ម៉ាឡេស៊ី៖ អាជ្ញាធរម៉ាឡេស៊ីបានរឹបអូសសត្វអណ្តើកចំនួន ៤០០ក្បាលពីក្រុមអ្នករត់ពន្ធសត្វព្រៃខុសច្បាប់ ខណៈអណ្តើកទាំងអស់នោះគឺសុទ្ធតែជាពូជអណ្តើកកម្រនិងកំពុងត្រូវបានគេអភិរក្សផងដែរ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃព្រហស្បតិ៍ ទី៤ ខែកក្កដា។ ការបង្រ្កាបករណីរត់ពន្ធនេះគឺផ្នែកមួយនៃយុទ្ធនាការបំបែកសំណុំរឿងឧក្រិដ្ឋកម្មជួញដូរសត្វដណ្តើកខុសច្បាប់លក្ខណៈអន្តរជាតិ ដែលអាជ្ញាធរម៉ាឡេស៊ីបានហៅសំណុំរឿងនេះថា “និនចារអណ្តើកទំនើង” (Ninja Turtle Gang)។ បើតាមលោក Abdul Kadir Abu Hashim ដែលជាអគ្គនាយនៃអគ្គនាយកដ្ឋានសត្វព្រៃ និងឧទ្យានជាតិម៉ាឡេស៊ីបានបញ្ជាក់ថា សត្វអណ្តើកទាំង ៤០០ក្បាលនេះមានតម្លៃជាទឹកប្រាក់ចំនួន ៣,៨លានរីងហ្គីត (៨០៥,០៨៤ដុល្លារអាមេរិក) ហើយក្រុមជនខិលខូចបានព្យាយាមលាក់សត្វដណ្តើកទាំងនេះនៅក្នុងវ៉ាលីរបស់ពួកគេនិងព្យាយាមរត់ពន្ធតាមផ្លូវអាកាសនិងតាមផ្លូវគោកផងដែរ។ អគ្គនាយករូបនេះបានបន្តថា​ ចាប់តាំងពីអនុវត្តយុទ្ធនាការបំបែកសំណុំរឿង “និនចារអណ្តើកទំនើង” មកអាជ្ញាធរម៉ាឡេស៊ីបានជួយសង្គ្រោះសត្វអណ្តើករាប់ពាន់ក្បាលហើយ ខណៈសត្វអណ្តើកដែលបានជួយសង្គ្រោះចេញពីដៃក្រុមជនខិលខូចគឺត្រូវបានគេយកទៅដាក់ចិញ្ចឹមនៅតាមសួនសាធារណៈ សួនសត្វ និងដែនជម្រកសត្វអណ្តើកដែលស្ថិតក្រោមការគ្រប់គ្រងរបស់អាជ្ញាធរម៉ាឡេស៊ី៕

ថៃ៖ ក្រុមហ៊ុនផលិតរថយន្ត BYD របស់ចិនបានបើករោងចក្រផលិតរថយន្តអគ្គិសនីរបស់ខ្លួននៅក្នុងប្រទេសថៃ ហើយវាក៏ជារោងចក្រដំបូងគេបង្អស់នៅក្នុងតំបន់អាស៊ីអាគ្នេយ៍ផងដែរ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃព្រហស្បតិ៍ ទី៤​​ ខែកក្កដា។ បើតាមលោក Wang Chuanfu ដែលជាប្រធាននិងជានាយកប្រតិបត្តិរបស់ក្រុមហ៊ុន BYD បានបញ្ជាក់ថា ការបើករោងចក្រផលិតរថយន្តនៅក្នុងប្រទេសថៃនេះក៏ជាផ្នែកមួយជួយនាំយកវិស័យបច្ចេកវិទ្យាពីប្រទេសចិនទៅកាន់ប្រទេសថៃផងដែរ។ លោក Wang Chuanfu បានបន្តថា ការសម្រេចបើករោងចក្រផលិតរថយន្តអគ្គិសនីនៅក្នុងប្រទសថៃនៅពេលនេះគឺដោយសារការមើលឃើញថា ថៃជាប្រទេសដែលមានចក្ខុវិស័យច្បាស់លាស់ក្នុងការប្រើប្រាស់រថយន្តដើរដោយថាមពលអគ្គិសនី ហើយថៃក៏ជាទីតាំងដែលផ្តល់ភាពងាយស្រួលក្នុងការនាំចេញរថយន្តអគ្គិសនីនៅកាន់បណ្តាលប្រទេសទាំង ១០ដែលនៅក្នុងតំបន់អាស៊ីអាគ្នេយ៍ផងដែរ។ ប្រភពខាងលើបានបន្តថា ការបើករោងចក្រផលិតរថយន្តដើរដោយថាមពលអគ្គិសនីនៅក្នុងប្រទេសថៃនៅពេលនេះគឺជាការវិនិយោគក្នុងទំហំទឹកប្រាក់ ៤៩០លានដុល្លារ ហើយវាគឺផ្នែកមួយនៃគម្រោងវិនិយោគតម្លៃ ១,៤៤ពាន់លានដុល្លារបស់ក្រុមហ៊ុន BYD នៅក្នុងតំបន់អាស៊ី។ តាមគម្រោងគឺរោងចក្រផលិតរថយន្តដើរដោយថាមពលអគ្គិសនីនៅក្នុងប្រទេសថៃនឹងមានសមត្ថភាពអាចផលិតរថយន្តបានចំនួន ១៥០,០០០គ្រឿងនៅក្នុងមួយឆ្នាំ​ សម្រាប់ដាក់លក់នៅក្នុងប្រទេសថៃនិងចែកចាយទៅកាន់បណ្តាប្រទេសនៅតំបន់អាស៊ីអាគ្នេយ៍។ សូមបញ្ជាក់ជូនថា ក្នុងរយៈពេលជាច្រើនឆ្នាំចុងក្រោយនេះរថយន្តដើរដោយថាមពលអគ្គិសនីរបស់ចិនបានវាយលុកទីផ្សារពិភពលោកយ៉ាងខ្លាំង

ជប៉ុន៖ រដ្ឋាភិបាលនៃប្រទេសជប៉ុនបានសម្រេចដាក់ឱ្យចរាចរក្រដាសប្រាក់ថ្មីជាលើកដំបូងនៅក្នុងរយៈពេល ២០ឆ្នាំចុងក្រោយនេះ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃពុធ ទី៣ ខែកក្កដានេះ។ ក្រដាសប្រាក់ដែលទើបត្រូវបានបោះពុម្ពនិងដាក់ឱ្យប្រើប្រាស់ថ្មីនោះមានបីប្រភេទ គឺក្រដាសប្រាក់ ១,០០០ យេន (៦,១៨ ដុល្លារ) ក្រដាកប្រាក់ ៥,០០០យេន (៣០,៨៩ ដុល្លារ) និងក្រដាសប្រាក់ ១០,០០០យេន (៦១,៧៨ ដុល្លារ)។ ប្រភពខាងលើបានបន្តថា​ នៅក្នុងក្រដាសប្រាក់ទាំង ៣ប្រភេទនេះបានរំលេចទៅដោយរូបភាពរបស់បុគ្គលសំខាន់ៗចំនួន ៣នាក់ផ្សេងគ្នា ដែលជានិមិត្តរូបនៅក្នុងវិស័យអប់រំ វិទ្យាសាស្រ្ត និងហិរញ្ញវត្ថុ ដោយក្នុងនោះរួមមាន៖ ១-នៅក្នុងក្រដាសប្រាក់ ១,០០០

ចិន៖ ខេត្ត Anhui ដែលស្ថិតនៅប៉ែកខាងកើតនៃប្រទេសចិនកំពុងរងនូវការគំរាមគំហែងពីបញ្ហាព្យុះភ្លៀង (Rainstorm) យ៉ាងខ្លាំង នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃពុធ ទី៣ ខែកក្កដា។ ព្យុះភ្លៀងដែលបានបន្តធ្លាក់យ៉ាងជោគជាំជាច្រើនថ្ងៃមកនេះបានបណ្តាលឱ្យមានជំនន់ទឹកភ្លៀងនៅតាមសហគមន៍ជាច្រើន ខណៈកម្រិតទឹកនៅក្នុងទន្លេជាច្រើន និងជាពិសេសទន្លេ Yangtze ដែលជាទន្លេធំជាងគេនោះសុទ្ធតែបានឡើងខ្ពស់ព្រៀបច្រាំងស្ទើរតែធ្លាយជាទឹកជំនន់ទ្រង់ទ្រាយធំទៅហើយ។ នៅចំពោះមុនស្ថានភាពគ្រោះថ្នាក់នេះ អាជ្ញាធរចិនបានសម្រេចធ្វើការជម្លៀសពលរដ្ឋប្រមាណជា ២៤២,០០០នាក់ឱ្យទៅរស់នៅកន្លែងមានសុវត្ថិភាពជាបណ្តោះអាសន្នសិន ដើម្បីការពារគ្រោះថ្នាក់ផ្សេងៗដែលអាចកើតឡើងក្នុងករណីដែលព្យុះភ្លៀងនៅតែបន្តធ្លាក់ខ្លាំងនិងជម្រុញឱ្យទឹកត្រូវធ្លាយចេញពីទន្លេជាច្រើននៅជុំវិញខេត្ត Anhui ។ ប្រភពខាងលើបានបន្តថា ក្រៅតែពីបានធ្វើការជម្លៀសពលរដ្ឋងាយរងគ្រោះជាច្រើនសែននាក់ហើយ គិតត្រឹមពេលនេះឥទ្ធិពលរបស់ព្យុះភ្លៀងក៏កំពុងតែបង្កឱ្យមានការប៉ះពាល់ដល់ពលរដ្ឋចំនួន ៩៩១,០០០នាក់ផ្សេងទៀតផងដែរ ដោយផលប៉ះពាល់ទាំងនោះមានដូចជា គ្មានភ្លើងអគ្គិសនីប្រើប្រាស់ ពិបាកធ្វើដំណើរព្រោះទឹកលិចផ្លូវ និងខកខានមិនបានប្រកបអាជីវកម្មជាដើម៕ អត្ថបទ៖ ភក្តី ប្រភព៖ Channel News Asia

ឥណ្ឌា៖ យ៉ា​ងហោចណាស់មានពលរដ្ឋឥណ្ឌាចំនួន ១២១នាក់បានស្លាប់បាត់បង់ជីវិតនៅក្នុងហេតុការណ៍រត់ជាន់គ្នាដ៏គួរឱ្យរន្ធត់មួយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី៣ ខែកក្កដា។ ហេតុការណ៍អកុសលនេះបានកើតឡើងនៅក្នុងតំបន់ Hathras នៃរដ្ឋ Uttar Pradesh ដែលស្ថិតនៅប៉ែកខាងជើងនៃប្រទេសឥណ្ឌា។ ប្រភពខាងលើបានបន្តថា ហេតុការណ៍រត់ជាន់គ្នានេះបានកើតឡើងក្រោយមានពលរដ្ឋឥណ្ឌាប្រមាណជា ២៥០,០០០នាក់ បានជួបជុំគ្នាប្រារព្ធពិធីបុណ្យមួយតាមបែបសាសនាហិណ្ឌូ។ បើតាមអាជ្ញាធរឥណ្ឌាបានបញ្ជាក់ថា ការរៀបចំពិធីបុណ្យខាងលើនេះ គឺត្រូវបានធ្វើឡើងដោយមានការអនុញ្ញាតត្រឹមត្រូវពីសំណាក់អាជ្ញាធរតំបន់ ប៉ុន្តែចំនួនមនុស្សចូលរួមដែលអាជ្ញាធរបានកំណត់នោះ គឺមានត្រឹមតែ ៨០,០០០នាក់ប៉ុណ្ណោះ។ ដោយសារតែមានមនុស្សទៅចូលរួមច្រើនលើសកំណត់នេះហើយ ទើបបណ្តាលឱ្យមានចំនួនមនុស្សយ៉ាង​ច្រើនកកកុញនៅក្នុងបរិវេណដ៏តូចមួយ ហើយចុងក្រោយក៏បណ្តាលឱ្យមានហេតុការណ៍រត់ជាន់គ្នាស្លាប់តែម្តង៕ អត្ថបទ៖ ភក្តី ប្រភព៖ The Strait Time

មីយ៉ាន់ម៉ា៖ បញ្ហាប្រែប្រួលអាកាសធាតុបានកំពុងតែបង្កឱ្យប្រទេសមួយចំនួនត្រូវជួបប្រទះនូវគ្រោះធម្មជាតិយ៉ាងឆាប់រហ័ស ពោលគឺលឿនលើសពីការរំពឹងទុក។ ជាក់ស្តែងយោងតាមការចុះផ្សាយរបស់បណ្តាញសារព័ត៌មាន The Strait Time នៅរសៀលថ្ងៃអង្គារ ទី២ ខែកក្កដានេះបានឱ្យដឹងថា តំបន់ភាគខាងជើងនៃប្រទេសមីយ៉ាន់ម៉ាកំពុងប្រឈមនឹងបញ្ហាទឹកជំនន់ដ៏ឆាប់រហ័សមួយ ដែលឱ្យពលរដ្ឋជាច្រើនពាន់នាក់នៅ Myitkyina នៃរដ្ឋ Kachin ត្រូវជាប់គាំងមិនចេញទៅណាបាន។ ប្រភពខាងលើបានបន្តថា ទឹកជំនន់ដែលកំពុងបង្កការគំរាមគំហែងដល់ពលរដ្ឋមីយ៉ាន់ម៉ានៅពេលនេះគឺបានកើតឡើងប៉ុន្មានថ្ងៃប៉ុណ្ណោះបន្ទាប់ពីមានភ្លៀងធ្លាក់យ៉ាងជោគជាំជាច្រើនថ្ងៃជាប់គ្នា ហើយការធ្លាក់ភ្លៀងក្នុងបរិមាណដ៏ច្រើននេះទៀតសោធគឺបានកើតឡើងក្នុងរយៈមួយសប្តាហ៍ប៉ុណ្ណោះក្រោយសីតុណ្ហភាពនៅតាមតំបន់មួយចំនួននៅមីយ៉ាន់ម៉ាបានកើនឡើងរហូតដល់ ៤៨អង្សាសេ។ យ៉ាងណាក្តី គិតត្រឹមពេលនេះនៅមិនទាន់មានពលរដ្ឋមីយ៉ាន់ម៉ាណាម្នាក់បានស្លាប់បាត់បង់ជីវិតនៅឡើយទេ ខណៈអាជ្ញាធរមីយ៉ាន់ម៉ាបានសម្រេចទាញសញ្ញាគ្រោះថ្នាក់រួចហើយអំពីបញ្ហាទឹកជំនន់នេះ៕ អត្ថបទ៖ ភក្តី ប្រភព៖  The Strait Time

ប្រេស៊ីល៖ អ្នកដំណើរចំនួន ៤០នាក់ត្រូវបានបញ្ជូនទៅសង្គ្រោះនៅក្នុងមន្ទីរពេទ្យជាបន្ទាន់ ក្រោយយន្តហោះដឹកអ្នកដំណើរមួយគ្រឿងបានជួបបញ្ហារលាក់យ៉ាងខ្លាំងក្នុងអំឡុងពេលកំពុងហោះហើរនៅលើអាកាស នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអង្គារ​ ទី២ ខែកក្កដា។ យន្តហោះដឹកអ្នកមួយគ្រឿងនេះគឺជាយន្តហោះម៉ាក Boeing 787-9 Dreamliner ដែលស្ថិតនៅក្រោមប្រតិ​បត្តិការណ៍ហោះហើររបស់ក្រុមហ៊ុនអាកាសចរណ៍ Air Europa។ ប្រភពខាងលើបានបន្តថា នៅក្នុងពេលកើតហេតុយន្តហោះមួយគ្រឿងនេះមានផ្ទុកមនុស្សសរុបចំនួន ៣២៥នាក់ និងមានទិសដៅហោះចេញពីទីក្រុង Madrid នៃប្រទេសអេស្ប៉ាញឆ្ពោះទៅកាន់ទីក្រុង Montevideo នៃប្រទេសអ៊ុយរូហ្គាយ។ យ៉ាងណាក្តី ក្រោយជួបហេតុការណ៍គ្រោះថ្នាក់ខាងលើយន្តហោះក៏បានសុំធ្វើការចុះចតជាបន្ទាន់នៅក្នុងព្រលានយន្តហោះ Natal ដែលជាស្ថិតនៅភាគខាងកើតនៃប្រទេសប្រស៊ីល។ បើតាមអាជ្ញាធរប្រេស៊ីលបានបញ្ជាក់ថា ជនរងគ្រោះទាំង ៤០នាក់នោះគឺជាពលរដ្ឋមកពីបណ្តាលប្រទេសផ្សេងៗគ្នាដូចជា អេស្ប៉ាញ អាហ្សង់ទីន អ៊ុយរូហ្គាយ

ចិន៖ ក្រុមអ្នកវិទ្យាសាស្រ្តចិនកំពុងអភិវឌ្ឍឆ្កែយន្តដ៏ឆ្លាតវ័យបំផុតមួយសម្រាប់ជួយសម្រួលដល់ការធ្វើដំណើររបស់អ្នកពិការភ្នែក ខណៈបច្ចេកវិទ្យាដ៏ទំនើបនេះគឺជាក្តីសង្ឃឹមថ្មីមួយរបស់ក្រុមពលរដ្ឋដែលកំពុងមានបញ្ហាពិការភ្នែករាប់លាននាក់នៅទូទាំងប្រទេសចិន។ បើយោងតាមការចុះផ្សាយរបស់បណ្តាញសារព័ត៌មាន VN Express បានបញ្ជាក់ថា ឆ្កែយន្តឆ្លាតវ័យនេះកំពុងស្ថិតនៅក្នុងដំណាក់កាលសាកល្បងនៅឡើយ ហើយវាត្រូវបានរចនាឡើងដោយមានជើងចំនួន៦ និងត្រូវបានគេដាក់ឱ្យដំណើរការដោយបច្ចេកវិទ្យា AI ឬបញ្ញាសិប្បនិម្មិត។ បើតាមលោកសាស្រ្តាចារ្យ Gao Feng ដែលជាអ្នកស្រាវជ្រាវនៅសាលាវិស្វកម្មមេកានិចនៃសាកលវិទ្យាល័យ Shanghai Jiaotong បានបញ្ជាក់ថា នៅជុំវិញឆ្កែយន្តមានបំពាក់ទៅដោយកាមេរ៉ា និង Sensor យ៉ាងទំនើប ដែលអនុញ្ញាតឱ្យឆ្កែយន្តអាចដឹងអំពីឧបសគ្គនៅជុំវិញខ្លួនជាច្រើនម៉ែត្រ ហើយឆ្កែយន្តក៏មានសមត្ថភាពអាចដឹងអំពីភ្លើងសញ្ញាចរាចរណ៍ផងដែរ។ លោកសាស្រ្តចារ្យរូបនេះបានបន្តថា ឆ្កែយន្តឆ្លាតវ័យនេះនឹងមានតម្រូវការយ៉ាងខ្ពស់នៅក្នុងប្រទេសចិនក្នុងពេលអនាគត ដ្បិតគិតត្រឹមពេលនេះនៅទូទាំងប្រទេសចិនមានពលរដ្ឋពិការភ្នែករហូតដល់ចំនួណ ២០លាននាក់ ខណៈឆ្កែយន្តដែលគេអាចប្រើប្រាស់សម្រាប់ជួយពួកគេបានគិតត្រឹមពេលនេះមានចំនួនត្រឹមតែ ៤០០គ្រឿងប៉ុណ្ណោះ៕ អត្ថបទ៖ ភក្តី ប្រភព៖ VN Express

ថៃ៖ យ៉ាងហោចណាស់មានពលរដ្ឋថៃម្នាក់បានស្លាប់បាត់បង់ជីវិតនៅក្នុងហេតុការណ៍ផ្ទុះរថយន្តមួយគ្រឿង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី១ ខែកក្កដា។ ហេតុការណ៍អកុសនេះបានកើតឡើងនៅក្នុងក្រុង Bannang Sata នៃខេត្ត Yala ភាគខាងត្បូងប្រទេសថៃ ពោលគឺនៅតំបន់ជាប់ព្រំប្រទល់ជាមួយប្រទេសមីយ៉ាន់ម៉ា។ បើតាមអាជ្ញាធរថៃបានបញ្ជាក់ថា ការផ្ទុះរថយន្តនេះមិនមែនជារឿងចៃដន្យឡើយ តែវាគឺជាការរៀបចំដាក់គ្រាប់បែកឱ្យផ្ទុះ ឬអាចនិយាយបានថាជាការបំផ្ទុះគ្រាប់បែបអត្តឃាតនៅក្នុងរថយន្ត។ ប្រភពខាងលើបានបន្តថា ក្រៅតែបានផ្តាច់យកជីវិតមនុស្សម្នាក់ហើយ ហេតុការណ៍បំផ្ទុះគ្រាប់បែកក្នុងរថយន្តនេះក៏បានបណ្តាលឱ្យមានមនុស្សចំនួន ១៨នាក់ផ្សេងទៀតបានរងរបួសផងដែរ៕ អត្ថបទ៖ ភក្តី ប្រភព៖ The Strait Time

ឥណ្ឌា៖ ប៉ុន្មានខែចុងក្រោយនេះប្រទេសឥណ្ឌាបានរងនូវការគំរាមគំហែងយ៉ាងខ្លាំងពីបញ្ហារលកកម្តៅ ដែលបានបណ្តាលឱ្យមានមនុស្សជាច្រើននាក់ត្រូវស្លាប់បាត់បង់ជីវិត។ ចប់ពីបញ្ហារលកកម្តៅភ្លាមនៅក្នុងសប្តាហ៍នេះរដ្ឋធានីញូវដេលីរបស់ឥណ្ឌាក៏ត្រូវប្រឈមនឹងបញ្ហាធម្មជាតិមួយផ្សេងទៀតគឺភ្លៀងធ្លាក់យ៉ាងខ្លាំង ខណៈពេលខ្លះភ្លៀងបានធ្លាក់ក្នុងបរិមាណយ៉ាងច្រើនមិនធ្លាប់មាននោះទេ​​ បើគិតក្នុងរយៈពេល ៨៨ឆ្នាំចុងក្រោយនេះ។ បើយោងតាមការចុះផ្សាយរបស់បណ្តាញសារព័ត៌មាន The Strait Time បានឱ្យដឹង ឥទ្ធិពលរបស់ទឹកភ្លៀងក្នុងរយៈពេល​ ១សប្តាហ៍នេះក៏បានបណ្តាលឱ្យមានពលរដ្ឋឥណ្ឌាចំនួន ១១បានត្រូវស្លាប់បាត់បង់ជីវិតផងដែរ។ បើតាមអាជ្ញាធរឥណ្ឌាបានបញ្ជាក់ថា នៅក្នុងចំណោមអ្នកស្លាប់បាត់បង់ជីវិតទាំង ១១នាក់នោះគឺបានស្លាប់ដោយសារហេតុផលផ្សេងៗគ្នាដូចជា ត្រូវដំបូលអាគារបាក់មកសង្កត់ស្លាប់ ជួបគ្រោះថ្នាក់ពេលធ្វើដំណើរក្នុងអំឡុងពេលមេឃកំពុងភ្លៀងខ្លាំង​ ខណៈនៅក្នុងនោះមានជនរងគ្រោះចំនួន ៤នាក់បានស្លាប់ដោយសារលង់ទឹកក្នុងពេលក្នុងពេលកំពុងធ្វើដំណើរនៅលើផ្លូវរូងក្រោមដី។ ប្រភពខាងលើបានបន្តថា​ក្រៅតែពីបានបណ្តាលឱ្យមានអ្នកស្លាប់បាត់បង់ជីវិតហើយ​ឥទ្ធិពលរបស់ភ្លៀងក៏បានជះឥទ្ធិពលអាក្រក់មួយចំនួនទៀតដែរដូចជា កកស្ទះចរាចរណ៍ ដាច់ភ្លើងអគ្គិសនី ហើយជើងហោះហើរជាង៦០ជើងត្រូវបានពន្យាពេល និងលុបចោលជាបន្ទាន់ផងដែរ៕ អត្ថបទ៖ ភក្តី ប្រភព៖ The Strait Time