អង្គការសុខភាពពិភពលោកបានប្រាប់ថា ភាពស៊ាំជាក្រុមប្រឆាំងនឹងជំងឺ COVID-19 នឹងមិនអាចទទួលបាននៅឆ្នាំនេះទេ ទោះបីមានការចាក់វ៉ាក់សាំងបង្ការមានការកើនឡើងក៏ដោយ។ ទីភ្នាក់ងារសុខាភិបាលរបស់អង្គការសហប្រជាជាតិមួយនេះបាននិយាយថា គិតត្រឹមថ្ងៃសុក្រប្រទេសចំនួន ៤២ នៅជុំវិញពិភពលោកដែលភាគច្រើនជាប្រទេសឧស្សាហកម្ម បានចាប់ផ្តើមឬកំពុងត្រៀមចាក់វ៉ាក់សាំងការពារពលរដ្ឋខ្លួន ប៉ុន្តែយ៉ាងណាភាពស៊ាំជាក្រុម (herd immunity) ដើម្បីការពារពលរដ្ឋដោយប្រយោលពីជំងឺ COVID-19 គឺមិនទាន់អាចកើតមានឡើងនោះទេ។ ប្រធានអ្នកវិទ្យាសាស្ត្ររបស់ WHO លោកស្រី Soumya Swaminathan បានប្រាប់សន្និសីទសារព័ត៌មានជាទៀងទាត់មួយកាលពីថ្ងៃច័ន្ទថា វាត្រូវការពេលវេលាដើម្បីថ្លឹងថ្លែងការផលិតវ៉ាក់សាំង សម្រាប់មនុស្សនៅទូទាំងពិភពលោក។ លោកស្រីមានប្រសាសន៍ថា៖«យើងនឹងមិនឈានដល់កម្រិតណាមួយនៃភាពស៊ាំជាចង្កោមពលរដ្ឋ ឬភាពស៊ាំជាក្រុមនៅឆ្នាំ២០២១ នោះទេ»។ គាត់បានបន្ដថា ទោះបីជាភាពស៊ាំជាក្រុមបានកើតឡើងខ្លះៗនៅក្នុងប្រទេសមួយចំនួនក៏ដោយ ក៏វានឹងមិនការពារប្រជាជននៅទូទាំងពិភពលោកដែរ។ លោកស្រីក៏បានសង្កត់ធ្ងន់ពីសារសំខាន់នៃការបន្តអនុវត្តវិធានការសុខភាពសាធារណៈ និងការរក្សាគម្លាតសង្គមមនុស្សផងដែរ។ ការអត្ថាធិប្បាយរបស់លោកស្រីបានធ្វើឡើង បន្ទាប់ពីអង្គការសុខភាពពិភពលោកបាននិយាយកាលពីថ្ងៃព្រហស្បតិ៍សប្តាហ៍មុនថា វានៅមិនទាន់ដឹងថាពេលណាទើបពិភពលោកនឹងទទួលបានភាពស៊ាំការពារជាក្រុមរបស់ខ្លួននោះទេ

ឥណ្ឌូនេស៊ី៖ សារព័ត៌មាន Channel News Asia បានចុះផ្សាយថា យន្តហោះដឹកអ្នកដំណើររបស់ក្រុមហ៊ុនអាកាសចរណ៍ឥណ្ឌូនេស៊ី Sriwijaya Air ដែលបានធ្លាក់កាលពីចុងសប្តាហ៍មុននេះទំនងជាបានបាក់បែក ឬធ្លុះធ្លាយផ្នែកខ្លះនៅពេលដែលយន្តហោះបានបុកជាមួយនឹងផ្ទៃទឹក។ ការសន្និដ្ឋានខាងលើនេះគឺជាអះអាងរបស់អ្នកជំនាញម្នាក់គឺលោក Nurcahyo Utomo ដែលបានធ្វើការស៊ើបអង្កេតនិងធ្វើការជាមួយគណៈកម្មាធិការសុវត្ថិភាពដឹកជញ្ជូនជាតិឥណ្ឌូណេស៊ីយ៉ាងស៊ីជម្រៅជុំវិញករណីធ្លាក់យន្តហោះមួយគ្រឿងនេះ។ អ្នកជំនាញរូបនេះបានបញ្ជាក់ថា គេបានរកឃើញកម្ទេចកម្ទីមួយចំនួនតូចដែលជាបំណែកនៃយន្តហោះនៅក្នុងទឹកសមុទ្រ ហើយតាមរយៈកម្ទេចកម្ទីទាំងនោះអាចបញ្ជាក់ថា យន្តហោះបានបែកធ្លាយក្នុងទំហំតូចមួយ ដែលការបែកធ្លាយនេះគឺកើតមាននៅពេលយន្តហោះបានបុកនឹងផ្ទៃទឹកតែម្តង ព្រោះបើការបែកធ្លាយកើតមាននៅលើអាកាសនោះគឺវានឹងមានទំហំធំហើយក៏មានកម្ទេចកម្ទីច្រើនជាងនេះដែរ។ គួរម្លឹកជូនថា យន្តហោះដឹកអ្នកដំណើររបស់ក្រុមហ៊ុនអាកាសចរណ៍ឥណ្ឌូនេស៊ី Sriwijaya Air បានធ្លាក់កាលពីចុងសប្តាហ៍នេះគឺជាប្រភេទយន្តហោះសម្រាប់ធ្វើដំណើរនៅក្នុងស្រុក មានផ្ទុកអ្នកដំណើរចំនួន ៥០ នាក់ក្នុងនោះមានកូនក្មេងចំនួន ១០​នាក់ និងក្រុមការងារបម្រើការងារនៅក្នុងយន្តហោះចំនួន ១២ នាក់ ហើយមនុស្សនៅក្នុងយន្តហោះទាំងអស់សុទ្ធតែបានស្លាប់បាត់បង់ជីវិតនៅក្នុងឧប្បទវហេតុមួយនេះ៕

យោងតាមការចុះផ្សាយរបស់សារព័ត៌មាន Deutsche Welle បានឱ្យដឹងថា ពលរដ្ឋនៅផ្នែកខ្លះនៃខេត្ត Hebei ត្រូវប្រឈមនឹងការរឹតត្បិតថ្មី ដែលជាផ្នែកមួយនៃវិធានការណ៍ទប់ស្កាត់ការចម្លងមេរោគ COVID-19 ខណៈដែលអាជ្ញាធរចិនទើបតែបានបញ្ចប់ការធ្វើតេស្ដទ្រង់ទ្រាយធំ ទៅលើប្រជាជនទាំង ១៣លាននាក់ នៃក្រុង Xingtai និង Shijiazhuang ។ អាជ្ញាធរសុខាភិបាលជាតិរបស់ចិនបានរាយការណ៍ថា ចំនួនករណីថ្មីក្នុងមួយថ្ងៃបានហក់ឡើងទ្វេដង កាលថ្ងៃសៅរ៍ចុងសប្ដាហ៍កន្លងទៅនេះ។ កាលពីថ្ងៃសៅរ៍នេះ ចិនដីគោកបានកត់ត្រាករណីចំនួន ៦៩ករណី បើប្រៀបធៀបនឹងករណីចំនួន ៣៣ កាលពីថ្ងៃសុក្រ។ ប្រភពនិយាយថា ក្នុងចំណោមករណីទាំងនោះគឺរួមមានករណីចំនួន ២១ ដែលបានឆ្លងពីក្រៅប្រទេស។ ប្រទេសនេះក៏បានរាយការណ៍ថា មានករណីមិនចេញរោគសញ្ញាចំនួន ២៧ នៅថ្ងៃសៅរ៍ ពោលគឺធ្លាក់ចុះពី ៣៨នាក់

ក្រុមអ្នកជំនាញអន្តរជាតិមកពីអង្គការសុខភាពពិភពលោកត្រូវបានគេរំពឹងថា នឹងមកដល់ប្រទេសចិននៅសប្តាហ៍នេះ ដើម្បីស៊ើបអង្កេតពីប្រភពដើមនៃការឆ្លងរាលដាលនៃវីរុសកូរ៉ូណា (COVID-19) ។ គណៈកម្មការសុខភាពជាតិរបស់ប្រទេសចិនបានប្រកាសនៅថ្ងៃច័ន្ទនេះ ថាក្រុមអ្នកជំនាញអន្តរជាតិរបស់ WHO នឹងចាប់ផ្តើមការងារនៅក្នុងប្រទេសចិន ចាប់ពីថ្ងៃទី១៤ ខែមករា ឆ្នាំ២០២១ នេះតទៅ។ យ៉ាងណាអាជ្ញាធរចិនមិនបានបញ្ជាក់លម្អិតពីទីតាំងដែលអ្នកជំនាញអាចធ្វើទស្សនកិច្ច ឬសកម្មភាពណាមួយ ក្នុងអំឡុងពេលស្នាក់នៅក្នុងប្រទេសចិននោះទេ។ រំលឹកដែរថាដំបូងក្រុមនេះសង្ឃឹមថា នឹងមកប្រទេសចិននៅដើមខែមករា ប៉ុន្តែផែនការរបស់ពួកគេត្រូវបានពន្យាពេល នៅពេលពួកគេរង់ចាំទទួលការអនុញ្ញាតជាផ្លូវការពីទីក្រុងប៉េកាំង។ ការមកដល់របស់ក្រុមអ្នកជំនាញទាំងនេះ ក៏ស្របពេលដែលប្រទេសចិនដីគោក បានកើនឡើងនូវករណីថ្មីៗចំនួន ១០៣ករណី កាលពីថ្ងៃអាទិត្យ ដែលជាអត្រាខ្ពស់បំផុតចាប់តាំងពីការឆ្លងចំនួន ១២៧នាក់ ត្រូវបានកត់ត្រាកាលពីថ្ងៃទី៣០ ខែកក្កដា ឆ្នាំ២០២០។ ករណីថ្មីទាំងនេះភាគច្រើនមកពីខេត្ត Hebei ដែលនៅជិតខាងទីក្រុងប៉េកាំង។ Shijiazhuang រដ្ឋធានីនៃខេត្ត

ប្រធានសភាអាមេរិកលោកស្រី Nancy Pelosi មានប្រសាសន៍ថា សមាជិកសភានៃគណបក្សប្រជាធិបតេយ្យនឹងចាប់ផ្តើមនីតិវិធី ដើម្បីជំរុញឱ្យលោកអនុប្រធានាធិបតី Mike Pence ដកប្រធានាធិបតីលោក ដូណាល់ ត្រាំ ចេញពីតំណែងរបស់លោក។ លោកស្រី Pelosi បានបង្ហាញផែនការនេះនៅក្នុងលិខិតមួយ ផ្ញើទៅកាន់សមាជិកសភាប្រជាធិបតេយ្យផ្សេងទៀតនៅថ្ងៃអាទិត្យ ពោលគឺប៉ុន្មានថ្ងៃបន្ទាប់ពីអ្នកគាំទ្រលោក ត្រាំ បានឡោមព័ទ្ធវិមានកាពីតូល នៅពេលដែលសភាបានបញ្ជាក់ជាផ្លូវការលើការឈ្នះរបស់លោក ចូ បៃដិន នៅអំឡុងពេលនោះ។ លោកស្រី Pelosi បាននិយាយនៅក្នុងលិខិតថា មេដឹកនាំប្រជាធិបតេយ្យនឹងស្នើសុំការយល់ព្រមជាឯកច្ឆន្ទនៅថ្ងៃច័ន្ទនេះ ដើម្បីនាំមកនូវដំណោះស្រាយមួយ។ លោកស្រីបាននិយាយថា ដំណោះស្រាយនេះអំពាវនាវឱ្យលោក Pence ជំរុញការធ្វើវិសោធនកម្មរដ្ឋធម្មនុញ្ញលើកទី២៥ ដើម្បីប្រកាសលោក ត្រាំ

យោងតាមការចុះផ្សាយរបស់សារព័ត៌មាន បាងកកប៉ុស្ដិ៍ នៅថ្ងៃច័ន្ទ ទី១១ ខែមករា ឆ្នាំ២០២០ បានឱ្យដឹងថា ប្រទេសថៃបានបន្ថែមករណីឆ្លងជំងឺ COVID-19 ថ្មីចំនួន ២៤៩ករណី ក្នុងនោះមាន ២២៤ករណី ជាការចម្លងតាមមូលដ្ឋាន ដែលធ្វើឱ្យចំនួនករណីដែលបានបញ្ជាក់សរុបមានរហូតដល់ ១០,៥៤៧ ករណី។ យ៉ាងណាក៏ដោយមិនមានរបាយការណ៍អំពីការស្លាប់ថ្មីទេ ដូច្នេះការស្លាប់នៅតែរក្សាត្រឹម ៦៧នាក់ ដដែល។ យោងតាមគណនី Twitter របស់ផ្នែកទំនាក់ទំនងសាធារណៈនៅការិយាល័យនាយករដ្ឋមន្រ្តីបានឱ្យដឹងថា មាន ១១ករណី ក្នុងចំណោម ២៤៩ ករណីថ្មី គឺជាមនុស្សដែលបានធ្វើដំណើរតាមជើងហោះហើរ ធ្វើមាតុភូមិនិវត្តន៍មកប្រទេសថៃវិញ ហើយត្រូវបានដាច់នៅដាច់ដោយឡែក។ ចំណែកមនុស្ស ១៤នាក់ ទៀតគឺជាអ្នកដែលធ្វើដំណើរពីបរទេស។

ឥណ្ឌូនេស៊ី៖ ការធ្លាក់យន្តហោះរបស់ក្រុមហ៊ុនអាកាសចរណ៍ឥណ្ឌូនេស៊ី Sriwijaya Air បានកំពុងតែក្លាយជាប្រធានបទក្តៅសម្រាប់សារព័ត៌មានជាច្រើននៅជុំវិញពិភពលោក ជាក់ស្តែងសារព័ត៌មាន Daily Mail បានចុះផ្សាយនូវអត្ថបទដែលគួរឲ្យស្រណោះជាទីបំផុតមួយនោះគឺជារូបភាពនិងសារចុងក្រោយរបស់ស្រ្តីអ្នកដំណើរម្នាក់ជាមួយកូន ៣ នាក់ដែលគាត់បានបង្ហោះនៅក្នុងបណ្តាញសង្គមមុនពួកគាត់បានលាចាកលោកនេះទៅ។ ស្រ្តីអ្នកដំណើររូបនេះមានឈ្មោះថា Ratih Windania ហើយរូបគាត់មានកូន ៣ នាក់និងសាច់ញាតិ ៤ នាក់ផ្សេងទៀតរួមទាំងឪពុកម្តាយផងបានធ្វើដំណើររួមគ្នានៅក្នុងយន្តហោះមួយនេះ។ មុនពេលចេញដំណើរអ្នកស្រី Ratih Windania បានថតរូបជាមួយកូនដែលអង្គុយលើកៅអីក្នុងយន្តហោះជាប់គ្នា ហើយគាត់ក៏បានយករូបនោះរួមជាមួយរូបថតគ្រួសារជាច្រើនផ្សេងទៀតទៅបង្ហោះក្នុងបណ្តាញសង្គមមុនពេលយន្តហោះចេញដំណើរ អមដោយការសរសេរសារថា “Bye bye family. We’re heading home for now (លាហើយគ្រួសារ

ថៃ៖ ប្រទេសថៃបានរកឃើញអ្នកជំងឺកូវីដ ១៩ ថ្មីចំនួន ២៤៥ ករណីបន្ថែមទៀតកាលពីថ្ងៃអាទិត្យទី ១០ ម្សិលមិញនេះ ខណៈថៃគ្មានករណីអ្នកស្លាប់ថ្មីនោះទេ នេះយោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍។ បើតាមការបញ្ជាក់របស់មជ្ឈមណ្ឌលគ្រប់គ្រងជំងឺឆ្លងថៃបានឲ្យដឹងថា ក្នុងចំណោមអ្នកឆ្លងថ្មីទាំងអស់នេះមាន ២២៤ ករណីគឺជាការចម្លងនៅក្នុងសហគមន៍ និង ២១ ករណីផ្សេងទៀតគឺជាករណីនាំចូលមកពីក្រៅប្រទេស។ ចំពោះករណីឆ្លងនៅក្នុងសហគមន៍គឺបានរកឃើញភាគច្រើននៅក្នុងខេត្តសាមុតសាខនមាន ៧៣​ ករណី ក្នុងខេត្តជនបូរីមាន ៤៩ ករណី ក្នុងសាមុតប្រាកានមានចំនួន ២៣ ករណី ក្រុងបាងកកមាន ២២ ករណី ខេត្តរ៉ាយង់មានចំនួន ១៥ ករណី និងក្រៅពីនេះកើតមាននៅតាមបណ្តាខេត្តផ្សេងទៀតក្នុងចំនួនតិចតួច។

ម៉ាឡេស៊ី៖ រដ្ឋមន្ត្រីក្រសួងសុខាភិបាលម៉ាឡេស៊ីលោក Datuk Seri Dr Adham Baba បានប្រកាសជាសាធារណៈនាពេលកន្លងទៅថា ពលរដ្ឋម៉ាឡេស៊ីចំនួន ១ លាននាក់នឹងទទួលបានវ៉ាក់សាំងប្រឆាំងនឹងជំងឺកូវីដ​ ១៩ នៅក្នុងខែកុម្ភៈខាងមុខនេះ។ បើយោងតាមការចុះផ្សាយនៅក្នុងសារព័ត៌មាន World of Buzz បានបញ្ជាក់ថា វ៉ាក់សាំងដែលម៉ាឡេស៊ីគ្រោងនឹងចាក់ជូនពលរដ្ឋនោះគឺជាវ៉ាក់សាំង Pfizer-BioNTech របស់អាមេរិក ហើយការចាក់វ៉ាក់សាំងត្រូវបានធ្វើឡើងក្រោមកម្មវិធី “ចាក់ថ្នាំ​បង្ការរោគថ្នាក់ជាតិ” ដែលមានន័យថា ពលរដ្ឋម៉ាឡេស៊ីគ្រប់រូបអាចមកទទួលយកវ៉ាក់សាំងដោយឥតថ្លៃនៅតាមមន្ទីរពេទ្យ ឬមណ្ឌលសុខភាពរដ្ឋនៅទូទាំងប្រទេស។ យ៉ាងណាក្តី ដោយសារតែវ៉ាក់ការពារជំងឺកូវីដ ១៩ មានចំនួនកំណត់ទើបរដ្ឋាភិបាលម៉ាឡេស៊ីសម្រេចចាក់ជូនពលរដ្ឋត្រឹមតែ ១ លាននាក់មុនសិននៅក្នុងដំណាក់កាលទី ១នេះ ហើយពលរដ្ឋទាំង

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា​ មានក្រុមកម្មករថៃជាង ១០០ ០០០ នាក់បានបាត់បង់ការងារ ឬត្រូវផ្អាកការងារជាបណ្តោះអាសន្នបន្ទាប់ពីរដ្ឋាភិបាលថៃសម្រេចបិទអាជីវកម្មប្រមាណជា ៦ ០០០ កន្លែងនៅក្នុងតំបន់ក្រហមចំនួន ២៨ កន្លែងនៅតាមបណ្តាខេត្តជាច្រើនដើម្បីទប់ស្កាត់ការរីករាលដាលនៃជំងឺកូវីដ ១៩ ដែលបានផ្ទុះចេញពីផ្សារលក់បង្គានៅក្នុងខេត្តសាមុតសាខន។ បើតាមការបញ្ជាក់របស់លោក Suchart Chomklin រដ្ឋមន្ត្រីក្រសួងការងារថៃបានឲ្យដឹងនាពេលកន្លងទៅថា ក្រុមកម្មករទាំងអស់នេះសុទ្ធតែជាកម្មករដែលមានការធានាដោយច្បាប់សន្តិសុខសង្គមថៃ ដូចនេះពួកគេអាចមកដាក់ពាក្យដើម្បីទទួលយកប្រាក់សំណងបានចាប់ពីថ្ងៃជូនដំណឹងនេះតទៅ។ ដោយផ្អែកទៅលើច្បាប់សន្តិសុខសង្គមថៃក្រុមកម្មករដែលបានបាត់បង់ការងារទាំងអស់នេះនឹងទទួលបានប្រាក់សំណង ៥០%​ នៃប្រាក់ខែគោលប្រចាំថ្ងៃរបស់ពួកគេក្នុងរយៈពេល ៩០ ថ្ងៃជាប់គ្នា ខណៈដែលប្រាក់ខែជាមធ្យមរបស់ពួកគេគឺ ៥០០ បាត (១៦,៧ ដុល្លារអាមេរិក) ក្នុងមួយថ្ងៃ ឬ