ប៉ូឡូញ៖ យោងតាមការចុះផ្សាយរបស់បណ្តាញសារព័ត៌មាន Channel News Asia បានឲ្យដឹងថា ប្រធានាធិបតីនៃប្រទេសប៉ូឡូញលោក Andrzej Duda បានថ្លែងកាលពីថ្ងៃព្រហស្បតិ៍ ទី១ ខែសីហានេះថា ប៉ូឡូញបានខាតបង់ប្រាក់អស់ប្រមាណជា ៦,២ ពាន់ពាន់លានស្លូទី (១,៣២ ពាន់ពាន់លានដុល្លារអាមេរិក) ដោយសង្គ្រាមលោកលើកទី២ ដែលបានបង្កឡើងដោយប្រទេសអាឡឺម៉ង់។ លោកប្រធានាធិបតីវ័យ ៥០ឆ្នាំរូបនេះថែមទាំងបានបញ្ជាក់ទៀតថា ប៉ូឡូញនឹងទាមទារសំណងក្នុងទំហំទឹកប្រាក់ខាងលើនេះជាផ្លូវការពីប្រទេសអាឡឺម៉ង់ផងដែរ។ លោក Andrzej Duda ប្រធានាធិបតីនៃប្រទេសប៉ូឡូញ គួររម្លឹកជូនថា បញ្ហាចម្រូងចម្រាសខាងលើនេះមិនមែនជារឿងថ្មីឡើយសម្រាប់ប្រទេសប៉ូឡូញនិងប្រទេសអាឡឺម៉ង់ ដ្បិតកាលពីឆ្នាំ ២០១៥ ប៉ូឡូញក៏ធ្លាប់បាននិយាយអំពីការទាមទារសំណងនេះម្តងដែរ តែប៉ូឡូញមិនបានប្តឹងទាមទារសំណងជាលក្ខណៈផ្លូវការនោះទេ​ ខណៈភាគីខាងអាឡឺម៉ង់វិញធ្លាប់អះអាងជារឿញៗថា បញ្ហាទាក់ទាងនឹងប្រាក់សំណងនេះគឺត្រូវបានដោះស្រាយរួចអស់ហើយ។

តៃវ៉ាន់៖ នាយករដ្ឋមន្ត្រីតៃវ៉ាន់លោក Su Tseng-chang បានបញ្ជាក់នៅថ្ងៃសុក្រ ទី២ ខែសីហានេះថា ការបាញ់ទម្លាក់យន្តហោះគ្មានមនុស្សបើករបស់ចិន ដែលបានហោះមកក្បែរដែនកោះរបស់តៃវ៉ាន់ដោយគ្មានការអនុញ្ញាតនោះគឺជារឿង “សមស្របបំផុត”។ ការថ្លែងដូចនេះត្រូវបានធ្វើឡើងដើម្បី​បង្ហាញជំហរដ៏រឹងមាំរបស់កោះតៃវ៉ាន់ក្នុងកិច្ចការពារដែនដីរបស់ខ្លួន ហើយវាក៏ជាលើកទី ១ដែរ ដែលយោធាតៃវ៉ាន់បានសម្រេចបាញ់ទម្លាក់យន្តហោះគ្មានមនុស្សបើករបសចិនដូចនេះ។ គួររម្លឹកជូន កាលពីប៉ុន្មានថ្ងៃមុននេះយោធាតៃវ៉ាន់ធ្លាប់បាញ់ព្រមានយន្តហោះគ្មានមនុស្សបើករបស់ចិនម្តងហើយ តែក្រោយមានការបាញ់គំរាមនោះយន្តហោះគ្មានមនុស្សបើករបស់ចិនក៏បានហោះត្រលប់ទៅកាន់ទឹកដីចិនវិញ។ យ៉ាងណាក្តី កាលពីថ្ងៃព្រហស្បតិ៍ ទី១ ខែសីហាម្សិលមិញនេះ យន្តហោះគ្មានមនុស្សបើករបស់ចិកបានហោះមកកាន់កោះដែ​នកោះរបស់តៃវ៉ាន់ជាថ្មីម្តងទៀត ហើយយោធាតៃវ៉ាន់ក៏សម្រេចបាញ់ទម្លាក់ចោលតែម្តង។ សូមបញ្ជាក់ផងដែរថា កាលពីដើមសប្តាហ៍នេះលោកស្រី Tsai Ing-wen ប្រធានាធិបតីតៃវ៉ាន់បានប្រកាសថា តៃវ៉ាន់នឹងចាត់វិធានការយ៉ាងខ្លាំងក្លាបំផុតដើម្បីឆ្លើយតបនឹងការឈ្លានពានរបស់ចិន៕ អត្ថបទ៖ ភក្តី ប្រភព៖ Channel News

អង់គ្លេស៖ វិបត្តិនៃការកើនឡើងតម្លៃថាមពលនៅលើពិភពលោកបានកំពុងតែជះឥទ្ធិពលយ៉ាងខ្លាំងនៅក្នុងវិស័យជាច្រើននៅតាមបណ្តាលប្រទេសមួយដែលធ្លាក់តែពឹងផ្អែកខ្លាំងលើការនាំចូលថាមពលពីក្រៅប្រទេសជាពិសេសគឺការនាំចូលថាមពលពីប្រទេសរុស្ស៊ីតែម្តង។ ជាក់ស្តែងបើយោងតាមការចុះផ្សាយរបស់បណ្តាញសារព័ត៌មាន Daily Mail បានឲ្យដឹងថា វិស័យសុខាភិបាលនៅក្នុងប្រទេសអង់គ្លេសកំពុងរងនូវការគំរាមគំហែងយ៉ាងខ្លាំងពីវិបត្តិនៃការកើនឡើងតម្លៃថាមពលនៅលើពិភពលោក ពោលគឺនៅពេលនេះមន្ទីរពេទ្យនៅចក្រភពអង់គ្លេសកំពុងស្ថិតនៅក្នុងដំណាកកាលដែលត្រូវពិចារណាថា តើគួរជ្រើសរើសយកការសន្សំសំចៃថាមពលអគ្គិសនី ឬជ្រើសរើសយកគុណភាពនៃការមើលថែទាំអ្នកជំងឺឲ្យស្របតាមកម្រិតស្តង់ដាដែលធ្លាប់អនុវត្តនាពេលកន្លងមក។ បើយោងតាមការសិក្សាដែលត្រូវបានចេញផ្សាយដោយទិនានុប្បវត្តិវេជ្ជសាស្ត្រអង់គ្លេសបានឲ្យដឹងថា នៅតាម​មន្ទីរពេទ្យក្នុងចក្រភពអង់គ្លេសនឹងត្រូវបង្កើតការចំណាយយ៉ាងច្រើនទៅលើហ្គាស និងថាមពលអគ្គិសនី ពោលគឺត្រូវបន្ថែមការចំណាយរហូត​ដល់ខ្ទង់ ២លានផោន (ជាង ២,៣លានដុល្លារអាមេរិក) ឯណោះក្នុងមួយខែ។សូមបញ្ជាក់ជូនថា នាពេលបច្ចុប្បន្ននេះកម្រិតអតិផរណនៅអង់គ្លេសបានកើនឡើង​ ១០,១ % ដែលជាកម្រិតខ្ពស់បំផុតមិនធ្លាប់មាននោះទេក្នុងរយៈពេល ៤០ឆ្នាំចុងក្រោយនេះ ខណៈគេបានព្យាករណ៍ថា នៅឆ្នាំក្រោយកម្រិតអតិផរណាអាចនឹងកើនរហូតដល់ ១៨%ទៀតផង។ ដោយឡែកតម្លៃហ្គាសនិងតម្លៃថាមពលអគ្គិសនីសម្រាប់ប្រើប្រាស់នៅតាមផ្ទះវិញក៏មានការកើនឡើងយ៉ាងខ្ពស់ដែរដោយចាប់ពីខែតុលាខាងមុននេះគឺតម្លៃហ្គាសនិងតម្លៃថាមពលអគ្គិសនីអាចនឹងកើនឡើងរហូតដល់ ៨០% បើធៀបទៅនឹងរយៈពេលមុនសង្គ្រាមរុស្ស៊ីនិងអ៊ុយក្រែនបានផ្ទុះឡើង៕ អត្ថបទ៖ ភក្តី ប្រភព៖Daily Mail

ម៉ាឡេស៊ី៖ តុលាការម៉ាឡេស៊ីនៅរលៀសថ្ងៃព្រហស្បតិ៍ ទី១ ខែកញ្ញានេះបានសម្រេចផ្តន្ទាទោសឲ្យលោកស្រី Rosmah Mansor ដែលជាភរិយាអតីតប្រធានាធិបតីនៃប្រទេសម៉ាឡេស៊ីជាប់គុករយៈពេល ១០ឆ្នាំជុំវិញករណីប្រព្រឹត្តិអំពីពុករលួយនាពេលកន្លងមក។ ក្រៅតែពីបានសម្រេចផ្តន្ទាទោសឲ្យជាប់គុកហើយ លោកស្រី Rosmah Mansor អាយុ ៧០ឆ្នាំ ជាភរិយារបស់អតីតប្រធានាធិបតីម៉ាឡេស៊ីគឺលោក Najib Razak ក៏ត្រូវបានតុលាការសម្រេចពិន័យជាប្រាក់ចំនួន ៩៧០លាន រីងហ្គីត ឬស្មើនឹងប្រាក់ប្រមាណជា ២១៦លានដុល្លារអាមេរិកផងដែរ។ បើតាមតុលាការនៃប្រទេសម៉ាឡេស៊ីបានបញ្ជាក់ថា លោកស្រី Rosmah Mansor កាលពីអំឡុងឆ្នាំ ២០១៦-២០១៧ បានទទួលប្រាក់សូកប៉ាន់ពីក្រុមហ៊ុនមៅការមួយឈ្មោះ Saidi Abang Samsudin ក្នុង​ទំហំទឹកប្រាក់ ១៨៧,៥

អង់គ្លេស៖ វិបត្តិនៃការកើនឡើងតម្លៃថាមពលសកលកំពុងគំរាមគំរាមវិស័យសុខាភិបាលនៅក្នុងចក្រភពអង់គ្លេសយ៉ាងខ្លាំង​ នេះបើយោងតាមការចុះផ្សាយារបស់បណ្តាញសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី១ ខែសីហានេះ។ ក្រុមមន្ទីរពេទ្យជាច្រើននៅចក្រភពអង់គ្លេសបាននិយាយដូចគ្នាថា ពួកគេចង់ដំឡើងតម្លៃសេវាសម្រាប់ថែទាំអ្នកជំងឺយ៉ាង​ហោចណាស់ទ្វេដង ទើបអាចទប់ទល់នឹងតម្លៃថាមអគ្គិសនីនិងវិបត្តិអតិផរណានៅក្នុងពេលបច្ចុប្បន្ននេះបាន។ តែយ៉ាងណាក្តី គិតត្រឹមពេលនេះគ្រប់មន្ទីរពេទ្យទាំងអស់នៅចក្រភពអង់គ្លេសមិនទាន់ធ្វើការដំឡើងថ្លៃសេវាព្យាបាលនិងមើលថែអ្នកជំងឺក្នុងកម្រិតណាមួយនៅឡើយទេ។ មន្ទីរពេទ្យមួយចំនួនប្រាប់ឲ្យដឹងផងដែរថា នៅចំពោះមុខការកើនឡើងតម្លៃថាមពលអគ្គីសនីនិងវិបត្តិអតិផរណានេះ ពួកគេបានសម្រេចកាត់បន្ថយបុគ្គលិកសម្រាប់មើលថែអ្នកជំងឺដោយតម្រូវឲ្យពួកគេធ្វើការឆ្លាស់វេនគ្មា ហើយចំណាត់ការនេះក៏បានធ្វើឲ្យគុណភាពនៃការមើលថែទាំអ្នកជំងឺត្រូវធ្លាក់ចុះផងដែរ ដូចជាត្រូវរង់ចាំយូរហើយការមើលថែមិនបានដិតដល់ដូចពេលធម្មតានោះទេ។ សូមបញ្ជាក់ជូនថា នាពេលបច្ចុប្បន្ននេះកម្រិតអតិផរណនៅអង់គ្លេសបានកើនឡើង​ ១០,១ % ដែលជាកម្រិតខ្ពស់បំផុតមិនធ្លាប់មាននោះទេក្នុងរយៈពេល ៤០ឆ្នាំចុងក្រោយនេះ ខណៈគេបានព្យាករណ៍ថា នៅឆ្នាំក្រោយកម្រិតអតិផរណាអាចនឹងកើនរហូតដល់ ១៨%ទៀតផង។ ដោយឡែកតម្លៃហ្គាសនិងតម្លៃថាមពលអគ្គិសនីសម្រាប់ប្រើប្រាស់នៅតាមផ្ទះវិញក៏មានការកើនឡើងយ៉ាងខ្ពស់ដែរដោយចាប់ពីខែតុលាខាងមុននេះគឺតម្លៃហ្គាសនិងតម្លៃថាមពលអគ្គិសនីអាចនឹងកើនឡើងរហូតដល់ ៨០% បើធៀបទៅនឹងរយៈពេលមុនសង្គ្រាមរុស្ស៊ីនិងអ៊ុយក្រែនបានផ្ទុះឡើង៕ អត្ថបទ៖ ភក្តី ប្រភព៖ Channel

កូរ៉េខាងត្បូង៖ រដ្ឋាភិបាលនៃប្រទេសកូរ៉េខាងត្បូងគ្រោងនឹងផ្តល់ប្រាក់ឧបត្ថម្ភប្រចាំខែក្នុងចំនួនដ៏ច្រើនទៅកាន់ក្រុមគ្រួសារណាដែលទើបសម្រាលកូនរួច នេះបើយោងតាមការចុះផ្សាយរបស់បណ្តាញសារព័ត៌មាន The Strait Times នៅព្រឹកថ្ងៃពុធ ទី៣១ ខែសីហានេះ។ សេចក្តីសម្រេចមួយនេះត្រូវបានធ្វើឡើងក្រោមហេតុផលថា រដ្ឋាភិបាលចង់លើកទឹកចិត្តឲ្យប្រជាពលរដ្ឋខ្លួនសម្រេចចិត្តយកកូន ហើយរដ្ឋាភិបាលនឹងជួយសម្រួលបន្ទុកក្នុងការចំណាយរបស់ប្រជាពលរដ្ឋក្រោយពួកគេបានសម្រាលកូនរួច។ តាមគម្រោងការផ្តល់ប្រាក់ឧបត្ថម្ភនេះនឹងត្រូវធ្វើឡើងក្រោមលក្ខខណ្ឌមួយចំនួនដូចជា ចាប់ពីដើមឆ្នាំក្រោយនេះ រដ្ឋាភិបាលនឹងផ្តល់ប្រាក់ចំនួន ៧០០,០០០ វ៉ុន (៥២២ ដុល្លារអាមេរិក) ក្នុងមួយខែ ខណៈចាប់ពីដើមឆ្នាំ ២០២៤ទៅប្រាក់ឧបត្ថម្ភប្រចាំខែនឹងត្រូវដំឡើងរហូតដល់ ១ ០០០ ០០០ រ៉ុន (៧៤៥ ដុល្លារងាអាមេរិក)។ ចំពោះរយៈពេលនៃការទទួលបានប្រាក់ឧបត្ថម្ភវិញគឺនៅឆ្នាំដំបូងប្រាក់ឧបត្ថម្ភនឹងត្រូវផ្តលជូនពេញ ១០០%តាមចំនួនកំណត់ដូចបានជម្រាបជូនខាងលើ តែចាប់ពីឆ្នាំពីទី ២ទៅពោលគឺនៅពេលកូនមានអាយុមួយខួបប្រាក់ឧបត្ថមត្រូវបានកាត់បន្ថយ ៥០% ខណៈការផ្តល់ជូននឹងត្រូវបន្តដល់ត្រឹមឆ្នាំទី៣។

អាមេរិក៖ រដ្ឋាភិបាលអាមេរិកគ្រោងនឹងឈប់បញ្ជាទិញវ៉ាក់សាំងបង្ការជំងឺកូវីដ-១៩ សម្រាប់ចាក់ជូនពលរដ្ឋខ្លួនទៀតហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Times នៅព្រឹកថ្ងៃពុធ ទី៣១ ខែសីហានេះ។ ការសម្រេចឈប់បញ្ជាទិញវ៉ាក់សាំងបង្ការជំងឺកូវីដ-១៩ នៅពេលនេះគឺត្រូវបានធ្វើឡើងក្រោមហេតុផលថា រដ្ឋាភិបាលអាមេរិកមិនមានថវិកាគ្រប់គ្រាន់សម្រាប់ទិញវ៉ាក់សាំងយកមកចាក់ជូនពលរដ្ឋដោយមិនគិតថ្លៃនោះទេ។ យ៉ាងណាក្តី ពលរដ្ឋអាមេរិកគ្រប់រូបនៅតែអាចទៅទទួលយកវ៉ាក់សាំងបង្ការជំងឺកូវីដ-១៩ នៅតាមមន្ទីរពេទ្យឬនៅតាមគ្លីនិកសុខភាពនៅទូទាំងអាមេរិកបាន​ តែពួកគេត្រូវចំណាយលុយដោយខ្លួនឯងផ្ទាល់ ឬការចំណាយនោះត្រូវទូទាត់តាមរយៈក្រុមហ៊ុនធានារ៉ាប់រងដែលពួកគេបានទិញសេវា ធានារ៉ាប់រងសុខភាពនាពេលកន្លងមក។​ ប្រភពខាងលើបានបញ្ជាក់ថា តាមគម្រោងគឺរដ្ឋាភិបាលអាមេរិកនឹងអនុវត្តការសម្រេចខាងលើនេះចាប់ពីថ្ងៃទី ១ ខែមករា ឆ្នាំ២០២៣ខាងមុខនេះ៕ អត្ថបត៖ ភក្តី ប្រភព៖ The Strait Times

តៃវ៉ាន់៖ តៃវ៉ាន់បានបាញ់ព្រមានយន្តហោះគ្មានមនុស្សបើករបស់ចិនកាលពីថ្ងៃអង្គារ ទី៣០ ខែសីហាម្សិលមិញនេះ ខណៈឥរិយាបថនេះកំពុងបង្កឲ្យមានភាពភា្ញក់ផ្អើលយ៉ាងខ្លាំងនៅតំបន់ឈូកសមុទ្រចិន។ បើយោងតាមការចុះផ្សាយរបស់បណ្តាញសារព័ត៌មាន Channel News Asia បានបញ្ជាក់ថា បន្ទាប់ពីមានការបាញ់ព្រមានពីសំណាក់យោធាតៃវ៉ាន់ យន្តហោះគ្មានមនុស្សបើករបស់ចិនបានហោះត្រលប់ទៅកាន់ទឹកដីចិនវិញយ៉ាងឆាប់រហ័ស ខណៈរហូតមកទល់នឹងពេលនេះគេនៅមិនទាន់ឃើញចិនមានប្រតិកម្មតបវិញយ៉ាងណានោះទេ។ ការសម្រេចបាញ់ព្រមានចំពោះយន្តហោះគ្មានមនុស្សបើករបស់ទីក្រុងប៉េកាំងនៅពេលនេះ ត្រូវបានកើតឡើងក្រោយពេលប្រធានាធិបតីតៃវ៉ាន់គឺលោកស្រី ត្សៃ អ៊ីងវិន បានប្រកាសថា តៃវ៉ាន់នឹងចាត់វិធានការយ៉ាងខ្លាំងក្លាបំផុតដើម្បីប្រឆាំងនឹងការឈា្លនពានរបស់ចិន។ គួរបញ្ជាក់ជូនថា នេះជាលើកទីមួយហើយដែលកោះតៃវ៉ាន់សម្រេចបាញ់ព្រមានយន្តហោះគ្មានមនុស្សបើករបស់ចិនដូចនេះ ខណៈក្នុងអំឡុងពេលពេលនេះទីក្រុងប៉េកាំងនិងទីក្រុងតៃប៉ិកំពុងមានភាពតានតឹងជាមួយគ្នាយ៉ាងខ្លាំងផងដែរ។ គួរកត់សម្គាក់ថា ជម្លោះរវាងចិននិងតៃវ៉ាន់តែងកើតមានជារឿញៗ ដ្បិតចិនបានចាត់ទុកកោះតៃវ៉ាន់គឺជាផ្នែកមួយនៃប្រទេសរបស់ខ្លួន​ ខណៈតៃវ៉ាន់បន្តរក្សាជំហំរឹងមាំក្នុងផ្តាច់ខ្លួនជារដ្ឋឯករាជ្យមួយ៕   អត្ថបទ៖ ភក្តី ប្រភព៖ Channel News Asia

ការសិក្សាមួយបានបង្ហាញថា ផ្ទាំងទឹកកកជាច្រើននៅតំបន់ហ្គ្រីនឡែនបានបាក់បែកជាបន្តបន្ទាប់ និងកំពុងហូរចូលទៅក្នុងសមុទ្រយ៉ាងឆាប់រហ័ស ហើយកត្តាអាចនឹងធ្វើឲ្យកម្រិតទឹកសមុទ្រនៅលើពិភពត្រូវកើនឡើងយ៉ាងខ្ពស់ក្នុងពេលដ៏ខ្លីខាងមុខនេះផងដែរ។ ការសិក្សាដែលត្រូវបានចេញផ្សាយក្នុងទិនានុប្បវត្តិ Nature Climate Chang និងត្រូវបានចុះផ្សាយបន្តដោយបណ្តាញសារព័ត៌មាន CNN នៅព្រឹកថ្ងៃអង្គារ ទី៣០ ខែសីហានេះបានឲ្យដឹងទៀតថា ក្រុមអ្នកជំនាញនៅមិនទាន់អាចរកឃើញវិធីបញ្ឈប់ការបាក់បែកដុំទឹកកកនេះបាននៅឡើយទេ បើទោះជាពិភពលោកកំពុងព្យាយាមកាត់បន្ថយការបំភាញកំដៅនៅលើភពផែនដីនេះក៏ដោយ។ បើតាមក្រុមអ្នកអ្នកស្រាវជ្រាវភូគព្ភសាស្ត្ររបស់ប្រទេសដាណឺម៉ាកនិងប្រទេសហ្គ្រីនឡែនបានឲ្យដឹង​ថា ដុំទឹកដែលអាចរលាយចេញពីតំបន់ទឹកកកហ្គ្រីនឡែននៅពេលនេះគឺមានទម្ងន់ប្រហែលជា​ ១១០ លានលានតោន និងមានទំហំត្រឹមតែ ៣,៣%ប៉ុណ្ណោះនៃទំហំផ្ទាំងទឹកកកសរុបនៅតំបន់ទឹកកហ្រ្គីនឡែន។ ការរលាយនៃដុំទឹកកកដ៏ច្រើននេះអាចនឹងធ្វើឲ្យកម្រិតទឹកសមុទ្រកើនឡើង ១០អ៊ីញ (២៥,៤ សង់ទីម៉ែត្រ) ហើយកំណើននេះគឺស្មើនឹងកម្រិតកំណើតទឹកសមុទ្រក្នុងរយៈពេលមួយសតវត្សចុងក្រោយនេះផងដែរ។ គួររម្លឹកជូនថា កាលពីដើមឆ្នាំនេះមានការសិក្សាមួយនៅអាមេរិកបានបង្ហាញថា ក្នុងរយៈពេល ៣០ឆ្នាំខាងមុខទៀតកម្រិតទឹកសមុទ្រពិភពលោកអាចនឹងកើនឡើងក្នុងចន្លោះពី ១០-១២អ៊ីញ (២៥,៤-៣០,៤៨ សង់ទីម៉ែត្រ) ហើយពេលនោះពិភពលោកនឹងត្រូវប្រឈមជាមួយគ្រោះធម្មតជាតិដូចជា

ប៉ាគីស្ថាន៖ ក្រសួងផែនការរបស់ប៉ាគីស្ថានកាលពីថ្ងៃចន្ទ ទី២៩ ខែសីហានេះបានប្រាប់ឲ្យដឹងថា ការបំផ្លាញដោយទឹកជំនន់ក្នុងរយៈពេលប៉ុន្មានសប្តាហ៍នេះអាចមានតម្លៃជាទឹកប្រាក់រហូតដល់ ១០ពាន់លានដុល្លារអាមេរិកឯនោះ។ ការវាយតម្លៃនេះត្រូវបានធ្វើឡើងដោយផ្អែកលើកការបំផ្លាញជាក់ស្តែងចំពោះផលដំណាំរបស់ប្រជាកសិករ ផ្លូវថ្នល់ ផ្ទះសម្បែង ស្ពាន អាគារ និងហេដ្ឋារចនាសម្ព័ន្ធមួយចំនួនទៀត ហើយគេនៅមិនទាន់បានសិក្សាអំពីប៉ះពាល់ក្នុងរយៈពេលវែងនៅឡើយទេ ខណៈបញ្ហាប្រឈមអាចនឹងបន្តកើតមានជាច្រើនបន្ថែមទៀតក្រោយពេលទឹកស្រកទៅវិញអស់។ ក្រៅតែពីបានបំផ្លាញប្រព័ន្ធហេដ្ឋារចនាសម្ព័ន្ធនិងផលដំណាំហើយ គិតត្រឹមពេលនេះទឹកជំនន់ក៏បានឆកយកជីវិតពលរដ្ឋប៉ាគីស្ថានអស់ជាង ១ពាន់នាក់ផងដែរ ខណៈពលរដ្ឋប្រមាណជា ៣៣លាននាក់ផ្សេងទៀត ឬស្មើនឹង ១៥%នៃចំនួនប្រជាពលរដ្ឋសរុបជាង ២២០លាននាក់កំពុងរងផលប៉ះពាល់និងការរំខានពីទឹកជំនន់យ៉ាងខ្លាំងផងដែរ។ សូមបញ្ជាក់ផងដែរថា  ទឹកជំនន់នៅក្នុងប្រទេសប៉ាគីស្ថានបានបង្កឡើងដោយសារភ្លៀងមូសុងបានបន្តធ្លាក់យ៉ាងច្រើននិងជារៀងរាល់ថ្ងៃនៅក្នុងរយៈជាងមួយខែចុងក្រោយនេះ ហើយគ្រោះធម្មជាតិមួយនេះគឺជាគ្រោះធម្មជាតិដ៏អាក្រក់បំផុតមិនធ្លាប់កើតមានសម្រាប់ប៉ាគីស្ថានផងដែរ៕   អត្ថបទ៖ ភក្តី ប្រភព៖ The Strait Times