ជប៉ុន៖ ករណីមានអ្នកស្លាប់បាត់បង់ជីវិតដោយសារការប្រើប្រាស់ផលិតផលអាហារបំប៉នសុខភាពនៅក្នុងប្រទេសជប៉ុនកំពុងតែក្លាយជារឿងរ៉ាវដ៏គួរឱ្យបារម្ភបំផុតមួយ ដ្បិតចំនួនអ្នកស្លាប់បានបន្តកើនឡើងជាបន្តបន្ទាប់នៅក្នុងរយៈពេលប៉ុន្មានខែចុងក្រោយនេះ។ បើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសៅរ៍ ទី២៩ ខែមិថុនានេះបានបញ្ជាក់ថា គិតត្រឹមពេលនេះចំនួនអ្នកស្លាប់ក្នុងករណីខាងលើបានបន្តកើនឡើងរហូតដល់ ៨០នាក់ហើយ និងជាច្រើននាក់ផ្សេងទៀតកំពុងសម្រាកព្យាបាលនៅក្នុងមន្ទីរពេទ្យ។ សូមបញ្ជាក់ជូនថា ករណីមានជនរងគ្រោះដោយការប្រើប្រាស់អាហារបំប៉ននេះបានផ្តើមកើតឡើងតាំងតែពីអំឡុងខែមីនាម្លេះ ដោយនៅពេលនោះមានជនរងគ្រោះសរុបចំនួន ១៥៧នាក់ត្រូវបានបញ្ជូនទៅកាន់មន្ទីរពេទ្យដើម្បីទទួលបានសេវាសង្គ្រោះបន្ទាន់។ ក្រោយមកជនរងគ្រោះក៏បានស្លាប់ជាបន្តបន្ទាប់ហើយធ្វើឱ្យតួលេខអ្នកស្លាប់បានកើនឡើងរហូតដល់ ៨០នាក់ ខណៈមួយចំនួនក៏បានជះសះស្បើយនឹងបានត្រលប់ទៅផ្ទះវិញជាធម្មតាផងដែរ។ សូមបញ្ជាក់ថា អាហារបំប៉នសុខភាពដែលជាដើមហេតុបង្កឱ្យមានករណីគ្រោះថ្នាក់នេះគឺជាអាហារបំប៉ន Choleste Help Rice និង Red-yeast pills ដែលជាផលិតផលរបស់ក្រុមហ៊ុនផលិត​​ឱសថ Kobayashi Pharmaceutical មានមូលដ្ឋាននៅក្នុងប្រទេសជប៉ុន៕ អត្ថបទ៖ ភក្តី ប្រភព៖ The Strait

ឥណ្ឌា៖ ព្រលានយន្តហោះអន្តរជាតិ​ Indira Gandhi International Airport របស់ប្រទេសឥណ្ឌាបានជួបប្រទះគ្រោះថ្នាក់ដ៏កម្រមួយកាលពីល្ងាចថ្ងៃទី២៨ ខែមិថុនាកន្លងទៅនេះ ដោយដំបូលមួយផ្នែករបស់អគារព្រលានយន្តហោះ បានបាក់ធ្លាក់ចុះមកយ៉ាងឆាប់រហ័ស និងបានបណ្តាលឱ្យអ្នកដំណើរម្នាក់បានស្លាប់ភ្លាមៗនៅហ្នឹងកន្លែងកើតហេតុ។ ក្រៅតែពីបានបណ្តាល​​ឱ្យមានមនុស្សស្លាប់ហើយ ហេតុការណ៍អកុសលនេះ ក៏បានបណ្តាលឱ្យមានមនុស្សចំនួន ៨នាក់ផ្សេងទៀតបានរងរបួស ហើយជើងយន្តហោះជាង ៤០ជើងត្រូវបានពន្យារពេលជាបន្ទាន់ផងដែរ។ បើតាមអាជ្ញាធរឥណ្ឌាបានបញ្ជាក់ថា ដំបូលរបស់ព្រលានយន្តហោះបានបាក់ធ្លាក់ចុះមកក្រោយនៅតំបន់ព្រលានយន្តហោះនោះបានទទួលរងនូវឥទ្ធិពលភ្លៀងធ្លាក់យ៉ាងខ្លាំង ពោលគឺជាភ្លៀងដែលបានធ្លាក់ក្នុងកម្រិតដ៏ច្រើនបំផុតមិនធ្លាប់មាននោះទេនៅក្នុងរយៈពេល ៨៨ឆ្នាំចុងក្រោយនេះ។ ប្រភពខាងលើបានបន្តថា ហេតុការណ៍ដ៏កម្រនេះបានកំពុងតែបង្កឱ្យមានការព្រួយបារម្ភ និងការជជែកវែកញែកគ្នាយ៉ាងផុសផុលនៅក្នុងចំណោមប្រជាពលរដ្ឋឥណ្ឌា ដ្បិតពួកគេបារម្ភថា នៅពេលមានភ្លៀងធ្លាក់ខ្លាំងនៅពេលក្រោយទៀត គឺហេតុការណ៍ដូចគ្នា ក៏អាចកើតមានគ្រប់ទីកន្លែងផងដែរ ខណៈពួកគេមិនដឹងថាត្រូវត្រៀមការពារខ្លួនពីគ្រោះថ្នាក់ចៃដន្យដូចនេះដោយរបៀបណានោះទេ៕  អត្ថបទ៖ ភក្តី ប្រភព៖ Strait Time

បច្ចេកវិទ្យាបញ្ញាសប្បនិម្មិត (AI) បានបន្តរីកចម្រើនកាន់តែខ្លាំងឡើងៗពីមួយថ្ងៃទៅមួយថ្ងៃ ហើយបច្ចេកវិទ្យានេះក៏បានចូលខ្លួននៅជំនួយការងាររបស់មនុស្សកាន់តែច្រើនឡើងៗផងដង។ ជាក់ស្តែងមានការសិក្សាមួយបានបង្ហាញថា នៅពេលអនាគតសិង្ហបុរីអាចនឹងក្លាយជាប្រទេសដែលប្រឈមនឹងបញ្ហាបាត់បង់ការងារខ្ពស់ជាងគេនៅតំបន់អាស៊ីដោយសារតែបច្ចេកវិទ្យាបញ្ញាសប្បនិម្មិត នេះបើយោងតាមការចុះផ្សាយរបស់បណ្តាញសារព័ត៌មាន World of Buzz នៅក្នុងថ្ងៃទី២៧ ខែមិថុនា។ ការសិក្សាមួយនេះត្រូវបានធ្វើឡើងដោយមូលនិធិរូបិយវត្ថុអន្តរជាតិ (IMF) ដែលបានសិក្សាទៅលើហេដ្ឋារចនាសម្ព័ន្ធឌីជីថល មូលធនមនុស្ស គោលនយោបាយការងារ ការច្នៃប្រឌិត សមាហរណកម្ម និងបទប្បញ្ញត្តិរផ្សេងៗរបស់ប្រទេសចំនួន ១៧៤នៅក្នុងតំបន់អាស៊ី និងបានដាក់ពិន្ទុនៃបញ្ហាប្រឈមក្នុងការបាត់បង់ការងាររបស់ប្រទេសទាំងនោះចន្លោះពី ០,២ ឬទាបជាងនេះជាកម្រិតទាបបំផុតរហូតដល់កម្រិត ០,៨ ឬខ្ពស់ជាងនេះជាកម្រិតខ្ពស់បំផុត។ លទ្ធផលក្នុងការសិក្សាបានបង្ហាញថា ក្រុមប្រទេសដែលមានខឿនសេដ្ឋកិច្ចខ្ពស់មួយចំនួនអាចប្រឈមនឹងបញ្ហាបាត់បង់ការងារតាមកម្រិតកពិន្ទុដូចខាងក្រោមនេះ៖ ១-សិង្ហបុរី ទទួលបានពិន្ទុ ០,៨ ២-ជប៉ុន និងកូរ៉េខាងត្បូង ទទួលបានពិន្ទុ

ប៉ាគីស្ថាន៖ យ៉ាងហោចណាស់មានពលរដ្ឋប៉ាគីស្ថានចំនួន ៥៦៨នាក់បានស្លាប់បាត់បង់ជីវិតដោយសារបញ្ហារលកកម្តៅនៅក្នុងរយៈពេល ៦ថ្ងៃចុងក្រោយនេះ នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃព្រហស្បតិ៍ ទី២៧ ខែមិថុនា។ ទីតាំងដែលកំពុងរងការគំរាមគំហែងដោយសារបញ្ហារលកកម្តៅនេះ គឺតំបន់ដែលស្ថិតនៅប៉ែកខាងត្បូងប្រទេសប៉ាគីស្ថាន ដោយនៅទីនោះសីតុណ្ហភាពបានកើនឡើងរហូតដល់ជាង ៤០អង្សាសេ និងបន្ថែមជាមួយចំហាយក្តៅយ៉ាង​ខ្ពស់នៅក្នុងបរិយាកាសទៀតនោះ គឺវាបានធ្វើឱ្យពលរដ្ឋមានអារម្មណ៍ក្តៅដូចស្ថិតនៅក្រោមសីតុណ្ហភាព ៤៩អង្សាសេអីចឹង។ បើតាមអាជ្ញាធរប៉ាគីស្ថានបានបញ្ជាក់ថា កាលពីថ្ងៃអង្គារ ទី២៥ ខែមិថុនាកន្លងទៅ គឺជាថ្ងៃដែលមានមនុស្សស្លាប់ច្រើនជាងគេដោយនៅក្នុងថ្ងៃនោះតែមួយថ្ងៃមានអ្នកស្លាប់រហូតដល់ ១៤១នាក់។ ប្រភពខាងលើបានបន្តថា នៅក្នុងចំណោមជនរងគ្រោះដែលបានស្លាប់បាត់បង់ជីវិតទាំងនោះ គឺមានជនរងគ្រោះចំនួន ២៦៧នាក់បានស្លាប់ដោយសារបញ្ហាដាច់សរសៃឈាមក្នុងខួរក្បាល បន្ទាប់ពីពួកគេបានព្យាយាមធ្វើការងារនៅក្រោយកម្តៅថ្ងៃខ្លាំងអស់រយៈពេលជាច្រើនម៉ោង ខណៈជនរងគ្រោះចំនួន ៣០១នាក់ផ្សេងទៀតមិនត្រូវបានគេរកឃើញមូលហេតុជាក់លាក់ដែលបណ្តាលឱ្យ​ស្លាប់ឡើយ ដោយគេដឹងត្រឹមថា ពួកគេបានដួលសន្លប់ហើយបន្តិចក្រោយមកក៏ស្លាប់បន្ទាប់ពីពួកគេបានស្ថិតនៅក្នុងក្រោមកម្តៅថ្ងៃខ្លាំងក្នុងរយៈពេលយូរ៕ អត្ថបទ៖ ភក្តី ប្រភព៖ BBC

ជប៉ុន៖ អ្នកឡើងភ្នំ Fuji ដែលជាភ្នំដ៏ល្បីល្បាញបំផុតមួយនៅក្នុងប្រទេសជប៉ុនចំនួន ៤នាក់បានស្លាប់បាត់បង់ជីវិត នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃព្រហស្បតិ៍ ទី២៧ ខែមិថុនា។ ការស្លាប់របស់អ្នកឡើងភ្នំទាំង ៤នាក់នេះបានកើតឡើងតែប៉ុន្មានថ្ងៃប៉ុណ្ណោះមុនពេលរដូវកាលដើរឡើងភ្នំរដូវក្តៅនៅក្នុងប្រទេសជប៉ុនត្រូវបានចាប់ផ្តើម។ ប្រភពខាងលើបានបន្តថា នៅក្នុងចំណោមសាកសពអ្នកឡើងភ្នំទាំង ៤នាក់នោះគឺមានសាកសពចំនួន ៣នាក់មិនទាន់ត្រូវបានគេស្គាល់អត្តសញ្ញាណនៅឡើយទេ ខណៈខាងអាជ្ញាធរជប៉ុនកំពុងប្រកាសស្វែងរកសាច់ញាតិឱ្យមកទទួលយកសាកសពទៅធ្វើបុណ្យតាមប្រពៃណី។ សូមបញ្ជាក់ជូនថា នៅក្នុងរដូវដើរឡើងភ្នំនារដូវក្តៅនេះអាជ្ញាធរជប៉ុននឹងបើកឱ្យភ្ញៀវទេសចរណ៍ជាតិនិងអន្តរជាតិអាចដើរឡើងលើភ្នំជាលក្ខណៈកម្សាន្តបានជាមួយតម្លៃ ២,០០០យេន (១៣ដុល្លារ)សម្រាប់មនុស្សម្នាក់ ខណៈការដើរឡើងភ្នំម្តងគឺអាជ្ញាធរបានកំណត់ឱ្យមានចំនួនមនុស្សត្រឹមតែ ៤,០០០នាក់ប៉ុណ្ណោះដើម្បីកាត់បន្ថយភាពកកស្ទះ៕ អត្ថបទ៖ ភក្តី ប្រភព៖ Channel News Asia

ហ្វាំងឡង់៖ ប្រទេសហ្វាំងឡង់គ្រោងនឹងបើកយុទ្ធនាការចាក់វ៉ាក់សាំងការពារជំងឺផ្តាសាយបក្សីនៅក្នុងសប្តាហ៍នេះ ខណៈការចាក់វ៉ាក់សាំងនេះនឹងធ្វើឱ្យប្រទេសហ្វាំងឡង់ក្លាយជាប្រទេសដែលមានការចាក់វ៉ាក់សាំងការពារជំងឺផ្តាសាយបក្សីដំបូងគេនៅពិភពលោកផងដែរ។ យោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី២៦ ខែមិថុនានេះបានបញ្ជាក់ថា ក្រុមពលរដ្ឋហ្វាំងឡង់ដែលនឹងត្រូវទទួលបានវ៉ាក់សាំងដំបូងគេនេះមានចំនួនត្រឹមតែ ១០០,០០០នាក់ប៉ុណ្ណោះ ដ្បិតវ៉ាក់សាំងនៅមានចំនួនកំណត់នៅឡើយ។ ប្រភពខាងលើបានបន្តថា ពលរដ្ឋហ្វាំងឡង់ទាំង ១០០,០០០នាក់នោះគឺជាក្រុមពលរដ្ឋរស់នៅក្នុងតំបន់ Nordic ខណៈពួកគេគឺសុទ្ធតែជាក្រុមកម្មករដែលត្រូវប៉ះពាល់យ៉ាងជិតស្និតជាសត្វចិញ្ចឹមជាច្រើនប្រភេទជារៀងរាល់ថ្ងៃ។ បើតាមអាជ្ញាធរសុខាភិបាលនៃប្រទេសហ្វាំងឡង់បានបញ្ជាក់ថា វ៉ាក់សាំងការពារជំងឺផ្តាសាយបក្សីនឹងត្រូវចាក់ជូនចំនួន ២ដូសទៅកាន់ពលរដ្ឋម្នាក់ ហើយគិតត្រឹមពេលនេះនៅតំបន់អឺរ៉ុបទាំងមូលគឺមានវ៉ាក់សាំងការពារជំងឺផ្តាសាយបក្សីសរុបចំនួន ៤០លានដូសសម្រាប់បែងចែកទៅកាន់ប្រទេសចំនួន ១៥ផ្សេងគ្នា៕ អត្ថបទ៖ ភក្តី ប្រភព៖The Strait Time

កូរ៉េខាងត្បូង៖ អាកាសយានដ្ឋានអន្តរជាតិ Incheon របស់ប្រទេសកូរ៉េខាងត្បូង ត្រូវបានបិទផ្លូវរត់រយៈពេលប្រហែល ៣ម៉ោង កាលពីថ្ងៃទី២៦ ខែមិថុនា ឆ្នាំ២០២៤ ម្សិលមិញនេះ ដោយសារតែការបង្ហោះបាឡុងសំរាមមកពីប្រទេសកូរ៉េខាងជើង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី២៦ ខែមិថុនា។ អ្នកនាំពាក្យអាកាសយានដ្ឋានបានឱ្យដឹងថា មានបាឡុងចំនួន ៤បានបានធ្លាក់ទៅក្នុងបរិវេណនៃព្រលានយន្តហោះ ដោយក្នុងនោះមានបាឡុងចំនួន ៣ បានធ្លាក់នៅលើផ្លូវដែលយន្តហោះត្រូវចុះចត និងចេញដំណើរ ខណៈបាឡុងមួយផ្សេងទៀតបានធ្លាក់នៅចំច្រកចេញចូលរបស់អ្នកដំណើរ។ ហើយនេះក៏​មិន​មែន​ជា​លើក​ទី​មួយ​ទេ​ ដែល​ប្រតិបត្តិការ​នៅ​អាកាសយានដ្ឋាន​ដែល​មាន​ចម្ងាយ​ប្រហែល ៤០ គីឡូម៉ែត្រ​ពី​ព្រំដែន​កូរ៉េ​ខាង​ជើង ​ត្រូវ​បាន​រំខាន​ដោយ​បាឡុងទាំងនោះ​។ ទន្ទឹមនឹងនេះដែរ សាជីវកម្មអាកាសយានដ្ឋានអន្តរជាតិ Incheon

អេមីរ៉ាត់អារ៉ាប់រួម៖ រដ្ឋាភិបាលនៃប្រទេសអេមីរ៉ាត់អារ៉ាប់រួមបានអនុម័តលើគម្រោងដ៏ធំមួយដើម្បីអភិវឌ្ឍប្រព័ន្ធលូនៅក្នុងទីក្រុងឌូប៉ៃ បើទោះជាទីក្រុងនៅតំបន់វាលខ្សាច់មួយនេះត្រូវបានគេស្គាល់ថា ជាទីក្រុងប្រណិតលំដាប់ពិភពលោករួចហើយក៏ដោយ។ បើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអង្គារ ទី២៥ ខែមិថុនានេះបានបញ្ជាក់ថា គម្រោងអភិវឌ្ឍន៍ប្រព័ន្ធលូទ្រង់ទ្រាយធំមួយនេះ នឹងត្រូវចំណាយអស់ថវិកាចំនួន ៣០ពាន់លានដាហាម ឬស្មើនឹងជាង ៨,១៦ពាន់លានដុល្លារអាមេរិក។ បើតាមអាជ្ញាធរអេមីរ៉ាត់អារ៉ាប់រួមបានបញ្ជាក់ថា តាមផែនការគឺគម្រោងខាងលើនេះនឹងត្រូវបញ្ចប់ការសាងសង់ជាផ្លូវការនៅត្រឹមឆ្នាំ ២០៣៣ ខណៈប្រព័ន្ធលូថ្មីនេះនឹងមានសមត្ថភាពអាចរំដោះទឹកភ្លៀងចេញពីទីក្រុងឌូប៉ៃបានក្នុងបរិមាណ ២០លានម៉ែត្រគូបក្នុងមួយថ្ងៃ។ ប្រភពខាងលើបានបន្តថា គម្រោងអភិវឌ្ឍន៍ប្រព័ន្ធលូនេះត្រូវបានផ្តួចផ្តើមធ្វើឡើងក្នុងគោលបំណងដើម្បីបញ្ចៀសជំនន់ទឹកភ្លៀងនៅក្នុងទីក្រុងឌូប៉ៃ​ក្នុងពេលអនាគត ដ្បិតកាលពីអំឡុងខែមេសាកន្លងទៅនេះក្រុងឌូប៉ៃបានរងនូវសម្ពាធទឹកភ្លៀងក្នុងបរិមាណដ៏ច្រើនបំផុតមិនធ្លាប់មាននោះទេបើគិតចាប់តាំងពីឆ្នាំ ១៩៤៩មក ហើយក្រោយមានភ្លៀងធ្លាក់ដ៏ច្រើននោះ វាក៏បានបង្កឱ្យមានទឹកជំនន់យ៉ាងឆាប់រហ័ស ដែលបានបណ្តាលឱ្យមានមនុស្សស្លាប់ និងបំផ្លាញហេដ្ឋរចនាសម្ព័ន្ធអស់ជាច្រើនកន្លែងផងដែរ៕ អត្ថបទ៖ ភក្តី ប្រភព៖ The Strait Time

ថៃ៖ ប្រទេសថៃបានចាប់ផ្តើមបញ្ជូនពលរដ្ឋខ្លួនឱ្យទៅបម្រើការងារក្នុងវិស័យកសិកម្មនៅក្នុងប្រទេសអ៊ីស្រាអែលជាថ្មីម្តងទៀតហើយ ក្រោយគម្រោងនេះត្រូវបានអាក់ខានមួយរយៈដោយសារភ្លើងសង្គ្រាមរវាងកងកម្លាំងអីស្រាអែល និងក្រុមហាម៉ាសប៉ាឡេស្ទីនបានកើតឡើង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃចន្ទ ទី២៤ ខែមិថុនា។ តាមគម្រោង គឺនឹងមានពលករថៃចំនួន ១០០នាក់ត្រូវចេញដំណើរពីទីក្រុងបាងកក ប្រទេសថៃទៅកាន់ប្រទេសអ៊ីស្រាអែលនៅក្នុងថ្ងៃអង្គារ ទី២៥ ខែមិថុនានេះ ដែលពួកគេគឺក្រុមដំបូងបើរាប់ចាប់តាំងពីសង្គ្រាមបានកើតឡើងមក។ បើតាមក្រសួងការងារថៃបានបញ្ជាក់ថា នៅដើមខែកក្កដាខាងមុខនេះ ក៏នឹងមានពលករថៃជាច្រើននាក់បន្ថែមទៀតដែលត្រូវបញ្ជូនទៅកាន់ប្រទេសអ៊ីស្រាអែលផងដែរ ខណៈតាមផែនការ គឺត្រឹមចុងឆ្នាំ ២០២៤នេះ ថៃនឹងត្រូវបញ្ជូនពលរដ្ឋឱ្យទៅធ្វើការងារនៅក្នុងប្រទេសអ៊ីស្រាអែលឱ្យបានចំនួនជាង ១០,០០០នាក់។ សូមបញ្ជាក់ជូនថា​ មុនពេលមានសង្គ្រាមផ្ទុះឡើងចំនួនពលករថៃ បានទៅបម្រើការងារនៅក្នុងប្រទេសអ៊ីស្រាអែលមានចំនួនរហូតដល់ជាង ៣០,០០០នាក់ឯណោះ តែភ្លាមៗក្រោយសង្គ្រាមបានកើតឡើងក្រុមពលករទាំងនោះក៏បានសម្រុកធ្វើដំណើរត្រលប់មកកាន់ប្រទេសកំណើតវិញ។ សូមរម្លឹកជូនផងដែរថា នៅក្នុងពេលដែលសង្គ្រាមបានផ្ទុះឡើងកាលថ្ងៃទី៧ ខែតុលា

ឥណ្ឌា៖ យ៉ាងហោចណាស់មានពលរដ្ឋឥណ្ឌចំនួន ៥៦នាក់បានស្លាប់បាត់បង់ជីវិត និង១១៧នាក់ផ្សេងទៀតកំពុងសម្រាកព្យាបាលនៅមន្ទីរពេទ្យក្រោយពួកគេបាននាំគ្នាផឹកស្រាផលិតក្នុងស្រុកមួយប្រភេទ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី២៤ ខែមិថុនា។​ ហេតុការណ៍អកុសលនេះបានកើតឡើងនៅក្នុងតំបន់ Kallakurichi  ដែលស្ថិតនៅក្នុងរដ្ឋ Tamil Nadu ភាគខាងត្បូងនៃប្រទេសឥណ្ឌា។ គួរកត់សម្គាល់ថា​ ក្រុមជនរងគ្រោះខាងលើនេះគឺជាក្រុ​មកម្មករដែលធ្វើការងារនៅកន្លែងជាមួយគ្នា ហើយស្រាដែលពួកគេបានផឹកនោះគឺជាផលិតផលស្រាដែលស្ថិតក្រោមម៉ាកយីហោ “Arrack” ខណៈស្រាប្រភេទនេះគឺជាស្រាដែលមានតម្លៃថោកនិងត្រូវបានត្រូវបានគេវេចខ្ចប់លក់ក្នុងទម្រង់ផ្សេងៗជាច្រើនមានទាំងដបតូច តូបធំ និងកញ្ចប់ប្លាស្ទិកទៀតផង។ ប្រភពខាងលើបានបន្តថា ចំពោះករណីក្រុមជនរងគ្រោះខាងលើនេះគឺពួកគេបាននាំគ្នាផឹកស្រា “Arrack” ដែលត្រូវបានគេដាក់លក់ជាកញ្ចប់ប្លាស្ទិកដោយក្នុងមួយកញ្ចប់មានតម្លៃ ៦០រូពី (០,៧០ ដុល្លារ) ហើយក្រោយផឹកស្រានេះរួចពួកគេក៏ចាប់ផ្តើមពុលជាបន្តបន្ទាប់គ្នា ដ្បិតនៅក្នុងស្រាដែលមានតម្លៃថោកនេះមានផ្ទុកទៅដោយជាតិមេតាណុលយ៉ាងខ្ពស់៕ ប្រភព៖ Channel News Asia