កូរ៉េខាងត្បូង៖ យ៉ាង​ហោចណាស់មានមនុស្សចំនួន ២នាក់បានស្លាប់បាត់បង់ជីវិតនៅក្នុងហេតុការណ៍មានរថយន្តដឹកទំនិញមួយគ្រឿងបានបើកចូលក្នុងផ្សារ និងបុកហ្វូងមនុស្សយ៉ាងពេញទំហឹង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១៤ ខែវិច្ឆិកា។ ហេតុការណ៍បានកើតឡើងនៅក្នុងផ្សារមួយកន្លែងមានទីតាំងស្ថិតនៅក្នុងក្រុង Bucheon ដែលមានចម្ងាយប្រមាណជា ២០គីឡូម៉ែត្រពីរាជធានីសេអ៊ូល។ បើតាមអាជ្ញាធរកូរ៉េខាងត្បូងបានបញ្ជាក់ថា ក្រៅតែពីបានបណ្តាលឱ្យមានមនុស្សត្រូវស្លាប់បាត់បង់ជីវិតភ្លាមៗហើយ ហេតុការណ៍គ្រោះថ្នាក់ដ៏កម្រនេះក៏បានបណ្តាលឱ្យមនុស្សចំនួន ១៨នាក់ផ្សេងទៀតបានរងរបួសផងដែរ។ រហូតមកទល់នឹងពេលនេះគេនៅមិនទាន់អាចរកឃើញមូលហេតុពិតប្រាកដ ដែលជំរុញឱ្យមានករណីគ្រោះថ្នាក់នេះកើតឡើងនៅឡើយទេ ខណៈការស៊ើបអង្កេតកំពុងត្រូវបានធ្វើឡើង៕ អត្ថបទ៖ ភក្តី ប្រភព៖ The Strait Time

អាមេរិក៖ នៅទីបំផុតរដ្ឋាភិបាលអាមេរិកអាចបើកដំណើរការបានឡើងវិញហើយ ក្រោយបិទទ្វារជាបណ្តោះអាសន្នអស់រយៈពេលយ៉ាងយូរមក នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១៣ ខែវិច្ឆិកា។ យ៉ាងណាក្តី ទម្រាំការិយាល័យគ្រប់ផ្នែកអាចអនុវត្តការងារបានជាធម្មតានោះ គឺវាអាចត្រូវការពេលប្រមាណជា ១សប្តាហ៍ទៀត។ គួរកត់សម្គាល់ថា គិតត្រឹមពេលនេះគឺវាមានរយៈពេល ៤៣ថ្ងៃហើយ ដែលរដ្ឋាភិបាលអាមេរិកត្រូវបិទទ្វារ ឬផ្អាកដំណើរ ហើយវាក៏ជារយៈពេលបិទទ្វារយ៉ាងយូរមិនធ្លាប់មាននៅក្នុងប្រវត្តិសាស្រ្តរបស់សហរដ្ឋអាមេរិកផងដែរ។ សូមបញ្ជាក់ជូនផងដែរ នីតិវិធីនៃការបិទរដ្ឋាភិបាលអាមេរិកត្រូវបានអនុវត្ត ក្រោយសភាខុន​ហ្រ្កេសមិនអាចអនុម័តច្បាប់ថវិកាជាតិសម្រាប់ឆ្នាំ ២០២៦បាន ដ្បិតសមាជិកនៃគណបក្សធំៗទាំង ២ ជជែកមិនចុះសម្រុងគ្នា៕ អត្ថបទ៖ ភក្តី ប្រភព៖ The Strait Time  

វៀតណាម៖ តុលាការវៀតណាមសម្រេចផ្តន្ទាទោសមន្ត្រីមូលដ្ឋានចំនួន ២រូបឱ្យជាប់ពន្ធនាគារជាង ៣ឆ្នាំ នៅក្នុងសំណុំរឿងលេងល្បែងស៊ីសង ដែលមានតម្លៃជាទឹកប្រាក់សរុបរហូតដល់ ១០៦លានដុល្លារ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១៣ ខែវិច្ឆិកា។ នៅក្នុងសំណុំរឿងភ្នាល់ល្បែងស៊ីសងដែលមានតម្លៃជាទឹកប្រាក់ដ៏ច្រើនមហាសាលនេះក៏មានពាក់ព័ន្ធជាមួយ ក្រុមអ្នកជំនួញ អតីតមន្ត្រីវៀតណាម និងក្រុមអ្នកលេងល្បែងកម្សាន្តជាច្រើននាក់ផ្សេងទៀតផងដែរ ពោលគឺមានចំនួនសរុប ១៤០នាក់។ សូមបញ្ជាក់ជូនថា ការលែងល្បែងស៊ីសងក្នុងប្រទេសវៀតណាមគឺជារឿងខុសច្បាប់ ប៉ុន្តែអាជ្ញាធរវៀតណាមបានអនុញ្ញាតឱ្យមានការស៊ីណូស្របច្បាប់មួយនៅក្នុងសណ្ឋាគារលំដាប់ផ្កាយ៥ ឈ្មោះ Pullman ដោយកាស៊ីណូនេះអនុញ្ញាតឱ្យតែជនបរទេសចូលលេងកម្សាន្តតែប៉ុណ្ណោះ។ យ៉ាងណាក្តី មន្ត្រីមូលដ្ឋានវៀតណាម​ក្នុងសំណុំរឿងខាងលើ បានបន្លំប្រើប្រាស់កាតសមាជិកក្លែងក្លាយក្នុងនាមជាជនបរទេស ដើម្បីអាចចូលទៅលេងល្បែងស៊ីសងនៅក្នុងកាស៊ីណូខាងលើនេះ។ ប្រភពខាងលើបានបន្តថា មន្ត្រីមូលដ្ឋានវៀតណាមទាំង ២រូបនោះ រួមមាន លោក Ho

ថៃ៖ របាយការណ៍មួយបានបង្ហាញថា មានពលរដ្ឋថៃរហូតដល់ ៦០% បានរងគ្រោះពីការឆបោកកាលពីឆ្នាំកន្លងទៅ ដែលធ្វើឱ្យមានការខាតបង់ប្រាក់សរុបប្រមាណជា ១១០ពាន់លានបាត (៣,៤ពាន់លានដុល្លារ) នេះបើយោងតាមការចុះផ្សាយរបស់បណ្តាញសារព័ត៌មាន The Strati Time នៅក្នុងថ្ងៃទី១៣ ខែតុលា។ របាយ​ការណ៍ខាងលើនេះត្រូវបានធ្វើឡើងដោយមូលនិធិ Global Anti-Scam Alliance ឬហៅកាត់ថា GASA ដែលមានមូលដ្ឋាននៅក្នុងប្រទេសហូឡង់។ នៅក្នុងរបាយការណ៍បានបញ្ជាក់ថា ជាមួយនឹងតួលេខជនរងគ្រោះ ៦០% ឬ ៦នាក់នៅក្នុងចំណោមមនុស្ស ១០នាក់ វាគឺជាតួលេខជនរងគ្រោះនៃការឆបោកដ៏ខ្ពស់បំផុតមួយ ហើយបញ្ហានេះក៏បានធ្វើឱ្យប៉ះពាល់ដល់សេដ្ឋកិច្ចជាតិថៃមួយផ្នែកផងដែរ។ ប្រភពខាងលើបានបន្តថា ការឆបោកដែលបានកើតមានចំពោះពលរដ្ឋថៃនោះគឺមាន ២ប្រភេទធំៗ ដូចជា៖ ១-ការឆបោកក្នុងទម្រង់ជាមជ្ឈមណ្ឌលហៅទូរស័ព្ទ៖ ឧក្រិដ្ឋជនបន្លំខ្លួនធ្វើជាមន្ត្រីមកពីភ្នាក់ងារប៉ូលិស នាយកដ្ឋានស៊ើបអង្កេតពិសេស

វៀតណាម៖ តួលេខអ្នកពុលនំ​បុ័ងដាក់សាច់បែបវៀតណាម (បាញ់មី ឬ Banh Mi) នៅក្នុងទីក្រុងហូជីមិញ ប្រទេសវៀតណាមបានកើនឡើងជាបន្តបន្ទាប់ នេះបើយោងតាមការចុះផ្សាយនៅក្នុងបណ្តាញសារព័ត៌មាន VN Express នៅក្នុងថ្ងៃទី១២ ខែវិច្ឆិកា។ បើគិតចាប់តាំងពីថ្ងៃព្រហស្បតិ៍សប្ដាហ៍មុនរហូតមកទល់នឹងពេលនេះ តួលេខអ្នកពុលអាហារឈ្មោះ “បាញ់មី” នេះបានកើនឡើងរហូតដល់ចំនួន ២៩៩នាក់ហើយ។ បើតាមអាជ្ញាធរសុខាភិបាលវៀតណាមបានបញ្ជាក់ថា ជនរងគ្រោះក្នុងករណីពុលអាហារទាំងជិត ៣០០នាក់ខាងលើនេះត្រូវបានបញ្ជូនទៅព្យាបាលនៅក្នុងមន្ទីរពេទ្យចំនួន ១៤កន្លែងផ្សេងគ្នានៅក្នុងទីក្រុងហូជីមិញ ខណៈក៏មានជនរងគ្រោះមួយចំនួនត្រូវបានព្យាបាលរួចរាល់ និងត្រូវបានអនុញ្ញាតឱ្យត្រលប់ទៅផ្ទះវិញហើយដែរ។ ប្រភពខាងលើបានបន្តថា អាការរបស់អ្នកពុលបាញ់មីនេះមានដូចជា ឈឺពោះ ក្អួត រាគ និងក្តៅខ្លួនជាដើម៕   អត្ថបទ៖ ភក្តី ប្រភព៖ VN

ចិន៖ ស្ពានដ៏សំខាន់មួយខ្សែនៅក្នុងប្រទេសចិនបានបាក់ ក្រោយបើកសម្ពោធឱ្យប្រើប្រាស់បានប៉ុន្មានខែ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១២ ខែវិច្ឆិកា។ ស្ពានមួយខ្សែនេះមានឈ្មោះថា Hongqi មានប្រវែងសរុបចំនួន ៧៥៨ម៉ែត្រ និងមានទីតាំងស្ថិតនៅក្នុងខេត្ត Sichuan ភាគខាងត្បូងប្រទេសចិន។ បើតាមអាជ្ញាធរខេត្ត Sichuan បានបញ្ជាក់ថា ស្ពាន Hongqi ដែលផ្លូវដ៏សំខាន់សម្រាប់ឆ្លងកាត់ពីប្រទេសចិនទៅកាន់តំបន់ទីបេនេះបានបាក់តែមួយផ្នែកប៉ុណ្ណោះ ហើយហេតុការណ៍បាក់ស្ពាននេះមិនបានបណ្តាលឱ្យមានអ្នករងរបួស ឬស្លាប់បាត់បង់ជីវិតនោះទេ។ យ៉ាងណាក្តី​ គិតត្រឹមពេលនេះការប្រើប្រាស់ស្ពានត្រូវបានផ្អាកទាំងស្រុង ហើយអាជ្ញាធរចិននៅមិនទាន់អាចបញ្ជាក់បានទេថា ពេលណាទើបអាជ្ញាធរអាចអនុញ្ញាតឱ្យប្រជាពលរដ្ឋអាចប្រើប្រាស់ស្ពាននេះបានជាធម្មតាវិញ៕ អត្ថបទ៖ ភក្តី ប្រភព៖ The Strait Time

ហ្វីលីពីន៖ យ៉ាងហោចណាស់មានមនុស្សចំនួន ២៥នាក់បានស្លាប់បាត់បង់ជីវិតដោយសារឥទ្ធិពលរបស់ព្យុះទីហ្វុង Fung-wong នៅក្នុងប្រទេសហ្វីលីពីន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី១២ ខែវិច្ឆិកា។ គិតត្រឹមពេលនេះឥទ្ធិពលរបស់ព្យុះទីហ្វុង Fung-wong បានកំពុងតែបង្កឱ្យមានទឹកជំនន់ បាក់ដី និងភ្លៀងធ្លាក់ខ្លាំងនៅតាមតំបន់ជាច្រើនក្នុងក្រុង Pangasinan នៃប្រទេសហ្វីលីពីន។ នៅចំពោះមុខស្ថានភាពគ្រោះថ្នាក់នេះ អាជ្ញាធរហ្វីលីពីនបានធ្វើការជម្លៀសពលរដ្ឋងាយរងគ្រោះជាង​ ១,៤លាននាក់ឱ្យទៅស្នាក់នៅទីតាំងមានសុវត្ថិភាពជាបណ្តោះអាសន្នសិន ដើម្បីការពារពួកគេពីការកើតមានគ្រោះថ្នាក់ចៃដន្យណាមួយ។ គួរបញ្ជាក់ជូនថា ប្រទេសហ្វីលីពីនបានទទួលរងការគំរាមកំហែងពីខ្យល់ព្យុះជាបន្តបន្ទាប់នៅក្នុងរយៈពេលប៉ុន្មានសប្តាហ៍ចុងក្រោយនេះ ជាក់ស្តែងកាលពីសប្តាហ៍មុនព្យុះទីហ្វុង Kalmaegi បានវាយប្រហារតំបន់ភាគកណ្តាលហ្វីលីពីនយ៉ាងធ្ងន់ធ្ងរ និងបណ្តាលឱ្យមានមនុស្សចំនួន ២៣២នាក់​ត្រូវស្លាប់បាត់បង់ជីវិត៕ អត្ថបទ៖ ភក្តី ប្រភព៖ Channel News Asia

តៃវ៉ាន់៖ អាជ្ញាធរតៃវ៉ាន់នៅក្នុងថ្ងៃទី១១ ខែវិច្ឆិកា បានទាញសញ្ញាអាសន្នអំពីការកើតមានបញ្ហាបាក់ដី និងធ្វើការជម្លៀសពលរដ្ឋរាប់ពាន់ជាបន្ទាន់ ដោយសារតែឥទ្ធិពលរបស់ព្យុះទីហ្វុង Fung-wong នេះបើយោងតាមការចុះផ្សាយរបស់បណ្តាញសារព័ត៌មាន The Strait Time ។ ចំពោះទីតាំងដែលស្ថិតនៅក្នុងគំរាមគំហែងដោយគ្រោះធម្មជាតិខាងលើនេះគឺទីក្រុង Kaohsiung ដែលស្ថិតនៅប៉ែកខាងត្បូង នៃកោះតៃវ៉ាន់។ បើតាមលោក Lai Ching-te ប្រធានាធិបតីតៃវ៉ាន់បានបញ្ជាក់ថា​ ក្រុមពលរដ្ឋដែលស្ថិតនៅក្នុងស្ថានភាពងាយរងគ្រោះនិងត្រូវធ្វើការជម្លៀសខ្លួនជាបន្ទាន់នោះគឺមានចំនួនសរុប ៣,៣៣៧នាក់ ហើយទីតាំងសុវត្ថិភាពដែលពួកគេត្រូវជម្លៀសខ្លួនទៅស្នាក់នៅជាបណ្តោះអាសន្ននោះគឺជំរំនៅក្នុងក្រុង Guangfu។ គួររម្លឹកជូនថា កាលពីអំឡុងខែកញ្ញាកន្លងទៅ ទីក្រុង Hualien របស់តៃវ៉ាន់ក៏បានរងនូវការវាយប្រហារខ្យល់ព្យុះយ៉ាងធ្ងន់ធ្ងរដែរ ដោយពេលនោះបានបណ្តាលឱ្យមនុស្សចំនួន ១៨នាក់ត្រូវស្លាប់បាត់បង់ជីវិត៕ អត្ថបទ៖ ភក្តី ប្រភព៖ The Strait Time

វៀតណាម៖ បុរសវៀតណាមចំនួន ៣នាក់មានសំណាងនៅរស់មានជីវិត ក្រោយត្រូវអណ្តែតនៅលើផ្ទៃទឹកសមុទ្រអស់រយៈពេលជាង ៤០ម៉ោង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១១ ខែវិច្ឆិកា។ បុរសទាំង ៣នាក់នេះត្រូវបានព្យុះទីហ្វុងកាល់ម៉ាហ្គីបោកបក់ឱ្យរសាត់ទៅឆ្ងាយពីឆ្នេរសមុទ្រកាលពីអំឡុងថ្ងៃទី៨ កន្លងទៅ។ នៅក្នុងថ្ងៃកើតហេតុនោះក្រុមអាជ្ញាធរវៀតណាមក៏បានព្យាយាមស្វែងរកពួកគាត់ដែរ តែរកមិនឃើញទាល់សោះ ហើយក្នុងរយៈពេលជាង ៤០ម៉ោងក្រោយពេលកើតហេតុ ទើបគេបានប្រទះឃើញពួកគាត់អណ្តែតតែងតោលនៅផ្ទៃសមុទ្រយ៉ាងឆ្ងាយពីឆ្នេរ និងត្រូវបានគេជួយសង្គ្រោះតែម្តង។ សូមបញ្ជាក់ជូនថាកាលពីសប្តហ៍មុន ព្យុះទីហ្វុងកាល់ម៉ាហ្គីបានបណ្តាលឱ្យពលរដ្ឋនៅក្នុងប្រទេសវៀតណាមចំនួន ៥នាក់ និងពលរដ្ឋនៅក្នុងប្រទេសហ្វីលីពីនជាង ២០០នាក់បានស្លាប់បាត់បង់ជីវិត៕ អត្ថបទ៖ ភក្តី ប្រភព៖ The Strait Time

ឥណ្ឌា៖ យ៉ាងហោចណាស់មានមនុស្សចំនួន ៨នាក់បានស្លាប់បាត់បង់ជីវិតនៅក្នុងហេតុការណ៍ផ្ទុះរថយន្តមួយគ្រឿងនៅតំបន់ប្រវត្តិសាស្រ្ត Red Fort ក្នុងរដ្ឋធានីដេលី ប្រទេសឥណ្ឌា នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី១១ ខែវិច្ឆិកា។ ក្រៅតែពីបានបណ្តាលឱ្យមានមនុស្សស្លាប់ភ្លាមៗនៅនឹងកន្លែងកើតហេតុហើយ ក៏នៅមានមនុស្សចំនួន ២០នាក់ផ្សេងទៀតបានរងរបួសផងដែរ។ នៅចំពោះមុខហេតុការណ៍គ្រោះថ្នាក់ដ៏កម្រនេះ លោក Amit Shah រដ្ឋមន្ត្រីក្រសួងមហាផ្ទៃឥណ្ឌាឱ្យថា គ្រប់មុំទាំងអស់នៃទីតាំងកើតហេតុកំពុងត្រូវបានស៊ើបអង្កេតយ៉ាងយកចិត្តទុកដាក់បំផុត ហើយភ្នាក់ងារសន្តិសុខនឹងឈានដល់ការសន្និដ្ឋានក្នុងពេលឆាប់ៗ។ រដ្ឋមន្ត្រីរូបនេះបានបន្តថា នៅក្នុងការស៊ើបអង្កេតខាងលើនេះក៏មានការចូលរួមពីភ្នាក់ងារជំនាញផ្នែកភេរវកម្មផងដែរ ដើម្បីស្វែងរកឱ្យឃើញមូលហេតុពិតប្រាកថា ហេតុការណ៍ផ្ទុះនេះគឺជាករណីធ្វើភេរវកម្ម ឬជាការផ្ទុះដោយហេតុផលបច្ចេកទេសណាមួយ៕ អត្ថបទ៖ ភក្តី ប្រភព៖  Channel News Asia