mountain B មានទីទាំងស្ថិតនៅក្នុងតំបន់ Sattahip ខេត្ត Chon Buri ភាគខាងកើតប្រទេសថៃបានឆេះកាលពីយប់ថ្ងៃទី ៥ ខែសីហាកន្លងទៅ ហើយភ្លាមៗក្រោយកើតហេតុគេបានរកឃើញមានមនុស្សស្លាប់ចំនួន ១៤នាក់ និងរងរបួសធ្ងន់ចំនួន ៤០នាក់។ យ៉ាងណាក្តី ក្នុងរយៈពេលជិតមួយខែនេះមក

អាមេរិក៖ សភាសហដ្ឋអាមេរិកកាលពីថ្ងៃសុក្រ ទី២ ខែសីហានេះបានអនុម័តលើគម្រោងលក់អាវុធដែលមានតម្លៃសរុបជាង​ ១,១ពាន់លានដុល្លារអាមេរិកឲ្យទៅកោះតៃវ៉ាន់ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ ការអនុម័តរបស់សភាអាមេរិកនៅពេលនេះបានធ្វើឲ្យចិនខឹងកាន់តែខ្លាំងផងដែរ ដ្បិតនៅក្នុងអំឡុងពេលនេះចិននិងអាមេរិកកំពុងតែមានភាពតានតឹងជាមួយគ្នាយ៉ាងខ្លាំងផងដែរនៅជុំវិញសំណុំរឿងកោះតៃវ៉ាន់នេះ។ បើតាមសេតវិមានអាមេរិកបានបញ្ជាក់ថា កញ្ចប់យោធាដែលអាមេរិកបានសម្រេចលក់ឲ្យទៅកោះតៃវ៉ាន់នៅពេលនេះគឺជាកញ្ចប់ដ៏ធំបំផុតមួយនៅក្នុងរដ្ឋបាលរបស់លោកប្រធានាធិបតីអាមេរិក ចូ បៃឌិន ខណៈកញ្ចប់នេះនឹងត្រូវបែងចែកជាកញ្ចប់តូចៗចំនួន ៣ផ្សេងគ្នាផងដែរ។ កញ្ចប់ទី ១ ដែលមានតម្លៃ ៦៦៥លានដុល្លារគឺសម្រាប់ម៉ៅការក្នុងការថែទាំនិងអភិវឌ្ឍន៍ប្រព័ន្ធរ៉ាដាដែលជាប្រព័ន្ធការពារដែនដីតៃវ៉ាន់ទាំងមូលទាំងម្តង។ កញ្ចប់ថវិកាចំនួន ៣៥៥លានដុល្លារនឹងត្រូវចំណាយទៅលើការទិញមីស៊ីល Harpoon Block II ចំនួន ៦០ គ្រាប់ ដែលជាមីស៊ីលសម្រាប់បាញ់កម្ទេចនាវាចម្បាំងពីចម្ងាយនិងអាចអាចបាញ់យ៉ាងចំគោលដៅបំផុត។ ដោយឡែកសម្រាប់កញ្ចប់ថវិកាប្រមាណជា ៨៥,៥ លានដុល្លារផ្សេងទៀតនឹងត្រូវចំណាយលើការទិញមីស៊ីល Sidewinder ចំនួន

អាមេរិក៖ កូរ៉េខាងត្បូងបាននិយាយកាលពីថ្ងៃព្រហស្បតិ៍ ទី១ ខែកញ្ញានេះថា ខ្លួននិងប្រទេសដែលជាសមភាគីចំនួន ២ផ្សេងទៀតរួមមានអាមេរិកនិងជប៉ុននឹងចាត់វិធានការយ៉ាងខ្លាំងក្លាបំផុត ប្រសិនបើប្រទេសកូរ៉េខាងជើងបន្តបាញ់សាកល្បងអាវុធនុយក្លែអ៊ែរជាបន្តទៀត។ ការថ្លែងព្រមានខាងលើនេះត្រូវបានធ្វើឡើងដោយលោក Kim Sung ទីប្រឹក្សាផ្នែកសន្តិសុខជាតិកូរ៉េខាងត្បូងនិងបានថ្លែងនៅក្នុងឱកាសដែលរូប​​លោកបានអញ្ជើញទៅចូលរួមកិច្ចពិភាក្សាត្រីភាគីជាមួយទីប្រឹក្សាសន្តិសុខជាតិអាមេរិកគឺលោក Jake Sullivan និង លោក Akiba Takeo ទីប្រឹក្សាសន្តិសុខជាតិជប៉ុន ខណៈកិច្ចពិភាក្សាដ៏ពិសេសនេះបានរៀបចំឡើងនៅឯទីក្រុង Hawaii  សហរដ្ឋអាមេរិក។ យ៉ាងណាក្តី លោក Kim Sung មិនបានប្រាប់ឲ្យច្បាស់ទេថា វិធានការដែលប្រទេសជាសមភាគីទាំង ៣ខាងលើគ្រោងដាក់ចេញចំពោះកូរ៉េខាងជើងនឹងមានទម្រង់យ៉ាងណានោះទេ តែលោកគ្រាន់តែបញ្ជាក់ថាវិធានការនោះនឹងក្តៅហើយខ្លាំងក្លាជារាល់ដង។ គួររម្លឹកជូនថា ប្រទេសកូរ៉េខាងជើងបានប្រកាសជោគជ័យក្នុងការផលិតអាវុធនុយក្លេអ៊ែរចាប់តាំងពីឆ្នាំ ២០១៧​ ម្លេះ ហើយគិតមកត្រឹមពេលនេះទីក្រុងព្យុងយ៉ាងធ្លាប់បាញ់សាកល្បងអាវុធនុយក្លេអ៊ែរចំនួន