ថៃ៖ មន្ទីរពេទ្យមួយកន្លែងនៅប្រទេសថៃត្រូវបានអាជ្ញាធរពិន័យជាប្រាក់ចំនួន ១,២១ លានបាត ( ៣៧,៤៤២ ដុល្លារ) ក្រោយបណ្តោយឱ្យឯកសារសម្ងាត់របស់អ្នកជំងឺត្រូវគេយកទៅខ្ចប់នំជាសាធារណៈ នេះបើយោងតាមការចុះផ្សាយរបស់បណ្តាញសារព័ត៌មាន South China Morning Post នៅក្នុងថ្ងៃទី៦ ខែសីហា។ មន្ទីរពេទ្យមួយកន្លែងនេះត្រូវបានស្គាល់ថា មានទីតាំងស្ថិតនៅក្នុងខេត្ត Ubon Ratchathani តែឈ្មោះរបស់មន្ទីរពេទ្យមិនត្រូវបានបង្ហាញជាសាធារណៈនោះទេ។ ប្រភពខាងលើបានបន្តថា រឿងរ៉ាវចម្រូងសម្រាសនេះត្រូវបានបែកធ្លាយតាមរយៈគណនីបណ្តាញសង្គមម្នាក់ឈ្មោះ Doctor Lab Panda ដែលជា Influencer នៅក្នុងប្រទេសថៃផងនោះ បានបង្ហោះរូបមួយសន្លឹកបញ្ជាក់ថា ឯកសារសម្ងាត់របស់អ្នកជំងឺម្នាក់ត្រូវបានគេយកទៅខ្ចប់នំលក់តាមដងផ្លូវយ៉ាងអសីលធម៌បំផុត។ ក្រោយការស៊ើបអង្កេតអាជ្ញាធរថៃបានរកឃើញថា ឯកសារសម្ងាត់ដែលបានបែកធ្លាយនោះមានរហូតដល់ជាង ១,០០០សន្លឹកឯណោះ ខណៈដែលយោងទៅតាមក្រមសីលធម៌ការងារ គឺមន្ទីរពេទ្យត្រូវកិនកម្ទេចឯកសារទាំងនោះចោលនៅពេលវាលែងមានភាពចាំបាច់ក្នុងការប្រើប្រាស់៕ អត្ថបទ៖

ឥណ្ឌា៖ យ៉ាងហោចណាស់មានមនុស្សចំនួន​ ៥នាក់បានស្លាប់បាត់បង់ជីវិតដោយសារទឹកជំនន់នៅក្នុងតំបន់ជួរភ្នំហិម៉ាឡៃយ៉ាន ដែលស្ថិតនៅក្នុងដែនដីនៃប្រទេសឥណ្ឌា នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី៦​​ ខែសីហា។ ក្រៅតែពីបានបណ្តាលឱ្យមនុស្សត្រូវស្លាប់បាត់បង់ជីវិតហើយ គិតត្រឹមពេលនេះក៏មានមនុស្សជាង ១០០នាក់ផ្សេងទៀតកំពុងតែបាត់ខ្លួនផងដែរ។ បើតាមលោក Sanjay Seth រដ្ឋមន្ត្រីក្រសួងការពារជាតិឥណ្ឌាបានបញ្ជាក់ថា ស្ថានភាពទឹកជំនន់នៅតំបន់ខាងលើនេះកំពុងស្ថិតនៅក្នុងកម្រិតអាសន្នខ្ពស់បំផុត​ ដ្បិតទឹកជំនន់បានកើតឡើងយ៉ាងឆាប់រហ័ស ដែលធ្វើឱ្យពលរដ្ឋនិងអាជ្ញាធរមិនអាចត្រៀមការពារខ្លួនបានទាន់ពេលវេលានោះទេ។ ជុំវិញករណីអ្នកបាត់ខ្លួនវិញ អាជ្ញាធរកំពុងដាក់ពង្រាយក្រុមអ្នកសង្គ្រោះបន្ទាន់ជាច្រើនាក់ដើម្បីតាមស្វែងរកពួកគេ ខណៈតាមការសន្និដ្ឋានបឋមគឺភាគច្រើននៃអ្នកបាត់ខ្លួនទាំងនោះទំនងជាបានស្លាប់បាត់បង់ជីវិតទៅហើយ៕ អត្ថបទ៖ ភក្តី ប្រភព៖ The Strait Time

នូវែលសេឡង់៖ ស្រ្តីជនជាតិនូវែលសេឡង់ម្នាក់ត្រូវបានប៉ូលិសចាប់ខ្លួនជុំវិញករណី ដែលបានរូបគាត់បានយកក្មេងស្រីអាយុ ២ឆ្នាំម្នាក់ដាក់ក្នុងវ៉ាលីអំឡុងពេលធ្វើដំណើរតាមរថយន្តក្រុង នេះបើយោងតាមការចុះផ្សាយរបស់បណ្តាញសារព័ត៌មាន CNN។ ហេតុការណ៍នេះបានកើតឡើងនៅក្នុងតំបន់ Kaiwaka ក្នុងទីក្រុង Auckland​ នៃប្រទេសនូវែលសេឡង់ (New Zealand)។ ប្រភពខាងលើបានបន្តថា ហេតុការណ៍នេះត្រូវ​​​បានរាយការណ៍ពីសំណាក់បុរសជាអ្នកបើកបររថយន្តក្រុងម្នាក់ក្រោយគាត់បានកត់សម្គាល់ឃើញថា នៅក្នុងវ៉ាលីរបស់អ្នកដំណើរម្នាក់ហាក់មានចលនាខុសប្រក្រតី ពោលគឺដូចជាមានមនុស្សម្នាក់កំពុងនៅក្នុងនោះ។ បន្ទាប់មកគាត់ក៏បានរាយការណ៍ជូនប៉ូលិសដើម្បីឱ្យធ្វើការត្រួតពិនិត្យ ខណៈក្រោយការត្រួតពិនិត្យគឺប៉ូលិសបានរកឃើញមានក្មេងស្រីអាយុ ២ឆ្នាំ។ ជាសំណាងល្អក្មេងស្រីរូបនោះមិនមានគ្រោះថ្នាក់ដល់អាយុជីវិតនោះទេ ខណៈស្រ្តីជាជនបង្កហេតុត្រូវបានប៉ូលិសឃុំខ្លួននិងត្រៀមបញ្ជូនទៅកាន់តុលាការដើម្បីកាត់ទោសតាមផ្លូវច្បាប់៕ អត្ថបទ៖ ភក្តី ប្រភព៖ CNN

ចិន៖ ព្យុះភ្លៀងនិងទឹកជំនន់នៅតំបន់ប៉ែកខាងជើងប្រទេសចិននៅតែបន្តបង្កហានីភ័យខ្ពស់សម្រាប់ប្រជាពលរដ្ឋ ខណៈអាជ្ញាធរចិនបានប្រកាសដាក់តំបន់រងគ្រោះទាំងនោះស្ថិតនៅក្នុងការប្រកាសអាសន្នកម្រិតក្រហមហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃអង្គារ ទី៥ ខែសីហា។ ចំពោះមុខស្ថានភាពគ្រោះថ្នាក់នេះអាជ្ញាធរចិនក៏បានសម្រេចធ្វើការជម្លៀសពលរដ្ឋជាង ៨២,០០០នាក់ជាបន្ទាន់ផងដែរ។ ទន្ទឹមគ្នា​នេះតួលេខអ្នកស្លាប់បាត់បង់ជីវិតដោយសារទឹកជំនន់ក៏បានបន្តកើនឡើងផងដែរ ដោយគិតត្រឹមពេលនេះមានប្រជាជនចិនចំនួន ៤៤នាក់ហើយ ដែលត្រូវបានអាជ្ញាធរចិនបញ្ជាក់ថា បានស្លាប់បាត់បង់ជីវិត និងមានមនុស្សចំនួន​ ៩នាក់ផ្សេងទៀតកំពុងតែបាត់ខ្លួន។ ប្រភពខាងលើបានបន្តថា មនុស្សបានកំពុងតែបាត់ខ្លួនទាំង ៩នាក់នោះក៏ទំនងជាបានស្លាប់និងបានហូរតាមទឹកទៅកាន់កន្លែងឆ្ងាយៗបាត់ហើយ តែទោះជាយ៉ាងនេះក្តីក៏អាជ្ញាធរកំពុងតែតាមស្វែងរកពួកគេឱ្យអស់ពីលទ្ធភាពផងដែរ៕ អត្ថបទ៖ ភក្តី ប្រភព៖ Channel News Asia

អាមេរិក៖ សហរដ្ឋអាមេរិកគ្រោងអនុវត្តច្បាប់តម្រូវឱ្យភ្ញៀវទេសចរណ៍អន្តរជាតិត្រូវបង់ប្រាក់ធានារហូតដល់ ១៥,០០០ដុល្លារក្នុងពេលធ្វើដំណើរចូលប្រទេសខ្លួន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃ អង្គារ ទី៥ ខែសីហា។ ការសម្រេចតម្រូវឱ្យអ្នកដំណើរអន្តរជាតិត្រូវបង់ប្រាក់ធានាដ៏ច្រើននេះ គឺត្រូវបានធ្វើឡើងដើម្បីលុបបំបាត់ករណីអ្នកទៅស្នាក់នៅក្នុងសហរដ្ឋអាមេរិកលើសរយៈពេលកំណត់។ ប្រភពខាងលើបានបន្តថា តាមគម្រោងគឺការបង់ប្រាក់ធានាសម្រាប់ទិដ្ឋការចូលទៅសហរដ្ឋអាមេរិកនេះនឹងមាន ៣ប្រភេទ អាស្រ័យទៅតាមព័ត៌មានជាក់ស្តែងរបស់អ្នកដំណើរម្នាក់ៗ ដោយការបង់ប្រាក់ធានាទាំង ៣ប្រភេទនោះគឺមានចាប់ពី ៥,០០០ដុល្លារ ១០,០០០ដុល្លារ រហូតដល់ ១៥,០០០ដុល្លារ ខណៈអ្នកដំណើរទាំងអស់នឹងទទួលបានប្រាក់ធានានេះវិញគ្រប់ចំនួននៅពេលដែរពួកគេចាកចេញពីអាមេរិកវិញតាមពេលកំណត់។ សូមបញ្ជាកជូនថា សហរដ្ឋអាមេរិកក្រោមការដឹកនាំរបស់លោកប្រធានាធិបតី ដូណាល់ ត្រាំ បានអនុវត្តច្បាប់យ៉ាងតឹងរឹងចំពោះជនអន្តោប្រវេសន៍ រហូតដល់មានការហាមឃាត់ពលរដ្ឋមកពីប្រទេសចំនួន ១៩ មិនឱ្យធ្វើដំណើរចូលសហរដ្ឋអាមេរិកទៀតផង៕ អត្តបទ៖ ភក្តី

ចិន៖ ប្រទេសចិននិងប្រទេសរុស្ស៊ីបានធ្វើសមយុទ្ធយោធាជើងទឹករួមគ្នាទ្រង់ទ្រាយធំមួយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time។ សមយុទ្ធយោធាជើងទឹកនេះត្រូវបានរៀបចំឡើងនៅលើសមុទ្រជប៉ុន ឬជាទូទៅគេតែងហៅថា សមុទ្រខាងកើត (The East Sea)។ ប្រភពខាងលើបានបន្តថា យមយុទ្ធយោធាខាងលើនេះត្រូវបានចាប់ផ្តើមធ្វើឡើងដោយចេញពីកំពងផែ Vladivostok របស់រុស្ស៊ី និងបន្តធ្វើឡើងនៅក្នុងរយៈពេលពេញ ៣ថ្ងៃ ខណៈនៅក្នុងសមយុទ្ធនេះទាំងភាគីចិននិងរុស្ស៊ីសុទ្ធតែបានប្រើប្រាស់នាវាចម្បាំងនិងអាវុធទំនើបៗជាច្រើនរួមមានទាំងនាវាសម្រាប់បាញ់កម្ទេចគ្រាប់មីស៊ីលផងដែរ។ សូមបញ្ជាក់ជូនថា ចិននិងរស្ស៊ីតែងមានទំនាក់ទំនងការទូតនិងយោធាយ៉ាងល្អជាមួយគ្នាអស់រយៈជាច្រើនឆ្នាំមកហើយ ខណៈនាពេលកន្លងមកសមយុទ្ធយោធារវាងប្រទេសទាំង ២ក៏តែងតែត្រូវបានរៀបចំឡើងជាប្រចាំផងដែរ៕ អត្ថបទ៖ ភក្តី ប្រភព៖ The Strait Time  

ថៃ៖ យ៉ាងហោចណាស់មានមនុស្សចំនួន ៦នាក់បានស្លាប់បាត់បង់ជីវិតដោយសារតែឥទ្ធិពលរបស់ព្យុះ Wipha នៅក្នុងប្រទេសថៃ នេះបើយោងតាមការចុះផ្សាយរបស់បណ្តញសារព័ត៌មាន Channel News Asia។ ក្រៅតែពីបានបណ្តាលឱ្យមានអ្នកស្លាប់បាត់បង់ជីវិតហើយ ក៏នៅមានពលរដ្ឋថៃប្រមាណជា ២៣០,០០០នាក់ផ្សេងទៀតបានរងផលប៉ះពាល់ដោយផ្ទាល់និងប្រយោលផងដែរ។ ប្រភពខាងលើបានបន្តថា តួលេខជនរងគ្រោះទាំងអស់ខាងលើគឺជាការបូកសរុបអ្នករងគ្រោះនៅក្នុងរយៈពេលជច្រើនសប្តាហ៍ចុងក្រោយនេះ និងគិតមកដល់ត្រឹមថ្ងៃទី ២ ខែសីហា ខណៈរហូតមកទល់នឹងពេលនេះឥទ្ធិរបស់ព្យុះបានថយចុះមកវិញហើយ។ បើតាមអាជ្ញាធរថៃបានបញ្ជាក់ថា ឥទ្ធិពលរបស់ព្យុះ Wipha បានបង្កឱ្យមានភ្លៀងធ្លាក់ខ្លាំង និងការបាក់ដីជាច្រើនកន្លែង ហើយតំបន់ដែលបានរងឥទ្ធិពលពីគ្រោះធម្មជាតិនេះគឺមានខេត្តចំនួន ១២ នៅប៉ែកខាងជើងប្រទេសថៃ ខណៈខេត្ត Pattani បានរងឥទ្ធិពលខ្លាំងជាងគេ៕ អត្ថបទ៖ ភក្តី ប្រភព៖ Channel News Asia

អាមេរិក៖ លោកប្រធានាធិបតីអាមេរិក ដូណាល់​ ត្រាំ បានបញ្ជារឱ្យដាក់ពង្រាយនាវាមុជទឹកនុយក្លេអ៊ែរចំនួន ២គ្រឿងទៅក្បែរប្រទេសរុស្ស៊ី នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសៅរ៍ ទី២ ខែសីហា។ ការចល័តនាវានេះត្រូវបានធ្វើឡើងក្រោយអតីតប្រធានាធិបតីរុស្ស៊ី គឺលោក Dmitry Medvedev បាននិយាយថា លោក ដូណាល់ ត្រាំ គួរតែចាំថា ទីក្រុងម៉ូស្គូ​មានសមត្ថភាពនុយក្លេអ៊ែរគ្រប់គ្រាន់សម្រាប់វាយប្រហារ ដែលជាជម្រើសចុងក្រោយមួយ។ ប្រភពខាងលើបានបានបន្តថា ភ្លាមៗក្រោយការថ្លែងសារខាងលើនេះពីទីក្រុងម៉ូស្គូ មេដឹកនៅអាមេរិកបានប្រាប់ឱ្យលោក Dmitry Medvedev​ ត្រូវពិនិត្យលើពាក្យសំដីរបស់ខ្លួនឡើយវិញ ហើយបន្ទាប់មកក៏មានការចល័តនាវានុយក្លេអ៊ែរចំនួន ២គ្រឿង ទៅជិតប្រទេសរុស្ស៊ីតែម្តង។ សម្រាប់ក្រុមអ្នកវិភាគនយោបាយពិភពលោកវិញបានបញ្ចេញទស្សនៈផ្ទាល់ខ្លួនថា ការសម្រេចចល័តនាវានុយក្លេអ៊ែរពីសំណាក់រដ្ឋអាមេរិកនៅពេលនេះ​បានកំពុងតែបង្កឱ្យហានិភ័យនៃការកើតមានសង្គ្រាមនុយក្លេអ៊ែររវាងប្រទេសមហាយក្សទាំង

អាមេរិក៖ លោកប្រធានាធិបតីអាមេរិក​ ដូណាល់ ត្រាំ បានប្រាប់អង្គការសហប្រជាជាតិថា លោកចង់ឱ្យមានកិច្ចព្រមព្រៀងមួយដើម្បីបញ្ចប់សង្គ្រាមរវាងអ៊ុយក្រែននិងរុស្ស៊ី​នៅថ្ងៃទី៨ ខែសីហា នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia ។ លោក ដូណាល់ ត្រាំ បានបញ្ជាក់ថា បទឈប់បាញ់រវាងអ៊ុយក្រែននិងរុស្ស៊ីត្រូវតែកើតមានឡើង ដើម្បីធានាបាននូវសន្តិភាពរវាងប្រទេសទាំង ២ និងសុវត្ថិភាពចំពោះពលរដ្ឋនៃប្រទេសនីមួយៗ។ សូមបញ្ជាក់ជូនថា​ គិតត្រឹមពេលនេះសង្គ្រាមរវាងប្រទេសអ៊ុយក្រែននិងរុស្ស៊ីបានបន្តអូសបន្លាយអស់រយៈពេលជាង ៣ឆ្នាំកន្លះហើយ ខណៈការកិច្ចចរចារដើម្បីបញ្ចប់សង្គ្រាមរវាងប្រទេសទាំង ២ ក៏ធ្លាប់កើតមានជាច្រើនដងដែរ តែមិនបានជោគជ័យនោះទេ។ យ៉ាងណាក្តី ក្រោយពេលបានចូលកាន់តំណែងជាប្រធានាធិបតីអាមេរិកភ្លាម លោក ដូណាល់ ត្រាំ បានអះអាងថា លោកនឹងជួយសម្របសម្រួលឱ្យសង្រ្គាមរវាងអ៊ុយក្រែននិងរុស្ស៊ីត្រូវតែឈានដល់ទីបញ្ចប់ ហើយពិភពលោកក៏បានដាក់ក្តីរំពឹងខ្ពស់ថា

វៀតណាម៖ យ៉ាងហោចណាស់មានមនុស្សចំ​នួន ៣នាក់បានស្លាប់បាត់បង់ជីវិតដោយសារទឹកជំនន់ដ៏ឆាប់រហ័សមួយនៅក្នុងប្រទេសវៀតណាម នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ តំបន់ដែលកំពុងរងការគំរាមគំហែងដោយទឹកជំនន់នៅពេលនេះគឺមានចំនួន ៤ខេត្ត ដូចជាខេត្ត Son La ខេត្ត Phu Tho ខេត្ត Tuyen Quang និងខេត្ត Dien Bien ដែលស្ថិតប៉ែកខាងជើងនៃប្រទេសវៀតណាម។ បើតាមអាជ្ញាធរវៀតណាមបានបញ្ជាក់ថា គ្រៅតែពីបានបណ្តាលឱ្យមានមនុស្សស្លាប់បាត់បង់ជីវិតហើយ គិតត្រឹមពេលនេះក៏នៅមានមនុស្សចំនួន ៩នាក់ផ្សេងទៀតកំពុងតែបាត់ខ្លួនផងដែរ ហើយយោងតាមការសន្និដ្ឋានបឋមគឺអ្នកបាត់ខ្លួនទាំងអស់នេះទំនងជាបានលង់ទឹកស្លាប់និងត្រូវហូរតាមទឹកទៅកាន់ទីកន្លែងឆ្ងាយៗបាត់ទៅហើយ តែទោះជាយ៉ាងនេះក្តីក្រុមអ្នកជួយសង្គ្រោះកំពុងតាមស្វែងរកពួកគេឱ្យអស់ពីលទ្ធភាព។ សូមបញ្ជាក់ជូនថា ទឹកជំនន់ខាងលើនេះបានកើតឡើងក្រោយទីតាំងខាងលើមានភ្លៀងធ្លាក់យ៉ាងខ្លាំងនិងជាច្រើនថ្ងៃជាប់ៗគ្នា ពោលគឺភ្លៀងបានធ្លាក់ក្នុងកម្រិតរហូតដល់ ៣០​cm៕ អត្ថបទ៖ ភក្តី