យោងតាមរបាយការណ៍ប្រចាំត្រីមាសថ្មី ដែលចេញផ្សាយដោយក្រុមហ៊ុនផ្តល់ប្រឹក្សាលំនៅឋាន និងសញ្ជាតិសកល Henley & Partners ដែលមានមូលដ្ឋាននៅទីក្រុងឡុងដ៍ បានឱ្យដឹងថា ឆ្នាំនេះលិខិតឆ្លងដែនរបស់ប្រទេសនៅក្នុងអាស៊ីចំនួន ៣ បានជាប់ចំណាត់ថ្នាក់ជាលិខិតឆ្លងដែនល្អបំផុត ដែលអាចផ្តល់ឱ្យម្ចាស់លិខិតឆ្លងដែនទាំងនោះ នូវសេរីភាពការធ្វើដំណើរជាសកលបានច្រើនគោលដៅ។ ក្នុងនោះគឺប្រទេសជប៉ុន បានជាប់លេខ១ នៅក្នុងការផ្តល់ជូនពលរដ្ឋរបស់ខ្លួន ដោយគ្មានទិដ្ឋាការ ឬមានទិដ្ឋាការ ទៅកាន់គោលដៅចំនួន ១៩៣ នៅជុំវិញពិភពលោក ដោយបាននាំមុខសិង្ហបុរី និងកូរ៉េខាងត្បូង ដែលជាប់ចំណាត់ថ្នាក់លេខ២ ជាមួយនឹងគោលដៅដែលអាចទៅបានចំនួន ១៩២ ប្រទេស។ យ៉ាងណាមិញខាងក្រោមនេះ គឺជាបញ្ជីរាយនាមប្រទេសដែលមានលិខិតឆ្លងដែនល្អបំផុត ក្នុងខែកក្កដា ឆ្នាំ២០២២ និងចំនួនគោលដៅរបស់វា៖ ១. ជប៉ុន (១៩៣ប្រទេស) ២.

មជ្ឈមណ្ឌលវេជ្ជសាស្ត្រនៃមន្ទីរពេទ្យ Ramathibodi របស់ប្រទេសថៃ បានរកឃើញករណីជំងឺ COVID-19 វ៉ារ្យ៉ង់អូមីក្រុង អនុទម្រង់ BA 2.75 ដំបូងរបស់ប្រទេសខ្លួន។ មជ្ឈមណ្ឌល​នេះ​បាន​ឱ្យដឹងកាលពី​យប់​ថ្ងៃ​អង្គារ​ថា ខ្លួនបានរកឃើញ​ករណី BA 2.75 ពី​សំណាក​ដែល​ប្រមូល​បាន​នៅ​ថ្ងៃ​ទី២៨ ខែ​មិថុនា នៅ​ខេត្ត​ត្រាង។ នាយកដ្ឋានវិទ្យាសាស្ត្រវេជ្ជសាស្រ្តបានបញ្ចប់ការរកឃើញនេះ ហើយក៏បានបញ្ចូនទិន្នន័យទៅក្នុងមូលដ្ឋានទិន្នន័យរបស់ GISAID កាលពីថ្ងៃចន្ទផងដែរ។ អនុទម្រង់ BA 2.75 ត្រូវបានគេដឹងថា ជាការបំប្លែងខ្លួនពីវ៉ារ្យ៉ង់ដែលរកឃើញដំបូងនៅទីក្រុងវូហាន របស់ប្រទេសចិន ហើយវាបានបង្ហាញខ្លួនជាលើកដំបូងនៅក្នុងប្រទេសឥណ្ឌា និងបានរីករាលដាលនៅជុំវិញពិភពលោក។ ពួកគេបានរកឃើញថា BA 2.75 ទំនងជាអាចគេចពីភាពស៊ាំនៃអ្នកធ្លាប់កើតជំងឺនេះពីមុន ឬវ៉ាក់សាំងប្រភេទមុនៗ។

យោងតាមការចុះផ្សាយដោយទូរទស្សន៍ NHK នៅថ្ងៃពុធ ទី២០ ខែកក្កដា ឆ្នាំ២០២២ បានឱ្យដឹងថា រដ្ឋាភិបាលជប៉ុនគ្រោងនឹងរៀបចំពិធីបុណ្យ​មរណទុក្ខថ្នាក់រដ្ឋ ជូនអតីតនាយករដ្ឋមន្ត្រី អាបេ ស៊ីនហ្សូ (Shinzo Abe) ដែលត្រូវបានគេធ្វើឃាតនៅឯកន្លែងជួបជុំយុទ្ធនាការមួយកាលពីដើមខែនេះ នៅថ្ងៃទី២៧ ខែកញ្ញា។ ពិធីនឹងប្រារព្ធនៅកីឡដ្ឋាន Nippon Budokan ដែលត្រូវបានសាងសង់ឡើងដំបូង សម្រាប់ព្រឹត្តិការណ៍កីឡាអូឡាំពិកទីក្រុងតូក្យូ ឆ្នាំ១៩៦៤ ដែលចាប់តាំងពីពេលនោះមក បានក្លាយជាកន្លែងពេញនិយមសម្រាប់ព្រឹត្តិការណ៍កីឡា និងការប្រគុំតន្ត្រី ក៏ដូចជាកន្លែងសម្រាប់ពិធីរំលឹកវិញ្ញាណក្ខន្ធអ្នកស្លាប់ក្នុងជំនាន់សង្គ្រាមលោកលើកទី២ ដែលធ្វើឡើងជារៀងរាល់ឆ្នាំនៅថ្ងៃទី១៥ ខែសីហា៕ អត្ថបទ៖ លីដា ប្រភព៖ NHK

អ្នកនាំពាក្យក្រសួងការបរទេសចិន លោក Zhao Lijian កាលពីថ្ងៃអង្គារម្សិលមិញនេះបាននិយាយថា សហរដ្ឋអាមេរិកគួរតែបញ្ឈប់ការនិយាយបញ្ឆេះរឿងយោធា និងអាវុធនៅលំហអាកាស។ លោកបានធ្វើការកត់សម្គាល់បែបនេះ នៅក្នុងសន្និសីទសារព័ត៌មានធម្មតាមួយ នៅពេលដែលគាត់ត្រូវបានគេសួរឱ្យធ្វើអត្ថាធិប្បាយលើរបាយការណ៍ដែលថា កងកម្លាំងអវកាសអាមេរិកថ្មីៗនេះ កំពុងមានសកម្មភាពនៅមជ្ឈមណ្ឌលស៊ើបការណ៍អវកាសរបស់ខ្លួន។ លោក Zhao បានសង្កត់ធ្ងន់ថា លំហអាកាសគឺជាវិស័យសាធារណៈ និងជាកត្តាសំខាន់ក្នុងសន្តិសុខ និងសុខុមាលភាពរបស់មនុស្សជាតិ។ ការទប់ស្កាត់ការប្រណាំងប្រជែងសព្វាវុធក្នុងលំហ គឺជាតម្រូវការដ៏សំខាន់សម្រាប់ធានាសន្តិភាព ភាពស្ងប់ស្ងាត់ និងការប្រើប្រាស់លំហអាកាស ប្រកបទៅដោយនិរន្តរភាព។ លោក Zhao បាននិយាយថា៖«សហរដ្ឋអាមេរិក គឺជាកត្តាជំរុញដ៏សំខាន់ ក្នុងការប្រែក្លាយអវកាសខាងក្រៅទៅជាឃ្លាំងអាវុធ និងសមរភូមិ»។ អស់រយៈពេលជាយូរមកហើយ សហរដ្ឋអាមេរិកបានបន្តយុទ្ធសាស្ត្រគ្រប់គ្រងលើលំហ និងបានកំណត់លំហខាងក្រៅដោយបើកចំហថា ជាដែនប្រយុទ្ធរបស់ខ្លួណ ហើយវាបាននិងកំពុងអភិវឌ្ឍយ៉ាងខ្លាំងក្លា

ក្លាយជាប្រធានបទដ៏ល្បីមួយនៅក្នុងពិភពអនឡាញម្តងទៀត បន្ទាប់ពីគណនី Twitter @RedSkullxxx ដែលបានបង្ហោះវីដេអូឃ្លីប បង្ហាញពីទិដ្ឋភាព Pre-Wedding របស់កូនកំលោះ និងកូនក្រមុំមួយគូ ដែលថតរូបនៅកណ្តាលផ្លូវធំ ហើយក្នុង​ឃ្លីប​នោះដែរ ផ្លូវនោះក៏​ត្រូវ​បានបិទ​ដើម្បី​មិនឲ្យ​រថយន្ត​ផ្សេងធ្វើ​ដំណើរ​ឆ្លងកាត់។ ជាមួយគ្នានេះដែរ ពួកគេក៏យក​រថយន្ត​ភីកអាប់​ជា​ច្រើន​គ្រឿង​មក​ចត​កណ្តាល​ផ្លូវ រួមជាមួយនឹងការបង្កើតបរិយាកាសជុំវិញដោយបញ្ឆេះឡានរោទិ៍ទ្វេដង ដើម្បីបង្កើតផ្សែងចេញមកដែលមើលទៅហាក់ដូចជា ប្រើទឹកកកស្ងួត (Dry Ice) ឬម៉ាស៊ីនផ្សែង ដើម្បីបង្កើតរូបភាពដូចទៅនឹងដុំពពក។ គួរបញ្ជាក់ឱ្យដឹងផងដែរថា បន្ទាប់ពីឃ្លីបវីដេអូនោះបានចែករំលែកតៗគ្នាទៅបណ្តាលអោយអ្នកនិយមលេងអ៉ីនធឺណេតនាំគ្នាចូលទៅសម្តែងការរិះគន់យ៉ាងចាស់ដៃ ដោយភាគច្រើននៃការរិះគន់នោះ គឺពាក់ព័ន្ធទៅនឹងទង្វើរបស់គូស្វាមីភរិយាមួយគូនេះ ក៏ព្រោះ​គេ​មើល​ឃើញ​ថា​វា ជា​ការ​បង្ក​បញ្ហា​ ឬផលរំខានដល់​អ្នក​ដទៃ ដោយការបំពងសំឡេងរំខាន ការបំពុលដោយផ្សែង និង​មាន​បញ្ហា​ចំពោះ​អ្នក​ប្រើប្រាស់​រថយន្ត​ដែល​ប្រើ​ផ្លូវ​សាធារណៈ​ដែល​ត្រូវ​បិទ​សម្រាប់​ថត​ Pre-Wedding នៅពេល​នោះ៕ អត្ថបទ៖

មេដឹកនាំគណបក្សប្រឆាំងស្រីលង្កាលោក Sajith Premadasa នៅថ្ងៃអង្គារ ទី១៩ ខែកក្កដា បានប្រកាសថា លោកបានដកខ្លួនចេញពីការប្រកួតប្រជែងដើម្បីក្លាយជាប្រធានាធិបតី ហើយក៏បានសន្យាថា នឹងគាំទ្រដល់បេក្ខភាពគូប្រជែងរបស់គាត់ ដែលគ្រោងនឹងបន្ដតំណែងពីលោក Ranil Wickremesinghe ដែលកំពុងកាន់តំណែងជាប្រធានាធិបតីស្តីទី។ ជាមួយគ្នានេះដែរ ក្រុមនិស្សិត និងក្រុមផ្សេងទៀត ក៏បានគ្រោងធ្វើបាតុកម្មទ្រង់ទ្រាយធំប្រឆាំងនឹងលោក Wickremesinghe ដោយសារពួកគេបានយល់ថា លោកគឺជាសម្ព័ន្ធមិត្តរបស់អតីតប្រធានាធិបតី Gotabaya Rajapaksa ដែលទើបតែរត់ចោលប្រទេសកាលពីពេលថ្មីៗនេះ ខណៈដែលសមាជិកសភាបានប្រមូលផ្តុំគ្នានៅក្នុងសភានៅថ្ងៃនេះ ដើម្បីបញ្ចប់បញ្ជីបេក្ខភាពសម្រាប់តួនាទីនេះ មុនការបោះឆ្នោតនៅថ្ងៃពុធ។ មេដឹកនាំគណបក្សប្រឆាំង Sajith Premadasa លោក Premadasa បាននិយាយនៅលើ Twitter ថា៖«ដើម្បីភាពល្អប្រសើរនៃប្រទេសរបស់ខ្ញុំដែលខ្ញុំស្រឡាញ់

ថៃ៖ អ្នកនាង Vow narm ឬ Waewwan Kannanthorn ជាម្ចាស់ក្រុមហ៊ុនលក់ផលិតផលថែរក្សាស្បែកដ៏ល្បីមួយនៅក្នុងប្រទេសថៃ។ អ្នកជំនួញឆ្នើមរូបនេះ បានក្លាយជានាយកប្រតិបត្តិត្រឹមវ័យតែ ២១ឆ្នាំប៉ុណ្ណោះ។ ទម្រាំជោគជ័យក្លាយជាម្ចាស់ប្រ៊េន Rose Gold ដែលជាអាជីវកម្ម ថែរក្សាស្បែក និង Collagen តម្លៃរាប់លានដុល្លារមិនមែនជារឿងងាយស្រួលទេ គឺអ្នកនាង Vow narm ជួបព្យុះភ្លៀងច្រើនណាស់ ហើយមួយកាក់មួយសែនដែលបង្កើតឡើងគឺសុទ្ធតែបានមកពីការតស៊ូ និងការជំនះរបស់នាង។ អ្នកនាង Vow narm បានរៀបរាប់ទាំងមិនលាក់លៀមថា មុនពេលមានអាជីវកម្មរាប់លានដុល្លារក្នុងដៃ អ្នកនាងគឺជាកូនស្រីនៅក្នុងគ្រួសារមួយដែលប្រកបរបរបោះដុំគ្រឿងអលង្ការនៅសំផេង។ ក្រោយមកជំនួញរបស់គ្រួសារជួបបញ្ហាធំ ដោយត្រូវជំពាក់បំណុលគេដល់ទៅ ១០លានបាត

ប្រធានាធិបតីរុស្ស៊ីលោក វ្ល៉ាឌីមៀ ពូទីន ត្រូវបានគេរំពឹងថា នឹងត្រូវជួបជាមួយសមភាគីទួរគីលោក រីជីព ថាយយីប អ៊ែរដូវ៉ាន់ (Recep Tayyip Erdogan) នៅថ្ងៃអង្គារ ក្នុងអំឡុងពេលធ្វើដំណើរទៅកាន់ប្រទេសអ៊ីរ៉ង់ ដើម្បីពិភាក្សាអំពីការបន្តការនាំចេញគ្រាប់ធញ្ញជាតិពីអ៊ុយក្រែន។ កិច្ចប្រជុំនេះធ្វើឡើងនៅពេលដែលអ៊ុយក្រែន ដែលជាប្រទេសនាំចេញស្រូវសាលីធំជាងគេទី៥ របស់ពិភពលោក នៅតែមិនអាចដឹកជញ្ជូនគ្រាប់ធញ្ញជាតិពីកំពង់ផែភាគខាងត្បូងរបស់ខ្លួនឆ្លងកាត់សមុទ្រខ្មៅបាន ដោយសារតែការបិទផ្លូវរបស់រុស្ស៊ី។ កសិករ​អ៊ុយក្រែន​មាន​ការ​ព្រួយ​បារម្ភ​កាន់​តែ​ខ្លាំង ខណៈ​ពួក​គេ​ចាប់​ផ្ដើម​ប្រមូល​ផល​ស្រូវ​សាលី​រួច​ហើយ។ ប្រទេសទួរគី និងអង្គការសហប្រជាជាតិ កំពុងសម្រុះសម្រួលកិច្ចពិភាក្សារវាងរុស្ស៊ី និងអ៊ុយក្រែន ដើម្បីជួយសម្រួលដល់ការបន្តការនាំចេញស្រូវសាលីរបស់អ៊ុយក្រែន និងផលិតផលកសិកម្មផ្សេងទៀត ខណៈដែលការព្រួយបារម្ភអំពីវិបត្តិស្បៀងអាហារពិភពលោកកំពុងមានការកើនឡើង។ លោក ពូទីន ដែលកំពុងបំពេញទស្សនកិច្ចនៅរដ្ឋធានីតេអេរ៉ង់របស់អ៊ីរ៉ង់ ត្រូវបានគេរំពឹងថា នឹងជួបលោក អ៊ែរដូវ៉ាន់ ដោយផ្ទាល់ជាលើកដំបូងចាប់តាំងពីរុស្ស៊ីបានឈ្លានពានអ៊ុយក្រែន។

សភាអាមេរិកបានអនុម័តសេចក្តីសម្រេចមួយកាលពីថ្ងៃចន្ទ ដែលបង្ហាញពីការគាំទ្រដល់ប្រទេសហ្វាំងឡង់ និងស៊ុយអែត ក្នុងការចូលរួមជាមួយអង្គការណាតូយ៉ាងពិតប្រាកដ ក្រោយរយៈពេល ២ខែ បន្ទាប់ពីប្រទេសក្នុងតំបន់ Nordic ទាំង ២ បានដាក់សំណើសុំចូលជាសមាជិកនឹងសម្ព័ន្ធមិត្តយោធាមួយនេះ ចំពេលមានការឈ្លានពានរបស់រុស្ស៊ីលើអ៊ុយក្រែន។ ការសម្រេចនេះបានធ្វើឡើង បន្ទាប់ពីការបោះឆ្នោតក្នុងសំឡេង ៣៩៤ ទល់ ១៨ ដោយមានតែគណបក្សសាធារណរដ្ឋប៉ុណ្ណោះ ដែលបោះឆ្នោតប្រឆាំង។ ចំណែកគណបក្ស​ប្រជាធិបតេយ្យ​ ២​រូប និង​គណបក្ស​សាធារណរដ្ឋ ១៧​រូប មិន​បាន​បោះឆ្នោតនោះ​ទេ។ ការសម្រេចនោះ គឺជាការបង្ហាញការគាំទ្រចំពោះ «ការសម្រេចចិត្តជាប្រវត្តិសាស្ត្រ» របស់ហ្វាំងឡង់ និងស៊ុយអែត ក្នុងការចូលរួមជាមួយអង្គការណាតូ ហើយអំពាវនាវឱ្យរដ្ឋជាសមាជិកគាំទ្រជាផ្លូវការ ក្នុងការចូលរួមក្នុងសម្ព័ន្ធភាពយោធាមួយនេះ។ វាក៏ប្រឆាំងនឹងកិច្ចខិតខំប្រឹងប្រែងណាមួយរបស់សហព័ន្ធរុស្ស៊ី ក្នុងការឆ្លើយតបយ៉ាងធ្ងន់ធ្ងរចំពោះការសម្រេចចិត្តរបស់ប្រទេសហ្វាំងឡង់

យោងតាមការចុះផ្សាយរបស់សារព័ត៌មាន sanook បានឱ្យដឹងថា ប្រទេសចិនបញ្ជាឱ្យធនាគារជួយសម្រួលដល់ក្រុមហ៊ុនអចលនទ្រព្យ បន្ទាប់ពីអតិថិជននាំគ្នាមិនបង់ប្រាក់។ គណៈកម្មការ​និយតកម្ម​ធនាគារ​ និង​ធានា​រ៉ាប់រង​របស់​ប្រទេស​ចិន​បាន​និយាយ​កាលពី​ថ្ងៃអាទិត្យ​ទី១៧ ខែ​កក្កដា​ថា​ ធនាគារ​នានា​​ ត្រូវជួយ​អ្នក​អភិវឌ្ឍ​អចលនទ្រព្យ​​កំពុង​ជួប​បញ្ហា​ជាមួយ​នឹង​ការ​សាងសង់​គម្រោង​លំនៅដ្ឋាន ​ដែល​មិន​ទាន់​បញ្ចប់​​ ដោយ​ការ​ពន្យារ​ពេល​នៃ​ការ​ទូទាត់​ ឬតាមវិធីផ្សេងៗដែលអាចធ្វើទៅបាន។ គណៈកម្មាធិការធនាគារ និងធានារ៉ាប់រងរបស់ចិនបានបន្ថែមថា «វិធានការនេះមិនបានជួយដល់ក្រុមហ៊ុនអចលនទ្រព្យនៅក្នុងគម្រោងទាំងអស់នោះទេ ប៉ុន្តែដើម្បីជួយតែគម្រោងដែលធនាគារយល់ថាមានសិទ្ធិទទួលបានជំនួយពីធនាគារ ហើយ​ប្រសិន​បើ​អ្នក​អាច​ធ្វើ​បានបែបនោះ ​រាល់បញ្ហាដែលកើតឡើងប្រាកដជាអាចដោះស្រាយបានយ៉ាងប្រាកដ»។ ការផ្លាស់ប្តូរនេះកើតឡើងបន្ទាប់ពីអតិថិជនជាច្រើនមិនសប្បាយចិត្ត ដែលក្រុមហ៊ុនអចលនទ្រព្យមិនអាចបញ្ចប់ការសាងសង់ផ្ទះរបស់ពួកគេបានទៅតាមពេធ្លាប់បញ្ជាក់ ទើបកើតមាននៅករណីបែបនេះឡើង។ ទោះបីជាយ៉ាងណាក៏ដោយក៏មិនទាន់ច្បាស់ទេថា តើធនាគារទាំងនេះនឹងអាចទប់ទល់នឹងចំណាយរបស់អតិថិជនដែលមិនចង់បង់ថ្លៃផ្ទះរបស់ពួកគេឬយ៉ាងណានោះទេ? ព្រោះ​ការដែលអតិថិជន​បញ្ឈប់​ការ​បង់​ថ្លៃ​ផ្ទះ​នេះ គឺដើម្បី​អោយមានការតវ៉ានេះកើតមានឡើងទៅលើគម្រោងចំនួន ១០០នៅក្នុងទីក្រុង និងប្រមាណ ៥០ទូទាំងប្រទេស។ យោងតាមទិន្នន័យពីធនាគារទាំងនោះ តម្លៃនៃការបង់រំលស់ដែលអតិថិជនមិនយល់ព្រមក្នុងការទូទាត់ទំនងជាឈានដល់ ២ពាន់លានយន់៕ អត្ថបទ៖ Bee