អេស្ប៉ាញ៖ លោកប្រធានាធិបតីអាមេរិក ចូ បៃឌិន បាននិយាយ​កាលពីថ្ងៃព្រហស្បតិ៍ ទី៣០ ខែមិថុនាម្សិលមិញនេះថា អាមេរិកនឹងផ្តល់ជំនួយផ្នែកយោធាដែលមានតម្លៃជាទឹកប្រាក់ចំនួន ៨០០លានដុល្លារអាមេរិកបន្ថែមទៀតឲ្យទៅអ៊ុយក្រែន ខណៈជំនួយនេះក៏ជាការលើកចិត្តចំពោះភាពក្លាហានរបស់កងកម្លាំងអ៊ុយក្រែនផងដែរ ដែលបានធ្វើការប្រយុទ្ធយ៉ាងស្វិតស្វាញជាមួយកងទ័ពរុស្ស៊ីអស់រយៈពេលជាច្រើនខែមកនេះ។ បើយោងតាមការចុះផ្សាយរបស់បណ្តាញសារព័ត៌មាន Channel News Asia បានបញ្ជាក់ថា ការសន្យាផ្តល់ជំនួយរបស់លោក ចូ បៃឌិន ខាងលើនេះត្រូវបានធ្វើឡើងក្នុងអំឡុងពេលដែលលោកបានអញ្ជើញចូលក្នុងកិច្ចប្រជុំមួយជាអង្គការណាតូនៅក្នុងប្រទេសអេស្ប៉ាញ ខណៈដែលនៅក្នុងកិច្ចប្រជុំនោះណាតូបានសម្រេចយល់ព្រមឲ្យប្រទេសហ្វាំងឡង់និងប្រទេសស៊ុយអែតដាក់ពាក្យស្នើសុំចូលជាសមាជិករបស់ខ្លួនហើយ។ នៅក្នុងឱកាសនោះលោក ចូ បៃឌិន ក៏បានបញ្ជាក់ផងដែរថា អាមេរិកនិងណាតូបានរួមគ្នាជាធ្លុងតែមួយដើម្បីគាំទ្រអ៊ុយក្រែនប្រឆាំងជាមួយនឹងលោកប្រធានាធិបតីរុស្ស៊ី វ្ល៉ាឌីមៀ ពូទីន។ លោកប្រធានាធិបតីអាមេរិកបានបន្ថែមទៀតថា ពួកយើង (អាមេរិកនិងណាតូ) បានត្រៀមខ្លួនរួចរាល់ហើយក្នុងការជួយគាំទ្រអ៊ុយក្រែនរហូតដល់ទីបញ្ចប់ មិនថាសង្គ្រាមនោះត្រូវអូសបន្លាយក្នុងរយៈពេលយូរយ៉ាងណានោះទេ។ សូមបញ្ជាក់ជូនថា

ថៃ៖ ថៃសម្រេចដាក់ពង្រាយយន្តហោះចម្បាំងនៅតំបន់ព្រំដែនជាប់ជាមួយមីយ៉ាន់ម៉ាយ៉ាងបន្ទាន់កាលពីថ្ងៃព្រហស្បតិ៍ ទី៣០ ខែមិថុនាម្សិលមិញនេះ ក្រោយយន្តហោះចម្បាំងរបស់មីយ៉ាន់ម៉ាបានធ្វើប្រតិបត្តិការណ៍យោធាដោយបំពានមកលើដែនអាកាសរបស់ខ្លួន។ បន្ថែមពីលើការដាក់ពង្រាយយន្តហោះចម្បាំងយ៉ាងបន្ទាន់នោះ ក្រសួងការពារជាតិថៃក៏បានព្រមានចំៗទៅកាន់កងកម្លាំងមីយ៉ាន់ម៉ាផងដែរ ចំពោះសកម្មភាពរំលោភបំពានដែនអាកាសយ៉ាងគឃ្លើននេះ។ បើយោងតាមការចុះផ្សាយរបស់បណ្តាញសារព័ត៌មាន Channnel News Asia បានបញ្ជាក់ថា យន្តហោះចម្បាំងដែលថៃបានដាក់ពង្រាយនោះគឺយន្តហោះចម្បាំងប្រភេទ F-16 និងមានចំនួន ២គ្រឿង។ គួរបញ្ជាក់ជូនថា ជាច្រើនថ្ងៃមកនេះកងទ័ពមីយ៉ាន់ម៉ាបានបើកការប្រយុទ្ធយ៉ាងខ្លាំងមួយជាមួយក្រុមជនជាតិភាគតិច ដែលកំពុងរស់នៅតាមតំបន់ព្រំដែនជាប់ជាមួយប្រទេសថៃ ហើយនៅក្នុងប្រតិបត្តិការណ៍យោធានោះគឺមានយន្តចម្បាំងរបស់កងទ័ពមីយ៉ាន់ម៉ាជាច្រើនគ្រឿងបានហោះចូលក្នុងទឹកដីនៃប្រទេសថៃប្រមាណជា ៥គីឡូម៉ែត្រ ហើយសកម្មភាពនេះបានធ្វើឲ្យពលរដ្ឋថៃមួយចំនួនមានការភ័យស្លន់ស្លោយ៉ាងខ្លាំង រហូតមានអ្នកខ្លះបានរត់ទៅរកកន្លែងសុវត្ថិភាពដើម្បីលាក់ខ្លួនទៀតផង។​ បើយោងតាមរបាយការណ៍របស់អាជ្ញាធរថៃបានបញ្ជាក់ថា ក្នុងប្រតិបត្តិការណ៍យោធារបស់កងកម្លាំងមីយ៉ាន់ម៉ាជាច្រើនថ្ងៃមកនេះបានធ្វើឲ្យមនុស្សប្រមាណជា ៣០០នាក់នៅក្នុងរដ្ឋ Karen ប្រទេសមីយ៉ាន់ម៉ាត្រូវបង្ខំចិត្តជម្លៀសខ្លួនជាបន្ទាន់ផងដែរ៕ អត្ថបទ៖ ភក្តី ប្រភព៖  Channnel News

អង់គ្លេស៖ រដ្ឋាភិបាលនៃចក្រភពអង់គ្លេសបានសម្រេចកាលពីថ្ងៃពុធ ទី២៩​ ខែមិថុនា ម្សិលមិញនេះថា នឹងផ្តល់ជំនួយផ្នែកយោធាមួយកញ្ចប់បន្ថែមទៀតទៅកាន់ប្រទេសអ៊ុយក្រែន ដោយកញ្ចប់ជំនួយនេះមានតម្លៃជាទឹកប្រាក់ចំនួន ១ពាន់លានផោន ឬស្មើនឹងជាង ១,២ពាន់លានដុល្លារអាមេរិក។ បើយោងតាមការចុះផ្សាយរបស់បណ្តាញសារព័ត៌មាន Channel News Asia បានបញ្ជាក់ថា នៅក្នុងកញ្ចប់ជំនួយនោះនឹងមានបញ្ចូលនូវប្រព័ន្ធការពារដែនអាកាស យន្តហោះគ្មានមនុស្សបើក អាវុធទំនើបៗជាច្រើនសម្រាប់ និងគ្រឿងបរិក្ខារសង្គ្រាមអេឡិចត្រូនិចដែលជាបច្ចេកវិទ្យាចុងក្រោយរាប់ពាន់គ្រឿងផងដែរ។ បើតាមលោកនាយករដ្ឋមន្ត្រីអង់គ្លេស Boris Johnson បានបញ្ជាក់ថា អាវុធ សម្ភារៈយោធា និងការបណ្តុះបណ្តាលផ្នែកយោធារបស់រដ្ឋាភិបាលអង់គ្លេសកំពុងជួយផ្លាស់ប្តូរឲ្យប្រព័ន្ធការពារជាតិរបស់អ៊ុយក្រែនកាន់តែមានភាពរឹងមាំ ដើម្បីប្រឆាំងនឹងការឈ្លានពានពីសំណាក់កងកម្លាំងរុស្ស៊ី។ លោកនាយករដ្ឋមន្ត្រីរូបនេះបានប្រាប់ឲ្យដឹងផងដែរថា នាពេលបច្ចុប្បន្ននេះគឺមានកងទ័ពអ៊ុយក្រែនចំនួន ១០,០០០នាក់ ដែលត្រូវមកហ្វឹកហាត់នៅក្នុងចក្រភពអង់គ្លេសក្នុងរយៈពេលរៀងរាល់ ១២០ថ្ងៃម្តង។ សូមបញ្ជាក់ជូនថា កញ្ចប់ជំនួយយោធាដែលមានទំហំទឹកប្រាក់

កូរ៉េខាងត្បូង៖ ប្រទេសកូរ៉េខាងត្បូងនៅព្រឹកថ្ងៃព្រហស្បតិ៍ ទី៣០ ខែមិថុនានេះបានសម្រេចដំឡើងប្រាក់ឈ្នួលអប្បបរមាក្នុងកម្រិត ៥%​ ចំពោះក្រុមកម្មករនៅទូទាំងប្រទេស នេះបើយោងតាមសេចក្តីរាយការណ៍របស់បណ្តាញសារព័ត៌មាន Channel News Asia។ បើតាមគណៈកម្មការប្រាក់ឈ្នួលអប្បបរមាកូរ៉េខាងត្បូងបានបញ្ជាក់ថា ការអនុវត្តចំពោះវិធានការដំឡើងប្រាក់ឈ្នួលនេះនឹងត្រូវផ្តើមអនុវត្តចាប់ពីដើមឆ្នាំក្រោយតទៅ ហើយបន្ទាប់ពីដំឡើងប្រាក់ឈ្នួលចំនួន ៥% រួចគឺប្រាក់ឈ្នួលរបស់ក្រុមកម្មករសម្រាប់ការងារមួយម៉ោងនឹងត្រូវឡើងដល់ ៩,៦២០វ៉ុន ឬស្មើនិង ៧,៤០ដុល្លារអាមរិក។ បើតាមលោកប្រធានាធិបតីកូរ៉េខាងត្បូង Yoon Suk-yeol ​បានឲ្យដឹងថា ការសម្រេចដំឡើងប្រាក់ឈ្នួលចំពោះក្រុមកម្មករនេះគឺត្រូវបានធ្វើឡើងដើម្បីធានាឲ្យបាននូវកំណើនសេដ្ឋកិច្ចជាតិ ក៏ដូចជាឆ្លើយតបនឹងវិបត្តិអតិផរណានាពេលបច្ចុប្បន្ននេះ។ លោកប្រធានាធិបតីរូបនេះបានបន្តថា នឹងមានក្រុមកម្មករជាង ៣,៤លាននាក់ដែលត្រូវទទួលបានអត្តប្រយោជន៍ពីគោលការណ៍ដំឡើងប្រាក់ឈ្នួលនេះ ខណៈវិធានការដំឡើងប្រាក់ឈ្នួលអាចនឹងត្រូវបន្តធ្វើឡើងជាច្រើនដំណាក់កាលទៀតផងដែរ​ ដោយអាស្រ័យទៅតាមស្ថានភាពជាក់ស្តែងនៃកំណើនសេដ្ឋកិច្ចជាតិ។ សូមបញ្ជាក់ជូនថា នេះជាលើកទីមួយហើយដែលរដ្ឋាភិបាលកូរ៉េខាងត្បូងបានសម្រេចដំឡើងប្រាក់ឈ្នួលចំពោះក្រុមកម្មករ បើគិតចាប់តាំងពីពេលឡើងកាន់ដំណែងជាប្រធានាធិបតីរបស់លោក Yoon Suk-yeol

អាមេរិក៖ គណៈកម្មការទំនាក់ទំនងសហព័ន្ធ (FCC) ដែលមានមូលដ្ឋាននៅអាមេរិកកំពុងអំពាវនាវឱ្យក្រុមហ៊ុន Google និងក្រុម Apple  ហាមឃាត់កម្មវិធី TikTok នៅលើ Store របស់ពួកគេ នេះបើយោងតាមសេចក្តីរាយការណ៍របស់បណ្តាញសារព័ត៌មាន​ Daily Mail កាលពីល្ងាចថ្ងៃពុធ ទី២៩ ខែមិថុនាម្សិលមិញនេះ។ បើតាមលោក Brendan Carr ដែលជាស្នងការនៃគណៈកម្មការទំនាក់ទំនងសហព័ន្ធ (FCC) បានបង្ហោះសារនៅលើគណនី Twitter ផ្លូវការរបស់គាត់ថា TikTok គួរតែត្រូវបានលុបចោលពី Play Store និង App Store ដ្បិតកម្មវិធីរបស់ចិនមួយនេះបានកំពុងតែលួចប្រមូលទិន្នន័យអ្នកប្រើប្រាស់យ៉ាងច្រើននៅសហរដ្ឋអាមេរិក។ ប្រភពខាងលើបានបន្តថា

អាមេរិក៖ ចំនួនជនអន្តោប្រវេសន៍ដែលបានស្លាប់បាត់បង់ជីវិតក្នុងអំឡុងពេលព្យាយាមឆ្លងដែនទៅកាន់ទឹកសហរដ្ឋអាមេរិកបានកើនដល់ ៥១នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃពុធ ទី២៩ ខែមិថុនានេះ។ គួររម្លឹកជូនថា ហេតុការណ៍អកុសលនេះត្រូវបានរកឃើញនៅចំណុចព្រំដែនអាមេរិក-ម៉ិចស៊ីកូ ក្នុងទីក្រុង San Antonio រដ្ឋ Texas សហរដ្ឋអាមេរិក ក្រោយអាជ្ញាធរអាមេរិកបានចុះទៅត្រួតពិនិត្យរថយន្តទ្រុងដឹកទំនិញធំមួយ ដែលត្រូវបានគេចតចោលដោយមិនដឹងមូលហេតុ។ នៅក្នុងទ្រុងនៃរថយន្តដឹកទំនិញនោះមានផ្ទុកនៅដោយជនភៀសខ្លួនជាច្រើននាក់ ដែលព្យាយាមសម្ងំលាក់ខ្លួនប្រជ្រៀតគ្នា គ្មានទឹកសម្រាប់ទទួលទាន គ្មានខ្យល់គ្រប់គ្រាន់សម្រាប់ដកដង្ហើម ខណៈសីតុណ្ហភាពនៅខាងក្រៅបានកើនឡើងដល់ ៣៩,៤អង្សាសេ។ ស្ថិតនៅក្នុងបរិយកាសអាក្រក់បែបនេះ ក្រុមជនភៀសខ្លួនដែលមានបំណងចង់ឆ្លងដែនចូលក្នុងទឹកដីអាមេរិកដោយខុសច្បាប់ទាំងអស់នោះបានថប់ដង្ហើម អស់កម្លាំង ខ្សោះជាតិទឹក និងបានដាច់សរសៃខួរក្បាលស្លាប់ជាបន្តបន្ទាប់ ដោយតួលេខអ្នកស្លាប់កាលពីថ្ងៃម្សិលមិញមានត្រឹម ៤៦នាក់ប៉ុណ្ណោះ​ តែនៅថ្ងៃនេះបន្តកើនឡើងដល់

អ៊ុយក្រែន៖ ស្ថានភាពសង្គ្រាមរុស្ស៊ី-អ៊ុយក្រែនបានវិវឌ្ឍន៍ទៅរកភាពកាន់តែអាក្រក់ឡើងៗ ជាក់ស្តែងកាលពីដើមសប្តាហ៍នេះ កងកម្លាំងរុស្ស៊ីបានបើកការវាយប្រហារដោយគ្រាប់មីស៊ីលទៅកាន់ផ្សារទំនើបមួយកន្លែង ដែលមានពលរដ្ឋស៊ីវិលអ៊ុយក្រែនជាច្រើននាក់កំពុងមានវត្តមាននៅទីនោះ។ ក្រោយមានការវាយប្រហារយ៉ាងឃោឃៅទៅកាន់ក្រុមពលរដ្ឋស្លូតត្រង់នេះ ក្រុមមេដឹកនាំនៃប្រទេសអឺរ៉ុបជាច្រើនបានចេញមកធ្វើការផ្តោលទោសខ្លាំងៗ ចំពោះរដ្ឋាភិបាលរុស្ស៊ី និងបានហៅសកម្មភាពអមនុស្សធម៌នេះថា “ជាបទឧក្រិដ្ឋកម្មសង្គ្រាម” ទៀតផង។ របាយការណ៍ចុងក្រោយមួយដែលបានចុះផ្សាយបណ្តាញសារព័ត៌មាន Channel News Asia នៅព្រឹកថ្ងៃពុធ ទី២៩ ខែមិថុនានេះបានឲ្យដឹងថា គឺគិតត្រឹមពេលនេះគេបានរកឃើញពលរដ្ឋអុយក្រែនចំនួន ១៨នាក់ ដែលបានស្លាប់បាត់បង់ជីវិតនៅក្នុងការប្រហារដោយគ្រាប់មីស៊ីលខាងលើនេះ ខណៈពលរដ្ឋចំនួន ៣៦នាក់ផ្សេងទៀតកំពុងបាត់ខ្លួនផងដែរ។ ប្រតិបត្តិការណ៍រុករកជនរងគ្រោះនៅតែបន្តធ្វើឡើង តែគេមិនរំពឹងខ្ពស់ទេថា ក្រុមពលរដ្ឋដែលកំពុងបាត់ខ្លួនទាំងអស់នោះមានសំណាងនៅរស់រៀនមានជីវិត។ គួរបញ្ជាក់ជូនថា ភាពតានតឹងរវាងរុស្ស៊ីនិងអ៊ុយក្រែនបានបន្តកើនឡើងយ៉ាងខ្លាំង បន្ទាប់ពីពេលថ្មីៗនេះអ៊ុយក្រែនទទួលបានសិទ្ធជាបេក្ខភាពសម្រាប់ជ្រើសរើសជាសមាជិកអង្គការណាតូជាផ្លូវការ៕ អត្ថបទ៖ ភក្តី ប្រភព៖ Channel News Asia

ឥណ្ឌា៖ យ៉ាងហោចណាស់មានមនុស្សចំនួន ១៩ នាក់បានស្លាប់បាត់បង់ជីវិតនៅក្នុងហេតុការណ៍ដួលរលំអាគារមួយកន្លែងនៅក្នុងទីក្រុង Mumbai ប្រទេសឥណ្ឌា កាលពីយប់ថ្ងៃអង្គារ ទី២៨ ខែមិថុនាម្សិលមិញនេះ។ បើយោងតាមការចុះផ្សាយរបស់បណ្តាញសារព័ត៌មាន Channel News Asia បានបញ្ជាក់ថា អាគារដែលបានដួលរលំនោះមានកម្ពស់ ៤ជាន់ ហើយមូលហេតុបង្កឲ្យមានការដួលរលំនេះគឺបណ្តាលមកពីឥទ្ធិពលនៃខ្យល់មូសុងដ៏អាក្រក់មួយ ដែលបង្កើតមានឲ្យមានខ្យល់បោកបក់យ៉ាងខ្លាំង មានភ្លៀងធ្លាក់យ៉ាងជោគជាំ និងមានការបាក់ស្រុតដីនៅតំបន់មួយចំនួនទៀតផង។ បើតាមអាជ្ញាធរគ្រប់គ្រងគ្រោះមហ្តរាយឥណ្ឌាបានឲ្យដឹងបន្ថែមថា ក្រៅតែពីបានរកឃើញអ្នកស្លាប់នៅនឹងកន្លែងកើតហេតុ ក្រុមអ្នកជួយសង្គ្រោះក៏បានរកឃើញអ្នករងរបួសចំនួន ១៤នាក់ផ្សេងទៀតផងដែរ ហើយជនរងគ្រោះទាំងអស់នោះសុទ្ធតែមានរបួសធ្ងន់ធ្ងរនិងត្រូវបញ្ជូនទៅសង្គ្រោះបន្ទាន់នៅក្នុងមន្ទីរពេទ្យផងដែរ។ គិតរហូតមកទល់ព្រឹកថ្ងៃពុធ ទី២៩ ខែមិថុនានេះ ប្រតិបត្តិការណ៍រុករកជនរងគ្រោះក្នុងគំនរបាក់បែកនៅមិនទាន់បិទបញ្ចប់ទាំងស្រុងនៅឡើយទេ ខណៈក្រុមអ្នកជំនាញឥណ្ឌាបានព្រមានថា ហេតុការណ៍អកុសលដូចខាងលើនេះអាចនឹងបន្តកើនមានជាច្រើនករណីទៀត ដ្បិតគ្រោះធម្មជាតិនាពេលបច្ចុប្បន្ននេះនិងនៅពេលអនាគតនឹងមានលក្ខណៈអាក្រក់កាន់តែខ្លាំងឡើងៗ៕ អត្ថបទ៖ ភក្តី ប្រភព៖ Channel

ស្រីលង្កា៖ ការសែត Straits Times នៅព្រឹកថ្ងៃអង្គារ ទី២៨​ ខែមិថុនានេះបានរាយការណ៍ថា ប្រទេសស្រីលង្កាហាក់ដូចកំពុងបិទខ្ទប់ប្រទេសខ្លួនអីចឹង ក្រោយរដ្ឋាភិបាលនៃប្រទេសដែលបានប្រកាសក្ស័យធនមួយនេះបានម្រេចផ្អាកផ្គត់ផ្គង់ប្រេងឥន្ទនៈក្នុងវិស័យជាច្រើននៅទូទាំងប្រទេស។ យោងតាមសេចក្តីថ្លែងការរបស់លោក Bandula Gunawardena អ្នកនាំពាក្យគណៈរដ្ឋមន្ត្រីស្រីលង្កាបានបញ្ជាក់ថា នៅចំពោះស្ថានភាពដែលប្រទេសកំពុងជួបប្រទះវិបត្តិសេដ្ឋកិច្ចធ្ងន់ធ្ងរនិងខ្វះខាតប្រេងឥន្ទនៈយ៉ាងច្រើននេះ រដ្ឋាភិបាលបានសម្រេចដាក់កម្រិតចំពោះការប្រើប្រាស់ប្រេងឥន្ទនៈយ៉ាងតឹងរឹងបំផុតចាប់ពេលជូនដំណឹងនេះរហូតដល់ថ្ងៃទី១០ ខែកក្កដា ឬរហូតដល់មានការជូនដំណឹងជាថ្មីម្តងទៀត។ នៅក្នុងដំណាក់កាលដ៏លំបាកនេះអាជ្ញាធរនឹងផ្អាកការផ្គត់ផ្គង់ប្រេងឥន្ទនៈសម្រាប់រថយន្តឯកជន ការធ្វើដំណើរនៅក្នុងវិស័យមិនសូវចាំបាច់មួយចំនួន ហើយមធ្យោបាយដឹកជញ្ជូនសាធារណៈនៅក្នុងខេត្តមួយចំនួនក៏អាចនឹងត្រូវផ្អាកផងដែរ។ យ៉ាងណាក្តី មានវិស័យចំបាច់មួយចំនួនដែលត្រូវបានផ្តល់អទិភាពក្នុងការផ្គត់ផ្គង់ប្រេងឥន្ទនៈមានដូចជា កំពង់ផែ សេវាសុខាភិបាល និងវិស័យដឹកជញ្ជូនចំណីរអាហារជាដើម។ ដោយឡែកសម្រាប់ប្រជាពលរដ្ឋទូទៅត្រូវបានណែនាំឲ្យនាំគ្នានៅផ្ទះបើគ្មានភារកិច្ចចាំបាច់ត្រូវធ្វើដំណើរចេញក្រៅផ្ទះ ក្រុមកូនសិស្សនិងមន្ត្រីរាជការមួយផ្នែកធំត្រូវតម្រូវឲ្យរៀននិងធ្វើការនៅតាមផ្ទះ​ ខណៈរដ្ឋាភិបាលនឹងបន្ថែមការផ្គត់ផ្គង់លើសេវាអ៊ីនធឺណិតដើម្បីបំពេញនូវការប្រើប្រាស់ក្នុងអំឡុងពេលដ៏លំបាកនេះ៕ អត្ថបទ៖ ភក្តី ប្រភព៖ Straits Times

អាមេរិក៖ ជនភៀសខ្លួនចូលក្នុងទឹកដីអាមេរិកដោយខុសច្បាប់ចំនួន ៤៦នាក់បានថប់ដង្ហើមស្លាប់ក្រោយពួកគាត់ព្យាយាមសម្ងំលាក់ខ្លួននៅក្នុងរថយន្តទ្រុងសម្រាប់ដឹកទំនិញអស់រយៈពេលជាយូរមក។ បើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃអង្គារ ទី២៨ ខែមិថុនានេះបានឲ្យដឹងថា ហេតុការណ៍អកុសលនេះបានកើតឡើងនៅចំណុចព្រំដែនអាមេរិក-ម៉ិចស៊ីកូ ខណៈនាយកដ្ឋានអគ្គីភ័យនៃទីក្រុង San Antonio រដ្ឋ Texas របស់សហរដ្ឋអាមេរិកគឺជាអ្នកធ្វើអន្តរាគមន៍ជុំវិញករណីឆ្លងដែនខុសច្បាប់មួយនេះ។ ប្រភពខាងលើបានបន្តថា ក្រៅតែពីបានរកឃើញអ្នកស្លាប់ អាជ្ញាធរអាមេរិកក៏បានរកឃើញជនភៀសខ្លួននៅរស់មានជីវិតចំនួន ១៦នាក់ផ្សេងទៀតផងដែរ ហើយពួកគាត់ត្រូវបញ្ជូនទៅសង្គ្រោះនៅមន្ទីរពេទ្យជាបន្ទាន់ ព្រោះបានរងគ្រោះដោយអាការអស់កម្លាំងយ៉ាងខ្លាំង ខណៈអ្នកខ្លះបានកើតមានបញ្ហាដាច់សរសៃឈាមក្នុងខួរក្បាលទៀតផង។ បើតាមអាជ្ញាធរអាមេរិកបានបញ្ជាក់ថា ជនរងគ្រោះទាំងអស់នេះបានធ្វើដំណើរដោយសម្ងំលាក់ខ្លួនប្រជ្រៀតគ្នានៅក្នុងទ្រុងរបស់រថយន្តដឹកទំនិញក្នុងចម្ងាយប្រមាណជា ២៥០គីឡូម៉ែត្រ ខណៈសីតុណ្ហភាពនៅខាងក្រៅបានកើនដល់ ៣៩,៤ អង្សាសេ។ នៅចំពោះមុខហេតុការណ៍នេះអាជ្ញាធរអាមេរិកបានសម្រេចឃាត់ខ្លួនជនសង្ស័យចំនួន ៣នាក់ពីបទរត់ពន្ធមនុស្សដោយច្បាប់ ហើយឧប្បត្តិហេតុនេះក៏ជាករណីរត់ពន្ធមនុស្សដែលបង្កឲ្យមានអ្នកស្លាប់ច្រើនបំផុតសម្រាប់អាមេរិកផងដែរ៕ អត្ថបទ៖