ម៉ាឡេស៊ី៖ យោងតាមការចុះផ្សាយនៅក្នុងបណ្តាញសារព័ត៌មាន Channel News Asia បានឲ្យដឹងថា កាលពីថ្ងៃសុក្រ ទី២៩ ខែតុលា ម្សិលមិញនេះប្រទេសម៉ាឡេស៊ីបានសម្រេចជាផ្លូវការហើយថា នឹងទិញវ៉ាក់សាំងបង្ការជំងឺកូវីដ ១៩ ប្រភេទ Pfizer សម្រាប់ចាក់ជូនពលរដ្ឋវ័យក្មេងរបស់ខ្លួនដែលមានអាយុចាប់ពី ៥ ដល់ ១១ឆ្នាំ។ ការសម្រេចរបស់អាជ្ញាធរសុខាភិបាលម៉ាឡេស៊ីននៅពេលនេះគឺត្រូវបានធ្វើឡើងក្រោយអ្នកជំនាញមកពីរដ្ឋបាលផ្នែកចំណីនិងឱសថអាមេរិកបានផ្តល់ដំបូន្មានជាជាសកលថា ការប្រើប្រាស់វ៉ាក់សាំង Pfizer ចំពោះក្រុមពលវ័យក្មេងគឺជាជម្រើសល្អបំផុត ព្រោះវ៉ាក់សាំងប្រភេទនេះអាចការពារពលរដ្ឋវ័យក្មេងពីមេរោគកូវីដ ១៩ ប្រភេទ Delta បានយ៉ាងមានប្រសិទ្ធភាព។​ គួរបញ្ជាក់ជូនថា គិតត្រឹមពេលនេះអាជ្ញាធរសុខាភិបាលម៉ាឡេស៊ីបានសម្រេចការចាក់វ៉ាក់សាំងបង្ការជំងឺកូវីដ ១៩ ជូនពលរដ្ឋខ្លួនបានចំនួនជាង ៧៤%ហើយ នៃចំនួនពលរដ្ឋសរុបចំនួន ៣២,៣៧

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា នៅក្នុងថ្ងៃសៅរ៍ ទី ៣០ ខែតុលា នេះ អាជ្ញាធរសុខាភិបាលនៃប្រទេសថៃបានរកឃើញអ្នកឆ្លងជំងឺកូវីដ ១៩ ថ្មីចំនួន ៩,២២៤ នាក់ រីឯអ្នកស្លាប់ដោយសារជំងឺកូវីដ ១៩ វិញគឺមានចំនួន ៨៨នាក់។ ទន្ទឹមនឹងការរកឃើញអ្នកឆ្លងថ្មី កាលពីថ្ងៃសុក្រ ទី ២៩ ខែតុលាម្សិលមិញនេះក៏មានអ្នកជំងឺកូវីដ ១៩ នៅទូទាំងប្រទេសថៃចំនួន ៨,៣០៥នាក់ត្រូវបានព្យាបាលឲ្យជាសះស្បើយ ១០០%​និងអនុញ្ញាតឲ្យត្រលប់ទៅផ្ទះជាធម្មតាវិញផងដែរ។ សូមបញ្ជាក់ជូនថា គិតត្រឹមពេលនេះអាជ្ញាធរសុខាភិបាលថៃបានរកឃើញអ្នកឆ្លងជំងឺកូវីដ ១៩ សរុបចំនួនជាង ១,៩ លាននាក់ និងស្លាប់សរុបជាង ១៩ ម៉ឺននាក់៕ អត្ថបទ៖

អង់គ្លេស៖  សមាគមវេជ្ជសាស្ត្រអង់គ្លេសបានព្រមានថា ផែនការរបស់រដ្ឋាភិបាលអង់គ្លេសដែលគ្រោងនឹងកំណត់ឲ្យការចាក់វ៉ាក់សាំងបង្ការជំងឺកូវីដ ១៩ ក្លាយជាកាតព្វកិច្ចសម្រាប់ក្រុមបុគ្គលិកសុខាភិបាល​នោះនឹងធ្វើឲ្យបាត់បង់បុគ្គលិកសុខាជាច្រើននាក់ ខណៈនាពេលបច្ចុប្បនេះអង់គ្លេសកំពុងខ្វះខាតបុគ្គលិកសុខាភិបាលយ៉ាងច្រើនរួចទៅហើយ។ បើតាមលោកវេជ្ជបណ្ឌិត Chaand Nagpaul ដែលជាប្រធានក្រុមប្រឹក្សានៃសមាគមវេជ្ជសាស្ត្រអង់គ្លេសបានបញ្ជាក់ថា គិតត្រឹមពេលនេះមានបុគ្គលិកសុខាភិបាលអង់គ្លេសប្រមាណជា ១០០,០០០ នាក់ ដែលមានទាំងវេជ្ជបណ្ឌិតជំនាញនិងគិលានុបដ្ឋាយិកាផងនោះនៅមិនទាន់បានចាក់វ៉ាក់សាំងបង្ការកូវីដ ១៩ នៅឡើយទេ។ ដើម្បីជំរុញឲ្យបុគ្គលិកទាំងនេះទៅចាក់វ៉ាក់សាំងកូវីដ ១៩ រដ្ឋាភិបាលនៃប្រទេសអង់គ្លេសគ្រោងនឹងដាក់ចេញនូវវិធានការតឹងរឹងមួយដោយកំណត់ថា បុគ្គលិកសុខាភិបាលណាដែលមិនទៅចាក់វ៉ាក់សាំងនឹងត្រូវបាត់បង់ការងារតែម្តង។ ជុំវិញបញ្ហានេះលោកវេជ្ជបណ្ឌិត Chaand Nagpaul បានព្យាករណ៍ថា ក្រុមបុគ្គលិកសុខាភិបាលដែលមិនទាន់បានចាក់វ៉ាក់សាំងទាំង ១០០,០០០ នាក់នោះអាចនឹងសម្រេចចិត្តបោះបង់ការងារចោលតែម្តង ជំនួសឲ្យការទៅចាក់វ៉ាក់សាំងដែលខុសពីការសម្រេចរបស់ពួកគេ។ លោកវេជ្ជបណ្ឌិតរូបនេះបានបង្ហាញនូវក្តីបារម្ភថា បើអង់គ្លេសត្រូវបាត់បង់បុគ្គលិកសុខាភិបាលរហូតដល់ ១០០,០០០ នាក់នោះគឺវានឹងធ្វើឲ្យប៉ះពាល់ដល់វិស័យសុខាភិបាលនៅទូទាំងប្រទេសយ៉ាងខ្លាំង ដ្បិតនៅក្នុងពេលបច្ចុប្បន្ននេះអាជ្ញាធរសុខាភិបាលអង់គ្លេសកំពុងខ្វះខាតវេជ្ជបណ្ឌិតប្រមាណជា ១០,០០០

សិង្ហបុរី៖ បុរសម្នាក់ត្រូវតុលាការសិង្ហបុរីកាត់ទោសឲ្យជាប់គុករយៈពេល ១សប្តាហ៍ បន្ទាប់ពីរូបគាត់បន្លំទៅបើកយកម៉ាស់ចំនួន ៦ ពីម៉ាស៊ីនផ្តល់ម៉ាស់ដោយស្វ័យប្រវត្តិនិងមិនគិតថ្លៃ ដែលអាជ្ញាធរសិង្ហបុរីបានដាក់នៅតាមទីសាធារណៈ។​ បុរសដែលត្រូវឃុំខ្លួននេះមានឈ្មោះថា Lee Chee Horng អាយុ ៤២ឆ្នាំ ជាពលរដ្ឋនៃប្រទេសម៉ាឡេស៊ីដែលទទួលបានសិទ្ធស្នាក់នៅបណ្តោះអាសន្នក្នុងប្រទេសសិង្ហបុរីកាលពីដើមឆ្នាំ ២០២១នេះ ដែលនៅក្នុងអំឡុងពេលនោះសិង្ហបុរីកំពុងប្រឈមនឹងការរាត្បាតជំងឺកូវីដ ១៩យ៉ាងខ្លាំង។ ក្នុងអំឡុងពេលមានការរាតត្បាតជំងឺកូវីដ ១៩ខ្លាំងនោះ មូលនិធិ Temasek Foundation របស់អាជ្ញាធរសិង្ហបុរីបានសម្រេចផ្តល់ម៉ាស់ចំនួន ១ ក្នុងមួយ ១ថ្ងៃ ទៅកាន់ពលរដ្ឋសិង្ហបុរីទាំងអស់ ដោយពលរដ្ឋម្នាក់ៗអាចទៅបើកយកម៉ាស់នោះពីម៉ាស៊ីនស្វ័យប្រវត្តិដែលអាជ្ញាធរបានដាក់នៅតាមទីប្រជុំជនសំខាន់ៗនៅទូទាំងប្រទេស។ ដើម្បីអាចទទួលបានម៉ាស់នោះបានគេត្រូវបញ្ចូលលេខកូដសម្ងាត់និងប្រើប្រាស់ប័ណ្ណមួយចំនួន ដែលអាជ្ញាធរបានផ្តល់ជូនពលរដ្ឋដាច់ដោយឡែកពីគ្នាដើម្បីធានាបានថា ពលរដ្ឋម្នាក់អាចទៅបើកម៉ាស់បានតែមួយប៉ុណ្ណោះក្នុងមួយថ្ងៃ។ ដោយឡែកសម្រាប់លោក Lee Chee

ចិន៖ ក្រុមនិសិ្សតនៅក្នុងប្រទេសចិនមួយចំនួនបានដាក់ពាក្យប្តឹងក្រុមហ៊ុន​ Apple ទៅកាន់តុលាការ ក្រោយពួកគេបានទិញទូរស័ព្ទ iPhone 12 ដោយគ្មានដុំសម្រាប់សាកថ្ម។ នៅក្នុងពាក្យបណ្តឹងរបស់ក្រុមនិស្សិតទាំងនេះបានបញ្ជាក់ថា ពេលទៅទិញទូរស័ព្ទគឺពួកគេរំពឹងថា​នឹងទទួលបានទាំងទូរស័ព្ទ​ ខ្សែសម្រាប់សាកថ្ម និងដុំសម្រាប់សាកថ្មស្របតាមការផ្សព្វផ្សាយរបស់ក្រុមហ៊ុន តែជាក់ស្តែងនៅក្នុងប្រអប់ទូរស័ព្ទនោះគឺមានតែខ្សែសាកថ្ម USB-C ប៉ុណ្ណោះ ដូចនេះពួកគេមិនអាចបញ្ចូលថ្មទូរស័ព្ទបានឡើយ។ នៅក្នុងពាក្យបណ្តឹងនោះក្រុមនិស្សិតចិននោះគឺពួកគេបានទាមទារឲ្យក្រុមហ៊ុន Apple ត្រូវសងជំងឺចិត្តដល់ពួកគេ ដ្បិតពួកគេត្រូវចំំណាយលុយចំនួន ១៦ដុល្លារបន្ថែមទៀតដើម្បីទិញដុំសាកថ្មយកទៅប្រើប្រាស់។ ឆ្លើយតបចំពោះបញ្ហានេះក្រុមហ៊ុន Apple ប្រាប់ទៅកាន់តុលាការក្រុងប៉េកាំងថា ការមិនបញ្ចូលដុំសាកថ្មនៅក្នុងប្រអប់ទូរស័ព្ទគឺជាជម្រើសមួយ ដែលក្រុមហ៊ុនបានដាក់ចេញដោយគោរពតាមគោលការណ៍កាត់បន្ថយកាកសំណល់អេឡិចត្រូនិច ហើយជម្រើសនេះគឺល្អបំផុតសម្រាប់អតិថិជនចាស់របស់ក្រុមហ៊ុនព្រោះពួកគេអាចទិញទូរស័ព្ទ iPhone ថ្មី ដោយបន្តប្រើជាមួយដុំសាកថ្មរបស់ទូរស័ព្ទចាស់បាន។ រហូតមកទល់នឹងពេលនេះរឿងចម្រូងចម្រាសមួយនេះនៅបន្តក្នុងការស៊ើបអង្កេតនៅឡើយ​ ហើយគេនៅមិនដឹងទាន់ច្បាស់ថា នៅទីបញ្ចប់ក្រុមហ៊ុន iPhone

ថៃ៖ លោក Sathit Pitutecha ដែលជាឧបនាយករដ្ឋមន្ត្រីនិងជារដ្ឋមន្ត្រីក្រសួងសុខាភិបាលសាធារណៈនៃប្រទេសថៃបានប្រាប់ឲ្យដឹងតាមរយៈបណ្តាញសារព័ត៌មាន បាងកកប៉ុស្តិ៍ ថា ការរកឃើញករណីឆ្លងមេរោគកូវីដ ១៩ ប្រភេទ Delta Plus នៅក្នុងសហគមន៍នឹងមិនធ្វើឲ្យប៉ះពាល់ដល់គម្រោងបើកប្រទេសដើម្បីស្វាគមន៍ភ្ញៀវទេសចរណ៍អន្តរជាតិនោះទេ។ គួររម្លឹកថា តាមគម្រោងគឺនៅថ្ងៃទី ១ ខែវិច្ឆិកាខាងមុខនេះអាជ្ញាធរថៃនឹងអនុញ្ញាតឲ្យភ្ញៀវទេសចរណ៍មកពីប្រទេសមានហានិភ័យទាបនៃការរាតត្បាតជំងឺកូវីដ ១៩ អាចចូលមកកំសាន្តនៅក្នុងប្រទេសខ្លួនបានដោយមិនចាំបាច់ត្រូវធ្វើចត្តាឡីស័ក ខណៈប្រទេសទាំងនោះមានចំនួន ៤៥រួមទាំងប្រទេសកម្ពុជាផងដែរ។ អត្ថបទ៖ ភក្តី ប្រភព៖ បាងកកប៉ុស្តិ៍

ថៃ៖ អ្នកជំនាញថៃបានអះអាងថា មេរោគនៃជំងឺកូវីដ ១៩ បំប្លែងខ្លួនថ្មីប្រភេទ Delta Plus គឺមានលទ្ធភាពនៃការចម្លងខ្លាំងជាងមេរោគប្រភេទ Delta រហូតដល់ទៅ ១៥% ខណៈអាជ្ញាធរសុខាភិបាលថៃបានរកឃើញករណីឆ្លងមេរោគបំប្លែងខ្លួនថ្មីនេះនៅក្នុងសហគមន៍ចំនួន ១ករណីរួចទៅហើយកាលពីថ្ងៃម្សិលមិញនេះ។ យោងតាមការចុះផ្សាយរបស់បណ្តាញសារព័ត៌មាន The Thaiger បានឲ្យដឹងថា​  អ្នកជំនាញថៃដែលបានធ្វើការអះអាងខាងលើនេះគឺលោកវេជ្ជ​បណ្ឌិត Chalermchai ដែលជាអនុប្រធានគណៈកម្មាធិការសុខភាពននៃព្រឹទ្ធសភាថៃ។ បើតាមលោកវេជ្ជ​បណ្ឌិត Chalermchai បានបញ្ជាក់បន្ថែមថា ការរកឃើញករណីទី ១នៃការឆ្លងមេរោគ Delta Plus​​ នៅក្នុងសហគមន៍ក៏បានបង្កើតជាក្តីបារម្ភថ្មីមួយចំពោះអាជ្ញាធរថៃផងដែរ ព្រោះបើមេរោគប្រភេទនេះបន្តរាតត្បាតច្រើនករណីបន្ថែមទៀតគឺគេនឹងពិបាកទប់ទល់ជាមួយវាខ្លាំងណាស់។ គួរបញ្ជាក់ថា មេរោគកូវីដ ១៩ ប្រភេទ Delta Plus​​ បានកំពុងតែមានវត្តមាននៅក្នុងបណ្តាប្រទេសធំៗមួយចំនួនរួចហើយ ខណៈគិតត្រឹមពេលបច្ចុប្បន្ននេះប្រទេសអង់គ្លេសហាក់មានការរាតត្បាតមេរោគប្រភេទនេះច្រើនជាងគេ​

អាមេរិក៖ ក្រុមអ្នកជំនាញរបស់រដ្ឋបាលផ្នែកចំំណីអាហារនិងឱសថអាមេរិកបានបោះឆ្នោតគាំទ្រឲ្យមានការប្រើប្រាស់វ៉ាក់សាំងបង្ការជំងឺកូវីដ ១៩ ប្រភេទ Pfizer ចំពោះក្រុមពលរដ្ឋវ័យក្មេងដែលមានអាយុចាប់ពី ៥ដល់១១ឆ្នាំហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ បើតាមក្រុមដោយអ្នកជំនាញទាំងនោះបានអះអាងថា គុណប្រយោជន៍នៃចាក់វ៉ាក់សាំងនេះគឺមានទំហំធំធេងជាងហានិភ័យដែលអាចកើតមាន ព្រោះថាបើគេមិនចាក់វ៉ាក់សាំងប្រភេទនេះចំពោះក្រុមពលរដ្ឋវ័យក្មេងទេ គឺពួកគេងាយនឹងឆ្លងជំងឺកូវីដ ១៩ ប្រភេទ Delta ខ្លាំងណាស់។ ជាក់ស្តែងបើតាមរបាយការណ៍របស់អាជ្ញាធរសុខាភិបាលអាមេរិកបានបង្ហាញថា គិតត្រឹមពេលនេះមានកុមារនៅអាមេរិកប្រមាណជា ៥០០នាក់ ដែលបានស្លាប់បាត់បង់ជីវិតព្រោះតែជំងឺកូវីដ ១៩។ គួរបញ្ជាក់ថា តាមគម្រោងគឺអាមេរិកនឹងត្រូវចាក់វ៉ាក់សាំងជូនពលរដ្ឋវ័យក្មេងជាង ២៨លាននាក់ ដែលត្រូវត្រលប់មកកាន់សាលារៀននិងត្រូវរៀនជុំគ្នាជាធម្មតាវិញ។ ចំពោះការចាក់វ៉ាក់សាំងជាទូទៅវិញគិតត្រឹមពេលនេះអាមេរិកបានសម្រេចការចាក់វ៉ាក់សាំងជូនពលរដ្ឋខ្លួនបាន​ ៥៧%ហើយ ខណៈអាមេរិកមានពលរដ្ឋជាង ៣៣០លាននាក់៕ ប្រភព៖ Channel News

ចិន៖ ស្រ្តីជា Influencer ឬតារាល្បីតាមបណ្តាញអ៊ីនធឺណិតនៅក្នុងប្រទេសចិនម្នាក់បានស្លាប់បាត់បង់ជីវិត បន្ទាប់ពីរូបគាត់ព្យាយាមផឹកថ្នាំសម្លាប់សត្វល្អិតដើម្បីទាក់ទាញចំណាប់អារម្មណ៍ពីអ្នកទស្សនា ហើយក៏ផឹកជ្រុលរហូតពុលស្លាប់តែម្តង។ បើយោងតាមការចុះផ្សាយនៅក្នុងបណ្តាញសារព័ត៌មាន World of Buzz បានឲ្យដឹងថា ស្រី្តជាជនរងគ្រោះរូបនេះមានឈ្មោះថា Luo ជាបុគ្គលម្នាក់ដែលមានឈ្មោះល្បីល្បាញនៅលើបណ្តាញសង្គម Douyin (កម្មវិធី TikTok កំណែពិសេសសម្រាប់ប្រើប្រាស់តែនៅក្នុងប្រទេសចិន) ហើយជាធម្មតាគាត់តែងទទួលផ្សព្វផ្សាយផលិតផលឲ្យក្រុមហ៊ុនធំៗមួយចំនួន ព្រោះគណនីបណា្តញសង្គមរបស់គាត់មានអ្នកគាំទ្រជាច្រើន។ យ៉ា​ងណាក្តី កាលពីពេលថ្មីៗនេះតារាអ៊ីនធឺណិតដ៏ស្រស់ស្អាតរូបនេះបានធ្វើការ live វីដេអូនិយាយរៀបរាប់អំពីរឿងរ៉ាវពិបាកចិត្តមួយដែលជាវិបត្តិផ្ទាល់ខ្លួនរបស់គាត់ ខណៈនៅក្បែរគាត់នោះមានថ្នាំសម្លាប់សត្វល្អិតមួយដបទៀតផង។ ដោយប្រទះឃើញដបថ្នាំសម្លាប់សត្វល្អិតនោះ ក្រុមអ្នកគាំទ្រមាត់ឆៅមួយចំនួនបានប្រាប់ឲ្យគាត់ផឹកថ្នាំសម្លាប់សត្វល្អិតនោះតែម្តងទៅដើម្បីបញ្ចប់បញ្ហាគ្រប់យ៉ាង។ ក្រោយមានការញុះញង់ច្រើនពីសំណាក់ក្រុមអ្នកគាំទ្រ អ្នកនាង Luo ក៏បានផឹកថ្នាំសម្លាប់សត្វនោះមែន តែការផឹកថ្នាំពុលនោះត្រូវបានមិត្តភក្តិរបស់គាត់ម្នាក់ទម្លាយឲ្យដឹងថា គឺគាត់មានបំណងចង់ផឹកក្នុងបរិមាណតិចតួចដើម្បីទាក់ទាញការចាប់ពីអារម្មណ៍ក្រុមអ្នកគាំទ្រនិងអតីតមិត្តប្រុសរបស់គាត់ប៉ុណ្ណោះ​ ពោលគឺគាត់គ្មានចេតនាចង់សម្លាប់ខ្លួននោះទេ។ ក្នុងពេល

កូរ៉េខាងត្បូង៖ បណ្តាញសារព័ត៌មាន Channel News Asia បានឲ្យដឹង​ថា ប្រទេសកូរ៉េខាងត្បូងគ្រោងនឹងបើកប្រទេសឲ្យត្រលប់មករកភាពធម្មតាវិញនៅដើមឆ្នាំ ២០២២ ខាងមុខនេះ បន្ទាន់ពីអាជ្ញាធរសុខាភិបាលកូរ៉េខាងត្បូងបានសម្រេចការចាក់វ៉ាក់សាំងជូនពលរដ្ឋបានជាង ៧០% រួចទៅហើយ បើគិតត្រឹមសប្តាហ៍នេះ។ ចំពោះកាលបរិច្ឆេតជាក់សាក់សម្រាប់ការបើកប្រទេសនោះគឺអាជ្ញាធរកូរ៉េខាងត្បូងបានកំណត់យកថ្ងៃទី ២០ ខែកុម្ភៈ ឆ្នាំ ២០២២ ដោយចាប់ពីពេលនេះតទៅអាជ្ញាធរកូរ៉េខាងត្បូងនឹងសម្រេចបន្ធូរបន្ថយវិធានការរឹតបន្តឹងប្រទេសបន្តិចម្តងៗជាច្រើនដំណាក់កាលផងដែរ។ តាមគម្រោងគឺអាជ្ញាធរកូរ៉េខាងត្បូងនឹងលុបចោលវិធានការរក្សាគម្លាតសង្គម អនុញ្ញាតឲ្យមានការជួបជុំគ្នាឡើងវិញ តែសម្រាប់វិធានការពាក់ម៉ាស់នៅទីសាធារណៈគឺនៅបន្តអនុវត្តដដែល។ ដោយឡែកចំពោះ កន្លែងកំសាន្តដែលមានហានិភ័យខ្ពស់ក្នុងការចម្លងជំងឺកូវីដ ១៩ វិញ ដូចជាក្លឹបរាត្រី បារ និងខារ៉ាអូខេជាដើមនឹងត្រូវអនុញ្ញាតឲ្យបើកជូនសម្រាប់តែអតិថិជនណាដែលបានចាក់វ៉ាក់សាំងរួចរាល់ប៉ុណ្ណោះ។ គួរបញ្ជាក់ថា នាពេលកន្លងមកកូរ៉េខាងត្បូងត្រូវគេចាត់ថាគឺជាប្រទេសមួយដែលអាចគ្រប់គ្រងការរាតត្បាតជំងឺកូវីដ ១៩ បានយ៉ាងល្អ ដោយកូរ៉េខាងត្បូងបានផ្តោតយ៉ាងខ្លាំងចំពោះការធ្វើតេស្តប្រជាពលរដ្ឋ