ស្រុកព្រៃនប់ – ចាប់ពីម៉ោង១២ថ្ងៃត្រង់ថ្ងៃទី១៨ ខែកញ្ញា ឆ្នាំ២០១៩នេះ នៅផ្លូវជាតិលេខ៤ ត្រង់ចំណុចស្ពានអូរកំបុត ភូមិអូរតាសេកឃុំអូរឧកញ៉ាហេងស្រុកព្រៃនប់ ខេត្តព្រះសីហនុ មានជំនន់ទឹកភ្លៀង ហូរកាត់ផ្លូវជាតិ ពីលើស្ពានអូរកំបុត ប្រវែងប្រមាណជាង៤០០ម៉ែ្រត ហើយកម្ពស់ទឹកហូរកាត់ផ្លូវប្រមាណជាង១តឹក ។ ទោះជាយ៉ាងនេះក្តី ចរាចរណ៍នៅបើកធម្មតា ក្នុងនោះកម្លាំងសមត្ថកិច្ចស្រុកព្រៃនប់ បានចុះសម្រួលចរាចរណ៍ ដោយបើកអោយយានយន្តធ្វើចរាចរណ៍ម្ខាងផ្លូវម្តង ផ្លាស់ប្តូរគ្នា៕ ប្រភព៖ លោក Huy Bunleng

ហ្វីលីពីន៖ ខណៈដែលពិភពលោកកំពុងតែប្រើប្រាស់វិធីជាច្រើនដើម្បីកាត់បន្ថយការប្រើប្រាស់ផ្លាស្ទិកច្រើនហួសប្រមាណនោះ ថ្មីៗនេះក្រុមនិស្សិតមកពីវិទ្យាស្ថាន Western Institute of Technology (WIT) បង្កើតធុងសំរាមដែលច្នៃចេញពីសំបកដបប្លាស្ទិច ក្រោមប្រធានបទ “ធុងសំរាមដែលអាចកែច្នៃឡើងវិញបាន”។ ធុងសំរាមដែលមិនប៉ះពាល់ដល់បរិស្ថាននេះផលិតដោយនិស្សិតមកពី មហាវិទ្យាល័យពាណិជ្ជសាស្រ្តនិងគណនេយ្យនៃ វិទ្យាស្ថានWestern Institute of Technology ។ ហើយគម្រោងនេះគឺជាផ្នែកមួយក្នុងការជួយអភិរក្សបរិស្ថាន ដោយលើកកម្ពស់ការកាត់បន្ថយការប្រើប្រាស់ផ្លាស្ទិច និងការសិក្សាកែច្នៃប្រើឡើងវិញ៕

ហ្វីលីពីន៖ ដើម្បីសម្អាតកាកសំណល់ប្លាស្ទិកក៏ដូចជាលើកកម្ពស់បរិស្ថាន អាជ្ញាធរប្រចាំក្រុង Muntinlupa នៃប្រទេសហ្វីពីពីន បានដាក់ចេញនូវវិធានការលើកទឹកចិត្តប្រជាពលរដ្ឋជាពិសេសមួយគឺ ប្រមូលកាកសំណល់ប្លាស្ទិចដើម្បីប្តូរយកអង្ករ។ គោលការលើកទឹកចិត្ត ត្រូវបា​​នផ្ដើមអនុវត្តដំបូងគេនៅក្នុងភូមិ Bayanan ដែលជាតំបន់មួយសម្បូរសំរាមជាងគេនៅក្នុងក្រុងខាងលើនេះ។ អាជ្ញាធរនឹងផ្តល់ជូនអង្ករ ១ គីឡូក្រាមជាថ្នូរនឹងការដូរយកកាកសំណល់ប្លាស្ទិកចំនួន ២ គីឡូក្រាមពីប្រជាពលរដ្ឋ។ ប្រជាពលរដ្ឋសប្បាយរីករាយយ៉ាងខ្លាំងជាមួយនឹងគោលការណ៍ខាងលើនេះ ហើយពួកគេក៏បានចូលរួមយ៉ាងសកម្មផងដែរ។ ជាលទ្ធផលរហូតមកទល់នឹងពេលនេះគេបានប្រមូលកាកសំណល់ប្លាស្ទិកបានចំនួន ២១៣ គីឡូក្រាមហើយ ​​ហើយអាជ្ញាធរនឹងយកសំរាមទាំងនេះទៅកែច្នៃប្រើឡើងវិញ ឬយកវាទៅបំផ្លាញចោលនៅកន្លែងឆ្ងាយៗដែលគ្មានផលប៉ះពាល់ដល់បរិស្ថាន។ អាជ្ញាធរប្រចាំតំបន់ខាងលើបានប្រាប់អ្នកសារព័ត៌មានថា គេនឹងបន្តអនុវត្តគោលការណ៍ខាងលើនេះទៅកាន់តំបន់ផ្សេងៗទៀតដែលសម្បូរសំរាម ធ្វើយ៉ាងណាគឺធានាឲ្យបាននូវបរិស្ថានស្អាតសម្រាប់ប្រជាបលរដ្ឋរស់នៅ និងសង្គមទាំងមូលផងដែរ៕ អត្ថបទ៖ ភក្តី

ចាប់តាំង​ពី​ដើមសប្ដាហ៍នេះ​មក សិង្ហបុរី បាន​ជួប​បញ្ហា​ផ្សែងអ័ព្វ ដែល​សាយភាព​ជាបន្ដបន្ទាប់​ពី​ការ​ឆេះព្រៃ នៅ​កោះស៊ូម៉ាត្រា របស់​ឥណ្ឌូណេស៊ី។ ប៉ុន្ដែ​ម្សិលមិញ ផ្សែងអ័ព្វ បាន​គ្រប់​ដណ្ដប់​ពេញ​ប្រទេស​ដីកោះ​មួយ​នេះ ហើយ​គុណភាព​ខ្យល់ ក៏ឈាន​ដល់​កម្រិត​លែង​មាន​សុវត្ថិភាពហើយ។ តាម​សូចនាករ​គុណភាព​ខ្យល់ (PSI) ម្សិលមិញ សិង្ហបុរី​មាន​កម្រិត​គុណភាព​ខ្យល់ នៅ​តំបន់​ខាងជើង ១០៧ តំបន់​ខាងកើត ១១១ តំបន់​ខាងត្បូង ១២០ តំបន់​ខាងលិច ១១១ និង​តំបន់​កណ្ដាល ១០៥។ តាម​ទីភ្នាក់ងារ​បរិស្ថាន​ជាតិ​សិង្ហបុរី គុណភាព​ខ្យល់ កម្រិត​ល្អ គឺពី ០-៥០ កម្រិត​មធ្យម គីពី ៥០-១០០ និង​កម្រិត​លែងមាន​សុវត្ថិភាព

Apple ហាក់មានភាពយ៉ឺតយ៉ាវជាងក្រុមហ៊ុនដទៃក្នុងចូលរួមក្នុងវិស័យកាមេរ៉ាច្រើនគ្រាប់នៅលើស្មាតហ្វូនរបស់ខ្លួន។ ជាក់ស្តែងការបំពាក់បច្ចេកវិទ្យាកាមេរ៉ាភ្លោះនៅលើម៉ូដែល iPhone 7 Plus គឺត្រូវបានធ្វើឡើងក្រោយជាច្រើនឆ្នាំនៅពេលដែល HTC បានស្រាវជ្រាវឃើញបច្ចេកវិទ្យានេះដំបូងគេ ខណៈដែល Huawei និង LG ប្រើពេលតែប៉ុន្មានខែប៉ុណ្ណោះ ដើម្បីស្រាវជ្រាវ និងប្រើប្រាស់បច្ចេកវិទ្យានេះទៅក្នុងឧបករណ៍របស់ខ្លួន។ ទើបតែលើកនេះ ក្រុមហ៊ុន Apple ដែលមានមូលដ្ឋាននៅក្នុងទីក្រុង Cupertinho មួយនេះបានចាប់ផ្តើមផ្លាស់ប្តូរទំលាប់របស់ខ្លួន ដោយក្នុងនោះបច្ចេកវិទ្យាកាម៉េរាចំនួន៣គ្រាប់ត្រូវបានបំពាក់ទៅលើស៊េរីទូរស័ព្ទថ្មីរបស់ខ្លួនទាំង iPhone 11 Proនិង iPhone 11 Pro Max ផងដែរ ដែលអស់រយៈជាង១ឆ្នាំកន្លះទៅហើយខ្លួនបានទុកទីផ្សារនេះទៅឲ្យ Huawei P20

ខេត្តមួយចំនួនធំនៅប្រទេសថៃ បានរងគ្រោះទឹកជំនន់ជន់លិចព្រោះតែមានភ្លៀងធ្លាក់ និងខ្យល់កន្ត្រាក់បន្តជាប់គ្នា ដោយសារតែរងឥទ្ធិពលនៃខ្យល់ព្យុះត្រូពិក ពុឌុល។ ករណីគ្រោះធម្មជាតិមួយនេះបានធ្វើឲ្យរាជរដ្ឋាភិបាលថៃហាក់ឈឺក្បាល និងដុតដៃដុតជើងជាខ្លាំងដើម្បីចេញវិធានការទប់ស្កាត់ និងសង្គ្រោះផ្សេងៗ ព្រោះតែទឹកជំនន់នៅឆ្នាំនេះគឺមានសភាពធ្ងន់ធ្ងរបំផុត ប្រចាំប្រវត្តិសាស្ត្រទឹកលិចប្រទេសថៃ ដោយខេត្តដែលរងគ្រោះខ្លាំងបំផុតគឺខេត្ត អ៊ុប៊ុនថានី ដែលស្ថិតនៅភូមិភាគឦសាន្ត។ ថ្មីៗនេះដែរ មានការបង្ហោះវីដេអូនៅក្នុងបណ្តាញសង្គម ដោយសារតែពេលនេះទឹកជំនន់បានវាយលុកទៅដល់តំបន់ទេសចរណ៍មួយប្រចាំប្រទេសថៃ នោះគឺ កោះឆាង ដែលស្ថិតនៅក្នុងខេត្ត ត្រាត ប្រទេសថៃ។ ខ្យល់បក់ខ្លាំង ជាមួយទឹកភ្លៀងធ្លាក់ជាប់គ្នាមិនដាច់គ្រាប់បានបង្កឲ្យមានការខូចខាតដល់ផ្លូវថ្នល់ពុំអាចធ្វើដំណើរបាន លើសពីនេះភ្ញៀវទេសចរណ៍ និងប្រជាពលរដ្ឋដែលរស់នៅ និងធ្វើដំណើរកម្សាន្តនៅឯកោះឆាង គឺត្រូវជាប់នៅទីនោះដើម្បីរង់ចាំការជួយសង្គ្រោះ។ ដោយអគ្គីសនីនៃតំបន់កោះមួយនេះគឺត្រូវបានកាត់ផ្តាច់ទាំងស្រុង ដែលបង្កក្តីព្រួយបារម្ភ ព្រមទាំងពិបាកក្នុងការទំនាក់ទំនង យ៉ាងណាមិញរាជរដ្ឋាភិបាល បានប្រកាសរៀបចំកិច្ចសហការជាមួយក្រុមសង្គ្រោះដើម្បីជម្លៀសប្រជាពលរដ្ឋ ព្រមទាំងភ្ញៀវទេសចរណ៍នៅទីនោះឲ្យបានឆាប់បំផុតតាមដែលអាចធ្វើទៅបាន៕

យោងតាមសេចក្តីជូនដំណឹងរបស់រដ្ឋបាលខេត្តកោះកុងបានឲ្យដឹងថា ដោយសារតែផ្លូវជាតិលេខ៤៨រងការខូចខាត មានកន្លែងខ្លះមានទឹកហូរកាត់ និងបាក់ស្រុតគ្រឹះ ព្រោះតែមានភ្លៀងធ្លាក់ច្រើនជាបន្តបន្ទាប់ ដូច្នេះរដ្ឋបាលខេត្តកោះកុងស្នើដល់ម្ចាស់ក្រុមហ៊ុន និងអ្នកបើកបរយានយន្តធន់ធ្ងន់ទាំងអស់ ផ្អាកការដឹកទំនិញធ្ងន់ៗរយៈពេល០២ថ្ងៃ គឺថ្ងៃទី១៨ និងថ្ងៃទី១៩ ខែកញ្ញា ដើម្បីការពារគ្រឹះថ្នល់ ដែលទើបនឹងជួសជុលរួចឲ្យមានសភាពរឹងមាំ ទើបអាចអនុញ្ញាតឲ្យបើកបរវិញបាន៕ អត្ថបទ៖ សេម

​ហឺត​ ជា​ជំងឺគួរ​ឲ្យ​ព្រួយ​បារម្ភ​​មួយសម្រាប់​គ្នា​យើង​ជា​ប៉ាម៉ាក់​គេ ព្រោះ​ជា​ឈឺ​រ៉ាំ​រ៉ៃ​កើត​ ងាយ​កើត​លើ​ផ្លូវ​ដង្ហើម​ក្មេងៗ។ ព្រោះ​ករណី​ក្មេង​កើត​ហឺត​ គឺ​ច្រើន​ជាង​មនុស្ស​ធំ​ដល់​ទៅ​ ២​ដង។ ជំងឺ​ហឺត បើ​កើត​លើ​ក្មេង​ក្រោយ​អាយុ ២ ឆ្នាំ​វិញ កាន់​តែ​ពិ​បាក​ព្យាបាល ហេតុនេះ ប៉ាម៉ាក់ទាំង​អស់ គួរ​ប្រុងប្រយ័ត្ន​ខ្ពស់ ស្គាល់​ពី​រោគសញ្ញា និង​កត្តា​ប្រឈម​ឲ្យ​បាន​ច្បាស់ ទើប​អាច​ជួយ​កូន​គេច​ផុត​ពី​ជំងឺ​នេះ។ “Hello គ្រូពេទ្យ” នឹង​លម្អិត​ពី​ជំងឺ​ហឺត​លើ​ក្មេង​ៗ ឲ្យ​គ្នា​យើង​បាន​ដឹង។ ១- អ្វីទៅជាជំងឺហឺត? ហឺត​ ជា​ជំងឺ​រលាក​រ៉ាំ​រ៉ៃ​ កើត​នៅ​លើ​ផ្លូវ​ដង្ហើម ហើយ​ការ​រលាកនេះ ធ្វើ​ឲ្យ​ផ្លូវ​ដង្ហើម​ទៅ​ជា​ងាយ​ប្រតិកម្ម​ជាមួយ​សារធាតុជា​ច្រើន។ ពេល​ផ្លូវ​ដង្ហើម (ទងសួត​ធំ) ទៅ​ប៉ះ​ជា​មួយ​សារធាតុ​រំញោច ​នឹងបង្ក​​ទៅ​ជា​ហើម កន្ត្រាក់

បន្ទាប់ពីមានព័ត៌មានចចាមអារ៉ាមអស់រយៈពេលជាច្រើនអំពីស្មាតហ្វូនស៊េរីថ្មីរបស់ vivo Nex 3 នៅថ្ងៃអង្គារម្សិលមិញនេះ ស្មាតហ្វូនថ្មីនេះក៏បានបង្ហាញខ្លួនជាផ្លូវការ ដោយមានរូបរាងការរំពឹងទុកមែន គឺប្រើប្រាស់អេក្រង់ទឹកធ្លាក់ (waterfall) និងបំពាក់បច្ចេកវិទ្យា 5G។ vivo Nex 3 មានអេក្រង់ទំហំ 6.9-inch មានលក្ខណៈកោងខ្លាំងស្ទើរតែ 90ដឺក្រេ និងមិនមានប៊ូតុងចុចអ្វីទាំងអស់ សូម្បីតែប៊ូតុងដំឡើង/បន្ថយសំលេង និងប៊ូតុងបិទ/បើកទូរស័ព្ទក៏គ្មានដែរ ប៉ុន្តែ ក្រុមហ៊ុន vivo បានបន្ថែមប៊ូតុងបែប Touch ដែលត្រូវបានហៅថា Touch Sense ជំនួសវិញ ដោយគ្រាន់តែធ្វើការសង្កត់ទៅ sensor គែមអេក្រង់ វានឹងដំឡើង/បន្ថយសំលេងតែម្តង។

យោងតាមសេចក្តីជូនដំណឹង របស់ ក្រសួងទេសចរណ៍ បានឲ្យដឹងថា ខណៈព្រឹត្តិការណ៍សមរាត្រីនៅប្រាសាទអង្គរវត្ត- Equinox Angkor” ដែលនឹងអាចកើតមានឡើងនាព្រឹកព្រលឹម ចន្លោះថ្ងៃទី២០-២២ ខែកញ្ញា ឆ្នាំ២០១៩ នៅប្រាសាទអង្គរវត្ត ខេត្តសៀមរាប។ ក្រសួងទេសចរណ៍គ្រោងនឹងរៀបចំ “ការប្រកួតថតរូបស៊ែលហ្វី Equinox Angkor Selfie Contest” លើកទី៤ ក្រោមប្រធានបទ​”Selfie អង្គរអច្ឆរិយៈ” ដោយជ័យលាភីចំនួន៣រូប ដែលទទួលបានការ  likes ច្រើនជាងគេ នឹងទទួលបានប្រាក់រង្វាន់ ជ័យលាភីលេខ១ ចំនួន មួយលានរៀល, លេខ២ ចំនួន ប្រាំបីសែនរៀន និងលេខ៣ ប្រាំសែនរៀល។