ឥណ្ឌា៖ យោងតាមការចុះផ្សាយនៅក្នុងបណ្តាញសារព័ត៌មាន The Hindu បានឲ្យដឹងថា យ៉ាងហោចណាស់មានអ្នកជំងឺកូវីដ ១៩ ចំនួ​ន ១១ នាក់បានស្លាប់បាត់បង់ជីវិតនៅក្នុងហេតុការណ៍ភ្លើងឆេះមន្ទីរពេទ្យមួយកន្លែងនៅក្នុងទីក្រុង Ahmednagar រដ្ឋ Maharashtra ប្រទេសឥណ្ឌា។ ហេតុការណ៍អកុសលនេះបានកើតឡើងនៅម៉ោងប្រហែលជា ១១ និង ៣០ នាទីព្រឹកថ្ងៃសៅរ៍ ទី៦ ខែវិច្ឆិការកន្លងទៅនេះ ហើយរហូតដល់ម៉ោង ១ និង ៣០ នាទីរសៀលក្នុងថ្ងៃដដែលនោះទើបគេអាចពន្លត់ភ្លើងបានទាំងស្រុង។ ប្រភពខាងលើបានបញ្ជាក់ថា អគ្គិភ័យបានផ្តើមឆាបឆេះនៅក្នុងបន្ទប់សង្គ្រោះបន្ទាន់ (ICU) ដែលមានអ្នកជំងឺចំនួន ២០ នាក់កំពុងបញ្ចូលខ្យល់អ៊ុកស៊ីសែននៅទីនោះ។ ក្រោយកើតមានអគ្គិភ័យគឺមានមានអ្នកជំងឺចំនួន ១០ នាក់បានស្លាប់ភ្លាមៗ​

វៀតណាម៖ ក្រុមអ្នក​ប្រើប្រាស់បណ្តាញសង្គមជាច្រើននៅក្នុងប្រទេសវៀតណាមបានសម្តែងនូវអារម្មណ៍មិនពេញនិងនាំគ្នាធ្វើការរិះគន់យ៉ាងខ្លាំងក្រោយប្រទះឃើញមន្ត្រីជាន់ខ្ពស់របស់រដ្ឋាភិបាលវៀតណាមម្នាក់អញ្ជើញទៅពិសារស្តេកសាច់គោក្នុងភោជនីយដ្ឋានលំដាប់ខ្ពស់មួយកន្លែង ស្របពេលពលរដ្ឋវៀតណាមជាច្រើននាក់កំពុងរស់នៅក្នុងលក្ខខណ្ឌជីវភាពយ៉ាងលំបាក។ បើតាមការចុះផ្សាយរបស់កាសែត បាងកកប៉ុស្តិ៍ បានបញ្ជាក់ថា មន្ត្រីជាន់ខ្ពស់វៀតណាមរូបនេះមានឈ្មោះថា To Lam អាយុ ៦៤ ឆ្នាំមានតួនាទីជារដ្ឋមន្ត្រីក្រសួងសន្តិសុខសាធារណៈ ហើយវីដេអូដែលបង្ហាញពីសកម្មភាពទៅពិសារស្តេកសាច់គោរបស់គាត់នោះត្រូវបានគេបង្ហោះនិងចែកចាយបន្តយ៉ាងផុសផុលនៅតាមបណ្តាញសង្គម Facebook និង TikTok ក្នុងប្រទេសវៀតណាមកាលពីថ្ងៃសុក្រ ទី៥ វិច្ឆិកា ម្សិលមិញនេះ។ ក្នុងវីដេអូនោះបានបញ្ជាក់ថា លោក To Lam បានអញ្ជើញទៅពិសារស្តេកសាច់គោដែលគេចម្អិនដោយមានស្រោបសន្លឹកមាសពីខាងក្រៅនៅក្នុងភោជនីយដ្ឋាន Nusr-Et Steakhouse ស្ថិតនៅតំបន់កំសាន្ត Knightsbridge ក្នុងទីក្រុងឡុងដ៍ ប្រទេសអង់គ្លេស ។ ស្តេកសាច់គោនោះត្រូវបានចម្អិនដោយផ្ទាល់ពីសំណាក់ចុងភៅលំដាប់ពិភពលោកជនជាតិតួគីគឺលោក Nusret

តៃវ៉ាន់៖ លោកគ្រូបង្រៀនគណិតវិទ្យាជនជាតិចិនតៃវ៉ាន់ម្នាក់បានបង្ហោះវីដេអូបង្រៀនមេរៀនគណិតវិទ្យាពិបាកៗជាច្រើននៅលើគេហទំព័រសម្រាប់មើលរឿងអាសអាភាស ដើម្បីទាក់ទាញក្រុមកូនសិស្សសាលាឲ្យមកចូលរៀនក្នុងថ្នាក់ Online របស់គាត់។ បើយោងតាមការចុះផ្សាយនៅក្នុងបណ្តាញសារព័ត៌មាន Business Insider បានឲ្យដឹងថា លោកគ្រូបង្រៀនរូបនេះមានឈ្មោះថា Chang Hsu ហើយឈ្មោះគណនីដែលគាត់ប្រើសម្រាប់បង្ហោះវីដេអូគឺ “changhsumath666” ខណៈរហូតមកទល់នឹងពេលនេះ Channel របស់គាត់មានអ្នក Subscribed ចំនួន ៦,៩០០ នាក់ និងជា Channel មានប្រជាប្រិយភាពលំដាប់ទី ៦៨៥ នៅលើគេហទំព័រអាសអាភាសនោះផងដែរ។ គិតត្រឹមពេលនេះគាត់បានបង្ហោះវីដេអូមេរៀនចំនួន  ២២៦ រួចហើយ ខណៈជាមធ្យមវីដេអូមួយមានអ្នកចូលមើលប្រហែលជា ២០,០០០ ដង។ លោកគ្រូ Chang Hsu

សិង្ហបុរី៖ យោងតាមការចុះផ្សាយនៅក្នុងបណ្តាញសារព័ត៌មាន Straits Times បានឲ្យដឹងថា​ បុគ្គលិកសុខាភិបាលសាធារណៈសិង្ហបុរីប្រមាណជា ១០០,០០០នាក់ ដែលជាអ្នកប្រយុទ្ធប្រឆាំងយ៉ាងសកម្មតទល់នឹងការរាតត្បាតនៃជំងឺកូវីដ ១៩ នោះនឹងទទួលបានប្រាក់រង្វាន់លើកទឹកចិត្តក្នុងម្នាក់ៗចំនួន ៤,០០០ ដុល្លារអាមេរិក។ លោក Ong Ye Kung ដែលជារដ្ឋមន្ត្រីក្រសួងសុខាភិបាលសិង្ហបុរីបានបញ្ជាក់ថា បុគ្គលិកសុខាភិបាលដែលនឹងត្រូវទទួលបានប្រាក់រង្វាន់នេះគឺជាបុគ្គលិកគ្រប់ជាន់ថ្នាក់នៅតាមមន្ទីរពេទ្យទទួលព្យាបាលជំងឺកម្រិតធ្ងន់ បុគ្គលិកនៅក្នុងមន្ទីរពេទ្យសហគមន៍និងពហុគ្លិនិក និងបុគ្គលិកមកពីអង្គការថែទាំសហគមន៍ដែលបានទៅមើលថែអ្នកជំងឺកូវីដ ១៩ នៅតាមផ្ទះជាដើម។ លោករដ្ឋមន្រ្តីរូបនេះបានបញ្ជាក់ផងដែរថា ទឹកប្រាក់រង្វាន់នេះគឺមិនស្មើនឹងទំហំនៃការខិតខំប្រឹងប្រែងបំពេញភារកិច្ចរបស់ក្រុមបុគ្គលិកសុខាភិបាលនោះទេ តែយ៉ាងណាក្តីវាគឺជាការលើកទឹកចិត្តបន្តិចបន្តួចដើម្បីបង្ហាញនូវការដឹងគុណសម្រាប់ការលះបង់របស់ក្រុមបុគ្គលិកសុខាភិបាលក្នុងការយកឈ្នះលើជំងឺកូវីដ ១៩នាពេលកន្លង។ ក្រៅតែផ្តល់ប្រាក់រង្វាន់ដល់ក្រុមបុគ្គលិកសុខាភិបាលសាធារណៈ លោករដ្ឋមន្រ្តី  Ong Ye Kung ក៏បានផ្តល់ប្រាក់រង្វាន់ចំនួន ១០,០០០ ដុល្លារដល់គ្លិនិកឯកជនមួយចំនួនផងដែរ ព្រោះគ្លិនិកឯកជនទាំងនោះធ្លាប់បានជួយសង្គ្រោះជីវិតអ្នកជំងឺកូវីដ

ឥណ្ឌូនេស៊ី៖ កាលពីយប់ថ្ងៃព្រហស្បតិ៍ ទី៤ ខែវិច្ឆិកាម្សិលមិញនេះមានជំនន់ទឹកភ្លៀងដ៏ឆាប់រហ័សមួយបានវាយប្រហារកោះចាវ៉ា ប្រទេសឥណ្ឌូនេស៊ី និងបានឆក់យកជីវិតពលរដ្ឋឥណ្ឌូនេស៊ីចំនួន ២នាក់ភ្លាមៗផងដែរ។ បើយោងតាមការចុះផ្សាយនៅក្នុងបណ្តាញសារព័ត៌មាន Channel News Asia បានឲ្យដឹងថា ទឹកជំនន់ដ៏ឆាប់រហ័សនេះបានបង្កឡើងដោយសារមានភ្លៀងធ្លាក់ខ្លាំងជាច្រើនថ្ងៃជាប់ៗគ្នា​រហូតធ្វើឲ្យមានទឹកហៀរចេញពីទន្លេចូលមកកាន់ផ្ទះប្រជាពលលរដ្ឋ ហើយទឹកដែលហូរមកយ៉ាងខ្លាំងនោះក៏មានលាយនូវភក់ល្បាប់យ៉ាងច្រើនផងដែរ។ បើតាមទីភ្នាក់ងារជាតិកាត់បន្ថយគ្រោះមហន្តរាយឥណ្ឌូនេស៊ីបានបញ្ជាក់ថា ដំបូងឡើយកម្លាំងទឹកហូរដែលមានលាយភក់ល្បាប់យ៉ាងច្រើននោះបានគួចយកមនុស្សចំនួន ១៥ នាក់ឲ្យទៅតាមទឹកហូរ ហើយបន្ទាប់មកគេក៏បានជួយសង្គ្រោះមនុស្សចំនួន ៥នាក់មកវិញ ខណៈពេលនេះនៅមានពលរដ្ឋចំនួន ៨នាក់ផ្សេងទៀតកំពុងបាត់ខ្លួនរកមិនឃើញផងដែរ។ ក្រុមអ្នកជួយសង្គ្រោះបានព្យាករណ៍ថាពលរដ្ឋដែលបាត់ខ្លួនទាំង ៨នាក់នោះទំនងជាត្រូវកប់នៅក្នុងភក់ល្បាប់ហើយភាគរយដែលពួកគេអាចនៅមានជីវិតនោះគឺមានតិចតួចបំផុត តែយ៉ាងណាក្តីគេនឹងព្យាយាមរកពួកគេឲ្យទាល់តែឃើញបើទោះជាក្នុងករណីពួកគេស្លាប់ឬរស់ក៏ដោយ៕ អត្ថបទ៖ ភក្តី ប្រភព៖ Channel News Asia 

ចិន៖ យោងតាមការចុះផ្សាយនៅក្នុងបណ្តាញសារព័ត៌មាន Channel News Asia បានឲ្យដឹងថា អាជ្ញាធរចិនបានបន្ថែមការរឹតបន្តឹងការធ្វើដំណើរនៅតាមកំពង់ផែជាច្រើននៅទូទាំងប្រទេស ក្នុងគោលបំណងទប់ស្កាត់ការរាតត្បាតជំងឺកូវីដ ១៩ ឲ្យស្ថិតនៅក្នុងកម្រិតទាបបំផុត។ បើតាមរដ្ឋបាលអន្តោប្រវេសន៍ជាតិចិនបានបញ្ជាក់កាលពីថ្ងៃទី ៤​ ខែវិច្ឆិកា ម្សិលមិញថា អាជ្ញាធរនៅតាមកំពង់ផែនៅទូទាំងប្រទេសចិននឹងធ្វើការណែនាំអ្នកដំណើរគ្រប់រូបឲ្យធ្វើដំណើរតែក្នុងករណីចាំបាច់បំផុតប៉ុណ្ណោះ ហើយក្នុងករណីដែលអ្នកដំណើរទាំងនោះគ្មានភារកិច្ចបន្ទាន់ ឬគ្មានហេតុផលសមរម្យសម្រាប់ការធ្វើដំណើរនោះទេគឺអាជ្ញាធរនឹងមិនអនុញ្ញាតឲ្យពួកគេធ្វើដំណើរឡើយ។ គួរបញ្ជាក់ថា ការសម្រេចអនុវត្តវិធានការយ៉ាងតឹងរឹងចំពោះការធ្វើដំណើរចេញចូលប្រទេសចិន និងការធ្វើដំណើរក្នុងប្រទេសចិននៅពេលនេះគឺត្រូវបានធ្វើឡើងព្រោះអាជ្ញាធរចិនចង់ទប់ស្កាត់ការរាតត្បាតជំងឺកូវីដ ១៩ ជាពិសេសករណីនាំចូលពីក្រៅប្រទេស ឲ្យស្ថិតនៅក្នុងកម្រិតសូន្យមុនពេលចិនត្រូវទទួលរៀបចំព្រឹត្តិការណ៍កីឡាអូឡាំពិករដូវរងានៅក្នុងខែកុម្ភៈឆ្នាំក្រោយនេះ។ បើតាមការសិក្សាមួយបានរកឃើញថា ការរឹតបន្តឹងការធ្វើដំណើរក្នុងចំណោមពលរដ្ឋចិនក្នុងរយៈពេលមួយឆ្នាំកន្លងមកនេះ បានធ្វើឲ្យខាតបង់ទឹកប្រាក់ប្រមាណជា ២៥៥ពាន់លានដុល្លារអាមេរិកនៅក្នុងទីផ្សារទេសចរណ៍ពិភពលោកផងដែរ៕ អត្ថបទ៖ ភក្តី ប្រភព៖  Channel News Asia

យោងតាមការចុះផ្សាយនៅក្នុងបណ្តាញសារព័ត៌មាន បាងកកប៉ុស្តិ៍ បានឲ្យដឹងថា កាលពីថ្ងៃព្រហស្បតិ៍ ទី ៤ ខែវិច្ឆិកាម្សិលមិញនេះ អង្គការសុខភាពពិភពលោកបានសម្តែងទាញសញ្ញាអាសន្នអំពីលទ្ធភាពនៃការរាតត្បាតជំងឺកូវីដ ១៩ ទ្រង់ទ្រាយធំជាថ្មីម្តងទៀតក្នុងបណ្តាប្រទេសនៅតំបន់អឺរ៉ុប។ ការបង្ហា្ហញនូវក្តីព្រួយបារម្ភនេះត្រូវបានធ្វើឡើងក្រោយ ប្រទេសអាឡឺម៉ង់ដែលប្រទេសដ៏មានសក្តានុពលមួយនៅតំបន់អឺរ៉ុបនោះបានកត់ត្រាចំនួនអ្នកឆ្លងជំងឺកូវីដ ១៩ ក្នុងចំនួនដ៏ច្រើនបំផុតមិនធ្លាប់មាន ពោលគឺកាលពីថ្ងៃទី ៤កន្លងទៅនេះអាឡឺម៉ង់បានរកឃើញអ្នកឆ្លងជំងឺកូវីដ ១៩ នៅក្នុងសហគមន៍ចំនួន ៣៤,០០០ ករណីឯណោះ។ បើតាមលោក Jens Spahn  ដែលជារដ្ឋមន្ត្រីក្រសួងសុខាភិបាលអាឡឺម៉ង់បានបញ្ជាក់ថា អាឡឺម៉ង់កំពុងប្រឈមនឹងការរាតត្បាតជំងឺកូវីដ ១៩ ទ្រង់ទ្រាយធំ ជាពិសេសគឺក្នុងចំណោមពលរដ្ឋដែលមិនបានចាក់វ៉ាក់សាំងបង្ការជំងឺកូវីដ ១៩ តែម្តង។ គួរបញ្ជាក់ថា គិតត្រឹមពេលនេះអាជ្ញាធរសុខាភិបាលអាឡឺម៉ង់ទើបសម្រេចការចាក់វ៉ាក់សាំងជូនពលរដ្ឋខ្លួនបានត្រឹម ៦៦% ប៉ុណ្ណោះ

ចិន៖ ពលរដ្ឋនៅក្នុងទីក្រុងប៉េកាំងប្រទេសចិន​ត្រូវបានបណ្តាញសារព័ត៌មាន Channel News Asia រាយការណ៍ថា បាននាំគ្នាសម្រុកទៅទិញស្បៀងអាហារមកស្តុកទុកនៅតាមផ្ទះរៀងៗខ្លួន ខណៈរដូវរងានៅក្នុងប្រទេសចិនមកដល់ក្នុងពេលដ៏ឆាប់ៗខាងមុខនេះនិងស្របពេលដែលជំងឺកូវីដ ១៩ ហាក់កំពុងរាតត្បាតជាថ្មីម្តងទៀតនៅក្នុងប្រទេសចិនផងដែរ។ ការសម្រេចនាំគ្នាទៅទិញអាហារមករក្សាទុកនៅតាមផ្ទះនេះត្រូវបានធ្វើឡើងតាមការណែនាំរបស់ក្រសួងពាណិជ្ជកម្មចិន ដែលក្រសួងមួយនេះបានណែនាំឲ្យពលរដ្ឋក្នុងក្រុងប៉េកាំងគួរទិញសំខាន់ៗមួយចំនួនមករក្សាទុកមុនពេលរដូវរងាចូលមកដល់។ បើតាមក្រសួងពាណិជ្ជកម្មចិនបានបញ្ជាក់ថា ស្បៀងអាហារដែលពលរដ្ឋក្នុងក្រុងប៉េកាំងគួរទិញមករក្សាទុកនោះគឺជាប្រភេទអាហារដែលចាំបាច់ក្នុងការទទួលបានប្រចាំថ្ងៃមានដូចជា អង្ករ បន្ថែ និងម្សៅជាដើម ព្រោះក្រសួងបានព្យាករណ៍ថាអាហារប្រភេទនេះអាចមានការខ្វះខាតក្នុងការផ្គត់ផ្គង់ ដែលធ្វើឲ្យតម្លៃរបស់វាកើនឡើងខ្ពស់ជាមុនបន្តិច។ គួរបញ្ជាក់ថា រដូវរងានៅក្នុងប្រទេសចិនឹងត្រូវចាប់ផ្តើមពីដើមខែធ្នូឆ្នាំ ២០២១ រហូតដល់ ខែកុម្ភៈឆ្នាំ ២០២២ ខាងមុខនេះ ខណៈក្នុងពេលអំឡុងពេលនេះអាជ្ញាធរចិនបានរកឃើញករណីចម្លងមេរោគកូវីដ ១៩ ប្រភេទ Delta នៅក្នុងសហគមន៍ជាបន្តបន្ទាប់ផងដែរ៕ អត្ថបទ៖ ភក្តី ប្រភព៖ Channel

ឥណ្ឌា៖ យោងតាមការចុះផ្សាយរបស់បណ្តាញសារព័ត៌មាន Channel News Asia បានឲ្យដឹងថា អង្គការសុខភាពពិភពលោកកាលពីថ្ងៃពុធ ទី៣ ខែវិច្ឆិកាម្សិលមិននេះបានសម្រេចទទួលស្គាល់គុណភាពវ៉ាក់សាំងបង្ការជំងឺកូវីដ ១៩ របស់ប្រទេសឥណ្ឌាជាផ្លូវការហើយសម្រាប់ប្រើប្រាស់ក្នុងគ្រាបន្ទាន់។ វ៉ាក់សាំងកូវីដ ១៩ នេះគឺត្រូវបានផលិតឡើងក្រុមហ៊ុន Bharat Biotech ហើយវាក៏ជាវ៉ាក់សាំងដំបូងបំផុតផងដែរ ដែលត្រូវបានអភិវឌ្ឍន៍និងផលិតឡើងដោយក្រុមអ្នកជំនាញផ្នែកវេជ្ជសាស្រ្តឥណ្ឌាផ្ទាល់តែម្តង។ គួរបញ្ជាក់ថា នាពេលកន្លងមកមានវ៉ាក់សាំងបង្ការជំងឺកូវីដ ១៩ មួយចំនួនត្រូវបានផលិតឡើងដោយរោងចក្រដែលមានមូលដ្ឋាននៅក្នុងប្រទេសឥណ្ឌា តែវ៉ាក់សាំងទាំងនោះមិនមែនផលិតឡើងក្រោមបច្ចេកទេសវេជ្ជសាស្រ្តរបស់ឥណ្ឌាផ្ទាល់នោះទេ ពោលគឺក្រុមហ៊ុនផលិតឱសថបរទេសគ្រាន់តែទៅជួលដីធ្វើរោងចក្រផលិតវ៉ាក់សាំងលើទឹកដីឥណ្ឌាប៉ុណ្ណោះ ដ្បិតការចំណាយជាទូទៅក្នុងប្រទេសឥណ្ឌាមានតម្លៃទាបជាងនៅក្នុងបណ្តាប្រទេសផ្សេងៗ។ ​យ៉ាងណាក្តី ពេលនេះឥណ្ឌាមានវ៉ាក់សាំងបង្ការជំងឺកូវីដ ១៩ ជារបស់ខ្លួនផ្ទាល់ហើយ ដោយវ៉ាក់សាំងនេះមានឈ្មោះថា “Covaxin ”៕ អត្ថបទ៖ ភក្តី ប្រភព៖ Channel

ថៃ៖ កាលពីថ្ងៃពុធ ទី៣ ខែវិច្ឆិកា​ ម្សិលមិញនេះ លោក  Aswin Kwanmuang ដែលជាអភិបាលនៃគណៈអភិបាលក្រុងបាងកកបានចេញមកប្រកាសជាសាធារណៈថា  អាជ្ញាធរក្រុងបាងកកនឹងធ្វើការហាមឃាត់មិនឲ្យមានការបាញ់កាំជ្រួច បង្ហោះគោម និងដុតផាវនោះទេនៅក្នុងពិធីបុណ្យ Loy Krathong នៅក្នុងឆ្នាំនេះ ដែលតាមគម្រោងគឺពិធីបុណ្យនេះនឹងត្រូវប្រារព្ធធ្វើឡើងនៅក្នុងថ្ងៃទី ១៩ ខែវិច្ឆិកាខាងមុខនេះ។ លោក Aswin Kwanmuang លោក Aswin Kwanmuang បានអំពាវនាវឲ្យក្រុមអ្នកផលិត និងចែកចាយនូវឧបករណ៍ដែលបានហាមឃាត់ខាងលើត្រូវចូលរួមសហការណ៍ជាមួយនឹងអាជ្ញាធរផងដែរ ទើបបំរាមមួយនេះមានប្រសិទ្ធភាពខ្ពស់។ អភិបាលក្រុងរូបនេះបានបញ្ជាក់ថា អ្នកដែលល្មើសនឹងបំរាមខាងលើនេះ ពោលគឺនៅបន្តបាញ់កាំជ្រួច បង្ហោះគោម ឬដុតផាវជាដើម នឹងត្រូវពិន័យជាប្រាក់ចំនួន ៦០,០០០បាត