នៅរសៀលថ្ងៃទី០៣ ខែកុម្ភៈ ឆ្នាំ២០២០ ស្នងការដ្ឋាននគរបាលរាជធានីភ្នំពេញ ផ្តល់នូវដំណឹងដែលកុមារាមួយរូប ដែលស្ថិតនៅក្នុង​ឯកសណ្ឋានសិស្សសាលា បានវង្វេងពីក្រុមគ្រួសារហើយខណៈនេះកំពុងតែស្ថិតនៅប៉ុស្តិ៍នគរបាលរដ្ឋបាលនិរោធន៍។ ដោយ ស្នងការដ្ឋាននគរបាលរាជធានីភ្នំពេញ បានប្រកាសយ៉ាងដូច្នេះថា៖ “ករណីក្មេងប្រុសម្នាក់វង្វេងពីក្រុមគ្រួសារ បេីបងប្អូនប្រជាពលរដ្ឋមានបាត់ក្មេងប្រុសដែលមានភិនភាគដូចក្នុងរូប សូមទំនាក់ទំនងមកប៉ុស្តិ៍នគរបាលរដ្ឋបាលនិរោធន៍ ខណ្ឌច្បារអំពៅ និងទំនាក់ទំនងមកលេខទូរស័ព្ទខាងក្រោម: 061 77 88 61 069 77 88 61″៕

មហាជនច្បាស់ជ្រាបរួចមកហើយថា សាលាដូង ជាសាលាដែលមានទីតាំងនៅលើកំពូលភ្នំគីរីរម្យ នៃខេត្តកំពង់ស្ពឺ សាងសង់ឡើងពីសំរាម និងបានជួយឲ្យកុមារីកុមារាជិត២០០នាក់ ដែលជាសិស្សក្រីក្រ រៀនក្រៅប្រព័ន្ធដោយមិនបង់ប្រាក់។ សព្វថ្ងៃនេះកំពុងតែខ្វះខាតជាខ្លាំង ទាំងគ្រូបង្រៀន និងថវិកា ដោយលោក អ៊ុក វណ្ណដេ ស្ថាបនិក​សាលាដូង បានឲ្យដឹងថាបច្ចុប្បន្នបានបង្កើតហាងកាហ្វេនៅគិរីរម្យដើម្បីជួយដល់សាលាបានយូរ។ ប៉ុន្តែអ្វីដែលនឹកស្មានមិនដល់នោះ ប្រអប់បរិច្ចាគដែលខាងសាលាបានដាក់ដើម្បីគ្រាន់បានផ្គត់ផ្គង់សាលានោះ ក៏ស្រាប់តែត្រូវមានអ្នកលួចយកទៅវាយបំបែក ហើយយកតែក្រដាសធំ បន្សល់ទុកថវិកាមួយចំនួន។ ទង្វើបែបនេះធ្វើឲ្យលោក អ៊ុក វណ្ណដេ ជាស្ថាបនិក​សាលាដូង សម្តែងការខកចិត្ត នឿយចិត្តជាខ្លាំង ដោយលោកបានឲ្យដឹងថាលោកពិតជាអស់កម្លាំងចិត្តជាខ្លាំង៕ ចង់ជ្រាបច្បាស់សូមទស្សនាវីដេអូនៅខាងក្រោម៖

រាជធានីភ្នំពេញ​ ៖ យ៉ាងហោចណាស់​ ជាងឡានវ័យក្មេងម្នាក់ស្លាប់​ ចំណែកស្ត្រីម្នាក់របួសធ្ងន់​ និងបុរសអ្នកបេីកបររួមទាំងនារីម្នាក់ទៀតរបួសស្រាល​ ក្នុង​ឧបទ្ទវហេតុគ្រោះថ្នាក់ចរាចរណ៍ដ៏រន្ធត់មួយ​ បង្កឡេីងដោយរថយន្ត​ LEXUS GS300 ស៊េរីទំនេីប ពាក់ស្លាកលេខភ្នំពេញ​ 2BC-6479 បេីកបោះពួយក្នុងល្បឿនលឿន​ ស្រាប់តែផ្ទុះបែកកង់មុខ​​រេចង្កូតទៅបុក​បង្គោលភ្លើង​បំភ្លឺផ្លូវ​ពេញទំហឹង​ បណ្ដាលឲ្យទ្រេតរបេីងទាំងគល់ ហេីយខ្ទាតបេីងរថយន្តក្រឡាប់ផ្កាប់ផ្ងារជាច្រេីនជុំ ផ្ទុះពោងសុវត្ថិភាពទាំងអស់ ដាច់កង់មុខ​ រងការខូចខាតខ្ទេចយ៉ាងដំណំ​តែម្ដង។ ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកេីតឡេីងកាលពីវេលាម៉ោង០០:២០នាទីរំលងអាធ្រាត្រ​ ឈានចូលថ្ងៃទី​០៣​ ខែកុម្ភៈ​ ឆ្នាំ២០២០នេះ​ នៅចំណុចជិតផ្លូវបេតុង(ក្រោយផ្សារក្រមួន​)​ លេីកំណាត់ផ្លូវ៦០ម៉ែត្រ ភូមិព្រែកតាឡុង១ សង្កាត់ចាក់អង្រែក្រោម​ ខណ្ឌមានជ័យ​ រាជធានីភ្នំពេញ​។ ប្រភពពីអ្នកដែលស្គាល់ជនរងគ្រោះបានឲ្យដឹងថា​ ពួកគេទាំងអស់គ្នា ទេីបតែចេញពីជួបជុំគ្នាក្នុងកម្មវិធីខួបកំណេីតរបស់ជនរងគ្រោះហេីយ តែបែរជាចេញមកដល់ចំណុចកេីតហេតុ​

កញ្ញា តន់ ចាន់សីម៉ា ជាតារាចម្រៀងមួយរូបដែលទើបនឹងប្រឡូកក្នុងវិស័យសិល្បៈក៏ពិតមែន ប៉ុន្តែនាងកំពុងវាយលុកខ្លាំងនៅក្នុងទីផ្សារសិល្បៈ អាចឆក់បានបេះដូងប្រិយមិត្ត តាមរយៈបទចម្រៀងរបស់នាង ពីមួយទៅមួយបទ ដោយតែសមត្ថភាពដែលអំណោយផលពីធម្មជាតិរបស់នាង។ ទន្ទឹមនឹងគ្នានោះ ពេលនេះបទចម្រៀងដែលកំពុងមានការគាំទ្រខ្លាំងពីសំណាក់គឺបទ «គេនោះជាស្រីកាប់ដាវ» ជាពិសេសបទ«ឡានសារ៉ែន» បានធ្វើឲ្យប្រទេសជិតខាងយកទៅបង្កើតជាក្បាច់រាំទៀតផង។ គួររំលឹកផងដែរថា ចម្រៀងដែលមានសន្ទុះគាំទ្ររបស់នាង ក៏មានការនិពន្ធឡើងដោយស្នាដៃរបស់លោក យឹម តាស្រង់ផងដែរ។ ពេលនេះនាង បានធ្វើឲ្យលោក យឹម តាស្រង់ រំភើបចិត្តយ៉ាងខ្លាំង ដោយតារាស្រីរូបនេះបានផ្តល់ចំណូល ២០% នៃសកម្មភាពរបស់នាងក្នុងវិស័យសិល្បៈ និងការថតស្ពតពាណិជ្ជកម្ម ក្នុងរយៈពេលដ៏វែង។ លោកយឹម តាស្រង់ បានបន្ថែមថា« អរគុណនូវទឹកចិត្តដឹងគុណរបស់ប្អូនមកលើបង ប្អូនប្រហែលជាអ្នកចម្រៀងទី១

ភាគច្រើននៅ​ពេល​យើង​ ឬសមាជិកគ្រួសារណាមាន​ជំងឺ​ផ្ដាសាយ តែងតែ​ទៅ​គ្លីនិក ឬឱសថស្ថាន​​ផ្សេង​ៗ ដើម្បី​ផ្សំ​ថ្នាំ​លេបដោយ​គ្មាន​ការ​ពិនិត្យ​ឲ្យ​បាន​ត្រឹមត្រូវ។ គ្លីនិក​ ឬ​ឱសថ​ស្ថានមួយ​ចំនួន​បាន​ផ្សំ​ថ្នាំ​មិន​បាន​ត្រឹមត្រូវ​ ដោយ​ដាក់​បញ្ចូល​ថ្នាំ​បំបាត់​ការ​ឈឺ​ចុកចាប់ ១ ប្រភេទ ដើម្បី​ឲ្យ​ស្ថានភាព​ជំងឺ​ឆាប់​ជា​រហ័ស តែ​លោក​វេជ្ជបណ្ឌិត​ជំងឺ​ទូទៅ​ លី ឬទ្ធី​គុណ បាន​ឲ្យ​ដឹង​ថា ការ​ប្រើ​ថ្នាំ​ប្រភេទនេះមិន​ល្អ​ឡើយ ជាពិសេស​ក្មេង​ៗ។ វេជ្ជបណ្ឌិត លី ឬទ្ធី​គុណ បាន​បន្ត​ទៀត​ថា ពេល​ផ្ដាសាយ​គេ​ហាម​មិន​ឲ្យ​ប្រើ​ថ្នាំ​មួយ​ប្រភេទ គឺ​ថ្នាំ​អាស្ពេរីន។ លោក​បាន​បន្ត​ទៀត​ថា មិន​មែន​តែ​ផ្ដាសាយ​តូច ផ្ដាសាយ​ធំ​ឡើយ ក្ដៅខ្លួន ឬចេញ​អុតស្វាយឡើយ ​គឺ​ជំងឺ​ដែល​បង្ក​ដោយមេរោគ ក៏​ពេទ្យ​មិន​តម្រូវ​ដែរ ព្រោះ​វា​នាំឲ្យ​មាន​បញ្ហា​ខួរ​ក្បាល ពោល​នាំ​ឲ្យ​ហើម​ខួរ​ក្បាល និង​រីក​ថ្លើម​ធ្ងន់ធ្ងរ។ ពេល​មាន​បញ្ហា​ហើម​ខួរ​ក្បាល

ឥណ្ឌូនេស៊ី៖ កាលពីថ្ងៃអាទិត្យ ម្សិលមិញនេះ ប្រទេសឥណ្ឌូនេស៊ីបានធ្វើការជម្លៀសប្រជាជនរបស់ខ្លួនជាង ២៣០ នាក់ចេញពីទីក្រុងវូហានរបស់ប្រទេសចិន ត្រលប់មកប្រទេសកំណើតវិញបានដោយជោគជ័យ ព្រមទាំងប្រកាសផ្អាកការហោះហើរទៅទៅ-មកពីប្រទេសចិនផងដែរ។ យន្ដហោះយោធាពិសេសមួយបានហោះហើរទៅជម្លៀសមនុស្ស ២៣៨ នាក់រួមទាំងជនបរទេសម្នាក់ ដែលរស់នៅក្នុងទីក្រុង Wuhan និងទីក្រុងដទៃទៀតនៅក្នុងខេត្ត Hubei ទៅកាន់កោះ Batam របស់ឥណ្ឌូនេស៊ី។ មនុស្សទាំង ២៣៨នាក់ទោះតម្រូវឲ្យនៅទីនោះរយៈពេលពីរសប្តាហ៍ ដើម្បីពិនិត្យតាមដានសុខភាពជាមុនសិន ទើបអាចអនុញ្ញាតឲ្យទៅផ្ទះសម្បែងវិញបាន។ មន្រ្តីនៃក្រសួងការបរទេស ក្រសួងសុខាភិបាល និងមន្រ្តីយោធា ដែលបានចូលរួមក្នុងប្រតិបត្តិការជម្លៀសនោះក៏ដូចជាក្រុមនាវិកននានា ក៏នឹងត្រូវស្ថិតនៅក្រោមការសង្កេតតាមដានសុខភាពរយៈពេល ៣ ថ្ងៃផងដែរ៕ អត្ថបទ៖ សេម

ខេត្តព្រះសីហនុ៖ បុរសជនជាតិចិនម្នាក់ឈ្មោះ ​លោក ចា ជិនហូ អាយុ៦០ឆ្នាំ​ ដែលឆ្លងវីរុសប្រភេទថ្មី​កូរ៉ូណា​ ហើយត្រូវបានគ្រូពេទ្យចងខ្សែនៅមុខបន្ទប់ស្នាក់នៅដាច់ដោយឡែកពីគេនៅមន្ទីរបង្អែកខេត្ត​ព្រះសីហនុ នៅព្រឹកថ្ងៃទី០៣ ខែកុម្ភៈ ឆ្នាំ២០២០ មានសុខភាពល្អប្រសើរជាធម្មតា ហើយអ្នកជំងឺកំពុងបន្តទទួលការព្យាបាលថែទាំ នៅក្នុងមន្ទីរពេទ្យបង្អែកខេត្តព្រះសីហនុ មិនទាន់បានចាកចេញពីមន្ទីរពេទ្យទេ នេះបើយោងតាមការបញ្ជាក់របស់រដ្ឋមន្រ្តីក្រសួងសុខាភិបាល ប្រាប់បណ្តាញផ្សព្វផ្សាយក្នុងស្រុកមួយ។ ក្នុងនោះផងដែរ នាយកដ្ឋានប្រយុទ្ធនឹងជំងឺឆ្លង បានឲ្យដឹងថា អ្នកប៉ះពាល់ផ្ទាល់​៣នាក់ជាមួយអ្នកជំងឺ​ នៅរក្សាពួកគេក្នុងសណ្ឋាគារ និងបន្តអវិជ្ជមានកូរ៉ូណាវីរុស​ ហើយក្រុមគ្រូពេទ្យនៅបន្តតាមដានសុខភាពពួកគេរាល់ថ្ងៃរហូត១៤ថ្ងៃ​ ក្រោយពេលប៉ះអ្នកជំងឺចុងក្រោយ​។ បើតាមឯកឧត្តមរដ្ឋមន្រ្តីក្រសួងសុខាភិបាលបានបញ្ជាក់ដែរថា រហូតដល់ពេលនេះមិនមានពលរដ្ឋកម្ពុជាកម្ពុជា មានឆ្លងករណីមេរោគកូរ៉ូណាថ្មីនោះទេ គឺមានតែជនជាតិចិនមួយរូបនៅខេត្តព្រះសីហនុ ដែលមានផ្ទុកមេរោគនេះ៕ ប្រភព​៖ លោក ហ៊ុយ ប៊ុនឡេង

រាជធានីភ្នំពេញ៖ យោងតាមលិខិតរបស់ក្រសួងពាណិជ្ជកម្ម ចុះផ្សាយថ្ងៃទី០៣ ខែកុម្ភៈ ឆ្នាំ២០២០ ស្តីអំពីតម្លៃលក់រាយប្រេងឥន្ធនៈនៅតាមស្ថានីយទាំងអស់ក្នុងព្រះរាជាណាចក្រកម្ពុជាសម្រាប់អនុវត្តចាប់ពីថ្ងៃទី០១ ដល់ថ្ងៃទី១៥ ខែកុម្ភៈ ឆ្នាំ២០២០ បានឲ្យដឹងថា តម្លៃប្រេងសាំងធម្មតាមានតម្លៃ ៣,៥៥០រៀលក្នុងមួយ ចំណែកឯប្រេងសាំងម៉ាស៊ូតមានតម្លៃ ៣,៤០០រៀលក្នុងមួយលីត្រ ហើយតម្លៃនេះមានការធ្លាក់ចុះបើធៀបនឹងតម្លៃ ដែលក្រសួងបានកំណត់កាលពី១៥ថ្ងៃមុន សម្រាប់ប្រេងសាំងធម្មតាគឺមានតម្លៃ ៣,៧០០រៀល ប៉ុន្តែតម្លៃប្រេងសាំងម៉ាស៊ូតមានតម្លៃ ៣,៦០០រៀលក្នុងមួយលីត្រ៕

ខេត្តស្ទឹងត្រែង៖ ថ្មីៗនេះមានមហាជនបានប្រទះឃើញខឿនប្រាសាទមួយ ដែលសាងសង់ពីឥដ្ឋតាន់ ដោយសារតែការបាក់ច្រាំងទន្លេ ខឿនប្រាសាទមួយនេះត្រូវបានគេបញ្ជាក់ថាបន្សល់ទុកតាំងពីសម័យចេនឡា។ ដោយមហាជនបានសំណូមពរឲ្យអាជ្ញាធរ ពាក់ព័ន្ធចុះត្រួតពិនិត្យ និងទប់ស្កាត់ឲ្យទាន់ពេលវេលា ទោះបីជាសល់តែខឿនប្រាសាទប៉ុន្តែក៏ជាភុស្តតាងមួយសម្រាប់កូនចៅជំនាន់ក្រោយបានសិក្សាកំណាយផងដែរ។ ដោយយោងតាមផេក Khmer Architectural បានសរសេររៀបរាប់ថា៖ “សូមខាងមន្ទីរវប្បធម៌និងវិចិត្រសិល្បៈនៃខេត្តស្ទឹងត្រែង សូមជួយចុះទៅមើលទីតាំងមួយកន្លែង ស្ថិតក្នុងភូមិបាចុង សង្កាត់ស្ទឹងត្រែង ស្រុកស្ទឹងត្រែង ខេត្តស្ទឹងត្រែង ដែលបានរកឃើញខឿនប្រាសាទមួយ ដែលសាងសង់ពីឥដ្ឋតាន់ ដោយសារតែការបាក់ច្រាំងទន្លេ ដែលនៅទល់មុខវត្តបាចុងនេះផ្ទាល់តែម្ដង តាំងពីសម័យចេនឡា ដែលជាទីតាំងចាស់ជិតនឹងថាឡាបរិវ៉ាត់ផងដែរ។ ទោះជាវាសល់តែខឿនមែន ប៉ុន្តែបើយើងទប់ស្កាត់វាបាន វានឹងមានប្រយោជន៍ទុកអោយកូនចៅជំនាន់ក្រោយបានស្គាល់ពីទីតាំងបុរាណ និង និស្សិតបានចុះទៅសិក្សាកំំណាយផងដែរ សង្ឃឹមថាអាជ្ញាធរពាក់ព័ន្ធនឹងធ្វើការទប់ស្កាត់នៃការបាក់ច្រាំងនេះឆាប់ៗ”។ សូមបញ្ជាក់ថាមានការសន្និដ្ឋានថាខឿនប្រាសាទមួយដែលសាងសង់ពីឥដ្ឋតាន់ តាំងពីសម័យចេនឡា ដោយប្រភពពី

មន្ទីរពេទ្យ Huoshenshan ដែល​សាង​សង់​ឡើង​សម្រាប់​ដោះស្រាយទប់​ទល់​នឹង​ជំងឺ​ផ្លូវ​ដង្ហើម​ថ្មី ដែល​បង្ក​ដោយ​វីរុស​កូរ៉ូណា​ថ្មី​នោះ បាន​សាង​សង់​រួច​ជា​ស្ថាពរ​ហើយ ដោយ​ចំណាយ​ពេលត្រឹម​​ ៨ ​ថ្ងៃប៉ុណ្ណោះ។ មន្ទីរពេទ្យនេះ​​យក​គំរូ​តាម​មន្ទីរ​ពេទ្យ​ Xiaotangshan នៅ​​ក្រុង​ប៉េកាំង កាល​ពី​ឆ្នាំ ២០០៣ ដែល​សង់​ដើម្បី​ប្រឆាំងសនឹង​ជំងឺ SARS ។ ​មន្ទីរ​ពេទ្យ Huoshenshan ​នេះ​ ចាប់​ផ្ដើម​បើក​ការដ្ឋាន​​សាង​សង់កាល​ពី​​​ថ្ងៃ​ទី ២៥ មករា សប្ដាហ៍​មុន បន្ទាប់​ពី​តួលេខការ​ឆ្លងរាលដាល និង​អ្នក​ស្លាប់​កើន​ឡើង​យ៉ាង​គំហុក​នៅ​ទីក្រុងវូហាន។ មន្ទី​ពេទ្យ​នេះ​អាចទទួល​អ្នក​ជំងឺ​ពី​ចន្លោះ ៧០០ ទៅ ១ ០០០ គ្រែ ក្នុង​ទំហំ​ផ្ទៃ​ដី​ ២៥ ០០០