សិង្ហបុរី៖ តែគុជបានក្លាយជាភេសជ្ជៈដ៍ពេញនិយមមួយប្រភេទនៅលើទីផ្សារក្នុងរយៈពេលជាច្រើនឆ្នាំចុងក្រោយនេះ ជាពិសេសគឺនៅក្នុងចំណោមអតិថិជនដែលជាក្រុមយុវជនវ័យក្មេងតែម្តង។ ដ្បិតថាតែគុជហាក់មិនសូវមានទីផ្សារទូលំទូលាយនិងត្រូវបាននិយមទទួលទានជាទូទៅដូចកាហ្វេក៏ពិតមែន តែទំហំប្រាក់ចំណូលប្រាក់ចំណូលបានមកពីការលក់តែគុជគឺមិនតូចនោះទេ ពោលគឺវាមានតម្លៃខ្ទង់រាប់ពាន់លានដុល្លារឯណោះ។ ជាក់ស្តែងការសិក្សាមួយបានបង្ហាញថា ទីផ្សារលក់តែគុជនៅតាមបណ្តាប្រទេសក្នុងតំបន់អាស៊ីអាគ្នេយ៍មានទំហំជាទឹកប្រាក់រហូតដល់ ៣,៦៦ពាន់លានដុល្លារអាមេរិកឯណោះក្នុងមួយឆ្នាំ។ ការសិក្សាខាងលើនេះត្រូវបានធ្វើឡើងដោយក្រុមហ៊ុនធំៗចំនួន ២ ដែលមានមូលដ្ឋាននៅក្នុងប្រទេសសិង្ហបុរីគឺក្រុមហ៊ុន Momentum Works និងក្រុមហ៊ុន Qlub ដែលបានសិក្សាទៅលើទំហំនៃការលក់តែគុជយីហោល្បីៗចំនួន ៦០ប្រភេទផ្សេងគ្នា។ ក្នុងការសិក្សាបានបង្ហាញថា ប្រទេសឥណ្ឌូនេស៊ីគឺជាទីផ្សារលក់តែគុជធំបំផុតនៅក្នុងចំណោមប្រទេសនៅតំបន់អាស៊ីអាគ្នេយ៍ដោយមានទំហំទឹកប្រាក់ ១,៦ពាន់លានដុល្លារអាមេរិកក្នុងមួយឆ្នាំ។ ទីផ្សារធំទី ២គឺប្រទេសថៃ ដែលមានទំហំទឹកប្រាក់នៃការលក់ប្រចាំឆ្នាំចំនួន ៧៤៩លានដុល្លារអាមេរិក ទីផ្សារធំទី ៣គឺវៀតណាមជាមួយទំហំទឹកប្រាក់លក់ប្រចាំឆ្នាំចំនួន ៣៦២លានដុល្លារអាមេរិក និងទីផ្សារធំទី ៤គឺប្រទេសសិង្ហបុរីដែលមានទំហំទឹកប្រាក់នៃការលក់ប្រចាំឆ្នាំចំនួន ៣៤២លានដុល្លារអាមេរិក។ សូមបញ្ជាក់ជូនផងដែរថា ភាគច្រើននៃតែគុជដែលលក់ដាច់ច្រើនបំផុតនៅក្នុងតំបន់អាស៊ីអាគ្នេយ៍នោះគឺជាតែគុជម៉ាកយីហោនាំចូលពីកោះតៃវ៉ាន់ និងម៉ាកយីហោក្នុងស្រុករបស់ប្រទេសនីមួយៗ៕

អង្គការសុខភាពពិភពលោកកាលពីថ្ងៃពុធ ទី១៧ ខែសីហាម្សិលមិញនេះបានអំពាវនាវឲ្យមានការប្រុងប្រយ័ត្នបន្ថែមទៀតជុំវិញករណីរាតត្បាតនៃជំងឺអុតស្វា Monkeypox  ដ្បិតគេទើបរកឃើញករណីចម្លងជំងឺប្រភេទនេះពីមនុស្សទៅកាន់សត្វ។ បើយោងតាមការចុះផ្សាយរបស់បណ្តាញសារព័ត៌មាន The Strait Times បានឲ្យដឹងថា ករណីចម្លងជំងឺអ៊ុតស្វា Monkeypox ពីមនុស្សទៅកាន់សត្វជាលើកដំបូងនេះគឺត្រូវបានរកឃើញនៅក្នុងទីក្រុងប៉ារីស ប្រទេសបារាំង ដោយមេរោគបានចម្លងចេញពីបុរស ២នាក់ទៅកាន់សត្វឆ្កែចិញ្ចឹមមួយក្បាលដែលរស់នៅក្នុងផ្ទះជាមួយគ្នា។ បើតាមលោកវេជ្ជបណ្ឌិត Rosamund Lewis ដែលជាប្រធានដឹកនាំបច្ចេកទេសផ្នែកជំងឺអុតស្វា Monkeypox របស់អង្គការសុខភាពពិភពលោកបានឲ្យដឹងថា ករណីចម្លងខាងលើនេះគឺជារឿងគួរឲ្យព្រួយបារម្ភបំផុតមួយ ហើយនៅពេលនេះគេកំពុងសិក្សាបន្ថែមទៀតថា​ តើសត្វដែលបានឆ្លងជំងឺអុតស្វា Monkeypox រួចហើយនោះ អាចចម្លងបន្តទៅកាន់សត្វផ្សេងទៀត ឬមនុស្សបានឬអត់? យ៉ាងណាក្តី នៅចំពោះមុខករណីដ៏កម្រនេះលោកវេជ្ជបណ្ឌិត Rosamund Lewis បានអំពាវនាវឲ្យអ្នកដែលបានឆ្លងជំងឺអុតស្វា Monkeypox ទាំងអស់ សូមកុំប៉ះពាល់ជាមួយសត្វឲ្យសោះដើម្បីចូលរួមទប់ស្កាត់កុំឲ្យមានការរាតត្បាតមេរោគកាន់តែច្រើនជាងនេះបន្ថែមទៀត៕

ចិន៖ កងទ័ពនៃប្រទេសចិនជាច្រើននាក់នឹងត្រូវធ្វើដំណើរទៅកាន់ប្រទេសរុស្ស៊ីដើម្បីចូលរួមធ្វើសមយុទ្ធយោធាជាមួយកងទ័ពនៃប្រទេសជាម្ចាស់ផ្ទះ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីយប់ថ្ងៃពុធ ទី១៧ ខែសីហា ម្សិលមិញនេះ។ សមយុទ្ធយោធាដែលគ្រោងរៀបចំដោយរុស្ស៊ីនេះមានឈ្មោះថា “Vostok” (ភាគខាងកើត)​ ដែលនឹងត្រូវចាប់ផ្តើមចាប់ពីថ្ងៃទី៣០ ខែសីហា រហូតដល់ថ្ងៃទី៥ ខែកញ្ញា ហើយក្រៅពីកងទ័ពនៃប្រទេសចិនក៏មានកងទ័ពនៃប្រទេសមួយចំនួនទៀតត្រូវទៅចូលរួមក្នុងសមយុទ្ធយោធានេះផងដែរ មានដូចជាកងទ័ពនៃប្រទេសឥណ្ឌា បេឡារុស្ស ម៉ុងហ្គោលី តាជីគីស្ថាន និងកងទ័ពនៃប្រទេសជាសម្ព័ន្ធមិត្តជាមួយរុស្ស៊ីមួយចំនួនទៀតផងដែរ។ បើតាមក្រសួងការពារជាតិចិនបានបញ្ជាក់ថា ការចូលរួមធ្វើសមយុទ្ធយោធារបស់កងទ័ពចិននៅពេលនេះគឺមិនជាប់ពាក់ព័ន្ធជាមួយនឹងភាពតានតឹងនៅក្នុងតំបន់ និងនៅលើឆាកអន្តរជាតិឡើយ ពោលគឺវាជាផ្នែកមួយនៃកិច្ចព្រមព្រៀងសហប្រតិបត្តិការប្រចាំឆ្នាំទ្វេភាគីរវាងរដ្ឋាភិបាលចិននិងរដ្ឋាភិបាលរុស្ស៊ីតែប៉ុណ្ណោះ។ សូមបញ្ជាក់ថា ចិននិងរុស្ស៊ីជាប្រទេសសម្ព័ន្ធយ៉ាងជិតស្និតជាមួយគ្នាអស់រយៈពេលជាយូរឆ្នាំមកហើយ និងតែងតែធ្វើសមយុទ្ធយោធាជាមួយគ្នាជាប្រចាំផងដែរ ពៅលគឺតាំងពីមុនពេលដែលរុស្ស៊ីផ្តើមឈ្លានពានចូលទឹកដីអ៊ុយក្រែនម្លេះ។ យ៉ាងណាក្តី ក្រោយពេលភ្លើងសង្រ្គាមនៅអ៊ុយក្រែនបានផ្ទុះឡើង ទីក្រុងម៉ូស្គូនិងទីក្រុងប៉េកាំងបានប្រកាសភាពជាដៃគូថ្មីមួយទៀតគឺ

ថៃ៖ វិបត្តិនៃការកើនឡើងតម្លៃប្រេងនៅលើពិភពលោកកំពុងតែជំរុញធ្វើឲ្យតម្លៃអគ្គិសនីនៅក្នុងប្រទេសថៃកើនឡើងក្នុងកម្រិតដ៏ខ្ពស់មួយ នេះបើយោងតាមការចុះផ្សាយរបស់បណ្តាញសារព័ត៌មាន The Thaiger នៅថ្ងៃអង្គារ ទី១៦ ខែសីហានេះ។ បើតាមគណៈកម្មការគ្រប់គ្រងថាមពលថៃបានប្រកាសឲ្យដឹងថា នឹងដំឡើងតម្លៃថាមពលអគ្គិសនីពី ៤ បាត/គីឡូវ៉ាត់ (៤៦០ រៀល) ទៅដល់ ៤,៧២ បាត/គីឡូវ៉ាត់ (៥៤៣​ រៀល) ហើយតម្លៃអគ្គិសនីថ្មីនេះនឹងត្រូវចាប់អនុវត្តពីកញ្ញាដល់ខែធ្នូ ឬបន្តអនុវត្តយូរជាងនេះតាមស្ថានភាពជាក់ស្តែង។ ប្រភពខាងលើបានបន្តថា កំណើននៃតម្លៃអគ្គិសនីខាងលើនេះគឺជាការកើនឡើងក្នុងកម្រិត ១៨% ហើយវាក៏ជាការកើនឡើងក្នុងកម្រិតខ្ពស់បំផុតមិនធ្លាប់មានផងដែរក្នុងរយៈពេល ៨ឆ្នាំចុងក្រោយនេះ។ គួរកត់សម្គាល់ថា តម្លៃប្រេងឆៅនៅលើពិភពលោកនាពេលបច្ចុប្បន្ននេះបានកើនឡើងរហូតដល់ ១១០ដុល្លារអាមេរិកក្នុងមួយបារ៉ែល ដែលបញ្ហានេះបានកើតឡើងដោយសារតែឥទ្ធិពលនៃភ្លើងសង្គ្រាមរវាងប្រទេសរុស្ស៊ីជាមួយនិងប្រទេសអ៊ុយក្រែន។ សូមបញ្ជាក់ជូនផងដែរថា ថ្មីៗនេះមិនមែនមានតែប្រទេសថៃទេ ដែលបានប្រឈមនឹងបញ្ហាខាងលើ ហើយដំណោះស្រាយដែលគេអាចដាក់ចេញបាននោះគឺសម្រេចដំឡើងតម្លៃអគ្គិសនី

អាមេរិក៖ សហរដ្ឋអាមេរិកបានសម្រេចកាត់បន្ថយការផ្គត់ផ្គង់ទឹកនៅតាមរដ្ឋមួយចំនួនរបស់ខ្លួន និងនៅតាមបណ្តារដ្ឋខ្លះនៅក្នុងប្រទេសម៉ិចស៊ីកូផងដែរ ដើម្បីជៀសវាងបញ្ហាហិនហោចអស់នៃធនធានទឹកនិងធនធានធម្មជាតិនៅក្នុងទន្លេ Colorado នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃពុធ ទី១៧ ខែសីហានេះ។ គួរបញ្ជាក់ជូនថា ទន្លេ Colorado គឺជាប្រភពទឹកដ៏សំខាន់មួយនៅតំបន់ភាគខាងលិចសហរដ្ឋអាមេរិកនិងសម្រាប់រដ្ឋមួយចំនួននៅក្នុងប្រទេសម៉ិចស៊ីកូអស់រយៈពេលជាង ២ទសវត្សរ៍មកហើយ ខណៈអ្នកខ្លះបានចាត់ទុកទន្លេមួយខ្សែជាសរសៃឈាមរបស់ប្រជាពលរដ្ឋនៅក្នុងតំបន់ទៀតផង។ យ៉ាងណាក្តី ការប្រែប្រួលអាកាសធាតុនិងការកើនឡើងកម្តៅបានកំពុងតែគំរាមគំហែងទន្លេមួយនេះយ៉ាងខ្លាំង ដ្បិតវាត្រូវរីងស្ងួតតាមធម្មជាតិផង ហើយតម្រូវការនៃការទាញយកទឹកចេញពីប្រភពធម្មជាតិមួយនេះក៏មានកាន់តែខ្ពស់ផងដែរក្នុងរយៈពេលចុងក្រោយ។ កក្តាដែលជម្រុញឲ្យមានតម្រូវការប្រើប្រាស់ទឹកកាន់តែខ្ពស់នោះគឺដោយតែសីតុណ្ណភាពបានកើនឡើងក្នុងកម្រិតខ្ពស់ខ្លាំង ដែលធ្វើឲ្យពលរដ្ឋម្នាក់ៗត្រូវការប្រើប្រាស់ទឹកក្នុងបរិមាណច្រើនជាងធម្មតាផងដែរ។ ដើម្បីដោះស្រាយបញ្ហានៅចំពោះមុខនេះគឺអាជ្ញាធរអាមេរិកបានប្រកាសកាត់បន្ថយការផ្គត់ផ្គង់ទឹកទៅកាន់ក្រុមប្រជាពលរដ្ឋនៅក្នុងរដ្ឋមួយចំនួនតែម្តង ហើយពលរដ្ឋទាំងនោះត្រូវតែចេះសន្សំសំចៃទឹកឲ្យបានខ្ពស់ក្នុងអំឡុងពេលនៃការប្រឈមនឹងការកើនឡើងកម្តៅនិងគ្រោះរាំងស្ងួតនេះ៕ អត្ថបទ៖ ភក្តី ប្រភព៖​ Channel News Asia

ចិន៖ អាជ្ញាធរចិនបានសម្រេចអនុវត្តវិធានការទប់ទល់នឹងភាពរាំងស្ងួតជាបន្តបន្ទាប់នៅតាមទីក្រុងនិងតំបន់មួយចំនួនដែលកំពុងប្រឈមនឹងបញ្ហានៃកើនឡើងសីតុណ្ណភាពក្នុងកម្រិតដ៏ខ្ពស់មិនធ្លាប់មានពីមុនមក។ ការសម្រេចខាងលើនេះត្រូវបានធ្វើឡើងបន្ទាប់ពីទីស្នាក់ការកណ្តាលគ្រប់គ្រងទឹកជំនន់និងគ្រោះរាំងស្ងួតក្នុងទីក្រុង កាលពីថ្ងៃចន្ទដើម្បីសប្តាហ៍នេះបានប្រកាសទាញសញ្ញាអាសន្នកម្រិតពណ៌លឿនសម្រាប់គ្រោះរាំងស្ងួត ដែលតម្រូវឲ្យអាជ្ញាធរនៅតាមតំបន់គោលដៅត្រូវតែធ្វើសកម្មភាពឆ្លើយតបជាបន្ទាន់កម្រិត ៣ ដើម្បីទប់ទល់នឹងស្ថានភាពអាក្រក់មួយនេះ។ ប្រភពខាងលើបានបន្តថា គិតត្រឹមពេលនេះរលកកម្តៅបានបង្កឲ្យមានបញ្ហាមួយចំនួនដូចជា ធ្វើឲ្យទឹកទន្លេតូចៗមួយចំនួនបានរីងស្ងួតលែងមានចរន្តទឹកហូរ តម្រូវការនៃការប្រើប្រាស់ទឹក និងអគ្គិសនីសម្រាប់បើកម៉ាស៊ីនត្រជាក់ឬកង្ហារមានការកើនឡើងខ្ពស់ ខណៈពលរដ្ឋមួយចំនួនត្រូវប្រឈមនឹងការកើតមានបញ្ហាសុខភាពផងដែរ។ បើតាមក្រសួងហិរ​ញ្ញវត្ថុនិងក្រសួងធនធានទឹកចិនបានបញ្ជាក់ថា បានត្រៀមថវិកាចំនួន ២០០ លានយន់ (៤១ ដុល្លារអាមេរិក) ដើម្បីគាំទ្រវិធានការទប់ទល់នឹងគ្រោះរាំងស្ងួតក្នុងពេលនេះ ខណៈសកម្មភាពដែលជាដំណោះស្រាយសំខាន់ៗនោះមានដូចជា  ដាក់ពង្រាយធុងទឹកទៅតាមខេត្ត ក្រុង និងតំបន់ចំនួន ៨ ​និងបញ្ចេញទឹកបន្ថែមឲ្យបានច្រើនដើម្បីស្រោចស្រង់ប្រព័ន្ធធារាសាស្រ្តសម្រាប់ប្រជាកសិករផងដែរ។ សូមបញ្ជាក់ថា សីតុណ្ណភាពនៅតាមបណ្តាខេត្ត-ក្រុងមួយចំនួនក្នុងប្រទេសចិននាពេលថ្មីៗនេះគឺបានកើនឡើងដល់កម្រិតចន្លោះពី ៤០-៤២ អង្សាសេ៕ អត្ថបទ៖ ភក្តី ប្រភព៖ The

ថៃ៖ ប្រទេសថៃបានរកឃើញអ្នកកើតជំងឺអ៊ុតស្វា Monkeypox​​ មួយករណីបន្ថែមទៀតហើយ ដែលធ្វើឲ្យចំនួនអ្នកកើតជំងឺអ៊ុតស្វា Monkeypox សរុបនៅក្នុងប្រទេសថៃបានកើតដល់ ៥នាក់ បើគិតត្រឹមព្រឹកថ្ងៃអង្គា ទី១៦ ខែសីហានេះ។ បើយោងតាមការចុះផ្សាយរបស់បណ្តាញសារព័ត៌មាន​ បាងកកប៉ុស្តិ៍ បានឲ្យដឹងថា អ្នកជំងឺអ៊ុតស្វា Monkeypox ដែលជាករណីទី ៥របស់អាជ្ញាធរថៃនោះគឺជាស្រ្តីជនជាតិថៃ វ័យ ២៥ឆ្នាំ ដែលទើបធ្វើដំណើរត្រលប់មកពីទីក្រុងឌូបៃ ប្រទេសអារ៉ាប់រួមវិញ។ បើតាមលោកវេជ្ជបណ្ឌិត Opas Karnkawinpong ដែលជាអគ្គនាយកនៃនាយកដ្ឋានគ្រប់គ្រងជំងឺឆ្លងថៃបានឲ្យដឹងថា ស្រ្តីជាអ្នកជំងឺរូបនេះបានធ្វើដំណើរមកដល់ទឹកដីថៃតាមរយៈជើងហោះហើរដែលបានចុះចតនៅក្នុងប្រលានយន្តសុវណ្ណភូមិកាលពីថ្ងៃអាទិត្យ ទី១៤ ខែសីហា និងបានតេស្តិ៍វិជ្ជាមានជំងឺ Monkeypox កាលពីថ្ងៃចន្ទ ទី១៥ ខែសីហាម្សិលមិញនេះ។

កូសូវ៉ូ៖ ការកើនឡើងនៃតម្លៃថាមពលសកលបានជះឥទ្ធិពលអាក្រក់ទៅកាន់ប្រទេសជាច្រើននៅជុំវិញពិភពលោក ខណៈប្រទេសនីមួយៗអាចប្រឈមនឹងការប៉ះពាល់ក្នុងកម្រិតផ្សេងៗគ្នានិងបានជ្រើសរើសដំណោះស្រាយក្នុងប្រភេទផ្សេងៗគ្នាផងដែរ។ ជាក់ស្តែងការពីថ្ងៃចន្ទ ដើមសប្តាហ៍នេះក្រុមហ៊ុនផ្គត់ផ្គង់ថាមពលនៅប្រទេសកូសូវ៉ូបានសម្រេចកាត់បន្ថយការផ្គត់ផ្គង់ថាមពលអគ្គិសនីនៅទូទាំងប្រទេស ដ្បិតថាមពលអគ្គិសនីដែលផលិតបានក្នុងស្រុកគឺមានចំនួនតិចតួចមិនគ្រប់គ្រាន់សម្រាប់ប្រើប្រាស់ ហើយថាមពលអគ្គិសនីដែលអាចនាំចូលពីក្រៅប្រទេសបាននោះគឺមានតម្លៃខ្ពស់ខ្លាំងពេក។ នៅចំពោះមុខស្ថានភាពដ៏លំបាកនេះក្រុមផ្គត់ផ្គង់ថាពលធំជាងគេនៅក្នុងប្រទេសកូសូវ៉ូ KEDS បានសម្រេចកាត់បន្ថយការផ្គត់ផ្គង់ថាមពលអគ្គិសនីដោយប្រើរូបមន្ត បើក ៦ម៉ោង និងបិទ ២ម៉ោង។ បើតាមលោក Viktor Buzhala​ ដែលជាអ្នកនាំពាក្យឲ្យក្រុមហ៊ុន KEDS បានបញ្ជាក់ថា នាពេលបច្ចុប្បន្ននេះក្រុមហ៊ុនមានសមត្ថភាពអាចផ្គង់ផ្គង់ថាមអគ្គិសនីបានក្នុងបរិមាណត្រឹមតែ​ ៥០០MWh/h ប៉ុណ្ណោះ ខណៈតម្រូវការជាក់ស្តែងមានរហូតដល់ ៨០០ MWh/h។ អ្នកនាំពាក្យរូបនេះបានបន្តថា រូបមន្តបើកឲ្យមានចរន្តអគ្គិសនីប្រើប្រាស់ ៦ម៉ោង និងបិទ ២ម៉ោងនេះ អាចនឹងត្រូវបន្តអនុវត្តក្នុងរយៈពេលយូរបន្ថែមទៀត ពោលគឺរហូតដល់តម្លៃថាមលនៅលើពិភពលោកអាចត្រលប់មកកម្រិតធម្មតាវិញ ឬរហូតដល់ពេលក្រុមហ៊ុនមានថាមពលអគ្គិសនីគ្រប់់គ្រាន់សម្រាប់ផ្គត់ផ្គត់ទៅតាមតម្រូវការជាក់ស្តែង៕

ជប៉ុន៖ ប៉ូលិសជនជាតិជប៉ុនម្នាក់បានធ្វេសប្រហែសធ្វើឲ្យបាត់បង់ឯកសារស៊ើបអង្កេតដែលមានព័ត៌មានលំអិតផ្ទាល់ខ្លួនរបស់មនុស្សប្រមាណជា ៤០០នាក់ ក្រោយរូបគាត់បានផឹកស្រាច្រើនជ្រុលរហូតដេកលក់តាមផ្លូវក្នុងពេលធ្វើដំណើរត្រលប់ទៅផ្ទះ។ បើយោងតាមការចុះផ្សាយរបស់បណ្តាញសារព័ត៌មាន The Strait Time បានឲ្យដឹងថា ហេតុការណ៍នេះបានកើតឡើងនៅចន្លោះម៉ោង ១១យប់ថ្ងៃសុក្រឆ្លងចូលដល់ព្រឹកម៉ោង ៥ ថ្ងៃសោរ៍ចុងសប្តាហ៍កន្លងទៅនេះ ខណៈអត្តសញ្ញាណពិតប្រាកដរបស់មន្ត្រីប៉ូលិសដែលបានផឹកស្រាស្រវឹងជោគជាំរហូតបាត់បង់ស្មារតីរូបនេះមិនត្រូវបានគេបង្ហាញជាសាធារណៈនោះទេដើម្បីរក្សាកិត្តិយសរបស់គាត់។ យ៉ាងណាក្តី គេអាចដឹងត្រឹមថាមន្ត្រីប៉ូលិសរូបនេះមានអាយុ ៤៩ឆ្នាំ មានទីតាំងបំពេញការងារនៅក្នុងអាណាខេត្ត Hyogo ភាគខាងលិចប្រទេសជប៉ុន។ ប្រភពខាងលើបានបន្តថា នៅក្នុងថ្ងៃកើតហេតុលោកប៉ូលិសវ័យ ៤៩ឆ្នាំរូបនេះបានទទួលទានគ្រឿងស្រវឹងយ៉ាងច្រើនក្រោយពេលចប់ម៉ោងការងារ ហើយរូបគាត់ក៏បានដេកលក់នៅក្នុងស្ថានីយ៍រថភ្លើងមួយកន្លែងតែម្តងក្នុងពេលព្យាយាមត្រលប់ទៅផ្ទះវិញ។ លុះព្រឹកឡើងកាបូបដែលគាត់បានស្ពាយជាប់នឹងខ្លួនមុនពេលស្រវឹងនោះក៏បានបាត់ ខណៈនៅក្នុងកាបូបមានផ្ទុកនូវឯកសារស៊ើបអង្កេតដែលមានព័ត៌មានលំអិតផ្ទាល់ខ្លួនរបស់មនុស្សប្រមាណ ៤០០នាក់ ហើយក្នុងនោះក៏មានទាំងឯកសារលំអិតរបស់ជនសង្ស័យជាឧក្រិដ្ឋជនម្នាក់ផងដែរ។ ក្រោយកើតមានករណីដ៏ហួសចិត្តនេះ លោកប៉ូលិសដែលជាអ្នកធ្វើឲ្យបាត់ឯកសារសំខាន់របស់អាជ្ញាធរជប៉ុនត្រូវបានគេកោះហៅឲ្យមកធ្វើការបំភ្លឺនៅប៉ុស្តិ៍ប៉ូលិស ហើយរូបគាត់ក៏ត្រូវរងនូវការពិន័យមួយចំនួនផងដែរ ដ្បិតរូបគាត់បានប្រព្រឹត្តខុសពីបទបញ្ជានិងវិន័យក្នុងនាមជាមន្ត្រីប៉ូលិសជាតិជប៉ុន៕ អត្ថបទ៖ ភក្តី ប្រភព៖ The

អាមេរិក៖ យោងតាមការចុះផ្សាយរបស់បណ្តាញសារព័ត៌មាន The Strait Times បានឲ្យដឹងថា មានបុរសម្នាក់បានបាញ់សម្លាប់ខ្លួននៅក្បែរវិមានកាពីតូល សហរដ្ឋអាមេរិក ខណៈហេតុការណ៍ដ៏កម្រនេះបានកើតឡើងកាលពីព្រឹកថ្ងៃអាទិត្យ ទី១៤ ខែសីហាម្សិលមិញនេះ។ បុរសដែលបានសម្រេចចិត្តធ្វើអត្តឃាតដោយមិនស្ទាក់ស្ទើរនោះនៅមិនទាន់ត្រូវបានគេកំណត់អត្តសញ្ញាណបាននៅឡើយទេ​ ហើយហេតុផលចម្បងដែលជំរុញឲ្យរូបគាត់ហ៊ានផ្តាច់ជីវិតខ្លួនឯងដោយមិនស្តាយស្រណោះដូចនេះក៏មិនទាន់ត្រូវបានគេរកឃើញនៅឡើយដែរ។ បើតាមប៉ូលិសប្រចាំការនៅវិមានកាពីតូលអាមេរិកបានឲ្យដឹងថា មុនពេលបាញ់សម្លាប់ខ្លួនបុរសជាជនរងគ្រោះបានបើករថយន្តបំបុករបាំងមួយ ដែលគេដាក់ឃាំងមិនឲ្យរថយន្តឆ្លងកាត់នៅលើផ្លូវផ្នែកខាងកើតនៃវិមានកាពីតូល និងទម្លុះចូលទៅដល់ផ្លូវទី ២ ដែលជាផ្លូវនៅជាប់នឹងវិមានកាតូលតែម្តង។ បន្ទាន់មកគាត់ក៏បានចុះពីលើរថយន្តហើយដកកាំភ្លើងបាញ់លើរថយន្ត និងបាញ់ទៅលើអាកាសអស់ជាច្រើន និងចុងក្រោយក៏បានសម្លាប់ខ្លួនឯងតែម្តង។ សូមបញ្ជាក់ជូនថា ថ្មីៗនេះនៅអាមេរិកកំពុងមានរឿងចម្រូងចម្រាស់មួយចំនួនបានកើតឡើងដូចជា ការសម្រេចរបស់តុលាការកំពូលអាមេរិកជុំវិញច្បាប់រំលូតកូនដែលធ្វើឲ្យពលរដ្ឋជាច្រើនមិនសប្បាយចិត្តនិងមានការតវ៉ា ហើយរឿងមួយទៀតគឺប៉ូលិស FBI បានចុះទៅរឹបអូសយកប្រអប់មួយចំនួននៅឯរមណីដ្ឋានរបស់អតីតប្រធានាធីបតីអាមេរិក ដូណាល់ ត្រាំ ដ្បិតនៅក្នុងប្រអប់ទាំងនោះមានផ្ទុកនូវឯកសារសំខាន់ជាច្រើនរបស់រដ្ឋាភិបាលអាមេរិក។ យ៉ាងណាក្តី ពេលនេះប៉ូលិសអាមេរិកកំពុងបើកការស៊ើបអង្កេតជាពិសេសមួយជុំវិញករណីដ៏រសើបនេះហើយ ដើម្បីស្វែងរកឲ្យឃើញមូលហេតុពិតប្រាកដ