ថ្មីៗនេះផ្ទុះករណីភ្ញាក់ផ្អើលពេញបណ្តាញសង្គមថៃ និងជាឧទាហរណ៍មួយសម្រាប់អ្នកម្តាយដែលចូលចិត្តយកកូនតូចៗទៅផ្ញើនឹងអ្នកដទៃ។ តាមរយៈគណនីហ្វេសប៊ុក Naluemon Mittapap ដែលបានបង្ហោះរូបភាពកូនស្រីរបស់ខ្លួនរងរបួសដាច់រលាត់ស្បែក ហើមភ្នែក និងមានស្នាមពេញខ្លួន ខណៈពេលដែលស្ត្រីជាម្តាយទៅយកកូនត្រលប់មកផ្ទះវិញ។ ដើមហេតុគឺស្ត្រីជាម្តាយរូបនេះ បានយកកូនទៅផ្ញើនឹងស្ត្រីម្នាក់ទៀតឲ្យជួយមើលកូន ព្រោះតែខ្លួនរវល់ធ្វើការ ស្រាប់តែពេលមកយកកូនត្រលប់ទៅផ្ទះវិញ ឃើញសភាពកូនបែបនេះម្តាយស្លុតចិត្តជាខ្លាំង។ ស្ត្រីដែលមើលថែក្មេងបានប្រាប់ថាក្មេងមានសភាពបែបនេះព្រោះរពឹសធ្លាក់ពីលើតុ ពុំមាននរណាម្នាក់ធ្វើអ្វីគេ ឬវាយធ្វើបាបឡើយ។ ស្ត្រីជាម្តាយមិនអស់ចិត្ត និងហាក់ពុំជឿសម្តីរបស់នារីម្នាក់នោះឡើយ ព្រោះស្នាមនៅលើកូនស្រីដែលមានអាយុ១ឆ្នាំ ៨ខែរបស់ខ្លួនគឺមានសភាពយ៉ាប់យ៉ឺនដូចត្រូវវាយធ្វើបាប ដោយភ្នែកហើមឆ្វេងហើមប៉ោង មុខមាត់ និងត្រចៀកដាច់រលាត់ស្បែក ចំណែកឯនៅលើខ្លួន និងដៃមានស្នាមជាំ និងខ្វាច។ ស្ត្រីជាម្តាយបានសម្រេចចិត្តដាក់ពាក្យបណ្តឹងឲ្យសមត្ថកិច្ចជួយដោះស្រាយ នឹងផ្តាំដល់អ្នកជាម្តាយទាំងអស់ឲ្យបង្កើនការប្រុងប្រយ័ត្នបន្ថែមចំពោះករណីនេះ៕

ទីផ្សារឌីជីថលកំពុងតែមានការរីកចម្រើនយ៉ាងឆាប់រហ័សនៅកម្ពុជា នឹងកំពុងតែទាក់ទាញការចាប់អារម្មណ៍យ៉ាងខ្លាំងពីសំណាក់បណ្តាក្រុមហ៊ុនអ៊ីនធឺណិតល្បីៗជាច្រើននៅពាសពេញសកលលោក។ តាមរយៈតួលេខនៃការប្រើប្រាស់អ៊ីនធឺណិតដែលមានរហូតទៅដល់ 75% ហើយនាពេលនេះ ប្រជាជនកម្ពុជាជាងពាក់កណ្តាលនិយមប្រើប្រាស់ បណ្តាញសង្គម ដូចជា Facebook, Google និង InMobi ។ ក្រុមហ៊ុន Havas Socialyse ដែលជាក្រុមហ៊ុនផ្តល់សេវាកម្មផ្នែកឌីជីថលឈានមុខគេនៅក្នុងប្រទេសកម្ពុជា បានអញ្ជើញក្រុមហ៊ុនឌីជីថលល្បីៗចំនួន 3 ក្រុមហ៊ុន មកជួបជុំគ្នាជាលើកដំបូងនៅក្នុងព្រះរាជាណាចក្រកម្ពុជា។ ព្រឹត្តិការណ៍ជាប្រវត្ដិសាស្ដ្រនេះ ត្រូវបានប្រារព្ធធ្វើឡើងក្នុងគោលបំណងដើម្បីបង្ហាញអំពីដំណោះស្រាយនានា ទាក់ទិននឹងបណ្តាញសង្គម និងវិស័យឌីជីថលដល់សហគមន៍អាជីវកម្មនៅក្នុងប្រទេសកម្ពុជា។ កញ្ញា Anna Soliman ប្រធានទីភ្នាក់ងារអភិវឌ្ឍន៍ APAC នៃក្រុមហ៊ុន Facebook មានប្រសាសន៍ឲ្យដឹងថា៖ «ប្រជាជនកម្ពុជាកាន់តែច្រើនឡើងៗកំពុងតែប្រើប្រាស់បណ្តាញសង្គម

នៅរសៀលថ្ងៃពុធ ទី១៧ ខែកក្កដា ឆ្នាំ២០១៩នេះ មានការចាប់ឆ្នោត នៃការប្រកួតជម្រុះបឋមជុំទី២ សម្រាប់ FIFA World Cup Qatar 2022 និង AFC Asian Cup China 2023 ការចាប់ពូលនេះបានធ្វើឡើងនៅស្នាក់ការ​សហព័ន្ធ​កីឡាបាល់ទាត់​អាស៊ី (AFC) ​ក្រុង​កូ​ឡា​ឡាំ​ពួ ប្រទេស​ម៉ាឡេស៊ី​។​ ក្រុមមកពីអាស៊ីទាំង៤០ប្រទេស ចែកចេញជា៥pot ក្នុងនោះកម្ពុជា នៅក្នុង POT 5 ត្រូវចាប់ឆ្នោតឲ្យនៅក្នុងពូល C សម្រាប់វគ្គជម្រុះបឋមជុំទី២នេះកម្ពូជា នឹងត្រូវបានជាមួយនឹងក្រុមមកពី អ៊ីរ៉ង់, អ៊ីរ៉ាក់,

មានការភ្ញាក់ផ្អើល​បន្ទាប់ពី គាស់កុងទឺន័រចំនួន ៨៣ទូ រកឃើញសុទ្ធតែកាកសំណល់សំរាម នៅកំពង់ផែស្វយ័តក្រុងព្រះសីហនុរួចមក នៅថ្ងៃនេះក៏មានព័ត៌មានបង្ហាញថាកាកសំណល់ ប្រមាណជាកុងទឺន័រចំនួន ៨៣ទូ នេះមានប្រភពមកពីប្រទេសអភិវឌ្ឍ មាន សហរដ្ឋអាមេរិក និងកាណាដា នេះបើយោងតាមសម្តីរបស់លោក នេត្រ ភក្រ្តា រដ្ឋ​លេខាធិការ និង​ជា​អ្នក​នាំ​ពាក្យ​ក្រសួង​បរិស្ថាន។ គួររំលឹកថាមូលហេតុដែលកាកសំណល់នេះអាចនាំចូលមកប្រទេសកម្ពុជាបាន ព្រោះតែប្រទេសប្រភពដើមបានក្លែងបន្លំឯកសារនាំចូល ដោយមិនបញ្ជាក់ប្រភេទទំនិញច្បាស់លាស់ ពោលគ្រាន់តែសរសេរថា ប្រភេទទំនិញកែច្នៃ ប៉ុន្ដែពេលមកដល់កម្ពុជាទើបសមត្ថកិច្ចស្គែនពិនិត្យទៅឃើញថាជាកាកសំណល់សំរាមដែលគេបោះចោល៕

ភ្នំពេញ៖ នៅព្រឹក ថ្ងៃពុធ ១រោច​ ខែ​ អាសាឍ​ ឆ្នាំ​ កុរ​ ឯកស័ក​ ព.ស​ ២៥៦៣​ ត្រូវនឹងថ្ងៃទី​ ១៧ ខែ​ កក្កដា ឆ្នាំ​ ២០១៩​ ក្រុមការងាររដ្ឋបាលខណ្ឌចំការមន​ លោក អាំង​ សិរីពិសិដ្ឋ អភិបាលរង​ នៃគណៈអភិបាលខណ្ឌចំការមន តំណាងលោក ថេង សុថុល អភិបាល​ នៃគណៈអភិបាលខណ្ឌចំការមន បានដឹកនាំក្រុមការងាររដ្ឋបាលខណ្ឌ ការិយាល័យរៀបចំដែនដី​ គនរូបនីយកម្ម​ សំណង់​ និងភូមិបាលខណ្ឌ​ រដ្ឋបាលសង្កាត់ទន្លេបាសាក់

ថ្មីៗនេះស្រាប់តែលេចឡើងនូវខ្សែភាពយន្តខ្លីមួយ ដែលបានចែករំលែកលើបណ្ដាញសង្គមហ្វេសប៊ុក និងយូធូប ដោយបានឆ្លុះបញ្ចាំងជូនទស្សនិកជនបានឃើញពីជីវិត និងការលះបង់របស់គ្រូបង្រៀនម្នាក់ដោយប្រើប្រាស់ថវិកាផ្ទាល់ខ្លួនដើម្បីទំនុកបម្រុង និងជួយជ្រោមជ្រែងការសិក្សារបស់សិស្សខ្លួនដែលកំពុងជួបការលំបាក ឲ្យបានបន្តការសិក្សារហូតបានការងារល្អៗគ្រប់គ្នា។ ខ្សែភាពយន្តខ្លីនេះ ត្រូវបានផ្ដួចផ្តើមផលិតឡើងដោយប្រើប្រាស់ថវិកាផ្ទាល់របស់ក្រុមហ៊ុន មិត្តហ្វូន សម្រាប់ជាកាដូថ្មីមួយជូនដល់ប្រជាជនកម្ពុជាបានទស្សនានៅពាក់កណ្ដាលឆ្នាំ២០១៩នេះ ដើម្បីបំផុសនូវស្មារតីចែករំលែកតាមរយៈការស្ដែងឲ្យឃើញនូវទុកលំបាក និងដើម្បីកោតសរសើរពីការលះបង់ និងទឹកចិត្តដ៏ឧត្តុង្គឧត្តមរបស់គ្រូបង្រៀនមួយចំនួន ដែលបានយកចិត្តទុក្ខដាក់ និងលះបង់ថវិកាផ្ទាល់ខ្លួនដើម្បីសិស្សានុសិស្សរបស់ខ្លួន។ លោកគ្រូពោះតាន់ ជាចំណងជើងនៃភាពយន្តខ្លីមួយនេះ ដែលបាននិយាយពីការលះបង់របស់គ្រូដើម្បីអនាគតសិស្សរបស់ខ្លួន ដែលវីដេអូនេះបានទទួលសន្ធឹកនៃការគាំទ្រយ៉ាងច្រើនអនេក ដោយទទួលបានការចូលទស្សនាហូតដល់៨០ម៉ឺនដងក្នុងរយៈពេលត្រឹមតែមួយសប្តាហ៍ប៉ុណ្ណោះ។ យើងសង្ឃឹមថាបន្ទាប់ពីទស្សនារឿងខ្លីនេះហើយ លោកអ្នកនឹងអាចរំលឹកនូវជីវិតពីកុមារភាព និងពាក្យពេចន៍ទូន្មានរបស់លោកគ្រូអ្នកគ្រូដែលធ្លាប់បានបង្រៀន និងទូន្មានប្រៀនប្រដៅអ្នក រហូតអ្នកបានជោគជ័យដូចសព្វថ្ងៃ។ គេមើលឃើញថាអាជីពជាគ្រូបង្រៀនដែលមានប្រាក់ចំណូលពុំសូវខ្ពស់ ហើយពុំសូវទទួលបានការគោរព និងឱ្យតម្លៃឡើយ ដែលមនុស្សទូទៅចូលចិត្តនិយាយលេងថា៖ «គ្រូប្រពន្ធល្អ» ដែលគន្លាស់មកវិញថា «ក្រប្រពន្ធរអ៊ូ» ។ប៉ុន្តែវាជាអាជីពមួយដែលបានបណ្ដុះនូវធនធាន(ធនធានមនុស្ស)ដ៏សំខាន់សម្រាប់ប្រទេសជាតិទាំងមូល

ឥណ្ឌា៖ បុរសជនជាតិឥណ្ឌាម្នាក់ត្រូវបានគេរាយការណ៍ថា មិនបានកាត់សក់ និងសម្អាតសក់អស់រយៈពេល ៤០ ឆ្នាំ​មកហើយ ព្រោះគាត់ជឿថា សក់នេះជាអំណោយរបស់ព្រះជាម្ចាស់ប្រទានមកឲ្យគាត់។ បុរសឥណ្ឌារូបនេះមានឈ្មោះថា Sakal Dev Tuddu អាយុ ៦៣ ឆ្នាំ រស់នៅក្នុងរដ្ឋ Bihar ភាគខាងលិចប្រទេសឥណ្ឌា។ ឆ្លើយតបទៅកាន់ក្រុមអ្នកសារព័ត៌មាន បុរសឥណ្ឌារូបនេះបានឲ្យដឹងថា កាលពី ៤០ ឆ្នាំមុន គាត់បានយល់សប្តិឃើញមានព្រះជាម្ចាស់មួយអង្គ​មកប្រាប់គាត់ថា កុំកាត់សក់ ឬសម្អាតសល់ឲ្យសោះ ព្រោះសក់នេះជាអំណោយដែលព្រះជាម្ចាស់ប្រទានមកឲ្យគាត់។ ចាប់តាំងពីពេលនោះមក គាត់មិនដែលកក់សក់​ ឬកាត់សក់សូម្បីតែបន្ថិច ហើយរហូតមកទល់នឹងពេលនេះ សក់របស់គាត់មានប្រវែងជិត ២ ម៉ែត្រ ហើយរាល់ពេលដែលគាត់គេងម្តងៗ

កាលពីពេលថ្មីៗនេះ ក្រុមហ៊ុន Qualcomm ទើបតែបានដាក់បង្ហាញជាផ្លូវការនូវបន្ទះ Chip ស៊េរីចុងក្រោយរបស់ខ្លួន ដែល Chip នេះត្រូវបានក្រុមហ៊ុនអះអាងថា មានលក្ខណៈល្អប្រសើរជាង Chip ស៊េរីមុនៗជាច្រើនចំណុច។ Chip ស៊េរីថ្មីរបស់ Qualcomm ត្រូវបានគេហៅថា Snapdragon 855+ ហើយវាត្រូវបានគេអះអាងថា នឹងជួយជំរុញឲ្យ CPU និង GPU ដំណើរការបានលឿនជាងធម្មតារហូតដល់ ១៥% ឯណោះ។ Snapdragon 855+ ត្រូវបានគេរាយការណ៍ផងដែរថា ស័ក្កសមបំផុតក្នុងការបំពាក់ជាមួយនឹង X50 modem សម្រាប់ដំណើរការអ៊ីនធឺណិតល្បឿន 5G។

នៅ​ស្រុកខ្មែរ​យើង ចង្រិត កណ្ដូប អង្ក្រង ឬឌឹកឌឿ ត្រូវបាន​ពលរដ្ឋ​ជាច្រើន យក​មកធ្វើ​ជា​អាហារ​ញ៉ាំ ហើយ​ប្រទេស​អាស៊ាន​ផ្សេងទៀត ក៏មាន​អាហារ​ប្រភេទ​នេះ​ច្រើនដែរ។ ពាក់ព័ន្ធ​នឹង​ការ​ញ៉ាំអាហារ​ប្រភេទ​សត្វល្អិត​នេះ អ្នក​វិទ្យាសាស្ត្រ រកឃើញ​ថា វាអាច​ជួយ​ការពារ​ជំងឺ​មហារីក ដោយសារ​វាមាន​សារធាតុ​ប្រឆាំង​អុកស៊ីតកម្ម។ អ្នកវិទ្យាសាស្ត្រ មកពី​សាកលវិទ្យាល័យ Rome របស់​អ៊ីតាលី បាន​ធ្វើការ​សិក្សា​លើ​សត្វ​ល្អិត​ជាច្រើន ប្រភេទ ដូចជា អង្ក្រង កណ្ដូប ចង្រិត និង​ឌឹកឌឿ។ ពួកគេ​បាន​ធ្វើតេស្ដេ​ពិនិត្យ​មើល​លើ​សារធាតុ​ប្រឆាំង​អុកស៊ីតកម្ម រួមមាន​វីតាមីន A វីតាមីន C វីតាមីន E នៅ​ក្នុង​ខ្លួន​សត្វល្អិត តាមរយៈ​ការផឹក​ទឹក​ម្សៅ​សត្វទាំង​នេះ។

ថ្មីៗនេះជំងឺប៉េស្តជ្រូកបានរាលត្បាតដល់ក្នុងប្រទេសកម្ពុជាយើងហើយ ដែលធ្វើអោយប្រជាពលរដ្ឋភាគច្រើនខ្លាចរអារក្នុងការបរិភោគសាច់ជ្រូក ជាពិសេសក្រោយទទួលបានសម្លេងពីជនអនាមិក ដែលបានផ្ញើតគ្នាថា ក្រសួងបានប្រកាសមិនអោយបរិភោគសាច់ជ្រូកទៀតនោះធ្វើអោយប្រជាពលរដ្ឋកាន់តែភ័យខ្លាចកាន់តែខ្លាំងក្នុងការបរិភោគសាច់ជ្រូក។ ក្នុងឱកាសសន្និសីទសារព៌តមានស្តីពីជំងឺគ្រុនឈាម លោកវេជ្ជបណ្ឌិត លី សូវ៉ាន់ អ្នកនាំពាក្យក្រសួងសុខាភិបាលបានមានប្រសាសន៍ថា”ក្រសួងសុខាភិបាលមិនបានធ្វើការប្រកាសណាមួយទាក់ទងក្នុងការផ្អាកមិនអោយបរិភោគសាច់ជ្រូកនោះទេ ដោយថ្មីៗនេះនៅលើបណ្តាញសង្គមជាច្រើនបានផ្សព្វផ្សាយតគ្នាថា ក្រសួងបានប្រកាសអោយផ្អាកបរិភោគសាច់ជ្រូក ១ខែទៅ២ខែ សិនដោយសារតែជំងឺប៉េស្តជ្រូក បានវាយលុកចូលក្នុងប្រទេសកម្ពុជាហើយ។” លោកបានបន្តទៀតថា” ជំងឺប៉េស្តជ្រូក មិនមែនជាជំងឺដែលឆ្លងមកមនុស្សនោះទេ ហើយវាក៏មិនមែនជាជំងឺថ្មីអ្វីនោះដែរ ដោយវាបានកើតឡើងជាង១០០ឆ្នាំហើយចឹងវិទ្យាសាស្រ្តក៏មានវិធីនឹងការទប់ទល់នឹងជំងឺប៉េស្តជ្រូកនេះផងដែរ”។ សូមបញ្ជាក់ផងដែរថា ថ្មីនេះនៅកម្ពុជាយើងបានសង្កេតឃើញថាជំងឺប៉េស្តជ្រូកបានរាលដាលនៅក្នុងខេត្តមួយចំនួនហើយដូចជា ខេត្តត្បូងឃ្មុំ ខេត្តតាកែវ និងខេត្តរតនៈគីរី តែជំងឺប៉េស្តជ្រូកមិនអាចឆ្លងមកមនុស្សបាននោះទេ។