រាជធានីភ្នំពេញ៖ យោងតាមការចុះផ្សាយរបស់ ក្រសួងសាធារណការ និងដឹកជញ្ជូន បានឲ្យដឹងថា កាលពីម្សិលមិញនៅថ្ងៃទី២៧ ខែឧសភា ឆ្នាំ២០២២ នៅទីស្តីការក្រសួង ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្ត្រី ក្រសួងសាធារណការ និងដឹកជញ្ជូន បានអញ្ជើញជាវាគ្មិនក្នុងកម្មវិធីMPWT LIVE SHOW ក្រោមប្រធានបទ៖ ការប្រើប្រាស់យានយន្ត អគ្គិសនីនៅកម្ពុជា ដោយ មានការចូលរួមថ្នាក់ដឹកនាំ និងមន្ត្រីជំនាញពាក់ព័ន្ធ។ កម្មវិធីMPWT Live Showនេះ បង្កើតឡើងក្នុងគោលបំណងជំរុញការផ្សព្វផ្សាយព័ត៌មានឱ្យបានទូលំ ទូលាយ និងសម្បូរបែបជូនបងប្អូនប្រជាពលរដ្ឋអំពីបេសកកម្ម ចក្ខុវិស័យ កិច្ចខិតខំប្រឹងប្រែង សមិទ្ធផល និងវឌ្ឍនភាពការងាររបស់ក្រសួង

នៅថ្ងៃទី28 ខែឧសភា ឆ្នាំ2022នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ករណីកូវីដ-១៩ ដោយថ្ងៃនេះពុំមានរកឃើញករណីវិជ្ជមានវីរុសកូវីដ១៩ថ្មីទេ ខណៈអ្នកបានជាសះស្បើយថ្មីពុំមានដែរ និងមិនមានអ្នកបាត់បង់ជីវិតទេ ហើយគិតមកទល់ពេលនេះ ករណីឆ្លងកូវីដ១៩ សរុបនៅក្នុងប្រទេសកម្ពុជា មានចំនួន 136,262 នាក់, ករណីជាសះស្បើយសរុប 133,201 នាក់ និងស្លាប់សរុប 3,056 នាក់៕

រាជធានីភ្នំពេញ៖ យោងតាមការចុះផ្សាយរបស់ ក្រសួងសាធារណការ និងដឹកជញ្ជូន នៅថ្ងៃទី២៨ ខែឧសភា ឆ្នាំ២០២២ ក្រសួងសាធារណការពន្យល់ពីអត្ថន័យនៃផ្លាកសញ្ញា ដែលអ្នកប្រើប្រាស់ផ្លូវច្រើនជួបប្រទះនៅត្រង់ផ្លូវប្រសព្វ។ ១.ផ្លាកសញ្ញា “ឈប់” (នៅត្រង់ផ្លូវប្រសព្វ) STOP (at Intersection)៖ សញ្ញានេះសម្រាប់សម្គាល់ផ្លូវបាត់សិទ្ធិ។ អ្នកបើកបរត្រូវឈប់ ទោះបីមាន ឬគ្មានយានជំនិះផ្សេងទៀតឆ្លងកាត់នៅខាងមុខក៏ដោយ។ អ្នកបើកបរអាចបន្តដំណើរទៅមុខបានលុះត្រាតែផ្លូវដែលត្រូវឆ្លងកាត់នោះទំនេរ។ ២.ផ្លាកសញ្ញាបង្ហាញកន្លែងថ្មើរជើងឆ្លងកាត់(PEDESTRIAN CROSSING AREA)៖ សញ្ញានេះ ប្រើសម្រាប់ផ្ដល់ដំណឹងដល់អ្នកប្រើប្រាស់ផ្លូវ អំពីទីកន្លែងសម្រាប់ថ្មើរជើងដែលត្រូវឆ្លងកាត់។ ក្រសួងសាធារណការ និងដឹកជញ្ជូនស្នើសុំការសហការពីបងប្អូនប្រជាពលរដ្ឋក្នុងការរាយការណ៍ករណីឃើញមានផ្លាកសញ្ញាមានការបាក់បែក ឬដួលរលំ តាមរយៈកម្មវិធីថែទាំផ្លូវ (ROAD CARE Mobile App)

រាជធានីភ្នំពេញ៖ យោងតាមការចុះផ្សាយរបស់ ក្រសួងព័ត៌មាន នៅថ្ងៃទី២៨ ខែឧសភា ឆ្នាំ២០២២ រាជរដ្ឋាភិបាលកម្ពុជា បានចេញអនុក្រឹត្យស្ដីពី ការកែសម្រួលផ្ទៃដីទំហំ ៣ ៤៤៨ហិកតា ៧៧អា ចេញពីតំបន់៣ បញ្ចូលមកតំបន់២ នៃតំបន់បឹងទន្លេសាប ស្ថិតក្នុងភូមិសាស្ត្រខេត្តពោធិ៍សាត់ និងប្រគល់ជូនប្រជាពលរដ្ឋប្រើប្រាស់ និងអាស្រ័យផល។ រាជរដ្ឋាភិបាល កែសម្រួលផ្ទៃដីទំហំ ៣ ៤៤៨ ហិកតា ៧៧ អា ស្ថិតក្នុងភូមិសាស្ត្រខេត្តពោធិ៍សាត់ ចេញពីតំបន់៣ នៃបឹងទន្លេសាប ដែលកំណត់ដោយអនុក្រឹត្យលេខ ១៩៧ អនក្រ.បក ចុះថ្ងៃទី២៩ ខែសីហា ឆ្នាំ២០១១

រាជធានីភ្នំពេញ៖ ​យោងតាមការចុះផ្សាយរបស់ ក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី២៨ ខែឧសភា ឆ្នាំ២០២២ បានចេញសារាចរណែនាំ ស្ដីពី ការថែទាំស្រូវរដូវវស្សាឆ្នាំ២០២២។ នៅរដូវវស្សាឆ្នាំ២០២២ ដោយទឹកភ្លៀងបានចាប់ផ្ដើមធ្លាក់លឿនជាងបណ្ដាឆ្នាំមុនៗ និងរាយប៉ាយស្ទើរគ្រប់តំបន់ដែលបានផ្ដល់ដល់ការដាំដុះស្រូវដើមរដូវ។ គិតត្រឹមថ្ងៃទី២៥ ខែឧសភា ឆ្នាំ២០២២នេះ កសិករសម្រេចដាំដុះដំណាំស្រូវវស្សាបានចំនួន ៥០២ ៧៩៩ហិកតា ស្មើនឹង១៩,១៩% នៃផែនការ ២ ៦១៩ ៥០០ហិកតា​ ក្នុងនោះស្រូវស្រាលចំនួន ៣១៧ ៦៦៣ ស្រូវកណ្ដាលចំនួន ៩៩ ៣១១ហិកតា ស្រូវធ្ងន់ចំនួនចំនួន ៧៩ ០៤៥ហិកតា

ដំណឹងដ៏ភ្ញាក់ផ្អើលមួយដែលអ្នកឧកញ៉ា ឡេង ណាវ៉ាត្រា បានបង្ហោះសារកាលពីរសៀលថ្ងៃទី២៧ ខែឧសភា​ ឆ្នាំ២០២២ ស្តីពីការចាកចេញរបស់លោក យឹម តាស្រង់ ពីផលិតកម្ម Galaxy បានធ្វើមហាជនមានការភ្ញាក់ផ្អើលយ៉ាងខ្លាំង។ ជាមួយគ្នានោះដែរ ក៏ឃើញមានវត្តមានថ្មី អ្នកគ្រប់គ្រង និងទីប្រឹក្សាចំនួន៣រូប មកជំនួសដំណែងលោក យឹម តាស្រង់ ផងដែរ។ ហើយថ្មីៗនេះលោក យឹម តាស្រង់ បានបង្ហោះសារនៅលើ Facebook លោកថា៖ “ខ្ញុំបាទ យឹម តាស្រង់ សូមអរគុណនូវទឹកចិត្តដ៏ថ្លៃថ្លារបស់អ្នកឧកញ៉ា ឡេង ណាវ៉ាត្រា មិនត្រឹមតែជាមេដឹកនាំល្អគឺថែមទាំងជាបងប្អូនល្អនៅក្នុងការធ្វើការងារ រយៈពេលរួមរស់ជាមួយ

នៅថ្ងៃទី27 ខែឧសភា ឆ្នាំ2022នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ករណីកូវីដ-១៩ ដោយថ្ងៃនេះពុំមានរកឃើញករណីវិជ្ជមានវីរុសកូវីដ១៩ថ្មីទេ ខណៈអ្នកបានជាសះស្បើយថ្មីពុំមានដែរ និងមិនមានអ្នកបាត់បង់ជីវិតទេ ហើយគិតមកទល់ពេលនេះ ករណីឆ្លងកូវីដ១៩ សរុបនៅក្នុងប្រទេសកម្ពុជា មានចំនួន 136,262 នាក់, ករណីជាសះស្បើយសរុប 133,201 នាក់ និងស្លាប់សរុប 3,056 នាក់៕

គណៈកម្មាធិការ​ជាតិ​អូឡាំពិក​កម្ពុជា ​(NOCC) បាន​ប្រកាស​អំពី​ការ​ដង្ហែ​ពានរង្វាន់​បាល់​ទាត់​ពិភពលោក FIFA World Cup Trophy Tour មកកាន់​ប្រទេស​កម្ពុជា​ជា​ផ្លូវការ​ហើយ ក្រោយ​ទទួល​បាន​ការអនុញ្ញាត​ពី​រាជរដ្ឋាភិបាល។​ ​យោង​តាម​សេចក្ដីប្រកាស​ព័ត៌មាន​ របស់​គណៈកម្មាធិកា​រ​ជាតិ​អូឡាំពិក​កម្ពុជានៅ​ព្រឹក​ថ្ងៃ​ទី​២៧ ខែ​ឧសភា​នេះ​បាន​បញ្ជាក់​ថា ពានរង្វាន់​បាល់ទាត់​ពិភពលោក​ “FIFA World Cup Trophy Tour” ​នឹងមកដល់​រាជធានី​ភ្នំពេញ នៃព្រះរាជាណាចក្រកម្ពុជាតាម​ជើង​ហោះហើរ​ឯកជន​ពិសេស “Private jet” នា​ថ្ងៃ​ទី​១៥ ខែ​មិថុនា ឆ្នាំ​២០២២ ខាងមុខ។​ តាមរយៈ​នេះ ក្នុងនាម​ប្រជាពលរដ្ឋ​កម្ពុជា​ទាំងអស់ គណៈកម្មាធិការ​ជាតិ​អូឡាំពិក​កម្ពុជា​បាន​ចាត់​ទុក​នេះ គឺជា​មោទនភាព​ជាតិ​ដ៏​វិសេសវិសាល ដែល​កម្ពុជា​បាន​ទទួល​ព្រឹត្តិការណ៍​នៃ​ដំណើរ​គោចរ​ពានរង្វាន់​បាល់ទាត់​ពិភពលោក​លើក​ទី​១ មកដល់កម្ពុជា ដើម្បី​អបអរសាទរ​ការប្រកួត​បាល់ទាត់​ដណ្ដើម​ពានរង្វាន់​ពិភពលោក​នា​ខែ​ធ្នូ ឆ្នាំ​២០២២

យោងតាមការចុះផ្សាយរបស់ ក្រសួងព័ត៌មាន បានឲ្យដឹងថា ក្រសួងឧស្សាហកម្ម និងពាណិជ្ជកម្មឡាវ និងសមាគមប្រេងឥន្ធនៈ និងឧស្ម័នឡាវ កំពុងជំរុញប្រជាជនឱ្យសន្សំសំចៃក្នុងការប្រើប្រាស់ប្រេងឥន្ធនៈ និងកុំធ្វើដំណើរបើមិនចាំបាច់។ ការអំពាវនាវនេះ គឺដើម្បីធានាថា ប្រេងសាំងបម្រុងមានគ្រប់គ្រាន់សម្រាប់ការប្រើប្រាស់ក្នុងការធ្វើកសិកម្ម និងសកម្មភាពសំខាន់ៗផ្សេងទៀត។ កសិករមួយចំនួនបានត្អូញត្អែរថា ពួកគេមិនអាចបង្កបង្កើនផលបានដោយសារកង្វះខាតប្រេងឥន្ធនៈ និងបានអំពាវនាវឱ្យភាគីពាក់ព័ន្ធនានាចាត់វិធានការដោះស្រាយវិបត្តិនេះឱ្យបានឆាប់រហ័ស។ ខេត្តខាំមួនជាខេត្តមួយក្នុងចំណោមខេត្តជាច្រើនដែលទទួលរងការខ្វះខាតប្រេងឥន្ធនៈ ហើយម៉ាស៊ីនបូមប្រេងនៅតាមស្ថានីយ៍ប្រេងឥន្ធនៈមួយចំនួនចាប់ផ្តើមស្ងួត ដែលមានន័យថា អ្នកបើកបរយានយន្តជាច្រើនមិនអាចប្រើប្រាស់យានជំនិះរបស់ពួកគេបាន។ សារព័ត៌មាន Laotian Times បានរាយការណ៍ថា រដ្ឋសភាឡាវបានអនុម័តសេចក្តីសម្រេចមួយដើម្បីកាត់បន្ថយពន្ធអាករទៅលើប្រេងឥន្ធនៈ ដើម្បីព្យាយាមបញ្ចៀសវិបត្តិប្រេងឥន្ធនៈនៅក្នុងប្រទេស។ ពន្ធអាករលើប្រេងម៉ាស៊ូតនឹងត្រូវបានកាត់បន្ថយពី ២១ភាគរយមកនៅត្រឹម ១១ភាគរយ ខណៈដែលពន្ធអាករលើប្រេងឥន្ធនៈនឹងធ្លាក់ចុះពី ៣១ភាគរយមកនៅត្រឹម ១៦ភាគរយ។ ការកាត់បន្ថយពន្ធលើប្រេងឥន្ធនៈ គឺជាវិធានការបណ្ដោះអាសន្នដែលមានរយៈពេលបីខែ

យោងតាមអនុក្រឹត្យបញ្ចប់តំណែង ចុះថ្ងៃទី០៤ ខែកុម្ភៈ ឆ្នាំ២០២២ បានឲ្យដឹងថា ប្រមុខរាជរដ្ឋាភិបាលបានធ្វើការសម្រេច បញ្ចប់មុខតំណែងឧត្តមសេនីយ៍ត្រី ទី ចំរើនកុល អត្តលេខ ៥៤៥៧៧ សមាជិកក្រុមប្រឹក្សានីតិកម្ម ក្រសួងមហាផ្ទៃ មានឋានៈស្មើ ប្រធាននាយកដ្ឋាន ឲ្យមកជាមន្ត្រី៕