ជប៉ុន៖ ជប៉ុនគ្រោងនឹងចំណាយប្រាក់ជិត ២លានដុល្លារអាមេរិកដើម្បីរៀបចំពីបុណ្យសពរបស់អតីតនាយករដ្ឋមន្ត្រីគឺលោក ស៊ីនហ្សូ អាបេ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃសុក្រ ទី២៦ ខែសីហានេះ។ បើតាមអ្នកនាំពាក្យរបស់រដ្ឋាភិបាលជប៉ុនបានបញ្ជាក់ថា ពិធីបុណ្យសពនោះគឺជាពិធីបុណ្យសពថ្នាក់ជាតិ ដែលរដ្ឋាភិបាលជប៉ុនគឺជាអ្នកទទួលខុសត្រូវក្នុងការរៀបចំនិងទទួលបន្ទុកលើកការចំណាយគ្រប់បែបយ៉ាងចាប់តាំងពីពេលផ្តើមរៀបចំកម្មវិធីរហូតដល់ពេលបិទបញ្ចប់ទាំងស្រុងតែម្តង។ តាមគម្រោងគឺពិធីបុណ្យសពថ្នាក់ជាតិរបស់សពលោក ស៊ីនហ្សូ អាបេ នឹងត្រូវរៀបចំឡើងនៅមជ្ឈមណ្ឌល Nippon Budokan ដែលស្ថិតនៅក្នុងទីក្រុងតូក្យូ នៅក្នុងថ្ងៃទី ២៧ ខែកញ្ញាខាងមុខនេះ ខណៈទឹកប្រាក់ដែលត្រូវបានគេគ្រោងសម្រាប់ប្រើប្រាស់ក្នុងកម្មវិធីបុណ្យមួយនេះគឺមានចំនួន ១,៨៣លានដុល្លារអាមេរិក។ គួររម្លឹកជូនថា លោក ស៊ីនហ្សូ អាបេ ត្រូវបានខ្មាន់កាំភ្លើងបាញ់សម្លាប់កាលពីថ្ងៃទី ៨ ខែ​កក្កដាកន្លងទៅក្នុងពេលដែលលោកបានអញ្ជើញទៅធ្វើការឃោសនាចំពោះការបោឆ្នោតមួយ

អាមេរិក៖ រដ្ឋាភិបាលអាមេរិកកាលពីថ្ងៃព្រហស្បតិ៍​ ទី២៥ ខែសីហានេះបានប្រកាសធ្វើការផ្អាកជើងហោះចំនួន ២៦ របស់ប្រទេសចិនមិនឲ្យហោះមកកាន់ទឹកដីខ្លួន​ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia ។ សេចក្តីសម្រេចរបស់រដ្ឋាភិបាលអាមេរិកនៅពេលនេះត្រូវបានធ្វើឡើងដើម្បីឆ្លើយតបទៅនឹងអាជ្ញាធរអាកាសចរណ៍របស់ចិន ដែលកាលពីពេលថ្មីៗនេះបានសម្រេចលុបចោលជើងហោះហើរមួយចំនួនរបស់មេរិកមិនឲ្យធ្វើដំណើរមកកាន់ទឹកដីចិនក្រោមហេតុផលថា ទប់ស្កាត់ការរាតត្បាតជំងឺកូវីដ-១៩។ ការសម្រេចរបស់រដ្ឋាភិបាលអាមេរិកនៅពេលនេះនឹងធ្វើឲ្យប៉ះពាល់ដល់ប្រតិបត្តិការណ៍របស់ក្រុមហ៊ុនអាកាសចរណ៍ចិនចំនួន ៤ រួមមានក្រុមហ៊ុនអាកាសចរណ៍ Xiamen ក្រុមហ៊ុនអាកាសចរណ៍ Air China ក្រុមហ៊ុនអាកាសចរណ៍ China Southern Airlines និង ក្រុមហ៊ុនអាកាសចរណ៍ China Eastern Airlines។ ប្រភពខាងលើបានបន្តថា ការសេចក្តីសម្រេចហាមឃាត់របស់រដ្ឋាភិបាលអាមេរិកនឹងត្រូវផ្តើមមានសុពលភាពចាប់ពីថ្ងៃទី ៥ រហូតដល់ថ្ងៃទី

អាមេរិក៖ រដ្ឋកាលីហ្វ័រញ៉ា សហរដ្ឋអាមេរិក គ្រោងនឹងហាមឃាត់រថយន្តដើរដោយប្រេងឥន្ទនៈហ្វូស៊ីលនៅត្រឹមឆ្នាំ ២០៣៥ខាងមុខ នេះបើយោងតាមការចុះផ្សាយរបស់បណ្តាញសារព័ត៌មាន The Strati Times នៅព្រឹកថ្ងៃព្រហស្បតិ៍ ទី២៥ ខែសីហានេះ។ បើតាមក្រុមប្រឹក្សាធនធានអាកាសរបស់រដ្ឋកាលីហ្វ័រញ៉ាបានបញ្ជាក់ថា សំណើសុំការអនុវត្តគម្រោងខាងលើនេះត្រូវបានបញ្ជូនទៅកាន់ខុទ្ទកាល័យរបស់លោកអភិបាលរដ្ឋកាលីហ្វ័រញ៉ានៅក្នុងសប្តាហ៍នេះ ខណៈគេរំពឹងរហូតដល់ ៩៩,៩%ឯណោះថា សំណើរនេះនឹងត្រូវអនុម័តជាផ្លូវការក្នុងពេលដ៏ឆាប់ខាងមុខ។ ខ្លឹមសារនៅក្នុងគម្រោងខាងលើបានបញ្ជាក់ថា រដ្ឋកាលីហ្វ័រញ៉ានឹងកាត់បន្ថយរថយន្តដើរដោយប្រេងឥន្ទនៈហ្វូស៊ីលជា ៣ដំណាក់កាល ដោយកាត់ប​​ន្ថយ ៣៥%នៅឆ្នាំ ២០២៦ ហើយបន្តកាត់បន្ថយឲ្យបាន ៧០%នៅត្រឹមឆ្នាំ ២០៣០ និងឈានទៅដល់ការហាមឃាត់ទាំងស្រុងនៅត្រឹមឆ្នាំ ២០៣៥។ ដូចនេះវាមានន័យថា ចាប់ពីឆ្នាំ ២០៣៥ តទៅ គឺរថយន្តថ្មីដែលអាចដាក់លក់និងធ្វើចរាចរណ៍បាននៅក្នុងរដ្ឋកាលីហ្វ័រញ៉ាគឺត្រូវតែជាប្រភេទរថយន្តដែលអាចបំភាយឧស្ម័នក្នុងកម្រិតសូន្យ ខណៈគម្រោងនេះនឹងដើរតួយ៉ាងសំខាន់ក្នុងការកាត់បន្ថយការបំពុលបរិស្ថាន។

ថៃ៖ យោងតាមការចុះផ្សាយរបស់បណ្តាញសារព័ត៌មាន Channel News Asia នៅយប់ថ្ងៃពុធ ទី ២៤ ខែសីហានេះបានឲ្យដឹង​ថា ប្រទេសថៃបានសម្រេចដំឡើងថ្លៃចំពោះតម្លៃនៃមីកញ្ចប់ជាលើកដំបូងក្នុងរយៈពេល ១៤ឆ្នាំចុងក្រោយនេះ។ បើតាមនាយកដ្ឋានពាណិជ្ជកម្មថៃបានបញ្ជាក់ថា ការសម្រេចដំឡើងថ្លៃនេះត្រូវបានធ្វើឡើងដើម្បីឆ្លើយតបទៅនឹងវិបត្តិអតិផរណានៅក្នុងប្រទេស ដែលបានបង្កឡើងដោយវិបត្តិសេដ្ឋកិច្ចសកល ពោលគឺជាផលប៉ះពាល់សេដ្ឋកិច្ចនៅទូទាំងពិភពលោកដែលជាឥទ្ធិពលចេញពីភ្លើងសង្គ្រាមរវាងរុស្ស៊ីនិងអ៊ុយក្រែន។ ប្រភពខាងលើបានបន្តថា នាពេលកន្លងមកនៅលើទីផ្សារក្នុងប្រទេសថៃគឺមីមួយកញ្ចប់មានតម្លៃ ៦បាត (៦៨០ រៀល) ហើយចាប់ពីថ្ងៃទី ២៥ ខែសីហានេះតទៅតម្លៃនឹងត្រូវដំឡើងដល់ ៧បាត (៧៩៤ រៀល) សម្រាប់មីមួយកញ្ចប់ ខណៈអាជ្ញាធរបានកំណត់តម្លៃដែលអាចនឹងត្រូវដំឡើងខ្ពស់បំផុតត្រឹម ៨បាត (៩០០ រៀល)។ ចំពោះប្រភេទមីដែលត្រូវដំឡើងតម្លៃវិញមានដូចជា មីWai Wai មីMama

ប៉ាគីស្ថាន៖ អាជ្ញាធរនៃប្រទេសប៉ាគីស្ថានកាលពីថ្ងៃពុធ ទី២៤ ខែសីហានេះបានអំពាវនាវរកជំនួយពីអន្តរជាតិ​ ខណៈប៉ាគីស្ថានកំពុងប្រឈមនឹងការគំរាមគំហែងពីភ្លៀងមូសុងដ៏អាក្រក់បំផុតមួយដែលមិនធ្លាប់កើតមានពីមុនមក នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ បើតាមលោក Sherry Rehman ដែលជារដ្ឋមន្ត្រីក្រសួងបម្រែបម្រួលអាកាសធាតុនប៉ាគីស្ថានបានបញ្ជាក់ថា ភ្លៀងមូសុងបានផ្តើមធ្លាក់ចាប់តាំងពីមិថុនាមកម្លេះ ហើយក្នុងរយៈ​ពេលមួយខែចុងក្រោយនេះគឺភ្លៀងបានបន្តធ្លាក់យ៉ាងខ្លាំងជារៀងរាល់ថ្ងៃ និងបាន​បង្កឲ្យមានជំនន់ទឹកភ្លៀងជន់លិចនៅតាមសហគមន៍ជាច្រើនយ៉ាងឆាប់រហ័សផងដែរ។ លោករដ្ឋមន្ត្រីរូបនេះបានបន្តថា គិតត្រឹមពេលនេះជំនន់ទឹកភ្លៀងបានឆក់យកជីវិតពលរដ្ឋប៉ាគីស្ថានអស់ជាង ៨០០នាក់ហើយ និងបានបំផ្លាញផលដំណាំ​ សត្វចិញ្ចឹម ផ្ទះសម្បែង និងហេដ្ឋារចនាសម្ព័ន្ធអស់ជាច្រើនផងដែរ។ គួររម្លឹកជូនថា នៅក្នុងឆ្នាំនេះប្រទេសប៉ាគីស្ថានបានជួយប្រទះនឹងគ្រោះធម្មជាតិក្នុងកម្រិតអាក្រក់មិនធ្លាប់មានជាបន្តបន្ទាប់ ដោយកាលពីដើមឆ្នាំប៉ាគីស្ថានបានប្រឈមជាមួយនឹងរលកកម្តៅក្នុងកម្រិតខ្ពស់បំផុត ពោលគឺសីតុណ្ហភាពបានកើនដល់កម្រិត ៥១អង្សាសេ។ ក្រោយឆ្លងផុតពីរលកកម្តៅនៅពេលនេះប៉ាគីស្ថានត្រូវប្រឈមជាមួយព្យុះភ្លៀងក្នុងកម្រិតអាក្រក់បំផុតវិញម្តង ដោយភ្លៀងមូសុងបានធ្លាក់ចុះក្នុងបរិមាណយ៉ាងច្រើនមិនធ្លាប់មាន ពោលគឺធ្លាក់ចុះក្នុងបរិមាណច្រើនជាងធម្មតាចន្លោះពី ៤៣០%-៥០០% ឯណោះ៕ អត្ថបទ៖

អឺរ៉ុប៖ ការសិក្សាមួយបានបង្ហាញថា តំបន់អឺរ៉ុបកំពុងប្រឈមនឹងគ្រោះរាំងស្ងួតដ៏អាក្រក់បំផុតមិនធ្លាប់មានក្នុងរយៈពេល ៥០០ឆ្នាំចុងក្រោយនេះ។ ការសិក្សាមួយនេះត្រូវបានធ្វើឡើងដោយអង្គការឃ្លាំមើលគ្រោះរាំងស្ងួតអឺរ៉ុប (European Drought Observatory) និងត្រូវបានចុះផ្សាយបន្តដោយបណ្តាញសារព័ត៌មាន The Strait Times កាលពីយប់ថ្ងៃអង្គារ ទី២៣ ខែសីហានេះ។ លទ្ធផលនៃការសិក្សាបានបង្ហាញថា គិតត្រឹមពេលនេះគឺមានប្រទេសនិងតំបន់ដែលគ្របដណ្តប់លើផ្ទៃដី ២/៣ នៃផ្ទៃដីទ្វីបអឺរ៉ុបទាំងមូលកំពុងស្ថិតក្រោមការគំរាមគំហែងដោយគ្រោះរាំងស្ងួត និងការកើនឡើងនៃសីតុណ្ហភាពក្នុងកម្រិតដ៏ខ្ពស់បំផុតមួយ។ នៅក្នុងរបាយការណ៍របស់អង្គការឃ្លាំមើលគ្រោះរាំងស្ងួតអឺរ៉ុបបានបង្ហាញថា ប្រទេសនិងតំបន់ដែលមានផ្ទៃដី ៤៧% នៅតំបន់អឺរ៉ុបកំពុងស្ថិតក្នុងលក្ខខណ្ឌត្រៀមទាញសញ្ញាអាសន្ន ខណៈ ១៧% បានសម្រេចទាញសញ្ញាអាសន្នរួចទៅហើយ។ ការសិក្សាក៏បានបង្ហាញដែរថា គ្រោះរាំងស្ងួតនិងការកើនឡើងកម្តៅអាចបន្តគំរាមគំហែងតំបន់អឺរ៉ុបរហូតដល់វិច្ឆិកា ហើយគ្រោះធម្មជាតិដ៏កម្រនេះបានបង្កឲ្យមានបញ្ហាមួយចំនួនដូចជា ខូចដីកសិកម្ម ប៉ះពាល់ដល់ផលដំណាំកសិកម្មជាច្រើនប្រភេទ ប៉ះពាល់ដល់ការដឹកជញ្ជូនតាមផ្លូវទឹក និងប៉ះពាល់ដល់ផលិតកម្មអគ្គិសនីផងដែរ

ហ្វាំងឡង់៖ នាយករដ្ឋមន្ត្រីនៃប្រទេសហ្វាំងឡង់គឺលោកស្រី Sanna Marin បានចេញមកធ្វើការសូមទោសជាសាធារណៈចំពោះរូបភាពនិងវីដេអូច្រៀងរាំរបស់គាត់ ដែលកំពុងផ្ទុះការរិះគន់យ៉ាងខ្លាំងនៅលើបណ្តាញសង្គម។ បើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃទី ២៤ ខែសីហានេះបានឲ្យដឹងថា​ វីដេអូដែលបង្កឲ្យមានរឿងចម្រូងចម្រាសនោះត្រូវបានបង្ហោះនៅលើបណ្តាញសង្គម TikTok កាលពីពេលថ្មីៗ ខណៈសកម្មភាពទាំងនោះបានកើតឡើងកាលពីចន្លោះថ្ងៃទី ៨-១០ ខែសីហាកន្លងទៅ ពោលគឺនៅពេលលោកស្រី Sanna Marin បានអញ្ជើញទៅចូលរួមក្នុងកម្មវិធីជប់លៀងមួយ។ នៅក្នុងវីដេអូដែលមានរយៈពេលប្រមាណជាកន្លះនាទីនោះបានបង្ហាញថា លោកស្រី Sanna Marin បានចៀង រាំ ជាមួយមនុស្សមួយក្រុម ហើយរូបគាត់ថែមទាំងបានថើបគ្នាជាមួយស្រ្តីម្នាក់ដែលជាបុគ្គលមានឥទ្ធិលើប្រព័ន្ធផ្សព្វផ្សាយ (Social Media Influencer)

អាមេរិក៖ សហរដ្ឋអាមេរិកនៅថ្ងៃពុធ ទី២៤ ខែសីហានេះបានប្រកាសផ្តល់ជំនួយផ្នែកយោធាដែលមានតម្លៃ​ ៣ពាន់លានដុល្លារបន្ថែមទៀតទៅកា​ន់ប្រទេសអ៊ុយក្រែន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ កញ្ចប់ជំនួយដែលតម្លៃដ៏ច្រើនសម្បើមនេះត្រូវបានផ្តល់ជូនស្របពេលដែលប្រទេសអ៊ុយក្រែនត្រូវប្រារព្ធទិវាឯករាជ្យជាតិ និងស្របពេលភ្លើងសង្គ្រាមរវាងរុស្ស៊ីនិងអ៊ុយក្រែនបានអូសបន្លាយចូលដល់ខួបកន្លះហើយ បើគិតចាប់តាំងពេលចាប់ផ្តើមកាលពីថ្ងៃទី ២៤ ខែកុម្ភៈមក។ ប្រភពខាងលើបានបន្តថា នៅក្នុងកញ្ចប់ជំនួយដ៏ធំរបស់អាមេរិកនៅពេលនេះគឺត្រូវបានបែងចែកជាផ្នែកតូចៗមួយចំនួនដែលមានដូចជា សម្ភារៈយោធាសម្រាប់ប្រើប្រាស់នៅលើសមរភូមិ កាំភ្លើង គ្រាប់រំសេវ ប្រព័ន្ធការពារកម្រិតមធ្យម និងសម្ភារៈសំខាន់ៗមួយចំនួនទៀតផងដែរ។ គួររម្លឹកជូនថា រាប់ចាប់តាំងពីរុស្ស៊ីបានឈ្លានពានចូលទឹកដីអ៊ុយក្រែនមក សហរដ្ឋអាមេរិកបានផ្តល់ជំនួយទៅកាន់ប្រទេសអ៊ុយក្រែនអស់ចំនួន ១០,៦ពាន់លានដុល្លារហើយ​ ខណៈអាមេរិកគ្រោងនឹងផ្តល់ជំនួយដែលមានទំហំទឹកប្រាក់សរុបរហូតដល់ជាង ៣៤ពាន់លានដុល្លារឯណោះសម្រាប់នៅក្នុងឆ្នាំនេះ៕ អត្ថបទ៖ ភក្តី ប្រភព៖ Channel News Asia  

ចិន៖ យោងតាមការចុះផ្សាយរបស់បណ្តាញសារព័ត៌មាន South China Moring Post បានឲ្យដឹងថា​ អាជ្ញាធរក្រុងសៀងហៃបានសម្រេចបិទភ្លើងមិនសូវចាំបាច់មួយចំនួននៅក្នុងទីក្រុងដើម្បីសន្សំសំចៃថាមពលអគ្គិសនី ក្រោយសីតុណ្ណភាពបានកើនឡើងក្នុងកម្រិតដ៏ខ្ពស់មិនធ្លាប់ដែលជំរុញឲ្យតម្រូវការនៃការប្រើប្រាស់ថាមពលអគ្គិសនីបានកើនឡើងយ៉ាងគំហុកផងដែរ។ ភ្លើងដែលអាជ្ញាធរក្រុងសៀងហៃតម្រូវឲ្យបិទជាបណ្តោះអាសន្ននោះមានដូចជា អំពូលភ្លើងសម្រាប់លំអរនៅតាមដងផ្លូវ ផ្ទាំងប៉ាណូផ្សាយពាណិជ្ជកម្មនៅតាមទីសាធារណៈ និងភ្លើងសម្រាប់បើកលំអរនៅតាមអាគារផ្សេងៗជាដើម។ ប្រភពខាងលើបានបន្តថា វិធានការខាងលើនេះនឹងត្រូវអនុវត្តចាប់ពីដើមសប្តាហ៍នេះតទៅរហូតដល់មានការជូនដំណឹងជាថ្មីពីសំណាក់អាជ្ញាធរដោយផ្អែកទៅលើសមត្ថភាពជាក់ស្តែងក្នុងការផ្គត់ផ្គង់អគ្គិសនី។ គួររម្លឹកជូនថា កាលពីចុងសប្តាហ៍មុននេះអាជ្ញាធរចិនបានប្រកាសទាញសញ្ញាអាសន្នពីគ្រោះរាំងស្ងួតថ្នាក់ជាតិជាលើកដំបូង ក្រោយសីតុណ្ហភាពបានកើនឡើងដល់ចន្លោះពី ៤០-៤២អង្សាសេជាច្រើនសប្តាហ៍ជាប់គ្នា និងធ្វើឲ្យទន្លេ បឹង ដែលជាប្រភពទឹកសម្រាប់ប្រើប្រាស់របស់ប្រជាពលរដ្ឋនៅតាមតំបន់ជាច្រើនត្រូវរីងស្ងួតជិតអស់ផងដែរ។ សូមបញ្ជាក់ជូនផងដែរថា ក្រៅតែពីក្រុងសៀងហៃក៏មានខេត្ត-ក្រុងមួយចំនួនផ្សេងទៀតរបស់ចិនបានអនុវត្តវិធានការដូចគ្នានេះដែរ ហើយសម្រាប់នៅក្នុងខេត្តស៊ីឈាន់វិញគឺអាជ្ញាធរបានសម្រេចកំណត់​កូតាក្នុងការផ្តល់ចរន្តអគ្គិសនីតែម្តង ពោលគឺនៅតាមរោងចក្រ សហគ្រាស និងនៅតាមផ្ទះរបស់ប្រជាពលរដ្ឋម្នាក់ៗនឹងត្រូវឆ្លាស់វេនគ្នាក្នុងការទទួលបានចរន្តអគ្គិសនីសម្រាប់ប្រើប្រាស់៕ អត្ថបទ៖ ភក្តី ប្រភព៖ South China Moring Post

អ៊ុយក្រែន៖ យោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ បានឲ្យដឹងថា​ គិតត្រឹមពេលនេះគឺមានទាហានអ៊ុយក្រែនជិត ៩,០០០នាក់ហើយ ដែលបានស្លាប់បាត់បង់ជីវិតនៅក្នុងភ្លើងសង្គ្រាម បើគិតចាប់ពីកងទ័ពរុស្ស៊ីផ្តើមធ្វើការឈ្លានពានកាលពីថ្ងៃទី ២៤ ខែកុម្ភៈមក។ បើតាមឧត្តមសេនីយ៍ Valeriy Zaluzhny ដែលជាអគ្គមេបញ្ជាការអ៊ុយក្រែនបានបញ្ជាក់ថា ការបាត់បង់ទាហានទាំងអស់នេះគឺជាការបាត់បង់ធនធានការពារជាតិដ៏មានតម្លៃបំផុត ហើយប្រទេសអ៊ុយក្រែននិងប្រជាពលរដ្ឋអ៊ុយក្រែននឹងចងចាំនូវការលះបង់ដ៏ធំធេងរបស់ពួកគាត់ និងចាត់ទុកថាពួកគាត់គឺជាវីរបុរសជាតិផងដែរ។ គួរបញ្ជាក់ជូនថា គិតត្រឹមថ្ងៃពុធ ទី២៤ ខែសីហាខាងមុខនេះគឺភ្លើងសង្គ្រាមរវាងរុស្ស៊ីនិងអ៊ុយក្រែនបានអូសបន្លាយចូលដល់ខួបកន្លះឆ្នាំហើយ ខណៈគិតត្រឹមពេលនេះគឺគ្មានសញ្ញាណាមួយបង្ហាញអំពីទីបញ្ចប់នៃសង្គ្រាមនោះទេ។ ទន្ទឹមគ្នានេះដែរ លោក Josep Borrell ប្រធានគោលនយោបាយការបរទេសរបស់សហភាពអឺរ៉ុបបានប្រាប់អ្នកសារព័ត៌មាននៅក្នុងប្រទេសអេស្ប៉ាញថា សហភាពអឺរ៉ុបកំពុងពិចារណាអំពីជម្រើសនៃការផ្តល់ការបណ្តុះបណ្តាលនិងហ្វឹកហ្វឺនដល់កងទ័ពអ៊ុយក្រែនឲ្យមានសមត្ថភាពកាន់តែខ្ពស់ដើម្បីងាយទប់ទល់ជាមួយនឹងកងទ័ពរុស្ស៊ី។ សូមរម្លឹកជូនផងដែរថា ចាប់តាំងពីសង្គ្រាមបានចាប់ផ្តើមមក សហរដ្ឋអាមេរិកនិងសហភាពអឺរ៉ុបបានជួយគាំទ្រនិងឧបត្ថម្ភដល់ប្រទេសអ៊ុយក្រែនជាប់ជាប្រចាំ ដោយមានទាំងការផ្តល់សម្ភារៈយោធា ជួយទទួលជនភៀសខ្លួន និងផ្តល់ជាប្រាក់សម្រាប់ជួយស្រោចស្រង់សេដ្ឋកិច្ចអ៊ុយក្រែនផងដែរ៕