អង្គការសហប្រជាជាតិបានបោះឆ្នោតក្នុងសំឡេងដ៏ច្រើនលើសលុបដើម្បីទាមទារឲ្យរុស្ស៊ីដកកងទ័ពចេញពីប្រទេសអ៊ុយក្រែនជាបន្ទាន់និងដោយគ្មានលក្ខខណ្ឌ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅរសៀលថ្ងៃសុក្រ ទី២៤ ខែកុម្ភៈនេះ។​ គួរកត់សម្គាល់ថា ការបោះឆ្នោតដ៏មានសារៈសំខាន់ខាងលើនេះគឺត្រូវបានធ្វើឡើងស្របពេលដែលភ្លើងសង្គ្រាមរវាងប្រទេសរុស្សីនិងប្រទេសអ៊ុយក្រែនអូសបន្លាយដល់រយៈពេលមួយឆ្នាំពេញតែម្តង។ ប្រភពខាងលើនេះបានបន្តថា ការបោះឆ្នោតរបស់អង្គការសហប្រជាជាតិខាងលើនេះគឺជាការបោះឆ្នោតនៅក្នុងចំណោមប្រទេសជាសមាជិកដែលមានចំនួនសរុប ១៩៣ប្រទេស។ លទ្ធផលនៅក្នុងការបោះឆ្នោតបានបង្ហាញថា​ មានប្រទេសភាគច្រើនបានបោះឆ្នោតគាំទ្រឲ្យរុស្ស៊ីធ្វើការដកទ័ពចេញពីប្រទេសអ៊ុយក្រែន ប្រទេសចំនួន ៧ បានបោះឆ្នោតមិនគាំទ្រ ខណៈប្រទេសចំនួន ៣២ ក្នុងនោះមានទាំងប្រទេសចិន និងប្រទេសឥណ្ឌាផងនោះ បានបោះឆ្នោតអនុប្បវាទ៕ អត្ថបទ៖ ភក្តី ប្រភព៖ Channel News Asia  

ចិន៖ តួលេខអ្នកស្លាប់ក្នុងហេតុការណ៍ដួលរលំអណ្តូងរ៉ែនៅក្នុងប្រទេសចិនបានបន្តកើនឡើងរហូតដល់ ៦នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃសុក្រ ទី២៤ ខែកុម្ភៈនេះ។ ទន្ទឹមគ្នានេះក្រុមអ្នកជួយសង្គ្រាះក៏បានជួយស្វែងរកមនុស្សពីគំនរបាក់បែកបានមួយចំនួនបន្ថែមទៀតផងដែរ ខណៈគិតត្រឹមពេលនេះមនុស្សដែលនៅកំពុងបាត់ខ្លួនគឺនៅមានចំនួន ៤៧នាក់ទៀត។ សូមបញ្ជាក់ជូនថា អណ្តូងរ៉ែមួយកន្លែងនេះគឺជាប្រភេទអណ្តូងរ៉ែធ្យូងថ្ម ជាកម្មសិទ្ធរបស់ក្រុមហ៊ុន Xinjing Coal Mining មានទីតាំងស្ថិតនៅក្នុងតំបន់ Inner Mongolia ភាគខាងជើងប្រទេសចិន។ គួររម្លឹកផងដែរថា ហេតុការណ៍ដួលរលំអណ្តូងរ៉ែខាងលើនេះបានកើតឡើងតាំងពីល្ងាចថ្ងៃពុធ មកម្ល៉េះ ហើយអាជ្ញាធរចិនបានប្រើប្រាស់ក្រុមអ្នកជួយសង្គ្រោះចំនួន ៣០០នាក់ រថយន្តសង្គ្រោះបន្ទាន់ចំនួន ១៥គ្រឿង និងគ្រូពេទ្យចំនួន ៤៥នាក់ ដើម្បីធ្វើអន្តរាគមន៍ជួយជនរងគ្រោះ៕ អត្ថបទ៖ ភក្តី ប្រភព៖ Channel

តៃវ៉ាន់៖ តៃវ៉ាន់បានអះអាងថា យោធាចិនកំពុងរៀនពីរបៀបដែលប្រទេសរុស្ស៊ីបានធ្វើការឈ្លានពានទៅលើប្រទេសអ៊ុយក្រែនដើម្បីយកមេរៀនទាំងនោះទុកសម្រាប់អនុវត្តមកលើកោះតៃវ៉ាន់ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃ សុក្រ ទី២៤ ខែកុម្ភៈនេះ។ ការអះអាងដូចនេះត្រូវបានធ្វើឡើងដោយលោក Chiu Kuo-cheng រដ្ឋមន្ត្រីក្រសួងការពារជាតិកោះតៃវ៉ាន់​ក្នុងឱកាសដែលរូបលោកកំពុងធ្វើសន្និសិទ្ធសារព័ត៌មានផ្លូវការមួយក្នុងទីក្រុងតៃប៉ិ។ យ៉ាងណាក្តី រដ្ឋមន្ត្រីការពារជាតិរូបនេះបានបញ្ជាក់ថា ការឈ្លានពានមកកាន់កោះតៃវ៉ាន់នឹងមិនមែនជារឿងងាយស្រួលឡើយ ដ្បិតនៅជុំវិញកោះតៃវ៉ាន់មានច្រកសមុទ្រជាច្រើន ដែលសុទ្ធតែជាទីតាំងភូមិសាស្រ្តយ៉ាងល្អសម្រាប់ទប់ទល់នឹងការឈ្លានពាន ក៏ដូចជាធ្វើការវាយបកទៅកាន់សត្រូវវិញបានយ៉ាងមានប្រសិទ្ធភាពខ្ពស់បំផុត។ គិតត្រឹមពេលសមត្ថភាពយោធារបស់តៃវ៉ាន់ក៏មានកម្រិតខ្ពស់មិនចាញ់ប្រទេសធំៗនៅលើពិភពលោកឡើយ ដូចនេះការឈ្លានពានមកលើកោះតៃវ៉ាន់នឹងក្លាយជាសមរភូមិដ៏តានតឹងបំផុតមួយ ពោលគឺវាមិនងាយស្រួលដូចអ្វីដែលភាគីចិនកំពុងតែគិតនោះទេ៕ អត្ថបទ៖ ភក្តី ប្រភព៖  Channel News Asia  

ចិន៖ យ៉ាងហោចណាស់មានមនុស្សចំនួន ៤នាក់បានស្លាប់បាត់បង់ជីវិតនៅក្នុងហេតុការណ៍ដួលរលំអណ្តូងរ៉ែដ៏ធំមួយនៅក្នុងប្រទេសចិន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅរសៀលថ្ងៃព្រហស្បតិ៍ ទី២៣ ខែកុម្ភៈនេះ។ អណ្តូងរ៉ែមួយកន្លែងនេះគឺជាប្រភេទអណ្តូងរ៉ែធ្យូងថ្ម ជាកម្មសិទ្ធរបស់ក្រុមហ៊ុន Xinjing Coal Mining មានទីតាំងស្ថិតនៅក្នុងតំបន់ Inner Mongolia ភាគខាងជើងប្រទេសចិន។ ប្រភពខាងលើបានបន្តថា ក្រៅតែពីបានរកឃើញអ្នកស្លាប់ភ្លាមៗនៅនឹងកន្លែងកើតហេតុ​ គឺគិតត្រឹមពេលនេះមានមនុស្សចំនួន ៦នាក់ត្រូវបានរាយការណ៍ថា បានរងរបួសធ្ងន់ ខណៈ ៤៩នាក់ផ្សេងទៀតកំពុងតែបាត់ខ្លួន។ គួរបញ្ជាក់ជូនថា ហេតុការណ៍ដួលរលំអណ្តូងរ៉ែខាងលើនេះបានកើតឡើងតាំងពីល្ងាចថ្ងៃពុធ មកម្ល៉េះ ហើយអាជ្ញាធរចិនបានប្រើប្រាស់ក្រុមអ្នកជួយសង្គ្រោះចំនួន ៣០០នាក់ រថយន្តសង្គ្រោះបន្ទាន់ចំនួន ១៥គ្រឿង និងគ្រូពេទ្យចំនួន ៤៥នាក់

ថៃ៖ ការបញ្ជាទិញអីវ៉ាន់តាមប្រព័ន្ធ Online បានក្លាយជាជម្រើសដ៏ពេញនិយមមួយនាពេលបច្ចុប្បន្ននេះ ត្បិតវាបានផ្តល់ភាពងាយស្រួលយ៉ាងខ្លាំងសម្រាប់អ្នកទិញ និងអាចជួយសន្សំសំចៃពេលវេលាបានច្រើនផងដែរ។ អ្វីដែលជាចំណុចពិសេសមួយនេះទៀតនោះ គឺគេអាចផ្ញើអីវ៉ាន់ដែលបានបញ្ជាទិញរួចហើយនោះទៅកាន់អ្នកណាម្នាក់ផ្សេងទៀតក៏បាន ដោយគ្រាន់តែចំណាយប្រាក់លើសេវាកម្មដឹកបញ្ជូនបន្តិចបន្តួចតែប៉ុណ្ណោះ។ យ៉ាងណាក្តី ពេលខ្លះភាពងាយស្រួលខាងលើនេះ ក៏អាចធ្វើឲ្យម្ចាស់ទំនិញមួយចំនួនក្លាយជាជនរងគ្រោះផងដែរ។ ជាក់ស្តែងយោងតាមការចុះផ្សាយរបស់បណ្តាញសារព័ត៌មាន Strait Time នៅព្រឹកថ្ងៃព្រហស្បតិ៍ ទី២៣ ខែកុម្ភៈនេះបានឲ្យដឹងថា មានអ្នកដឹកបញ្ជូនម្នាក់នៅក្នុងប្រទេសថៃបានស៊ីដាច់ទំនិញរបស់ភ្ញៀវដែលមានតម្លៃជាង ២ពាន់ដុល្លារ និងបានរត់គេចខ្លួនបាត់ដោយសុវត្ថិភាព។ ប្រភពខាងបានបន្តថា ជនរងគ្រោះនៅក្នុងករណីខាងលើនេះ គឺអ្នកនាង Sunitra Boonyaem ដែលបានទិញបាច់ផ្កាអមដោយក្រដាសប្រាក់ចំនួន ៥៣,០០០បាត (ប្រមាណជា ១៥០០ដុល្លារ) សម្រាប់ផ្ញើទៅកាន់មិត្តប្រុសរបស់គាត់ ដើម្បីអបអរនៅក្នុងថ្ងៃបញ្ចប់ការសិក្សាថ្នាក់មហាវិទ្យាល័យ។ អ្នកនាង Sunitra Boonyaem មិនបានប្រាប់មិត្តប្រុសរបស់គាត់ឲ្យបានដឹងរឿងនេះមុនទេ

ចិន៖ អាជ្ញាធរចិនសម្រេចបិទសាលារៀនជាច្រើនកន្លែងនៅក្នុងសប្តាហ៍នេះដើម្បីឆ្លើយតបនឹងការរាតត្បាតជាថ្មីម្តងទៀតនៃជំងឺកូវីដ-១៩។ យោងតាមការចុះផ្សាយរបស់បណ្តាញសារព័ត៌មាន Strait Time នៅព្រឹកថ្ងៃព្រហស្បតិ៍ ទី២៣ ខែកុម្ភៈនេះបានបញ្ជាក់ថា សាលារៀនជាច្រើនកន្លែងដែលត្រូវបានបិទទ្វារជាបណ្តោះអាសន្ននោះគឺភាគច្រើនស្ថិតនៅក្នុងខេត្ត Hangzhou ភាគខាងត្បូងនៃ​ប្រទេសចិន ខណៈខេត្តមួយនេះគឺជាខេត្តសេដ្ឋកិច្ចដ៏សំខាន់មួយរបស់ចិនផងដែរ។ ប្រភពខាងលើបានបន្តថា ការរាតត្បាតជំងឺកូវីដ-១៩នៅក្នុងប្រទេសចិននៅពេលនេះគឺបានកើតឡើងនៅក្នុងចំណោមក្មេងតូចៗ ដែលមិនធ្លាប់បានឆ្លងជំងឺកូវីដ-១៩ ពីមុនមកនោះទេ។ យ៉ាងណាក្តី អាជ្ញាធរចិនមិនបានបញ្ជាក់ទេថា មានកុមារប៉ុន្មាននាក់ដែលបានឆ្លងជំងឺកូវីដ-១៩ នោះ ហើយគេក៏មិនបានដឹងដែរថា ក្មេងៗទាំងនោះបានចាក់វ៉ាក់ស៊ាំងរួចហើយឬក៏អត់នោះទេ។ សូមបញ្ជាក់ជូនថា ក្រៅតែពីត្រូវប្រឈមជាមួយនឹងកូវីដ-១៩ គឺនៅក្នុងពេលនេះជំងឺផ្តាសាយបក្សីក៏កំពុងផ្តើមរាតត្បាតនៅក្នុងប្រទេសចិនផងដែរ៕ អត្ថបទ៖ ភក្តី ប្រភព៖ Strait Time

ថៃ៖ ក្រុមហ៊ុនបណ្តាញសង្គម​ TikTok បានសម្រេចធ្វើការហាមឃាត់មិនឲ្យអ្នកនយោបាយថៃប្រើប្រាស់បណ្តាញសង្គមមួយនេះសម្រាប់ធ្វើការឃោសនានិងផ្សព្វផ្សាយអំពីបញ្ហានយោបាយនោះទេ នេះបើយោងតាមការចុះផ្សាយរបស់បណ្តាញសារព័ត៌មាន Nation Thailand ដែលបានចុះផ្សាយនៅព្រឹកថ្ងៃពុធ ទី២២ ខែកុម្ភៈនេះ។ សេចក្តីបញ្ជាក់ខាងលើនេះត្រូវបានធ្វើឡើងដោយលោកស្រី Chanida Klyphun ដែលជាប្រធានផ្នែកគោលនយោបាយសាធារណៈរបស់ក្រុមហ៊ុន TikTok ប្រចាំនៅក្នុងប្រទេសថៃតាមរយៈការធ្វើសន្និសិទ្ធផ្លូវការមួយនៅក្នុងទីក្រុងបាងកក។ បើតាមលោកស្រី Chanida Klyphun បានបញ្ជាក់ថា ការសម្រេចធ្វើការហាមឃាត់នេះត្រូវបានធ្វើឡើងក្រោមហេតុផលថា TikTok គឺជាបណ្តាញសង្គមសម្រាប់ប្រើប្រាស់ក្នុងគោលបំណងកំសាន្តសប្បាយរបស់ពលរដ្ឋគ្រប់រូប ហើយវាមិនមែនជាកន្លែងសម្រាប់ផ្សព្វផ្សាយព័ត៌មានដែលអាចធ្វើឲ្យពលរដ្ឋមានការខ្វែងគំនិតគ្នានិងរើសអើងគ្នាដោយនិន្នាការនយោបាយនោះទេ ត្បិតវាអាចបង្កទៅជម្លោះនិងអំពើហិង្សាធ្ងន់ធ្ងរបាន។ យ៉ាងណាក្តី សម្រាប់ពលរដ្ឋទូទៅដែលជាក្រុមអ្នកគាំទ្របក្សនយោបាយណាមួយនៅក្នុងប្រទេសថៃនៅតែអាចបន្តប្រើប្រាស់គណនី TikTok ដើម្បី​បង្ហាញទស្សនៈផ្ទាល់ខ្លួនរបស់ពួកគេបាន៕ អត្ថបទ៖ ភក្តី ប្រភព៖ Nation Thailand  

ថៃ៖ បុរសជនជាតិម្នាក់ត្រូវបានគេចាត់ទុកថាគឺជាពលរដ្ឋគំរូម្នាក់ ក្រោយរូបគាត់បានធ្វើសកម្មភាពដ៏ស្មោះត្រង់មួយ ហើយអំពើល្អរបស់គាត់នោះត្រូវបានគេយកទៅចុះផ្សាយយ៉ាងផុសផុលនៅតាមបណ្តាញសង្គមនៅក្នុងប្រទេសថៃ។ បុរសដែលកំពុងទទួលបានការកោតសរសើរយ៉ាងខ្លាំងនេះមានឈ្មោះថា Muhammad Yusou និងមានអាយុ ២៥ឆ្នាំ។ ចំពោះរឿងរ៉ាវដែលនាំឲ្យគេបានដឹងអំពីសកម្មភាពដ៏ល្អរបស់លោក  Muhammad Yusou វិញគឺ ផ្តើមចេញពីការធ្វេសប្រហែលរបស់លោក Maazullah Khan Mongkhon អាយុ ២៧ ឆ្នាំ​ ដែលបានយកសំលៀកបំពាក់ទៅដាក់បោកនៅកន្លែងសាធារណៈមួយ ហើយក៏បានភ្លេចកាបូបដែលមានទ្រព្យសម្បត្តិយ៉ាងច្រើននៅទីនោះ។ ជាសំណាងល្អលោក Muhammad Yusou បានប្រទះឃើញកាបូបនោះនិងបានយកវាទុក ហើយមុននឹងចាកចេញពីកន្លែងកើតហេតុ លោក Muhammad Yusou បានព្យាយាមដើរទៅមុខកាមេរ៉ាសុវត្ថិភាពដើម្បីបង្ហាញលេខទូរស័ព្ទរបស់គាត់សម្រាប់ទាក់ទងយកកាបូបនេះទៅវិញ។ ក្រោយពេលដឹងថាបានបាត់កាបូបហើយ លោក Maazullah Khan Mongkhon ក៏បានទៅប្តឹងប៉ូលិស ហើយការស៊ើបអង្កេតត្រូវបានចាប់ផ្តើមឡើងដោយការពិនិត្យមើលកាមេរ៉ាសុវត្ថិភាពនៅកន្លែងកើតហេតុនោះ។ គ្រាន់តែបើកកាមេរ៉ាភ្លាមគេក៏ប្រទះឃើញសកម្មភាពរបស់លោក Muhammad

យោងតាមការចុះផ្សាយរបស់បណ្តាញសារព័ត៌​មាន The Strait Time នៅព្រឹកថ្ងៃ អង្គារ ទី២១ ខែកុម្ភៈនេះបានឲ្យដឹងថា ប្រទេសតួកគីនិងប្រទេសស៊ីរី បានទទួលរងនូវការវាយប្រហារដោយគ្រោះរញ្ជួយដីថ្មីមួយបន្ថែមទៀត ខណៈបញ្ហាដែលបង្កឡើងដោយគ្រោះរញ្ជួយដីដែលបានកើតឡើងកាលពីថ្ងៃទី ៦ ខែកុម្ភៈកន្លងទៅនេះ នៅមិនទាន់ត្រូវបានដោះស្រាយរួចនៅឡើយទេ។ គ្រោះរញ្ជួយដីនេះថ្មីបានកើតឡើងនៅក្នុងកម្រិត ៦,៤ រ៉ិចទ័រប៉ុណ្ណោះ ពោលគឺមានកម្រិតស្រាលជាងគ្រោះរញ្ជួយដីចាស់ដែលបានកើតឡើងក្នុងកម្រិតរហូតដល់ ៧,៨ រ៉ិចទ័រឯណោះ។ យ៉ាងណាក្តី គ្រោះរញ្ជួយដីនេះថ្មីនេះបានឆក់យកជីវិតពលរដ្ឋចំនួន ៣នាក់បន្ថែមទៀត ខណៈមានពលរដ្ឋប្រមាណជា ២០០នាក់ផ្សេងទៀតត្រូវបានរាយការណ៍ថា បានរងរបួសធ្ងន់ផងដែរ។ គួរបញ្ជាក់ជូនថា គិតត្រឹមពេលនេះ គឺតួលេខអ្នកស្លាប់ដោយសារគ្រោះរញ្ជួយដីកាលពី ២សប្តាហ៍មុនបានបន្តកើនឡើងរហូតដល់ជាង ៤៧,០០០នាក់ហើយ ខណៈពលរដ្ឋប្រមាណជា ២៣លាននាក់ផ្សេងទៀតកំពុងរងផលប៉ះពាល់ដោយប្រយោល និងកំពុងត្រូវការជំនួយផ្នែកមនុស្សធម៌ជាបន្ទាន់ផងដែរ៕

ប្រធានបទទាក់ទងនឹងសំណុំរឿងដែលអាមេរិកបានបាញ់ទម្លាក់បាឡុងរបស់ចិនបានបន្តធ្លាក់មកជាហូរហែ បើទោះជាសកម្មភាពបាញ់ទម្លាក់នេះបានកើតឡើងជាច្រើនថ្ងៃកន្លងមកហើយក៏ដោយ។ ជាក់ស្តែងយោងតាមការចុះផ្សាយរបស់បណ្តាញសារព័ត៌មាន unilad បានឲ្យដឹងថា អាមេរិកបានប្រើប្រាស់មីស៊ីលដែលមានតម្លៃរហូតដល់ ៤០០,០០០ដុល្លារអាមេរិកឯណោះ ដើម្បីធ្វើការបាញ់បាឡុងដែលអាមេរិកបានចោទប្រកាន់ថា គឺជាបាឡុងចារកម្មរបស់ចិននោះ។ ប្រភពខាងលើបានបន្តថា ខណៈដែលអាមេរិកបានប្រើប្រាស់មីស៊ីលដែលមានតម្លៃដ៏ថ្លៃនោះ បាឡុងដែលចិនបានបង្ហោះនោះគឺមានតម្លៃប្រមាណជា ១២ដុល្លារតែប៉ុណ្ណោះ។ គួរបញ្ជាក់ជូនថា គិតត្រឹមពេលនេះក្រុមអ្នកជំនាញអាមេរិកកំពុងតែធ្វើការសិក្សាទៅលើបំណែករបស់បាឡុងដែលបានខ្លួនបានបាញ់ទម្លាក់នោះហើយ ដើម្បីឲ្យដឹងច្បាស់ថាតើបាឡុងនោះដំណើរការដោយរបៀបណា និងមានគោលបំណងអ្វីឲ្យពិតប្រាកដ។ សម្រាប់ភាគីខាងចិនធ្លាប់បានបកស្រាយថា បាឡុងនោះគឺជាបាឡុងសម្រាប់សិក្សាអំពីអាកាសធាតុ ហើយវាបានហោះទៅដល់ទឹកអាមេរិកដោយចៃដន្យប៉ុណ្ណោះ៕ អត្ថបទ៖ ភក្តី ប្រភព៖ unilad