ថៃ៖ អតីតផ្សារទំនើបដ៏ល្បីឈ្មោះនៅ ហាតយ៉ៃ ប្រទេសថៃ ដែលបច្ចុប្បន្នបានក្លាយជាអគារគេទុកចោលត្រូវបានចោរចូលលួចរបស់របរនៅក្នុងអាគារនោះម្ដងហើយម្ដងទៀតខ្ទេចអស់គ្មានសល់។ បើតាមលោក Nattapon Thong-in អាយុ ៤៧ឆ្នាំ ដែលត្រូវបានអនុញ្ញាតឱ្យមើលការខុសត្រូវអគារនេះពីម្ចាស់បានឱ្យដឹងថា ចោរបានចូលមកលួចនៅក្នុងអគារនេះ ជារៀងរាល់ថ្ងៃ លួចទៅអស់ហើយ សូម្បីតែដែកគ្រប់ប្រភេទ ស័ង្កសី ថ្មក្រានីត និងសូម្បីតែពិដានក៏ប្រមូលយកអស់គ្មានសល់។ លោក Thong-in បានបន្តទៀតថា ក្នុង​រយៈ​ពេល​ ២​ឆ្នាំ​កន្លង​មក​នេះ អគារ​នេះ​ត្រូវ​បាន​គេ​វាយ​ឆ្មក់ និង​មាន​ចោរ​លួច​រាប់​មិន​អស់ទៅហើយ ហើយលោកក៏បាន​រាយការណ៍​ទៅសមត្ថកិច្ច ៤​លើកហើយផងដែរ។ គ្រប់ពេលរាយការណ៍សមត្ថកិច្ច​ក៏អាច​ចាប់​ខ្លួន​បាន​រាល់​ដង ប៉ុន្តែ​បញ្ហា​នៅ​ពេល​ចេញ​មក​វិញ​ គឺ​ក្រុម​មនុស្ស​ដដែលមក​បង្ក​បញ្ហា​ដដែល​នេះ​ម្តង​ទៀត ហើយ​មិន​ដឹង​ថា​ត្រូវ​ដោះ​ស្រាយ​យ៉ាង​ណានោះទេ។ ហើយ​អ្វីដែលពិបាក​បំផុតគឺ​ដល់​មាន​អ្នក​មក​លុកលុយ​រស់នៅ​រាប់​ខែ ​មិន​ព្រម​ចាកចេញ​ទាល់តែហៅ​ប៉ូលិសមក។ មិនតែប៉ុណ្ណោះ

យោងតាមការចុះផ្សាយរបស់សារព័ត៌មាន The Nation Thailand បានឱ្យដឹងថា ប្រទេសមីយ៉ាន់ម៉ាបានរងគ្រោះរញ្ជួយដីកម្រិត ៦.៤ រ៉ិចទ័រ កាលពីយប់រំលងអធ្រាត្រឈានចូលដល់ថ្ងៃសុក្រនេះ ខណៈការញ័រអាចដឹងបានរហូតដល់ខេត្តឈៀងម៉ៃ និងឈៀងរ៉ៃ របស់ប្រទេសថៃ។ មកទល់នឹងម៉ោងនេះ នៅមិនទាន់មានសេចក្តីរាយការណ៍ពីការខូចខាតទ្រព្យសម្បត្តិ ឬរបួសដែលបណ្តាលមកពីការរញ្ជួយដីនេះនៅឡើយទេ។ ការរញ្ជួយដីកម្រិត ៦.៤ រ៉ិចទ័រ ដំបូងគេបានកើតមានឡើង បន្ទាប់ពីពាក់កណ្តាលអធ្រាត្រនៅប្រទេសមីយ៉ាន់ម៉ា នៅចំណុចកូអរដោនេ ២១.២២ ដឺក្រេខាងជើង និង ៩៩.៨៥ ដឺក្រេខាងកើត។ ចំណុចកណ្តាលនៃការរញ្ជួយដីនេះ ត្រូវបានគេរកឃើញប្រហែល ៨៧ គីឡូម៉ែត្រ ទៅកាន់ភាគឦសាននៃស្រុក Mae Sai នៃខេត្តឈៀងរ៉ៃ។ ការរញ្ជួយដីកម្រិតស្រាលៗជាច្រើន ក៏បានកកើតជាបន្ដបន្ទាប់ ជាមួយនឹងការរញ្ជួយកម្រិត ៥.៣ រ៉ិចទ័រ

រដ្ឋាភិបាលជប៉ុនបានសម្រេចចិត្តនៅថ្ងៃសុក្រនេះថា នឹងរៀបចំពិធីបុណ្យមរណទុក្ខថ្នាក់រដ្ឋដែលបានគ្រោងទុក ជូនចំពោះអតីតនាយករដ្ឋមន្ត្រីជប៉ុនលោក អាបេ ស៊ីនហ្សូ (Shinzo Abe) នៅថ្ងៃទី២៧ ខែកញ្ញា ឆ្នាំ២០២២ នេះបើតាមមនុស្សម្នាក់ ដែលនៅក្នុងកិច្ចប្រជុំគណៈរដ្ឋមន្ត្រីដែលបញ្ជាក់ផែនការនេះ បានប្រាប់ទៅកាន់ទីភ្នាក់ងារសារព័ត៌មាន រ៉យទ័រ ។ លោក អាបេ ដែលជានាយករដ្ឋមន្ត្រីកាន់អំណាចយូរបំផុតរបស់ប្រទេសជប៉ុន និងនៅតែមានឥទ្ធិពល នៅក្នុងគណបក្សប្រជាធិបតេយ្យសេរី (LDP) ដែលកំពុងកាន់អំណាចសព្វថ្ងៃ ត្រូវបានបាញ់គេបាញ់សម្លាប់កាលពី ២ សប្តាហ៍មុន នៅឯការប្រមូលផ្តុំយុទ្ធនាការមុនការបោះឆ្នោតមួយ។ ពិធីបុណ្យមរណទុក្ខរបស់លោក អាបេ នឹងធ្វើឡើងនៅកីឡដ្ឋាន Nippon Budokan ដែលត្រូវបានគេងសាងសង់ឡើងដំបូង សម្រាប់ព្រឹត្តិការណ៍កីឡាអូឡាំពិកទីក្រុងតូក្យូ ឆ្នាំ១៩៦៤ ហើយចាប់តាំងពីពេលនោះមក វាក្លាយជាកន្លែងពេញនិយមសម្រាប់ព្រឹត្តិការណ៍កីឡា

ប្រធានាធិបតីអាមេរិកលោក ចូ បៃដិន នៅថ្ងៃព្រហស្បតិ៍ (ម៉ោងនៅអាមេរិក) បាននិយាយថា លោកបានតេស្តឃើញវិជ្ជមានជំងឺ COVID-19 ប៉ុន្តែនឹងបន្តនៅធ្វើការដដែល ខណៈកំពុងនៅដាច់ដោយឡែកនៅឯសេតវិមាន ហើយគាត់មានរោគសញ្ញាស្រាលៗប៉ុណ្ណោះ។ ក្នុង​វីដេអូ​បង្ហោះ​លើបណ្ដាញ Twitter លោក បៃដិន បាន​ប្រាប់ពលរដ្ឋ​ថា គាត់សុខទុក្ខជាធម្មតាទេ ហើយ​រោគ​សញ្ញា​របស់គាត់ គឺមាន​សភាព​ស្រាលៗ នេះបើតាមការចុះផ្សាយរបស់សារព័ត៌មាន CNN នៅថ្ងៃសុក្រ ទី២២ ខែកក្កដា ឆ្នាំ២០២២។ លោកបាននិយាយថា៖«ខ្ញុំគិតថាអ្នកបានលឺហើយ ព្រឹកនេះខ្ញុំបានធ្វើតេស្តវិជ្ជមានជំងឺ COVID-19។ ប៉ុន្តែខ្ញុំបានចាក់វ៉ាក់សាំង ២ដង ដូសជំរុញ ២ដង។ រោគសញ្ញាគឺស្រាល ហើយខ្ញុំពិតជាពេញចិត្តចំពោះការសាកសួរ និងការបារម្ភរបស់អ្នកទាំងអស់គ្នា។

លោក Opas Karnkawinpong អគ្គនាយកនៃនាយកដ្ឋានគ្រប់គ្រងជំងឺ បានបង្ហាញឱ្យដឹងនៅថ្ងៃព្រហស្បតិ៍ថា ប្រទេសថៃបានរកឃើញករណីដំបូងរបស់ខ្លួននៃជំងឺអុតស្វា “Monkeypox” នៅភូកេត លើបុរសជនជាតិនីហ្សេរីយ៉ាអាយុ ២៧ឆ្នាំ។ អ្នកជំងឺត្រូវបានបញ្ជូនទៅព្យាបាលនៅមន្ទីរពេទ្យឯកជនមួយក្នុងខេត្តភូកេត ដោយកាលពីសប្តាហ៍មុនគាត់មានគ្រុនក្តៅ ក្អក ឈឺបំពង់ក ហៀរសំបោរ កន្ទួលក្រហម និងខ្ទុះដែលចាប់ផ្តើមមាននៅលើប្រដាប់បន្តពូជ ហើយរាលដាលដល់ផ្ទៃមុខ ដងខ្លួន ហើយនិងដៃ។ លទ្ធផល PCR នៃមន្ទីរពិសោធន៍នៅមហាវិទ្យាល័យវេជ្ជសាស្ត្រ សាកលវិទ្យាល័យ Chulalongkorn រកឃើញថា មានមេរោគ មុនពេលត្រូវបានបញ្ជាក់ម្តងទៀតដោយមន្ទីរពិសោធន៍នៃនាយកដ្ឋានវិទ្យាសាស្ត្រវេជ្ជសាស្ត្រ នៅថ្ងៃអង្គារ (១៩ កក្កដា)។ លោក Opas មាន​ប្រសាសន៍​ថា

ហាងលក់ត្រីចិញ្ចឹមមួយកន្លែងនៅផ្សារ Chatuchak ក្នុងទីក្រុងបាងកក របស់ប្រទេសថៃ កំពុងទាក់ទាញការចាប់អារម្មណ៍ពីមហាជនយ៉ាងខ្លាំង ជាមួយនឹងទីផ្សារដ៏ប្លែកពីគេរបស់ខ្លួន ដោយមិនមែនការតាំងត្រីជល់ ឬត្រីក្រឹមចម្រុះពណ៌នៅក្នុងអាងនោះទេ ប៉ុន្តែដោយការជួលតារាបង្ហាញម៉ូតស្លៀកពាក់សិចស៊ី ឱ្យអង្គុយនៅក្នុងអាងចិញ្ចឹមត្រីនោះតែម្ដង នេះបើតាមការចុះផ្សាយដោយ Coconuts Bangkok ។ ខណៈទីក្រុងបាងកកត្រូវបានជាប់គាំងដោយទឹកជំនន់កាលពីយប់មិញ មានមនុស្សមួយចំនួនបានជាប់ភ្នែកជាមួយនឹងវីដេអូមួយ ដែលថតចេញពីហាងលក់ត្រី ArowanaMall ដែលបង្ហាញពីស្ត្រីស្លៀកប៊ីគីនីចំនួន ២នាក់ កំពុងអង្គុយលុតជង្គង់នៅក្នុងអាងចិញ្ចឹមត្រីរបស់ហាង។ ខាងក្រោមនេះគឺជាវីដេអូ ដែលត្រូវបានថតដោយអ្នកដើរកាត់ទីនោះ ជាមួយនឹង caption «ត្រីនៅហាងនេះស្អាតៗណាស់» ៖ អត្ថបទ៖ លីដា ប្រភព៖ Coconuts Bangkok

សហរដ្ឋអាមេរិកបាននិយាយថា ខ្លួននឹងបញ្ជូនប្រព័ន្ធរ៉ុក្កែត High Mobility Artillery Rocket Systems ឬ HIMARS ដល់អ៊ុយក្រែនចំនួន ៤គ្រឿង បន្ថែមទៀត ខណៈដែលយោធារុស្ស៊ីកំពុងបង្កើនការវាយលុកមកលើអ៊ុយក្រែន។ រដ្ឋមន្ត្រីការពារជាតិអាមេរិក លោក Lloyd Austin បានបង្ហាញពីជំនួយយោធាបន្ថែមសម្រាប់អ៊ុយក្រែននេះ នៅក្នុងកិច្ចប្រជុំតាមអ៉ីនធឺណិតមួយកាលពីថ្ងៃពុធ ដោយមានការចូលរួមពីគណៈប្រតិភូមកពីប្រទេសប្រហែល ៥០ ដើម្បីពិភាក្សាលើការផ្តល់ជំនួយដល់អ៊ុយក្រែន។ លោក Austin បាននិយាយថា៖«នេះគឺជាដំណាក់កាលដ៏សំខាន់នៃជម្លោះ។ ដូច្នេះហើយ ការគាំទ្ររួមរបស់យើង សម្រាប់អ៊ុយក្រែនគឺសំខាន់ និងបន្ទាន់ណាស់»។ រដ្ឋមន្ត្រីការពារជាតិអ៊ុយក្រែន លោក Oleksii Reznikov បានពន្យល់ថា

សមាជិកសភាស្រីលង្កាកាលពីថ្ងៃពុធនេះ បានបោះឆ្នោតជ្រើសរើសអតីតនាយករដ្ឋមន្ត្រី Ranil Wickremesinghe ឱ្យធ្វើជាប្រធានាធិបតីនៃប្រទេសដែលរងគ្រោះដោយសារវិបត្តិមួយនេះ។ លោក Wickremesinghe ដែលជាអតីតនាយករដ្ឋមន្ត្រី ៦ សម័យកាល និងជាសម្ព័ន្ធមិត្តដ៏សំខាន់របស់អតីតប្រធានាធិបតី Gotabaya Rajapaksa បានឈ្នះការបោះឆ្នោតសភា បន្ទាប់ពីលោក Rajapaksa បានភៀសខ្លួនចេញពីប្រទេស ចំពេលមានការតវ៉ាកាន់តែខ្លាំងឡើងជុំវិញវិបត្តិសេដ្ឋកិច្ច ដែលត្រូវបានសម្គាល់ដោយការខ្វះខាតយ៉ាងខ្លាំងនៃការនាំចូលសំខាន់ៗ ដូចជាប្រេងឥន្ធនៈ ថ្នាំពេទ្យ និង អាហារ។ លោក Wickremesinghe បានឈ្នះសំឡេងចំនួន ១៣៤ នៅក្នុងសំឡេងសរុបចំនួន ២២៣។ ថ្លែងទៅកាន់សភាភ្លាមៗបន្ទាប់ពីលទ្ធផលនេះ លោក Wickremesinghe បាននិយាយថា ខណៈពេលដែលប្រទេសត្រូវបាន «បែងចែកតាមបក្សពួក»

យោងតាមការចុះផ្សាយរបស់សារព័ត៌មាន Tuay Jae បានឱ្យដឹងថា អ្នកគ្រប់គ្រងអាកាសយានដ្ឋាន Tan Son Nhat នៅក្នុងប្រទេសវៀតណាម បានសម្រេចផ្អាកការងារ បុគ្គលិកត្រួតពិនិត្យឥវ៉ាន់ម្នាក់ ដោយសារការធ្វេសប្រហែលក្នុងការត្រួតពិនិត្យវ៉ាលីអ្នកដំណើរ ធ្វើឱ្យអ្នកដំណើរអាចយកកាំបិទឡើងលើយន្តហោះបាន។ បើតាមលទ្ធ​ផល​នៃ​ការ​ស៊ើប​អង្កេត​បាន​បង្ហាញ​ថា អ្នក​ដំណើរ​ទាំង​ពីរ​នាក់​ជា​ស្ត្រី​ចំណាស់​ម្នាក់ និង​ប្តី​របស់​គាត់ ​បានដើរឆ្លងកាត់ប៉ុស្តិ៍ត្រួតពិនិត្យសន្តិសុខលេខ ៩ នៅចំណតក្នុងស្រុកនៅអាកាសយានដ្ឋាននៅម៉ោងប្រហែល ៦ និង ៣០ នាទីព្រឹកថ្ងៃចន្ទ ទី១៨ ខែកក្កដា។ អ្នកទាំងពីរបានឡើងជិះយន្តហោះ VN 208 ពីទីក្រុងហូជីមិញទៅកាន់ទីក្រុងហាណូយ។ មុនពេលឡើងមន្ត្រី​ត្រួតពិនិត្យ​អីវ៉ាន់​ដែល​ប្រចាំការ​នៅ​ប៉ុស្តិ៍​លេខ​៩ បាន​រក​ឃើញ​វត្ថុ​ដែក​មួយ​ចំនួន រួមទាំងទូរស័ព្ទដៃ និងនាឡិកាដៃ នៅ​ក្នុង​ឥវ៉ាន់​តាម​ខ្លួន​របស់​អ្នក​ដំណើរ​វ័យ​ចំណាស់​ពីរ​នាក់​នោះ

ប្រធានាធិបតីអាមេរិកលោក ចូ បៃដិន បាននិយាយថា លោករំពឹងថា នឹងបាននិយាយជាមួយប្រធានាធិបតីចិនលោក ស៊ី ជីនពីង ក្នុងរយៈពេល ១០ ថ្ងៃខាងមុខ ហើយការពិភាក្សារបស់ពួកគេ ទំនងជាធ្វើតាមបណ្ដាញអ៉ីនធឺណិត ឬតាមទូរស័ព្ទ។ លោក បៃដិន បានធ្វើការកត់សម្គាល់បែបនេះ ទៅកាន់ក្រុមអ្នកសារព័ត៌មាននៅឯមូលដ្ឋានទ័ពអាកាសមួយ នៅជិតទីក្រុងវ៉ាស៊ីនតោន កាលពីថ្ងៃពុធ ខណៈរដ្ឋបាលរបស់លោក បាននឹងកំពុងគិតគូរពីការកាត់បន្ថយផ្នែកខ្លះនៃពន្ធលើទំនិញ ដែលនាំចូលពីប្រទេសចិន ដើម្បីជួយសម្រួលដល់អតិផរណានៅក្នុងសហរដ្ឋអាមេរិក។ យ៉ាងណាលោក បៃដិន មិន​បាន​ផ្តល់​ចម្លើយ​ច្បាស់​លាស់​ទេ​ នៅ​ពេល​អ្នក​កាសែត​សួរ​ថា ​តើ​លោក​នឹង​ពិភាក្សា​អំពី​ពន្ធ​ជាមួយ​លោក ស៊ី ដែរ ​ឬ​ទេ​។ ប្រសិនបើមេដឹកនាំទាំង ២