ប្រសិន​បើ​ឈឺ​ត្រូវលេប​ថ្នាំ ​តែ​មិន​មែន​ជាមួយ​​ទឹក​សុទ្ធ​ធម្មតា ​អាច​បន្សាប​ជាតិ​ថ្នាំ ឬខ្លះ​អាច​ប្រតិកម្មជាមួយ​ទៀត ហើយ​បើនៅ​តែ​បន្ត​ទៀត​ទោះ​ពេទ្យ​ពូកែ​យ៉ាង​ណា​​ក៏​ពិបាក​ព្យាបាលឲ្យ​ជា​ដែរ។ ឱសថការី គីម កាណែល បាន​ឲ្យ​ដឹង​ថា ទឹក​ដែល​អាច​យក​មក​លេប​ថ្នាំ​បាន​ជា​ទឹក​​ធម្មតា មិន​ក្ដៅ​មិន​ត្រជាក់ ហើយ​ប្រភេទ​ទឹក​ដូច​ខាងក្រោម ៥ ​នេះ ពេល​ផឹក​ទៅ​ធ្វើឲ្យ​ថ្នាំ​អស់​ប្រសិទ្ធភាព។ ១- ទឹក​តែ លេប​ថ្នាំ​ជាមួយ​ទឹក​តែ គ្មាន​ប្រសិទ្ធភាព​ឡើយ ព្រោះ​ជាតិ​ចត់​របស់​តែ (Tanin) ចូល​ទៅ​រារាំង​ការ​ស្រូប​ជាតិ​ថ្នាំ​ចូល​ក្នុង​រាងកាយ ជា​ហេតុ​នាំឲ្យ​ប្រសិទ្ធភាព​ថ្នាំ​មិន​បាន​ពេញលេញ។ ជា​ការ​ល្អ​ប្រសិន​បើ​លេប​ថ្នាំ គួរ​ផឹក​ទឹក​តែ​ចន្លោះ​ពី​ ១-២ ​ម៉ោង មុន ឬ​ក្រោយ។ ២- កាហ្វេ ជាតិ​កាហ្វេ​អ៊ីន​អាច​មាន​ប្រតិកម្ម​ជាមួយ​ថ្នាំ​មួយ​ចំនួន ហើយ​ការ​ស្រូប​របស់​ថ្នាំ​ក៏​អាច​ប៉ះពាល់​​ដែរ។ ៣-

អ្នកនិយមលេងហ្គេមនៅក្នុងប្រទេសអ៊ីរ៉ង់ និងស៊ីរី មិនអាចលេងហ្គេម League of Legends ដែលជាហ្គេមកំពុងមានប្រជាប្រិយភាពបានទៀតទេ ក្រោយអាមេរិកសម្រេចដាក់ទណ្ឌកម្មលើប្រទេសទាំងពីរនេះ។ សូមរម្លឹកជូនថា អាមេរិកបានចោទប្រកាន់កងទ័ពរបស់ប្រទេសអ៊ីរ៉ង់ និងស៊ីរីបានវាយប្រហារយន្តហោះចម្បាំងរបស់ខ្លួន ហើយដោយហេតុផលនេះអាមេរិកបានធ្វើការហាមឃាត់ក្រុមហ៊ុនអាមេរិកជាច្រើនមិនឲ្យមានទំនាក់ទំនងពាណិជ្ជកម្មជាមួយនឹងប្រទេសទាំងពីរនេះឡើយចាប់តាំងពីខែ សីហា ឆ្នាំមុនម្លះ។ ក្រោយមានការហាមឃាត់នេះ ក្រុមហ៊ុនអាមេរិកជាច្រើនបានសម្រេចធ្វើការផ្តាច់ទំនាក់ទំនងពាណិជ្ជកម្មចេញពីប្រទេសទាំងពីរនេះបន្តិចម្តងៗ។ រហូតមកទល់នឹងពេលនេះ សូម្បីតែហ្គេម League of Legends របស់អាមេរិក ដែលជាហ្គេមលេងដោយមិនអស់លុយតាមប្រព័ន្ធអ៊ីនធឺណិតនោះក៏ត្រូវបានហាមឃាត់នៅក្នុងប្រទេសទាំងពីរនេះផងដែរ ពោលគឺអ្នកប្រើប្រាស់អ៊ីនធឺណិតទាំងអស់តាមរយៈកុំព្យូទ័រ និងទូរស័ព្ទនៅក្នុងប្រទេសអ៊ីរ៉ង់ និងស៊ីរីមិនអាចភ្ជាប់ទៅកាន់ហ្គេមនេះបានទៀតទេ។ អ្នកនិយមលេងហ្គេមនៅក្នុងប្រទេសទាំងពីរនេះ មិនសប្បាយចិត្តនោះទេចំពោះឥរិយាបថនេះ ដោយពួកគេយល់ថាវាជាសកម្មភាពហាមឃាត់ជ្រុលហួសហេតុមួយ៕ អត្ថបទ៖ ភក្តី  

មួយរយៈក្រោយនេះសង្កេតឃើញថាករណីចោរកម្មតែងកើតមានឡើងជាញឹកញាប់ មិនថានៅកន្លែងណា វេលាណាឲ្យតែប្រហែសបន្តិចគឺដឹងតែក្រុមខិលខូចចេញសកម្មភាពតែម្តង។ ជាក់ស្តែងកាលពីរាត្រីម្សិលមិញនេះ ក្មេងស្រីតូចលក់នំតាមចិញ្ចើមផ្លូវត្រូវចោរឆក់ទូរស័ព្ទ លើកដៃសំពះសុំគេជួយ ព្រោះនៅក្មេងតក់ស្លុតភ័យធ្វើអ្វីមិនត្រូវ។ តាមរយៈប្រភពគណនីហ្វេសប៊ុកដែលមានឈ្មោះថា Zen Zsen បានបង្ហោះរៀបរាប់ឲ្យដឹងថា៖ «ពិតជាអាណិតប្អូនណាស់ជួយ share ហើយជួយប្អូនស្រីផង គ្នានៅក្មេងយ៉ាងខំជួយលក់ដូរម៉ែលក់នំបន្តិចបន្តួចដើម្បីដោះស្រាយជីវភាពរស់នៅ ហេតុអីក៏ចោរដាច់ចិត្តឆក់ទូរស័ព្ទគ្នាទៀត ពិតជាគ្មានចិត្តជាមនុស្សមែន សំខាន់ទូរស័ព្ទនោះជារបស់ម្តាយគ្នាទៀត សូមសប្បុរសជនមេត្តាជួយផ្តល់ជាថវិកា រឺទូរស័ព្ទដល់ប្អូនស្រីវិញផង ទីតាំងប្អូនលក់នៅមុខសាលាសុីសុវត្ថិ តាមបណ្ដោយផ្លូវព្រះនរោត្តម ក្នុងខណ្ឌដូនពេញ»៕ អត្ថបទ៖ មេសា ប្រភព៖ Zen Zsen

រាជធានីភ្នំពេញ៖ នៅក្នុងឱកាសទិវាប្រឆាំគ្រឿងញៀនអន្តរជាតិ​ នាព្រឹកថ្ងៃទី២៦ ខែមិថុនា ឆ្នាំ ២០១៩នេះ អាជ្ញាធរជាតិប្រយុទ្ធប្រឆាំងគ្រឿងញៀនបានរៀបចំធ្វើការដុតបំផ្លាញគ្រឿងញៀនជាច្រើនប្រភេទប្រមាណជាង២តោន នៅមជ្ឈមណ្ឌលកោះពេជ្រ រាជធានីភ្នំពេញ។ កម្មវិធីនេះផងដែរ រៀបចំធ្វើឡើងក្រោមអធិបតីភាព សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តំណាងសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា។ បើតាមមន្ត្រីជាន់ខ្ពស់នៃអាជ្ញាធរជាតិប្រយុទ្ធប្រឆាំងគ្រឿងញៀនបានឱ្យដឹងថា គ្រឿងញៀនជាង២តោន ដែលត្រូវដុតបំផ្លាញចោលនោះ រួមមាន៖ ហេរ៉ូអ៊ីន, មេតំហ្វេតាមីន, អំហ្វេតាមីន, អុចស្តាស៊ី, កេតាមីន, នីមេតាហ្សីប៉ាម, ពីរ៉ូវ៉ាឡេរ៉ូន (ថ្នាំគ្រាប់), ពីរ៉ូវ៉ាឡេរ៉ូន (ម្សៅម៉ដ្ឋ)៕

សៀមរាប៖ ថ្មីៗនេះមានករណី កុមារអាយុ១១ឆ្នាំ បានធ្វើការចាប់រំលោភកុមារីតូចៗ២នាក់បងប្អូន ម្នាក់អាយុ៨ឆ្នាំ និងម្នាក់ទៀតអាយុ៥ឆ្នាំ ដោយក្រុមគ្រួសារជនបង្កបានឲ្យលុយពី១០ម៉ឺនរៀល ទៅ១០០ដុល្លារ ដើម្បីបញ្ចប់រឿងប៉ុន្តែជនរងគ្រោះមិនព្រម ខាងក្រុមគ្រួសារជនបង្កក៏បោះពាក្យថា បេីមិនយកទៅប្តឹងអ្នកណាក៏ទៅៗ ហើយពេលទៅប្តឹងប៉ូលីសគេក៏មិនទទួលថាជនល្មើសអាយុ១១ឆ្នាំមិនដឹងយកទៅណា។ យោងតាមការបង្ហោះរបស់អ្នកស្រី ម៉ម សុម៉ាលី ដែលជាស្ថាបនិកមជ្ឈមណ្ឌលបណ្តុះបណ្តាលវិជ្ជាជីវៈ និង ស្តារនិតិសម្បទា អាហ្វេស៊ីប ទុំឌី បានឲ្យដឹងថាហេតុការណ៍នេះបានកើតឡើងនៅខេត្តសៀមរាប ដោយករណីរំលោភនេះបានកើតឡើងតាំងពីថ្ងៃទី១៤ ខែមិថុនា ឆ្នាំ២០១៩ ក្រុមគ្រួសារជនរងគ្រោះមានជីវភាពខ្វះខាត ឪពុកជាកម្មករនៅតាមបេនឡាន ម្តាយដើរបេះត្រកួនលក់ សូម្បីតែខ្ទមសឹងតែមិនមាននៅផង។ ខាងក្រោមនេះជាការបង្ហោះរបស់អ្នកស្រី ម៉ម សុម៉ាលី ទាក់ទងនឹងករណីរំលោភសេពសន្ថវៈនេះ៖ “ពិតជាឈឺចាប់បំផុតហេតុតែខ្លួនក្រ សូម្បីតែខ្ទមសឹងមិនមាននៅផង

យោងតាមការព្យាករណ៍របស់ក្រសួងធនធានទឹក និងឧតុនិយម បានឲ្យដឹងថា ជ្រលងសម្ពាធទាបនៅបន្តអូសបន្លាយលើកម្ពុជា ខណៈដែលខ្យល់មូសុងនិរតីបានបង្កើនឥទ្ធិពល ដែលធ្វើឲ្យខេត្តនៅជាប់មាត់សមុទ្រ រួមមាន ខេត្តកោះកុង និងខេត្តព្រះសីហនុ មានភ្លៀងធ្លាក់រាយប៉ាយក្នុងបរិមាពីបង្គួរទៅច្រើន គួបផ្សំនឹងខ្យល់បក់បោកខ្លាំង និងរលកសមុទ្រខ្ពស់ ចំណែកឯនៅរាជធានីភ្នំពេញ ខេត្តកណ្តាល កំពង់ស្ពឺ តាកែវ និងខេត្តកំពត អាចមានភ្លៀងធ្លាក់ក្នុងកម្រិតពីខ្សោយទៅមធ្យម។ ចំពោះបណ្តាខេត្តនៅជាប់ព្រំប្រទល់កម្ពុជា-វៀតណាម និងនៅភាគពាយព្យខាងជើង និងឦសាន នឹងអាចមានភ្លៀងក្នុងកម្រិតពីមធ្យមទៅបង្គួរ ហើយកន្លែងខ្លះអាចមានភ្លៀងខ្លាំង រីឯបាតុភូតផ្គរ រន្ទះ និងខ្យល់កន្ត្រាក់នៅតែបន្តកើតមាន។ អត្ថបទ៖ សេម

កាន់តែប្លែក និង អស្ចារ្យទៀតហើយ ដោយ OPPO បាននឹងកំពុងតែឈានទៅរកការបំបែកកំណត់ត្រាថ្មីរបស់ខ្លួនមួយផ្នែកទៀត ជាមូយនឹងការដាក់តាំងបង្ហាញបច្ចេកវិទ្យាថ្មី និងទំនើប នៅក្នុងព្រឹត្តិការណ៍ Mobile World Congress (MWC) ឆ្នាំ២០១៩ នៅទីក្រុងសៀងហៃ ប្រទេសចិន ។ លើកនេះ មិនដឹងថាបច្ចេកវិទ្យាដ៏ទំនើបនេះ នឹងត្រូវបំពាក់នៅលើម៉ូឌែលអ្វីនោះទេ! គ្រាន់តែដឹងថាវាជាបច្ចេកវិទ្យាដែលមានបំពាក់កាមេរ៉ាបង្កប់ខ្លួនក្នុងអេក្រង់ទូរស័ព្ទ ដែលគ្មានឆក គ្មានហូតចេញ និងគ្មានផុស ដូចម៉ូឌែលមុនៗឡើយ ។ តាមរយៈវីដេអូ Teaser មួយនេះ យើងឃើញថា OPPO ហាក់ដូចជាចង់បង្ហាញពីភាពវិវឌ្ឍន៍ នៃការរចនាកាមេរ៉ារបស់ពួកគេដែលល្អឥតខ្ចោះ ចង់ដឹងថាយ៉ាងណាខ្លះសូមមើល

កាលពីរសៀលថ្ងៃទី២៥ ខែមិថុនា ឆ្នាំ២០១៩ នេះ សម្តេចតេជោបានប្រកាសថា នឹងថវិការបស់សប្បុរសជន ដែលប្រមូលបានជាង២លានដុល្លារសហរដ្ឋអាមេរិក យកទៅឧបត្ថម្ភដល់អ្នករបួស និងស្លាប់ក្នុងហេតុការណ៍បាក់រលំអគារនៅក្រុងព្រះសីហនុ ដោយអ្នករបួសម្នាក់ទទួល១មុឺនដុល្លាសម្រាប់២៤នាក់ ឯ២នាក់ទៀតដែលស្ថិតក្រោមគំនរបាក់បែកប្រមាណជិត៦០ម៉ោងនៅរស់រានមានជិវិត ដោយសារការជួយសង្រ្គោះត្រូវបានឧបត្ថម្ភក្នុងម្នាក់ចំនួន៣មុឺនដុល្លា ចំណែកឯអ្នកស្លាប់ចំនួន២៨នាក់ ទទួលបានថវិកាប្រគល់ទៅក្រុមគ្រួសារក្នុងម្នាក់ចំនួន ៦៧,៨០០ដុល្លានេះមិនគិតពីថវិការរាជរដ្ឋាភិបាល១មុឺនដុល្លារដែលជូនដល់គ្រួសារអ្នកស្លាប់មួយចំនួនក្រោយ១ថ្ងៃនៃថ្ងៃកើតហេតុផងទេ។ ក្រៅពីនេះសម្តេចតេជោក៏បានបញ្ជាក់បន្ថែមទៀតថា សម្តេចនឹងធ្វើការឧបត្ថម្ភដល់កងកម្លាំងជួយសង្គ្រោះ ដោយបុរសទទួលបាន $100 ក្នុងម្នាក់ និងនារីទទួលបាន $200 ក្នុងម្នាក់។ សម្តេចបានឲ្យដឹងនៅលើបណ្តាញសង្គមដូច្នេះថា “ក្នុងការចូលរួមយោបល់តាមរយះcomment មានបងប្អូនមួយចំនួនសំណូមពរមកខ្ញុំឱ្យជួយឧបត្ថម្ភចំពោះកម្លាំងចូលរួមបំពេញការងាររុករកនិងជួយសង្រ្គោះផង។នេះពិតជាសំណូមពរត្រឹមត្រូវព្រោះបើគ្មានកម្លាំងដែលពោពេញដោយភាពក្លាហានមិនខ្លាចនើយហត់នេះទេយើងមិនអាចស្រោចស្រង់ជិវិតអ្នកដែលនៅរស់និងយកសាកសពបានទេ។ សូមជំរាបជូនថា ខ្ញុំបានយកថវិការខ្ញុំជាង១៥មុឺនដុល្លាចែកជូនបងប្អូន១៤៨៧នាក់តាំងពីយប់មុិញមកម្លេះដោយបុរសទទួល100$ក្នងម្នាក់នារីទទួលបាន200$ក្នុងម្នាក់។ ភរិយាខ្ញុំនិងកូនៗខ្ញុំបានជួយផ្តល់បាយម្ហូបអាហារទឹកផឹកទឹកក្រូចក្នុងពេលប្រតិបត្តិការមុនពេលខ្ញុំទៅដលកន្លែងកើតហេតុ។”៕   អត្ថបទ៖ សេម

មុននេះបន្តិចសម្តេចតេជោបានបង្ហោះព័ត៌មានបន្ថែមថា៖ អាស្រ័យដោយក្តីអាណិតស្រឡាញ់ ចំពោះជនរងគ្រោះ សប្បុរសជននៅបន្ត ជួយឧបត្ថមដែលធ្វើចំនួនទឹកប្រាក់កើន ឡើងពី2,198,400$ដល់2,368,400$។ ដោយដក៣០មុឺនដុល្លាចែកជូនអ្នកត្រូវ របួសថវិការនៅសល់សម្រាប់ចែកជូន ក្រុមគ្រួសារអ្នកស្លាប់កើនពីចំនួន 1,898,400$ដល់2,068,400$ ដែលធ្វើអោយគ្រួសារសពម្នាក់ៗទទួល បានកើនពី67,800$ដល់73,870$។ យើងនៅតែបន្តទទួលជំនួយឧបត្ថមនេះ តទៅទៀតដែលក្នុងឱកាស់នេះខ្ញុំសូម ថ្លែងអំណរគុណយ៉ាងជ្រាលជ្រៅចំពោះ ការជួយឧបត្ថម្ភដ៏ថ្លៃថ្លានេះ។លោក សេង ទៀងនឹងចាត់ចែងបញ្ជូនថវិការ នេះទៅកាន់គ្រួសារសពនៅពេលបិទ បញ្ចប់ការទទួលជំនួយតាមរយះធានាគារ។ ខ្ញុំក៏សុំបញ្ជាក់ជូនផងដែរថាយប់មុិញនេះ នៅមុនម៉ោង១២យប់ខ្ញុំបានឱ្យលោក សេង ទៀងយកថវិការខ្ញុំទៅចែកជូន កម្លាំងចូលរួមប្រត្តិបត្តិការចំនួន១៤៨៧នាក់ក្នងនោះនារី៣៥នាក់ ដោយម្នាក់ៗជាបុរសទទួលបាន100$ ជានារីទទួលបាន200$។ ថវិការដែលទទួលបានពីសប្បុរសជន ប្រើប្រាស់សម្រាប់តែអ្នកស្លាប់និងរបួស ប៉ុណ្ណោះ៕

ករណីបាក់ស្រុតអគារនៅខេត្តព្រះសីហនុបានធ្វើឲ្យមហាជនខ្មែរទាំងក្នុង និងក្រៅប្រទេសភ័យតក់ស្លុតក្រៀមក្រំចិត្តជាខ្លាំង។ ដោយគ្រោះថ្នាក់មួយនេះបានឆក់យកជីវិតមនុស្សស្លូតត្រង់ជាច្រើននាក់ ដែលប្រកបរបរធ្វើការកម្មករសំណង់ ដើម្បីចិញ្ចឹមជីវិត។ ក្នុងនោះផងដែរ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជាក៏បានចូលរួមសម្តែងការសោកស្តាយ ព្រមទាំងបានចុះទៅពិនិត្យដល់ទីតាំងកើតហេតុផ្ទាល់ផងដែរ។ យ៉ាងណាមិញអ្នកនាង ចន ច័ន្ទលក្ខិណា ដែលជាប្រធានសមាគមមិត្តសិល្បករ ក៏បានបង្ហោះសាររំលែកទុក្ខ និងបានប្រកាសថានៅថ្ងៃទី២៧ ខែមិថុនា អ្នកនាងព្រមទាំងសិល្បករសិល្បការិនី នឹងរៀបចំពិធីបុណ្យគំរប់ ៧ ថ្ងៃដើម្បីឧទ្ទិសបុណ្យកុសលជូនវិញ្ញាក្ខន្ធជនរងគ្រោះដែលទទួលមរណភាពដោយសារតែបាក់រលំអគារកម្ពស់៧ជាន់នៅក្រុងព្រះសីហនុ។ ដោយអ្នកនាង ចន ច័ន្ទលក្ខិណា បានប្រកាសយ៉ាងដូច្នេះថា៖ “«ថ្ងៃទី២៧ ខាងមុខនេះ ប្អូនស្រី សូ ដានីតា ប្អូនប្រុស តាន់ គឹមសួរ