ចិន៖ ភោជនីយដ្ឋានមួយនៅក្នុងប្រទេសចិនត្រូវបានដួលរលំវិញយ៉ាងឆាប់រហ័ស បន្ទាប់ពីហាងមួយនេះបានបើកដំណើរការត្រឹមតែរយៈពេល១១​ថ្ងៃប៉ុណ្ណោះ ហើយមូលហេតុដែលធ្វើឲ្យហាងនេះដួលរលំយ៉ាងឆាប់រហ័សដូចនេះ ព្រោះតែហាងនេះបានបង្កើតកម្មវិធីលក់ពិសេសមួយដោយកំហុស និងមិនអាចគ្រប់គ្រង់ចំនួនអតិថិជនមកញ៉ាំអាហារក្នុងហាងនេះបាន។ ភោជនីយដ្ឋានមួយនេះមានឈ្មោះថា Jiamen’er មានទីទាំងស្ថិតនៅក្នុងទីក្រុង Chengdu ខេត្ត Sichuan ភាគខាងត្បូងប្រទេសចិន។ ពេលបើកលក់ដំបូងភោជនីយដ្ឋាននេះ មានកម្មវិធីពិសេសមួយគឺលក់កាតសមាជិកដល់អតិថិជនក្នុងតម្លៃ១៨ដុល្លារ ដោយអនុញ្ញាតឲ្យម្ចាស់កាតសមាជិកទាំងនោះអាចមកញ៉ាំអាហារបានពេញមួយថ្ងៃ ហើយចាំឲ្យលុយសរុបម្តងនៅចុងខែ។ យ៉ាងណាក្តី នៅក្នុងកាតមិនបានកំណត់ឈ្មោះអត្តសញ្ញាណអតិថិជនណាម្នាក់ឲ្យបានច្បាស់លាស់នោះទេ មានន័យថានណាក៏ដោយឲ្យតែបង្ហាញកាតសមាជិកនេះក៏អាចញ៉ាំអាហារបាន និងរង់ចាំទូទាត់ប្រាក់សរុបនៅចុងខែ។ ដោយឃើញចន្លោះប្រហោងនៅក្នុងការប្រើប្រាស់កាតដូចនេះ អតិថិជនដែលមានកាតទាំងអស់បានឲ្យកាតនេះទៅកាន់មិត្តរបស់ពួកគេតៗគ្នា ដើម្បីមកញ៉ាំអាហារនៅក្នុងហាងដោយសេរី ខណៈដែលម្ចាស់ហាងមិនអាចកំណត់អត្តសញ្ញាណថា អតិថិជនទាំងអស់នោះជាសមាជិក ឬជាអ្នកណាឲ្យប្រាកដនោះទេ។ ចុងក្រោយហាងមួយនេះត្រូវបានបិទទ្វាវិញក្នុងរយៈពេល ១១ ថ្ងៃ និងបន្សល់ទុកឲ្យម្ចាស់ហាងត្រូវជំពាក់លុយគេចំនួន ៧៧ ៣២៦ ដុល្លារទៀតផង៕ អត្ថបទ៖

នៅព្រឹកថ្ងៃទី២២ ខែមិថុនា ឆ្នាំ២០១៨នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញផ្តល់កិត្តិយសប្រគល់សញ្ញាបត្រដល់និស្សិតសាកលវិទ្យាល័យភូមិន្ទភ្នំពេញ នៅ​ឯ​មជ្ឈមណ្ឌល​សន្និបាត​កោះ​ពេជ្រ​។ ក្នុងឱកាសនោះ សម្តេចតេជោក៏បានប្រកាសដាក់ចេញនូវការបញ្ចុះតម្លៃប្រេងនៅក្នុងប្រទេសកម្ពុជា ដែលកន្លងទៅ រាជរដ្ឋាភិបាលបានចំណាយថវិកាប្រមាណជិត ៨៣លានដុល្លារ ដោយស្ងាត់ស្ងៀម ដើម្បីរក្សាស្ថិរភាពតម្លៃប្រេងអោយនៅចុះថ្លៃជូនបងប្អូនប្រជាពលរដ្ឋ។ រាជរដ្ឋាភិបាលនឹងចំណាយថវិកាប្រមាណជាង៣០លានដុល្លារ ដើម្បីបញ្ចុះថ្លៃជូនបងប្អូនប្រជាពលរដ្ឋ គឺរដ្ឋចូលរួម (២សេន) ហើយវិស័យឯកជននឹងចូលរួម ២សេនទៀត ដែលជាលទ្ធផលតម្លៃប្រេងសាំងនឹងចុះតម្លៃចំនួន ៤សេន (១៦០៛) ក្នុងមួយលីត្រ។ សម្តេចតេជោ ហ៊ុន សែន បានប្រកាសឲ្យក្រសួងពាណិជ្ជកម្មពិនិត្យតាមដាន និងអនុវត្តនូវការបញ្ចុះតម្លៃនេះអោយបានត្រឹមត្រូវហ្មត់ចត់ចាប់ពី ទី០១ ខែកក្ដដា ឆ្នាំ២០១៨

ខណៈការប្រឡងសញ្ញាបត្រ​មធ្យម​សិក្សា​ទុតិយភូមិ កាន់តែខិតជិតមកដល់នៅថ្ងៃទី២០ ខែសីហា ខាងមុន ក្រសួងអប់រំ យុវជន និងកីឡា បានធ្វើការបង្ហាញកម្មវីធីថ្មីមួយសម្រាប់ទូរស័ព្ទ ដែលមានឈ្មោះថា MoEYS App Scan ដែលកម្មវិធីនេះសម្រាប់ជំនួយដល់ការសិក្សា ត្រូវបង្កើតឡើង ដើម្បីជួយសិស្សឱ្យយល់កាន់តែច្បាស់អំពីមុខវិជ្ជានីមួយៗ។ App Scan ប្រើបច្ចេកវិទ្យា AR (Argumentd Reality) ដែលជួយអោយការសិក្សាមានភាពរីករាយ សម្បូរបែប និងគួរឱ្យចាប់អារម្មណ៍ តាមរយៈការទស្សនាវីដេអូដែលមានចលនានៅលើរូបភាពខ្លះនៃសន្លឹកសៀវភៅសិក្សាគោលដោយផ្ទាល់លើមុខវិជ្ជាជីវវិទ្យាគីមីវិទ្យា និងរូបវិទ្យា។ កម្មវិធី MoEYS App Scan ក៏មានដាក់បញ្ចូលកម្មវិធីធ្វើតេស្តសាកល្បងសមត្ថភាពសម្រាប់សិស្សថ្នាក់ទី១២ លើមុខវិជ្ជាចំនួន៥ រួមមាន គណិតវិទ្យា រូបវិទ្យា

Bose គឺជាក្រុមហ៊ុនលក់ផលិតផលកាសដែលមានតម្លៃរហូតដល់ទៅ $300 មុនពេលវត្តមានរបស់ក្រុមហ៊ុន Beat ចូលមកដល់។ ដោយឡែក កាលពីពេលថ្មីៗកន្លងទៅនេះ Bose បានសម្រេចចេញលក់ផលិតផលកាសថ្មីមួយគូទៀតហើយ ប៉ុន្ដែហាក់ដូចជាមិនមែនសម្រាប់ស្ដាប់តន្ត្រីទេ គឺសម្រាប់ប្រើពេលគេងទៅវិញ។ ទាក់ទងទៅនឹងកាសដែលប្រើក្នុងពេលគេងនេះ មានសមត្ថភាពអាចចាក់ភ្លេងដើម្បីជួយលុបបំបាត់សម្លេងរំខាន និងជួយអ្នកឲ្យគេងបានយ៉ាងស្រួល។ វាមានឈ្មោះថា Sleepbuds ហើយមិនប្រើខ្សែនោះទេ ឯរចនាបទគឺផលិតឡើងដើម្បីឲ្យអ្នកពាក់គេងពេលយប់បានដោយគ្មានការរំខាន។ គួរបញ្ជាក់ផងដែរថា ផលិតផលកាសពាក់ពេលយប់របស់ក្រុមហ៊ុន Bose នេះមានទម្ងន់ត្រឹម 1.4ក្រាមប៉ុណ្ណោះ។ ដូចទៅនឹងអ្វីដែលអ្នកធ្លាប់ដឹងហើយថា Bose គឺជាក្រុមហ៊ុនធំមួយដែលមានភ្ជាប់មកជាមួយនឹងបច្ចេកវិទ្យាកាត់សម្លេងរំខានផងដែរ។ មិនតែប៉ុណ្ណោះ Sleepbuds មានផ្ទុកភ្លេងដែលធ្វើឲ្យយើងស្ងប់ចិត្តទាំង10 និងអាចប្រើបានរហូតដល់ 16ម៉ោងសម្រាប់ការសាកថ្មពេញ។ ទាក់ទងទៅនឹងភ្លេងដែលធ្វើឲ្យចិត្តស្ងប់គឺមានដូចជាសម្លេងទឹកហូរ រលកសមុទ្រ ខ្យល់

ទ្រូម៉ាន់នីដែលជាក្រុមហ៊ុនផ្ទេរប្រាក់ដ៏ល្បីល្បាញមួយកំពុងតែពង្រីកវិសាលភាព និងកិត្តិនាមរបស់ខ្លួនទូទាំងព្រះរាជាណាចក្រកម្ពុជានោះ បានចុះហត្ថលេខាលើកិច្ចព្រមព្រៀង ស្តីអំពីសហប្រតិបត្តិការអាជីវកម្ម លើសេវាកម្ម បង់ប្រាក់កម្មីជាមួយគ្រឹះស្ថានមីក្រូហិរញ្ញវត្ថុអិលអូអិលស៊ី (ខេមបូឌា) ភីអិលស៊ី ។ នៅក្នុងកម្មវិធីចុះហត្ថលេខា កាលថ្ងៃពីទី២១ ខែមិថុនា ឆ្នាំ២០១៨ លោក គង់ មាន អគ្គនាយក ក្រុមហ៊ុនទ្រូម៉ាន់នី ប្រចាំប្រទេសកម្ពុជាបានថ្លែងថា៖ បច្ចុប្បន្នក្រុមហ៊ុនយើងខ្ញុំមានភ្នាក់ងារជាង ៦.០០០កន្លែង និង អតិថិជនសរុបជាង2លាននាក់ នៅទូទាំង២៥ខេត្ត/ក្រុង ក្នុងព្រះរាជាណាចក្រកម្ពុជា ហើយយើងនៅតែបន្តពង្រីកភ្នាក់ងារឱ្យកាន់តែច្រើនដើម្បីផ្តល់ភាពងាយស្រួលដល់អតិថិជនទ្រូម៉ាន់នី ក៏ដូចជាអតិថិជនរបស់ក្រុមហ៊ុនដែលជាដៃគូសហការរបស់ក្រុមហ៊ុនទ្រូម៉ាន់នីផងដែរ។ លោក គង់ មាន បានបន្តទៀតថា៖ ថ្ងៃនេះក្រុមហ៊ុនទ្រូម៉ាន់នី មានកិត្តិយសក្នុងការក្លាយជាដៃគូសហការជាមួយ អិលអូអិលស៊ី

ថៃ៖​ ក្រុមហ៊ុនរថភ្លើង BTS (Bangkok Mass Transit System ) របស់ថៃគ្រោងនឹងដាក់បន្ថែមរថភ្លើងលើអាកាសចំនួន ២២ បន្ថែមទៀត នៅក្នុងខែ្សរថភ្លើង Sukhumvit ដើម្បីបញ្ចៀសបញ្ហាកកស្ទះ និងដើម្បីកុំឲ្យអ្នកដំណើរទាំងអស់ត្រូវរង់ចាំយូរ។ រថភ្លើងទាំង២២គ្រឿងនេះ គឺជាប្រភេទរថភ្លើងផលិតឡើងដោយក្រុមហ៊ុនរបស់ប្រទេសអាឡឺម៉ង់។ រហូតមកទល់នឹងពេលនេះក្រុមហ៊ុនផលិតរថភ្លើងរបស់អាឡឺម៉ង់ និងក្រុមហ៊ុន BTS របស់ថៃ បានចុះកិច្ចសន្សាព្រមព្រាងជាមួយគ្នារួចរាល់អស់ហើយ តែចំពោះរថភ្លើងវិញគេអាចនឹងដាក់បន្ថែមនៅចុងខែនេះ។ សូមបញ្ជាក់រថភ្លើងនៅលើអាកាស គឺជាមធ្យោបាយធ្វើដំណើរដ៏សំខាន់មួយរបស់ប្រជាពលរដ្ឋថៃសម្រាប់ធ្វើដំណើរប្រចាំថ្ងៃ ដូចជាទៅធ្វើការងារ ទៅសាលារៀន ទៅផ្សារទំនើបមួយចំនួន និងធ្វើដំណើរទៅកាន់កន្លែងសំខាន់ៗមួយចំនួនទៀតនៅក្នុងទីក្រុង។ ហើយដំណឹងខាងលើនេះ ទទួលបានការស្វាគមន៍ និងគាំទ្រយ៉ាងខ្លាំងពីសំណាក់ប្រជាពលរដ្ឋថៃ ដែលតែងតែប្រើប្រាស់រថភ្លើងជាប្រចាំ៕ អត្ថបទ៖ ភក្តី ប្រភព៖ coconuts

ការទន្ទឹងរង់ចាំបានមកដល់ហើយទូរស័ព្ទម៉ូដែលថ្មីត្រកូល m6 ដែលបានមកដល់ថ្មីនេះគឺ Meizu m6 និង Meizu m6s ដែលជាទីចាប់អារម្មណ៍បំផុតក្នុងស្រទាប់យុវវ័យសម័យថ្មីប្រកបដោយភាពឆើតឆាយ ទំនើបភាព បើនិយាយពីតម្លៃវិញសមរម្យបំផុត។ ដោយសារយល់ឃើញពីរតម្រូវការទីផ្សារប្រទេសកម្ពុជា ក្រុមហ៊ុនMeizu បាននាំយកនូវស្មាតហ្វូន Meizu m6 មានតម្លៃត្រឹមតែ 109ដុល្លារ ប៉ុណ្ណោះ ថែមទាំងមានលក្ខណៈពិសេសជាច្រើនដុចជា មានអេក្រង់ ៥.២អ៊ីញនកញ្ចក់ 2.5D កម្រិត HD (720 x 1280 ភិចស៊ែល) មាន៤ ពណ៌ស្រស់ស្អាតសម្រាប់ជ្រើសរើសតាមក្តីស្រលាញ់ គឺពណ៌មាស, ពណ៌ប្រាក់, ពណ៌ខ្មៅ,

នៅថ្ងៃទី ១៩ ខែមិថុនា ឆ្នាំ2018 រាជធានីភ្នំពេញ ប្រទេសកម្ពុជា៖ លោក ឧកញ៉ា សៀ ឬទ្ធី ជាប្រធានសម្ព័ន្ធក្រុមហ៊ុន វើលប៊្រីដ (Worldbridge Groups) កំពុង ប្រមូលផ្តុំក្រុមអ្នកជំនាញខាងវិស័យហិរញ្ញវត្ថុ និងបច្ចេកវិជ្ជា ដែលមានសមត្ថភាពកម្រិតខ្ពស់ មកបើកយុទ្ធនាការផ្សព្វផ្សាយដំបូងអំពី ក្រុមហ៊ុន OOCTANE ជាក្រុមហ៊ុនគ្រឹះស្ថានទុនវិនិយោគមួយ ដែលមានតួនាទីដ៏សំខាន់ក្នុងការលើកកម្ពស់និងទ្រទ្រង់ ក្រុមហ៊ុនដំណើរការបឋម (Start-up) និង អាជីវកម្ម ខ្នាតតូចនិង មធ្យម ដែលហៅកាត់ថា SMEs នៅក្នុងប្រទេសកម្ពុជា។ ពិធីសម្ពោធនេះ ត្រូវបានប្រារព្ធធ្វើនាថ្ងៃនេះ

រាជធានីភ្នំពេញ, ថ្ងៃទី២២ ខែមិថុនា ឆ្នាំ២០១៨៖ ក្រុមហ៊ុន អ៊ីដតខូ (ខេមបូឌា) បានបន្តពង្រឹងការប្តេជ្ញាចិត្តរបស់ខ្លួនបន្ថែមទៀត ចំពោះការអភិវឌ្ឍសហគមន៍ប្រកបដោយចីរភាពតាមរយៈការផ្តល់អំណោយជាអំពូលភ្លើងសូឡា ចំនួន ១៥០ គ្រឿង ជូនដល់ប្រជាពលរដ្ឋ ដែលកំពុងរស់នៅក្នុងភូមិចំនួន៣ទៀត គឺភូមិមនោសុខ ភូមិវាលក្រសាំង និងភូមិចម្ការមន ក្នុងឃុំតាកែន ស្រុកឈូក ខេត្តកំពត។ តាមរយៈគម្រោង «ការផ្តល់អំណោយអំពូលភ្លើងសូឡាដល់សហគមន៍» ក្រុមហ៊ុន អ៊ីដតខូ សង្ឃឹមថានឹងអាចជួយ សម្រាលបន្ទុកទាំងឡាយដែលសមាជិកសហគមន៍កំពុងជួបប្រទះ និងបន្តជំរុញលើកទឹកចិត្តដល់ការអនុវត្តប្រកប ដោយនិរន្តរភាព។ ការបរិច្ចាគនេះ គឺជាលើកទី៣ហើយ ដែលកាលពី២លើកដំបូង ត្រូវបានធ្វើឡើងក្នុងអំឡុងខែមេសា និងខែឧសភាឆ្នាំនេះ ដោយក្រុមហ៊ុន

ត្រឡប់ទៅកាន់ខែកញ្ញា ឆ្នាំមុនវិញ ពាក្យចចាមអារាមជាច្រើនបានលើកឡើងថា iPhone ជំនាន់ថ្មីបង្អស់របស់ក្រុមហ៊ុន Apple នឹងមានភ្ជាប់មកជាមួយនឹងបច្ចេកវិទ្យាសាកថ្មឥតខ្សែ។ ស្របពេលជាមួយគ្នានេះ ក្រុមហ៊ុនបច្ចេកវិទ្យាខ្នាតយក្សដែលមានទីតាំងនៅ Silicon Valley ក៏បានប្រកាសទាក់ទងទៅនឹងផលិតផល AirPower របស់ខ្លួន ជាប្រភេទឆ្នាំងសាកឥតខ្សែដែលអាចសាកថ្មបានច្រើនក្នុងពេលតែមួយ។ ប៉ុន្ដែ 9ខែកន្លងមកយើងនៅមិនទាន់សង្កេតឃើញផលិតផលសាកថ្មនេះដាក់លក់នៅលើទីផ្សារនៅឡើយទេ។ យោងតាមគេហទំព័រ Bloomberg គ្រឿងបរិក្ខាទូរស័ព្ទនេះអាចនឹងត្រូវការពេលយូរដើម្បីបញ្ចប់ ព្រោះក្រុមហ៊ុន Apple កំពុងជួបប្រទះទៅនឹងបញ្ហាបច្ចេកវិទ្យាមួយចំនួន។ ជាការពិតណាស់ ការការពារកម្ដៅកុំឲ្យឡើងខ្លាំងពេលសាកថ្ម គឺជាបញ្ហាចម្បង ព្រោះ AirPower ត្រូវបានគេជឿថានឹងអាចសាកថ្មបានច្រើនក្នុងពេលតែមួយ។ រហូតមកដល់ពេលនេះ យើងបានទទួលការបញ្ជាក់ថ្មីទៀតហើយដោយលើកនេះ ក្រុមហ៊ុន Apple បានលើកឡើងថា ការដឹកជញ្ជូននឹងត្រូវបានធ្វើឡើងក្នុងខែមិថុនា ដូចនេះសម្រាប់ខែកញ្ញា ផលិតផលនេះអាចនឹងត្រូវបានចេញលក់ជាសាធារណៈតែម្ដង។