ថៃ៖ សារព័ត៌មាន បាងកកប៉ុស្តិ៍ បានរាយការណ៍ថា កាលពីថ្ងៃអាទិត្យទី ២១ ខែ កុម្ភៈ ម្សិលមិញនេះអាជ្ញាធរសុខាភិបាលនៃប្រទេសថៃបានរកឃើញអ្នកជំងឺកូវីដ ១៩ ចំនួន ៩២​ ករណីបន្ថែមទៀត ប៉ុន្តែថៃគ្មានករណីអ្នកស្លាប់ថ្មីនោះទេ។ បើតាមមជ្ឈមណ្ឌលគ្រប់គ្រងជំងឺកូវីដ ១៩ ថៃបានបញ្ជាក់ថា ក្នុងចំណោមអ្នកឆ្លងថ្មីខាងលើនេះគឺភាគច្រើនត្រូវបានរកឃើញនៅក្នុងខេត្តសាមុតសានខ ដោយនៅក្នុងខេត្តមួយនេះមានអ្នកជំងឺកូវីដ ១៩ រហូតទៅដល់ ៦០ ករណីឯណោះហើយក្នុងនោះមាន ២៣ ករណីបានកើតមានចំពោះពលរដ្ឋថៃ និង ៣៧ ករណីផ្សេងទៀតបានកើតមានចំពោះក្រុមកម្មករមីយ៉ាន់ម៉ា។ ក្រៅតែពីមានករណីចម្លងនៅក្នុងសហគមន៍ក្នុងចំណោមករណីឆ្លងទាំងអស់ខាងលើនេះក៏មានករណីនាំចូលពីក្រៅប្រទេសចំនួន ៦ ករណីផងដែរគឺកើតឡើងចំពោះអ្នកដំណើរមកពីប្រទេសអាឡឺម៉ង់ អាមេរិក ប្រេស៊ីល អេត្យូពី​

អាមេរិក៖ ម៉ាស៊ីននៅស្លាបយន្តហោះដឹកអ្នកដំណើរមួយគ្រឿងត្រូវបានភ្លើងឆេះខណៈដែលយន្តហោះកំពុងធ្វើហោះហើរនៅលើអាកាសក្នុងកម្ពស់ប្រមាណជា ៤ ៥៧០ ម៉ែត្រ ហើយបំណែកនៃម៉ាស៊ីនយន្តហោះដែលបានឆេះនោះក៏បានធ្លាក់មកក្បែរផ្ទះប្រជាពលរដ្ឋទៀតផង។ បើតាមការចុះផ្សាយនៅក្នុងសារព័ត៌មាន Daily Mail បានឲ្យដឹងថា​ យន្តហោះដឹកអ្នកដំណើរមួយគ្រឿងនោះជាប្រភេទយន្តហោះ Boeing 777-200 របស់ក្រុមហ៊ុនអាកាចរណ៍ The United Airlines ហើយហេតុករណ៍នេះបានកើតឡើងនៅក្នុងរដ្ឋ Colorado សហរដ្ឋអាមេរិក។ ប្រភពបានបន្តថា ឧបទ្ទវហេតុនេះបានកើតឡើងក្រោយពេលយន្តហោះបានធ្វើការហោះហើរត្រឹមតែ ៣០ នាទីប៉ុណ្ណោះ ខណៈនៅលើយន្តហោះមានផ្ទុកអ្នកដំណើរចំនួន ២៣១ នាក់ និងក្រុមការងារបម្រើការងារនៅលើយន្តចំនួន ១០ នាក់ផងដែរ។ អាជ្ញាធរប្រចាំតំបន់កើតហេតុខាងលើអះអាងថា បំណែកនៃម៉ាស៊ីនយន្តហោះដែលធ្លាក់ចុះមកនោះមិនបានបង្កឲ្យមានគ្រោះថ្នាក់ដល់ពលរដ្ឋណាម្នាក់ទេ ហើយយន្តហោះក៏បានចុះចតវិញនិងជួយសង្គ្រោះបានទាន់ពេលវេលា ទើបហេតុការណ៍នេះមិនបានបង្កឲ្យមានអ្នកដំណើរណាម្នាក់ត្រូវរងរបួសនោះទេ។

ថៃ៖ អាជ្ញាធរសុខាភិបាលថៃបានរាយការណ៍អំពីករណីមានគ្រូពេទ្យម្នាក់បានស្លាប់ដោយសាជំងឺកូវីដ ១៩ ជាលើកដំបូងបំផុតក្នុងប្រទេសរបស់ខ្លួន រាប់ចាប់តាំងពីពេលមានការរាតត្បាតជំងឺកូវីដ ១៩ ជាង ១ ឆ្នាំមកនេះ។ បើយោងតាមសារព័ត៌មាន The Thaiger បានបញ្ជាក់ថា ពេទ្យដែលបានស្លាប់បាត់បង់ជីវិតនេះមានឈ្មោះថា Panya Hanphanitphan ភេទប្រុស ហើយរូបគាត់គឺជាវេជ្ជបណ្ឌិតប្រចាំនៅក្នុងគ្លីនិកសុខភាពមួយកន្លែងនៅក្នុងខេត្ត Maha Sarakham ភាគខាងជើងនៃប្រទេសថៃ។ ប្រភពខាងលើបានបន្តថា កាលពីអំឡុងខែមករាកន្លងទៅនេះមានអ្នកជំងឺ ៣ នាក់បានទៅព្យាបាលជំងឺនៅក្នុងគ្លីនិករបស់គាត់ ហើយក្រោយមកទើបគេបានរកឃើញថា អ្នកជំងឺទាំង ៣ នាក់នោះវិជ្ជមានជំងឺកូវីដ ១៩។ ភ្លាមៗក្រោយការរកឃើញនេះលោកវេជ្ជបណ្ឌិត Panya Hanphanitphan បានសម្រេចបិទគ្លីនិករបស់គាត់ជាបន្ទាន់ ហើយរូបគាត់ក៏បានប្រញាប់ទៅធ្វើតេស្តរកជំងឺកូវីដ ១៩

អេក្វាឌ័រ៖ អ្នកកាសែតម្នាក់និងអ្នកកាន់កាមេរ៉ាម្នាក់ត្រូវបានចោរយកកាំភ្លើងខ្លីទៅភ្ជង់ប្លន់យកទ្រព្យសម្បត្តិ ខណៈពួកគាត់កំពុងតែធ្វើសេចក្តីរាយការណ៍ផ្ទាល់តាមបណ្តាញទូរទស្សន៍និងមានអ្នកទស្សនារាប់ម៉ឺននាក់។ បើយោងតាមការចុះផ្សាយនៅក្នុងសារព័ត៌មាន World of Buzz បានឲ្យដឹងថា ហេតុការណ៍នេះបានកើតនៅម៉ោង ១ ថ្ងៃត្រង់ ស្ថិតនៅមុខកីឡដ្ឋាន Monumental ក្នុងទីក្រុង Guayaquil នៃប្រទេសអេក្វាឌ័រ ខណៈអ្នកកាសែតដែលត្រូវបានចោរប្លន់នោះមានឈ្មោះថា Diego Ordinola ហើយរូបគាត់គឺជាអ្នករាយការណ៍ព្រឹត្តិការណ៍កីឡាដ៏ល្បីល្បាញបំផុតមួយរូបប្រចាំប្រទេសអេក្វាឌ័រ។ តាមរយៈវីដេអូបានបង្ហាញថា ចោរបានធ្វើសកម្មភាពតែម្នាក់ឯងដោយពេលមកធ្វើសកម្មភាពនោះចោរបានពាក់មួកនិងម៉ាស់ ដែលធ្វើឲ្យគេមិនអាចកំណត់អត្តសញ្ញាណបាននោះទេ។ ពេលធ្វើសកម្មភាពប្លន់យកទូរស័ព្ទពីអ្នកកាន់កាមេរ៉ារួចចោរបានជិះឡើងជិះម៉ូតូទៅបាត់ដោយសុវត្ថិភាព ខណៈដែលអ្នកកាន់កាមេរ៉ាបានត្រឹមតែថតសកម្មភាពពីក្រោយខ្នងចោរតែប៉ុណ្ណោះ។ រហូតមកទល់នឹងពេលនេះអាជ្ញាធរអេក្វាឌ័រនៅមិនទាន់អាចបង្ហាញពីតម្រុយណាមួយក្នុងការតាមចាប់ខ្លួនចោរនោះទេ ខណៈសាធារណៈជនបានធ្វើការរិះគន់យ៉ាងខ្លាំងចំពោះការកើតមានហេតុកាណ៍ប្លន់ទាំងកណ្តាលថ្ងៃត្រង់និងថែមទាំងកំពុងផ្សាយផ្ទាល់តាមទូរទស្សន៍ដូចនេះទៀត៕ អត្ថបទ៖ ភក្តី ប្រភព៖ World of Buzz

ចិន៖ កាលពីពេលថ្មីៗនេះមានរូបភាពរៀបអាពាហ៍ពិពាហ៍របស់កូនកំលោះវ័យ ២៤ ឆ្នាំ ជាមួយនឹងស្រ្តីវ័យ ៨៥ ឆ្នាំម្នាក់ត្រូវបានគេយកទៅបង្ហោះពេញបណ្តាញសង្គមក្នុងប្រទេសចិន ដោយបានធ្វើឲ្យសាធារណៈជនជាច្រើនរិះគន់និងមានចម្ងល់ជាខ្លាំងថា តើហេតុអ្វីបានជាកូនកំលោះសម្រេចចិត្តទៅរៀបការជាមួយនិងប្រពន្ធមានវ័យចំណាស់យ៉ាងនេះទៅវិញ? ក្រោយមកទើបមានគេចុះទៅសម្ភាសប្តីប្រពន្ធទាំង ២ នាក់នោះនិងបានដឹងការពិតថា នៅពីក្រោយរូបភាពនៃការរៀបអាពាហ៍ពិពាហ៍នេះគឺមានបង្កប់នូវរឿងរ៉ាវដ៏គួរឲ្យរំជួលចិត្តមួយដែលមនុស្សគ្រប់គ្នានឹកស្មានមិនដល់។ យោងតាមសារព័ត៌មាន World of Buzz បានឲ្យដឹងថា បុរសជាកូនកំលោះនោះឈ្មោះថា Zhang ជាបុគ្គលិកផ្នែកពន្លត់អគ្គិភ័យនៅក្នុងខេត្ត Jiangxi  ភាគខាងត្បូងប្រទេសចិន ហើយស្រ្តីដែលគ្រងឈុតកូនក្រមុំនោះមានឈ្មោះថា Tang ។ ប្រភពខាងលើបានបន្តថា លោកយាយ Tang គឺជាមនុស្សល្អម្នាក់ដោយកាលពី ២៤ ឆ្នាំមុន ពោលគឺនៅពេលដែលគាត់ទើបមានអាយុ ៦១ ឆ្នាំ គាត់បានរើសយកទារកដែលគេបោះបង់ចោលចំនួន ៦

ថៃ៖ រឿងរ៉ាវប្តីកំហូចម្នាក់បានលួចទៅរៀបការជាមួយនឹងប្រពន្ធម្នាក់ផ្សេងទៀត ប៉ុន្តែត្រូវបានប្រពន្ធដើមតាមទាន់វាយតប់និងអុកឡុកផ្អើលពេញរោងការ បាននិងកំពុងទទួលចំណាប់អារម្មណ៍យ៉ាងខ្លាំងពេញបណ្ដាញសង្គម។ យោងតាមការចុះផ្សាយនៅក្នុងសារព័ត៌មាន Khaosod បានឲ្យដឹងថា ហេតុការណ៍នេះបានកើតឡើងនៅក្នុងប្រទេសថៃ ហើយវីដេអូនៅក្នុងហេតុការណ៍នោះត្រូវបានគេយកទៅបង្ហោះពេញបណ្តាញសង្គម ខណៈអត្តសញ្ញាណនៃជនដែលពាក់ព័ន្ធក្នុងករណីនោះមិនត្រូវបានគេបង្ហាញឡើយ។ ប្រភពខាងលើបានបន្តថា បុរសជាប្តីកំហូចរូបនោះមានអាយុ ៤៦ឆ្នាំ បានរៀបការជាមួយប្រពន្ធដើមអស់រយៈពេល ១៦ ឆ្នាំមកហើយ និងថែមទាំងមានកូន ២ នាក់ទៀតផង ដោយកូនបងមានអាយុ ១៥ឆ្នាំ និងកូនពៅមានអាយុ ៥ឆ្នាំ។ តាមសម្ដីស្រ្តីជាប្រពន្ធដើមបានឲ្យដឹងថា រូបគាត់និងបុរសជាប្តីបានរៀបការជាមួយគ្នាដោយស្របច្បាប់ ហើយបច្ចុប្បន្នពួកគាត់ទាំង ២នាក់ ​កំពុងរស់នៅក្នុងផ្ទះជាមួយគ្នាជាធម្មតា ពោលគឺមិនទាន់លែងលះឬមានទំនាស់អ្វីជាមួយគ្នានោះទេ ហើយសូម្បីតែមុនពេលប្តីលួចមករៀបការមួយថ្ងៃ ក៏ពួកគាត់បានរស់នៅជាមួយគ្នាក្នុងនាមជាប្តីប្រពន្ធដែរ។ តាមរយៈវីដេអូគេបានឃើញស្រ្តីជាប្រពន្ធដើមរួមជាមួយនឹងម្តាយក្មេក (ម្តាយបង្កើតរបស់ប្តី) បានទៅដល់រោងការ

ថៃ៖ ប៉ូលិសថៃកំពុងតាមចាប់ខ្លួនចោរលួចដ៏ច​ម្លែកម្នាក់ដែលត្រូវបានសាធារណៈជនទូទៅហៅថា “ចោរនិនចា”។ បើយោងតាមការចុះផ្សាយនៅក្នុងសារព័ត៌មាន The Thaiger  បានឲ្យដឹងថា ចោរនិនចាបានធ្វើសកម្មភាពលួចយ៉ាងសកម្មនៅក្នុងសហគមន៍មួយកន្លែងក្រុង Nonthaburi ភាគកណ្តាលនៃប្រទេសថៃ ដែលមានផ្ទះដូចៗគ្នាមានតម្លៃប្រមាណជា ៥ លានបាត (១៦៦ ៨០៨ ដុល្លារអាមេរិក) សម្រាប់ផ្ទះមួយខ្នង ហើយនៅក្នុងសហគមន៍ក៏មានប្រព័ន្ធសន្តិសុខសម្រាប់ការពារសុវត្ថិភាពផងដែរ។ យ៉ាងណាក្តី ចោរនៅតែអាចធ្វើសកម្មភាពចូលទៅលួចទ្រព្យសម្បត្តិរបស់ប្រជាពលរដ្ឋបាន ហើយអ្វីដែលជាការកត់សម្គាល់នោះគឺចោរតែងចូលទៅក្នុងផ្ទះប្រជាពលរដ្ឋតាមរយៈបង្អួចនៅខាងលើដំបូងផ្ទះដើម្បីធ្វើសកម្មភាពលួចទ្រព្យសម្បត្តិ។ ចោរនិនចាបានលួចតែរបស់តូចៗនិងមានតម្លៃប៉ុណ្ណោះដូចជាខ្សែក ខ្សែដៃ និងនាឡិកាជាដើម។ គិតមកទល់នឹងពេលនេះករណីលួចដ៏រសើបនេះបានកើតឡើងចំនួន ១០ ដងរួចហើយ ខណៈខាងអាជ្ញាធរនៅមិនទាន់រកឃើញតម្រុយសំខាន់ណាមួយសម្រាប់តាមចាប់ខ្លួនជនសង្ស័យនោះទេ។ ពលរដ្ឋរងគ្រោះម្នាក់បានឲ្យដឹងថា គាត់មិនដែលចាប់អារម្មណ៍អំពីគ្រឿងអលង្ការដែលគាត់ទុកនៅក្នុងផ្ទះឡើយរហូតដល់គេល្បីអំពីរឿងចោរនេះគាត់ក៏បានទៅឆែកមើលទើបដឹងថា គ្រឿងអលង្ការមានតម្លៃប្រមាណជា ១០០ ០០០​​ បាត (៣ ៣៣៥

ថៃ៖ ការិយាល័យជាតិនៃព្រះពុទ្ធសាសនាថៃនឹងដាក់លិខិតទៅកាន់ក្រុមហ៊ុនសំលៀកបំពាក់ Supreme របស់អាមេរិក ដើម្បីធ្វើការប្រឆាំងតវ៉ាចំពោះសកម្មភាពដែលក្រុមហ៊ុនមួយនេះបានយករូបព្រះសង្ឃថៃមួយអង្គទៅប្រើប្រាស់ដោយគ្មានការអនុញ្ញាត។ ការប្រើប្រាស់រូបភាពព្រះសង្ឃថៃដោយគ្មានការអនុញ្ញាតនេះត្រូវបានគេប្រទះឃើញមាននៅលើខ្នងអាវទាហ៊ានសម្រាប់ចេញលក់ក្នុងរដូវក្តៅឆ្នាំ ២០២១ នេះ ហើយនៅជុំវិញរូបភាពនោះក៏មានទាំងរូបយ័ន្តរបស់ព្រះសង្ឃអង្គនេះទៀតផង។ សូមបញ្ជាក់ថា រូបព្រះសង្ឃថៃមួយអង្គនោះគឺជាអតីតព្រះសង្ឃថៃដ៏ល្បីល្បាញបំផុតមួយអង្គព្រះនាម Luang Phor Koon Parisutho ដែលព្រះអង្គបានសុគតកាលពីឆ្នាំ ២០១៥ ហើយបច្ចុប្បន្នសាកសពរបស់អង្គត្រូវបានរក្សាទុកនៅក្នុងសាកលវិទ្យាល័យ Khon Kaen ដែលព្រះអង្គបានបរិច្ចាគសាកសពរបស់ព្រះអង្គផ្ទាល់សម្រាប់ក្រុមនិស្សិតធ្វើការសិក្សានិងស្រាវជ្រាវ។  លោក Sipboworn Kaewngam ដែលជាអ្នកនាំពាក្យឲ្យការិយាល័យជាតិព្រះពុទ្ធសាសនាថៃបានឲ្យដឹងថា រូបភាពរបស់ព្រះតេជគុណ Luang Phor Koon Parisutho នោះត្រូវបានថតកាលពីអំឡុងឆ្នាំ ២០០២-២០០៣។ ការិយាល័យជាតិនៃព្រះពុទ្ធសាសនាថៃក៏បានផ្ញើលិខិតទៅកាន់ក្រុមហ៊ុន Supreme ដើម្បីពន្យល់ថា

ថៃ៖ អគ្គិភ័យបានឆាបឆេះឃ្លាំងស្កុកមើមដំឡូងមីដ៏ធំមួយនៅឯខេត្តអយុធ្យា ប្រទេសថៃ កាលពីយប់ថ្ងៃអង្គារ ទី១៦ ខែកុម្ភៈ ឆ្នាំ២០២១ នេះបើយោងតាមការចុះផ្សាយនៅក្នុងសារព័ត៌មាន បាងកកប៉ុស្តិ៍ ។ ឃ្លាំងស្កុងដំឡូងដ៏ធំមួយនេះ គឺជាកម្មសិទ្ធរបស់ក្រុមហ៊ុន Sap Sathaporn Co និងមានទីតាំងនៅក្បែរមាត់ទន្លេនៃខេត្តអយុធ្យា។ អំឡុងពេលកើតមានហេតុការណ៍នេះ អាជ្ញាធរថៃបានប្រើប្រាសរថយន្តពន្លត់អគ្គិភ័យជាច្រើនគ្រឿង និងក្រុមអ្នកសង្គ្រោះបន្ទាន់ប្រមាណជា ៣០នាក់ ហើយគេក៏បានមូមទឹកទន្លេនៅក្បែរនោះនៅដើម្បីពន្លត់ភ្លើងផងដែរ ខណៈការពន្លត់អគ្គិភ័យនោះត្រូវប្រើប្រាស់ពេលវេលារហូតដល់យប់ជ្រៅ។ បើតាមការបញ្ជាក់របស់អាជ្ញាធរប្រចាំតំបន់កើតហេតុខាងលើនេះបានឲ្យដឹងថា អគ្គិភ័យបានដុតបំផ្លាញដំឡូងមីស្ងួតប្រមាណជា ២ ០០០ តោន បង្កឲ្យមានមនុស្សចំនួន ៤ នាក់រងរបួស ប៉ុន្តែមិនមានអ្នកស្លាប់បាត់បង់ជីវិតនោះទេនៅក្នុងហេតុការណ៍នេះ។ យ៉ាងណាក្តីរហូតមកទល់នឹងពេលនេះ អាជ្ញាធរក៏នៅតែបន្តតាមដានករណីបន្ថែមទៀត ព្រោះគេបារម្ភថា

ថៃ៖ បើតាមរយៈសារព័ត៌មាន The Thaiger បានរាយការណ៍ថា គិតមកទល់នឹងពេលនេះមានពលករចំណាកស្រុកជាង ៦០០ ០០០ នាក់ហើយ ដែលបានទៅចុះឈ្មោះជាមួយនឹងក្រសួងការងារនៃប្រទេសថៃ ហើយយុទ្ធនាការនៃការចុះឈ្មោះនេះបានចាប់ផ្តើមតាំងពីថ្ងៃទី១៥ ខែមករា និងត្រូវបញ្ចប់នៅថ្ងៃទី១៣ កុម្ភៈ ឆ្នាំ២០២១ កន្លងទៅថ្មីៗនេះ។ គួររម្លឹកជូនថា ការសម្រុកទៅចុះឈ្មោះពីសំណាក់ក្រុមពលករចំណាកស្រុកនៅពេលនេះ ត្រូវបានធ្វើឡើងក្រោយអាជ្ញាធរថៃបានប្រកាសឲ្យក្រុមពលករដែលបានចូលក្នុងប្រទេសថៃដោយខុសច្បាប់ទាំងអស់ ត្រូវតែប្រញាប់មកចុះឈ្មោះដើម្បីទទួលសិទ្ធធ្វើការងារដោយស្របច្បាប់នៅក្នុងប្រទេសថៃរយៈពេល ២ឆ្នាំ ខណៈដែលការចុះឈ្មោះនេះក៏អាចធ្វើឲ្យអាជ្ញាធរថៃងាយស្រួលក្នុងការគ្រប់គ្រងការរាតត្បាតនៃជំងឺ COVID-19 ផងដែរ។ ជម្រាបផងដែរថា ការផ្ទុះឡើងនៃជំងឺ COVID-19 រលកចុងក្រោយដែលកំពុងរាលដាលនៅប្រទេសថៃ គឺភាគច្រើនបានកើតមានក្នុងចំណោមពលករចំណាកស្រុកនេះផ្ទាល់តែម្ដង ដូច្នេះការចុះឈ្មោះនេះគឺនឹងជួយសម្រាលបន្ទុកដល់អាជ្ញាធរ ក្នុងការកំណត់អត្តសញ្ញាណពលករទាំងនោះ។ ប្រភពខាងលើបានបញ្ជាក់ថា ចំនួនពលករសរុបដែលបានទៅចុះឈ្មោះស្របច្បាប់ជាមួយក្រសួងការងារថៃគិតមកទល់ពេលនេះគឺមានចំនួន ៦៥៤ ៨៦៤នាក់