ថៃ៖ យោងតាមការចុះផ្សាយនៅក្នុងបណ្តាញសារព័ត៌មាន Nation Thailand បានឲ្យដឹងថា ប្រធានមន្ទីរពេទ្យឯកជនមួយកន្លែងនៅក្នុងទីក្រុងបាងកក ប្រទេសថៃ ត្រូវបានតុលាការចេញដីកាកោះហៅឲ្យចូលខ្លួនមកបំភ្លឺជុំវិញករណីលក់ថ្នាំព្យាបាលជំងឺកូវីដ ១៩ តាម Online ដោយគ្មានការអនុញ្ញាតពីអាជ្ញាធរសុខាភិបាល។ បើតាមកងកម្លាំងប៉ូលិសទទួលផែនការពារសិទ្ធអ្នកប្រើប្រាស់ផលិតផលថៃបានបញ្ជាក់ថា ថ្នាំកូវីដ ១៩ ដែលលោកប្រធានមន្ទីរពេទ្យបានដាក់លក់យ៉ាងគឃ្លើននោះមានឈ្មោះថា “Favipiravir” ជាប្រភេទថ្នាំដែលមានការអនុញ្ញាតឲ្យប្រើប្រាស់ក្នុងគ្រាបន្ទាន់នៅតាមបណ្តាប្រទេសមួយរួចទៅហើយ។ យ៉ាងណាក្តី សម្រាប់នៅក្នុងប្រទេសថៃគឺអាជ្ញាធរសុខាភិបាលថៃនៅមិនទាន់អនុញ្ញាតឲ្យមានប្រើប្រាស់ថ្នាំប្រភេទជាសាធារណៈនៅឡើយទេ ដូចនេះគ្មានមន្ទីរពេទ្យឯកជន ឬបុគ្គលិកណាម្នាក់មានសិទ្ធនាំចូលថ្នាំប្រភេទនេះសម្រាប់ដាក់លក់បន្តទោះទេ។ នៅក្នុងការបង្រ្កាបករណីខាងលើនេះប៉ូលិសថៃបានធ្វើការឃាត់ខ្លួនពលរដ្ឋថៃចំនួន ៩ នាក់ ដែលជាភ្នាក់ងារចែកចាយថ្នាំកូវីដ ១៩ នេះយ៉ាងសកម្មតាមរយៈបណ្តាញសង្គម Facebook ហើយជាងនេះទៅទៀតប៉ូលិសថៃក៏បានរឹបអូសថ្នាំ “Favipiravir” ចំនួន ៣៩០ ប្រអប់ផងដែរ៕ អត្ថបទ៖

ចិន៖ យោងតាមការចុះផ្សាយនៅក្នុងបណ្តាញសារព័ត៌មាន World of Buzz បានឲ្យដឹងថា សេដ្ឋីចិនម្នាក់បានសម្រេចដកលុយជិត ៨០ ម៉ឺនដុល្លារពីធនាគាមួយជាបន្ទាន់ ព្រោះតែគាត់ខឹងនឹងសន្តិសុខធនាគារម្នាក់ប្រាប់ឲ្យគាត់ពាក់ម៉ាស់។ ហេតុការណ៍នេះបានកើតឡើងនៅក្នុងសាខាធនាគារមួយកន្លែងក្នុងទីក្រុង Shanghai ដែលក្រុងធំបំផុតរបស់ប្រទេសចិន។ បើតាមប្រភពខាងលើបានបញ្ជាក់ថា តាមការពិតសេដ្ឋីរូបនេះមានបំណងចង់ទៅដកប្រាក់តិចតួចពីក្នុងគណនីសន្សំរបស់គាត់តែប៉ុណ្ណោះ តែពេលដែលគាត់ដើរចូលក្នុងធនាគានោះស្រាប់តែមានសន្តិសុខម្នាក់មកប្រាប់ឲ្យគាត់ពាក់ដោយប្រើឥរិយាបថមួយមិនសមរម្យនិងមិនគោរពគាត់ទាល់សោះ។ ដោយខឹងនឹងឥរិយាបថអសីលធម៌របស់សន្តិសុខរូបនោះគាត់ក៏សម្រេចដកលុយប្រាក់ទាំងអស់ពីគណនីរបស់គាត់ទាំងម្តងដោយប្រាក់នោះមានចំនួនសរុប ៥ លានយន់ (៧៨១,១២៥ ដុល្លារអាមេរិក)។ គួរបញ្ជាក់ថា ការដកលុយដ៏ច្រើនហើយបន្ទាន់ពីសាខាធនាគារដូចនេះបានធ្វើបុគ្គលិកពេញមួយធនាគារត្រូវរវល់នឹងការរាប់លុយជាច្រើនម៉ោងផងដែរ៕ អត្ថបទ៖ ភក្តី ប្រភព៖ World of Buzz

ថៃ៖ យោងតាមការចុះផ្សាយនៅក្នុងបណ្តាញសារព័ត៌មាន បាងកកប៉ុស្តិ៍ បានឲ្យដឹងថា កាលព្រឹកថៃអង្គារ ទី២ ខែវិច្ឆិកា ម្សិលមិញនេះ អាជ្ញាធរថៃបានចាប់ខ្លួនពលរដ្ឋកម្ពុជាចំនួន ១៧នាក់ ពីបទឆ្លងដែនខុសច្បាប់ចូលទៅកាន់ប្រទេសថៃ។ ការចាប់ខ្លួនពលរដ្ឋកម្ពុជាទាំង ១៧នាក់នេះត្រូវបានធ្វើឡើងនៅម៉ោង ៥ព្រឹក ក្នុងទឹកដីខេត្តសាកែវ ដែលជាខេត្តមានព្រំប្រទល់ជាប់ប្រទេសកម្ពុជា។ បើតាមអាជ្ញាធរថៃបានបញ្ជាក់ថា ពលរដ្ឋកម្ពុជាទាំង ១៧នាក់នោះគឺជាពលករចំណាក់ស្រុក ដែលមានគោលបំណងចង់ទៅរកការងារធ្វើនៅក្នុងទីក្រុងបាងកក ប្រទេសថៃ។ យ៉ាងណាក្តី ពលរដ្ឋកម្ពុជាទាំងអស់នោះពុំមានលិខិតអនុញ្ញាតឲ្យធ្វើដំណើរចូលទៅក្នុងប្រទេសថៃឡើយ ហើយពួកគេក៏ពុំមានលិខិតបញ្ជាក់ថាត្រូវទៅបំពេញការងារនៅក្នុងប្រទេសដែរ ពោលគឺពួកគេព្យាយាមឆ្លងដែនដោយខុសច្បាប់ទាំងស្រុងតែម្តង។ ក្រៅតែពីបានចាប់ខ្លួនពលរដ្ឋកម្ពុជា អាជ្ញាធរថៃក៏បានចាប់ខ្លួនពលរដ្ឋចំនួន ២នាក់ផ្សេងទៀតផងដែរ ព្រោះពលរដ្ឋថៃទាំង ២នាក់នេះគឺជាមេខ្យល់នាំផ្លូវពលរដ្ឋកម្ពុជាចូលក្នុងទឹកដីថៃដោយខុសច្បាប់៕ អត្ថបទ៖ ភក្តី ប្រភព៖ បាងកកប៉ុស្តិ៍

យោងតាមការចុះផ្សាយនៅក្នុងបណ្តាញសារព័ត៌មាន Channel News Asia បានឲ្យដឹងថា ក្រុមហ៊ុន Apple Inc​បានសម្រេចកាត់បន្ថយការផលិត iPad ជាច្រើនគ្រឿង ដើម្បីរក្សាទុកបន្ទះឈីបសម្រាប់ប្រើប្រាស់ក្នុងការផលិតទូរស័ព្ទ iPhone 13 វិញ។ ការសម្រេចនេះត្រូវបានធ្វើឡើងក្រោយក្រុមហ៊ុន Apple Inc​ នឹងត្រូវប្រឈមបញ្ហាខ្វះខាតឈីបជាច្រើនបន្ទះ ដែលធ្វើក្រុមហ៊ុនមិនអាចផលិតនូវផលិតផលគ្រប់ប្រភេទតាមគម្រោងប្រចាំឆ្នាំរបស់ក្រុមហ៊ុននោះទេ។ យោងតាមរបាយការណ៍បានបង្ហាញថា ក្នុងរយៈពេល ២ខែចុងក្រោយនេះការផលិត iPad បានធ្លាក់ចុះអស់ពាក់កណ្តាលរួចទៅហើយ បើធៀបទៅនឹងចំនួនក្នុងគម្រោងផលិតប្រចាំខែរបស់ក្រុមហ៊ុន។ ប្រភពខាងលើបានបញ្ជាក់ថា ចំពោះការសម្រេចកាត់បន្ថយការផលិត iPad ដើម្បីទុកបន្ទះឈីបសម្រាប់ផលិតទូរស័ព្ទ iPhone 13 នោះ គឺដោយសារក្រុមហ៊ុនបានព្យាករណ៍ថា iPhone

ថៃ៖ កាសែត បាងកកប៉ុស្តិ៍ បានរាយការណ៍ថា ប្រទេសថៃបានទទួលអ្នកដំណើរមកពីបរទេសជាង ៦,៦០០ នាក់កាលពីថ្ងៃចន្ទ ទី១ ខែវិច្ឆិកាម្សិលមិញនេះដែលជាថ្ងៃដំបូងនៃការបើកប្រទេសឡើងវិញរបស់ថៃ។ បើតាមលោក  Kittipong Kittikachorn ដែលជាប្រធានគ្រប់គ្រងទូទៅនៅក្នុងប្រលានយន្តហោះសុវណ្ណភូមិបានឲ្យដឹងថា ម្សិលមិញនេះមានជើងហោះហើរចំនួន ៦១ បានចុះចតក្នុងប្រលានយន្តហោះសុវណ្ណភូមិដោយមានអ្នកដំណើរសរុបចំនួន ៣,០០០ នាក់ ខណៈប្រលានយន្តហោះអន្តរជាតិផ្សេងៗទៀតបានទទួលអ្នកដំណើរសរុបចំនួន ៣,៦១៣ នាក់ផងដែរ។ ក្នុងចំណោមអ្នកដំណើរទាំងអស់នោះគឺមានអ្នកដំណើរចំនួន ២,៣០០នាក់គឺជាពលរដ្ឋថៃដែលត្រូវធ្វើដំណើរត្រលប់មកទឹកដីកំណើតវិញ ខណៈក្រៅពីនេះគឺជាអ្នកដំណើរអន្តជាតិ ដែលត្រូវមកធ្វើធុរៈកិច្ចនិងដើរកំសាន្តនៅក្នុងប្រទេសថៃ។ លោក Kittipong Kittikachorn បានបន្តថា ក្នុងថ្ងៃបើកប្រទេសដំបូងហើយថៃអាចទទួលបានអ្នកដំណើរដ៏ច្រើនដូចនេះវាគឺជាសញ្ញាវិជ្ជមានមួយសម្រាប់វិស័យទេសចរណ៍ថៃ ហើយលោកពិតជាពេញចិត្តជាមួយនឹងលទ្ធផលនេះខ្លាំងណាស់។ លោកបានបន្តទៀតថា តាមការព្យាករណ៍នៅក្នុងខែវិច្ឆិកានេះគឺគេរំពឹងនឹងទទួលបានជើងហោះចំនួន ៣,២៦០

កូរ៉េខាងជើង៖ ប្រទេសកូរ៉េខាងជើងត្រូវបានគេរាយការណ៍ថា បានណែនាំឲ្យប្រជាពលរដ្ឋខ្លួនត្រូវបរិភោគអាហារក្នុងបរិមាណតិចតួចរហូតដល់ឆ្នាំ ២០២៥ ដ្បិតកូរ៉េខាងជើងកំពុងប្រឈមនឹងបញ្ហាស្បៀងអាហារ។ បើយោងតាមការចុះផ្សាយនៅក្នុងបណ្តាញសារព័ត៌មាន Next Shark បានឲ្យដឹងថា បញ្ហាខ្វះខាតស្បៀងអាហារដែលកូរ៉េខាងជើងត្រូវប្រឈមក្នុងរយៈ ៤ឆ្នាំបន្ទាប់ទៀតនោះគឺបង្កឡើងដោយកត្តាជាច្រើនមានដូចជា គ្រោះធម្មជាតិ វិបត្តិសកលនៃការរាតត្បាតជំងឺកូវីដ ១៩ និងការដាក់ទណ្ឌកម្មពីអង្គការសហប្រជាជាតិជាដើម។ ប្រភពខាងលើបានបន្តទៀតថា​ ក្នុងអំឡុងពេលដែលប្រទេសត្រូវស្ថិតក្នុងគ្រាមានអាសន្នដូចនេះ របបក្រុងព្យុងយ៉ាងបានណែនាំឲ្យពលរដ្ឋងាកមកបរិភោគសាច់សត្វក្ងានខ្មៅវិញម្តង ដើម្បីជំនួសឲ្យសាច់សត្វផ្សេងទៀតដែរពិបាករក។ មេដឹកនាំនៃប្រទេសកូរ៉េខាងជើងគឺលោក គីម ជុងអ៊ុន ថែមទាំងបានលើកទឹកចិត្តឲ្យពលរដ្ឋខ្លួនបង្កើតកសិដ្ឋានចិញ្ចឹមសត្វក្ងានខ្មៅឲ្យបានច្រើននៅទូទាំងប្រទេសទៀតផង ព្រោះសត្វប្រភេទនេះអាចនឹងងាយចិញ្ចឹមជាងសត្វផ្សេងទៀតសម្រាប់លក្ខខណ្ឌនៅក្នុងប្រទេសកូរ៉េខាងជើង។ ជុំវិញបញ្ហានេះមានពលរដ្ឋកូរ៉េខាងជើងមួយចំនួនលើកឡើងថា ពួកគេអាចនឹងអត់អាហារស្លាប់មុនឆ្នាំ ២០២៥ ទៅទៀត ពោលគឺអាចដាច់ពោះស្លាប់នៅឆ្នាំក្រោយតែម្តង ព្រោះពួកគេកំពុងតែប្រឈមនឹងបញ្ហាខ្វះស្បៀងអាហារតាំងពីពេលនេះរួចទៅហើយ។ គួរបញ្ជាក់ថា ប្រទេសកូរ៉េខាងជើងមានពលរដ្ឋសរុបប្រមាណជា ២៦លាននាក់ ហើយភាគច្រើនពលរដ្ឋកូរ៉េខាងជើងគឺមិនសូវមានជីវភាពធូរធារនោះទេ៕ អត្ថបទ៖

សិង្ហបុរី៖ យោងតាមការចុះផ្សាយនៅក្នុងបណ្តាញសារព័ត៌មាន Channel News Asia បានឲ្យដឹងថា តុលាការសិង្ហបុរីបានសម្រចចោទប្រកាន់មន្ត្រីពន្ធនាគារចំនួន ២ រូបថាបានប្រព្រឹត្តិបទល្មើស បន្ទាប់ពីពួកគាត់បានយកព័ត៌ផ្ទាល់ខ្លួនរបស់អ្នកទោសមួយចំនួនទៅប្រាប់អ្នកទោសម្នាក់ផ្សេងទៀត។ ហេតុការណ៍នេះបានកើតឡើងនៅក្នុងមន្ទីរឃុំឃាំង Tanah Merah កាលពីអំឡុងខែតុលា ឆ្នាំ ២០២០ កន្លងទៅនេះ តែការសម្រេចចោទប្រកាន់របស់តុលាការសិង្ហបុរីទើបត្រូវបានធ្វើឡើងនៅក្នុងថ្ងៃចន្ទ ទី១ ខែវិច្ឆិកានេះ។ អតីតមន្តី្រពន្ធនាការចំនួន ២រូប ដែលបានប្រព្រឹត្តិបទល្មើសនោះមានឈ្មោះ Muhammad Zul Helmy Abdul Latip អាយុ ៣៣ឆ្នាំ ម្នាក់ទៀតឈ្មោះ Muhammad Fattahullah Mohd Nordin

ខណៈដែលអ្នកប្រើប្រាស់បណ្តាញសង្គមជាច្រើនបានសម្តែងនូវការអបអរថ្ងៃដំបូងនៃខែវិច្ឆិកានេះ បណ្តាញសារព័ត៌មាន The Thaiger ក៏បានចុះផ្សាយនូវអត្ថបទមួយ ដែលជារបាយការណ៍សង្ខេបអំពីចំនួនអ្នកឆ្លងនិងស្លាប់ដោយជំងឺកូវីដ ១៩ នៅទូទាំងពិភពលោកផងដែរដោយគិតត្រឹមថ្ងៃទី ១​​ ខែវិច្ឆិកានេះ។ បើតាមប្រភពខាងលើបានឲ្យដឹងថា គិតត្រឹមថ្ងៃទី ១ ខែវិច្ឆិកានេះ ការរាតត្បាតនៃជំងឺកូវីដ ១៩ ជាសកលគឺមានរយៈពេល ២២ ខែ ហើយកូវីដ ១៩ បានចម្លងទៅកាន់មនុស្សជាង ២៤៧លាននាក់ និងសម្លាប់មនុស្សជាង ៥ លាននាក់។ ប្រភពខាងលើបានបន្តថា អាមេរិកគឺជាប្រទេសដែលមានចំនួនអ្នកឆ្លងនិងស្លាប់ច្រើនជាងគេក្នុងចំណោមប្រទេសទាំងអស់នៅលើពិភពលោក។ ចំពោះប្រទេសដែលមានចំនួនអ្នកឆ្លងច្រើនជាងគេលំដាប់ទី ២វិញគឺប្រទេសឥណ្ឌា និងទី ៣គឺប្រទេសប្រេស៊ីល តែបើនិយាយពីចំនួនអ្នកស្លាប់ច្រើនវិញគឺប្រេស៊ីលនៅលំដាប់ទី ២

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃចន្ទ ទី១ ខែវិច្ឆិកា នេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ៨,១៦៥ នាក់ រីឯអ្នកស្លាប់ដោយសារជំងឺកូវីដ ១៩ វិញគឺមានចំនួន ៥៥នាក់។ ទន្ទឹមនឹងការរកឃើញអ្នកឆ្លងថ្មី កាលពីថ្ងៃអាទិត្យ ទី៣១ ខែ តុលាម្សិលមិញនេះក៏មានអ្នកជំងឺកូវីដ ១៩ នៅទូទាំងប្រទេសថៃចំនួន ៩,៥៧៤នាក់ត្រូវបានព្យាបាលឲ្យជាសះស្បើយ ១០០%​និងអនុញ្ញាតឲ្យត្រលប់ទៅផ្ទះជាធម្មតាវិញផងដែរ។ សូមបញ្ជាក់ជូនថា គិតត្រឹមពេលនេះអាជ្ញាធរសុខាភិបាលថៃបានរកឃើញអ្នកឆ្លងជំងឺកូវីដ ១៩ សរុបចំនួនជាង ១,៩ លាននាក់ និងស្លាប់សរុបជាង ១៩ ម៉ឺននាក់៕ អត្ថបទ៖ ភក្តី

ចិន៖ ជើងហោះហើររាប់រយនៅក្នុងប្រទេសចិនត្រូវបានលុបចោលជាបន្ទាន់កាលពីថ្ងៃសុក្រ ទី២៩ ខែតុលា ម្សិលមិញនេះ​ ក្រោយអាជ្ញាធរចិនសម្រេចដាក់ចេញវិធានការរឹតបន្តឹងការធ្វើដំណើរដើម្បីទប់ស្កាត់ការរាតត្បាតជំងឺកូវីដ ១៩។ បើតាមការបញ្ជាក់នៅក្នុងបណ្តាញសារព័ត៌មាន Channel News Asia  បានឲ្យដឹងថា ម្សិលមិញនេះប្រលានយន្តហោះក្នុងទីក្រុងប៉េកាំងបានសម្រេចបិទការហោះហើយចេញចូលក្នុងស្រុកទាំងស្រុងតែម្តង ក្រោយអាជ្ញាធរចិនសម្រេចរឹតបន្តឹងការធ្វើដំណើរចេញចូលក្នុងទីក្រុងដ៏ធំមួយនេះ ហើយជាងនេះទៅទៀតអាជ្ញាធរចិនក៏កំពុងពិចារណាអំពីជម្រើសបិទខ្ទប់ទីក្រុងដែលមានពលរដ្ឋរស់នៅជាង ២០លាននាក់នេះតែស្រុងផងដែរ ប្រសិនបើចាំបាច់។ គួរបញ្ជាក់ថា ចំនួនអ្នកឆ្លងកូវីដ ១៩ ថ្មីនៅក្នុងប្រទេសចិនហាក់មិនច្រើននោះទេ ដោយថ្ងៃសុក្រម្សិលមិញនេះ ចិនបានរកឃើញអ្នកឆ្លងនៅក្នុងសហគមន៍ថ្មីត្រឹម ៤៨នាក់ ហើយបើគិតត្រឹមមួយសប្តាហ៍កន្លងមកនេះតួលេខអ្នកឆ្លងថ្មីមានមិនដល់ ២៥០នាក់ផង។​ តែយ៉ាងណាក្តី ចិនបានដាក់ចេញនូវវិធានការតឹងរឹងជាច្រើនដើម្បីទប់ស្កាត់ការចម្លងថ្មីឲ្យស្ថិតនៅក្នុងកម្រិតទាបបំផុត ឬកម្រិតសូន្រតែម្តង​ ព្រោះថានៅក្នុងខែកុម្ភៈ ឆ្នាំ ២០២២ ខាងមុខនេះ ចិននឹងត្រូវធ្វើជាម្ចាស់ផ្ទះរៀបចំព្រឹត្តិការណ៍កីឡាអូឡាំពិករដូវរងារ