អាមេរិក៖​ សភាអាមេរិកបានរៀបចំសំណើថ្មីមួយស្តីពីការហាមឃាត់ការប្រើប្រាស់បណ្តាញសង្គម TikTok ដែលជាកម្មវិធីចែករំលែកវីដេអូកំពុងមានប្រជាប្រិយភាពបំផុតនៅលើពិភពលោក។ បើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃអង្គារ ទី២០​ ខែធ្នូនេះបានបញ្ជាក់ថា នៅក្នុងសំណើររបស់សភាអាមេរិកនោះគឺរដ្ឋាភិបាលអាមេរិកគ្រោងនឹងហាមឃាត់មិនឲ្យបុគ្គលិករដ្ឋាភិបាលប្រើប្រាស់កម្មវិធី TikTok តាមរយៈឧបករណ៍បច្ចេកវិទ្យាផ្សេងៗដែលគ្រប់គ្រង់ដោយរដ្ឋាភិបាលអាមេរិកនោះទេ។ ប្រភពខាងលើបានបន្តថា ការអ​នុវត្តវិធានការខាងលើនេះគឺត្រូវបានធ្វើឡើងក្រោយហេតុផលថា រដ្ឋាភិបាលអាមេរិកចង់ការពារសុវត្ថិភាពទិន្នន័យរបស់អ្នកប្រើប្រាស់ពីការលួចតាមដានតាមរយៈកម្មវិធី TikTok។ គួរកត់សម្គាល់ថា TikTok គឺជាកម្មវិធីបណ្តញសង្គមរបស់ចិន ហើយនាពេលកន្លងមកអាមេរិកធ្លាប់បានចោទប្រកាន់ថា TikTok បានលួចប្រមូលទិន្នន័យរបស់អ្នកប្រើប្រាស់ជាច្រើននៅអាមេរិកដើម្បីផ្តល់ឲ្យទៅរដ្ឋាភិបាលចិន។ សូមបញ្ជាក់ជូនផងដែរថា អាមេរិកមិនមែនធ្វើការហាមឃាត់តែកម្មវិធី TikTok នោះទេ ដ្បិតកាលពីពេលថ្មីៗនេះមានក្រុមហ៊ុនបច្ចេកវិទ្យារបស់ចិនជាច្រើនមានទាំងក្រុមហ៊ុនផលិតនិងគ្រប់គ្រងប្រព័ន្ធកាមេរ៉ាសុវត្ថិភាពផង ដែលត្រូវបានរដ្ឋាភិបាលអាមេរិកធ្វើការហាមឃាត់ក្រោមហេតុផលដូចគ្នានេះ៕ អត្ថបទ៖ ភក្តី ប្រភព៖ Channel News Asia

ឆ្នាំថ្មីឆ្នាំ ២០២៣ នឹងឈានចូលមកដល់នៅក្នុងរយៈពេលប៉ុន្មានសប្តាហ៍ទៀតនេះ ខណៈប្រជាពលរដ្ឋរាប់ពាន់លាននាក់នៅជុំវិញពិភពលោកកំពុងត្រៀមខ្លួន ត្រៀមបង្កើតកម្មវិធីសប្បាយៗ ឬត្រៀមធ្វើដំណើរកំសាន្តទៅកាន់កន្លែងផ្សេងៗដើម្បីអបអរក្នុងឱកាសដ៏ពិសេសនេះ។ ទន្ទឹមគ្នានេះ សម្រាប់ក្រុមអ្នកតាមដានបច្ចុប្បន្នភាពនៃពិភពលោកវិញគេនៅមិនទាន់ភ្លេចទេថា លោកយាយ Baba Vanga ក៏ធ្លាប់ធ្វើការទស្សទាយន៍អំពីព្រឹត្តិការណ៍ធំៗមួយចំនួនដែលអាចកើតមាននៅក្នុងឆ្នាំ ២០២៣ នេះផងដែរ។ បើតាមលោកយាយដែលជាមនុស្សដ៏អាថ៌កំបាំងរូបនេះធ្លាប់បានទស្សទាយន៍ថា នៅក្នុងឆ្នាំ ២០២៣នេះពិភពលោកនឹងត្រូវជួបប្រទះនូវរឿងរ៉ាវធំមួយចំនួនដូចជា៖ ១- មានព្យុះព្រះអាទិត្យកើតឡើង ដែលលោកយាយចង់សំដៅទៅលើបញ្ហាកើនឡើងនៃកំដៅភពផែនក្នុងកម្រិតដ៏ខ្ពស់មិនធ្លាប់មាន។ ២- មានការធ្វើតេស្តអាវុធជីវសាស្រ្តចំពោះរាងកាយមនុស្ស។ ៣- សង្គ្រាមនុយក្លេអ៊ែរនឹងផ្ទុះឡើង។ ៤- ការសម្រាលកូនតាមបែបធម្មជាតិនឹងត្រូវបិទបញ្ចប់ ឬមានន័យថាចាប់ពីឆ្នាំ ២០២៣នេះតទៅគឺរាល់ការសម្រាលកូនទាំងអស់នឹងត្រូវធ្វើឡើងដោយមានការពឹងផ្អែកលើជំនួយផ្នែកវិជ្ជសាស្រ្តជានិច្ច។ សូមបញ្ជាក់ថា លោកយាយ Baba Vanga ដែលជាជនជាតិប៊ុលហ្គារី ពិការភ្នែកទាំងសងខាងបានស្លាប់នៅអាយុ ៨៤ឆ្នាំ កាលពី

ថៃ៖ កងទ័ពជើងទឹកថៃចំនួន ៣៣នាក់កំពុងតែបាត់ខ្លួននៅក្នុងតំបន់ឆ្នេរសមុទ្រ Gulf នេះបើយោងតាមសេចក្តីរាយការណ៍របស់បណ្តាញសារព័ត៌មាន Channel News Asia នៅព្រឹកថ្ងៃចន្ទ ទី១៩ ខែធ្នូនេះ។ ហេតុការណ៍អកុសលនេះបានកើតឡើងក្រោយពេលនាវាយោធារបស់កងទ័ពជើងទឹកថៃមួយគ្រឿងបានលិចនៅក្នុងតំបន់ឆ្នេរក្នុងខេត្ត Khiri Khan ភាគខាងលិចប្រទេសថៃ កាលពីយប់ថ្ងៃអាទិត្យម្សិលមិញនេះ។ ប្រភពខាងលើបានបន្តថា ភ្លាមៗក្រោយពេលកើតហេតុទីបញ្ជាការដ្ឋានកងទ័ពជើងទឹកថៃបានដាក់ពង្រាយនាវាចម្បាំងនិងឧទ្ធម្ភាគចក្រជាច្រើនដើម្បីជួយធ្វើអន្តរាគមន៍ជួយសង្គ្រោះជនរងគ្រោះ ហើយគិតត្រឹមពេលនេះក្រុមអ្នកជួយសង្គ្រោះបានជួយស្រង់ទាហានចេញទឹកសមុទ្របានចំនួន ៧៣នាក់ហើយ ខណៈនៅក្នុងនាវានោះមានផ្ទុកទាហានជើងទឹកថៃសរុបចំនួន ១០៦នាក់​ ដូចនេះគឺនៅមានទាហានចំនួន ៣៣នាក់ទៀតដែលកំពុងបាត់ខ្លួន៕ អត្ថបទ៖ ភក្តី ប្រភព៖ Channel News Asia  

អ៊ុយក្រែន៖ ទីប្រឹក្សាជាន់ខ្ពស់របស់ប្រធានាធិបតីអ៊ុយក្រែនគឺលោក Mykhailo Podolyak បានអះអាងថា រុស្ស៊ីកំពុងបណ្តុះបណ្តាលទាហានខ្លួននូវជំនាញសំខាន់ៗមួយចំនួនបន្ថែមទៀតសម្រាប់ធ្វើការឈ្លានពានក្នុងសមរភូមិនារដូវរងានេះ។ ទីប្រឹក្សាជាន់ខ្ពស់រូបនេះបានបញ្ជាក់ទៀតថា ក្រៅតែពីបន្ថែមការហ្វឹកហាត់ដល់ទាហានរបស់ខ្លួនហើយ រុស្ស៊ីក៏កំពុងរៀបចំផែនការជាច្រើនទៀតផងដែរ ដ្បិតរុស្ស៊ីមានបំណងចង់ប្រើប្រាស់យុទ្ធសាស្រ្តយោធាថ្មីឲ្យស្របតាមស្ថានភាពសមរភូមិជាក់ស្តែងក្នុងរដូវរងានេះ។ បើយោងតាមការចុះផ្សាយរបស់បណ្តាញសារព័ត៌មាន The Strait Times នៅព្រឹកថ្ងៃចន្ទ ទី១៩ ខែធ្នូនេះបានឲ្យដឹងថា នៅចំពោះមុខស្ថានភាពដូចបានជម្រាបជូនខាងលើនេះភាគីខាងអ៊ុយក្រែនក៏បានដាក់ចេញនូវផែនការយុទ្ធសាស្រ្តថ្មីៗជាច្រើនផងដែរ ដើម្បីត្រៀមទប់ទល់ជាមួយនឹងការឈ្លានពានពីសំណាក់កងទ័ពរុស្ស៊ី។ គួររម្លឹកជូនថា កាលពីប៉ុន្មានថៃ្ងមុននេះ លោក Jens Stoltenberg នាយកប្រតិបត្តិនៃអង្គការ NATO បានពន្យល់ថា រុស្ស៊ីបានត្រៀមខ្លួនរួចរាល់ហើយដើម្បីធ្វើសង្គ្រាមរយៈពេលវែងនៅលើទឹកដីអ៊ុយក្រែន ហើយនៅចំពោះមុខស្ថានភាពបែបនេះប្រទេសដែលជាអ្នកគាំទ្រ NATO ទាំងអស់ត្រូវជួយផ្តល់អាវុធនិងជំនួយទៅកាន់ប្រទេសអ៊ុយក្រែនបន្ថែមទៀត និងបន្តជួយផ្តល់រហូតដល់លោក  វ៉្លាឌីមៀ ពូទីន អស់ចិត្តថា រុស្ស៊ីមិនអាចយកឈ្នះលើសង្គ្រាមនេះបានទេ ហើយមានតែការចរចារប៉ុណ្ណោះទើបអាចបិទបញ្ចប់សង្គ្រាមបាន៕

កូរ៉េខាងជើង៖ ប្រទេសកូរ៉េខាងជើងបានបាញ់មីស៊ីលចំនួន ២គ្រាប់បន្ថែមទៀតកាលពីថ្ងៃអាទិត្យ​ ទី១៨ ខែធ្នូម្សិលមិញ នេះបើយោងតាមសេចក្តីការណ៍របស់បណ្តាញសារព័ត៌មាន Channel News Asia។ មីស៊ីលចំនួន ២​ គ្រាប់ដែលទីក្រុងព្យុងយ៉ាងបានបាញ់នោះគឺជាប្រភេទមីស៊ីលផ្លោងដែលអាចបាញ់បានក្នុងរយៈចម្ងាយមធ្យម ខណៈបើយោងតាមទីបញ្ជាការ​អន្តរយោធា​កូរ៉េខាង​ត្បូងបានបញ្ជាក់ថា មីស៊ីលទាំងនោះត្រូវបានបាញ់ចេញនៅម៉ោងប្រមាណជា ១១ និង​១៣ ព្រឹក ម៉ោងនៅក្នុងស្រុក។ គួរកត់សម្គាល់ថា​​ ការបាញ់សាកល្បងមីស៊ីលរបស់កូរ៉េខាងជើងនៅពេលនេះគឺត្រូវបានធ្វើឡើងនៅប៉ុន្មានថ្ងៃប៉ុណ្ណោះក្រោយពេលដែលទីក្រុងព្យុងយ៉ាងបាន​ប្រកាស​ធ្វើ​តេស្ត​ប្រព័ន្ធមីស៊ីល​​ប្រើ​ចំហេះ​រឹង​សម្រាប់​អភិវឌ្ឍ​ប្រព័ន្ធ​សព្វាវុធ​ថ្មី​បានដោយជោគជ័យ។ ប្រភពខាងលើបានបន្តថា ភាពតានតឹងផ្នែកយោធានៅឧបទ្វីបកូរ៉េបានកើនឡើងយ៉ាងខ្លាំងក្នុងឆ្នាំនេះ ខណៈទីក្រុងព្យុងយ៉ាងបានបន្តសាកល្បងអាវុធថ្មីៗមិនធ្លាប់មានពីមុនមកជាបន្តបន្ទាប់។ ជាក់ស្តែងកាលពីខែមុននេះ ទីក្រុងព្យុងយ៉ាងបានបាញ់សាកល្បងគ្រាប់ផ្លោងអន្តរទ្វីបកម្រិតខ្ពស់បំផុត ដែលជាអាវុធថ្មីមិនធ្លាប់មាននិងអាចបង្កគ្រោះថ្នាក់យ៉ាងខ្លាំងសម្បើមផងដែរ៕ អត្ថបទ៖ ភក្តី ប្រភព៖ Channel News Asia

ក្រុមហ៊ុន TiKTok ប្រកាសបញ្ឈប់បុគ្គលិករបស់ខ្លួនជាច្រើននាក់នៅក្នុងប្រទេសរុស្ស៊ី នេះបើយោងតាមការចុះផ្សាយរបស់បណ្តាញសាព័ត៌មាន The Strait Times នៅព្រឹកថ្ងៃសោរ៍ ទី១៧ ខែធ្នូនេះ។ សេចក្តីប្រកាសនេះត្រូវបានធ្វើឡើងក្រោយពេលក្រុមហ៊ុនបណ្តាញសង្គមដែលកំពុងតែមានប្រជាប្រិយភាពខ្លាំង​នៅលើពិភពលោកមួយនេះបានសម្រេចបិទសេវាកម្មសំខាន់ៗជាច្រើនរបស់ខ្លួននៅលើទឹកដីនៃប្រទេសរុស្ស៊ីទៀត។ គួរបញ្ជាក់ជូនថា TiKTok ដែលជាក្រុមហ៊ុនបច្ចេកវិទ្យាដ៏ធំរបស់ចិនបានសម្រេចបិទសេវាកម្មរបស់ខ្លួនមួយចំនួនមិនឲ្យពលរដ្ឋនៅក្នុងប្រទេសរុស្ស៊ីអាចប្រើប្រាស់បាននោះទេដូចជា មុខងារ Livestreaming និង មុខងារ Upload វីដេអូថ្មីជាដើម ខណៈការសម្រេចមួយនេះត្រូវបានធ្វើឡើងដើម្បីឆ្លើយតបទៅនឹងសកម្មភាពរបស់រដ្ឋាភិបាលរុស្ស៊ី ដែលបានលើកទ័ពឈ្លានពានចូលក្នុងប្រទេសអ៊ុយក្រែន។ ប្រភពខាងលើបានបន្តថា ការសម្រេចបញ្ឈប់បុគ្គលិកនៅក្នុងប្រទេសរុស្ស៊ីពីសំណាក់ក្រុមហ៊ុន TiKTok នឹងផ្តើមមានប្រសិទ្ធភាពចាប់ពីដើមឆ្នាំ ២០២៣ ខាងមុខនេះ៕ អត្ថបទ៖ ភក្តី ប្រភព៖ The Strait Times

ម៉ាឡេស៊ី៖ របាយការណ៍ចុងក្រោយស្តីករណីបាក់ដីនៅក្នុងប្រទេសម៉ាឡេស៊ីបានបង្ហាញថា គិតត្រឹមល្ងាចថ្ងៃសុក្រ ទី១៦ ខែធ្នូនេះគឺគេបានបន្តរកឃើញជនរងគ្រោះដែលបានស្លាប់បាត់បង់ជីវិតរហូតដល់ ២១នាក់ ហើយក្នុងនោះក៏មានក្មេងតូចចំនួន ៥នាក់ផងដែរ។ បើតាមការចុះផ្សាយរបស់បណ្តាញសារព័ត៌មាន Channel News Asia បានបញ្ជាក់ទៀតថា ក្នុងចំណោមជនរងដែលបានស្លាប់បាត់បង់ជីវិតទាំងអស់នោះគឺមានជនរងគ្រោះចំនួន ២នាក់ ជាម្តាយនិងកូន ដែលបានកប់ជាប់ក្នុងដីទាំងរស់ហើយក្រោយមកក៏បានដាច់ខ្យល់ស្លាប់មុនពេលក្រុមអ្នកជួយសង្គ្រោះទៅដល់កន្លែងកើតហេតុបន្តិច។ ប្រភពខាងលើបានបន្តថា គិតត្រឹមពេលនេះប្រតិបត្តិការណ៍របស់ក្រុមអ្នកជួយសង្គ្រោះជនរងគ្រោះនៅមិនទានមិទបញ្ចប់ជទាំងស្រុងនៅឡើយទេ ដោយគេនៅប​​ន្តជីកកកាយដីនិងសម្អាតគំនរបាក់បែកជាច្រើនទៀតដើម្បីធ្វើឲ្យប្រាកដថា គ្មានជនរងគ្រោះឬទ្រព្យសម្បត្តិសំខាន់ៗណាមួយបានកប់ជាប់នៅក្នុងនោះទេ។ ជុំវិញករណីគ្រោះថ្នាក់ដ៏អាណោចអាធ័មនេះ លោកនាយករដ្ឋមន្ត្រីម៉ាឡេស៊ី Anwar Ibrahim បានប្រកាសផ្តល់ប្រាក់ឧបត្ថម្ភដល់គ្រួសារជនរងគ្រោះដែលបានស្លាប់បាត់បង់ជីវិតម្នាក់ចំ​នួន ១០,០០០ រីងហ្គីត (២,២៦០ ដុល្លារ) ខណៈជនរងគ្រោះបានរងរបួសនិងបានជួយសង្គ្រោះឲ្យរួចជីវិតអាចទទួលបានឧបត្ថម្ភចំនួន ១,០០០ រីងហ្គីត (២២៦

អាមេរិក៖ សម្រាប់ពលរដ្ឋអាមេរិកដែលជាអ្នកគាំទ្រលោក Donald Trump នឹងទទួលបានជម្រើសថ្មីមួយក្នុងទិញកាដូជូនគ្នានៅក្នុងឱកាសនៃពិធីបុណ្យណូអែលខាងមុខនេះ ក្រោយអតីតប្រធានាធិបតីទើបផុតអាណត្តិរូបនេះបានដាក់លក់នូវកាត់ពិសេសម្យ៉ាងដែលមានរូបភាពប្លែកៗរបស់គាត់ជាច្រើននៅលើកាតនោះ។ បើយោងតាមការចុះផ្សាយរបស់បណ្តាញសារព័ត៌មាន  Channel News Asia នៅព្រឹកថ្ងៃសុក្រ ទី១៦ ខែធ្នូនេះបានបញ្ជាក់ថា កាតពិសេសនោះគឺជាកាតប្រភេទ NFT (non-fungible token) ដែលប្រមូលផ្តុំដោយរូបភាពប្លែកៗជាច្រើនរបស់លោក Donald Trump ដោយក្នុងនោះមានទាំងរូបលោក Donald Trump តែងខ្លួនជា Super Hero របស់អាមេរិកទៀតផង។ ប្រភពខាងលើបានបន្តថា កាត NFT របស់លោក Donald Trump នោះត្រូវបានដាក់លក់ក្នុងតម្លៃ ៩៩ដុល្លារសម្រាប់កាតមួយសន្លឹក ខណៈគេរំពឹងថាកាតនោះនឹងលក់ដាច់បំផុតក្នុងចំណោមពលរដ្ឋអាមេរិកដែលជាអ្នកគាំទ្រលោក Donald Trump នៅក្នុងឱកាសបុណ្យណូអែល ដែលនឹងឈានចូលមកដល់នៅក្នុងថ្ងៃទី ២៥

កូរ៉េខាងត្បូង៖ យោងតាមការចុះផ្សាយរបស់បណ្តាញសារព័ត៌មាន The Star នៅព្រឹកថ្ងៃសុក្រ ទី១៦​ ខែធ្នូនេះបានឲ្យដឹងថា ប្រទេសកូរ៉េខាងត្បូងបានដាក់ចេញនូវផែនការដ៏ធំមួយក្នុងវិស័យយោធារបស់ខ្លួន ដោយកូរ៉េខាងត្បូងចង់ក្លាយជាអ្នកផ្គត់ផ្គង់អាវុធដ៏ធំមួយនៅក្នុងទីផ្សារពិភពលោកត្រឹមឆ្នាំ ២០២៧ខាងមុខនេះ។ នាពេលបច្ចុប្បន្ននេះប្រទេសកូរ៉េខាងត្បូងត្រូវបានគេមើលឃើញថា ជាប្រទេសដែលបាននាំចេញអាវុធដ៏មួយរួចទៅហើយសម្រាប់ទៅក្នុងទីផ្សារអាស៊ី ខណៈនៅក្នុងរយៈពេលជាច្រើនចាំចុងក្រោយនេះការបញ្ជាទិញអាវុធនិងសម្ភារៈយោធាពីប្រទេសកូរ៉េខាងត្បូងសម្រាប់ទីក្នុងទីផ្សារអ៊ឺរ៉ុបបានបន្តកើនឡើងគួរឲ្យកត់សម្គាល់ផងដែរ។ ជាក់ស្តែងកាលពីពេលថ្មីៗនេះ ប្រទេសប៉ូឡូញបានចុះកិច្ចព្រមព្រៀងទិញអាវុធនិងសម្ភារៈយោធាមួយចំនួនពីប្រទេសកូរ៉េខាងត្បូងមានដូចជា រថក្រោះចំនួន ៩៨០គ្រឿង កាំភ្លើងធំប្រភេទ​ Howitzers ចំនួន ៦៤៨គ្រឿង និងយន្តហោះចម្បាំងចំ​នួន ៤៨គ្រឿង ខណៈកិច្ចព្រមព្រៀងមួយនេះមានតម្លៃរហូតដល់ ១៩,៦ពាន់លានដុល្លារអាមេរិកឯណោះ។ បើគេពិនិត្យលើទំហំទឹកប្រាក់នៃការលក់អាវុធរបស់កូរ៉េខាងត្បូងវិញគឺឃើញថា មានការកើនឡើងយ៉ាងច្រើនពីមួយឆ្នាំទៅមួយឆ្នាំ ដោយក្នុងឆ្នាំ ២០១១ កូរ៉េខាងជើងនាំចេញអាវុធក្នុងទំហំទឹកប្រាក់ ១,២ ពាន់លានដុល្លារ ក្នុងឆ្នាំ ២០១៥

ម៉ាឡេស៊ី៖ យ៉ាងហោចណាស់មានពលរដ្ឋម៉ាឡេស៊ីចំនួន ៨នាក់បានស្លាប់បាត់បង់ជីវិតនៅក្នុងហេតុការណ៍បាក់ស្រុតដីដ៏ឆាប់រហ័សមួយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃសុក្រ ទី១៦ ខែធ្នូនេះ។ បើតាមទីភ្នាក់ងារគ្រប់គ្រងគ្រោះមហន្តរាយម៉ាឡេស៊ីបានបញ្ជាក់ថា ហេតុការណ៍នេះបានកើតឡើងនៅតំបន់ Genting Highlands ក្នុងរដ្ឋ Selangor ភាគខាងជើងនៃប្រទេសម៉ាឡេស៊ី ខណៈគ្រោះធម្មជាតិមួយនេះបានកើតឡើងក្រោយតំបន់កើតហេតុបានទទួលរងនូវសម្ពាធទឹកភ្លៀងយ៉ាងជោគជាំជាច្រើនថ្ងៃជាប់ៗគ្នា។ ប្រភពខាងលើបានបន្តថា ភ្លាមៗក្រោយពេលកើតហេតុក្រុមអ្នកជួយសង្គ្រោះបានរកឃើញពលរដ្ឋចំនួន ៦០នាក់ ដែលមានសុវត្ថិភាពជាធម្មតា ខណៈពលរដ្ឋចំនួន ៧នាក់ផ្សេងទៀតបានរងរបួសធ្ងន់ធ្ងរ។ រហូតមកទល់នឹងពេលនេះប្រតិបត្តិការស្វែងរកជនរងគ្រោះនៅមិនទាន់បិទបញ្ចប់នៅឡើយទេ ដ្បិតគេសង្ស័យថាអាចនៅមានជនរងគ្រោះមួយចំនួនទៀតកំពុងជាប់នៅក្នុងគំនរបាក់បែក។ គួររម្លឹកជូនថា ហេតុការណ៍បាក់ស្រុតដីក៏ធ្លាប់កើតមាននៅកន្លែងកើតហេតុខាងលើម្តងដែរកាលពីឆ្នាំមុន ខណៈពេលនោះហេតុការណ៍បាក់ស្រុតដីបានបង្ខំឲ្យពលរដ្ឋប្រមាណជា ២១,០០០នាក់ត្រូវធ្វើការផ្លាស់ប្តូរទីលំនៅជាបន្ទាន់ផងដែរ៕ អត្ថបទ៖ ភក្តី ប្រភព៖ Channel News Asia