បែលហ្សិក៖ ការសិក្សាមួយបានរកឃើញថា កាលពីឆ្នាំ ២០២១កន្លងទៅមានពលរដ្ឋនៅតំបន់អឺរ៉ុបជិត ៤០០,០០០នាក់បានស្លាប់បាត់បង់ជីវិត ខណៈមូលហេតុនៃការស្លាប់នោះគឺបានបង្កឡើងឬជាប់ពាក់ព័ន្ធជាមួយបញ្ហាខ្យល់កខ្វក់។ យោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសៅរ៍ ទី២៥ ខែវិច្ឆិកានេះបានបញ្ជាក់ថា របាយការណ៍ខាងលើនេះត្រូវបានចេញផ្សាយដោយការិយាល័យបរិស្ថានរបស់អង្គការសុខភាពពិភពលោក ដែលមានមូលដ្ឋាននៅក្នុងទីក្រុងព្រុចសែល ប្រទេសបែលហ្សិក។ ប្រភពខាងលើបានបន្តថា បញ្ហាខ្យល់កខ្វក់ដែលជាដើមហេតុចម្បងបង្កឲ្យមានករណីស្លាប់ពលរដ្ឋរាប់សែនខាងលើនេះគឺជាបញ្ហាដែលមានធូលីនៅក្នុងបរិយាកាសលើពីកម្រិត PM2.5 ពោលគឺលើសពីកម្រិតស្តង់ដាសុខភាព។ នៅក្នុងរបាយការណ៍ដដែលនេះបានបញ្ជាក់ទៀតថា បញ្ហាខ្យល់កខ្វក់លើសពីកម្រិត PM2.5 នៅតំបន់អឺរ៉ុប​បានបណ្តាលឲ្យពលរដ្ឋកើតមានបញ្ហាផ្សេងៗគ្នាជាច្រើន ខណៈពលរដ្ឋដែលងាយរងគ្រោះជាងគេបំផុតនោះគឺក្រុមមនុស្សដែលមានកំពុងមានបញ្ហាបេះដូង កំពុងមានជំងឺទឹកនោមផ្អែម និងកំពុងមានបញ្ហាផ្លូវដង្ហើមស្រាប់៕ អត្ថបទ៖ ភក្តី ប្រភព៖ The Strait Time

សត្វរុយមួយក្បាលត្រូវបានគេរកឃើញនៅក្នុងពោះវៀនធំរបស់អ្នកជំងឺម្នាក់ដែលមកឆ្លុះពោះវៀនដើម្បីស្វែងរកជំងឺមហារីក ខណៈការរកឃើញនេះគឺជារឿងដ៏កម្របំំផុតនៅក្នុងវិស័យវេជ្ជសាស្រ្ត។ យោងតាមការចុះផ្សាយរបស់បណ្តាញសារព័ត៌មាន The Thaiger នៅក្នុងថ្ងៃព្រហស្បតិ៍ ទី២៣ ខែវិច្ឆិកានេះបានឲ្យដឹងថា អ្នកជំងឺរូបនេះគឺជាពលរដ្ឋជនជាតិអាមេរិកម្នាក់ ដែលមានអាយុ ៦៣ឆ្នាំ។ ប្រភពខាងលើបានបន្តថា ក្នុងពេលរកឃើញគឺសត្វរុយមួយក្បាលនោះបានងាប់បាត់ទៅហើយ ខណៈរាងកាយរបស់វាគឺនៅទាំងមូលតែម្តង។ សម្រាប់ក្រុមវេជ្ជបណ្ឌិតជំនាញផ្នែកឆ្លុះពោះវៀនបានលើកឡើងថា ករណីខាងលើនេះគឺជារឿងដែលមិននឹងស្មានដល់ឡើយ ហើយគេក៏មិនអាចពន្យល់ឲ្យបានច្បាស់ដែរថាតើសត្វរុយនោះអាចជាប់នៅក្នុងពោះវៀនរបស់អ្នកជំងឺដោយរបៀបណា ដ្បិតមុនពេលឆ្លុះពោះវៀនគឺអ្នកជំងឺតម្រូវឲ្យតមអាហារ និងលេបថ្នាំសម្រាប់លាងសម្អាតពោះវៀនជាមុនសិនផងដែរ៕ អត្ថបទ៖ ភក្តី ប្រភព៖ The Thaiger

ចិន៖ ក្រុមហ៊ុនចិនមួយកន្លែងកំពុងប្រកាសស្វែងរកអ្នកជំនាញផ្នែកភ្លក់ជើងមាន់ដោយហ៊ានផ្តល់ប្រាក់ខែឲ្យរហូតដល់ជិត ៣,០០០ដុល្លារ នេះបើយោងតាមការចុះផ្សាយរបស់បណ្តាញសារព័ត៌មាន The Thaiger នៅយប់ថ្ងៃព្រហស្បតិ៍ ទី២៣ ខែវិច្ឆិកានេះ។ ក្រុមហ៊ុនដែលកំពុងជ្រើសរើសបុគ្គលិកដ៏កម្រនេះមានមូលដ្ឋាននៅក្នុងទីក្រុង Hangzhou ខេត្ត Zhejiang  ភាគខាងត្បូងប្រទេសចិន ខណៈដំណឹងជ្រើសរើសបុគ្គលិកជំនាញផ្នែកភ្លក់ជើងមាន់នេះកំំពុងផ្ទុះការចាប់អារម្មណ៍យ៉ាងខ្លាំងនៅក្នុងបណ្តាញសង្គមចិន។ នៅក្នុងសេចក្តីប្រកាសជ្រើសរើសបុគ្គលិកជំនាញផ្នែកភ្លក់ជើងមាន់នោះបានបញ្ជាក់ថា ដើម្បីអាចបំពេញតួនាទីដ៏កម្រនេះបានគឺបេក្ខជនម្នាក់ៗត្រូវមានបទពិសោធធ្លាប់ញ៉ាំជើងមាន់និងអាហារប្លែកៗរយៈពេល ៥ឆ្នាំ ខណៈអ្នកដែលមិនចូលចិត្តសាច់មាន់ ជើងមាន់ និងអាហារមានរសជាតិហឹរគឺមិនត្រូវបានលើកទឹកចិត្តឲ្យដាក់ពាក្យនោះទេ។ ប្រភពខាងលើបានបន្តថា ខាងក្រុមហ៊ុនមិនបានកំណត់អាយុរបស់បេក្ខជនឡើយ ពោលគឺអាយុប៉ុន្មានក៏អាចដាក់ពាក្យបានដែរ ហើយចំពោះលក្ខខណ្ឌការងារជាក់ស្តែងវិញគឺបេក្ខជនម្នាក់ៗនឹងតម្រូវឲ្យភ្លក់ជើងមាន់គ្រប់រស់ជាតិរបស់ក្រុមហ៊ុន និងតម្រូវឲ្យញ៉ាំជើងមាន់សម្រាប់អាហារពេលព្រឹកនិងអាហារពេលថ្ងៃត្រង់ជារៀងរាល់ថ្ងៃធ្វើការងារ។ សម្រាប់ប្រាក់ខែវិញគឺមិនតិចនោះទេដោយបុគ្គលិកជំនាញផ្នែកភ្លក់ជើងមាន់អាចទទួលបានប្រាក់ខែចន្លោះពី ១៥,០០០-២០,០០០យន់ (២,១១៣-២,៨១៨ដុល្លារ) ឯណោះ៕ អត្ថបទ៖ ភក្តី ប្រភព៖ The Thaiger

ចិន៖ ក្រុមហ៊ុនលក់ទំនិញតាមបណ្តាញអ៊ីនធឺណិតខ្នាតយក្សរបស់ចិនគឺក្រុមហ៊ុន Alibaba Group Holding បានចេញមកបញ្ជាក់ថា ក្រុមហ៊ុនគ្មានគម្រោងកាត់បន្ថយបុគ្គលិកចំនួ​ន ២៥,០០០នាក់ដូចពាក្យចចាមអារាមដែលកំពុងផ្ទុះនៅតាមបណ្តាញសង្គមនោះទេ។ បើយោងតាមការចុះផ្សាយរបស់បណ្តាញសារព័ត៌មាន South China Morning Post បានឲ្យដឹងថា សេចក្តីបញ្ជាក់ខាងលើត្រូវបានធ្វើឡើងដោយលោកស្រី Jane Jiang ដែលជាប្រធានផ្នែកបុគ្គលិករបស់ក្រុមហ៊ុនតាមរយៈលិខិតជូនដំណឹងផ្លូវការមួយចុះថ្ងៃទី ២២ ខែវិច្ឆិកានេះ។ ប្រភពខាងលើបានបន្តថា ទន្ទឹមនឹងធ្វើការបដិសេធចំពោះពាក្យចចាមអារាមដែលបានផ្ទុះឡើងក្នុងរយៈពេលប្រមាណជា ២សប្តាហ៍មកហើយនេះ ខាងក្រុមហ៊ុនក៏បានរាយការណ៍ករណីនេះជូនទៅខាងប៉ូលិសជំនាញផងដែរដើម្បីស្វែងរកអ្នកប្រឌិដ្ឋព័ត៌មានឲ្យមកទទួលខុសត្រូវនៅចំពោះមុខច្បាប់។ យ៉ាងណាក្តី ដំណាងរបស់ក្រុមហ៊ុន Alibaba Group Holding បានបញ្ជាក់ថា ពាក្យចចាមអារាមដែលថា អតីតប្រធានក្រុមហ៊ុននិងជាសហស្ថាបនិកក្រុមហ៊ុនគឺលោក Jack Ma មានគម្រោងចង់លក់ភាគហ៊ុននោះគឺជាការពិត តែព័ត៌មានលម្អិតស្តីអំពីការលក់ភាគហ៊ុននេះនឹងត្រូវធ្វើឡើងជាសាធារណៈនៅក្នុងពាក់កណ្តាលខែឆ្នូ

ហ្គាហ្សា ៖ នៅក្នុងថ្ងៃពុធ ទី២២ ខែវិច្ឆិកានេះកងកម្លាំងអ៊ីស្រាអែលនិងក្រុមហាម៉ាសបានយល់ព្រមគ្នាអនុវត្តនូវបទឈប់បាញ់មួយ ដែលជាកិច្ចព្រមព្រៀងលើកដំបូងផងដែរ បើគិតចាប់ពីមានការប្រយុទ្ធគ្នានៅក្នុងថ្ងៃទី ៧ ខែតុលាមក។ បើយោងតាមការចុះផ្សាយរបស់បណ្តាញសារព័ត៌មាន Channel News Asia បានបញ្ជាក់ថា បទឈប់បាញ់នេះនឹងត្រូវអនុវត្តក្នុងរយៈពេលចំនួន ៤ថ្ងៃ ដើម្បីអនុញ្ញាតឲ្យមានការដឹកជញ្ជូនជំនួយសប្បុរសធម៌សម្រាប់យកមកជួយពលរដ្ឋស៊ីវិលប៉ាឡេស្ទីននៅតំបន់ហ្គាហ្សា។ ប្រភពខាងលើបានបន្តថា នៅក្នុងការអនុវត្តឈប់បាញ់នេះភាគីទាំង២ ក៏បានយល់ព្រមដោះដូរចំណាប់ខ្មាំងជាមួយគ្នាផងដែរ ដោយភាគីខាងក្រុមហាម៉ាសបានយល់ព្រមដោះលែងចំណាត់ខ្មាំងដែលខ្លួនបានចាប់យកទៅចំនួន ៥០នាក់ ជាថ្នូរឲ្យភាគីខាងអ៊ីស្រាអែលដោះលែងអ្នកទោសប៉ាឡេស្ទីនចំនួន ១៥០នាក់ ដែលកំពុងជាប់ឃុំឃាំងនៅក្នុងប្រទេសអ៊ីស្រាអែល។ គួរបញ្ជាក់ជូនថា គិតត្រឹមពេលនេះភាគីខាងប៉ាឡេស្ទីនបានរាយការណ៍ថា ក្នុងការប្រយុទ្ធគ្នានាពេលកន្លងមកបានបណ្តាលឲ្យពលរដ្ឋខ្លួនជាង ១៤,០០០នាក់ហើយដែលត្រូវស្លាប់បាត់បង់ជីវិត​ ហើយខាងអ៊ីស្រាអែលវិញមានតួលេខអ្នកស្លាប់ប្រមាណជា ១,២០០នាក់ ខណៈការប្រយុទ្ធគ្នានឹងត្រូវអូសបន្លាយជាច្រើនខែទៅមុខទៀត៕ អត្ថបទ៖ ភក្តី ប្រភព៖ Channel

អាមេរិក៖ អាវយឺតរបស់កំពូលកីឡាករ Lionel Messi ដែលរូបគាត់បានពាក់លេងនៅក្នុងការប្រកួតពានរង្វាន់បាល់ទាត់ពិភពលោក (World Cup) ២០២២ នឹងត្រូវដាក់លក់ក្នុងតម្លៃរហូតដល់ជាង ១០លានដុល្លារ នេះបើយោងតាមការចុះផ្សាយបស់បណ្តាញសារព័ត៌មាន Channel News Asia នៅក្នុងយប់ថ្ងៃចន្ទ ទី ២០ ខែវិច្ឆិកានេះ។ ការដាក់លក់អាវនេះនឹងត្រូវធ្វើឡើងតាមរយៈកម្មវិធីដេញថ្លៃមួយដែលរៀបចំឡើងដោយក្រុមហ៊ុន Sotheby ខណៈកម្មវិធីដ៏ធំមួយនេះនឹងត្រូវប្រារព្ធធ្វើឡើងនៅក្នុងអំឡុងខែធ្នូខាងមុខនេះ។ ប្រភពខាងលើបានបន្តថា​ អាវយឺតរបស់របស់កីឡាករ Lionel Messi ដែលនឹងត្រូវគេយកមកដាក់ដេញថ្លៃនោះគឺជាអាវមួយឈុត ដែលមានអាវចំនួ​ន ៦ ពោលគឺជាអាវដែលរូបគាត់បានពាក់លេងតាំងតែវគ្គចែកពូលរហូតដល់វគ្គបញ្ចប់ ដោយនៅក្នុងនោះគឺមានការលេងទល់និងក្រុមជម្រើសជាតិចំនួន ៦ ដូចជាក្រុមជម្រើសជាតិអារ៉ាប៊ីសាអូឌីត ម៉ិចស៊ីកូ អូស្រ្តាលី ហូឡង់ ក្រូអាត និងបារាំងផងដែរ។

បារាំង៖ មួករបស់ព្រះចៅណាប៉ូឡេអុង បូណាផាត ត្រូវបានដាក់លក់ក្នុងតម្លៃរហូតដល់ជាង ២លានដុល្លារ នេះបើយោងតាមការចុះផ្សាយរបស់បណ្តាញសារព័ត៌​មាន The Strait Time នៅក្នុងថ្ងៃចន្ទ ទី២០ ខែវិច្ឆិកានេះ។ ជាមួយនឹងតម្លៃដ៏ខ្ពស់ខាងលើ​ មួកមួយនេះបំបែកកំណត់ត្រាក្លាយជាមួកបុរាណដែល​មានតម្លៃខ្ពស់ជាងគេបំផុតនៅលើពិភពលោកផងដែរ។ ប្រភពខាងលើបានបន្តថា ការដាក់លក់មួកខាងលើនេះត្រូវបានធ្វើឡើងតាមរយៈកម្មវិធីដេញថ្លៃដ៏ធំមួយនៅក្នុងទីក្រុងប៉ារីស ប្រទេសបារាំង​ ដោយតម្លៃចុងក្រោយរបស់មួកនេះគឺ ១,៩៣២អឺរ៉ូ ឬស្មើនឹង ២,១លានដុល្លារ។ សូមបញ្ជាក់ជូនផងដែរថា ព្រះចៅណាប៉ូឡេអុង បូណាផាត ឬ ត្រូវបានគេស្គាល់ថាជា ព្រះចៅណាប៉ូឡេអុងទី១ គឺជាព្រះចៅអធិរាជរបស់ប្រទេសបារាំងនៅក្នុងអំឡុងឆ្នាំ១៨០៤ ហើយទ្រង់បានសោយព្រះទីវង្គតនៅក្នុងឆ្នាំ ១៨២១៕ អត្ថបទ៖ ភក្តី ប្រភព៖ The Strait Time

កូរ៉េខាងត្បូង៖ នាពេលបច្ចុប្ប​នេះមានទំនិញស្ទើរតែគ្រប់ប្រភេទទៅហើយ ដែលត្រូវបានគេដាក់លក់​នៅលើទៅផ្សារ Online ដើម្បីផ្តល់ភាពងាយស្រួលក្នុងការបញ្ជាទិញពីសំណាក់អតិថិនជននៅគ្រប់ទីកន្លែង ជាពិសេសនោះគឺសម្រាប់ក្រុមអតិថិជនដែលមានគ្មានពេលវេលាគ្រប់គ្រាន់សម្រាប់ធ្វើដំណើរទៅកាន់ទីផ្សារដោយផ្ទាល់។ អ្វីដែលកាន់តែពិសេសជាងនេះទៅទៀតគឺនៅក្នុងពេលដ៏ខ្លីខាងមុខលោកអ្នកក៏អាចធ្វើការបញ្ជាទិញរថយន្តទំនើបដោយផ្ទាល់តាមរយៈគេហទំព័រលក់ទំ​និញ Online ផងដែរ។ ជាក់ស្តែងបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃចន្ទ ​ ទី២០ ខែវិច្ឆិកានេះបានឲ្យដឹងថា ក្រុមហ៊ុនផលិតរថយន្ត Hyundai  នឹងដាក់លក់រថយន្តរបស់ខ្លួននៅលើគេហទំព័រ Amazon នៅក្នុងឆ្នាំក្រោយនេះហើយ។ ការសម្រេចដាក់លក់នេះនឹងធ្វើឲ្យក្រុមហ៊ុន ​Hyundai ក្លាយជាក្រុមហ៊ុនផលិតរថយន្តដែលបានដាក់លក់ផលិតផលរបស់ខ្លួននៅលើគេហទំព័រ Amazon ដំបូងគេបង្អស់ផងដែរ។ គួរកត់សម្គាល់ថា Hyundai គឺជាក្រុមហ៊ុនផលិតរថយន្តដ៏ធំរបស់ប្រទេសកូរ៉េខាងត្បូង ដែលត្រូវបានចាប់ផ្តើមបង្កើតឡើងនៅក្នុងឆ្នាំ ១៩៦៧ ខណៈនាពេលបច្ចុបន្បន្ននេះម៉ាកយីហោរថយន្តដ៏ល្បីមួយនេះកំពុងត្រូវបានដាក់លក់នៅតាមបណ្តាប្រទេសប្រមាណជា ២០០នៅជុំវិញពិភពលោក៕ អត្ថបទ៖ ភក្តី ប្រភព៖ The

ថៃ៖ ប្រទេសថៃបានដាក់ចេញយន្តការសំខាន់ៗជាច្រើនដើម្បីទាក់ទាញភ្ញៀវទេសចរអន្តរជាតិឲ្យចូលមកកំសាន្តនៅក្នុងប្រទេសខ្លួនរួមមានទាំងការបង្កើតព្រឹត្តិការកំសាន្តបែបវប្បធម៌ កីឡា និងការលើកលែងទិដ្ឋការជាដើម។ នាពេលកន្លងមករដ្ឋាភិបាលថៃធ្លាប់បានសម្រេចលើកលែងទិដ្ឋការសម្រាប់ពលរដ្ឋចិនរួចហើយ ដោយអនុញ្ញាតឲ្យភ្ញៀវទេសចរចិនអាចចូលមកស្នាក់នៅក្នុងប្រទេសថៃបានរហូតដល់ ៩០ថ្ងៃឯណោះដោយមិនចាំបាច់ធ្វើការស្នើសុំទិដ្ឋការនោះទេ។ បើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអាទិត្យ ទី១៩ ខែវិច្ឆិកានេះបានឲ្យដឹងថា យន្តការលើកលែងទិដ្ឋការរយៈពេល ៩០ថ្ងៃនេះក៏រដ្ឋាភិបាលថៃកំពុងពិចារណាអនុវត្តចំពោះប្រទេសមួយចំនួននៅតំបន់អឺរ៉ុបក្នុងពេលឆាប់ៗនេះផងដែរ ខណៈអាជ្ញាធរថៃនៅមិនទាន់បង្ហាញអំពីចំនួននិងឈ្មោះប្រទេសទាំងនោះឡើយទេ។ ប្រភពខាងលើបានបន្តថា ក្រៅពីអនុវត្តវិធានការលើកលែងទិដ្ឋការហើយ នៅក្នុងឆ្នាំ ២០២៤ខាងមុខនេះអាជ្ញារក៏គ្រោងនឹងរៀបចំព្រឹត្តិការណ៍កំសាន្តបែបវប្បធម៌ និងកីឡាប្រមាណជា ៣,០០០កម្មវិធីផងដែរសម្រាប់ទាក់ទាញក្រុមភ្ញៀវទេសចរនៅជុំវិញពិភពលោក៕  អត្ថបទ៖ ភក្តី ប្រភព៖ The Strait Time

ឥណ្ឌា៖ ប្រតិ​បត្តិការណ៍ស្វែងរកក្រុមកម្មករដែលកំពុងជាប់នៅក្នុងផ្លូវរូងក្រោមដីនៅប្រទេសឥណ្ឌាបានអូសបន្លាយអស់រយៈពេលជិតមួយសប្តាហ៍ហើយ ខណៈគេនៅមិនទាន់មើលឃើញពីតម្រុងណាមួយក្នុងការទទួលបានជោគជ័យនៅឡើយទេ។ គួររម្លឹកជូនថា ហេតុការណ៍ដ៏កម្រងនេះបានកើតឡើងនៅការដ្ឋានសាងសង់ផ្លូវរូងក្រោមដីមួយកន្លែងនៅតំបន់ហិម៉ាឡៃយ៉ាឥណ្ឌា (Indian Himalayan Region) និងបានកើតឡើងតាំងតែពីយប់ថ្ងៃអាទិត្យចុងសប្តាហ៍មុនម្លេះ។ បើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសោរ៍ ទី១៨ ខែវិច្ឆិកានេះបានបញ្ជាក់ថា ផ្លូវរូងក្រោមដីដែលបានបាក់នោះមានប្រវែង ៤,៥គីឡូម៉ែត្រ ហើយរហូតមកទល់នឹងពេលនេះអាជ្ញាធរគ្រប់គ្រងគ្រោះមហន្តរាយឥណ្ឌានៅមិនទាន់បញ្ជាក់អំពីមូលហេតុដែលបង្កឲ្យមានការបាក់រលំផ្លូវរូងក្រោមដីមួយខ្សែនេះនៅឡើយទេ ខណៈគេគ្រាន់តែដឹងថាតំបន់កើតហេតុនោះជាតំបន់ដែលងាយទទួលរងនូវបញ្ហាមួយចំនួនដូចជា គ្រោះរញ្ជួយដី បាក់ដី និងទឹកជំនន់ជាដើម។ ប្រភពខាងលើបានបន្តថា នៅក្នុងពេលកើតហេតុគឺមានកម្មករធ្វើការងារវេនយប់ប្រមាណជា ៥០ ទៅ ៦០នាក់កំពុងស្ថិតនៅក្នុងការដ្ឋាន ហើយគិតត្រឹមពេលនេះគឺនៅមានកម្មករចំនួន ៤០នាក់ដែលកំពុងជាប់នៅក្នុងផ្លូវរូងក្រោមដីមួយខ្សែនោះ។ បើតាមអាជ្ញាធរឥណ្ឌាបានបញ្ជាក់ថា គិតត្រឹមពេលនេះក្រុមកម្មករទាំង ៤០នាក់នោះនៅមានសុវត្ថិភាពនៅឡើយទេ ប៉ុន្តែពួកគេអាចប្រឈមនឹងគ្រោះដល់អាយុជីវិតប្រសិនបើគេមិនគេមិនអាចចូលទៅជួយពួកគេបាននៅក្នុងរយៈពេល