អង់គ្លេស៖ យោងតាមការចុះផ្សាយរបស់បណ្តាញសារព័ត៌មាន Daily Mail កាលពីថ្ងៃពុធ ទី១១ ខែឧសភាម្សិលមិញនេះបានឲ្យដឹងថា ប្រទេសអង់គ្លេសសន្យានឹងបញ្ជូនកងទ័ពទៅការពារប្រទេសស៊ុយអែតនិងហ្វាំងឡង់ភ្លាម ប្រសិនបើប្រទេសទាំង ២នេះរងនូវការឈ្លានពានពីសំណាក់ប្រទេសរុស្ស៊ី។ បើតាមលោកនាយករដ្ឋមន្ត្រីអង់គ្លេសបានបញ្ជាក់ថា ការសន្យាជួយប្រទេសទាំង ២ខាងលើនេះមិនមែនចេះតែធ្វើឡើងដោយគ្មានមូលដ្ឋានច្បាស់លាស់នោះទេ តែជាក់ស្តែងពេលនេះអង់គ្លេសបានត្រៀមកម្លាំងយោធាមួយផ្នែកធំរួចហើយសម្រាប់ធ្វើប្រតិបត្តិការណ៍ជាបន្ទាន់ក្នុងករណីដែលស៊ុយអែតនិងហ្វាំងឡង់ត្រូវរងនូវការគំរាមគំហែងដោយកម្លាំងយោធាពីសំណាក់រុស្ស៊ី។ គួរបញ្ជាក់ជូនថា ក្នុងរយៈពេលជាច្រើនសប្តាហ៍ចុងក្រោយនេះ រដ្ឋាភិបាលនៃប្រទេសស៊ុយអែតនិងហ្វាំងឡង់បានបង្ហាញចំណាប់អារម្មណ៍ចង់ក្លាយជាសមាជិកអង្គការ NATO យ៉ាងខ្លាំង ខណៈរុស្ស៊ីមិនចង់ឃើញប្រទេសទាំង ២នេះទៅចូលរួមជាមួយអង្គការដែលមាននិន្នាការប្រឆាំងរុស្ស៊ីមួយនេះទាល់តែសោះ។ ជាក់ស្តែង នាពេលកន្លងមកក្រុមអ្នកជំនាញផ្នែកភូមិសាស្រ្តនយោបាយជាច្រើនក៏ធ្លាប់បានលើកឡើងដែរថា  មូលហេតុដែលរុស្ស៊ីសម្រេចឈ្លានពានចូលក្នុងប្រទេសអ៊ុយក្រែន ក៏ព្រោះតែអ៊ុយក្រែនមានទំនោរចង់ទៅចូលរួមជាមួយក្រុមប្រទេសលោកខាងលិច ដែលមាននិន្នាការប្រឆាំងជាមួយនឹងរុស្ស៊ី។ សូមបញ្ជាក់ជូនថា អង្គការ NATO “ណាតូ” (ជាភាសាអង់គ្លេស) ឬ OTAN “អូតង់” (ជាភាសាបារាំង)

អាមេរិក៖ គិតត្រឹមពេលនេះកូវីដ-១៩ បានឆក់យកជី​វិតពលរដ្ឋនៅសហរដ្ឋអាមេរិកអស់ជាង ១លាននាក់ហើយ​ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី១២ ខែឧសភានេះ។ បើគេយកតួលេខអ្នកស្លាប់នេះទៅធ្វើការប្រៀបធៀបជាមួយនឹងចំនួនពលរដ្ឋអាមេរិកសរុបគឺវាអាចបង្ហាញថា មានពលរដ្ឋអាមេរិកម្នាក់ក្នុងចំណោមពលរដ្ឋ ៣២៧នាក់បានស្លាប់បាត់បង់ជីវិត ឬតួលេខអ្នកស្លាប់នេះមានច្រើនជាងចំនួនពលរដ្ឋអាមេរិកដែលកំពុងរស់នៅក្នុងទីក្រុង San Francisco ទៅទៀត។ គួររបញ្ជាក់ជូនថា នាពេលបច្ចុប្បន្ននេះអាមេរិកមានតួលេខអ្នកឆ្លងកូវីដ-១៩ប្រចាំថ្ងៃជាមធ្យមខ្ទង់ ៨ម៉ឺននាក់ ខណៈតួលេខអ្នកឆ្លងសរុបមានចំនួនជាង ៨៣លាននាក់ និងស្លាប់សរុបមានចំនួន ១,០២៥,៧៦៤ នាក់។ ដោយឡែកបើគិតក្នុងក្របខណ្ឌទូទាំងពិភពលោកវិញគឺចំនួនអ្នកឆ្លងកូវីដ-១៩ សរុបមានរហូតដល់ជាង ៥១៩លាននាក់ និងស្លាប់សរុបជាង ៦,២លាននាក់។ សូមបញ្ជាក់ផងដែរថា គិតត្រឹមពេលនេះអាមេរិកគឺជាប្រទេសដែលមានចំនួនអ្នកស្លាប់និងឆ្លងជំងឺកូវីដ-១៩ ច្រើនជាងគេបំផុតលំដាប់ទី ១នៅលើពិភពលោក៕

កូរ៉េខាងជើង៖ ទីបំផុតប្រទេសកូរ៉េខាងជើងបានប្រកាសរកឃើញករណីអ្នកឆ្លងជំងឺកូវីដ-១៩ ជាលើកដំបូងនិងជាលក្ខណៈផ្លូវការហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី១២ ខែឧសភានេះ។ បើតាមមន្ត្រីជាន់ខ្ពស់កូរ៉េខាងជើងបានបញ្ជាក់ថា ករណីឆ្លងកូវីដ-១៩ នោះត្រូវបានរកឃើញនៅក្នុងទីក្រុងព្យុងយ៉ាង ហើយមេរោគដែលបានធ្វើដំណើរទៅដល់កូរ៉េខាងជើងមុខគេនោះគឺមេរោគអូមីក្រុង ប្រភេទ BA.2។ ប្រភពខាងលើបានបន្តថា ភ្លាមៗក្រោយការរកឃើញករណីរាតត្បាតជំងឺកូវីដ-១៩ អាជ្ញាធរក្រុងព្យុងយ៉ាងបានដាក់ចេញនូវវិធានការតឹងរឹងជាច្រើន រួមមានទាំងការតម្រូវឲ្យពលរដ្ឋក្នុងទីក្រុងត្រូវធ្វើចត្តាឡីស័កនៅផ្ទះដោយខ្លួនឯងផងដែរ ដើម្បីចូលរួមទប់ស្កាត់ការចម្លងមេរោគបន្តទៀត។ សូមបញ្ជាក់ជូនថា នេះជាលើកដំបូងហើយដែលរដ្ឋាភិបាលកូរ៉េខាងជើងប្រកាសពីការរកឃើញករណីរាតត្បាតជជំងឺកូវីដ-១៩ ដូចនេះ បើគិតចាប់ពីមេរោគកូវីដ-១៩ ផ្តើមរាតត្បាតជុំវិញពិភពលោកអស់រយៈ ២ឆ្នាំ ៣ខែ មកនេះ៕ អត្ថបទ៖ ភក្តី ប្រភព៖ Channel News Asia

ហ្វីលីពីន៖ លោក Ferdinand Marcos Jr ដែលទើបជាប់ឆ្នោតធ្វើជាប្រធានាធិបតីនៃប្រទេសហ្វីលីពីនបានប្រាប់ពិភពលោកឲ្យវាយតម្លៃរូបគាត់តាមរយៈសកម្មផ្ទាល់របស់គាត់ក្នុងនាមប្រធានាធិបតី ​តែកុំវាយតម្លៃតាមរយៈប្រវត្តិគ្រួសាររបស់គាត់កាលពីអតីតកាល នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃពុធ ទី១១ ខែឧសភានេះ។ ប្រធានាធិបតីដែលភាគច្រើនគេតែងហៅថា “Bongbong” រូបនេះបានអះអាងទៀតថា រូបលោកនឹងធ្វើការងារគ្រប់បែងយ៉ាងដើម្បីបម្រើប្រយោជន៍ឲ្យប្រជាពលរដ្ឋហ្វីលីពីនគ្រប់រូបដោយគ្មានការើសអើង តែមិនមែនធ្វើការសម្រាប់តែប្រយោជន៍គ្រួសារលោកនិងក្រុមបក្សពួករបស់លោកនោះទេ។ គួររម្លឹកជូនថា លោក Ferdinand Marcos Jr បច្ចុប្បន្នអាយុ ៦៤ឆ្នាំគឺជាកូនប្រុសអតីតមេដឹកនាំផ្តាច់ការម្នាក់គឺលោក  Ferdinand Marcos Senior ដែលធ្លាប់គ្រប់គ្រងហ្វីលីពីអស់រយៈពេលច្រើនឆ្នាំកាលពីអំឡុងឆ្នាំ ១៩៦៥ រហូតដល់ឆ្នាំ ១៩៨៦។ ក្នុងរបបដឹកនាំផ្តាច់ការរបស់លោក

មន្ត្រីជាន់ខ្ពស់អាមេរិកម្នាក់បានអះអាងថា លោកប្រធានាធិបតីរុស្ស៊ី វ្ល៉ាឌីមៀរ ពូទីន បានត្រៀមខ្លួនរួចរាល់ហើយសម្រាប់ការធ្វើសង្គ្រាមរយៈពេលវែងនៅលើទឹកដីដុនបាស ដែលជាតំបន់រសើបបង្កឲ្យមានការប្រទាញប្រទង់គ្នារវាងអ៊ុយក្រែននិងរុស្ស៊ី។ បើតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃពុធ ទី១១ ខែឧសភានេះបានបញ្ជាក់ថា មន្ត្រីជាន់ខ្ពស់អាមេរិកដែលបានធ្វើការអះអាងខាងលើនេះ គឺលោកស្រី Avril Haines ដែលបច្ចុប្បន្នមានតួនាទីជានាយកទីភ្នាក់ងារស៊ើបការណ៍សម្ងាត់ជាតិអាមេរិក។ លោកស្រី Avril Haines លោកស្រី Avril Haines ក៏បានលើកឡើងដែរថា រុស្ស៊ីនឹងមិនបញ្ចប់សង្គ្រាមងាយៗនោះទេ ដ្បិតរុស្ស៊ីមានបំណងចង់ក្រសោបយកតំបន់ដុនបាសធ្វើជាកម្មសិទ្ធផ្តាច់មុខរបស់ខ្លួន​ដើម្បីរុស្ស៊ីងាយសាងសង់ស្ពានមួយពីរុស្ស៊ីឆ្ពោះទៅកាន់ប្រទេសម៉ុលដារី ដែលជាដែនដីស្ថិតក្រោមការគ្រប់គ្រងរបស់រស្ស៊ី។ នាយកទីភ្នាក់ងារស៊ើបការណ៍សម្ងាត់រូបនេះបានបន្តទៀតថា លោក វ្ល៉ាឌីមៀរ ពូទីន អាចនឹងធ្វើការផ្លាស់ប្តូរជាច្រើននៅក្នុងប្រទេសរុស្ស៊ី រួមទាំងការប្រកាសអនុវត្តច្បាប់អាជ្ញាសឹកទៀតផង

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelensky បានបំពាក់មេដាយកិត្តិយសឲ្យសុនខហិតមីនមួយក្បាល ដែលបានរួមចំណែកយ៉ាងសកម្មជាមួយកងកម្លាំងអ៊ុយក្រែនក្នុងប្រតិបត្តិការណ៍ប្រយុទ្ធតតាំងជាមួយកងទ័ពរុស្ស៊ី។ បើយោងតាមការចុះផ្សាយរបស់បណ្តាញសារព័ត៌មាន BBC បានឲ្យ​ដឹងថា សុនខមួយក្បាលនេះមានឈ្មោះថា Patron មានអាយុ ២ឆ្នាំកន្លះ មានស្នាដៃជួយបោសសម្អាតមីនបានរហូតដល់ជាង ២០០គ្រាប់រាប់ចាប់តាំងពីកងកម្លាំងរុស្ស៊ីផ្តើមឈ្លានពានអ៊ុយក្រែនមក។ Patron ក៏ត្រូវបានគេចាត់ទុកថា ជាវីរបុរសជាតិដែលជានិមិត្តរូបនៃការតស៊ូរបស់អ៊ុយក្រែនប្រឆាំងនឹងរុស្ស៊ីផងដែរ។ ប្រភពខាងលើបានបន្តថា ​កម្មវិធីបំពាក់មេដាយឲ្យ Patron ត្រូវបានរៀបចំឡើងនៅក្នុងទីក្រុងកៀវ ហើយពិធីនោះត្រូវបានរៀបចំក្នុងអំឡុងនៃកិច្ចសំណេះសំណាលរវាងលោកប្រធានាធិបតីអ៊ុយក្រែនជាមួយនិងលោកនាយករដ្ឋមន្ត្រីនៃប្រទេសកាដាណា Justin Trudeau។ នៅក្នុងឱកាសនោះលោក Volodymyr Zelensky បានថ្លែងថា Patron មានស្នាដៃល្អច្រើនណាស់ ព្រោះ Patron មិនត្រឹមតែបានជួយបោសសម្អាតមីននៅលើទឹកដីអ៊ុយក្រែនប៉ុណ្ណោះទេ

ថៃ៖ កាសែត បាងកកប៉ុស្តិ៍ នៅព្រឹកថ្ងៃអង្គារ​ ទី១០ ខែឧសភានេះបានរាយការណ៍ថា ក្រសួងសុខាភិបាលថៃបានសម្រេចទាញសញ្ញាព្រមានកម្រិតខ្ពស់ជាថ្មីម្តងទៀតអំពីហានិភ័យនៃការរាតត្បាតជំងឺកូវីដ-១៩ ក្រោយអាជ្ញាធរសុខាភិបាលបានរកឃើញអ្នកឆ្លងកូវីដ-១៩ ដែលជាវ៉ារ្យ៉ង់បំប្លែងខ្លួនថ្មីចំនួន ៣ករណី។ បើតាមនាយកដ្ឋានគ្រប់គ្រងជំងឺកូវីដ-១៩ថៃបានបញ្ជាក់ថា ករណីឆ្លងគួរឲ្យបារម្ភទាំង ៣ករណីនោះរួមមាន ករណីឆ្លងវ៉ារ្យ៉ង់ BA.5 ចំពោះអ្នកដំណើរជនជាតិប្រេស៊ីលម្នាក់ ករណីឆ្លងវ៉ារ្យ៉ង់ BA.2.12 ចំពោះអ្នកដំណើរជាតិឥណ្ឌាម្នាក់និងអ្នកដំណើរជនជាតិកាណាដាម្នាក់ផងដែរ។ លោក Anutin Charnvirakul ដែលជារដ្ឋមន្ត្រីក្រសួងសុខាភិបាលថៃបានបញ្ជាក់ថា ការសម្រេចទាញសញ្ញាព្រមានខាងលើនេះត្រូវបានធ្វើឡើងបន្ទាប់ពីអង្គការសុខភាពពិភពលោកកាលពីពេលថ្មីៗនេះបានទាញសញ្ញាអាសន្នអំពីការរាតត្បាតកម្រិតធ្ងន់ធ្ងរចំពោះវ៉ារ្យ៉ង់នៃមេរោគកូវីដ-១៩ ចំនួន ៣ប្រភេទ រួមមានវ៉ារ្យ៉ង់ BA.4 វ៉ារ្យ៉ង់ BA.5 និង វ៉ារ្យ៉ង់ BA.2.12 ខណៈវ៉ារ្យ៉ង់ទាំង ៣ប្រភេទនេះគឺសុទ្ធតែជាបុត្រសម្ព័ន្ធរបស់មេរោគអូមីក្រុង។

អាមេរិក៖ លោកប្រធានាធិបតីអាមេរិក ចូ បៃឌិន បានចុះហត្ថលេខាលើច្បាប់ពិសេសមួយដើម្បីជួយពន្លឿនដល់ការបញ្ជូនអាវុធនិងសម្ភារៈយោធាទៅកាន់ប្រទេសអ៊ុយក្រែន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃអង្គារ ទី១០ ខែឧសភានេះ។ ច្បាប់ពិសេសនេះត្រូវបានគេហៅថា “Lend-lease Act” ជាច្បាប់ដែលបើកផ្លូវឲ្យរដ្ឋាភិបាលអាមេរិកអាចអនុញ្ញាតឲ្យប្រទេសជាសម្ព័ន្ធមិត្តណាមួយអាចខ្ចីឬជួលនូវអាវុធនិងសម្ភារៈយោធាសំខាន់ៗពីសហរដ្ឋអាមេរិកដើម្បីយកទៅប្រើប្រាស់ការពារដែនដីរបស់ពួកគេពីការឈ្លានពានដោយប្រទេសមួយផ្សេងទៀត។ ច្បាប់នេះក៏បានជួយសម្របសម្រួលចំពោះការដឹកជញ្ជូននិងការផ្គត់ផ្គង់អាវុធនិងសម្ភារៈយោធាចេញពីសហរដ្ឋអាមេរិកឆ្ពោះទៅកាន់ប្រទេសជាសម្ព័ន្ធមិត្តក្នុងលក្ខខណ្ឌបន្ទាន់ផងដែរ ពោលគឺនិតីវិធីគ្រប់បែងយ៉ាងអាចប្រព្រឹត្តិទៅលឿនជាងធម្មតា។ គួររម្លឹកជូនថា អាមេរិកធ្លាប់ប្រើប្រាស់ច្បាប់ “Lend-lease Act” នេះម្តងកាលឆ្នាំ ១៩៤១ ពោលគឺនៅក្នុងជំនាន់សង្គ្រាមលោកលើកទី ២ ដែលអាមេរិកបានអនុវត្តច្បាប់នេះសម្រាប់ជួយគាំទ្រប្រទេសជាសម្ព័ន្ធរបស់ខ្លួនដើម្បីប្រឆាំងនឹងពួកណាស៊ីអាឡឺម៉ង់។ ក្រៅតែពីបានចុះហត្ថលេខាលើច្បាប់ពិសេសនេះ លោកប្រធានាធិបតីអាមេរិក ចូ បៃឌិន ក៏បានបង្ហាញសញ្ញាផងដែរថា គាត់បានត្រៀមខ្លួនរួចជាស្រេចក្នុងការធ្វើសម្បទាននយោបាយ ដែលឥរិយាបថនេះអាចជំរុញឲ្យសភាអាមេរិកអនុម័តកញ្ចប់ថវិកាជំនួយសម្រាប់អ៊ុយក្រែនបានឆាប់រហ័សផងដែរ

វៀតណាម៖ ប្រទេសវៀតណាមទើបសម្ពោធដាក់ឲ្យប្រើប្រាស់ស្ពានកញ្ចក់យ៉ាងស្រស់ស្អាតមួយ ហើយស្ពាននេះក៏បានក្លាយជាស្ពានកញ្ចក់ដែលវែងជាងគេនៅលើពិភពលោកផងដែរ នេះបើយោងតាមការចុះផ្សាយរបស់បណ្តាញសារព័ត៌មាន Ny Post។ ស្ពានកញ្ចក់មួយខ្សែនេះមានឈ្មោះថា Bach Long ដែលមានអត្ថន័យជាភាសាខ្មែរថា “នាគស” មានប្រវែងសរុបចំនួន ៦៣២មែត្រ មានកម្ពស់ ១៥០ម៉ែត្រនៅលើព្រៃដ៏ធំមួយ និងមានសមត្ថភាពអាចផ្ទុកអ្នកដំណើរបានចំនួន ៤៥០នាក់សម្រាប់ការធ្វើដំណើរឆ្លងកាត់ម្តង។ ប្រភពខាងលើបានបញ្ជាក់ថា នៅខែក្រោយនេះស្ពានកញ្ចក់មួយនេះនឹងទទួលបានកំណត់ត្រាពិភពលោកជាស្ពានកញ្ចក់ដែលវែងជាគេបំផុតនៅលើពិភពលោកពីស្ថាប័ន Guinness World Records ផងដែរ។ បើតាមអាជ្ញាធរទេសចរណ៍វៀតណាមបានបង្ហាញក្តីសង្ឃឹមថា ស្ពាន Bach Long នឹងក្លាយជាតំបន់ទេសចរណ៍ដ៏មានសក្តានុពលមួយសម្រាប់ទាំងភ្ញៀវទេសចរណ៍ជាតិនិងអន្តរជាតិ ដែលជួយបង្កើតប្រាក់ចំណូលបានយ៉ាងច្រើនសម្រាប់វៀតណាម។ សូមបញ្ជាក់ថា ស្ពាន Bach Long ឬស្ពាននាគស

ថៃ៖ យោងតាមការចុះផ្សាយរបស់បណ្តាញសារព័ត៌មាន National Thailand នៅថ្ងៃចន្ទ ទី៩ ខែឧសភានេះបានឲ្យដឹងថា ថៃនឹងអនុវត្តច្បា​ប់ចរាចរណ៍ថ្មីមួយដើម្បីធានាសុវត្ថិភាពចំពោះកុមារអាយុក្រោម ៦ឆ្នាំក្នុងពេលធ្វើដំណើរតាមរថយន្តឯកជន ខណៈច្បាប់ថ្មីនេះនឹងផ្តើមមានសុពលភាពចាប់ពីថ្ងៃទី៤ ខែកញ្ញាខាងមុខនេះ។ ច្បាប់ថ្មីដែលជាការធ្វើវិសោធនកម្មជាច្រើនចំណុចទៅលើច្បាប់ស្តីពីចរាចរណ៍ផ្លូវគោកចាស់នេះត្រូវបានអនុម័តជាផ្លូវការដោយព្រះរាជ្យក្រឹត្យកាលពីថ្ងៃទី៧ ខែឧសភាកន្លងទៅ ខណៈខ្លឹមសារនៃច្បាប់ថ្មីនេះមានលក្ខណៈរឹតបន្តឹងទាំងអ្នកបើកបរថយន្តនិងអ្នករួមដំណើរក្នុងរថយន្តជាច្រើនចំណុចរួមមាន៖ ១៖អ្នកបើករថយន្តត្រូវតែពាក់ខ្សែក្រវាត់សុវត្ថិភាពគ្រប់ពេលវេលាក្នុងពេលបើកបរ។ ២៖អ្នករួមដំណើរក្នុងរយថយន្តទាំងអស់ ទាំងអ្នកអង្គុយនៅខាងមុខនិងអង្គុយនៅខាងក្រោយត្រូវតែពាក់ខ្សែក្រវាត់សុវត្ថិភាពគ្រប់ពេលធ្វើដំណើរ។ ៣៖អ្នកដំណើរដែលមានអាយុក្រោម ៦ឆ្នាំត្រូវតែប្រើប្រាស់កៅអីសុវត្ថិភាពសម្រាប់កុមារបន្ថែមលើកៅអីរថយន្តធម្មតាដើម្បីធានាសុវត្ថិភាពក្នុងករណីដែលរថយន្តត្រូវមានគ្រោះថ្នាក់ចៃដន្យណាមួយ។ ៤៖អ្នកដំណើរដែលមានកម្ពស់ក្រោម ១,៣៥ ម៉ែត្រមានជម្រើសអាចពាក់ខ្សែក្រវាត់សុវត្ថិភាព ឬប្រើប្រាស់កៅអីសុវត្ថិភាពសម្រាប់កុមារដើម្បីធានាសុវត្ថិភាពក្នុងករណីដែលរថយន្តត្រូវមានគ្រោះថ្នាក់ចៃដន្យណាមួយ។ ៥៖អ្នកដំណើរដែលមិនអាចប្រើប្រាស់ខែ្សក្រវាត់សុវត្ថិភាពបានព្រោះលក្ខខណ្ឌសុខភាព ឬលក្ខខណ្ឌចាំបាច់ណាមួយត្រូវបានលើកលែង តែពួកគេត្រូវតែប្រើប្រាស់ជម្រើសជំនួសណាមួយដើម្បីធានាសុវត្ថិភាពក្នុងករណីដែលរថយន្តត្រូវមានគ្រោះថ្នាក់ចៃដន្យណាមួយ។ ៦​៖ជនណាដែលបានប្រព្រឹត្តិផ្ទុយពីច្បាប់ខាងលើនេះនឹងត្រូវរងនូវការពិន័យជាប្រាក់រហូតដល់ចំនួន ២,០០០បាត (៥៨ ដុល្លារ)៕ អត្ថបទ៖ ភក្តី ប្រភព៖ National Thailand