អ្នកវិទ្យាសាស្ត្រម្នាក់ដែលបានជួយរកឃើញវីរុសអេបូឡានៅទ្វីបអាហ្រ្វិក កាលពីប្រហែល ៤០ឆ្នាំមុន បានព្រមានពីវីរុសថ្មីមួយទៀត ដែលអាចបណ្តាលឱ្យមានគ្រោះថ្នាក់ដល់អាយុជីវិត និងរីករាលដាលយ៉ាងឆាប់រហ័សដូចជាជំងឺ COVID-19 ។ សាស្រ្តាចារ្យលោក Jean-Jacques Muyembe Tamfum បានព្រមានថា មនុស្សជាតិប្រឈមនឹងការគំរាមកំហែងដែលមិនស្គាល់ជាច្រើន ក្នុងទម្រង់ជាជំងឺដែលអាចធ្វើឱ្យមនុស្សទូទាំងពិភពលោកជួបគ្រោះថ្នាក់។ ខណៈដែលជំងឺ COVID-19 ចំនួន ២ ប្រភេទផ្សេងគ្នា បានធ្វើឱ្យកក្រើកដល់ពិភពលោក ជាមួយនឹងការកើនឡើងនៃករណីនាពេលថ្មីៗ ការរំពឹងថានឹងមានជំងឺប្រភេទថ្មី ឬហៅថា «ជំងឺ X» ក៏បានកើតមានឡើង ហើយវានឹងក្លាយជាជំងឺរាតត្បាតនាពេលអនាគត (X សំដៅទៅលើជំងឺដែលនឹងកើតមានឡើងយ៉ាងនឹកស្មានមិនដល់)។ បច្ចុប្បន្ននេះការគំរាមកំហែងនៃ «ជំងឺ X» បានជះឥទ្ធិពលដល់មនុស្សយ៉ាងខ្លាំង

ប្រធានាធិបតីអាមេរិកលោក ដូណាល់ ត្រាំ បានទទួលស្គាល់ថា លោក ចូ បៃដិន នឹងក្លាយជាប្រធានាធិបតីបន្ទាប់ពីលោក។ នៅក្នុងវីដេអូដែលបានបង្ហោះនៅលើបណ្តាញសង្គម Twitter កាលពីថ្ងៃព្រហស្បតិ៍ (ម៉ោងនៅអាមេរិក) លោក ដូណាល់ ត្រាំ បានសរសេរថា៖«សភាបានបញ្ជាក់លទ្ធផល ហើយរដ្ឋបាលថ្មីនឹងត្រូវបើកសម្ពោធនៅថ្ងៃទី២០ ខែមករា»។ លោកបានបន្ថែមថា «ពេលវេលានេះទាមទារឱ្យមានការស្រុះស្រួល និងការផ្សះផ្សាគ្នា»។ pic.twitter.com/csX07ZVWGe — Donald J. Trump (@realDonaldTrump) January 8, 2021 អត្ថបទ៖ លីដា ប្រភព៖ NHK

អាមេរិក៖ សារព័ត៌មាន BBC បានរាយការណ៍ថា ក្រុមអ្នកបើករថយន្តសង្គ្រោះបន្ទាន់នៅក្នុងក្រុង Los Angeles រដ្ឋ Californi សហរដ្ឋអាមេរិក ត្រូវបានគេណែនាំមិនឲ្យនាំយកអ្នកជំងឺណាដែលទំនងជាមិនអាចសង្គ្រោះជីវិតបានទៅកាន់មន្ទីរពេទ្យនោះទេ។ ការណែនាំរបៀបនេះស្ដាប់មើលទៅវាហាក់ឃោឃៅនិងអមនុស្សធម៌ណាស់ តែយ៉ាងណាក្តីវាគឺជាជម្រើសមួយនៅក្នុងស្ថានភាពដែលជំងឺកូវីដ ១៩ កំពុងរាតត្បាតខ្លាំងដែលធ្វើឲ្យមន្ទីរពេទ្យត្រូវផ្ទុកអ្នកជំងឺយ៉ាងច្រើនសន្ធឹកសន្ធាប់លើសចំនួនកំណត់ ខណៈសម្ភារៈបរិក្ខាពេទ្យមានចំនួនកំណត់។ ប្រភពខាងលើបាបន្តថា ក្រុង Los Angeles មានតួលេខអ្នកឆ្លងជំងឺកូវីដ ១៩ រាប់ពាន់នាក់ក្នុងមួយថ្ងៃៗជាក់ស្តែងកាលពីថ្ងៃចន្ទកន្លងទៅក្រុងមួយនេះបានរកឃើញអ្នកឆ្លងជំងឺកូវីដ ១៩ ចំនួន ៩ ១៤២ ករណី ស្លាប់ចំនួន ៧៧ ករណី ខណៈគិតជាមធ្យម Los Angeles

យោងតាមការចុះផ្សាយរបស់សារព័ត៌មាន CNN បានឱ្យដឹងថា វិមាន Capitol Hill ពេលនេះត្រូវបានធានាសុវត្ថិភាពជាថ្មីម្តងទៀត ប៉ុន្តែមានមនុស្សចំនួន ៤នាក់ រួមទាំងស្ត្រីម្នាក់បានស្លាប់ បន្ទាប់ពីអ្នកគាំទ្រប្រធានាធិបតីលោក ដូណាល់ ត្រាំ បានសម្រុកចូលអគារមួយក្នុងចំណោមអគារដ៏ល្បីល្បាញបំផុតរបស់អាមេរិកមួយនេះ។ វិមាន Capitol Hill បានស្ថិតនៅក្នុងភាពវឹកវរ បន្ទាប់ពីលោក ត្រាំ បានជំរុញឱ្យអ្នកគាំទ្ររបស់គាត់ប្រឆាំងនឹងការរាប់សន្លឹកឆ្នោតជាផ្លូវការ ដែលការរាប់នោះនឹងបញ្ជាក់ពីជ័យជម្នះរបស់ប្រធានាធិបតីជាប់ឆ្នោតលោក ចូ បៃដិន ។ ភ្លាមៗបន្ទាប់ពីម៉ោង ១រសៀល ថ្ងៃពុធ (ET) អ្នកតវ៉ារាប់រយនាក់ដែលគាំទ្រលោក ដូណាល់ ត្រាំ បានរុញច្រានរបាំងដែលដាក់នៅតាមបណ្តោយវិមាន Capitol

ទីភ្នាក់ងារឱសថនៃប្រទេសន័រវេសបានប្រកាសថា ពលរដ្ឋរបស់ខ្លួនដែលរស់នៅក្នុងមណ្ឌលថែទាំចំនួន ២នាក់ បានទទួលមរណភាព រយៈពេលជាច្រើនថ្ងៃបន្ទាប់ពីទទួលបានវ៉ាក់សាំងបង្ការជំងឺ COVID-19 របស់ក្រុមហ៊ុន Pfizer-BioNTech ហើយឥឡូវនេះការស៊ើបអង្កេតមួយត្រូវបានធ្វើឡើងចំពោះការស្លាប់នេះ។ នៅក្នុងសេចក្តីថ្លែងការណ៍មួយអំពីការស្លាប់នេះបានពោលថា៖«យើងត្រូវតែវាយតម្លៃថា តើវ៉ាក់សាំងគឺជាមូលហេតុនៃការស្លាប់ឬវាជាការចៃដន្យ ដែលមរណភាពបានកើតឡើងភ្លាមៗ បន្ទាប់ពីការចាក់វ៉ាក់សាំង»។ ប្រភពបានកត់សម្គាល់ថា ដោយសារតែមនុស្សចាស់ជរាមានឱកាសទទួលការចាក់វ៉ាក់សាំងមុនគេ វាអាចទៅរួចទាំងស្រុងដែលថា ការស្លាប់អាចកើតឡើងដោយចៃដន្យ។ ជម្រាបដែរថាមានមនុស្សប្រហែល ៤០០នាក់ បានស្លាប់ជារៀងរាល់សប្តាហ៍ នៅក្នុងមណ្ឌលថែទាំចាស់ជរានៅប្រទេសន័រវេស។ ឥឡូវនេះទីភ្នាក់ងារឱសថ រួមជាមួយវិទ្យាស្ថានជាតិសុខភាពសាធារណៈ កំពុងពិនិត្យមើលការស្លាប់របស់អ្នកទាំង ២ ។ ទិន្នន័យបានបញ្ជាក់ថា ផលប៉ះពាល់ពីវ៉ាក់សាំងគឺមានតិចតួចនិងមិនរហូតនោះទេ ទោះបីជាមានរបាយការណ៍ខ្លះ បាននិយាយពីប្រតិកម្មអាលែហ្សីនៅសហរដ្ឋអាមេរិក និងអង់គ្លេស ក្នុងចំណោមមនុស្សដែលធ្លាប់មានប្រវត្តិបែបនេះក៏ដោយ។ មន្ត្រីរដ្ឋាភិបាលអាមេរិកជាច្រើនបានទទួលវ៉ាក់សាំង Pfizer-BioNTech

កំពូលស្ដេចប្រដាល់ហ្វីលីពីនលោក ម៉ានី ប៉ាក់គីអាវ (Manny Pacquiao) ដែលជាសមាជិកព្រឹទ្ធសភាទើបជាប់ឆ្នោត បានប្រកាសនៅក្នុងបទសម្ភាសន៍មួយថា លោកនឹងផ្តល់ប្រាក់ជាង ៧,៥០០ ផោន ឬ ១០,០០០ ដុល្លារអាមេរិក ដើម្បីស្វែងរកអ្នកទទួលខុសត្រូវចំពោះករណីរបស់នាង Christine Angelica Dacera ដែលបានដេកស្លាប់នៅក្នុងបន្ទប់ទឹកសណ្ឋាគារផ្កាយ៤ City Garden នៅតំបន់ Makati ទីក្រុងម៉ានីល នាពេលថ្មីៗនេះ។ គាត់ក៏បានបង្ហើបឱ្យដឹងដែរថា គាត់ធ្លាប់បានជួបនាង Christine ពីមុនមក ក៏ដូចដែលគាត់បានស្គាល់ក្រុមគ្រួសាររបស់នាងផ្ទាល់ផងដែរ។ លោក ប៉ាក់គីអាវ បានប្រាប់ស្ថានីយ៍វិទ្យុ DZRH តាមរយៈសារព័ត៌មាន The Inquirer

យោងតាមការចុះផ្សាយរបស់កាសែត បាងកកប៉ុស្ដិ៍ សម្រាប់ថ្ងៃពុធ ទី០៦ ខែមករា ឆ្នាំ២០២១ បានឱ្យដឹងថា ប្រទេសថៃបានកត់ត្រាករណីជំងឺ COVID-19 ថ្មីចំនួន ៣៦៥ករណី ដែលនាំឱ្យករណីសរុបចាប់តាំងពីប្រទេសនេះបានរងការវាយប្រហារពីជំងឺ COVID-19 កើនដល់ ៩,៣៣១ ករណី។ ការស្លាប់ថ្មី ១នាក់ បន្ថែមទៀតក៏ត្រូវបានកត់ត្រាផងដែរ ដែលនាំឱ្យចំនួនស្លាបកើនដល់ ៦៦នាក់។ អ្នកជំងឺ COVID-19 ដែលបានស្លាប់ថ្មីចុងក្រោយនេះ មានអាយុ ៦៣ឆ្នាំ គឺជាអ្នកបើករថយន្តដឹកពលករចំណាកស្រុកចេញចូល កន្លែងធ្វើការ-ផ្ទះ នៅខេត្តសាមុតសាខន។ គាត់ត្រូវបានគេបញ្ជូនទៅមន្ទីរពេទ្យកាលពីថ្ងៃទី២៧ ខែធ្នូ និងបានស្លាប់នៅថ្ងៃអង្គារម្សិលមិញនេះ។ ក្នុងចំណោមករណីថ្មីទាំង ៣៦៥ ករណី

អង់គ្លេស៖ សារព័ត៌មាន The Sun បានចុះផ្សាយនូវអត្ថបទដ៏គួរឲ្យរំជួលចិត្តមួយអំពីជីវិតចុងក្រោយនៃអ្នកជំងឺកូវីដ ១៩ ម្នាក់ដែលបានស្នើសុំឲ្យវេជ្ជបណ្ឌិតដោះម៉ាស់ចេញពីមុខរបស់គាត់ដើម្បីឲ្យគាត់អាចនិយាយពាក្យចុងក្រោយមួយម៉ាត់ខ្លីទៅកាន់កូនស្រីជាទីស្រលាញ់របស់គាត់។ ប្រភពខាងលើបានឲ្យដឹងថា ហេតុការណ៍មួយនេះបានកើតឡើងនៅក្នុងមន្ទីរពេទ្យ Leicester Royal Infirmary ស្ថិតនៅក្នុងទីក្រុង Leicester នៃប្រទេសអង់គ្លេស។ ស្រ្តីជាអ្នកជំងឺកូវីដ ១៩ ដែលមានពាក្យចុងក្រោយចង់ប្រាប់ទៅកាន់កូនស្រីនោះមានឈ្មោះថា Maria Rico អាយុ ៧៦ ឆ្នាំ ខណៈស្រ្តីជាកូនស្រីរបស់គាត់មានឈ្មោះថា Anabel Sharma អាយុ ៤៩ ឆ្នាំ ហើយរូបគាត់ក៏ជាអ្នកជំងឺកូវីដ ១៩ ផងដែរ ហើយអ្នកជំងឺកូវីដ ១៩ ម្តាយកូនទាំង ២

យោងតាមការចុះផ្សាយរបស់សារព័ត៌មាន The Thaiger នៅថ្ងៃអង្គារ ទី០៥ ខែមករា ឆ្នាំ២០២១ បានឱ្យដឹងថា ក្រឹត្យគ្រាអាសន្នទូទាំងប្រទេសថៃ នឹងត្រូវពន្យារពេលរហូតដល់ថ្ងៃទី២៨ ខែកុម្ភៈ។ គួរឱ្យដឹងដែរថា ក្រឹត្យនេះផ្តល់លទ្ធភាពដល់រដ្ឋាភិបាលថៃក្នុងការកំណត់គោលនយោបាយ និងនីតិវិធីនានា ដើម្បីទប់ស្កាត់ការរីករាលដាលនៃជំងឺ COVID-19 ក៏ដូចជាការរឹតត្បិតការធ្វើដំណើរ និងការបង្កើតប៉ុស្តិ៍ត្រួតពិនិត្យផ្លូវ។ អ្នកនាំពាក្យរដ្ឋាភិបាលលោក Anucha Burapachaisri មានប្រសាសន៍ថា វាគ្រាន់តែជាការពន្យារពេលបន្ថែមទៀតទៅលើក្រឹត្យបច្ចុប្បន្ន ដោយសារថាក្រឹត្យនោះនឹងផុតកំណត់នៅថ្ងៃទី១៥ ខែមករា ខាងមុខនេះ។ ការពន្យាររយៈពេល ៤៥ថ្ងៃ បន្ថែមទៀតនេះ ត្រូវបានស្នើឡើងដោយមជ្ឈមណ្ឌលរដ្ឋបាលគ្រប់គ្រងស្ថានភាពជំងឺ COVID-19 ហើយបានដាក់ជូនទៅគណៈរដ្ឋមន្រ្តីនៅថ្ងៃអង្គារផ្ទាល់។ ជម្រាបដែរថាចំនួននៃការឆ្លងជំងឺ COVID-19 ក្នុងសហគមន៍នៅប្រទេសថៃបានកើនឡើងជាបន្ដបន្ទាប់ ចាប់តាំងពីការផ្ទុះឡើងនៅឯផ្សារអាហារសមុទ្រខេត្តសាមុតសាខនកាលពីខែមុន

យោងតាមការចុះផ្សាយរបស់សារព័ត៌មាន CGTN បានឱ្យដឹងថា ទិន្នន័យថ្មីមួយដែលចេញដោយសហព័ន្ធផ្លូវនៃប្រទេសន័រវេស (OFV) បង្ហាញថា ការលក់រថយន្តអគ្គិសនីនៅប្រទេសន័រវែស បានវ៉ាដាច់ទាំងរថយន្តសាំង ម៉ាស៊ូត និងកូនកាត់រួមបញ្ចូលគ្នា នៅក្នុងឆ្នាំ២០២០។ វាជាលើកទីមួយហើយដែលមានប្រទេសមួយនៅលើពិភពលោកនេះ អាចមានការលក់រថយន្តអគ្គិសនីបានច្រើនជាងរថយន្តមានចំហេះ ហើយវាបានកើតឡើងក្រោយ ១០ឆ្នាំ ដែលរថយន្តប្រភេទនេះមានត្រឹមតែ ១% ប៉ុណ្ណោះ នៅក្នុងទីផ្សាររថយន្តថ្មីរបស់ន័រវែស។ យោងតាមទិន្នន័យរថយន្តអគ្គិសនីមានចំនួន ៥៤.៣% នៃរថយន្តថ្មីទាំងអស់ ដែលត្រូវបានលក់នៅក្នុងប្រទេសកាលពីឆ្នាំមុន ពោលគឺមានការកើនឡើងជាង ១០% បើប្រៀបធៀបទៅនឹងឆ្នាំមុនមួយទៀត (៤២.៤%) ។ ប្រទេសនេះកំពុងស្វែងរកការបញ្ចប់ការលក់រថយន្តប្រេងឥន្ធនៈ និងម៉ាស៊ូតទាំងអស់នៅឆ្នាំ២០២៥ និងបានដាក់ប្រាក់ឧបត្ថម្ភធនយ៉ាងច្រើន ដល់អ្នកដែលទិញរថយន្តអគ្គិសនីថ្មី។ ខណៈដែលរថយន្តអគ្គិសនីមានចំណែកទីផ្សារ ៥០% ក្នុងមួយខែៗ វាធ្វើឱ្យឆ្នាំ២០២០គឺជាឆ្នាំដំបូងបំផុត