វៀតណាម៖ ពលរដ្ឋវៀតណាមប្រមាណជា ២ លាននាក់នឹងត្រូវដាក់ឲ្យស្ថិតនៅក្រោមការរឹតបន្តឹងកម្រិតខ្ពស់បំផុតចាប់ពីថ្ងៃអង្គារ ទី ១៦ កុម្ភៈនេះតទៅ បន្ទាប់ពីតំបន់ភាគខាងជើងនៃប្រទេសវៀតណាមកំពុងរងនូវការរាតត្បាតខ្លាំងដោយជំងឺកូវីដ ១៩។ បើយោងតាមសេចក្តីរាយការណ៍របស់សារព័ត៌មាន បាងកកប៉ុស្តិ៍ បានឲ្យដឹងថា ពលរដ្ឋវៀតណាមទាំង ២ លាននាក់នោះគឺជាប្រជាជនរស់នៅក្នុងខេត្ត Hai Duong ហើយតាមបទបញ្ជារបស់អាជ្ញាធរវៀតណាមគឺពួកគេត្រូវសម្ងំនៅក្នុងផ្ទះរយៈពេល ១៥ ថ្ងៃ ឬរហូតដល់មានការជូនដំណឹងជាថ្មីពីសំណាក់អាជ្ញាធរ។ យ៉ាងណាក្តី ពលរដ្ឋអាចធ្វើដំណើរចេញពីផ្ទះបានក្នុងករណីសំខាន់ៗដូចជា ទៅទិញម្ហូបអាហារ ទៅទិញថ្នាំពេទ្យ ឬទៅបំពេញការងារសម្រាប់រោងចក្រឬក្រុមហ៊ុនមួយចំនួនតូចដែលអាជ្ញាធរតម្រូវឲ្យបើកដំណើរនៅក្នុងអំឡុងពេលនៃរឹតបន្តឹងនេះ។ សម្រាប់ពលរដ្ឋដែលចាំបាច់ត្រូវធ្វើដំណើរចេញពីផ្ទះក៏ត្រូវអនុវត្តវិធានការអនាម័យឲ្យបានខ្ជាប់ខ្ជួនផងដែរ ហើយពួកគេមិនត្រូវអនុញ្ញាតឲ្យធ្វើការជួបជុំគ្នាក្នុងចំនួនមនុស្សចាប់ពី ២ នាក់ឡើងទៅនោះទេ។ ចំពោះអាជីវកម្មដែលមិនសូវមានភាពចាំបាច់មួយចំនួនដូចជា ខារ៉ាអូខេ ភោជនីយដ្ឋាន បារ

ថៃ៖ យោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា ពេលនេះរដ្ឋាភិបាលថៃកំពុងពិចារណាបន្ថែមរយៈពេលធ្វើចត្តាឡីស័កពី ១៤ ថ្ងៃទៅដល់ ២១ ថ្ងៃ សម្រាប់អ្នកដំណើរដែលទើបត្រលប់មកពីតំបន់អាហ្វ្រិកដើម្បីឲ្យប្រាកដថា ពួកគេបានឆ្លងជំងឺកូវីដ ១៩ បំប្លែងខ្លួនថ្មីនៅតំបន់អាហ្រិ្វកឬអត់។ មជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ជំងឺកូវីដ ១៩ បំប្លែងខ្លួនថ្មីនៅតំបន់អាហ្រិ្វកនេះមានឈ្មោះថា “B1351” ហើយវាមានលក្ខណៈឆ្លងឆាប់រហ័សនិងមានគ្រោះថ្នាក់ខ្ពស់ជាងមេរោគនៃជំងឺកូវីដ ១៩ ធម្មតា។   លោក Apisamai Srirangson ដែលជាអ្នកនាំពាក្យឲ្យមជ្ឈមណ្ឌលគ្រប់គ្រងជំងឺកូវីដ ១៩ ថៃបានឲ្យដឹងថា ការពិចារណាបន្ថែមរយៈពេលនៃការធ្វើចត្តាឡីស័កនេះត្រូវបានធ្វើឡើងភ្លាមៗក្រោយអាជ្ញាធរសុខាភិបាលថៃទើបបានរកឃើញអ្នកដំណើរម្នាក់មានផ្ទុកនូវមេរោគជំងឺកូវីដ ១៩ បំប្លែងខ្លួននេះនៅលើទឹកដីថៃ។ អ្នកនាំពាក្យរូបនេះបានបញ្ជាក់ថា អ្នកដំណើរដែលមានផ្ទុកមេរោគជំងឺកូវីដ

តាមធម្មតានៅក្នុងថ្ងៃទិវានៃសេចក្តីស្រលាញ់ ១៤ កុម្ភៈ គូស្នេហ៍ភាគច្រើនតែងជូនផ្កា ឬអំណោយផ្សេងៗឲ្យគ្នាទៅវិញទៅមកដើម្បីបង្ហាញនូវសេចក្តីស្រលាញ់របស់ពួកគេ។ យ៉ាងណាក្តី មានស្រ្តីជាប្រពន្ធម្នាក់បានជូនកាដូយ៉ាងចម្លែកបំផុតទៅកាន់ប្តីរបស់គាត់នៅក្នុងទិវានៃសេចក្តីស្រលាញ់កន្លងទៅនេះគឺគាត់បានព្រីនរូបថតស្រីស្អាតជាច្រើនដែលប្តីរបស់គាត់បានចុច Like នៅក្នុងបណ្តាញសង្គម Instagram មករៀបជាកាដូសម្រាប់ប្តី។ បើយោងតាមការចុះផ្សាយនៅក្នុងសារព័ត៌មាន Daily Mail បានឲ្យដឹងថា ស្រ្តីរូបនេះមានឈ្មោះក្នុងគណនី TikTok ថា Gloria និងកំពុងរស់នៅសហរដ្ឋអាមេរិក។ នៅក្នុងវីដេអូ TikTok របស់ស្រ្តីរូបនេះបានបង្ហាញថា គាត់បានព្រីនរូបថតមនុស្សស្រីជាច្រើនសន្លឹកតូចៗនិងបានបិទរូបថតទាំងនោះជាមួយនិងចង្កាក់ឈើតូចល្មមហើយដោតនៅលើស្នោសម្រាប់យកទៅជូនប្តី ហើយកាដូមួយនេះគឺជាការឌឺដងឲ្យប្តីរបស់គាត់ដែលតែងតែចុច Like រូបភាពស្រីស្អាតនៅក្នុងបណ្តាញសង្គម។ វីដេអូមួយនេះមានអ្នកចូលមើលរហូតដល់ជាង ៤,៤ លានដង ហើយក្រុមអ្នកប្រើប្រាស់បណ្តាញសង្គមថែមទាំងបានដាក់ឈ្មោះឲ្យអ្នកស្រី Gloria ថា ‘The

សិង្ហបុរី៖ កាលពីអំឡុងបុណ្យចូលឆ្នាំប្រពៃណីចិនកន្លងទៅថ្មីៗនេះ មានក្រុមពលរដ្ឋសិង្ហបុរីតែងខ្លួនជាទេវតាសំណាងជាច្រើននាក់ ត្រូវបានគេប្រទះឃើញធ្វើដំណើរទៅកាន់ផ្ទះប្រជាពលរដ្ឋដើម្បីសួរសុខទុក្ខ និងផ្តល់សំណាងដល់ក្រុមពលរដ្ឋទាំងនោះ។ បើតាមការចុះផ្សាយនៅក្នុងសារព័ត៌មាន World of Buzz បានឲ្យដឹងថា ក្រុមទេវតាសំណាងទាំងនោះតាមការពិតជាក្រុមអ្នកចងការហើយផ្ទះពលរដ្ឋដែរពួកគាត់បានទៅទាំងអស់នោះសុទ្ធតែក្រុមកូនបំ​ណុលរបស់ពួកគាត់។ សកម្មភាពនេះគឺជាឥរិយាបថថ្មីមួយទៀតដែលគេទើបប្រទះឃើញ ដោយនាពេលកន្លងតាមទម្លាប់ម្ចាស់បំណុលគ្រាន់តែផ្ញើផ្លែក្រូចទៅកាន់អតិជនខ្លួនដើម្បីតំណាងឲ្យលាភនិងសំណាងតែប៉ុណ្ណោះ។ ប្រភពខាងលើបានបន្តថា ក្រុមទេវតាសំណាងទាំងនេះគឺជាបុគ្គលិករបស់ភ្នាក់ងារផ្តល់ប្រាក់កម្ចី Fast Debt Recovery (FDR) Specialist Pte Ltd, ដែលមានមូលដ្ឋានៅក្នុងប្រទេសសិង្ហបុរី ហើយនាពេលកន្លងមកភ្នាក់ងារមួយនេះមានអតិថិជនគាំទ្រច្រើនណាស់។ បុគ្គលិកម្នាក់តំណាងឲ្យភ្នាក់ងារផ្តល់ប្រាក់កម្ចីខាងលើនេះបានឲ្យដឹងថា ការសម្រេចតែងខ្លួនជាទេវតាសំណាងដើម្បីទៅសួរសុខទុក្ខកូនបំណុលនេះគឺជាការរក្សាទំនាក់ទំនងដ៏ល្អមួយរវាងម្ចាស់បំណុលនិងអតិថិជន ព្រោះគេជឿថាពេលខ្លះការទៅទារបំណុលបែបកាចនិងដាច់ខាតខ្លាំងពេកគឺគ្មានលទ្ធផលល្អនោះទេ តែផ្ទុយទៅវិញទំនាក់ទំនងល្អរវាងម្ចាស់បំណុលនិងអតិថិជនអាចជួយដោះស្រាយបញ្ហាបានយ៉ាងល្អប្រសើរជាង។ បុគ្គលិករូបនេះបានបញ្ជាក់ថា ការទៅដល់ផ្ទះកូនបំណុលនៅពេលនេះគឺមិនមែនដើម្បីទារលុយនោះទេ តែក្រុមទេវាតាសំណាងគ្រាន់តែចង់និយាយពាក្យ “រីករាយឆ្នាំថ្មី” និងជូនពរឲ្យក្រុមគ្រួសារកូនបំណុលទាំងអស់នោះមានសេចក្តីសុខនិងសំណាងល្អតែប៉ុណ្ណោះ៕ អត្ថបទ៖ ភក្តី

ថៃ៖ វីរុសកូវីដ១៩ បំលែងខ្លួនថ្មីដែលមានប្រភពពីតំបន់អាហ្វ្រិកខាងត្បូងត្រូវបានគេរកឃើញនៅក្នុងប្រទេសថៃជាលើកដំបូង នេះបើយោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍។ បើតាមការបញ្ជាក់របស់មជ្ឈមណ្ឌលគ្រប់គ្រងជំងឺកូវីដ ១៩ ថៃបានឲ្យដឹងថា វីរុសកូវីដ១៩ បំលែងខ្លួនថ្មីនេះត្រូវបានរកឃើញនៅក្នុងខ្លួនបុរសជនជាតិថៃម្នាក់ អាយុ ៤១ ឆ្នាំ ដែលទើបធ្វើដំណើរត្រលប់មកពីធ្វើធុរកិច្ចនៅក្នុងប្រទេសតង់ហ្សានីកាលពីថ្ងៃទី ២៩ មករា កន្លងទៅនេះ។ ក្រោយការរកឃើញនេះអាជ្ញាធរសុខាភិបាលនៃប្រទេសថៃបានបង្ហាញនូវក្តីកង្វល់ជាខ្លាំង ព្រោះវីរុសកូវីដ១៩ ប្រភេទថ្មីនេះមានលក្ខណៈងាយឆ្លងនិងមានគ្រោះថ្នាក់ខ្ពស់ ហើយគេបារម្ភថាវីរុសកូវីដ១៩បំលែងខ្លួនថ្មីនេះអាចចម្លងចូលទៅក្នុងសហគមន៍ថៃផងដែរ។   គួរបញ្ជាក់ជូនថា ការរាតត្បាតជំងឺកូវីដ ១៩ នៅក្នុងសហគមន៍ថៃដែលមានប្រភពផ្ទុះចេញពីខេត្តសាមុតសាខននៅមិនទាន់បិទបញ្ចប់នៅឡើយទេ ដោយនៅថ្ងៃអាទិត្យ ទី ១៤ កុម្ភៈម្សិលមិញនេះថៃបានរកឃើញអ្នកជំងឺឆ្លងថ្មីចំនួន ១៦៦ ករណីបន្ថែមទៀត ហើយភាគច្រើននៃករណីឆ្លងថ្មីទាំងនេះគឺបានរកឃើញនៅក្នុងខេត្តសាមុតសាខន និងខេត្តផាធុមថានី។

យោងតាមអ្នកជំនាញរបស់អង្គការសហប្រជាជាតិ ដែលទទួលបន្ទុកផ្នែកតាមដានការដាក់ទណ្ឌកម្មចំពោះប្រទេសកូរ៉េខាងជើងបានឲ្យដឹងថា ក្រុម Hacker តាមអ៊ីនធឺណេតរបស់កូរ៉េខាងជើង បានលួចលុយសហរដ្ឋអាមេរិកជាង ៣០០ លានដុល្លា ដើម្បីចំណាយលើកម្មវិធីអាវុធនុយក្លេអ៊ែ និងមីស៊ីលរបស់រដ្ឋាបាលកូរ៉េខាងជើង។ ការរកឃើញរបស់ក្រុមអ្នកជំនាញខាងលើ និងបានចុះផ្សាយនៅក្នុងសារព័ត៌មាន The Thaiger បានបញ្ជាក់ថា លុយដែលក្រុមហេកឃឺបានលួចនោះគឺជាប្រភេទលុយឌីជីថល (cryptocurrency) ហើយដំណើរការនៃលួចត្រូវបានធ្វើឡើងជាច្រើនដង រាប់ចាប់តាំងពីឆ្នាំ ២០១៩ រហូតមកដល់ឆ្នាំ ២០២០។ ក្រុមអ្នកជំនាញបានបន្តថា ក្នុងចំណោមសកម្មភាពលួចលុយជាច្រើនដងរបស់ក្រុមចោរអ៊ីនធឺណិតទាំងនោះ គឺមានការលួចចំនួន ២ ដង ដែលគួរឲ្យគត់សម្គាល់បំផុត ដោយការលួចមួយត្រូវបានធ្វើឡើងកាលពីអំឡុងខែកញ្ញា ឆ្នាំ២០២០ និងបានលួចអស់ចំនួន ២៨១ លានដុល្លារអាមេរិក ហើយមួយខែក្រោយមកសកម្មភាពលួចមួយផ្សេងទៀតក៏ត្រូវធ្វើឡើងនិងលួចបានប្រាក់ចំនួន ២៣

មីយ៉ាន់ម៉ា៖ ប្រតិកម្មរបស់ពលរដ្ឋមីយ៉ាន់ម៉ាចំពោះការធ្វើរដ្ឋប្រហារយោធាបានកើតមានឡើងជាបន្តបន្ទាប់រាប់ចាប់តាំងពីមានការគោះចានគោះឆ្នាំងនៅពេលយប់ដើម្បីសម្តែងនូវការមិនពេញចិត្ត បុគ្គលិកសុខាភិបាល អប់រំ និងបុគ្គលិកក្រុមហ៊ុនឯកជនមួយចំនួនសម្រេចធ្វើពហិការមិនចូលបម្រើការ​ងារ ពលរដ្ឋនិងក្រុមសិស្សសាលារាប់រយនាក់បានចុះថ្នល់ធ្វើបាតុកម្ម ហើយនៅចុងក្រោយនេះគេបានសង្កេតឃើញក្រុមយុវជនមីយ៉ាន់ម៉ាជាច្រើនបាននាំគ្នាទៅចាក់សាក់នៅលើដៃរបស់ពួកគេដើម្បីសម្តែងនូវការប្រឆាំងចំពោះរបបផ្តាច់ការយោធា។ បើយោងតាមការចុះផ្សាយនៅក្នុងសារព័ត៌មាន Channel News Asia បានឲ្យដឹងថា មូលហេតុដែលក្រុមយុវជនមីយ៉ាន់ម៉ានាំគ្នាទៅចាក់សាក់នៅពេលនេះគឺពួកគេចង់បង្កើតឲ្យមានការចងចាំនិងការដាស់តឿនជាអចិន្ត្រៃយ៍នូវ ផ្នត់គំនិតប្រឆាំងចំពោះរបបផ្តាច់ការនិងស្មារតីគោរពស្រលាញ់របបប្រជាធិបតេយ្យ។ ប្រភពខាងលើបានបន្តថា រូបសាក់ដែលក្រុមយុវជនមីយ៉ាន់ម៉ានិយមសាក់ច្រើនជាងគេនោះមានដូចជាពាក្យ “Kabar Ma Kyay Bu” ដែលជាឃ្លានៅក្នុងបទចម្រៀងសម្រាប់ធ្វើបដិវត្តមួយនិងមានន័យជាខេមរៈភាសាថា “យើងនឹងមិនអាចបំភ្លេចបានទេរហូតដល់ចុងបញ្ចប់នៃពិភពលោក” ។ អ្នកខ្លះបានសាក់ពាក្យថា “យើងប្រឆាំងនឹងរបបផ្តាច់ការយ៉ាងដាច់អហង្ការ” ខណៈដែលអ្នកខ្លះវិញបានសាក់រូបលោកស្រី អ៊ុង សានស៊ូជីតែម្តង។ លោក John Gyi ដែលជាវិចិត្រករសាក់រូបនិងជាអ្នកគាំទ្ររបបប្រជាធិបតេយ្យម្នាក់ផងនោះបានឲ្យដឹងថា ចាប់តាំងពីមានរដ្ឋប្រហារយោធាមកគាត់បានសាក់រូបលោកស្រីអ៊ុង សានស៊ូជី ចំនួន ១០ កន្លែងហើយនៅលើរាងកាយរបស់គាត់៕

ឥណ្ឌា៖ ក្រុមអ្នកជួយសង្គ្រោះឥណ្ឌាកំពុងដុតដៃដុតជើងស្វែងរកមនុស្សជាង ១៧០ នាក់ ដែលកំពុងបាត់ខ្លួននៅក្នុងហេតុការណ៍បាក់ផ្ទាំងទឹកកកដ៏ធំសម្បើមមួយដែលបានកើតឡើងនៅក្នុងតំបន់ភ្នំហិម៉ាល័យ  ភាគខាងជើងនៃប្រទេសឥណ្ឌា។ បើយោងតាមការចុះផ្សាយនៅក្នុងសារព័ត៌មាន Channel News Asia បានឲ្យដឹងថា ហេតុការណ៍បាក់ផ្ទាំងទឹកកកបានបង្កើតឲ្យមានទឹកភក់ និងផ្ទាំងថ្មជាច្រើនហូរចុះមកយ៉ាងគំហុកតាមជ្រលងភ្នំនិងបានគ្របដណ្ដប់ទៅលើក្រុមកម្មករដែលកំពុងធ្វើការនៅក្បែរកន្លែងកើតហេតុនោះ។ គេជឿថាយ៉ាងហោចណាស់មាន គឺម​នុស្សចំនួន ១៧១ នាក់ ដែលកំពុងបាត់ខ្លួនហើយក្នុងនោះមានមួយចំនួនគឺកំពុងជាប់នៅក្នុងផ្លូវរូងក្រោមដីហើយមិនអាចរកផ្លូវចេញមកក្រៅបាន។ របាយការណ៍ចុងក្រោយដែលគេអាចទទួលបានគិតមកត្រឹមពេលនេះគឺមានក្រុមកម្មករចំនួន ១២ នាក់ត្រូវបានជួយសង្គ្រោះ សាកសាពរបស់ក្រុមកម្មករចំនួន ២៦ ត្រូវបានរកឃើញ ខណៈក្រុមទាហ៊ាននិងអ្នកជួយសង្គ្រោះចំនួន ៤០០ នាក់ កំពុង តែធ្វើការងារយ៉ាងសកម្មដើម្បីស្វែងរកអ្នកកំពុងបាត់ខ្លួន។ តាមការសន្និដ្ឋានគឺមានមនុស្សតិចណាស់ដែលអាចនៅមានជីវិតពោលគឺប្រមាណជា ៣៤ នាក់ដែលកំពុងជាប់នៅក្នុងផ្លូវរូងក្រោមដី ហើយក្រៅពីនេះគឺអាចប្រឈមនឹងការស្លាប់បាត់បង់ជីវិតខ្ពស់ណាស់៕ हे महादेव

ម៉ាឡេស៊ី៖ ទឹកជំនន់មានពណ៌ក្រហមច្រាលដូចឈាម បានជន់លិចសហគមន៍មួយកន្លែងនៅក្នុងប្រទេសឥណ្ឌូនេស៊ី នៅក្នុងពេលតែមួយយប់ប៉ុណ្ណោះ ដែលហេតុការណ៍នេះបានធ្វើឲ្យពលរដ្ឋនៅក្នុងសហគមន៍មានការភ្ញាក់ផ្អើលយ៉ាងខ្លាំង។ បើយោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ បានឲ្យដឹងថា ហេតុការណ៍នេះបានកើតឡើងនៅក្នុងភូមិ Kelurahan Jenggot ក្រុង Pekalongan នៃខេត្តចាវ៉ា និងបានកើតឡើងកាលពីថ្ងៃអាទិត្យ ទី០៧ ខែកុម្ភៈ ឆ្នាំ២០២១។ ប្រជាពលរដ្ឋម្នាក់ដែលរស់នៅក្នុងកន្លែងកើតហេតុខាងលើបានឲ្យដឹងថា  នៅពេលដែលគាត់ភ្ញាក់ពីដំណេកឡើងស្រាប់តែគាត់បានឃើញទឹកពណ៌ក្រហមច្រាលនៅជុំវិញផ្ទះ ហើយភ្លាមនោះគាត់បានគិតថា វាប្រហែលទំនន់ឈាមដែលព្រះជាម្ចាស់បានដាក់ទណ្ឌកម្មចំពោះភូមិរបស់គាត់ ព្រោះកន្លងមកហេតុការណ៍ចម្លែកនេះមិនធ្លាប់កើតមានទាល់តែសោះនៅក្នុងភូមិរបស់គាត់។ យ៉ាងណាក្តី ក្រោយមកគេបានរកឃើញការពិតថា ទឹកពណ៌ក្រហមនោះមិនមែនជាឈាមនោះទេ តែវាជាទឹកដែលហូរចេញពីរោងចក្រជ្រលក់ពណ៌ក្រណាត់ខុសច្បាប់មួយកន្លែង ដែលមានទីទាំងនៅក្បែរភូមិនោះ។ ហេតុការណ៍ទំនងជាកើតឡើងដោយសារតែប្រព័ន្ធបង្ហូរទឹកនៅក្នុងរោងចក្រមានបញ្ហា ទើបបណ្តាលឲ្យទឹកច្រាលចេញមកក្រៅ និងជន់លិចពេញភូមិតែម្តង។ រហូតមកទល់នឹងពេលនេះអាជ្ញាធរឥណ្ឌូនេស៊ីបានចុះទៅដល់ទីតាំងរោចចក្រនោះហើយ ខណៈក្រុមជនខិលខូចដែលជាប់ពាក់ព័ន្ធក្នុងករណីនេះក៏ត្រូវចាប់ខ្លួនឲ្យមកទទួលទោសតាមផ្លូវច្បាប់ផងដែរ៕ អត្ថបទ៖

សិង្ហបុរី៖ ស្រ្តីជនជាតិសិង្ហបុរីម្នាក់ត្រូវបានក្រុមបុគ្គលិកពេទ្យគ្នាឯង ច្រឡំចាក់វ៉ាក់សាំងបង្ការជំងឺ COVID-19 រហូតដល់ទៅ ៥ដូស ខណៈដែរតាមធម្មតាមនុស្សម្នាក់ៗត្រូវការវ៉ាក់សាំងបង្ការជំងឺ COVID-19 ត្រឹមតែ ២ ដូសប៉ុណ្ណោះ ហើយវ៉ាក់សាំងទាំង ២ ដូសនោះទៀតសោធ គឺត្រូវតែចាក់ក្នុងគម្លាតពីគ្នាយ៉ាងហោចណាស់ក៏ ២ សប្តាហ៍ដែរ។ យ៉ាងណាក្ដី បើយោងតាមតាមការចុះផ្សាយរបស់សារព័ត៌មាន Channelnewsasia បានឲ្យដឹងថា កាលពីថ្ងៃទី១៤ ខែមករា ឆ្នាំ២០២១ កន្លងទៅថ្មីៗនេះ ក្រុមបុគ្គលិកពេទ្យនៅក្នុងមជ្ឈមណ្ឌលភ្នែកជាតិសិង្ហបុរី (Singapore National Eye Centre) បានច្រឡំចាក់វ៉ាក់សាំងបង្ការជំងឺ COVID-19 រហូតដល់ ៥ដូស