អាមេរិក៖ យ៉ាងហោចណាស់មានអ្នកដំណើរចំនួន ៣នាក់ត្រូវបានបញ្ជូនទៅកាន់មន្ទីរពេទ្យជាបន្ទាន់ក្នុងឧប្បត្តិហេតុមួយដែលមានយន្តហោះដឹកអ្នកដំណើរមួយគ្រឿងបានចុះចតខុសបច្ចេកទេសហើយបានហោះទៅបុកអាគារតូចមួយនិងប៉មសម្រាប់ទំនាក់ទំនងនៅក្នុងទីធ្លានៃព្រលានយន្តហោះ។ បើយោងតាមការចុះផ្សាយរបស់បណ្តាញសារព័ត៌មាន Daily Mail បានបញ្ជាក់ថា ហេតុការណ៍នេះបានកើតឡើងនៅក្នុងព្រលានយន្តហោះ Miami Airport សហរដ្ឋអាមេរិក កាលពីល្ងាចថ្ងៃអង្គារ ទី២១ ខែមិថុនា ម្សិលមិញនេះ ខណៈយន្តហោះដែលបានជួបគ្រោះថ្នាក់នោះគឺជាយន្តហោះដឹកអ្នកដំណើររបស់ក្រុមហ៊ុនអាកាសចរណ៍ Dominican។ ប្រភពខាងលើបានបន្តថា នៅលើយន្តហោះមានផ្ទុកមនុស្សសរុបចំនួន ១៣៧នាក់ ដោយក្នុងនោះមនុស្សចំនួន ១២៦នាក់គឺជាអ្នកដំណើរ និង ១១នាក់ផ្សេងទៀតគឺជាក្រុមអ្នកបើកបរនិងអ្នកបម្រើការងារនៅលើយន្តហោះ។ គ្រោះថ្នាក់បានកើតមាននៅពេលដែលយន្តហោះបានធ្វើដំណើរខ្ទាតចេញពីលើផ្លូវសម្រាប់រត់ ហើយក៏បានបន្តទៅបុកអាគារតូចមួយ និងប៉មសម្រាប់ទំនាក់ទំនងដែលមាននៅក្នុងបរិវេននៃព្រលានយន្តហោះតែម្តង។ នៅក្នុងហេតុការណ៍នោះបានបង្កឲ្យផ្នែកខាងមុខនៃយន្តហោះត្រូវមានអណ្តាតភ្លើងឆាបឆេះយ៉ាងខ្លាំង តែយ៉ាងណាក្តីយន្តហោះមិនបានផ្ទុះនោះទេព្រោះតែគេអាចជួយសង្គ្រោះបានទាន់ពេលវេលា។ សូមបញ្ជាក់ថា ក្នុងហេតុការណ៍គ្រោះថ្នាក់នេះមិនបានបណ្តាលឲ្យមានអ្នកណាម្នាក់ស្លាប់បាត់បង់ជីវិតឡើយ ក្រៅតែពីមានអ្នករងរបួសចំនួន ៣នាក់ ហើយលោកអ្នកអាចទស្សនាហេតុការណ៍នេះដូចក្នុងវីដេអូខាងក្រោម៖

កូរ៉េខាងត្បូង៖ ប្រទេសកូរ៉េខាងត្បូងនៅព្រឹកថ្ងៃពុធ ទី២២ ខែមិថុនានេះបានរាយការណ៍អំពីករណីរកឃើញអ្នកដំណើរ ២នាក់សង្ស័យថាបានឆ្លងជំងឺអុតស្វា Monkeypox នេះបើយោងតាមសេចក្តីរាយការណ៍របស់បណ្តាញសារព័ត៌មាន​ Channel News Asia។ ក្នុងចំណោមអ្នកជំងឺទាំង ២នាក់នោះគឺមានម្នាក់ជាដំណើរជនជាតិបរទេសដែលបានមកដល់ទឹកដីប្រទេសកូរ៉េខាងត្បូងកាលពីថ្ងៃអាទិត្យកន្លងទៅនេះ ហើយបច្ចុប្បន្នរូបគាត់កំពុងដាក់ឲ្យសម្រាកព្យាបាលដាច់ដោយឡែកពីគេនៅក្នុងមន្ទីរពេទ្យមួយកន្លែងក្នុងទីក្រុងប៊ូសាន ដែលមានចម្ងាយប្រមាណជា ៣០០គីឡូម៉ែត្រទីក្រុងស៊េអ៊ូល។ ដោយឡែកសម្រាប់អ្នកជំងឺម្នាក់ទៀតវិញគឺជាពលរដ្ឋកូរ៉េខាងត្បូងដែលទើបធ្វើដំណើរត្រលប់មកពីប្រទេសអាឡឺម៉ង់កាលពីល្ងាចថ្ងៃអង្គារម្សិលមិញនេះ បច្ចុប្បន្នរូបគាត់កំពុងដាក់សម្រាកឲ្យព្យាបាលនៅក្នុងមជ្ឈមណ្ឌលវេជ្ជសាស្រ្តក្នុងទីក្រុងអ៊ីនឈុន ដែលមានចម្ងាយប្រមាណជា ៣៤គីឡូម៉ែត្រពីទីក្រុងស៊េអ៊ូល។ សូមបញ្ជាក់ជូនថា គិតត្រឹមពេលនេះគឺអ្នកជំងឺទាំង ២នាក់ខាងលើនេះសុទ្ធតែបានបង្ហាញថាមានរោគសញ្ញានៃជំងឺអុតស្វា Monkeypox តែយ៉ាងណាក្តីគេនៅមិនទាន់ទទួលបានលទ្ធផលធ្វើតេស្តបញ្ជាក់ជាផ្លូវការរបស់ពួកគាត់នៅឡើយទេ។ លទ្ធផលតេស្តនិងការពិនិត្យសំណាករបស់ពួកគាត់នឹងត្រូវបញ្ចប់ក្នុងពេលឆាប់ៗនេះ ហើយក្រោយពីការទទួលបានលទ្ធផលតេស្ត អាជ្ញាធរសុខាភិបាលកូរ៉េខាងត្បូងនឹងធ្វើសន្និសិទ្ធសារព័ត៌មួយដើម្បីនិយាយលម្អិតជុំវិញករណីនេះផងដែរ៕ អត្ថបទ៖ ភក្តី ប្រភព៖ Channel News Asia    

មីយ៉ាន់ម៉ា៖ មន្ត្រីនៃអង្គការសហប្រជាជាតិម្នាក់បាននិយាយថា ផែនការកាត់ទោសប្រហារជីវិតរបស់យោធាមីយ៉ាន់ម៉ាអាចនឹងមានស្ថានទម្ងន់ទោសស្មើនឹងបទឧក្រិដ្ឋកម្មសង្គ្រាម ឬបទឧក្រិដ្ឋកម្មប្រឆាំងមនុស្សជាតិ​ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃអង្គារ ទី២១ ខែមិថុនានេះ។ មន្ត្រីដែលបានលើកឡើងនូវទឡ្ហីករណ៍ខាងលើនេះគឺលោក Nicholas Koumjian មានតួនាទីជាប្រធានយន្តការស៊ើបការអង្គេតឯករាជ្យរបស់អង្គការសហប្រជាជាតិ និងជាបុគ្គលសំខាន់ម្នាក់ដែលបានតាមដានស្ថានភាពនៅក្នុងប្រទេសមីយ៉ាន់ម៉ាយ៉ាងយកចិត្តទុកដាក់និងស៊ីជម្រៅបំផុតចាប់តាំងពីយោធាមីយ៉ាន់ធ្វើរដ្ឋប្រហារទម្លាក់រដ្ឋាភិបាលស្របច្បាប់មក។ គួររម្លឹកជូនថា កាលពីថ្ងៃទី៣ ខែមិថុនាកន្លងទៅនេះ ក្រុមយោធាមីយ៉ាន់ម៉ាបានប្រកាសពីគម្រោងកាត់ប្រហារជីវិតអ្នកនយោបាយចំនួន ៤នាក់ ក្រោមបទឧក្រិដ្ឋភេរវកម្ម។ អ្នកនយោបាយទាំង ៤នាក់នោះគឺជាអតីតសមាជិកសភាមកពីគណបក្សរបស់លោកស្រី អ៊ុង សានស៊ូជី ហើយពួកគាត់គឺជាសកម្មជនប្រជាធិបតេយ្យដ៏លេចធ្លោបំផុតនៅក្នុងប្រទេសមីយ៉ាន់ម៉ាផងដែរ។ សូមបញ្ជាក់ជូនថា ប្រសិបបើយោធាមីយ៉ាន់ម៉ាពិតជាកាត់ទោសប្រហារជីវិតក្រុមអ្នកនយោបាយទាំង ៤រូបនេះមែន វាក៏ក្លាយជាការទោសប្រហារជីវិតលើកដំបូងនៅក្នុងប្រទេសមីយ៉ាន់ម៉ាផងដែរ បើគិតចាប់តាំងពីឆ្នាំ​១៩៩០មក៕   អត្ថបទ៖

កម្ពុជា៖ ប្រទេសកម្ពុជាចាប់បានត្រីបបែលដែលជាត្រីទឹកសាបធំបំផុតមួយនៅលើពិភពលោក នេះបើយោងតាមសេចក្តីរាយការណ៍ព័ត៌មានរបស់កាសែត Channel News Asia នៅព្រឹកថ្ងៃអង្គារ ទី២១ ខែមិថុនានេះ។ ត្រីបបែលដែលក្រុមអ្នកវិទ្យាសាស្រ្តនៅតំបន់អាស៊ីអាគ្នេយ៍និងនៅសហរដ្ឋអាមេរិកចាត់ទុកថា ជាត្រីទឹកសាបដែលធំបំផុតនោះត្រូវគេចាប់បាននៅក្នុងទន្លេមេគង្គនៃប្រទេសកម្ពុជាកាលពីពេលថ្មីៗនេះនិងត្រូវចាប់បានដោយក្រុមអ្នកស្រាវជា្រវអាមេរិកសហការណ៍គ្នាជាមួយក្រុមអ្នកស្រាវកម្ពុជា។ ប្រភពខាងលើបានបញ្ជាក់ថា ត្រីបបែលទឹកសាបមួយក្បាលនោះមានប្រវែងជិត ៤ម៉ែត្រ (ពីក្បាលដល់កន្ទុយ) និងមានទម្ងន់ជិតដល់ ៣០០គីឡូក្រាម។ គួររម្លឹកជូនថា នាពេលកន្លងមកត្រីបបែលទឹកសាបដែលត្រូវបានគេចាត់ទុកថា ជាត្រីបបែលធំបំផុតនោះគឺត្រូវគេចាប់បាននៅក្នុងប្រទេសថៃកាលពីឆ្នាំ ២០០៥កន្លងទៅ តែត្រីបបែលនោះមានទម្ងន់ត្រឹម ២៩៣គីឡូក្រាមប៉ុណ្ណោះ។ លោកអ្នកអាចទស្សនារូបភាពត្រីបបែលធំបំផុតដែលចាប់បាននៅកម្ពុជាតាមរយៈរូបភាពដូចខាងក្រោមនេះ៖ អត្ថបទ៖ ភក្តី ប្រភព៖ Channel News Asia  

ឥណ្ឌា-បង់ក្លាដែស៖ យ៉ាង​ហោចណាស់មានពលរដ្ឋឥណ្ឌានិងបង់ក្លាដែសជាង ៩លាននាក់កំពុងរង់ចាំការជួយសង្គ្រោះបន្ទាប់ពីពួកគាត់ត្រូវរងនូវការគំរាមគំហែងដោយទឹកជំនន់ដ៏ឆាប់រហ័សមួយ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ កាលពីល្ងាចថ្ងៃចន្ទ ទី២០ ខែមិថុនានេះ។ បើតាមលោក Atiqul Haque ប្រធាននាយកដ្ឋានគ្រប់គ្រងគ្រោះមហន្តរាយបង់ក្លាដែសបានបញ្ជាក់ថា ទឹកជំនន់បានបង្កឡើងដោយសារមានភ្លៀងធ្លាក់យ៉ាងច្រើនជោគជាំជាច្រើនថ្ងៃជាប់ៗគ្នារហូតជន់លិចបាត់ទន្លេជាច្រើនកន្លែងនិងបន្តលិចចូលក្នុងសហគមន៍រស់នៅរបស់ប្រជាពលរដ្ឋយ៉ាងឆាប់រហ័ស ខណៈទឹកជំនន់នេះត្រូវបានគេកត់សម្គាល់ថាគឺជាទឹកជំនន់ដ៏អាក្រក់បំផុតមិនធ្លាប់មានទាល់តែសោះក្នុងរយៈពេល ១២២ឆ្នាំចុងក្រោយនេះ។ គួរបញ្ជាក់ជូនថា បង់ក្លាដេលនិងឥណ្ឌាជាប្រទេសមានព្រំដែនជាប់គ្នាហើយគ្រោះទឹកជំនន់តែមួយនេះបានវាយប្រហារចូលក្នុងតំបន់ Sylhet នៃប្រទេសបង់ក្លាដែសផង និងបានជន់លិចចូលទៅក្នុងរដ្ឋ Assam របស់ប្រទេសផងដែរ។ គិតត្រឹមពេលនេះទឹកជំនន់បានឆក់យកជីវិតពលរដ្ឋនៃប្រទេសទាំង ២ខាងលើនេះអស់ចំនួន ៥៤នាក់ ​ដោយក្នុងនោះជនរងគ្រោះ ២៦នាក់គឺជាពលរដ្ឋឥណ្ឌា ហើយចំនួនជនរងគ្រោះដោយប្រយោលនៃប្រទេសទាំង ២នេះវិញគឺមានចំនួនជិតដល់ ១០លាននាក់ដោយក្នុងនោះ ៤,៥លាននាក់គឺជាពលរដ្ឋឥណ្ឌា។ នៅចំពោះមុខស្ថានភាពអាសន្ននេះអាជ្ញាធរនៃប្រទេសទាំង ២បានប្រញាប់ប្រញាល់ដាក់ចេញប្រតិបត្តិការណ៍ជួយសង្គ្រោះតាមគ្រប់រូបភាពហើយ តែលទ្ធផលដែលគេអាចទទួលបានវិញគឺមិនដូចការរំពឹងទុកឡើយ ដ្បិតសកម្មភាពនៃការជួយសង្គ្រោះត្រូវរំខានដោយបញ្ហាជាច្រើនដូចជា

ម៉ាកាវ៖ ម៉ាកាវដែលជាមជ្ឈមណ្ឌលផ្តល់សេវាលេងល្បែងស៊ីសងធំបំផុតនៅលើពិភពលោកបានសម្រេចផ្អាកសកម្មភាពអាជីកម្មសំខាន់ៗជាច្រើនរបស់ខ្លួន ដើម្បីអនុញ្ញាតឲ្យអាជ្ញាធរសុខាពិបាលអាចធ្វើតេស្តរកជំងឺកូវីដ-១៩ទ្រង់ទ្រាយធំទូទាំងក្រុង នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃចន្ទ ទី២០ ខែមិថុនានេះ។ ទីតាំងដែលត្រូវបានណែនាំឲ្យផ្អាកសកម្មភាពជាបណ្តោះអាសន្ននោះមានដូចជា ធនាគារ សាលារៀន ភោជនីយដ្ឋាន ក្លឹបហាត់ប្រាណ ការិយាល័យរដ្ឋាភិបាលមួយចំនួន ខណៈកាស៊ីណូនៅអាចនៅបន្តសកម្មភាពអាជីវកម្មរបស់ខ្លួនបាន។ ប្រភពខាងលើបានបញ្ជាក់ថា ដែនដីម៉ាកាវដែលមានប្រជាពលរដ្ឋសរុបជាង ៦សែននោះបានផ្តើមធ្វើតេស្តរកជំងឺកូវីដ-១៩ទ្រង់ទ្រាយចំនួន ២ថ្ងៃមកហើយ បើគិតត្រឹមថ្ងៃចន្ទនេះ ខណៈតាមផែនការគឺគេគ្រោងនឹងបញ្ចប់យុទ្ធនាការធ្វើតេស្តទ្រង់ទ្រាយធំនេះនៅត្រឹមថ្ងៃអង្គារ ទី២១ ស្អែកនេះ។ សូមបញ្ជាក់ជូនថា ការសម្រេចធ្វើតេស្តទ្រង់ទ្រាយធំរបស់អាជ្ញាធរម៉ាកាវនៅពេលនេះត្រូវបានធ្វើឡើងក្រោយពីមានការរកឃើញអ្នកឆ្លងជំងឺកូវីដ-១៩ថ្មី ចំនួន ៨នាក់កាលពីថ្ងៃទី១៨ ខែមិថុនាកន្លងទៅ​​ ដែលវាជាចំនួនដ៏ច្រើនមួយសម្រាប់ម៉ាកាវ ព្រោះថ្មីៗនេះម៉ាកាវគ្មានករណីឆ្លងថ្មីឡើយ ហើយចំនួនអ្នកឆ្លងនាពេលកន្លងមកក៏មិនច្រើនដែរ ពោលគឺជាមធ្យមមាន

របាយការណ៍មួយបង្ហាញថា កម្ពុជាគឺជាប្រទេសឈានមុខគេមួយក្នុងការនាំចេញកង់ទៅកាន់សភាពអឺរ៉ុប។ របាយការណ៍មួយនេះត្រូវបានចុះផ្សាយដោយគេហទំព័រ Statista ខណៈទិន្នន័យដែលបានចុះផ្សាយនោះគឺជាទិន្នន័យនាំចូលកង់របស់សភាពអឺរ៉ុបនៅក្នុងឆ្នាំ ២០២០ កន្លងទៅ។ ចំ​នួនកង់សរុបដែលបណ្តាប្រទេសនៅក្នុងតំបន់អឺរ៉ុបបានធ្វើការនាំចូលនោះមានរហូតជិតដល់ ៥លានគ្រឿង និងមានតម្លៃជាទឹកប្រាក់សរុបប្រមាណជា ៩៣០លានអឺរ៉ូ (ជាង ៩៧៩​ លានដុល្លារអាមេរិក)។ នៅក្នុងរបាយការណ៍បានបង្ហាញយ៉ាងច្បាស់ថា ក្នុងចំណោមកង់ប្រមាណជា ៥លានគ្រឿងនោះគឺសភាពអឺរ៉ុបបានធ្វើការនាំចូលច្រើនបំផុតពីប្រទេសចំនួន ៦មានដូចជា កង់ចំនួន ២៤%ត្រូវបាននាំពីប្រទេសកម្ពុជា កង់ចំនួន ១៧%ត្រូវបាននាំចូលពីប្រទេសចិន កង់ចំនួន ១១%ត្រូវបាននាំចូលពីកោះតៃវ៉ាន់ កង់ចំនួន ៨%ត្រូវបាននាំពីប្រទេសបង់ក្លាដេស កង់ចំនួន ៧ត្រូវបាននាំចូលពីប្រទេសតួគី កង់ចំនួន ៦ត្រូវបាននាំចូលពីប្រទេសហ្វីលីពីន និងកង់ចំនួន ៥%ត្រូវបានចូលពីប្រទេសស្រីលង្កា។ ក្រៅពីនេះសភាពអឺរ៉ុបក៏បាននាំចូលកង់ពីបណ្តាប្រទេសផ្សេងៗទាំងនៅក្នុងទ្វិបអឺរ៉ុប និងអាមេរិកដើម្បីយកទៅប្រើប្រាស់ផងដែរ

ស្រីលង្កា៖ ក្រុមយោធាស្រីលង្កាបានបើកការបាញ់ប្រហារមួយ ដើម្បីទប់ស្កាត់ចលនាធ្វើកុបកម្មរ​បស់ក្រុមប្រជាពលរដ្ឋ ដែលពួកគេបានធ្វើឡើងនៅស្ថានីយ៍លក់ប្រេងឥ​ន្ទនៈមួយកន្លែង។ បើយោងតាមការចុះផ្សាយរបស់បណ្តាញសារព័ត៌មាន Channel News Asia បានឲ្យដឹងថា ហេតុការណ៍នេះបានកើតឡើងកាលពីចុងសប្តាហ៍កន្លងទៅនេះ​ ស្របពេលដែលរដ្ឋាភិបាលស្រីលង្កាកំពុងប្រឈមនឹងវិបត្តិខ្វះខាតប្រេងឥន្ទនៈខ្លាំងបំផុត។ មុនពេលមានការបាញ់ាកាំភ្លើងគឺមានក្រុមប្រជាពលរដ្ឋចន្លោះពី ២០-៣០នាក់ ដែលមិនអាចរកទិញប្រេងសាំងបាននោះបាននាំគ្នាផ្ទុះកំហឹង និងបានយកដុំថ្មគប់ដាក់រថយន្តរបស់កម្លាំងយោធាទៀតផង។ ប្រភពខាងលើបានបន្តថា នៅក្នុងហេតុការណ៍ខាងលើនេះគ្មានពលរដ្ឋណាម្នាក់បានរងរបួសដោយគ្រាប់កាំភ្លើងរបស់ក្រុមយោធាឡើយ តែផ្ទុយទៅវិញមានទាហ៊ានចំនួន ៣នាក់ និងប៉ូលិសមូលដ្ឋានចំនួន ៤នាក់បានរងរបួសដោយអំពីហិង្សាពីសំណាក់ក្រុមប្រជាពលរដ្ឋ។ សូមរម្លឹកថា តាមរបាយការណ៍កាលចុងសប្តាហ៍កន្លងទៅនេះបានបង្ហាញថា ស្រីលង្កានៅសល់ប្រេងឥន្ទនៈក្នុងស្តុកសម្រាប់ប្រើប្រាស់បានត្រឹមតែរយៈពេល ៥ថ្ងៃទៀតប៉ុណ្ណោះ ខណៈអំឡុងពេលនោះស្រីលង្កាបានដាក់សំណើសុំខ្ចីប្រេងឥន្ទនៈពីប្រទេសឥណ្ឌាដែលមានតម្លៃ ៥០០លានដើម្បីយកមកប្រើប្រាស់ក្នុងគ្រាបន្ទាន់។ នៅចំពោះមុខវិបត្តិធ្ងន់ធ្ងរមួយនេះស្រីលង្កាបានសម្រេចបិទការិយាល័យរដ្ឋាភិបាល សាលារៀន និងស្ថាប័នមួយចំនួយក្នុងរយៈពេល ២សប្តាហ៍ផងដែរ៕ អត្ថបទ៖ ភក្តី ប្រភព៖ Channel

ចិន៖ នៅថ្ងៃសុក្រ ទី១៧ ខែមិថុនានេះ ចិនបានសម្ពោធដាក់ឲ្យប្រើប្រាស់នាវាផ្ទុកយន្តហោះដ៏ទំនើបបំផុតចុងក្រោយមួយ នេះបើយោងតាមការចុះផ្សាយរបស់បណ្តាញសារព័ត៌មាន South China Morning Post។ នាវាផ្ទុកយន្តហោះនោះត្រូវបានគេដាក់ឈ្មោះថា Fujian ជាឈ្មោះខេត្តមួយស្ថិតនៅភាគខាងត្បូងប្រទេសចិន ខណៈនាវា Fujian​ គឺជានាវាផ្ទុកយន្តហោះទី ៣របស់រដ្ឋាភិបាលចិនផងដែរ។ សម្រាប់នៅក្នុងភាសាបច្ចេកទេសយោធាចិននាវា Fujian ត្រូវបានគេចាត់ទុកថាជាប្រភេទនាវាចម្បាំង Type 003 ដែលមានបំពាក់ទៅដោយប្រព័ន្ធទំនើបសម្រាប់បាញ់មីស៊ីល មានទីធ្លាយ៉ាងធំទូលាយសម្រាប់ការចុះថតរបស់យន្តហោះចម្បាំងជាច្រើនគ្រឿង និងមានបំពាក់នូវបច្ចេកវិទ្យាទំនើបៗជាច្រើនទៀត​ ខណៈនាពេលកន្លងមានតែអាមេរិកប៉ុណ្ណោះដែលមាននាវាទំនើបប្រភេទនេះ។ ប្រភពខាងលើបានបញ្ជាក់ថា Fujian គឺជានាវាដែលត្រូវបានរចនានិងផលិតឡើងដោយក្រុមហ៊ុនក្នុងស្រុករបស់ប្រទេសផ្ទាល់តែម្តង ពោលគឺចិនមិនបានទិញបច្ចេកវិទ្យានៃការផលិតពីប្រទេសណានោះទេ។ គួរកត់សម្គាល់ថា ការដាក់សម្ពោធនាវាផ្ទុកយន្តហោះទី ៣ របស់រដ្ឋាភិបាលក្រុងប៉េកាំងនៅពេលនេះគឺត្រូវបានធ្វើឡើងស្របពេលដែលចិននិងអាមេរិកហាក់កំពុងមានភាពតានតឹងជាមួយគ្នាយ៉ាងខ្លាំងជុំវិញបញ្ហាកោះតៃវ៉ាន់។

ស្រីលង្កា៖ រដ្ឋមន្ត្រីក្រសួងថាមនិងអគ្គិសនីនៃប្រទេសស្រីលង្កាបានឲ្យដឹងកាលពីថ្ងៃព្រហស្បតិ៍ ទី១៦ ខែមិថុនាម្សិលមិញនេះថា ស្រីលង្កានៅសល់ប្រេងឥន្ធនៈក្នុងស្តុកសម្រាប់ប្រើប្រាស់បានត្រឹមតែរយៈពេល ៥ថ្ងៃទៀតប៉ុណ្ណោះ។ បើយោងតាមការចុះផ្សាយរបស់បណ្ត​ញសារព័ត៌មាន​ Channel News Asia បានបញ្ជាក់ថា អ្វីដែលរដ្ឋាភិបាលស្រីលង្កាអាចធ្វើបាននៅពេលនេះគឺកំពុងរង់ចាំការយល់ព្រមពីសំណាក់រដ្ឋាភិបាលនៃប្រទេសឥណ្ឌា ចំពោះសំណើសុំផ្តល់កម្ចីប្រេងឥន្ទនៈ ដែលមានតម្លៃ ៥០០លានដុល្លារសម្រាប់យកមកប្រើប្រាស់ក្នុងលក្ខខណ្ឌបន្ទាន់មួយ។ វិបត្តិខ្វះខាតប្រេងឥន្ទនៈសម្រាប់ប្រើប្រាស់នៅក្នុងប្រទេសស្រីលង្កាបានវិវឌ្ឍន៍ទៅរកស្ថានភាពអាក្រក់ខ្លាំងបំផុតនៅក្នុងសប្តាហ៍នេះ ដោយស្ថានីយ៍ប្រេងឥន្ទនៈជាច្រើននៅទូទាំងប្រទេសសុទ្ធតែគ្មានប្រេងសាំងសម្រាប់លក់នោះទេ ហើយចំពោះស្ថានីយ៍ដែលអាចនៅបន្តដំណើរការបានវិញគឺគេត្រូវតម្រង់ជួរចាំចូលចាក់ប្រេងសាំងរាប់គីឡូម៉ែត្រឯណោះ។ គួរបញ្ជាក់ជូនថា ស្រីលង្កាដែលមានប្រជាពលរដ្ឋសរុបជាង ២២លានាក់កំពុងជួបប្រទះនូវវិបត្តិហិរញ្ញវត្ថុធ្ងន់ធ្ងរបំផុតក្នុងរយៈពេល ៧ទសវត្សរ៍ចុងក្រោយនេះ ដោយបញ្ហាបានបង្កឡើងដោយសារតែតម្លៃរូបិយប័ណ្ណបរទេស ដែលជាទុកបម្រុងរបស់ប្រទេសមួយនេះបានធ្លាក់ចុះដល់កម្រិតទាបបំផុតមិនធ្លាប់មាន ខណៈបញ្ជានេះបានធ្វើឲ្យស្រីសង្កាត្រូវជួបការលំបាកបំផុតក្នុងការនាំចូលទំនិញសំខាន់ដូចជាប្រេងឥន្ទនៈ អាហារ និងថ្នាំពេទ្យពីបរទេស៕ អត្ថបទ៖ ភក្តី ប្រភព៖ Channel News Asia