កម្ពុជាគ្រោងនឹងបញ្ជូនមន្ត្រីជំនាញរបស់ខ្លួនទៅកាន់ប្រទេសថៃដើម្បីត្រួតពិនិត្យសំណង់ប្រាសាទថ្មីមួយដែលថៃកំពុងសាងសង់និងមានរូបរាងដូចប្រាសាទអង្គរវត្ត។ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានបញ្ជាក់ថា សំណង់ប្រាសាទដែលថៃកំពុងសាងសង់នេះមានទីតាំងស្ថិតនៅក្នុងវត្ត Wat Phu Man Fah ក្នុងស្រុក Nang Rong​ ខេត្ត Buri Ram ដោយថៃបានហៅប្រាសាទនេះថា “Sihanakhon” ខណៈគោលបំណងដែលថៃសម្រេចសាងសង់ប្រាសាទនេះឡើងគឺដើម្បីទាក់ទាញភ្ញៀវទេសចរណ៍។ នាពេលកន្លងមកអាជ្ញាធរថៃធ្លាប់បាននិយាយថា ថៃមិនបានលួចចម្លងរចនាបថប្រាសាទអង្គរវត្តរបស់កម្ពុជាសម្រាប់សាងសង់ប្រាសាទថ្មីនេះទេ ដ្បិតប្រាសាទថ្មីនេះត្រូវគេរចនាឡើងដោយមានការលាយបញ្ចូលគ្នារវាងរចនាបថនៃប្រាសាទជាច្រើនតាមបែបព្រះពុទ្ធសាសនា។ យ៉ា​ងណាក្តី បើតាមលោក Hab Touch ដែលជាប្រធាននាយកដ្ឋានបច្ចេកទេសវប្បធម៌នៃក្រសួងវប្បធម៌និងវិចិត្រសិល្បៈកម្ពុជាបានបញ្ជាក់ថា កម្ពុជាមិនអាចទទួលយកបាននោះទេចំំពោះការលើកឡើងរបស់ភាគីដូចខាងលើនេះ ព្រោះកម្ពុជាបានមើលឃើញថាប្រាសាទដែលថៃកំពុងសាងសង់នោះគឺមានលក្ខណៈដូចប្រាសាទអង្គរវត្តរបស់កម្ពុជា ១០០% តែម្តង ដូចនេះហើយកម្ពុជាត្រូវតែបញ្ជូនមន្ត្រីជំនាញរបស់ខ្លួនដើម្បីទៅពិនិត្យនិងដោះស្រាយបញ្ហាមួយនេះ។ យ៉ាងណាក្តី ប្រធាននាយកដ្ឋានរូបនេះមិនបានបង្ហើបឲ្យដឹងពីវិធានការនិងពេលវេលាជាក់ស្តែងដែលភាគីកម្ពុជានឹងដោះស្រាយបញ្ហានេះនៅឡើយទេ ដ្បិតពេលនេះការធ្វើដំណើរទៅកាន់ប្រទេសថៃក៏មានការរំខានដោយបញ្ហាកូវីដ ១៩

កូរ៉េខាងត្បូង៖ យោងតាមការចុះផ្សាយនៅក្នុងសារព័ត៌មាន Channel News Asia បានឲ្យដឹងថា សភានៃប្រទេសកូរ៉េខាងត្បូងបានសម្រេចបោះឆ្នោតធ្វើវិសោធនកម្មលើច្បាប់មួយចំនួន ដែលអាចនាំឲ្យមានការហាមឃាត់ចំពោះក្រុមហ៊ុន Google និង Apple មិនឲ្យគិតលុយច្រើនហួសហេតុពីក្រុមអ្នកអភិវឌ្ឍកម្មវិធីសម្រាប់ដាក់់់លក់នៅក្នុង App Store និង Google Store។ ច្បាប់ដែលសភាកូរ៉េខាងត្បូងសម្រេចធ្វើវិសោធនកម្មនោះគឺជាច្បាប់ពាណិជ្ជកម្មទូរគមនាគមន៍ ហើយក្រោយពីធ្វើវិសោធនកម្មលើច្បាប់នេះរួច សភាកូរ៉េខាងត្បូងនឹងអាចបង្កើតបានច្បាប់ថ្មីមួយគឺច្បាប់់ “ប្រឆាំងនឹងក្រុមហ៊ុន Google” (“Anti-Google law”) ខណៈតាមរយៈច្បាប់ថ្មីនេះគេរំពឹងថា នឹងអាចជះឥទ្ធិពលដល់សេដ្ឋកិច្ចជាតិកូរ៉េខាងត្បូងបានយ៉ាងច្រើនផងដែរ។ គួររម្លឹកថា នាពេលកន្លងមកក្រុមហ៊ុន Google និង Apple បានទទួលរងនូវការរិះគន់យ៉ាងខ្លាំងពីសំណាក់គណៈកម្មការអភិវឌ្ឍកម្មវិធីនៅទូទាំងពិភពលោក ក្រោយក្រុមហ៊ុនទាំង ២ នេះតម្រូវឲ្យអ្នកអភិវឌ្ឍកម្មវិធីត្រូវបង់កម្រៃជើងសាយ៉ាងច្រើនមកកាន់ក្រុមហ៊ុនខ្លួន ពោលគឺរហូតដល់

ថៃ៖ ក្រសួងសុខាភិបាលសាធារណៈថៃកំពុងស្នើសុំការអនុម័តពីមជ្ឈមណ្ឌលគ្រប់គ្រងជំងឺកូវីដ ១៩ ដើម្បីអនុញ្ញាតឲ្យភោជនីយដ្ឋាននៅក្នុងប្រទេសថៃអាចបើកទទួលអតិថិជនវិញបាន ដែលការស្នើសុំនេះត្រូវបានធ្វើឡើងក្រោយចំនួនអ្នកឆ្លងកូវីដ ១៩ ប្រចាំថ្ងៃនៅទូទាំងប្រទេសថៃបានបន្តធ្លាក់ចុះជាច្រើនថ្ងៃជាប់គ្នាមកហើយ។ យ៉ា​ងណាក្តី នៅក្នុងសំណើរបស់ក្រសួងសុខាភិបាលថៃនោះបានបញ្ជាក់ថា ភោជនីយដ្ឋានដែលគ្រោងនឹងបើកទទួលអតិថិជនវិញនោះក៏ត្រូវបន្តអនុវត្តវិធានការសុខាភិបាលមួយចំនួនផងដែរដូចជា ទទួលតែអតិថិជនដែលបានចាក់វ៉ាក់សាំងបង្ការជំងឺកូវីដ ១៩ រួចរាល់ រក្សាគម្លាតសង្គមនៅក្នុងភោជនីយដ្ឋានដោយរៀបចំតុអង្គុយត្រឹម ៥០%ប៉ុណ្ណោះ ហើយបុគ្គលិកបម្រើការងារនៅក្នុងភោជនីយដ្ឋានក៏តម្រូវឲ្យធ្វើតេស្តរកជំងឺកូវីដ ១៩ ជាប្រចាំផងដែរ។ បើតាមលោក Anutin Charnvirakul ដែលជាឧបនាយករដ្ឋមន្ត្រីនិងជារដ្ឋមន្ត្រីក្រសួងសុខាភិបាលថៃបានឲ្យដឹងថា បើគម្រោងខាងលើនេះមិនបានបង្កឲ្យមានការរាតត្បាតជំងឺកូវីដ ១៩ ឡើងវិញនោះទេ ពោលគឺចំនួនអ្នកឆ្លងប្រចាំថ្ងៃនៅតែបន្តថយចុះអាជ្ញាធរថៃនឹងពិចារណាអនុញ្ញាតឲ្យអាជីវកម្មដូចជាក្លឹបហាត់ប្រាណ និងសកម្មភាពកីឡាមួយចំនួនអាចបើកដំណើរការវិញផងដែរ។  គួរបញ្ជាក់ជូនថា ជាងមួយសប្តាហ៍មកហើយដែលតួលេខអ្នកឆ្លងជំងឺកូវីដ ១៩ ប្រចាំថ្ងៃនៅក្នុងប្រទេសថៃបានធ្លាក់ចុះក្រោម ២ម៉ឺននាក់ ហើយនៅក្នុងថ្ងៃពុធ ទី ២៥

អាមេរិក៖ ការសិក្សាមួយបានបង្ហាញថា ប្រសិទ្ធភាពរបស់វ៉ាក់សាំងបង្ការជំងឺកូវីដ ១៩ ប្រភេទ Pfizer ​និង Moderna សម្រាប់ប្រឆាំងនឹងមេរោគកូវីដ ១៩ បំប្លែង Delta នឹងធ្លាក់ចុះសល់ត្រឹម ៦៦% ប៉ុណ្ណោះ។ ការសិក្សាមួយនេះត្រូវបានធ្វើឡើងដោយមជ្ឈមណ្ឌលគ្រប់គ្រងនិងបង្ការជំងឺឆ្លងអាមេរិក ដែលបានសិក្សាទៅលើក្រុមបុគ្គលិកសុខាភិបាលជួរមុខនិងក្រុមអ្នកផ្តល់សេវាថែទាំសុខភាពរាប់ពាន់នាក់នៅក្នុងរដ្ឋធំៗចំនួន ៦ នៅសហរដ្ឋអាមេរិក ខណៈក្រុមបុគ្គលិកទាំងនេះមានកាតព្វកិច្ចត្រូវធ្វើតេស្តរកជំងឺកូវីដ ១៩ រៀងរាល់ដើមសប្តាហ៍មុននឹងចូលទៅធ្វើការងារ បើទោះជាពួកគាត់គ្មានរោគសញ្ញាអ្វីដោយក៏ដោយ។ គួររម្លឹកថា នាពេលកន្លងមកវ៉ាក់សាំងប្រភេទ Pfizer ​និង Moderna ធ្លាប់ត្រូវបានគេរកឃើញថា មានប្រសិទ្ធភាពទប់នឹងមេរោគកូវីដ ១៩ ធម្មតាបានរហូតដល់ ៩១% ឯណោះ

អ៊ីស្រាអែល៖ ការសិក្សាមួយរបស់អាជ្ញាធរសុខាភិបាលអ៊ីស្រាអែលដែលបានចុះផ្សាយនៅក្នុងសារព័ត៌មាន Daily Mail បានបង្ហាញថា ការចាក់វ៉ាក់សាំងបង្ការជំងឺកូវីដ ១៩ ប្រភេទ Pfizer សម្រាប់ជាដូសជំរុញឬដូសទី ៣ ចំពោះពលរដ្ឋដែលមានអាយុលើសពី ៦០ឆ្នាំឡើងទៅនឹងជួយបង្កើតប្រព័ន្ធការពាររាងកាយបានយ៉ាងច្រើនគួរឲ្យកត់សម្គាល់ បើធ្វើការប្រៀបធៀបទៅនឹងពលរដ្ឋដែលមានអាយុដូចគ្នាហើយចាក់វ៉ាក់សាំងបានត្រឹមតែ ២ដូស។ ទិន្នន័យនៅក្នុងការសិក្សាបានបញ្ជាក់ថា ប្រព័ន្ធការពាររាងកាយសម្រាប់ប្រឆាំងទៅនឹងការចម្លងមេរោគនៅក្នុងខ្លួនពលរដ្ឋដែលបានចាក់វ៉ាក់សាំង Pfizer ជាដូសជំរុញនោះបានកើនឡើងរហូតចំនួន ៤ដង ក្រោយពេលចាក់វ៉ាក់សាំងដូសទី ៣ បានត្រឹមតែ ១០ថ្ងៃប៉ុណ្ណោះ។ ជាងនេះទៅទៀតរបាយការណ៍ដដែលនេះក៏បានបង្ហាញដែរថា ចំពោះប្រសិទ្ធភាពការពារមិនឲ្យមានជំងឺធ្ងន់ធ្ងរវិញគឺបានកើនឡើងខ្លាំងជាងមុនរហូតដល់ ៥-៦ដងឯណោះ។ គួររម្លឹកថា អ៊ីស្រាអែលគឺជាប្រទេសដំបូងគេបង្អស់ក្នុងពិភពលោកដែលបានចាប់ផ្តើមចាក់វ៉ាក់សាំងដូសជំរុញទៅកាន់ពលរដ្ឋមានអាយុលើសពី ៦០ឆ្នាំ ខណៈរហូតមកទល់នឹងពេលអ៊ីស្រាអែលបានសម្រេចការចាក់វ៉ាក់សាំងដូសទី ៣ ជូនពលរដ្ឋវ័យចំណាស់បានជាង ១

ឥណ្ឌូនេស៊ី៖ សារព័ត៌មាន Channel News Asia បានរាយការណ៍ថា តុលាការឥណ្ឌូនេស៊ីកាត់ទោសអតីតរដ្ឋមន្ត្រីម្នាក់ឲ្យជាប់គុក ១២ ឆ្នាំជុំវិញករណីពុករលួយកូវីដ​១៩។ ជនល្មើសរូបនេះមានឈ្មោះថា Juliari Batubara ជាអតីតរដ្ឋមន្ត្រីក្រសួងកិច្ចការសង្គមនៃប្រទេសឥណ្ឌូនេស៊ី ហើយរូបគាត់ត្រូវបានចាប់ខ្លួនកាលពីខែធ្នូឆ្នាំកន្លងទៅនេះ បន្ទាប់ពីគេបានរកឃើញថា គាត់បានកេងប្រវ័ញ្ចលុយជំនួយសម្រាប់ទិញអាហារផ្តល់ជូនជនរងគ្រោះដោយវិបត្តិនៃការរាតត្បាតជំងឺកូវីដ ១៩ ចំនួន ១,២ លានដុល្លារទុកក្នុងខោប៉ាវខ្លួនឯង។                          លោក Juliari

ថៃ៖ អាជ្ញាធរសុខាភិបាលនៃប្រទេសថៃបានប្រកាសពីការរកឃើញមេរោគជំងឺកូវីដ ១៩ ថ្មីចំនួន ៤ ប្រភេទបន្ថែមទៀត ដែលមេរោគទាំងនេះសុទ្ធតែជាមេរោគបំប្លែងខ្លួនចេញពីមេរោគ Delta។ បើយោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានបញ្ជាក់ថា ការរកឃើញមេរោគបំប្លែងថ្មីចំនួន ៤ ប្រភេទនេះត្រូវបានធ្វើឡើងដោយក្រុមអ្នកជំនាញផ្នែកមេរោគនៅក្នុងមន្ទីរពេទ្យ Ramathibodi ក្នុងទីក្រុងបាងកក ខណៈមេរោគទាំងនេះក៏បានឆ្លងចូលទៅក្នុងសហគមន៍ថៃរួចហើយដែរ។ លោកវេជ្ជបណ្ឌិត Wasun Chatratita ដែលជាប្រធានមជ្ឈមណ្ឌលវេជ្ជសាស្រ្តហ្សែនក្នុងមន្ទីរពេទ្យខាងលើនេះបានបញ្ជាក់ថា មេរោគកូវីដ ១៩ បំប្លែងខ្លួនថ្មីទាំង ៤ប្រភេទនោះរួមមាន មេរោគប្រភេទ AY.4 (B.1.617.2.4) ត្រូវបានរកឃើញក្នុងសំណាកអ្នកជំងឺចំនួន ៣%នៅក្នុងខេត្ត Pathum Thani, មេរោគប្រភេទ AY.6 (B.1.617.2.6)

វៀតណាម៖ យោងតាមការចុះផ្សាយនៅក្នុងសារព័ត៌មាន Channel News Asia បានឲ្យដឹងថា អាជ្ញាធរវៀតណាមបានសម្រេចដាក់ពង្រាយទាហានជាច្រើននាក់នៅតាមដងផ្លូវក្នុងទីក្រុងហូជីមិញ ខណៈទីក្រុងពាណិជ្ជកម្មដ៏សំខាន់មួយនេះត្រូវអនុវត្តវិធានការបិទខ្ទប់ដើម្បីទប់ស្កាត់ការរាតត្បាតជំងឺកូវីដ ១៩។ ប្រភពខាងលើបានបន្តថា កម្លាំងទាហានវៀតណាមដែលត្រូវបានគេដាក់ពង្រាយនោះគឺដើម្បីត្រួតពិនិត្យការធ្វើដំណើរចេញពីផ្ទះរបស់ប្រជាពលរដ្ឋនិងត្រួតពិនិត្យការធ្វើដំណើររបស់ក្រុមអ្នកដឹកជញ្ជូនចំណីអាហារ ខណៈក្រុមទាហានទាំងនោះក៏មានបំពាក់នូវអាវុធជាប់ខ្លួនជាប្រចាំផងដែរ។ គួរបញ្ជាក់ថា ទីក្រុងហូជីមិញដែលមានពលរដ្ឋរស់នៅជាង ៩ លាននាក់ត្រូវបានអនុវត្តវិធានការរឹតបន្តឹងតាំងពីដើមខែមុនម្លះ ក្រោយទីក្រុងមួយនេះបានផ្ទុះការរាតត្បាតខ្លាំងនូវមេរោគកូវីដ ១៩ បំប្លែងខ្លួន Delta។ គិតត្រឹមពេលនេះទីក្រុងហូជីមិញបានរកឃើញអ្នកឆ្លងកូវីដ ១៩ ចំនួន ១៧៦,០០០ នាក់ស្មើនឹងពាក់កណ្តាលនៃចំនួនអ្នកឆ្លងនៅទូទាំងប្រទេសនិងអ្នកស្លាប់ចំនួន ៦,៦៧០នាក់ ដែលស្មើនឹង ៨០%នៃករណីស្លាប់នៅទូទាំងប្រទេស ខណៈចំនួនអ្នកឆ្លងសរុបនៅក្នុងវៀតណាមមានចំនួន ៣៤៨,០០០ នាក់និងស្លាប់សរុប ៨,២៧៧នាក់។ សូមបញ្ជាក់ផងដែរថា គិតត្រឹមពេលនេះវៀតណាមទើបសម្រេចការចាក់វ៉ាក់សាំងបង្ការជំងឺកូវីដ​

អង់គ្លេស៖ យោងតាមការចុះផ្សាយនៅក្នុងសារព័ត៌មាន Daily Mail បានឲ្យដឹងថា អាជ្ញាធរអង់គ្លេសបានសម្រេចពន្យាពេលបើកសាលាសម្រាប់ថ្នាក់អនុវិទ្យាល័យយ៉ាងយោចណាស់ ១សប្តាហ៍បន្ថែមទៀ​ត ដើម្បីយកពេលធ្វើតេស្តរកជំងឺកូវីដ ១៩ ក្នុងចំណោមក្រុមកូនសិស្សរាប់លាននាក់នៅទូទាំងប្រទេសមុននឹងអនុញ្ញាតឲ្យពួកគេត្រលប់មករៀនក្នុងថ្នាក់ជុំគ្នាវិញ។ បើតាមលោក  Gavin Williamson ដែលជារដ្ឋលេខាធិការនៃក្រសួងអប់រំអង់គ្លេសបានឲ្យដឹងថា ការសម្រេចពន្យាពេលនេះគឺដើម្បីអនុញ្ញាតឲ្យតាមសាលារៀនទាំងអស់មានពេលវេលាគ្រប់គ្រាន់សម្រាប់ធ្វើតេស្តរកជំងឺកូវីដ ១៩ ឲ្យបានចំនួន ២​ដងចំពោះកូនសិស្សម្នាក់ ខណៈការបើកសាលាជាផ្លូវការអាចនឹងចាប់ផ្តើមនៅក្នុងអំឡុងសប្តាហ៍ទី ២ នៃខែកញ្ញាខាងមុខនេះ។ រដ្ឋលេខាធិការរូបនេះបានបន្តថា​ បន្ថែមពីការធ្វើតេស្តចំពោះគ្រប់កូនសិស្សទាំងអស់មុននឹងអនុញ្ញាតឲ្យពួកគេអាចចូលរៀនវិញនេះ ខាងសាលាមួយចំនួនក៏បានសម្រេចបន្តអនុវត្តវិធានការចាំបាច់មួយចំនួនផងទៀតដែរ ដូចជាតម្រូវឲ្យកូនសិស្សពាក់ម៉ាស់​នៅក្នុងថ្នាក់រៀន សាលាខ្លះបានសម្រេចបង្រៀននៅក្រៅបន្ទប់តែនៅក្នុងបរិវេណសាលាដោយតម្រូវឲ្យកូនសិស្សអង្គុយឆ្ងាយៗពីគ្នា ហើយម្តាយឪពុករបស់ក្រុមកូនសិស្សក៏ត្រូវបានស្នើឲ្យធ្វើតេស្តកូនៗនិងតាមដានសុខភាពរបស់ពួកគេឲ្យបានជាប្រចាំផងដែរ។ ក្នុងករណីដែលបានរកឃើញថា មានកូនសិស្សណាម្នាក់វិជ្ជមានជំងឺកូវីដ ១៩ នោះ ពួកគេនឹងតម្រូវឲ្យនៅដាច់ដោយឡែកពីគេ ហើយពួកគេក៏អាចបន្តការសិក្សាពីចម្ងាយបានផងដែរ ពោលគឺរៀនតាមប្រព័ន្ធ

ថៃ៖ កាលពីថ្ងៃអាទិត្យទី ២២ ខែ សីហា ម្សិលមិញនេះ អាជ្ញាធរសុខាភិបាលនៃប្រទេសថៃបានប្រកាសពីការរកឃើញករណីអ្នកឆ្លងជំងឺកូវីដ ១៩ ថ្មីចំនួន ១៩,០១៤នាក់និងបានរកឃើញអ្នកស្លាប់ដោយសាជំងឺកូវីដ ១៩ ចំនួន ២៣៣នាក់។ បើពិនិត្យទៅមើលចំនួនអ្នកឆ្លងប្រចាំថ្ងៃហាក់មានការថយចុះបន្តិច តែបើតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានធ្វើការកត់សម្គាល់ថា ក្នុងចំណោមអ្នកស្លាប់ទាំងជាង ២០០ នាក់នោះក៏មានករណីកម្រមួយចំនួនបានកើតមានផងដែរ។ ករណីកម្រទាំងនោះរួមមាន ១ ករណីបានកើតមានចំពោះទារកដែលមានអាយុត្រឹម ៧ខែ, ២ ករណីកើតមានចំពោះស្រ្តីមានផ្ទៃពោះ, ១ ករណីកើតមានចំពោះវេជ្ជបណ្ឌិតដែលមានអាយុ ៨៨ឆ្នាំ និង ១ករណីផ្សេងទៀតបានកើតមានចំពោះពលរដ្ឋវ័យ ១០១ ឆ្នាំ។ សូមបញ្ជាក់ថា