ក្រុមហ៊ុនផលិតទូរស័ព្ទ Apple និង Samsung កំពុងប្រឈមនឹងការប្តឹងទាមទារប្រាក់សំណងជាថ្មីម្តងទៀតពីតុលាការប្រេស៊ីលចំពោះសកម្មភាពដែលក្រុមហ៊ុនយក្សទាំង ២នេះមិនបានដាក់បញ្ចូលដុំសាកថ្មក្នុងប្រអប់ទូរស័ព្ទថ្មី នេះបើយោងតាមការចុះផ្សាយរបស់បណ្តាញសារព័ត៌មាន India Times កាលពីពេលថ្មីៗនេះ។ គួររម្លឹកជូនថា ក្រុមហ៊ុន Apple គឺជាក្រុមហ៊ុនដំបូងគេដែលបានសម្រេចមិនដាក់បញ្ចូលដុំសាកថ្មក្នុងប្រអប់ទូរស័ព្ទថ្មីដោយចាប់អនុវត្តពីទូរស័ព្ទស៊េរី iPhone 12 ឡើងទៅ ហើយក្រោយមកក្រុមហ៊ុន Samsung ក៏បានធ្វើតាមដែរដោយផ្តើមអនុវត្តនិន្នាការដូចគ្នានេះចាប់ពីទូរស័ព្ទស៊េរី Galaxy S21 ឡើងទៅ​ ខណៈមូលហេតុវិញគឺដើម្បីចូលរួមកាត់បន្ថយកាកសំណល់អេឡិចត្រូនិចលើភពផែនដី។ ខាងក្រុមហ៊ុនផលិតទូរស័ព្ទបានយល់ឃើញថា និន្នាការខាងលើនេះនឹងមិនផ្តល់ការរំខានឬបន្ថែមសម្ពាធណាមួយចំពោះអតិថិជនចាស់របស់ពួកគេនោះទេ ដ្បិតក្រុមអតិថិជនចាស់នៅតែអាចបន្តប្រើប្រាស់ដុំសាកថ្មចាស់របស់ពួកគេបានដដែលក្រោយពេលទិញទូរស័ព្ទថ្មី។ យ៉ាងណាក្តី ឥរិយាបថនេះបានបង្កឲ្យមានការអាក់អន់ចិត្តយ៉ាងខ្លាំងចំពោះក្រុមអតិថិជនថ្មីនៅក្នុងប្រទេសប្រទេសប្រេស៊ីល ដ្បិតពួកគេយល់ឃើញថាពួកគេត្រូវចំណាយលុយទិញដុំសាកថ្មមួយបន្ថែមទៀតពីលើការចំណាយលុយទិញទូរស័ព្ទថ្មីមួយគ្រឿងដែលគេបានដាក់លក់ក្នុងតម្លៃខ្ពស់រួចទៅហើយ។ នៅចំពោះមុខហេតុការណ៍នេះ ក្រុមស្ថាប័ននិងអង្គការការពារសិទ្ធអ្នកប្រើប្រាស់នៅក្នុងប្រទេសប្រេស៊ីលជាង ៩០០កន្លែងបានអះអាងដូចគ្នាថា សកម្មភាពរបស់ក្រុមហ៊ុន Apple និង Samsung គឺជារឿងខុសច្បាប់និងជាការបំពានយ៉ា​ងធ្ងន់ធ្ងរទៅលើសិទ្ធប្រើប្រាស់របស់អតិថិជន។ សូមបញ្ជាក់ជូនថា

អង់គ្លេស៖ ប្រទេសអង់គ្លេសបានរកឃើញករណីរាតត្បាតជំងឺអុតស្វា Monkeypox នៅក្នុងសហគមន៍ជាលើកដំបូងហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីថ្ងៃអាទិត្យ ទី២២ ខែឧសភាម្សិលមិញនេះ។ បើតាមទីភ្នាក់ងារសន្តិសុខសុខភាពអង់គ្លេសបានឲ្យដឹងថាគិតត្រឹមថ្ងៃសុក្រសប្តាហ៍មុននេះអង់គ្លេសបានរកឃើញករណីអ្នកឆ្លងជំងឺអុតស្វា Monkeypox ចំនួន ២០នាក់ហើយក្នុងនោះក៏មានករណីធ្ងន់ធ្ងរចំនួនម្នាក់ផងដែរ ខណៈខាងអាជ្ញាធរសុខាភិបាលនឹងធ្វើបច្ចុប្បន្នភាពតួលេខអ្នកឆ្លងនៅល្ងាចថ្ងៃចន្ទនេះជាថ្មីម្តងទៀត។ បើតាមលោក Susan Hopkins ប្រធានទីប្រឹក្សាវេជ្ជសាស្ត្រនៃទីភ្នាក់ងារសន្តិសុខសុខភាពអង់គ្លេសបានបញ្ជាក់ថា គិតត្រឹមពលនេះជំងឺអុតស្វា Monkeypox ​នៅមិនទាន់បង្កគ្រោះថ្នាក់ធ្ងន់ធ្ងរក្នុងចំណោមពលរដ្ឋទូទៅនៅឡើយទេ ដ្បិតករណីឆ្លងនៅលើទឹកដីអង់គ្លេសនោះគឺត្រូវបានរកឃើញនៅតាមតំបន់ដាច់ស្រយាលនិងរកឃើញក្នុងចំណោមពលរដ្ឋជាក្រុមមនុស្សភេទទី៣ ឬក្រុមបុរសស្រលាញ់បុរស។ ប្រធានទីប្រឹក្សាវេជ្ជសាស្ត្ររូបនេះបន្ថែមទៀតថា ជំងឺអុតស្វា Monkeypox អាចបង្កការចម្លងតាមរយៈការប៉ះពាល់ជាមួយដំបៅស្បែក ដំណក់ទឹករងៃរបស់អ្នកជំងឺ ការប្រើប្រាស់ពូកនិងកន្សែងរួមគ្នាជាមួយអ្នកជំងឺជាដើម។ ចំពោះអាការៈវិញមានដូចជា គ្រុនក្តៅ ឈឺសាច់ដុំ ហើមកូនកណ្តុរ

ហ្វាំងឡង់៖ ក្រុមហ៊ុនផលិតស្រាបៀរមួយក​ន្លែងនៅក្នុងប្រទេសហ្វាំងឡង់បានសម្រេចផលិតស្រាបៀរដោយដាក់ឈ្មោះរបស់អង្គការណាតូនៅលើសម្បកកំប៉ុងតែម្តង ដើម្បីបង្ហាញនូវការគាំទ្រចំពោះរដ្ឋាភិបាលហ្វាំងឡង់ដែលបានសម្រេចដាក់ពាក្យស្នើសុំចូលជាសមាជិកនៃអង្គការសម្ព័ន្ធមិត្តយោធាមួយនេះ។ ក្រុមហ៊ុនផលិតស្រាបៀរមួយនេះគឺជាកម្មសិទ្ធរបស់លោក Petteri Vanttinen អាយុ ៤២ ឆ្នាំ ហើយទីតាំងរោងចក្រផលិតស្រាបៀរមួយនេះគឺស្ថិតនៅក្នុងតំបន់ Savonlinna ដែលមានចម្ងាយត្រឹម ៥០គីឡូម៉ែត្រប៉ុណ្ណោះពីប្រទេសរុស្ស៊ី។ សូមបញ្ជាក់ថា អង្គការណាតូមានអក្សកាត់ជាភាសាអង់គ្លេសថា “NATO” និងមានពាក្យកាត់ជាភាសាបារាំងថា “OTAN” ឬជាខេមរៈភាសាមានន័យថា “អង្គការ​សន្ធិសញ្ញា​អាត្លង់ទិក​ខាងជើង” ត្រូវបានបង្កើតឡើងនៅឆ្នាំ ១៩៤៩ បច្ចុប្បន្នមានប្រទេសជាសមាជិកផ្លូវការចំនួន ២៨ប្រទេស។ គោលបំណងនៃការបង្កើតអង្គការសម្ព័ន្ធមិត្តយោធាមួយនេះគឺដើម្បីរួមគ្នាជួយការពារសន្តិសុខនិងដែនអធិបតេយ្យភាពរបស់ប្រទេសជាសមាជិកពីការឈ្លានពានពីសំណាក់ប្រទេសណាមួយតាមរយៈការប្រើមធ្យោបាយចរចារនិងការប្រើកម្លាំងយោធា។ ជាក់ស្តែងសម្រាប់ប្រទេសហ្វាំងឡង់បាននិយាយច្បាស់ៗថា គោលបំណងនៃការចូលជាសមាជិកនៃអង្គការណាតូនេះគឺដើម្បីការពារខ្លួនពីការឈ្លានពានរបស់រុស្ស៊ី  ដ្បិតពេលនេះរុស្ស៊ីបានឈ្លានពានចូលក្នុងប្រទេសអ៊ុយក្រែនរួចហើយ៕ អត្ថបទ៖ ភក្តី ប្រភព៖  

អង្គការសុខភាពពិភពលោកកាលពីថ្ងៃសុក្រ ទី២០ ខែឧសភាម្សិលមិញនេះបានបើកកិច្ចប្រជុំបន្ទាន់មួយដើម្បីពិភាក្សាអំពីការរាតត្បាតនៃជំងឺអុតស្វាយ Monkeypox នេះបើយោងតាមការចុះផ្សាយរបស់បណ្តាញសារ​ព័ត៌មានChannel News Asia។ ការសម្រេចបើកកិច្ចប្រជុំពិភាក្សានេះត្រូវបានធ្វើឡើងក្រោយគេបានកត់សម្គាល់ឃើញថា ជំងឺអុតស្វាយ Monkeypox ហាក់បានធ្វើដំណើរយ៉ាងលឿនពីតំបន់អាហ្វ្រិកកណ្តាលនិងអាហ្វ្រិកខាងលិចទៅកាន់តំបន់ផ្សេងៗនៅជុំវិញពិភពលោក ហើយរបាយការណ៍ចុងក្រោយមួយបានបញ្ជាក់ថានៅអាមេរិក និងអូស្រា្តលីក៏មានករណីឆ្លងជំងឺថ្មីនេះដែរ។ សម្រាប់នៅទូទាំងតំបន់អឺរ៉ុបវិញជំងឺអុតស្វាយ Monkeypox បានបង្កការចម្លងទៅកាន់មនុស្សជាង ១០០នាក់ហើយ ខណៈប្រទេសដែលកំពុងមានករណីឆ្លងនោះមានដូចជា ប្រទេសបែលហ្ស៊ិក បារាំង អាឡឺម៉ង់ អ៊ីតាលី ហូឡង់ ព័រទុយហ្គាល់ អេស្ប៉ាញ ស៊ុយអែត និងចក្រភពអង់គ្លេស។ សូមបញ្ជាក់ថា ជំងឺអុតស្វាយ Monkeypox មានប្រភពចម្លងចេញមកពីសត្វស្វា ហើយជំងឺនេះមានរោគសញ្ញាដូចជា គ្រុនក្តៅ ឈឺក្បាល ឈឺសាច់ដុំ

កូរ៉េខាងជើង៖ យោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃសៅរ៍ ទី២១ ខែឧសភានេះបានឲ្យដឹងថា ប្រទេសកូរ៉េខាងជើងបានរកឃើញអ្នកមានរោគសញ្ញាក្តៅខ្លួនចំនួន ២១៩,០៣០នាក់បន្ថែមទៀត សម្រាប់របាយករណ៍ដែលបានបិទបញ្ចប់ត្រឹមល្ងាចថ្ងៃសុក្រ ទី២០ ខែឧសភាម្សិលមិញនេះ។ គួរបញ្ជាក់ថា អាជ្ញាធរសុខាភិបាលកូរ៉េខាងជើងមិនបានធ្វើតេស្តរកជំងឺកូវីដ-១៩ចំពោះពលរដ្ឋខ្លួនឲ្យបានច្បាស់លាស់នោះទេ ពោលគឺអាជ្ញាធរគ្រាន់តែបញ្ជាក់ថា អ្នកជំងឺទាំងអស់នោះមានអាការៈក្តៅខ្លួន ដែលជាក់ស្តែងអាការៈទាំងអស់នោះគឺដូចគ្នាជាមួយនិងអ្នកជំងឺកូវីដ-១៩ អីចឹងដែរ។ ប្រភពខាងលើបានបញ្ជាក់ផងដែរថា គិតត្រឹមថ្ងៃសៅរ៍នេះគឺកូរ៉េខាងជើងបានរកឃើញមានអ្នករោគសញ្ញាក្តៅខ្លួនក្នុងខ្ទង់ជាង ២០០,០០០នាក់ក្នុងមួយថ្ងៃក្នុងរយៈ ៥ថ្ងៃជាប់ៗគ្នាមកហើយ ខណៈតួលេខអ្នកមានអាការៈក្តៅខ្លួនសរុបបានកើនដល់ ២,៤៦០,៦៤០នាក់ផងដែរ។ ដោយឡែកសម្រាប់តួលេខអ្នកស្លាប់វិញគឺបានកើនឡើងដល់ ៦៦នាក់ហើយ ក្នុងចំណោមពលរដ្ឋកូរ៉េខាងជើងសរុបជាង ២៥លាននាក់។ គួររម្លឹកជូនផងដែរថា កាលពីពេលថ្មីៗនេះអាជ្ញាធរកូរ៉េខាងជើងធ្លាប់បានប្រកាសថា ទទួលបានលទ្ធផលល្អប្រសើរក្នុងការយកឈ្នះលើការរាតត្បាតជំងឺកូវីដ-១៩ បើទោះគ្មានពលរដ្ឋណាម្នាក់បានចាក់វ៉ាក់សាំងបង្ការក៏ដោយ៕ អត្ថបទ៖

ថៃ៖ ក្រុមហ៊ុនអាកាសចរណ៍ Thai AirAsia X បានសម្រេចប្រកាសក្ស័យធនជាផ្លូវការហើយ នេះបើយោងតាមការចុះផ្សាយរបស់បណ្តាញសារព័ត៌មាន The Thaiger នៅព្រឹកថ្ងៃសុក្រ  ទី២០ ខែ​ឧសភានេះ។ គួរបញ្ជាក់ថា Thai AirAsia X គឺជាក្រុមហ៊ុនអាកាសចរណ៍អន្តរជាតិ ដែលធ្លាប់មានសក្តានុពលបំផុតមួយរបស់ថៃ ដោយក្រុមហ៊ុនមួយនេះគឺជាបុត្រសម្ព័ន្ធរបស់ក្រុមហ៊ុនអាកាសចរណ៍អន្តរជាតិ AirAsia។ នាពេលកន្លងមកជើងហោះរបស់ Thai AirAsia X ទទួលបានការគាំទ្រយ៉ាងខ្លាំងពីសំណាក់ក្រុមអ្នកដំណើរកម្រិតមធ្យម ដ្បិតសំបុត្រយន្តហោះរបស់ក្រុមហ៊ុនមួយនេះមានតម្លៃទាបជាងក្រុមហ៊ុនធំៗមួយចំនួនទៀត។ ប្រភពខាងលើបានបន្តថា គិតត្រឹមពេលនេះគឺតុលាការថៃបានទទួលយកឯកសារប្រកាសក្ស័យធនរបស់ក្រុមហ៊ុន Thai AirAsia X ជាផ្លូវការហើយ​ បន្ទាប់ពីគេបានពិនិត្យឃើញថាសកម្មភាពអាជីវកម្មរបស់ក្រុមហ៊ុនត្រូវបានផ្អាកអស់រយៈពេលជាង ២ឆ្នាំមកនេះព្រោះតែវិបត្តិនៃជំងឺកូវីដ-១៩

អាមេរិក៖ យោងតាមការចុះផ្សាយរបស់បណ្តាញសារព័ត៌មាន Channel News Asia នៅថ្ងៃសុក្រ ទី២០ ខែឧសភានេះបានឲ្យដឹងថា អាមេរិកកំពុងតែរៀបចំបញ្ជូនមីស៊ីលទំនើបសម្រាប់បាញ់កម្ទេចកប៉ាល់ទៅកាន់ប្រទេសអ៊ុយក្រែនហើយ ដើម្បីជួយកងកម្លាំងអ៊ុយក្រែនក្នុងការប្រឆាំងជាមួយនឹងកងទ័ពជើងទឹករបស់រុស្ស៊ី។ ការបញ្ជូនមីស៊ីលទំនើបសម្រាប់បាញ់កប៉ាល់នេះត្រូវបានធ្វើឡើងភ្លាមៗ​តបតាមការស្នើសុំរបស់លោកប្រធានាធិបតីអ៊ុយក្រែន Volodymyr Zelenskyy ​ដែលកាលពីពេលថ្មីៗនេះលោកធ្លាប់បាននិយាយច្បាស់ៗថា អ៊ុយក្រែនចង់បានអាវុធទំនើបសម្រាប់បាញ់កម្ទេចនាវាចម្បាំងរបស់រុស្ស៊ីនៅតំបន់សមុទ្រខ្មៅ។ បើតាមក្រសួងការពារជាតិអង់គ្លេសបានបញ្ជាក់ថា នាវាចម្បាំងរបស់រុស្ស៊ីដែលកំពុងមានវត្តមាននៅលើតំបន់ប្រតិបត្តិការណ៍នៃដែនសមុទ្រខ្មៅនោះមានចំនួន ២០គ្រឿង ហើយក្នុងនោះក៏មាននាវាមុជទឹកផងដែរ។ សូមបញ្ជាក់ជូនថា កងទ័ពជើងទឹករុស្ស៊ីបានធ្វើការគ្រប់គ្រង់នៅតំបន់កំពង់ផែសមុទ្រខ្មៅជាច្រើនសប្តាហ៍មកហើយ ខណៈការគ្រប់គ្រងដោយកម្លាំងយោធានេះក៏បានធ្វើឲ្យរាំងស្ទះដល់ការដឹកជញ្ជូនសម្ភារៈសម្រាប់ធ្វើកសិកម្ម គ្រាប់ធញ្ញជាតិ និងផលិតផលកសិកម្មផ្សេងៗចេញពីអ៊ុយក្រែនសម្រាប់ផ្គត់ផ្គង់ទៅកាន់ប្រទេសមួយចំនួននៅជុំវិញពិភពលោកផងដែរ៕ អត្ថបទ៖ ភក្តី ប្រភព៖ Channel News Asia

កូរ៉េខាងជើង៖ កូរ៉េខាងជើងនៅថ្ងៃសុក្រ ទី២០​ ខែឧសភានេះបានរាយការណ៍ថា ប្រទេសខ្លួនទទួលបានលទ្ធផលល្អប្រសើរក្នុងការប្រយុទ្ធប្រឆាំងនឹងការរាតត្បាតនៃជំងឺកូវីដ-១៩ បើទោះជាការរាតត្បាតនេះគឺជាការរាតត្បាតលើកដំបូងសម្រាប់កូរ៉េខាងជើងក៏ដោយ។ អាជ្ញាធរកូរ៉េខាងជើងបានឲ្យដឹងទៀតថា សម្រាប់របាយការណ៍នៅក្នុងថ្ងៃសុក្រនេះគឺគេបានរកឃើញពលរដ្ឋដែលមានអាការៈក្តៅខ្លួននិងមានរោគសញ្ញាដូចអ្នកឆ្លងកូវីដ-១៩ ចំនួន ២៦៣,៣៧០នាក់ និងអ្នកស្លាប់ចំនួន ២នាក់បន្ថែមទៀតផងដែរ។  សូមបញ្ជាក់ថា សម្រាប់អ្នកដែលមានអាការៈក្តៅខ្លួននិងមានរោគសញ្ញានៃជំងឺកូវីដ-១៩ ទាំងអស់នោះគឺមិនត្រូវបានអាជ្ញាធរសុខាភិបាលកូរ៉េខាងជើងធ្វើតេស្តរកជំងឺកូវីដ-១៩នោះទេ ពោលគឺអាជ្ញាធរកូរ៉េខាងជើងគ្រាន់តែបញ្ជាក់ថាពួកគេគឺជាអ្នកជំងឺនិងផ្តល់ថ្នាំព្យាបាលតាមអាការៈជាក់ស្តែងរបស់ពួកគេតែម្តង។ គួរបញ្ជាក់ផងដែរថា គិតត្រឹមពេលនេះតួលេខអ្នកមានអាការៈក្តៅខ្លួននិងមានអាការៈដូចអ្នកជំងឺកូវីដ-១៩ នៅកូរ៉េខាងជើងបានកើនដល់ ២,២៤លាននាក់ និងស្លាប់សរុបកើនដល់ ៦៥នាក់៕ អត្ថបទ៖ ភក្តី ប្រភព៖ Channel News Asia

កូរ៉េខាងជើង៖ កូរ៉េខាងជើងបានបញ្ជូនយន្តហោះទៅដឹកថ្នាំពេទ្យមកពីប្រទេសចិនបន្ទាប់ពីប្រទេសមួយនេះបានប្រឈមនឹងរលកនៃការរាតត្បាតជំងឺកូវីដ-១៩ទ្រង់ទ្រាយធំជាលើកដំបូង នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីថ្ងៃអង្គារ  ទី១៧ ខែឧសភា ម្សិលមិញនេះ។ យន្តហោះដែលរដ្ឋាភិបាលនៃប្រទេសកូរ៉េខាងជើងប្រើប្រាស់សម្រាប់ដឹកជញ្ជូនថ្នាំពេទ្យនោះគឺយន្តហោះដឹកអ្នកដំណើររបស់ក្រុមហ៊ុនអាកាសចរណ៍ Air Koryo មានចំនួន ៣គ្រឿង ហើយយន្តទាំងអស់នេះបានធ្វើដំណើរទៅដល់ទីក្រុង Shenyang ប្រទេសចិនតាំងតែពីថ្ងៃចន្ទដើមសប្តាហ៍នេះម្លេះ។ ប្រភពខាងលើបានបញ្ជាក់ថា ការសម្រេចប្រើប្រាស់យន្តហោះនេះវាគឺជាជើងហោះអន្តរជាតិលើកដំបូងសម្រាប់កូរ៉េខាងជើងហើយបើរាប់ចាប់តាំងពីពេលដែលកូរ៉េខាងជើងបានអនុវត្តវិធានការបិទខ្ទប់ប្រទេសអស់រយៈពេលជាង​ ២ឆ្នាំកន្លងមកនេះ។ គួរបញ្ជាក់ជូនថា ដើម្បីឆ្លើយតបនឹងរលកនៃការរាតត្បាតកូវីដ-១៩ ​កូរ៉េខាងជើងបានដាក់ចេញវិធានការចាំបាច់ជាច្រើនរួមមាន ការប្រើប្រាស់កម្លាំងយោធាក្នុងការចែកចាយថ្នាំពេទ្យទៅកាន់ក្រុមប្រជាពលរដ្ឋនៅតាមសហគមន៍ ដាក់ពង្រាយក្រុមបុគ្គលិកសុខាភិបាលចំនួន ១០,០០០នាក់នៅតាមទីតាំងសំខាន់ៗដើម្បីត្រៀមជួយអ្នកជំងឺឲ្យបានទាន់ពេលវេលា ខណៈឱសថស្ថានវិញត្រូវបានបើកលក់ពេញ ២៤ម៉ោងក្នុងមួយថ្ងៃ និង ៧ថ្ងៃក្នុងមួយសប្តាហ៍ដើម្បីធានានូវការផ្គត់ផ្គង់ថ្នាំពេទ្យឲ្យបានទាន់ពេលវេលា។ សូមបញ្ជាក់ជូនផងដែរថា របាយការណ៍ចុងក្រោយបំផុតដែលគេអាចទទួលបានពីកូរ៉េខាងជើងគឺគិតត្រឹមថ្ងៃទី ១៦ ខែឧសភាកន្លងទៅនេះ

កូរ៉េខាងជើង៖ យោងតាមការចុះផ្សាយរបស់បណ្តាញសារព័ត៌មាន Yahoo News កាលពីថ្ងៃអង្គារ ទី១៧ ខែឧសភា ម្សិលមិញនេះបានឲ្យដឹ​ងថា ចាប់តាំងពីមានការរាតត្បាតនៃជំងឺកូវីដ-១៩ទ្រង់ទ្រាយធំមកជាលើកដំបូងមក ឱសថស្ថាននៅក្នុងប្រទេសកូរ៉េខាងជើងបានសម្រេចបើកលក់ក្នុងលក្ខខណ្ឌពិសេសមួយ ពោលគឺបើកដំណើរការពេញ ២៤ម៉ោងក្នុងមួយថ្ងៃ និង ៧ថ្ងៃក្នុងមួយសប្តាហ៍តែម្តង។ ការសម្រេចបើកលក់ជាប់រហូតដោយគ្មានពេលឈប់សម្រាកនេះគឺដើម្បីធានាបាននូវការផ្គត់ផ្គង់ថ្នាំពេទ្យគ្រប់ប្រភេទសម្រាប់អ្នកជំងឺឲ្យបានទាន់ពេលវេលា ជាពិសេសអ្នកជំងឺដែលមានអាការៈនៃជំងឺកូវីដ-១៩តែម្តង។ គួរបញ្ជាក់ជូនថា ដើម្បីឆ្លើយតបនឹងរលកនៃជំងឺកូវីដ-១៩ អាជ្ញាធរកូរ៉េខាងជើងបានដាក់ចេញនូវវិធានការបន្ទាន់ជាច្រើនរួមមាន ដាក់ពង្រាយក្រុមបុគ្គលិកសុខាភិបាលចំនួន ១០,០០០នាក់ នៅតាមទីតាំងសំខាន់ៗដើម្បីត្រៀមជួយសង្គ្រោះអ្នកជំងឺឲ្យបានទាន់ពេលវេលា ហើយប្រមុខដឹកនាំកូរ៉េខាងជើងគឺលោក គីម ជុងអ៊ុន ក៏បានចេញបញ្ជាឲ្យមានការចល័តទ័ពនៅទូទាំងប្រទេសផងដែរ ព្រោះរូបលោកចង់ប្រើប្រាស់កម្លាំងយោធាសម្រាប់ចែកចាយថ្នាំពេទ្យទៅកាន់ក្រុមប្រជាពលរដ្ឋនៅតាមសហគមន៍ដើម្បីធានាថា ថ្នាំពេទ្យអាចបញ្ជូនទៅដល់ដៃអ្នកជំងឺបានទាន់ពេលវេលា។ សូមបញ្ជាក់ជូនផងដែរថា របាយការណ៍ចុងក្រោយបំផុតដែលគេអាចទទួលបានពីកូរ៉េខាងជើងគឺគិតត្រឹមថ្ងៃទី ១៦ ខែឧសភាកន្លងទៅនេះ កូរ៉េខាងជើងមានតួលេខអ្នកឆ្លងជំងឺកូវីដ-១៩ប្រមាណជា ១,៥លាននាក់