ហ្វីលីពីន៖ ទីបំផុតទៅកំពូលអ្នកប្រដាល់លំដាប់ពិភពលោក Manny Pacquiao បានបញ្ចប់ការសិក្សាថ្នាក់បរិញ្ញាបត្រដោយជោគជ័យហើយ ក្រោយរូបគាត់បានឆ្លៀតពេលដ៏មមាញឹកពីការងារទៅទទួលយកការអប់រំថ្នាក់ឧត្តមសិក្សាមួយនេះអស់រយៈពេលជាច្រើនឆ្នាំ។ ម្ចាស់ជើងឯកលំដាប់ពិភពលោកក្នុងប្រភេទស្ថាប័នចម្រុះរូបនេះបានបង្ហោះរូបភាពនិងសារក្នុងបណ្តាញសង្គមផ្លូវការរបស់គាត់ដែលបង្ហាញថា គាត់បានទទួលសញ្ញាបត្រផ្នែកវិទ្យាសាស្ត្រនយោបាយពីសាលកវិទ្យាល័យ Makati ដែលជាសាកលវិទ្យាល័យដ៏ល្បីមួយនៅក្នុងប្រទេសហ្វីលីពីនផងដែរ។ សូមបញ្ជាក់ថា កំពូលអ្នកប្រដាល់កណ្ដាប់ដៃមហាទម្ងន់រូបនេះ បានកើតនៅក្នុងគ្រួសារក្រីក្រមួយ ហើយព្រោះតែជីវភាពគាត់ត្រូវចាកចេញពីផ្ទះនៅអាយុ ១៤ ឆ្នាំដើម្បីទៅរកការងារធ្វើ និងពុំទទួលបានការអប់រំដូចក្មេងទទៃឡើយទើបគាត់បញ្ចប់ការសិក្សាយឺតដូចនេះ។ ក្រៅតែពីមានអាជីពជាអ្នកប្រដាល់ វីរបុរសហ្វីលីពីនវ័យ ៤០ ឆ្នាំរូបនេះ មានការងាជាច្រើនទៀតដូចជា អ្នកនយោបាយ តារាសម្តែង អ្នកចម្រៀង និងជាកីឡាករបាល់បោះ (មិនអាជីព) ផងដែរ៕ អត្ថបទ៖ភក្តី

ថៃ៖ អ្នករើសអេតចាយនៅតាមឆ្នេរសមុទ្រម្នាក់ត្រូវបានគេរាយការណ៍ថា រើសបានកម្អួតត្រីបាឡែនមួយដុំធំ ដែលមានតម្លៃរហូតដល់ជាង ៧០ ម៉ឺនដុល្លារអាមេរិក។ អ្នករើសអេតចាយកំពូលសំណាងរូបនេះមានឈ្មោះថា Surachet Chanchu រស់នៅនិងប្រកបរបរជាអ្នករើសអេតចាយនៅតំបន់ឆ្នេរសមុទ្រ Songkhla ក្នុងភាគខាងត្បូងនៃប្រទេសថៃ។ លោក Surachet Chanchu បានប្រាប់អ្នកសារព័ត៌មានថា កាលពីថ្ងៃទី ១១ ខែឆ្នូ កន្លងទៅនេះ គាត់បានប្រទះឃើញដុំរឹងពណ៌ប្រផះមួយដុំធំពេលដែលគាត់កំពុងដើររើសអេតចាយដូចសព្វដង ហើយខណៈពេលនោះគាត់មិនច្បាស់ក្នុងចិត្តទេថា ដុំរឹងនោះជាអ្វីឲ្យប្រាដក។ យ៉ាងណាក្តី គាត់បានរើសយកដុំនោះមកទុកនៅក្នុងផ្ទះដើម្បីពិនិត្យនិងធ្វើតេស្តជាច្រើនដងទើបគាត់ដឹងច្បាស់ថា ដុំនោះជាកម្អួតរបស់ត្រីបាឡែន ដែលជារបស់កម្រនិងមានតម្លៃមួយ។ សូមបញ្ជាក់ជូនថា កម្អួតត្រីបាឡែនគឺជាសារធាតុដែលហៀរចេញពីត្រីបាឡែនតាមបែបធម្មជាតិ ហើយសារធាតុដ៏កម្របំផុតមួយនេះគឺជាវត្ថុធាតុដើមល្អបំផុតសម្រាប់ច្នៃធ្វើជាទឹកអប់ ដែលមានតម្លៃថ្លៃៗនៅលើពិភពលោក។ តាមតម្លៃទីផ្សារក្នុងពេលបច្ចុប្បន្នកម្អួតត្រីបាឡែនមួយដុំនេះ ត្រូវបានអ្នកជំនាញព្យាករណ៍ថាអាចមានតម្លៃរហូតដល់ ៧១៤

ក្មេងប្រុសអាយុ ៩ ឆ្នាំបានបង្កើតកំណត់ត្រាដ៏អស្ចារ្យមួយ ក្រោយរូបគេបានប្រលងជាប់ការប្រលងគណិតវិទ្យាកម្រិតថ្នាក់សាកលវិទ្យាល័យ ដែលជាការប្រលងដ៏លំបាកមួយសម្រាប់សិស្ស និងនិស្សិតទូទៅ។ ក្មេងប្រុសដែលមានសមត្ថភាពខួរក្បាលដ៏ពិសេសនេះមានឈ្មោះថា Shogo Ando រស់នៅក្នុងប្រទេសជប៉ុន និងកំពុងសិក្សាថ្នាក់បឋមសិក្សាត្រឹមថ្នាក់ទី ៤ ប៉ុណ្ណោះ។​ លទ្ធផលនៃការប្រលងជាប់ដោយមានកម្រិតពិន្ទុខ្ពស់នូវតេស្តគណិតវិទ្យាខាងលើនេះបានបង្ហាញថា Shogo Ando ជាក្មេងអច្ឆរិយម្នាក់ ហើយគេរំពឹងថានៅថ្ងៃអនាគតក្មេងប្រុសរូបនេះនឹងក្លាយជាបញ្ញ​វន្តដ៏សំខាន់មួយរបស់ប្រទេសជាតិផងដែរ។ សូមបញ្ជាក់ថា តេស្តគណិតវិទ្យា ដែលក្មេងប្រុសរូបនេះបានប្រលងជាប់មានឈ្មោះថា Suken ត្រូវបានបង្កើតឡើងនៅក្នុងឆ្នាំ ១៩៨៨ សម្រាប់ប្រើប្រាស់ជាការវាស់ស្ទង់ចំណេះដឹងរបស់បេក្ខជនមុនចូលរៀនក្នុងសាកលវិទ្យាល័យល្បីៗ ឬមុខជំនាញណាដែលលំបាកខ្លាំងប៉ុណ្ណោះ ហើយជារៀងរាល់ឆ្នាំមានបេក្ខជនជាច្រើនបានប្រលងធ្លាក់តេស្តមួយនេះ៕ អត្ថបទ៖ ភក្តី

បច្ចុប្បន្ននេះអ្នកបើកបរឬកំពុងជិះក្នុងរថយន្តមួយចំនួនអាចនឹងមានអារម្មណ៍ថា ចង់គាំងបេះដូងនៅពេលដែលពួកគេកំពុងស្ថិតនៅក្នុងស្ថានភាពស្ទះផ្លូវយ៉ាងខ្លាំង ហើយទូរស័ព្ទរបស់ពួកគេជិតអស់ថ្មទៀត។ ដើម្បីស្រោចស្រង់បញ្ហានេះ ការប្រើប្រាស់ឌុយបញ្ចូលថ្មទូរស័ព្ទចេញពីរថយន្តគឺជាដំណោះស្រាយដ៏ល្អបំផុត។ យ៉ាងណាក្តី ក្រុមអ្នកជំនាញផ្នែកថាមពលអគ្គិសនីបានព្រមានថា ការបញ្ចូលថ្មទូរស័ព្ទរបៀបនេះអាចធ្វើថ្មទូរស័ព្ទ និងអាគុយរថយន្តឆាប់ខូចយ៉ាង​ខ្លាំង។ ក្រុមអ្នកជំនាញបានពន្យល់ថា ថាមពលអគ្គិសនីចេញពីអាគុយរថយន្តមានចរន្តមិនថេរឡើយ ពោលគឺឡើងចុះៗជាញឹកញាប់ ដែលជាហេតុផលមួយធ្វើឲ្យថ្មទូរស័ព្ទឆាប់ខូច​ ហើយម្យ៉ាងទៀតចរន្តអគ្គិសនីចេញពីអាគុយនោះមិនត្រូវគ្នាជាមួយនិងថ្មទូរស័ព្ទ ១០០% ឡើយព្រោះតាមការពិតគេមិនបានច្នៃថាមលអាគុយនោះទុកសម្រាប់ប្រើជាមួយថ្មទូរស័ព្ទឡើយ។ ដោយឡែកអាគុយរបស់រថយន្តដែលត្រូវបានគេទាញថាមពលមកប្រើច្រើនកន្លែងដូចជា សម្រាប់ប្រើលើម៉ាស៊ីនត្រជាក់ បើកវិទ្យុឬបើកតន្ត្រី និងបញ្ចូលថ្មទូរស័ព្ទនេះទៀតក៏ឆាប់ខូចដែរ ព្រោះវាត្រូវចែកថាមពលទៅកាន់ផ្នែកជាច្រើនក្នុងពេលតែមួយ ដែលមានន័យថាយើងប្រើប្រាស់អាគុយលើសពីកម្លាំងរបស់វា៕ អត្ថបទ៖ ភក្តី

ខេត្តសាមុតប្រាកាន៖ កាលពីថ្ងៃព្រហស្បតិ៍ ទី១២ ខែធ្នូ ម្សិលមិញនេះ មានកុមារីជនជាតិខ្មែរ អាយុ៣ឆ្នាំម្នាក់បានស្លាប់ បន្ទាប់ពីត្រូវឡានកិននៅការដ្ឋានសំណង់មួយ ខណៈដែលឪពុកម្តាយនាងតូចកំពុងរវល់ធ្វើការ ហើយនាងបានរត់លេងតែ​ឯងនៅម្ដុំនោះ។ កាសែត The Nation បានរាយការណ៍ថា ហេតុការណ៍នេះបានកើតឡើងនៅឯការដ្ឋានសំណង់មួយ ក្នុងខេត្តសាមុតប្រាកាន ភាគខាងត្បូងទីក្រុងបាងកក។ នេះជាករណីទី២ ត្រឹមរយៈពេលមិនដល់ ១សប្ដាហ៍ផង ដែលជនជាតិខ្មែរយើងបានស្លាប់នៅឯការដ្ឋានសំណង់ក្នុងខេត្តនេះ ដោយកាលពីថ្ងៃទី០៧ កន្លងទៅនេះ ក៏មានពលករខ្មែរយើងម្នាក់ស្លាប់ដោយសារបេតុងសង្កត់ពីលើដែរ។ តាមប្រភពដដែលបានឱ្យដឹងថា នៅពេលកើតហេតុអ្នកបើករថយន្តដឹកទំនិញឈ្មោះ Kumterm Tridech អាយុ ៥៣ឆ្នាំ គាត់មិនបានដឹងថា មានក្មេងនៅពីក្រោយរថយន្តរបស់គាត់នោះទេ ព្រោះថារថយន្តនោះខ្ពស់មិនអាចមើលបានគ្រប់ជ្រុងជ្រោយឡើយ។ គាត់ទើបតែដឹកដែក

ការមានសត្វចិញ្ចឹមដ៏គួរឱ្យស្រឡាញ់វាពិតជាបង្កើនភាពរីករាយដល់ម្ចាស់មួយកម្រិត ហើយសត្វសំណព្វទាំងនោះគឺជាមិត្តដ៏ល្អ ក៏ដូចជាអ្នកដែលយល់ចិត្តបានល្អជាងគេបំផុតផងដែរ។ ប៉ុន្តែក្រៅពីភាពសប្បាយរីករាយទាំងនោះ អ្នកក៏ត្រូវតែមានការទទួលខុសត្រូវលើពួកវាដែរ ហើយអ្វីដែលគួរឱ្យធុញជាងគេនោះគឺថា អ្នកជាម្ចាស់ត្រូវដើរកើបលាមកដែលពួកវាជុះពាសវាលពាសកាលហ្នឹងតែម្ដង។ ហើយយើងជឿជាក់ថា គ្មានម្ចាស់សត្វចិញ្ចឹមណាដែលថា មិនដែលកើបលាមកឱ្យពួកវានោះទេ។ ដោយសារការគិតគូរពីបញ្ហានេះ ក្រុមហ៊ុនមួយឈ្មោះថា Beetl Robotics បានបង្កើតរ៉ូបូតដែលអាចរកមើល និងចាប់កន្លែងដែលមានលាមកឆ្កែដោយស្វ័យប្រវត្តិ ដូច្នេះអ្នកនឹងមិនចាំបាច់កើបវាដោយខ្លួនឯងនាំតែប្រឡាក់ដៃជើងនោះទេ។ ម៉ាស៊ីននេះមានឈ្មោះថា Beetl ត្រូវបានបំពាក់ដោយប្រព័ន្ធកុំព្យួទ័រ GPS និងមានកាមេរ៉ាខាងមុខ ដើម្បីជួយពួកគេក្នុងការស្វែងរកលាមកសត្វចិញ្ចឹមរបស់អ្នក ហើយនៅពេលវាចាប់សញ្ញាឃើកលាមកហើយ រ៉ូបូតនឹងដើរទៅទីតាំងនោះហើយធ្វើការសម្អាតវាខ្លួនឯង ដូច្នេះអ្នកមិនចាំបាច់ពិបាកធ្វើវាទៀតឡើយ៕ អត្ថបទ៖ លីដា

អង់គ្លេស៖ យុវជនវ័យទើបតែមានអាយុ ១៥ ឆ្នាំម្នាក់ បានក្លាយជាបេក្ខជនរៀនថ្នាក់បណ្ឌិត ដែលមានអាយុតិចជាងគេបំផុតនៅក្នុងសាកលវិទ្យាល័យក្នុងប្រទេសអង់គ្លេស។ យុវជនដែលមានប្រាជ្ញាលឿនមុនអាយុរូបនេះមានឈ្មោះថា Wang Pok Lo មានដើមកំណើតនៅក្នុងក្រុងហុងកុង តែបានផ្លាស់ទៅរស់នៅក្នុងប្រទេសស្កុតឡែនកាលពីឆ្នាំ ២០០៦។ យុវជន Wang Pok Lo បានសិក្សានៅក្នុងវិទ្យាល័យ  Queensferry Community High School ក្នុងប្រទេសស្កុតឡេន និងបានប្រលងជាប់តេស្តិ៍គណិតវិទ្យាស្តង់ដារអន្តរជាតិនៅអាយុ ៩ ឆ្នាំ។ រហូតមកដល់ពេលគាត់មានអាយុ ១៥ឆ្នាំ យុវជន Wang Pok Lo បានបំពេញគ្រប់លក្ខខណ្ឌក្នុងការសិក្សាថ្នាក់បណ្ឌិតនៅក្នុងសាកលវិទ្យាល័យ Edinburgh ដែលជាសាកលវិទ្យាល័យដ៏ល្បីមួយនៅក្នុងប្រទេសអង់គ្លេសផងដែរ។

Nissan TERRA ជារថយន្ត SUV 7កៅអីពេញ ដែលមានប្រព័ន្ធ Flip-Down Rear Entertainment (built-in), Noise-Reducing Acoustic Glass និងកន្លែងដាក់ដបទឹកសុទ្ធបានរហូតដល់ ១៤ដបឯណោះ ដែលធ្វើឱ្យដំណើរកម្សាន្តក្នុងគ្រួសារមិនអាចបំភ្លេចបាន និងមានភាពរីករាយ។ ប៉ាណាមុខជា V-motion របស់រថយន្ត premium SUV មួយនេះ ផ្តល់នូវរូបសណ្ឋាននៅពីមុនមើលទៅស៊ីវីល័យ ពីចំហៀងមានភាពរឹងមាំ និងមានដំបូលដូចផ្លូវរថភ្លើង អូសចាប់ពីក្បាលដល់ក្រោយតែម្ដង ហើយសូម្បីតែភ្លើងក្រោយរបស់វាក៏បន្ថែមភាពស្រស់ស្អាតដល់រថយន្តផងដែរ។ Nissan TERRA ក៏មានភ្លើងដឺមី DRL ដែលមិនត្រឹមតែជាការរចនាម៉ូដទាន់សម័យប៉ុណ្ណោះទេ ប៉ុន្តែថែមទាំងផ្តល់នូវសុវត្ថិភាពផងដែរ

សហរដ្ឋអាមេរិកបានកំពុងបង្ក្រាបពួកអ្នកបន្លំបោកប្រាស់តាមអ៊ិនធឺណេតនាពេលកន្លងមកនេះ ហើយមានជនជាតិនីហ្សេរីយ៉ាជាង ៨០នាក់មកហើយ ដែលត្រូវបានចាប់ខ្លួនពីបទឆបោក និងឧក្រិដ្ឋកម្មតាមប្រព័ន្ធអ៊ីនធឺណេត គិតត្រឹមត្រីមាសទី៤ នៃឆ្នាំ២០១៩។ ជាក់ស្ដែងថ្មីៗនេះបុរសម្នាក់ឈ្មោះថា Abaeze Atuche ក៏ត្រូវបានមន្ត្រីប៉ូលីសអាមេរិកចាប់ខ្លួនបានផងដែរ ដោយសារគាត់បានចូលលួច (hack) ទៅក្នុងប្រព័ន្ធរបស់ភ្នាក់ងារដ្ឋាភិបាលអាមេរិក ដែលពីមុនមកមិនមាននរណាម្នាក់ធ្លាប់ធ្វើបែបនេះទេ។ លោក Atuche បានចូលក្នុងប្រព័ន្ធរបស់រដ្ឋាភិបាលសហរដ្ឋអាមេរិក ដើម្បីក្លែងបន្លំឯកសារឱ្យគ្រួសារ និងមិត្តភក្តិរបស់គាត់ចំនួន ១៥នាក់ផ្សេងទៀត ទទួលបានសញ្ជាតិអាមេរិកគ្រប់គ្នា។ មិនមានរបាយការណ៍ណាបញ្ជាក់ថា គាត់ចូលលួចតាមរបៀបណានោះទេ គ្រាន់តែដឹងថាគាត់ជាមនុស្សដែលឆ្លាត និងមានទេពកោសល្យខាងបច្ចេកវិទ្យានេះ។ ជាធម្មតាប្រព័ន្ធរបស់ភ្នាក់ងាររដ្ឋាភិបាលអាមេរិកគឺរឹងមាំណាស់ ប៉ុន្តែយ៉ាងណា Abaeze Atuche បានធ្វើឱ្យយើងដឹងថាវាមិនខ្លាំងជាងមនុស្សនោះទេ។ យ៉ាងណាមិញពេលនេះគាត់ត្រូវប៉ូលីសចាប់ខ្លួនបាន ហើយគ្រួសារ និងមិត្តភក្តិសរុបទាំង

កីឡាករបាក់ទាត់ឲ្យក្រុមជម្រើសជាតិចិនម្នាក់កំពុងទទួលបានការចាប់អារម្មណ៍យ៉ាងខ្លាំងនៅក្នុងបណ្តាញសង្គមចិន ក្រោយកីឡាកររូបនេះបានលើកជើងទាត់ចំក្បាលកីឡាករជម្រើជាតិជប៉ុនម្នាក់។ ហេតុការណ៍នេះបានកើតឡើងនៅក្នុងព្រឹត្តិការណ៍បាល់ទាត់ EAFF E-1 Football Championship ដែលរៀបចំឡើងនៅក្នុងប្រទេសកូរ៉េខាងត្បូង។ កីឡាករជម្រើសជាតិចិនមានឈ្មោះថា Jiang Zhipeng ខណៈកីឡាជប៉ុន ដែលរងរបួសនោះមានឈ្មោះថា Daiki Hashioka។ តាមវីដេអូបានបង្ហាញថា កីឡាករ Daiki Hashioka បានព្យាយាមលោតតែតបាល់ ហើយកីឡាករ Jiang Zhipeng ក៏បានលើកជើងយ៉ាងខ្ពស់ដើម្បីថ្ពក់យកបាល់ដែរ ហើយការប៉ះទង្គិចក៏កើតមានតែម្តង។ ក្រោយចប់ការប្រកួតកីឡាករ Jiang Zhipeng បាននិយាយថា គាត់គ្មានបំណងទាត់ក្បាលកីឡាករជប៉ុនឡើយ តែកីឡាករជប៉ុនទេដែលលោតមកប៉ះជើងរបស់គាត់នោះ។ ក្រុមអ្នកប្រើប្រាស់បណ្តាញសង្គមចិនមួយចំនួន បានសរសើរដល់កីឡាករ Jiang