នៅថ្ងៃទី21 ខែកញ្ញា ឆ្នាំ2021នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន 628នាក់ ខណៈអ្នកបានជាសះស្បើយថ្មីមានចំនួន 486នាក់ និងមានអ្នកបាត់បង់ជីវិត 17នាក់។ គិតមកទល់ពេលនេះ ករណីឆ្លងកូវីដ១៩ សរុបនៅក្នុងប្រទេសកម្ពុជា មានចំនួន 105,344នាក់, ករណីជាសះស្បើយសរុប 98,186នាក់ និងស្លាប់សរុប 2,140នាក់៕

រាជធានីភ្នំពេញ៖ យោងតាមការបញ្ជាក់ពី អនុគណៈកម្មការស្រាវជ្រាវជំងឺកូវីដ១៩ បានឲ្យដឹងថា នៅថ្ងៃទី២០ ខែកញ្ញា ឆ្នាំ២០២១ ក្រុមគ្រូពេទ្យសម្ដេចតេជោប្រឆាំងកូវីដ១៩ បានចុះយកសំណាកប្រជាពលរដ្ឋរស់នៅសង្កាត់កោះដាច់ ខណ្ឌជ្រោយចង្វារ រាជធានីភ្នំពេញ ជាលទ្ធផលតេស្តរហ័សរកឃើញវិជ្ជមានកូវីដ-១៩ ចំនួន ១៤នាក់ ក្នុងចំណោមប្រជាពលរដ្ឋ ២៤១នាក់។ ដើម្បីសុវត្ថិភាព សូមយកចិត្តទុកដាក់ តាមដានសុខភាពរបស់ខ្លួនចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ សូមចូលរួមពាក់ម៉ាស់ រក្សាគម្លាត និង ឧស្សាហ៍លាងដៃ គ្រប់ទីកន្លែង គ្រប់ពេលវេលា!! សូមអរគុណ៕ ប្រភព៖ អនុគណៈកម្មការស្រាវជ្រាវជំងឺកូវីដ១៩

កាលពីពេលថ្មីៗនេះ មានការចែករំលែកនៅក្នុងបណ្តាញសង្គម ដោយអ្នកគ្រូ ដួង ម៉ារ៉ី សាស្ត្រាចារ្យនៃសកលវិទ្យាល័យវិចិត្រសិល្បៈផ្នែកចំរៀងរបាំបុរាណ បានធ្លាក់ខ្លួនឈឺធ្ងន់ និងកំពុងតែខ្វះខាតថែមទៀត។ យោងតាមម្ចាស់គណនីហ្វេសប៊ុក Srey Sena Ek បានឲ្យដឹងថា “អ្នកគ្រូ ដួង ម៉ារុី សាស្ត្រាចារ្យនៃសកលវិទ្យាល័យវិចិត្រសិល្បៈផ្នែកចំរៀងរបាំបុរាណមានជំងឺពុកឆ្អឹង យ៉ាងធ្ងន់ បាក់ឆ្អឹង ខ្នង ៧កង់ មិនអាច ដើរបាន លោកជាមរតក មនុស្សរស់ ផ្នែក វប្បធម៌ ជាតិ 🙏🙏🙏🙏🙏🙏”។ ចំណែកឯទំព័រហ្វេសប៊ុក វប្បធម៌ អរិយធម៌ សិល្បៈខ្មែរ បានឲ្យដឹងថា

រាជធានីភ្នំពេញ៖ យោងតាមការចុះផ្សាយរបស់ ក្រសួងសាធារណការ និងដឹកជញ្ជូន បានឲ្យដឹងថា ក្រុមការងារចល័តចម្រុះសម្រាប់ឆ្មក់ត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ត្រួតពិនិត្យយានយន្តដឹកជញ្ជូនចំនួន ១៥គ្រឿង ក្នុងខេត្តកំពង់ស្ពឺ កណ្តាល ព្រៃវែង និងខេត្តកំពត ក្នុងនោះយានយន្ត ៣គ្រឿងមិនលើសទម្ងន់កម្រិតកំណត់ យានយន្ត ៨គ្រឿង ត្រូវបានពិន័យ និង ៤គ្រឿងទៀតត្រូវបានពិន័យឃាត់ទុក ១ឆ្នាំដោយអនុលោមតាមច្បាប់ស្តីពីផ្លូវថ្នល់ មាត្រា៦០។ ក្នុងប្រតិបត្តការចាប់ពីថ្ងៃទី១៦-២០ ខែកញ្ញា ឆ្នាំ២០២១ ក្រុមការងារចល័តចម្រុះសម្រាប់ឆ្មក់ត្រួតពិនិត្យយានយន្តដឹកជញ្ជូនលើសទម្ងន់ នៃគណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់បានត្រួតពិនិត្យយានយន្តដឹកជញ្ជូនទំនិញចំនួន១៥គ្រឿង ដោយក្នុងនោះយានយន្តដឹកលើសទម្ងន់កម្រិតកំណត់ ៨គ្រឿងត្រូវបានពិន័យ និង៤គ្រឿងត្រូវឃាត់ទុករយៈពេល ១ឆ្នាំដោយលើសទម្ងន់កម្រិតកំណត់ ២០%នៃទម្ងន់អនុញ្ញាត។ ក្នុងទិន្នន័យខាងលើ នៅថ្ងៃទី១៦ ខែកញ្ញា

យោងតាមការចុះផ្សាយរបស់ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានឲ្យដឹងថា នៅថ្ងៃទី២០ ខែកញ្ញា ឆ្នាំ២០២១ មន្រ្តីស៊ើបអង្កេតនៃអគ្គនាយកដ្ឋានក.ប.ប. ប្រចាំខេត្តតាកែវ ខេត្តត្បូងឃ្មុំ ខេត្តប៉ៃលិន និងខេត្តព្រះសីហនុ បានបន្តបេសកកម្មរបស់ខ្លួនចុះត្រួតពិនិត្យទំនិញតាមបណ្ដាទីផ្សារ ហាងលក់ទំនិញ និងម៉ាតនានា ដោយបានរកឃើញ និងដកហូតបានទំនិញហួសកាលបរិច្ឆេទប្រើប្រាស់ចំនួន ១៣៨.៤៧ គីឡូក្រាម និងអាល់កុលក្លែងក្លាយ(មេតាណុល)ចំនួន ២៦៩ លីត្រ។ ចំពោះម្ចាស់ទំនិញត្រូវបានពិន័យទៅតាមច្បាប់ដែលមានចែងជាធរមាន និងទំនិញត្រូវបានដកហូតមករក្សាទុកដើម្បីធ្វើការកម្ទេចចោលនាពេលក្រោយ៕ ប្រភព៖ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ CCF

យោងតាមការព្យាករណ៍របស់ ក្រសួងធនធានទឹក និងឧតុនិយម ចាប់ពីថ្ងៃទី២២-២៨ ខែកញ្ញា ឆ្នាំ២០២១ បានឲ្យដឹងថា នៅថ្ងៃទី២២-២៦ ខែកញ្ញា ព្រះរាជាណាចក្រកម្ពុជា ទទួលរងឥទ្ធិពលប្រព័ន្ធសម្ពាធទាប (ITCZ) ដែលអូសបន្លាយកាត់លើតំបន់ជួរភ្នំដងរែក និងខ្ពង់រាបភាគឦសាន ជាមួយនឹងខ្យល់មូសុងនិរតីបក់នៅក្នុងល្បឿនមធ្យមទៅបង្គួរ។ បន្តមកសម្ពាធទាបដែលស្ថិតនៅចុងប្រព័ន្ធ (ITCZ) ស្ថិតខាងកើតហ្វីលីពីនអាចវិវត្តខ្លួនទៅជាសម្ពាធទាបសកម្ម ឬវិសម្ពាធនៅលើសមុទ្រចិនខាងត្បូង។ តាមការព្យាករណ៍គន្លងរបស់សម្ពាធទាបសកម្ម ឬវិសម្ពាធទាបនេះនៅថ្ងៃទី២៤-២៥ ខែកញ្ញា នឹងបក់ចូលប្រទេសវៀតណាម ស្ថិតនៅចន្លោះ គីញើន (Qui Nhon) និងដាណាង (Da Nang)។ ស្ថានភាពបែបនេះនឹងធ្វើឲ្យអាកាសធាតុនៅកម្ពុជាមានការប្រែប្រួលដូចខាងក្រោម៖

យោងតាមការបញ្ជាក់ពី រដ្ឋបាលខណ្ឌពោធិ៍សែនជ័យ បានឲ្យដឹងថា នៅយប់ថ្ងៃទី២០ ខែកញ្ញា ឆ្នាំ ២០២១ វេលាម៉ោង ២១ និង ១០នាទីយប់ គណៈបញ្ជាការឯកភាពខណ្ឌពោធិ៍សែនជ័យ ដឹកនាំដោយលោក អ៉ិត ជំនិត អភិបាលរងខណ្ឌ ដោយមានការចង្អុលបង្ហាញ និងមានការបញ្ជាពីលោក អភិបាលខណ្ឌ បានចុះបិទទីតាំងហាងខារ៉ាអូខេគ្រួសារ និងភោជនីយដ្ឋាន ស្ថិតនៅ ភូមិ ព្រៃទា១ សង្កាត់ចោមចៅទី ៣ ដែលបានបេីកល្មេីសទៅ និងការណែនាំរបស់ក្រសួងសុខាភិបាល និងសេចក្តីសម្រេចរបស់រដ្ឋបាលរាជធានីភ្នំពេញ។ ដោយក្នុងនោះបានឃាត់មនុស្សចំនួន ៤៤នាក់ ភ្ញៀវចំនួន ១១នាក់ ក្រុមគ្រូពេទ្យបានយកសំណាកឃើញមានវិជ្ជមាន

រាជធានីភ្នំពេញ៖ យោងតាមការបញ្ជាក់ពី អនុគណៈកម្មការស្រាវជ្រាវជំងឺកូវីដ១៩ នៅថ្ងៃទី២០ ខែកញ្ញា ឆ្នាំ២០២១ បានឲ្យដឹងថា ក្រុមគ្រូពេទ្យសម្ដេចតេជោប្រឆាំងកូវីដ១៩ បានយកសំណាកអាជីវករ នៅផ្សារដើមដូង ផ្លូវបេតុង សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ជាលទ្ធផលតេស្តរហ័សលើកទី១ ក្នុងចំណោមអ្នកធ្វើតេស្ត ៦៨នាក់ រកឃើញវិជ្ជមានកូវីដ-១៩ ចំនួន ០២នាក់។ ដើម្បីសុវត្ថិភាព សូមយកចិត្តទុកដាក់ តាមដានសុខភាពរបស់ខ្លួន ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ សូមចូលរួមពាក់ម៉ាស់ រក្សាគម្លាត និង ឧស្សាហ៍លាងដៃ គ្រប់ទីកន្លែង គ្រប់ពេលវេលា!! សូមអរគុណ ៕ ប្រភព៖

រដ្ឋបាលខេត្តសៀមរាប សម្រេចកំណត់ជាតំបន់ក្រហម នៅក្នុងភូមិសាស្ត្រភូមិដូនទាវ ឃុំរលួស និងភូមិតាប្រាក់ ឃុំមានជ័យ ស្រុកប្រាសាទបាគង ដែលជាតំបន់មាន​ការ​រាល​ដាល​នៃជំងឺ​កូវីដ​-​១៩ ជាបណ្តោះអាសន្នសម្រាប់រយៈពេល ១សប្តាហ៍ គិតចាប់ពីម៉ោង០១រសៀល ថ្ងៃទី២០ ដល់ថ្ងៃទី២៦ ខែកញ្ញា ឆ្នាំ២០២១ ក្នុងគោល​បំណង​ធានាដល់ប្រសិទ្ធភាពនៃការគ្រប់គ្រងការឆ្លង​រាលដាលនៃជំងឺកូវីដ-១៩ នៅក្នុងភូមិសាស្ត្រដែលត្រូវបិទ និងទប់ស្កាត់ជំងឺនេះមិនឱ្យឆ្លង​រាល​ដាល​ទៅតំបន់ផ្សេងទៀត រហូតមានការចេញសេចក្ដីសម្រេចជាថ្មី។ ព័ត៌មានលម្អិត សូមអានសេចក្ដីសម្រេចខាងក្រោមនេះ៖

សៀមរាប៖ យោងតាមការចុះផ្សាយរបស់ ក្រសួងព័ត៌មាន បានឲ្យដឹងថា អាជ្ញាធរមូលដ្ឋាន នៃតំបន់ក្រហមក្រុងសៀមរាប និយាយថា ការចែកឱសថ លៀនហ័រ ឈីងវីន ជូនប្រជាពលរដ្ឋ គឺជាផ្នែកមួយ នៃវិធានការសំខាន់ទាំង៣ ដែលកម្ពុជា បានដាក់ចេញអនុវត្តប្រចាំថ្ងៃ ដើម្បីប្រយុទ្ធប្រឆាំងជម្ងឺកូវីដ-១៩ ! អាជ្ញាធរមូលដ្ឋាននៅក្នុងភូមិសាស្រ្តសង្កាត់ចំនួន៤ នៃក្រុងសៀមរាប រួមមានសង្កាត់គោកចក សង្កាត់ស្វាយដង្គំ សង្កាត់ស្លក្រាម និងសង្កាត់ជ្រាវ កំពុងស្ថិតក្នុងយុទ្ធនាការចែកឱសថ ដែលមានឈ្មោះថា លៀនហ័រ ឈីងវីន ( Liaonian Qingwen Capsules ) ជាអំណោយមហាមិត្តចិន ជូនដល់រាជរដ្ឋាភិបាលកម្ពុជា។