វៀតណាម៖ វៀតណាមគ្រោងនឹងសាងសង់ខុនដូឲ្យបានជាង ១លានយូនីត នៅត្រឹមឆ្នាំ ២០​៣០ នេះបើយោងតាមអត្ថបទមួយដែលបានចុះផ្សាយដោយបណ្តាញសារព័ត៌មាន Next Shark នៅព្រឹកថ្ងៃសោរ៍ ទី៦ ខែកក្កដានេះ។ គម្រោងនៃការសាងសល់ខុនដូនេះនឹងត្រូវចាប់ផ្តើមពីឆ្នាំ ២០២២ នេះតទៅ ដោយគម្រោងនៃការសាងសង់នឹងត្រូវអភិវឌ្ឍន៍ដោយក្រុមហ៊ុនចលនទ្រព្យជាច្រើនដែលមាននៅក្នុងប្រទេសវៀតណាមស្រាប់ ខណៈទីទាំងដែលត្រូវអភិវឌ្ឍន៍ឲ្យមានអាគារខុនដូនោះគឺមានទាំងនៅក្នុងទីក្រុងហូជីមិញ ក្រុងហាណូយ ក្រុងដាណាង​ និងនៅតាមបណ្តាញខេត្តមួយចំនួនដែលស្ថិតនៅភាគខាងត្បូងវៀតណាម។ កាលពីដើមខែនេះលោកមហាសេដ្ឋីវៀតណាម  Bui Xuan Huy និងជាប្រធានក្រុមហ៊ុនអចនទ្រព្យ Novaland ផងនោះបាននិយាយថា ក្រុមហ៊ុនរបស់លោកប្តេជ្ញាថានឹងសាងសង់ខុនដូឲ្យបាន ២០០,០០០ យូនីតនៅតាមទីតាំងផ្សេងៗគ្នាទាំងនៅក្នុងក្រុងនិងនៅតាមបណ្តាខេត្ត។ ដោយឡែកសម្រាប់ក្រុមហ៊ុនអចនទ្រព្យ Vingroup វិញបានប្រកាសថា ក្រុមហ៊ុននឹងសាងសង់ខុនដូឲ្យបាន ៥០០,០០០យូនីត ដែលមានតម្លៃចាប់ពី

អ៊ីរ៉ាក់៖ តំបន់ជាច្រើននៅក្នុងប្រទេសអ៊ីរ៉ាក់កំពុងប្រឈមនឹងបញ្ហាកើនឡើងកម្តៅយ៉ាងខ្លាំង ពោលគឺសីតុណ្ណភាពបានកើនឡើងខ្ពស់ជាង ៥០អង្សាសេ។ បើយោងតាមការចុះផ្សាយរបស់បណ្តាញសារព័ត៌មាន BBC បានឲ្យដឹង​ថា យ៉ាងយោចណាស់មានខេត្តចំនួន ១០នៅទូទាំងប្រទេសអ៊ីរ៉ាក់ ដែលកំពុងប្រឈមនឹងរលកកម្តៅដ៏ខ្ពស់បំផុតនេះ។ បើតាមអាជ្ញាធរអ៊ីរ៉ាក់បានបញ្ជាក់ថា ការប្រឈមនឹងរលកកម្តៅគឺមិនមែនជារឿងថ្មីឡើយសម្រាប់ប្រទេសអ៊ីរ៉ាក់ តែអ្វីដែលជាការកត់សម្គាល់នោះគឺស្ថានភាពនៃការកើនឡើងកម្តៅបានវិវឌ្ឍន៍ទៅរកកម្រិតតែធ្ងន់ធ្ងរឡើងពីមួយឆ្នាំទៅមួយឆ្នាំ។ នៅចំពោះមុខស្ថានភាពអាកាសធាតុដ៏អាក្រក់នេះ រដ្ឋាភិបាលបានអនុញ្ញាតឲ្យបុគ្គលិករដ្ឋជាច្រើននាក់ដែលកំពុងបំពេញការងារនៅក្នុងតំបន់ដែលមានការកើនឡើងកម្តៅនោះអាចឈប់សម្រាក់បានរហូតដល់ពេលដែលសីតុណ្ហភាពអាចធ្លាក់មកដល់កម្រិតធម្មតាវិញ។ គួរបញ្ជាក់ជូនថា នៅពេលដែលសីតុណ្ណភាពបានកើនឡើង តម្រូវការនៃការប្រើប្រាស់ថាមពលក៏មានច្រើនខ្លាំងដែរ ដូចនេះការផ្គត់ផ្គង់អគ្គិសនីអាចនឹងបានត្រូវបានកាត់ផ្តាច់តាមទីកន្លែង តាមពេលកំណត់ អាស្រ័យទៅតាមបរិមាណថាមពលដែលអាចប្រើប្រាស់បានជាក់ស្តែង៕   អត្ថបទ៖ ភក្តី ប្រភព៖ BBC  

ចិន៖ យោងតាមការចុះផ្សាយរបស់បណ្តាញសារព័ត៌មាន South China Morning Post នៅព្រឹកថ្ងៃសុក្រ​ ទី៥ ខែសីហានេះបានឲ្យដឹងថា មានស្រ្តីជាតារាម៉ូដែលចិនម្នាក់ត្រូវបានប៉ូលិសចាប់ខ្លួនជុំវិញករណីឆបោកបុរសចំនួន ១៨នាក់ និងអាចប្រមូលបានប្រាក់ជាង ២លានយន់ (ប្រមាណជា ៣០ម៉ឺនដុល្លារអាមេរិក) ពីក្រុមបុរសទាំងអស់នោះ។ ស្រី្តជាជនឆបោករូបនេះមានឈ្មោះថា Wu អាយុ ២៩ឆ្នាំ បានផ្តើមប្រើល្បិចឆបោកនេះនៅឆ្នាំ ២០១៧ ហើយទំនាក់ទំនងនិងការបោកប្រាស់ចំពោះក្រុមបុរសទាំង ១៨នាក់នោះគឺត្រូវបានអ្នកនាង Wu ធ្វើឡើងក្នុងពេលដំណាលគ្នាតែម្តង។ ចំពោះល្បិចនៃការឆបោកគឺអ្នកនាង Wu បានសម្តែងធ្វើជាមនុស្សនៅលីវ និងមានបំណងចង់រៀបការជាមួយក្រុមបុរសទាំងអស់នោះ ហើយពេលខ្លះគាត់ថែមទាំងបានថតរូប Pre-Wedding ជាមួយក្រុមបុរសទាំងអស់នោះទៀតផងដើម្បីធ្វើឲ្យពួកគាត់ទុកចិត្តមកលើនាងកាន់តែខ្លាំង។ នៅក្នុងអំឡុងពេលនៃការទាក់ទងជាមួយក្រុមបុរសជនជាជនរងគ្រោះ អ្នកនាង

អាមេរិក៖ សហរដ្ឋអាមេរិកកាលពីថ្ងៃព្រហស្បតិ៍ ទី៤ ខែសីហា កន្លងទៅនេះបានសម្រេចប្រកាសទទួលស្គាល់ជំងឺអុតស្វា Monkeypox ជា “ភាពអាសន្ននៃសុខភាពសាធារណៈ” ហើយនេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍។ សេចក្តីសម្រេចរបស់អាជ្ញាធរសុខាភិបាលអាមេរិកមួយនេះនឹងមានសុពលភាពក្នុងរយៈពេល ៩០ថ្ងៃ ដោយគិតចាប់ពីថ្ងៃជូនដំណឹងនេះតទៅ ខណៈអាជ្ញាធរក៏អាចបន្តសេចក្តីសម្រេចឲ្យមានសុពលភាពយូរជាងនេះផងដែរ ប្រសិនបើមានភាពចាំបាច់។ ប្រភពខាងលើបានបន្តថា តាមរយៈសេចត្តីសម្រេចទទួលស្គាល់ជំងឺអុតស្វា Monkeypox ជា “ភាពអាសន្ននៃសុខភាពសាធារណៈ” នេះ នឹងអនុញ្ញាតឲ្យអាជ្ញាធរសុខាភិបាលអាមេរិកអាចដាក់ចេញនូវវិធានការបន្ទាន់មួយចំនួនដូចជា បង្កើតមូនិធិសម្រាប់ជួយអ្នកជំងឺ សម្របសម្រួលក្នុងការប្រមូលទិន្នន័យរបស់អ្នកជំងឺ និងអាចដាក់ពង្រាយក្រុមបុគ្គលិកសុខាភិបាលនៅតាមគោលដៅសំខាន់ៗដើម្បីត្រៀមជួយសង្គ្រោះអ្នកជំងឺឲ្យបានទាន់ពេលវេលាផងដែរ។ សូមបញ្ជាក់ជូនថា សេចក្តីសម្រេចរបស់អាជ្ញាធរអាមេរិកខាងលើនេះត្រូវបានដាក់ចេញក្រោយតួលេខអ្នកឆ្លងជំងឺអុតស្វា សរុបនៅនៅអាមេរិកបានកើនឡើងដល់ ៦,៦០០នាក់ ខណៈអ្នកជំនាញអាមេរិកបានព្យាករណ៍ថាតួលេខពលរដ្ឋដែលមានហានិភ័យខ្ពស់ក្នុងការឆ្លងជំងឺនៅពេលនេះមានរហូតដល់ខ្ទង់ ១,៦លាននាក់៕ អត្ថបទ៖ ភក្តី ប្រភព៖ បាងកកប៉ុស្តិ៍

ជប៉ុន៖ ជំនន់ទឹកភ្លៀងប្រកបដោយគ្រោះថ្នាក់កម្រិតខ្ពស់មួយបានវាយប្រហារតំបន់ភាគជើងនៃប្រទេសជប៉ុនយ៉ាងឆាប់រហ័ស នេះបើយោងតាមការចុះផ្សាយរបស់បណ្តញសារព័ត៌មាន The Strait Times នៅព្រឹកថ្ងៃព្រសហ្បតិ៍ ទី៤ ខែសីហានេះ។ បើតាមលោក Hirokazu Matsuno អ្នកនាំពាក្យឲ្យរដ្ឋាភិបាលជប៉ុនបានឲ្យដឹងថា ជំនន់ទឹកភ្លៀងបានវាយប្រហារក្រុងនិងតំបន់ ធំៗចំនួន ៥របស់ជប៉ុន មានដូចជាក្រុង Niigata, Yamagata, Fukushima, Ishikawa និងក្រុង Fukui។ អ្នកនាំពាក្យរូបនេះបានបន្តថា ទំនន់ទឹកភ្លៀងបានបំផ្លាញស្ពានអស់ជាច្រើនកន្លែងនិងបានធ្វើឲ្យមានការបាក់ស្រុតដីនៅតំបន់ច្រាំងទន្លេជាច្រើនកន្លែងផងដែរ។ គិតត្រឹមពេលនេះគឺមានពលរដ្ឋប្រមាណជា ២០០,០០០នាក់ត្រូវបង្ខំចិត្តធ្វើការជម្លៀសខ្លួនជាបន្ទាន់ ខណៈពលរដ្ឋចំនួន ២នាក់ផ្សេងទៀតកំពុងបាត់ខ្លួន។ គួររម្លឹកថា កាលពីឆ្នាំ ២០២១ ជប៉ុនបានជួបប្រទះនូវជំនន់ទឹកភ្លៀងម្តងដែលបានសម្លាប់មនុស្សអស់ ២៧នាក់​

តៃវ៉ាន់៖ ចិនបានចាប់ផ្តើមធ្វើសមយុទ្ធយោធាទ្រង់ទ្រាយធំនៅជុំវិញកោះតៃវ៉ាន់តាមការគ្រោងទុកហើយនៅម៉ោង ១២ ថ្ងៃត្រង់ ថ្ងៃព្រហស្បតិ៍ ទី៤​ ខែសីហានេះ​ ដើម្បីឆ្លើយតបទៅនឹងវត្តមានរបស់លោកស្រី ណាន់ស៊ី ប៉េឡូស៊ី ប្រធានរដ្ឋសភាអាមេរិកក្នុងដំណើរទស្សនកិច្ចមកកាន់កោះតៃវ៉ាន់។ បើតាមបញ្ជាការដ្ឋានយោធាភាគខាងកើតរបស់ចិនបានបញ្ជាក់ថា សមយុទ្ធយោធានឹងត្រូវចាប់ផ្តើមពីម៉ោង ១២ថ្ងៃត្រង់ ថ្ងៃទី៤​ ខែសីហា​ ហើយត្រូវបិទបញ្ចប់នៅម៉ោង ១២យប់ ថ្ងៃទី ៧ ខែសីហា ដោយនៅក្នុងការធ្វើសមយុទ្ធយោធាមានទាំងសកម្មភាពហ្វឹកហ្វាត់របស់កងទ័ព ការបាញ់ក្នុងចម្ងាយឆ្ងាយ និងការបាញ់ដោយប្រើគ្រាប់ពិតផងដែរ។ យ៉ាងណាក្តី បើតាមមន្ត្រីជាន់ខ្ពស់របស់កោះតៃវ៉ាន់បានអះអាងថា ការធ្វើសមយុទ្ធយោធារបស់ចិនគឺជាសកម្មភាពរំលោភទៅនឹងច្បាប់របស់អង្គការសហប្រជាជាតិយ៉ាងធ្ងន់ធ្ងរ ពោលគឺជាសកម្មភាពឈ្លានពានដែនដីរបស់តៃវ៉ាន់ដោយខុសច្បាប់ ដែលអាចធ្វើឲ្យប៉ះពាល់យ៉ាងខ្លាំងដល់ការធ្វើចរាចរណ៍ដោយសេរីតាមផ្លូវសមុទ្រនិងផ្លូវអាកាសផងដែរ។ សូមបញ្ជាក់ថា ទីតាំងដែលចិនបានបើធ្វើសមយុទ្ធយោធានោះគឺមានចម្ងាយប្រមាណ ២០គីឡូម៉ែត្រពីកោះតៃវ៉ាន់ ហើយតំបន់នោះក៏ជាចរន្តផ្លូវទឹកដ៏មមាញឹកកម្រិតពិភពលោកផងដែរ៕ អត្ថបទ៖

ចិន៖ នៅទីបំផុតចិនបានសម្រេចបើកធ្វើសមយុទ្ធយោធាទ្រង់ទ្រាយធំនៅជុំវិញកោះតៃវ៉ាន់តាមការគ្រោងទុកហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី៤ ខែសីហានេះ។ តាមគម្រោងគឺសមយុទ្ធយោធារបស់កងទ័ពចិននឹងចាប់ផ្តើមនៅម៉ោង ១២ថ្ងៃត្រង់ ខណៈនៅក្នុងការធ្វើសមយុទ្ធយោធានោះនឹងមានទាំងសកម្មភាពហ្វឹកហាត់របស់យោធា និងសកម្មភាពបាញ់កាំភ្លើងដោយប្រើគ្រាប់ពិតផងដែរ។ ប្រភពខាងលើបានបន្តថា សមយុទ្ធយោធារបស់កងទ័ពចិននឹងត្រូ​វរៀបចំឡើងក្នុងទីតាំងដែលមានចម្ងាយប្រមាណជា ២០គីឡូម៉ែត្រពីកោះតៃវ៉ាន់ ពោលគឺនៅតំបន់ដែនសមុទ្រដែលជាផ្លូវទឹកដ៏មមាញឹកមួយរបស់ពិភពលោក។ សូមបញ្ជាក់ជូនថា ចិនបានសម្រេចធ្វើសមយុទ្ធយោធាទ្រង់ទ្រាញធំភ្លាមៗក្រោយលោកស្រី ណាន់ស៊ី ប៉េឡូស៊ី ប្រធានរដ្ឋសភាអាមេរិកបានអញ្ជើញទៅធ្វើទស្សនកិច្ចនៅកោះតៃវ៉ាន់។ ក្រៅតែពីធ្វើសមយុទ្ធយោធា ចិនក៏បានសម្រេចដាក់ទណ្ឌកម្មមួយចំនួនចំពោះកោះតៃវ៉ាន់ផងដែរ ដូចជាចិនបានបិទការនាំចូលផ្លែក្រូចនិងត្រីពីកោះតៃវ៉ាន់ ខណៈចិនបានផ្អាកនាំចេញខ្សាច់ទៅកោះតៃវ៉ាន់ផងដែរ៕ អត្ថបទ៖ ភក្តី ប្រភព៖ Channel News Asia

អាមេរិក៖ យ៉ាងហោចណាស់មានពលរដ្ឋអាមេរិកចំនួន ៤នាក់ស្លាប់បាត់បង់ជីវិតនៅក្នុងហេតុការណ៍ភ្លើងឆេះព្រៃនៅតំបន់អូរីហ្គីនភាគខាងជើងរដ្ឋកាលីហ្វ័រញ៉ា ខណៈគិតត្រឹមពេលនេះអគ្គីភ័យដែលបានលេបត្របាក់ព្រៃយ៉ាងសន្ធោសន្ធៅនោះបានអូសបន្លាយចូលដល់ថ្ងៃទី ៥ហើយ។ បើតាមអាជ្ញាធរគ្រប់គ្រងគ្រោះមហន្តរាយអាមេរិកបានឲ្យដឹងថា សាកសពជនរងគ្រោះទាំង ៤នាក់នោះត្រូវបានរកឃើញនៅក្នុងកន្លែងផ្សេងគ្នានិងនៅក្នុងថ្ងៃផ្សេងគ្នា ហើយក្រោយប្រទះឃើញសាកសពខាងអាជ្ញាធរមិនបានជូនដំណឹងជាសាធារណៈភ្លាមៗនោះទេ ដោយគេត្រូវរង់ចាំការកំណត់អត្តសញ្ញាណរបស់ជនរងគ្រោះឲ្យបានច្បាស់ជាមុនសិន ដ្បិតជនរងគ្រោះត្រូវបានភ្លើងឆេះខ្លោចអស់មើលមិនស្គាល់នោះទេ។ ក្នុងចំណោមជនរងគ្រោះទាំងអស់នោះ មានសាកសពជនរងគ្រោះចំនួន ២នាក់ត្រូវបានគេរកឃើញនៅក្នុងរថយន្តដែលត្រូវបានភ្លើងឆេះខ្ទេចខ្ទីអស់មួយគ្រឿង ហើយតាមការសន្និដ្ឋានរបស់អាជ្ញាធរគឺមុនពេលស្លាប់ជនរងគ្រោះទាំង ២នាក់នោះព្យាយាមបើករថយន្តគេចចេញពីអគ្គីភ័យ តែរថយន្តទំនងជាបានជាប់គាំងទៅមុខមិនរួច ហើយពួកគេក៏មិនអាចរត់ចេញពីរថយន្តបានទាន់ពេលវេលាដែរ ដ្បិតអគ្គីភ័យបានរាលដាលក្នុងល្បឿនដ៏លឿនបំផុតមួយ។ ក្រៅតែពីបានរកឃើញអ្នកស្លាប់ មានពលរដ្ឋប្រមាណជា ៤,៥០០នាក់ផ្សេងទៀតត្រូវជម្លៀសខ្លួនជាបន្ទាន់ ខណៈផ្ទះនិងអាគារប្រមាណជា ១០០ខ្នងត្រូវបានបំផ្លាញទាំងស្រុងដោយសារអណ្តាតភ្លើង៕ អត្ថបទ៖ ភក្តី ប្រភព៖ The Strait Times

អាមេរិក៖ ប្រទេសរុស្ស៊ីកាលពីថ្ងៃអង្គារ ទី២ ខែសីហាម្សិលមិញនេះបាននិយាយព្រមានថា រុស្ស៊ីអាចនឹងប្រើប្រាស់អាវុធនុយក្លេអ៊ែរជុំវិញជម្លោះនៅអ៊ុយក្រែន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time។ ការថ្លែងព្រមានខាងលើនេះត្រូវបានធ្វើឡើងដោយលោក Alexander Trofimov មន្ត្រីការទូតរុស្ស៊ី និងត្រូវបានធ្វើឡើងក្នុងឱកាសដែលរូបលោកបានអញ្ជើញទៅចូលរួមកិច្ចប្រជុំមួយជាមួយអង្គការសហប្រជាជាតិ ដែលបានរៀបចំឡើងនៅក្នុងទីក្រុងញូវយ៉ក សហរដ្ឋអាមេរិក។ លោក Alexander Trofimov បានបញ្ជាក់ថា ចំពោះជម្លោះនៅអ៊ុយក្រែនគឺរុស្ស៊ីអាចនឹងធ្វើការពិចារណាចំពោះជម្រើសនៃការប្រើប្រាស់អាវុធនុយក្លេអ៊ែរឬក៏អត់ តែរុស្ស៊ីនឹងមិនពិចារណាយូរទេក្នុងការធ្វើសង្គ្រាមនុយក្លេអ៊ែរប្រសិនបើប្រទេសលោកខាងលិចហ៊ានធ្វើការ “ឈ្លានពានដោយផ្ទាល់” ចូលមកក្នុងជម្លោះមួយនេះ។ សូមបញ្ជាក់ថា ប្រទេសលោកខាងលិចដែលលោក Alexander Trofimov បានធ្វើការព្រមាននោះគឺជាក្រុមប្រទេសដែលជាសមាជិកអង្គការណាតូ ហើយពាក្យថាការឈ្លានពានដោយផ្ទាល់ពីសំណាក់ក្រុមប្រទេសលោកសេរីទាំងនេះគឺសំដៅដល់កសម្មភាពដែលប្រទេសជាសមាជិកណាតូទាំងអស់នេះនាំគ្នាប្រើប្រាស់កម្លាំងយោធាដោយផ្ទាល់ដើម្បីធ្វើអន្តរាគមន៍ចំពោះសង្គ្រាមនៅអ៊ុយក្រែន៕ អត្ថបទ៖ ភក្តី ប្រភព៖ The Strait

ចិន៖ ប្រទេសចិននៅថ្ងៃពុធ ទី៣ ខែសីហានេះនៅតែបន្តរិះគន់ខ្លាំងៗចំពោះវត្តមានរបស់លោកស្រី ណាន់ស៊ី ប៉េឡូស៊ី  ប្រធានរដ្ឋសភាអាមេរិកនៅលើទឹកដីកោះតៃវ៉ាន់ ដោយចិនបានហៅសកម្មភាពធ្វើទស្សនកិច្ចនោះថា គឺជា “សកម្មភាពដ៏គ្រោះថ្នាក់និងឆោតល្ងង់” ទៀតផង។ បើយោងតាមការចុះផ្សាយរបស់បណ្តាញសារព័ត៌មាន  The Straits Times បានឲ្យដឹងថា ក្រៅតែពីបានធ្វើការរិះគន់ចំៗទៅកាន់សេតវិមានអាមេរិក ចិនក៏បានប្រកាសថានឹងចាត់វិធានការផ្នែកសេដ្ឋកិច្ចនិងដាក់ទណ្ឌកម្មមួយចំនួនចំពោះកោះតៃវ៉ាន់ផងដែរ។ ប្រភពខាងលើបានបន្តថា ភ្លាមៗក្រោយលោកស្រី ណាន់ស៊ី ប៉េឡូស៊ី  បានអញ្ជើញទៅដល់កោះតៃវ៉ាន់ ចិនបានសម្រេចធ្វើការចល័តកងទ័ព និងបើកធ្វើការសមយុទ្ធយោធានៅក្បែរកោះតៃវ៉ាន់ ដោយនៅក្នុងធ្វើការសមយុទ្ធនោះ យោធាចិនថែមទាំងបានប្រើប្រាស់គ្រាប់កាំភ្លើងពិតទៀតផង។ ជាងនេះទៅទៀតបើតាមលោក  Wu Qian ដែលជាអ្នកនាំពាក្យរបស់ក្រសួងការពារជាតិចិនបានបញ្ជាក់ថា ក្រុមយោធាចិនក៏គ្រោងនឹងបាញ់សាកល្បងមីស៊ីលនៅតំបន់សមុទ្រខាងកើតនៃកោះតៃវ៉ាន់ផងដែរ៕ អត្ថបទ៖ ភក្តី