រាជធានីភ្នំពេញ​៖ នាព្រឹកថ្ងៃទី១២ ខែមីនា ឆ្នាំ២០១៩នេះ ផលិតផលក្លែងក្លាយប្រមាណជាង៧០តោនត្រូវបានកម្ទេចោល នៅទីលានដីតាមបណ្ដាយមហាវិថី​ សម្ដេចតេជោ​ ៦០ម៉ែត្រ ក្រោមអធិបតីភាពសម្តេចក្រឡាហោម ​ស ​ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ។ ផលិតផលក្លែងក្លាយ ខូចគុណភាពទាំងនោះមានដូចជា៖ ថ្នាំពេទ្យក្លែងក្លាយ១០៦មុខ​ ,ទឹកសុទ្ធម៉ាក​ Evian ,Saint Amanda, Montcalm ជិត៦ពាន់កេស​ និងផលិតផល​ ជីកសិកម្ម​ ជិត៨តោន​ សរុបទាំងអស់មានជាង៧០តោន​ ដែល​ គណៈកម្មាធិការ​ ប្រយុទ្ធប្រឆាំង​ផលិតផលក្លែងក្លាយ​ បានធ្វេីប្រតិបត្តិការបង្ក្រាបនាពេលកន្លងមក​ ត្រូវបានតុលាការ​ អនុញ្ញាត​ ឲ្យ​ គគណៈកម្មាធិការ​

ចិន៖ ចោរចិត្តល្អបានប្រគល់លុយឲ្យទៅស្រ្តីរងគ្រោះវិញគ្រប់ចំនួនក្រោយគាត់បានមើលឃើញថា នៅក្នុងគណនីធនាគាររបស់នាងគ្មានលុយទាល់តែសោះ។ ហេតុការណ៍នេះបានកើតឡើងនៅក្នុងក្រុង Guangdong ប្រទេសចិន។​ នៅក្នុងយប់កើតហេតុស្រ្តីរងគ្រោះមានឈ្មោះថា Li បានទៅដកប្រាក់ពីម៉ាស៊ីន ATM របស់ធនាគារ ICBC ចំនួន ២,៥០០ យន់ (៣៧២​ ដុល្លារអាមេរិក)។​ ក្រោយពេលនាងដកប្រាក់បន្តិច ស្រាប់តែមានបុរសម្នាក់ចូលទៅក្នុងទូ ATM ដែរ និងបានយកកាំបិទទៅគំរាមស្រ្តីរងគ្រោះយកលុយក្នុងដៃនាងទាំងអស់ និងថែមទាំងបង្ខំឲ្យនាងដកប្រាក់ចេញពីម៉ាស៊ីន ATM ថែមទៀតផង តែពេលដែលនាងព្យាយាមដកលុយថែមទៀតនោះបុរសជាចោរបានមើលឃើញថា ក្នុងគណនីរបស់នាងគ្មានលុយនោះទេ។ ដោយឃើញនាងគ្មានលុយដូចនេះ បុរសជាចោរនោះក៏បានប្រគល់លុយឲ្យទៅស្រ្តីរងគ្រោះវិញទាំងទឹកមុខញញឹម និងបានដើរចេញទៅបាត់។ យ៉ាងណាក្តី សកម្មភាពនេះត្រូវបានថតជាប់ដោយកាមេរ៉ាសុវត្ថិភាព និងក្រោយមកប៉ូលិសអាចកំណត់អត្តសញ្ញាណបុរសជាចោរនោះ និងតាមចាប់ខ្លួនគាត់បានទៀតផង៕ https://www.youtube.com/watch?v=5Qd08NpFuYU

អាមេរិក៖ លោកប្រធានាធិបតីអាមេរិក Donald Trump កំពុងតែស្វែងរកថវិការចំនួន ៨,៦ ពាន់លានដុល្លារបន្ថែមទៀត សម្រាប់គម្រោងសាងសង់ជញ្ជាំងព្រំប្រទល់រវាងប្រទេសអាមេរិក និងមិចស៊ីកូ ដែលចំនួនថវិកាខាងលើនេះត្រូវបានគេមើលថា មានទំហំច្រើនជាងគម្រោងចំណាយកាលពីឆ្នាំមុនចំនួន ៥,៧ ពាន់លានដុល្លារឯណោះ។ បើតាមសារព័ត៌មានអេឡិចត្រូនិច TIMESOFINDIA បានចុះផ្សាយថា រហូតមកទល់នឹងពេលនេះ សំណើនៃការសុំថវិការបស់លោក Donald Trump ត្រូវបានគេបញ្ជូនទៅដល់សភាអាមេរិកហើយ ហើយគេរង់ចាំតែសេចក្តីសម្រេចប៉ុណ្ណោះ។ បើយោងតាមលោក Larry Kudlow ដែលជាទីប្រឹក្សាសេតវិមានអាមេរិកបានប្រាប់អ្នកសារព័ត៌មានថា កាលពីឆ្នាំមុនដំណើរការនៃការប្រជុំសម្រេចកញ្ចប់ថវិកានេះ ត្រូវការពេលវេលារហូតដល់ ៣៥ ថ្ងៃ ហើយលោកបន្តថា លើកនេះក៏ប្រហែលជាត្រូវការពេលវេលាប្រហែលនឹងឆ្នាំចាស់ដែរ។​ ទីប្រឹក្សាសេដ្ឋកិច្ចរូបនេះបានបង្ហាញជំហរយ៉ាងមុតមាំថា សភាអាមេរិកនឹងសម្រេចអនុម័តកញ្ចប់ថវិកាខាងលើនេះគ្រប់តាមសំណើផងដែរ។ សូមបញ្ជាក់ថា

កាលពីពេលថ្មីៗនេះ មន្ទីរពេទ្យមិត្តភាពខ្មែរ-សូវៀត បានចេញសេចក្តីជូនដំណឹងដល់បងប្អូនប្រជាពលរដ្ឋទាំងអស់ឲ្យបានជ្រាបថា ផ្នែកចក្ខុរោគ នៃមន្ទីរពេទ្យមិត្តភាពខ្មែរ-សូវៀត បានសហការជាមួយក្រុមគ្រូពេទ្យឯកទេសបាតភ្នែកមកពីប្រទេសអូស្ត្រាលី នឹងធ្វើការ ពិនិត្យ ព្យាបាល ជំងឺបាតភ្នែក រយៈពេល១០ថ្ងៃ នៅថ្ងៃទី១៨ ដល់ថ្ងៃទី២២ ខែមិនា ឆ្នាំ២០១៩ និងថ្ងៃទី២៤ ដល់ថ្ងៃទី២៩ ខែមិនា ឆ្នាំ២០១៩។ ដូច្នេះប្រសិនបើបងប្អូនប្រជាពលរដ្ឋមានជំងឺភ្នែកខាងលើ កុំភ្លេចមកពិនិត្យ និងព្យាបាល៕ អត្ថបទ៖ សេម

ក្រុមហ៊ុនផលិតយន្តហោះ Boeing បានសម្រេចធ្វើការពន្យាពេលការដាក់បង្ហាញយន្តហោះស៊េរីថ្មីខ្លួន​ គឺយន្តហោះម៉ាក 777X ដែលការសម្រេចភ្លាមៗនេះត្រូវបានធ្វើឡើងក្រោយមានយន្តហោះ Boeing មួយគ្រឿងបានធ្លាក់ និងបានសម្លាប់មនុស្សអស់ចំនួន ១៥៧ នាក់។ តាមគម្រោងយន្តហោះ Boeing  777X  នឹងត្រូវបានគេបង្ហាញជាផ្លូវការនៅថ្ងៃពុធខាងមុខនេះ ហើយយន្តហោះមួយនេះអាចផ្ទុកអ្នកដំណើរបានរហូតដល់ ៤២៥ នាក់ និងមានបច្ចេកវិទ្យាទំនើបជាងយន្តហោះស៊េរីមុនៗទៀតផង។ សូមរម្លឹកជូនថា កាលពីព្រឹកថ្ងៃអាទិត្យកន្លងមកទៅនេះ មានយន្តហោះ Boeing មួយគ្រឿង​ ដែលប្រតិបត្តិការណ៍ដោយក្រុមហ៊ុនអាកាសចរណ៍ Ethiopia Airlines នៅក្នុងប្រទេស Ethiopia បានធ្លាក់ ខណៈដែលវាបានធ្វើការហោះហើរបានតែប៉ុន្មាននាទីប៉ុណ្ណោះ និងបានសម្លាប់មនុស្សអស់ ១៥៧ នាក់។ គេនៅចាំបានថាកាលពី ៥ ខែមុននេះ យន្តហោះ Boeing មួយគ្រឿងក៏បានធ្លាក់នៅក្នុងប្រទេសឥណ្ឌូនេស៊ីផងដែរ

ភ្នំពេញ៖ យុវជនយុវនារីមួយក្រុមដែលមកពីសហគមន៍បណ្តុះបណ្តាលកុមារកំព្រា មានគ្នាប្រហែលជាង ២០នាក់បាននាំគ្នាប្រមូលសំរាមនៅក្នុងបរិវេណ ពហុកីឡដ្ឋានជាតិអូឡាំពិច កាលពីយប់ថ្ងៃសោរ៏ ទី ៩ខែមីនា នៅពេលដែលការប្រកួតមិត្តភាពអន្តរជាតិ CLEAR ត្រូវបានបញ្ចប់ ហើយចលនាស្ម័គ្រចិត្តនេះទទួលបានការគាំទ្រជាមួយកម្លាំងក្រុមការងាររបស់ក្រុមហ៊ុនសាប៊ូកក់សក់ CLEAR ផ្ទាល់ ។ យុវជន ចាន់ ហេង បានរៀបរាប់ពីអារម្មណ៍រំភើបបន្ទាប់ពីបានទស្សនាការប្រកួតរវាង ប្រទេសកម្ពុជា និង ប្រទេសបង់ក្លាដេសដោយផ្ទាល់ នៅពហុកីឡដ្ឋានជាតិអូឡាំពិចនាយប់នោះ ហើយលោកក៏យល់ឃើញថា វាជាការចូលរួមចំណែករបស់លោកជាពលរដ្ឋម្នាក់ផងដែរ ក្នុងការចូលរួមប្រមូលសំរាមទាំងនោះវិញ ដោយវាអាចក្លាយជាគំរូសម្រាប់អ្នកបោះសំរាមចោលផ្តេសផ្តាស និងអាចឲ្យពួកគាត់រៀនសូត្រហើយកែប្រែទង្វើរបស់ខ្លួនបាននៅពេលមកមើលការប្រកួតលើកក្រោយផង។ យុវនារី ណាវ៉ាន់ ដែលជាក្រុមគាំទ្រកម្ពុជាមកពីសហគមន៍ជាមួយគ្នា ហើយបានចូលរួមប្រមូលសំរាមនៅទីនោះ បានបញ្ចេញមតិផងដែរថាអំពើរដែលជាគំរូល្អហាក់នៅមានចំនួនតិចតួច តែទឹកចិត្តដែលបានចំណាយពេលផ្ទាល់ខ្លួន

និយាយដល់រឿងភេសជ្ជៈប៉ូវកម្លាំងអ្នកប្រើប្រាស់មួយចំនួនធំអត់មិនបាន មួយថ្ងៃហោចណាស់ក៏១កំប៉ុងដែរ សម្រាប់ប៉ះប៉ូវរាងកាយ ក៏ដូចជាបន្ថែមថាមពលសម្រាប់ខួរក្បាល ដើម្បីបន្តការងារផ្សេងៗជាដើម។ ប៉ុន្តែអ្នកមានបានដឹងទេថា ប្រភេទភេសជ្ជៈបែបណាដែលអ្នកគួរទទួលទាន? ហើយមិនធ្វើឱ្យប៉ះពាល់ដល់សុខភាពរបស់យើងនាពេលខាងមុខ? ព្រមទាំងអាចជួយយើងអោយសម្រេចភារកិច្ចបាន? ពិតប្រាកដណាស់ អ្នកមិនគួរញុំឱ្យតែបានបំពេញកម្លាំងនោះទេ អ្នកក៏គួរតែគិតពិចារណាផងដែរមុននឹងញុំ ភេសជ្ជៈ ពីព្រោះថាវាទាក់ទងនឹងបញ្ហាសុខភាព និងចាំបាច់ខ្លាំងបំផុតសម្រាប់ជីវិត។ រាល់ភេសជ្ជៈដែលអ្នកញ៉ាំ អ្នកគួរតែឆ្លៀតពេលសិក្សាបន្តិចពីប្រវត្តិ ឬក៏ប្រភពរបស់វា និងគុណប្រយោជន៍ផលិតផលផងដែរ។ បើអ្នកស្រលាញ់សុខភាព អ្នកត្រូវញុំ ហេល…! ហេល រស់ជាតិថ្មីសម្រាប់មនុស្សទាន់សម័យ…! ហេល គឺជាភេសជ្ជៈប៉ូវកម្លាំងដែលគ្មានសារធាតុគីមីតែមួយគត់នៅកម្ពុជា…! ជាក់ស្តែង ហេល (HELL) គឺជាភេសជ្ជៈប៉ូវកម្លាំងដែលបានផលិតនៅសហគមន៍អឺរ៉ុបតាំងពីឆ្នាំ២០០៦ (Product Of Europe) ហើយសព្វថ្ងៃ

ខេត្តកំពង់ចាម៖​ គ្រូទាយម្នាក់ត្រូវបានកម្លាំងកងរាជអាវុធហត្ថខេត្តកំពង់ចាម ធ្វើការចាប់ខ្លួន ក្រោយប៉ុនប៉ងចាប់រំលោភស្ដ្រី ដែលបានពេលហៅឲ្យមកលើករាសី។ ហេតុការណ៍នេះបានកើតឡើងកាលពីវេលាម៉ោង ០៩ និង៣០នាទីថ្ងៃទី០៨ ខែមីនា ឆ្នាំ២០១៩ ស្ថិតនៅចំណុចបន្ទប់ជួលនៅភូមិអំពិលលើ ឃុំអំពឹល ស្រុកកំពង់សៀម។ ជនសង្ស័យមានឈ្មោះ​ ជុំ ជឿន អាយុ៦៧ឆ្នាំ មុខរបរកសិករ រស់នៅភូមិក្បាលហុងចាស់ ឃុំល្វាលើ ស្រុកចំការលើ ដែល​បន្លំធ្វើជាគ្រូទាយ និងលើករាសី ចំណែកឯជនរងគ្រោះមានអាយុ៣៩ឆ្នាំ ស្នាក់នៅផ្ទះជួលស្ថិតនៅភូមិ ឃុំ​ខាងលើ (មិនបានសម្រេច ដោយជនរងគ្រោះបានស្រែកឲ្យគេជួយ)។។ ក្រោយធ្វើការឃាត់ខ្លួន សមត្ថកិច្ចដកហូតបាន ស្រោមអនាម័យចំនួន២ ចានធូបទៀនយ័ន​ចំនួនមួយសម្រាប់ ខោអាវជនសង្ស័យ០១កំផ្លេរ ស្រាបៀរចំនួន០២កំប៉ុង, ទូរស័ព្ទចំនួន០៣គ្រឿង, ម៉ូតូ១គ្រឿង

ព័ត៌មានបែកធ្លាយកន្លងមកពីស្មាតហ្វូន Huawei P30 និង P30 Pro ដែលបាននិយាយផ្ដោតខ្លាំងទៅលើកាមេរ៉ា ហើយពេលនេះក៏មានរូបភាពមួយចំនួន ដែលជាលក្ខណៈរូបភាពផ្សព្វផ្សាយពីស្មាតហ្វូនម៉ូឌែល P30 និង P30 Pro ដែលបង្ហោះនៅលើបណ្ដាញសង្គមរបស់ចិន និងមានអក្សរនៅលើរូបភាពថា Huawei P30 Series #RewriteTheRules។ ឥឡូវនេះក្រុមហ៊ុន Huawei ជាពិសេស CEO Yu Chengdong ក៏បានទទួលយកនូវរូបភាពផ្សព្វផ្សាយនេះផងដែរ ហើយស្មាតហ្វូននេះនឹងបង្ហាញខ្លួននៅថ្ងៃទី ២៦ ខែមីនា ខាងមុខនេះ នៅទីក្រុងប៉ារីស ប្រទេសបារាំង ។ តែយ៉ាងណាព័ត៌មានលម្អិតរបស់

ខេត្តព្រះសីហនុ-រដ្ឋបាលខេត្តព្រះសីហនុ បានបង្ហាញរូបភាពគំរូប្លង់នៅលេីដងវិថី ២៤ មិថុនា(ផ្លូវភ្លោះ) ឆ្ពោះទៅកាន់ឆ្នេរឯករាជ្យ ក្រុងព្រះសីហនុ ដែលនឹងត្រូវរៀបចំតុបតែងលំអដោយភ្លេីងពណ៍ចំរុះ ដេីម្បីអបអរសាទរព្រឹត្តិការណ៍សង្រ្កាន្តសមុទ្រ ដែលនឹងប្រព្រឹត្តទៅរយៈពេល ៣ថ្ងៃ ពីថ្ងៃទី១៤ ដល់១៦ ខែមេសា ឆ្នាំ ២០១៩ខាងមុខ ក្នុងឱកាសពិធីបុណ្យចូលឆ្នាំខ្មែរឆ្នាំកុរនេះ។ បើតាមមន្ត្រីសាលាខេត្តអោយដឹងថា ក្រុមការងាររដ្ឋបាលខេត្តរួមជាមួយក្រុមហ៊ុន Blue Medai Cambodai បានធ្វេីការរចនា តុបតែងលំអតាមដងផ្លូវ ដោយគោមចម្រុះពណ៍បែបវប្បធម៍ខ្មែរយើង។ មានព្រះឆាយាល័ក្ខព្រះមហាក្សត្រ សម្តេចតា សម្តេចយាយ និងរូបភាពសម្តេចអគ្គមហាសេនាបតីតេជោហ៊ុនសែនក៏នឹងចាប់ផ្តើមដាក់តាមទីតាំងមួយចំនួនផងដែរ ។ សូមបញ្ជាក់ផងដែរថា រដ្ឋបាលខេត្តព្រះសីហនុ សហការជាមួយក្រុមហ៊ុន BLUE MEDIA