ភ្នំពេញ៖ កំពូលស្មាតហ្វូនល្អឯកប្រចាំឆ្នាំ២០១៨ Huawei P20 តម្លៃ $689 និង Huawei P20 Pro តម្លៃ $859 របស់ក្រុមហ៊ុន Huawei កំពុងអង្រូនបេះដូងអ្នកប្រើប្រាស់ជាមួយនឹងសមត្ថភាពដ៏អស្ចារ្យគ្មានគូរប្រៀបនៃការថតរូបបែប Portrait, ព្រាលផ្ទៃខាងក្រោយ, ពន្លឺខ្សោយ, ទេសភាព និង បែបសិល្បៈស៊ីវិល័យ នៃកាមេរ៉ា Leica បំពាក់លើស្មាតហ្វូនទាំងពីរម៉ូដែលនេះ។ បើចង់ដឹងថាកំពូលស្មាតហ្វូន Huawei P20 ($689) និង Huawei P20 Pro ($859) Master

វីរៈបុរសបាល់ទាត់របស់ក្រុមជម្រើសជាតិអាហ្សង់ទីនលោក Diego Maradona ត្រូវបានបញ្ជូនទៅកាន់មន្ទីរពេទ្យភ្លាមៗបន្ទាប់ពីវីរៈបុរសបាល់ទាត់រូបនេះឡើងសម្ពាធឈាមក្រោយពេលក្រុមជម្រើសជាតិអាហ្សង់ទីនយកឈ្នះក្រុមជម្រើសជាតិនីហ្សេរីយ៉ាដោយលទ្ធផល 2-1។ វីរៈបុរសបាល់ទាត់របស់ក្រុមជម្រើសជាតិអាហ្សង់ទីនវ័យ 57 រូបនេះត្រូវបានគេសង្កេតឃើញមកទស្សនាការប្រកួតរបស់អាហ្សង់ទីនគ្រប់ការប្រកួតតែម្ដងនៅក្នុង World Cup នេះ។ នៅក្នុងការប្រកួតជុំទី 3 របស់ក្រុមជម្រើសជាតិអាហ្សង់ទីនជាមួយនឹងក្រុមជម្រើសជាតិនីហ្សេរីយ៉ាកាលពីយប់មិញនេះ សកម្មភាពនិងកាយវិការមិនសមរម្យជាច្រើនរបស់លោក Diego Maradona ត្រូវបានកាមេរ៉ាចាប់ជាប់ក្នុងកំឡុងការប្រកួតនេះ។ មុនការប្រកួតវីរៈបុរសដែលជួយឲ្យអាហ្សង់ទីនឈ្នះពានរង្វាន់បាល់ទាត់ពិភពលោកឆ្នាំ 1986 រូបនេះបានយកស្រ្ដីម្នាក់មករាំលេងសប្បាយ ដោយលោក Maradona ហាក់ដូចជាសប្បាយមិនអាចគ្រប់គ្រងអារម្មណ៍ខ្លួនឯងបាន។ នៅពេលខ្សែប្រយុទ្ធ Leo Messi សុតបញ្ចូលទីមួយគ្រាប់ធ្វើឲ្យអាហ្សង់ទីននាំមុខក្រុមជម្រើសជាតិនីហ្សេរីយ៉ា 1-0 នោះកាយវិការអបអរសារទររបស់លោក Diego Maradona បានកើតឡើងនៅមុខអ្នកគាំទ្រ ប៉ុន្ដែបានតែមួយភ្លែតក៏ស្ងប់ស្ងាត់ទៅវិញ

ចិន៖ ដោយសារតែប្រព័ន្ធកាមេរ៉ាសុវត្ថិភាពតាមដងផ្លូវហាក់មិនទាន់ល្អគ្រប់គ្រាន់ កាលពីពេលថ្មីៗនេះដើម្បីប្រឆាំងនឹងពួកភេរវករ និងបង្កើនសុវត្ថិភាពក្នុងប្រទេស អ្នកជំនាញរបស់ចិនបានធ្វើការបង្កើត Drone ថ្មីមួយសម្រាប់តាមដានសកម្មភាពរបស់មនុស្ស។ យោងតាមប្រភពព័ត៌មានបានឲ្យដឹងថា ភ្នាក់ងារយោធា និងភ្នាក់ងាររដ្ឋាភិបាលជាង 30 បានចាប់ផ្តើម និងដាក់ពង្រាយ Drone ដែលមានឈ្មោះថា Dove មានរូបរាងដូចជាសត្វបក្សីនៅក្នុងខេត្តយ៉ាងហោចណាស់ចំនួន 5 ក្នុងរយៈពេលប៉ុន្មានឆ្នាំថ្មីៗនេះ។ គម្រោង “Dove” នេះត្រូវបានដឹកនាំដោយលោក Song Bifeng ដែលជាអតីតអ្នកវិទ្យាសាស្រ្តធ្វើការលើកម្មវិធីយន្តហោះទម្លាក់គ្រាប់បែក J-20 និងជាសាស្ត្រាចារ្យនៅសាកលវិទ្យាល័យពហុបច្ចេកទេសនៅភាគនិរតីនៃទីក្រុងស៊ីអាន ដែលជារដ្ឋធានីនៃខេត្តសាអានស៊ីប្រទេសចិនភាគពាយ័ព្យ។ លោក Yang Wenqing សាស្រ្តាចារ្យរងនៅសាលាអាកាសយានដ្ឋាននៅភាគពាយ័ព្យ បានបញ្ជាក់ថា ឧបករណ៍មានរូបរាងតូច

យោងតាមការសិក្សាមួយបានរកឃើញថា មានប្រទេសមួយចំនួននៅក្នុងពិភពលោកគឺមានគ្រោះថ្នាក់បំផុតសម្រាប់មនុស្សស្រី ដោយហេតុថាក្នុងប្រទេសទាំងនោះសម្បូរទៅដោយករណី ចាប់រំលោភផ្លូវភេទ ការជួញដូរស្រ្តី ការមិនគោរពសិទ្ធរបស់ស្រ្តី និងការឲ្យស្ត្រីត្រូវគោរពតាមប្រពៃណីចាស់ៗជាដើម។ ខាងក្រោមនេះជាប្រទេសចំនួន ១០ ដែលគេរកឃើញថាមានគ្រោះថ្នាក់បំផុតសម្រាប់មនុស្សស្រី៖ ១.ឥណ្ឌា៖សម្បូរករណីចាប់រំលោភស្ត្រី​ ប្រើប្រាស់អំពើហឹង្សាលើស្ត្រី បំបិទសិទ្ធស្រ្តី និងឲ្យស្ត្រីគោរពតាមប្រពៃណីចាស់ៗ។ ២.អាហ្គានីស្ថាន៖ ស្រ្តីនៅក្នុងប្រទេសនេះរងនូវអំពើហឹង្សាច្រើន ស្រ្តីមិនសូវត្រូវបានគេយកចិត្តដាក់លើបញ្ហាខុសភាពនោះទេ ហើយស្ត្រីភាគច្រើននៅក្នុងប្រទេសនេះមានបញ្ហាលុយកាក់ជាខ្លាំង។ ៣.ស៊ីរី៖ ស្រ្តីនៅក្នុងប្រទេសនេះរងនូវអំពើហឹង្សាក្នុងគ្រួសារច្រើន។ ៤.សុម៉ាលី៖ ប្រទេសនេះបង្ខំឲ្យមនុស្សស្រីគោរពតាមប្រពៃណីចាស់ៗ ដែលធ្វើឲ្យស្រ្តីហាក់គ្មានឱកាសចេញទៅរកលុយបាន។ ៥.សារឌីអារ៉ាប៊ី៖ ស្ត្រីក្នុងប្រទេសនេះគ្មានសិទ្ធច្រើនដូចបុរសនោះទេ ហើយឱកាសក្នុងប្រកបការងារ នឹងរកលុយរបស់ស្ត្រី​ក៏មានតិចតួចដែរ។ ៦.ប៉ាគីស្ថាន៖ ស្ត្រីភាគច្រើនគ្មានឲ្យកាសទទួលបានការងារ ផ្ទុយទៅវិញពួកនាងត្រូវរងនឹងអំពើហឹង្សា និងការសម្លាប់ជាច្រើន។ ៧.សាធារណរដ្ឋប្រជាធិបតេយ្យកុងហ្គោ៖សម្បូរករណីចាប់រំលោភសេពសន្ថវៈ។ ៨.យេមែន៖ស្ត្រីរងនូវការចាប់រំលោភផ្លូវភេទ និងអំពើហឹង្សាច្រើន។

​សៀមរាប​ ៖​ ជា​យូរ​មក​ហើយ​ដែល​តំបន់​អង្គរ​ពុំ​សូវ​មាន​សេវា​ទូរស័ព្ទ​គ្រប់គ្រាន់​ ដោយសារ​តំបន់​នេះ​គ្របដណ្តប់​ដោយ​ប្រាសាទ​ និង​ព្រៃឈើ​ជា​ច្រើន​។​ ក្រុមហ៊ុនទូរស័ព្ទ​ជា​ច្រើន​ ធ្លាប់​បាន​ស្នើ​មក​អាជ្ញាធរ​ជាតិ​អប្សរា​ សុំ​លើក​បង្គោល​អង់​តែ​ន​ ក្នុង​តំបន់​អង្គរ​ដើម្បី​បង្កើន​ប្រព័ន្ធ​សេវា​របស់​ខ្លួន​។​ ​ដោយ​តម្រូវការ​បច្ចុប្បន្ន​លើ​ការ​ប្រើប្រាស់​ប្រព័ន្ធ​អ៊ិ​ន​ធើ​ណិ​ត​កាន់តែ​ខ្លាំង​ ជា​ពិសេស​ ដើម្បី​សម្រួល​ដល់​ការ​ទំនាក់ទំនង​របស់​ប្រជាពលរដ្ឋ​ និង​ភ្ញៀវ​ទេសចរ​ដែល​មក​ទស្សនា​តំបន់​អង្គរ​ អាជ្ញាធរ​ជាតិ​អប្សរា​ តាម​រយៈ​ការ​ពិភាក្សា​ជាមួយ​អ្នកជំនាញ​ជាតិ​ និង​អន្តរជាតិ​ ជា​ពិសេស​ ក្រោយ​ឆ្លង​យោបល់​ ជាមួយ​ គណៈកម្មាធិការ​ ICC-Angkor​ រួច​មក​ បាន​អនុញ្ញាត​ឲ្យ​មានការ​សាងសង់​បង្គោល​សិប្បនិមិត្ត​ ដែល​អាច​អនុញ្ញាត​ឲ្យ​ក្រុមហ៊ុន​ទូរ​សព្ទ​ផ្សេងៗ​ អាច​បំពាក់​ប្រព័ន្ធ​សេវា​ទូរ​សព្ទ​របស់​ខ្លួន​បាន​។​ ​កាលពី​ឆ្នាំ​២០១៦​ បង្គោល​សិប្បនិមិត្ត​នេះ​ត្រូវ​សាងសង់​ឡើង​ចំនួន​៦​ទីតាំង​សំខាន់ៗ​នៅ​ក្នុង​តំបន់​អង្គរ​ និង​មាន​ក្រុមហ៊ុន​ទូរ​សព្ទ​ចំនួន​៤​ក្នុង​ប្រទេស​កម្ពុជា​បាន​ជួល​បំពាក់​សេវា​។​ ប៉ុន្តែ​ ចំនួន​បង្គោល​នេះ​ នៅ​តែ​មិន​អាច​ផ្តល់​សេវា​គ្របដណ្តប់​ក្នុង​តំបន់​អង្គរ​បាន​គ្រប់គ្រាន់​នៅឡើយ​។​ នៅ​ក្នុង​កិច្ចប្រជុំ​បច្ចេកទេស​ ICC-Angkor​ នា​ដើមខែ​មិថុនា​

ថៃ៖ បើយោងតាមការគ្រោងទុកថៃនឹងត្រូវរៀបចំការបោះឆ្នោតជាតិមួយនៅថ្ងៃទី២៤ ខែ កុម្ភៈ ឆ្នាំ ២០១៩ ខាងមុននេះហើយ តែយ៉ាងណាក្តីឧបនាយករដ្ឋមន្រ្តីថៃលោក Wissanu Krea-ngam បានធ្វើការបញ្ជាក់កាលពីម្សិលមិញថា ការបោះឆ្នោតជាតិនេះអាចនឹងពន្យាពេលដល់ថ្ងៃទី៥ ខែឧសភា ឆ្នាំ២០១៩ វិញ។ ក្នុងសនិ្នសិទ្ធការសែតកាលពីម្សិលមិញនេះ លោកឧបនាយករដ្ឋមន្រ្តីថៃបានប្រាប់ឲ្យដឹងថា មូលហេតុដែលនាំឲ្យមានការពន្យាពេលនេះ ដោយតែរដ្ឋាភិបាលត្រូវការពេលវេលា ដើម្បីរៀបការងាររដ្ឋបាលមួយចំនួនសម្រាប់ការបោះឆ្នោតនេះ។ សូមរម្លឹកឡើងវិញថា របបយោធាថៃបានធ្វើការដឹកនាំប្រទេសថៃចាប់តាំងពីឆ្នាំ ២០១៤ មកម្លះ បន្ទាប់ពីយោធាថៃបានធ្វើរដ្ឋប្រហារទម្លាក់រដ្ឋាភិបាល ដែលដឹកនាំដោយលោកស្រី Yingluck Shinawatra រួចមក។ ប្រជាពលរដ្ឋថៃជាច្រើន ជាពិសេសក្រុមអ្នកគាំទ្រលោកស្រី Yingluck Shinawatra តែម្តងបានទទឹងរង់ចាំការបោះឆ្នោតជាតិនេះជាខ្លាំង

ស្មាតហ្វូនដែលមានបច្ចេកវិទ្យាស្កេនក្រយៅដៃលើអេក្រង់មុនដំបូងគេបង្អស់លើពិភពលោក នោះគឺ Vivo X21 នេះតែម្ដង ដោយវាបានធ្វើការប្រកាសចេញកាលពីត្រីមាសទី ១ កន្លងទៅ និងទទួលការចាប់អារម្មណ៍មិនស្ទើរនោះទេ នៅទូទាំងពិភពលោក ហើយនៅក្នុងប្រទេសកម្ពុជាយើង ក៏មានអ្នកចាប់អារម្មណ៍ច្រើនផងដែរ ដូចនេះហើយទើបក្រុមហ៊ុន Vivo ប្រចាំប្រទេសកម្ពុជាបានពាំនាំយក Vivo X21 នេះចូលមកជាផ្លូវការតែម្ដង ដោយលោកអ្នកអាចរកជាវបាននៅតាមបណ្ដាហាងចែកចាយផលិតផល Vivo ដែលនៅជិតលោកអ្នកបំផុត។ ដោយសម្រាប់រាល់ការជាវ Vivo X21 មានតម្លៃ ៥៩៩ ដុល្លារ ចាប់ពីថ្ងៃនេះតទៅ លោកអ្នកនឹងទទួលកញ្ចប់កាដូបាល់ទាត់មួយ ដែលមានស្លាកសញ្ញា Vivo ពិសេសបំផុតសម្រាប់រដូវកាល FIFA World

ជាញឹកញយការឡើងទម្ងន់ គឺផ្សារភ្ជាប់ជាមួយនឹងការទទួលតានលើសកម្រិត ប៉ុន្តែក៏អាចបណ្ដាលមកពីបញ្ហាអ័រម៉ូនផ្សេងៗផងដែរ។ ខណៈដែលការឡើងទម្ងន់ គឺងាយ ការសម្រក គឺមិនដូចគ្នាឡើយ។ កត្តាមួយចំនួនដូចជា ភាពតានតឹង អាយុ ហ្សែន និងរបៀបនៃការរស់នៅមិនសមស្របអាចបណ្តាលឲ្យកើតមានបញ្ហាអតុល្យភាពអ័រម៉ូន ជាលទ្ធផលបង្កជាជំងឺធាត់។ អត្ថបទខាងក្រោមនឹងបង្ហាញឲ្យដឹងពីអ័រម៉ូនចំនួន ៩ ដែលបណ្ដាលឲ្យកើតមានអតុល្យភាពក្នុងរាងកាយជាលទ្ធផលនៃការឡើងទម្ងន់ រួមជាមួយនឹងវិធីងាយៗដើម្បីគ្រប់គ្រង់អ័រម៉ូនទាំងនោះឲ្យស្ថិតក្នុងកម្រិតត្រឹមត្រូវ ៖ ១. អ័រម៉ូនទីរ៉ូអ៊ីត ៖ ក្រពេញទីរ៉ូអ៊ីតមានទីតាំងស្ថិតនៅដើមករបស់អ្នក។ វាផលិតនូវអ័រម៉ូន T3 T4 និង Calcitonin ដែលទទួលខុសត្រូវចំពោះការរក្សា ឬថែទាំការដុតរំលាយអាហារក្នុងរាងកាយ។ នៅក្រោមការផលិតអ័រម៉ូនទាំងនេះអាចនាំឲ្យកើតមានជំងឺខ្សោយក្រពេញទីរ៉ូអ៊ីត ហើយជាញឹកញយជំងឺនេះផ្សារភ្ជាប់ជាមួយនឹងការឡើងទម្ងន់ ដោយសារតែការប្រមូលផ្តុំទឹកនៅក្នុងខ្លួន(មិនមែនខ្លាញ់នោះទេ) ដែលធ្វើឲ្យមនុស្សម្នាក់មើលទៅធាត់។ ដើម្បីជៀសវាងបញ្ហានេះ អ្នកគួរតែប្រើប្រាស់អំបិលអ៊ីយ៉ូត។ ព្យាយាមទទួលអាហារដែលចម្អិនបានឆ្អិនល្អ ជៀសវាងការទទួលទានបន្លែឆៅ។ លេបថ្នាំគ្រាប់វីតាមីន D ហើយកុំភ្លេចទទួលទានអាហារដែលមានផ្ទុកសម្បូរទៅដោយជាតិស័ង្កសីដូចជា អយស្ទ័រ និងគ្រាប់ល្ពៅជាដើម។ ២. អ័រម៉ូនអាំងស៊ុយលីន ៖ គឺជាអ័រម៉ូនដែលបង្កើងឡើងដោយលំពែង។ វាជួយដឹកនាំជាតិគ្លុយកុស ឬជាតិស្ករទៅក្នុងកោសិកាដើម្បីប្រើប្រាស់ជាថាមពល ឬរក្សាទុកជាជាតិខ្លាញ់ដោយរក្សាកម្រិតជាតិគ្លុយកូសក្នុងឈាម។ ការទទួលទានអាហារកែច្នៃ អាហារសម្រន់គ្មានជីវជាតិ ជាតិអាល់កុល ឬភេសជ្ជៈមានផ្ទុកជាតិផ្អែមកែច្នៃច្រើនលើសពេកអាចបណ្ដាលឲ្យរាងកាយធន់នឹងអាំងស៊ុយលីន។ បញ្ហានេះធ្វើឲ្យកោសិកាសាច់ដុំមិនទទួលស្គាល់អាំងស៊ុយលីនដែលមានផ្ទុកគ្លុយកូស ជាលទ្ធផលជាតិស្ករគ្លុយកូសត្រូវនៅសល់ក្នុងចរន្តឈាម។ ខណៈនោះកម្រិតជាតិស្ករក្នុងឈាមនឹងត្រូវកើនឡើងបង្កជាការឡើងទម្ងន់ និងជំងឺទឹកនោមផ្អែមប្រភទទី ២។ដើម្បីជៀសផុតពីបញ្ហានេះ អ្នកគួរព្យាយាមទទួលទានបន្លែស្លឹកបៃតង ផ្លែឈើតាមរដូវ និងបន្លែតាមរដូវ។ ដើម្បីបង្កើនកម្រិតអាស៊ីតខ្លាញ់ល្អអូមេហ្គា ៣ ចូរទទួលទានត្រីមានខ្លាញ់ គ្រាប់ធញ្ញជាតិ ប្រេងអូលីវ។ ទទួលទានទឹកឲ្យបានយ៉ាងហោចណាស់ ៤ លីត្ររាល់ថ្ងៃ។ ចាប់ផ្ដើមធ្វើលំហាត់ប្រាណឲ្យបានយ៉ាងហោចណាស់ ៤ ម៉ោងក្នុងមួយសប្តាហ៍។ ជៀសវាងការទទួលទានជាតិអាល់កុល អាហារសម្រន់ពេលយប់ជ្រៅ ភេសជ្ជៈដែលមានផ្ទុកជាតិផ្អែមកែច្នៃ។ ៣. អ័រម៉ូនស្ត្រេស Cortisol ៖ ជាអ័រម៉ូនបញ្ចេញដោយក្រពេញ adrenal នៅពេលអ្នកធុញថប់ តប់ប្រមល់ ស្ត្រេស ធ្លាក់ទឹកចិត្ត អន្ទះសារ ខឹង ឬរងរបួសរាងកាយ។ មុខងារចម្បងរបស់វា គឺកាត់បន្ថយកម្រិតនៃភាពស្ត្រេសតានតឹងដោយបង្កើនកម្រិតជាតិស្ករក្នុងឈាម ទប់ប្រព័ន្ធភាពស៊ាំ ហើយជួយដល់ការដុតបំប្លែងសារជាតិខ្លាញ់ ប្រូតេអ៊ីន និងកាបូអ៊ីដ្រាតក្នុងរាងកាយ។ ការរស់នៅពោពេញដោយភាពតានតឹងញឹកញយបណ្ដាលឲ្យរាងកាយបញ្ចេញនូវអ័រម៉ូន cortisol ច្រើនលើសប៉ះពាល់ដល់សុខភាពទូទៅ ដោយការរក្សាទុកនូវជាតិខ្លាញ់ និងជម្រុញការការលូតឡាស់កោសិកាខ្លាញ់។  ដើម្បីជៀសវាងបញ្ហានេះ ចូរគេងឲ្យបានគ្រប់គ្រាន់យ៉ាងហោចណាស់ ៨ ម៉ោងរៀងរាល់យប់។ ជៀសវាងអាហារកែច្នៃ អាហារបំពងខ្លាញ់ជាប់ខ្លាញ់ច្រើន និងជាតិអាល់កុល។ ហាត់យូហ្កា ឬធ្វើសមាធិ​​​សម្រួលអារម្មណ៍យ៉ាងហោចណាស់ ១ ម៉ោងរៀងរាល់ថ្ងៃ ដើម្បីកាត់បន្ថយអារម្មណ៍តានតឹង។ ការចំណាយពេលខ្លះជាមួយគ្រួសារ និងមិត្តភក្តិធ្វើរឿងសប្បាយៗក៏ជាដំណោះស្រាយដ៏ប្រសើរផងដែរ។ ៤. អ័រម៉ូនតេស្តូស្តេរ៉ូន ៖ ត្រូវបានគេចាត់ទុកថាជា អ័រម៉ូនបុរស ប៉ុន្តែក៏មាននៅក្នុងរាងកាយរបស់មនុស្សស្រីផងដែរ។ វាជួយដុតបំផ្លាញជាតិខ្លាញ់ ពង្រឹងសុខភាពឆ្អឹង និងសាច់ដុំ ហើយបង្កើនចំណង់ផ្លូវភេទ។ ចំពោះស្ត្រី អាយុ និងកម្រិតនៃភាពតានតឹងខ្ពស់អាចបណ្ដាលអោយមានការថយចុះនៃកម្រិតអ័រម៉ូននេះ ហើយវានឹងបង្កជាបញ្ហាមួយចំនួនដូចជា ការបាត់បង់ដង់ស៊ីតេ ឬម៉ាសឆ្អឹង ការបាត់បង់ម៉ាសសាច់ដុំ និងជំងឺធាត់។ ដើម្បីជៀសវាងបញ្ហានេះ ចូរព្យាយាមធ្វើលំហាត់ប្រាណឲ្យបានទៀងទាត់។ ជៀសវាងការទទួលទានគ្រឿងស្រវឹង ឬជាតិអាល់កុល។ ប្រើប្រាស់ថ្នាំគ្រាប់ប្រូតេអ៊ីន ហើយកុំភ្លេចទទួលទានអាហារដែលមានផ្ទុកសម្បូរទៅដោយជាតិសសៃដូចជា គ្រាប់ធញ្ញជាតិសុទ្ធមិនកែច្នៃ គ្រាប់ល្ពៅ ជាដើម។ ៥. អ័រម៉ូន Progesterone ៖ កម្រិតនៃអ័រម៉ូន Progesterone និង អ័រម៉ូនអេស្ត្រូជែន (Estrogen) នៅក្នុងរាងកាយគួរតែមានតុល្យភាព ដើម្បីដំណើរការមុខងារបានត្រឹមត្រូវ។ កម្រិតនៃអ័រម៉ូន Progesterone អាចធ្លាក់ចុះដោយសារតែហេតុផលជាច្រើនដូចជា ស្ត្រេស ការប្រើថ្នាំពន្យារកំណើតជាដើម និងការឈានចូលដល់វ័យអស់រដូវជាដើម។ បញ្ហានេះបណ្ដាលឲ្យកើនទម្ងន់ និងកើតជំងឺធ្លាក់ទឹកចិត្ត។ ដើម្បីជៀសវាង ចូរធ្វើលំហាត់ប្រាណឲ្យបានទៀងទាត់។ ពិគ្រោះជាមួយគ្រូពេទ្យដើម្បីប្រើប្រាស់ថ្នាំ។ ព្យាយាមកាត់បន្ថយអារម្មណ៍តានតឹង។ ៦. អ័រម៉ូនអេស្ត្រូជែន (Estrogen) ៖ ជាអ័រម៉ូនស្ត្រី។ ករណីអតុល្យភាពនៃកម្រិតអ័រម៉ូនអេស្ត្រូជែននៅក្នុងរាងកាយអាចបណ្ដាលឲ្យកើនទម្ងន់។ កម្រិតខ្ពស់នៃអ័រម៉ូនអេស្ត្រូជែននៅក្នុងរាងកាយអាចបណ្ដាលមកពីការផលិតផលអ័រម៉ូនលើស ឬរបបអាហារដែលជួយបង្កើនកម្រិតនៃអរម៉ូនអ៊ឹស្ត្រូជែន។ នៅពេលកម្រិតនៃអ័រម៉ូននេះឡើងខ្ពស់ កោសិកាដែលផលិតអាំងស៊ុយលីនទទួលរងភាពតានតឹងធ្វើឲ្យអ្នកធន់នឹងអាំងស៊ុយលីន ខណៈនោះកម្រិតនៃជាតិស្ករក្នុងឈាមនឹងកើនខ្ពស់បណ្ដាលឲ្យឡើងទម្ងន់។ ស្ត្រីអស់រដូវមានកំរិតអ័រម៉ូនអឺស្ត្រូជែនទាប ហើយដើម្បីបំពេញការផ្គត់ផ្គង់អ័រម៉ូនអេស្ត្រូជែនរាងកាយចាប់ផ្តើមស្វែងរកប្រភពដទៃទៀតដែលផលិតអ័រម៉ូនអឺស្ត្រូជែន។ ប្រភពមួយក្នុងចំណោមនោះ គឺកោសិកាខ្លាញ់។ នៅពេលកម្រិតអ័រម៉ូនអេស្ត្រូជែនថយចុះ រាងកាយនឹងចាប់ផ្តើមបម្លែងប្រភពថាមពលទាំងអស់ទៅជាខ្លាញ់ដើម្បីបំពេញកម្រិតជាតិគ្លុយកូសជាហេតុនាំឲ្យកើនទម្ងន់។ ដើម្បីជៀសវាងបញ្ហានេះ ចូរព្យាយាមទទួលទានគ្រាប់ធញ្ញជាតិសុទ្ធមិនកែច្នៃ បន្លែផ្លែឈើស្រស់ៗ។ ជៀសវាងជាតិអាល់កុល ឬគ្រឿងស្រវឹង។ ធ្វើលំហាត់ប្រាណឲ្យបានទៀងទាត់ និងជៀសវាងការទទួលទានសាច់ប្រភេទកែច្នៃ។ ៧. អ័រម៉ូន Leptin ៖ ជាអ័រម៉ូនចាត់ចែងធ្វើឲ្យមានតុល្យភាពថាមពលនៅក្នុងរាងកាយដោយកាត់បន្ថយការឃ្លាន។ ប៉ុន្តែនៅពេលយើងទទួលទានអាហារដែលមានផ្ទុកសម្បូរទៅដោយជាតិស្ករនោះការបញ្ចេញសារធាតុ Fructose ត្រូវបានបំលែងទៅជាជាតិខ្លាញ់ដែលត្រូវបានរក្សាទុកនៅក្នុងថ្លើម ក្បាលពោះ និងផ្នែកផ្សេងៗនៃរាងកាយ។ កោសិកាខ្លាញ់ទាំងនេះលាក់ leptin។ Leptin ត្រូវលាក់ទុកច្រើនប៉ុណ្ណា រាងកាយនឹងកាន់តែមិនស្គាល់អំពីវាប៉ុននោះ។ បញ្ហានេះនឹងបណ្ដាលឲ្យអ្នកទទួលទានមិនឈប់។ ដើម្បីជៀសវាង ចូរកាត់បន្ថយ ឬឈប់ទទួលទានអាហារ ឬភេសជ្ជៈដែលមានផ្ទុកសម្បូរទៅដោយជាតិស្ករ។ ទទួលទានផ្លែឈើមិនលើសពី ៣ ផ្លែក្នុងមួយថ្ងៃ។ ព្យាយាមទទួលទានបន្លែមានស្លឹកបៃតងដិត។ ជៀសវាងអាហារកែច្នៃ ហើយគេងឲ្យបានពី ៧ ទៅ ៨ ម៉ោង រៀងរាល់យប់។ ហើយកុំភ្លេចទទួលទានទឹកឲ្យបានគ្រប់គ្រាន់! ៨. អ័រម៉ូន Ghrelin ៖ បញ្ចេញដោយក្រពះ ghrelin ត្រូវបានគេស្គាល់ថាជាអ័រម៉ូនឃ្លាន។ ហ្គ្រេលីន (Ghrelin) រំញោចចំណង់អាហារ និងបង្កើនការបញ្ចេញជាតិខ្លាញ់។ កម្រិតហ្គ្រេលីន គឺនឹងឡើងខ្ពស់នៅពេលអ្នកមានរបបអាហារតឹងតែង ឬខណៈពេលតមអាហារ។ ដើម្បីជៀសវាងបញ្ហានេះ ចូរធ្វើលំហាត់ប្រាណឲ្យបានទៀងទាត់។ ទទួលទានទឹកធម្មតា ១កែវកន្លះ មុនពេលបាយ ២០ នាទី។ ទទួលទានបន្លែផ្លែឈើស្រស់ៗ និងអាហារដែលមានផ្ទុកសម្បូរទៅដោយជាតិប្រូតេអ៊ីន។ ៩. អ័រម៉ូនមេឡាតូនីន (Melatonin) ៖ ជាអ័រម៉ូនគ្រប់គ្រងការគេង និងភ្ញាក់ដឹងខ្លួន។ ខណៈពេលគេងលក់រាងកាយបញ្ចេញនូវអ័រម៉ូនលូតលាស់ដែលជួយរាងកាយឲ្យជាសះស្បើយ កែប្រែសមាសភាពរាងកាយ និងបង្កើតសាច់ដុំគ្មានខ្លាញ់។ ប៉ុន្តែប្រសិនបើអ្នកគេងមិនបានគ្រប់គ្រាន់ ឬត្រឹមត្រូវទេនោះ ដំណើរការនៃការព្យាបាលរបស់រាងកាយនឹងត្រូវទទួលការរំខានបណ្ដាលឲ្យកើតមានភាពតានតឹងក្នុងអារម្មណ៍ ហើយនៅទីបំផុតនាំអោយកើនទម្ងន់។ ដើម្បីជៀសផុតពីបញ្ហានេះ អ្នកមិនគួរទទួលទានអាហារផ្សេងៗខណៈពេលយប់ជ្រៅ ឬនៅមុនពេលចូលគេងឡើយ។ គេងឲ្យបានគ្រប់គ្រាន់ និងគេងក្នុងកន្លែងដែលគ្មានពន្លឺ ហើយត្រជាក់។ បិទឧបករណ៍គ្រឿងអេឡិចត្រូនិកឲ្យអស់មុនគេង៕ អត្ថបទ ៖ ប៊ី ប្រភព ៖ Brightside

ជប៉ុន៖ កាលពីថ្ងៃចន្ទកន្លងនេះ ក្រុមហ៊ុន West Japen Railway Co. បានធ្វើការបង្ហាញជាសាធារណៈ នូវរថភ្លើងល្បឿនលឿនថ្មីសហការជាមួយនឹងតួអង្គតុក្តតាដ៏ល្បីឈ្មោះទូទាំងពិភពលោកគឺ Hello Kitty ដែលការដាក់បង្ហាញនេះបានធ្វើឡើងនៅខេត្ត Fukuoka។ ទាំងតួរថភ្លើងខាងក្រៅ និងផ្នែកខាងក្នុង សុទ្ធតែត្រូវបានរចនាឡើងជាមួយនឹងរូបតុក្តតា Hello Kitty ហើយនៅក្នុងរថភ្លើងថែមទាំងមានកន្លែងសម្រាប់ឲ្យអ្នកធ្វើដំណើរថតរូបលេងថែមទៀតផង។ រថភ្លើង Hello Kitty នេះនឹងដាក់ឲ្យដំណើរការនាពេលឆាប់ៗខាងមុខនេះ៕ អត្ថបទ៖ ឌី ប្រភព៖ CGTN

ជំងឺស្បែក ក៏ដូចជាបញ្ហាស្បែក គឺមិនមែនរឿងសប្បាយនឹងដោះស្រាយឡើយ មិនថាបញ្ហានោះត្រឹមជាប្រតិកម្មអាឡែកស៊ីកម្រិតស្រាល ឬធ្ងន់ធ្ងរដល់ថ្នាក់ជាជំងឺស្បែកដូចជា ជំងឺសើស្បែកត្រអក ឬជំងឺស្បែករបកក្រហម។ ប៉ុន្តែទោះជាយ៉ាងណា ជាមួយនឹងឱសថបែបធម្មជាតិដែលមានប្រសិទ្ធិភាពកាត់បន្ថយការឈឺចាប់ រមាស់ រោលរលាក និងព្យាបាលអាការៈផ្សេងៗទៀតមួយចំនួនខាងក្រោមនេះ បញ្ហាស្បែកផ្សេងៗនឹងត្រូវបានដោះស្រាយយ៉ាងងាយ ហើយឆាប់រហ័សថែមទៀតផង ៖ ១. ទឹកខ្មេះផ្លែប៉ោម ៖ មានប្រសិទ្ធិភាពព្យាបាលការរលាក ជួយជម្រុញដល់ការស្រកទម្ងន់ និងថែមទាំងអាចទប់ស្កាត់ជំងឺមហារីកបានទៀតផង ហើយដោយសារលក្ខណៈសម្បត្តិប្រឆាំងនឹងបាក់តេរីរបស់វា ទឹកខ្មេះផ្លែប៉ោមក៏អាចព្យាបាលរោគមុន ក៏ដូចជាប្រយុទ្ធប្រឆាំងមេរោគផ្សិតដែលបណ្ដាលឲ្យកើតមានការឡើងរោលកន្ទូលរលាកលើស្បែកផងដែរ។ លក្ខណៈសម្បត្តិបន្សាបជាតិពុល និងអាល់កាឡាំងដែលមាននៅក្នុងទឹកខ្មេះផ្លែប៉ោមអាចកាត់បន្ថយក្លិនខ្យល់ដង្ហើមមិនល្អ និងព្យាបាលបញ្ហាស្បែកផ្សេងៗដូចជា ជម្ងឺសើស្បែកត្រអក និងជំងឺស្បែករបកក្រហម (psoriasis)។ លើសពីនេះទៀត ទឹកខ្មេះផ្លែប៉ោមអាចត្រូវបានប្រើជាទឹកថ្នាំមួយប្រភេទដែលអាចលាបលើស្បែកដែលរលាកដោយសារកម្ដៅព្រះអាទិត្យ ឬសត្វល្អិតខាំ។ អ្វីដែលអ្នកត្រូវធ្វើ គឺបន្ថែមទឹកខ្មេះផ្លែប៉ោមពី ១៥ ទៅ ២០ មីលីលីត្រក្នុងទឹកធម្មតាមួយកែវ ហើយទទួលទានឲ្យបានជាប្រចាំ ២ ដងក្នុងមួយថ្ងៃ។ លាបវាលើស្បែករបស់អ្នកដោយប្រើបន្ទះសំឡីឲ្យបាន ២ ដងក្នុងមួយថ្ងៃជាប្រចាំ។ ២. ប្រទាលកន្ទុយក្រពើ ៖ មានប្រសិទ្ធិភាពកាត់បន្ថយការរលាកដោយសារកម្ដៅព្រះអាទិត្យ កាត់បន្ថយអាការៈរមាស់ រោលរលាក ព្យាបាលរបួសផ្សេងៗ និងត្រូវបានប្រើជាថ្នាំព្យាបាលប្រយុទ្ធប្រឆាំងជំងឺស្បែកមួយចំនួនដូចជា ជំងឺមុខក្រហម (rosacea) ជំងឺ dermatographia ជំងឺជាំមុខ (melasma) និងជំងឺសើស្បែកត្រអក។ ប្រទាលកន្ទុយក្រពើក៏ត្រូវបានយកមកប្រើប្រាស់ដើម្បីជួយស្បែកឲ្យរក្សាបាននូវភាពស្រស់ថ្លា និងមានសំណើមផងដែរ។ អ្វីដែលអ្នកត្រូវធ្វើ គឺគ្រាន់តែយកជែលប្រទាលកន្ទុយក្រពើស្រស់កន្លះពែង ហើយប្រើប្រាស់បន្ទះសំឡីដើម្បីលាបវាផ្ទាល់លើស្បែក និងទុកចោលរហូតដល់ស្ងួត។ អនុវត្តន៍សារឡើងវិញឲ្យបាន ៣ដងក្នុងមួយថ្ងៃ។ ៣. ប្រេងដូង ៖ ជាផលិតផលបែបធម្មជាតិម្យ៉ាងដែលជួយរក្សាសំណើម ហើយសាកសមចំពោះគ្រប់ប្រភេទស្បែក។ លើសពីនេះទៅទៀត ប្រេងដូងមានសមត្ថភាពក្នុងការជ្រាបចូលជ្រៅក្នុងស្បែកជាងផលិតផលផ្សេងៗដទៃទៀត ដោយសារទម្ងន់នៃម៉ូលេគុលទាប និងវិធីដែលវាភ្ជាប់ទំនាក់ទំនងជាមួយប្រូតេអ៊ីន។ ក៏ព្រោះលក្ខណៈសម្បត្តិប្រឆាំងនឹងការរលាក ប្រេងដូងក៏ត្រូវបានយកមកប្រើប្រាស់ដើម្បីព្យាបាលជំងឺសើស្បែកត្រអក និងជំងឺស្បែករបកក្រហម (psoriasis) ផងដែរ ដោយវាអាចជួយស្បែកឲ្យរក្សាបាននូវជាតិសំណើម និងអនុញ្ញាតឲ្យស្បែកឆាប់ជាសះស្បើយ។ អ្វីដែលអ្នកត្រូវធ្វើ គឺទទួលទានប្រេងដូង ១ ស្លាបព្រាបាយឲ្យបានម្ដងក្នុងមួយថ្ងៃជាប្រចាំ។ ហើយលាបវាលើតំបន់ស្បែកដែលទទួលរងផលប៉ះពាល់ ២ដងក្នុងមួយថ្ងៃ និងទុកចោលរហូតដល់ស្បែកស្រូបយកអស់។ ៤. រមៀត ៖ រមៀតត្រូវបានគេស្គាល់ទូទាំងពិភពលោកសម្រាប់លក្ខណៈសម្បត្តិព្យាបាល និងអត្ថប្រយោជន៍ចំពោះសម្រស់របស់វា។ រមៀតមានផ្ទុកសារធាតុប្រឆាំងអុកស៊ីតកម្មធម្មជាតិ និងសមាសធាតុប្រយុទ្ធប្រឆាំងការលាកដែលជួយឲ្យស្បែកស្រស់ថ្លាមានពន្លឺ កាត់បន្ថយស្នាមមុន ក៏ដូចជាបង្ការការកើតរោគមុនថែមទៀតផង។ ចំណែកឯសកម្មភាពអង់ទីអុកស៊ីដង់ដ៏មានឥទ្ធិពលដែលរមៀតមានផ្ទុកវិញ អាចជួយកាត់បន្ថយការរីកលូតលាស់របស់កោសិកាដុំសាច់នៃស្បែក។ រមៀតក៏មានប្រសិទ្ធិភាពគ្រប់គ្រង់លើជំងឺស្បែករបកក្រហមផងដែរ។ អ្វីដែលអ្នកត្រូវធ្វើ គឺគ្រាន់តែបន្ថែមវាលើចំណីអាហារប្រចាំថ្ងៃ និងលាយម្ស៉ៅរមៀតក្នុងទឹកធម្មតាឲ្យក្លាយជាល្បាយខាប់ៗ ហើយលាបវាលើស្បែកដើម្បីកាត់បន្ថយការរលាក។ ៥. ទឹកឃ្មុំ ៖ ដោយសារតែលក្ខណៈសម្បត្តិព្យាបាលដែលរួមបញ្ចូលទាំងការជម្រុញការលូតលាស់នៃកោសិកា និងកាត់បន្ថយស្នាមសំលាកផ្សេងៗ ទឹកឃ្មុំត្រូវបានគេយកមកប្រើប្រាស់ដើម្បីព្យាបាលការឡើងរោលកន្ទួលលើស្បែក ការរលាក ដំបៅ និងរបួសផ្សេងៗ។ លើសពីនេះទៀតទៀត វាមានផ្ទុកនូវអង់ស៊ីនម្យ៉ាងដែលផលិតទឹកអុកស៊ីសែនត្រូវបានគេស្គាល់ថាជា ថ្នាំសម្លាប់មេរោគ។ អ្វីដែលអ្នកត្រូវធ្វើ គឺគ្រាន់តែបន្ថែមវាជាមួយនឹងអាហារពេលព្រឹករបស់អ្នក និងលាបផ្ទាល់លើតំបន់ដែលទទួលរងផលប៉ះពាល់ រួចទុកចោលលើស្បែកសម្រាប់រយៈពេល ៣០ នាទីសឹមលាងសម្អាតចេញ៕ អត្ថបទ ៖ ប៊ី ប្រភព ៖ Brightside