យោងតាមការចុះផ្សាយរបស់ ក្រសួងព័ត៌មាន បានឲ្យដឹងថា សម្តេច ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បញ្ជាឱ្យអនុវត្តការរឹតបន្ដឹងច្បាប់ចរាចរណ៍បន្ដទៀត ដើម្បីសំដៅឲ្យប្រជាពលរដ្ឋមានការប្រុងប្រយ័ត្ននៅពេលបើកបរ ដែលបញ្ចៀសបាននូវគ្រោះថ្នាក់នៅលើដងផ្លូវ។ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសថា ការអនុវត្តច្បាប់ចរាចរណ៍មិនត្រូវពន្យារពេលដោយសារតែបញ្ហានៃការឆ្លងរីករាលដាលជំងឺកូវីដ-១៩នោះទេ ហើយត្រូវតែបន្តធ្វើដោយគ្មានការដកថយ ដោយទន់ភ្លន់ និងដោយម៉ឺងម៉ាត់ ដើម្បីការពារសុខសុវត្ថិភាពនិងអាយុជីវិតរបស់ប្រជាជន។ សម្ដេចតេជោបន្ដថា មន្ត្រីនគរបាលចរាចរណ៍ត្រូវបន្តរឹតបន្តឹងការផាកពិន័យចំពោះយានយន្តណា ដែលបានប្រព្រឹត្តល្មើសនឹងបទល្មើសចំនួន១៦ចំណុច ដោយក្នុងនោះ៧ចំណុចអនុវត្តចំពោះទោចក្រយានយន្ត និងត្រីចក្រយានយន្ត(ម៉ូតូឬរ៉ឺម៉កកង់បី) និង៩ចំណុចចំពោះរថយន្តធុនស្រាលនិងធុនធ្ងន់។ សូមបញ្ជាក់ថា ការរឹតបន្ដឹងច្បាប់ចរាចរណ៍ផ្លូវគោក ដោយបង្កើនប្រាក់ពិន័យតាមអនុក្រឹត្យលេខ៣៩ នៅទូទាំងប្រទេសកម្ពុជា ពោលគឺថ្ងៃទី០១-១៥ ខែឧសភា ឆ្នាំ២០២០នេះ នគរបាលចរាចរណ៍

កាលពីព្រឹកមិញនេះអតីតតារាចម្រៀង ពេជ្រ សូលីកា បានសម្រាលកូនប្រុសបានម្នាក់ដែលមានសុខភាពល្អទាំងម្តាយនិងកូន ធ្វើអោយគូដណ្តឹងរបស់នាងរំភើបចិត្តយ៉ាងខ្លាំង និងបានផលិតវិដេអូខ្លីមួយបង្ហោះពេញបណ្តាញសង្គម Facebook និង YouTube ថែមទៀតផង។ ក្នុងនោះដែរអ្នកទាំង២ បានដាក់ឈ្មោះកូនប្រុសដ៏គួរអោយស្រលាញ់នេះថា ហង្ស អ៊ារី វ៉េនស្ដេ / Hang Aari Wednesday។ នៅលើទំព័រ Facebook របស់ ពេជ្រ សូលីកា បានរៀបរាប់ថា៖ “ជំរាបសួរ លោកតា លោកយាយ អ៊ុំ ពូ មីង បង ប្អូន ទាំងអស់គ្នា

តាមការអោយដឹងពីលោក ហ៊ឹម និមល បានប្រាប់ទៅអ្នកសារព័ត៌មានអោយដឹងថា ឪពុករបស់លោកគឺ ឯកឧត្តម ហ៊ឹម ឆែម ទេសរដ្ឋមន្ត្រីទទួលបន្ទុកបេសកកម្មពិសេស បានទទួលមរណៈភាពនៅវេលាម៉ោង ១០ និង ៤៤នាទី ព្រឹកថ្ងៃទី១៦ ខែឧសភា ឆ្នាំ២០២០ នេះ ដោយរោគាពាធ ក្នុងជន្មាយុ៨២ឆ្នាំ។ គួរបញ្ជាក់ផងដែរថា ឯកឧត្តមទេសរដ្ឋមន្ត្រី ហ៊ឹម ឆែម ជាអតីតរដ្ឋមន្ត្រីក្រសួងធម្មការនិងសាសនា ហើយបច្ចុប្បន្នសពរបស់ឯកឧត្តមកំពុងតម្កល់ធ្វើបុណ្យតាមប្រពៃណី នៅគេហដ្ឋានក្នុងបុរីប៉េងហួត បឹងស្នោខណ្ឌច្បារអំពៅ៕

សម្ដេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអបអរសាទរអ្នកជំងឺកូវីដ១៩ ទាំង១២២នាក់ដែលជាសះស្បើយ តែសម្ដេចតេជោបន្ដអំពាវនាវឲ្យពលរដ្ឋប្រុងប្រយ័ត្នគ្រប់ពេល ព្រោះក្រែងផ្ទុះឡើងជាថ្មី ដោយសម្តេចបានបង្ហោះនៅលើហ្វេសបុកថា៖ “សូមអបអរសាទរក្មួយស្រីដែលជាអ្នកជំងឺកូវីដ-១៩ ចុងក្រោយ ដែលបានព្យាបាលជាសះស្បើយនៅថ្ងៃទី ១៦ ឧសភា នេះ ដែលសរុបទាំងអស់មានចំនួន១២២នាក់។ នៅពេលនេះប្រទេសយើងក៏មិនមានអ្នកឆ្លងជម្ងឺកូវីដ-១៩ថ្មីថែមទៀតដែរ ។ ពិតមែនតែយើងពុំមានករណីថ្មីក៏ដោយ សូមបងប្អូនប្រជាពលរដ្ឋបន្តប្រុងប្រយ័ត្នខ្ពស់មានអនាម័យជាប់ជាប្រចាំគឺត្រូវពាក់ម៉ាស ដុសលាងសម្អាតដៃជាមួយសាប៊ូ ទឹកអាល់កុលឬចឹលសម្លាប់មេរោគឆ្លងផ្សេងៗ ហើយបន្តរក្សាគម្លាតឆ្ងាយពីគ្នា និងកុំចេញក្រៅផ្ទះបើគ្មានការចាំបាច់អ្វីទេនោះ។ នៅពេលនេះ ប្រទេសជិតខាងយើង និងពិភពលោកទាំងមូលក៏កំពុងបន្តរាតត្បាតដោយជំងឺកូវីដ-១៩ ដែលជាក្តីបារម្ភដ៏ធំបំផុត ហើយមកទល់ពេលនេះក៏មិនទាន់មានថ្នាំព្យាបាលជំងឺកូវីដ១៩ នៅឡើយដែរ។ សូមអរគុណដែលបងប្អូនជនរួមជាតិដែលបានចូលរួមប្រយុទ្ធប្រឆាំងជំងឺកូវីដ១៩ ទាំងអស់គ្នា”៕  

នាយការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តកំពង់ធំ លោក រុំ សុវិជ្ជា បានផឹកស្រាស្ររឹងជោគជាំរួចបើករថយន្តទៅបុករនាំងបរិវេណរូបសំណាកលោកតាអាចារ្យលាក់ បណ្តាលឱ្យខូចខាត វេលាម៉ោង ៩៖១២នាទីយប់ ថ្ងៃទី១៥ ខែឧសភា ឆ្នាំ២០២០ម្សិលមិញ ហើយអ្វីដែលធ្វើឱ្យកានតែភ្ញាក់ផ្អើលទៀតនោះ គឺមន្ត្រីនគបាលចរាចរណ៍ជាន់ខ្ពស់រូបនេះ បានស្រែកជេរ និងប្រមាថយ៉ាងធ្ងន់ៗទៅអភិបាលខេត្តកំពង់ធំលោក សុខ លូ ថា នៅទីតាំកើតហេតុមិនមានដាក់ភ្លើងបំភ្លឺ និងដាក់ចំណាំងផ្លាត ទើបឱ្យគាត់ជួបគ្រោះថ្នាក់បែបនេះ ប៉ុន្តែតាមការពិតនៅទីតាំងកើតហេតុមានភ្លើងបំភ្លឺគ្រប់គ្រាន់ និងមានចំណាំងផ្លាតយ៉ាងពិតប្រាកដ។ ឯកឧត្ដម​នាយឧត្ដមសេនីយ៍​ ហ៉ឹម​ យ៉ាន​ អគ្គស្នងការ​រងនគរបាលជាតិ​ ទទួល​បន្ទុក​ការងារអនុវត្តន៍ច្បាប់ចរាចណ៍​ បានអោយដឹងថា​ ពាក់ព័ន្ធ​នឹង​អំពើ​ល្មេីស​ច្បាប់​របស់​ លោកវរៈសេនីយ៍​ឯក​ រុំ​ សុវិជ្ជា​

អតីតតារាចម្រៀងល្បីឈ្មោះ ពេជ្រ សូលីកា បានភ្ជាប់ពាក្យជាមួយនឹងលោក គឹម ហាន ដែលជាអ្នករចនាម៉ូដសំលៀកបំពាក់មួយរូបនៅអូស្រ្ដាលី កាលពីថ្ងៃទី២៥ ខែតុលា ឆ្នាំ២០១៩ កន្លងទៅ ហើយព្រឹកនេះនាងបានសម្រាលបានកូនប្រុសម្នាក់ដោយសុវត្ថិភាពទាំងម្តាយនិងកូន។ ដំណឹងដ៏រីករាយនេះត្រូវបានលោក គីម ហាន បង្ហោះវិដេអូនៅលើគណនី Facebook របស់លោកបង្ហាញពីភាពសប្បាយរីករាយចំពោះការទទួលបានសមាជិកថ្មីចូលមកក្នុងគ្រួសាររបស់លោក។ ខាងក្រោមនេះជាវិដេអូដែល លោក គីម ហាន បានបង្ហោះនៅលើ Youtube របស់លោក៖ https://youtu.be/XnvQSxLxj-U

ខេត្តកណ្តាល៖ កម្លាំងសមត្ថកិច្ចស្រុកកណ្តាលស្ទឹង​ បានធ្វើការឃាត់ខ្លួនមនុស្ស០៦នាក់ ពាក់ព័ន្ធនឹងករណីល្បែងសុីសងខុសច្បាប់ (លេងបៀរ) ដែលករណីនេះកើតឡើងនៅថ្ងៃទី១៥ ខែឧសភា ឆ្នាំ ២០២០ វេលាម៉ោង១៥ និង៤០នាទី នៅចំណុច ភូមិ​ខាង​ត្បូង​ ឃុំ​ អន្លង់​រមៀត​ ស្រុកកណ្តាលស្ទឹង​ ខេត្តកណ្តាល។ ជនសង្ស័យទាំង០៦នាក់ ដែលត្រូវសមត្ថកិច្ចឃាត់ខ្លួនមាន៖ ១. ឈ្មោះ​ ទុយ​ វណ្ឌី ភេទប្រុស​ អាយុ៥៥ឆ្នាំ ជនជាតិខ្មែរ មុខរបរ ​កសិករ​ មានទីលំនៅភូមិ​ខាង​ត្បូង​ ឃុំ​អន្លង់​រមៀត​ ស្រុកកណ្តាលស្ទឹង ខេត្តកណ្តាល (ម្ចាស់​ផ្ទះ​ផ្តល់​ទីតាំង​) ២.

នៅព្រឹកថ្ងៃទី១៦ ខែឧសភា ឆ្នាំ២០២០ នេះក្រសួងសុខាភិបាលបានចេញសេចក្តីប្រកាសព័ត៌មានមួយជុំវិញការព្យាបាលអ្នកជំងឺ កូវីដ-១៩ ទី១២២ បានជាសះស្បើយ ដែលធ្វើអោយអ្នកជំងឺសរុបទាំង១២២នាក់បានជាសះស្បើយទាំងអស់គ្មានអ្នកស្លាប់នោះទេ។ ក្នុងនោះដែរក្រសួងក៏បាន ប្រកាសផ្អាកធ្វើសន្និសីទកាសែត និងផ្អាកចេញព័ត៌មានកូវីដ-១៩ នៅកម្ពុជា ចាប់ពីស្អែកនេះទៅ រហូតដល់រកឃើញករណីវិជ្ជមានថ្មីណាមួយ។ លើសពីនេះដែរក្រសួងសុខាភិបាលកម្ពុជា ក៏បានអំពាវនាវអោយបងប្អូនប្រជាពលរដ្ឋមានការយកចិត្តទុកដាក់ និងប្រុងប្រយ័ត្នខ្ពស់ ដើម្បីការពារខ្លួនពីការឆ្លងនិងចម្លងជំងឺ កូវីដ-១៩ ល្គិកណាសាកលលោក និងប្រទេសជិតខាងក្នុងតំបន់ នៅតែមានកំណើនករណីឆ្លងថ្មី ដូចនេះកម្ពុជា នៅតែប្រឈមទៅនឹងហានិភ័យនៃការចម្លងជំងឺ កូវីដ-១៩៕

អាហារ​ដែល​យើង​ញ៉ាំ​រាល់​ថ្ងៃ គឺ​សំខាន់​ណាស់​សម្រាប់​សុខភាព ដូច​នេះ យើង​ត្រូវ​ប្រយ័ត្ន​នូវ​រាល់​អាហារ​ដែល​ដាក់​ចូល​ខ្លួន​យើង ព្រោះ​កាល​ណា​អាហារ​នោះ​មិន​ល្អ ច្បាស់​ជា​ប៉ះពាល់​សុខភាព​យើង​ជា​មិន​ខាន អាហារផ្សែង ឬ​ខ្លោច​ក៏​ដូច​គ្នា។ លោក​វេជ្ជបណ្ឌិត លី ឬទ្ធីគុណ ម្ចាស់​សេវា​កម្ម​ថែ​ទាំ​មនុស្ស​ចាស់ បាន​ពន្យល់​ឲ្យ​ស្គាល់​ពី​អ្វី​ជាអាហារ​ផ្សែង និង​ពី​ផល​ប៉ះពាល់​នៃ​អាហារ​ផ្សែង ឬ​អាហារ​ខ្លោច​ដល់​សុខភាព​នៅ​ពេល​ដែល​ញ៉ាំ​ចូល​ទៅ​ក្នុង​ខ្លួន។ ​​ អ្វី​ទៅ​ជា​អាហារ​ផ្សែង? លោក​វេជ្ជបណ្ឌិត បាន​ឲ្យ​ដឹង​ថា មិន​ថា​តែ​អាហារ​ខ្លោច​ទេ អាហារ​ផ្សែង ឬ​អាហារ​ឆ្អើរ ក៏​អាច​ប៉ះពាល់​ដល់​សុខភាព​បាន​ដែរ។ អាហារ​ផ្សែង គឺ​ជា​ប្រភេទ​អាហារ​ដែល​យើង​អាំង ឬ​ដុត​ដែល​មាន​ផ្សែង​ហុយ​ទៅ​ប៉ះ​អាហារ​ដែល​យើង​ញ៉ាំ។ ចំហេះ​ដែល​ចេញ​ពី​ធ្យូង ឬ​ប្រេង​ដែល​គេ​យក​ទៅ​បង្កាត់​ភ្លើង គឺ​ជា​សារធាតុ​គីមី​មិន​ល្អ​តោង​ជាប់​លើ​អាហារ ដែល​អាច​បណ្តាល​ឲ្យ​កើត​ជំងឺ​លើស​ឈាម និង​ធ្វើ​ឲ្យ​បេះ​ដូង​លោត​ញាប់ ហើយ​បើ​ញ៉ាំ​យូរៗ​ទៅ វា​អាច​ក្លាយ​ទៅ​ជា​ជំងឺ​មហារីក​បាន។ បន្ថែម​ពី​លើ​នេះ

ភ្នំពេញ៖ មុននេះបន្តិចក្រសួងសុខាភិបាលបានប្រកាសដំណឹងពីស្ថានភាពអ្នកជំងឺកូវីដនៅកម្ពុជា ដែលព្រឹកថ្ងៃទី១៦ ខែឧសភា ឆ្នាំ២០២០ នេះក្រសួងសុខាភិបាល បានឲ្យដឹងថា មិនមានករណីវិជ្ជមានកូវីដ១៩ថ្មីឡើយ ហើយអ្នកជំងឺទាំង១២២នាក់ បានជាសះស្បើយទាំងអស់ដែលស្មើរនឹង១០០%។ គួរបញ្ជាក់ផងដែរថា គិតមកត្រឹមថ្ងៃនេះ រដ្ឋាភិបាលបានសម្រេចផ្អាកអាជីវកម្មបៀរហ្កាឌិន ជាបណ្តោះអាសន្នទូទាំងប្រទេស ចាប់ពីថ្ងៃទី ២៥ មីនា ២០២០ រហូតដល់មានការជូនដំណឹងជាថ្មី និងបាន ប្រកាសអោយសាលាទូទាំងប្រទេស និងគ្រប់កម្រិតសិក្សាអនុវត្តវិស្សមកាលតូចមុនកាលកំណត់ បិទ KTV រោងកុន ក្លឹបកំសាន្ត ហាមមិនអោយមានការជួបជុំរៀបចំពិធីសាសនាផ្សេងៗ បិទកាស៊ីណូ និងផ្អាកការនាំចេញអង្ករ ស និងស្រូវ ទៅក្រៅប្រទេសដើម្បីទុកផ្គត់ផ្គង់ក្នុងស្រុក ហើយរដ្ឋាភិបាលក៏បានសម្រេចផ្អាកការប្រារព្ធពិធីបុណ្យចូលឆ្នាំ និងតម្រូវអោយបុគ្គលិកស្ថាប័នរដ្ឋនិងឯកជន