មជ្ឈមណ្ឌលរញ្ជួយដីអឺរ៉ុបបាននិយាយនៅថ្ងៃពុធនេះថា ប្រទេសហ្វីលីពីន​បាន​រង​គ្រោះ​រញ្ជួយ​ដី​កម្រិត ៧.១ រ៉ិចទ័រ ដែលបានកត់ត្រានៅជិតកោះ Luzon ក្នុងជម្រៅ ៤០ គីឡូម៉ែត្រ។ ចំណុចកណ្តាលរបស់វាស្ថិតនៅចម្ងាយ ៤៥ គីឡូម៉ែត្រ ទៅភាគខាងកើតនៃទីក្រុង Vigan ដែលជាទីក្រុងមានប្រជាជនចំនួន ៦០,០០០ នាក់ ដែលមានទីតាំងនៅឆ្នេរសមុទ្រភាគខាងលិចនៃទឹកដី Luzon ។ យ៉ាងណា វាមិនមានការគំរាមកំហែងពីរលកយក្សស៊ូណាមិបន្ទាប់ពីការរញ្ជួយដីនេះទេ។ គួរឱ្យដឹងដែរថា ប្រទេសហ្វីលីពីនតែងតែរងគ្រោះដោយការរញ្ជួយដី ឬគ្រោះធម្មជាតិផ្សេងៗទៀត ដោយសារតែទីតាំងរបស់វានៅលើក្រវ៉ាត់ភ្លើងប៉ាស៊ីហ្វិក (Pacific Ring of Fire) ដែលជាតំបន់ដែលមានសកម្មភាពរញ្ជួយខ្លាំង ដែលវាលាតសន្ធឹងពីប្រទេសជប៉ុនឆ្លងកាត់អាស៊ីអាគ្នេយ៍ និងឆ្លងកាត់អាងប៉ាស៊ីហ្វិក៕ អត្ថបទ៖

នាយករដ្ឋមន្ត្រីជប៉ុនលោក Kishida Fumio មានប្រសាសន៍ថា លោកគ្រោងនឹងជូនដំណឹងដល់សាធារណជនអំពីលក្ខណៈនៃជំងឺអុតស្វា monkeypox និងវិធីការពារការរីករាលដាលរបស់វា មួយថ្ងៃបន្ទាប់ពីប្រទេសជប៉ុន បានបញ្ជាក់ពីករណីដំបូងនៃជំងឺនេះ។ លោកបាននិយាយថា លោកនឹងជូនដំណឹងដល់សាធារណជនថា ជំងឺអុតស្វា monkeypox រីករាលដាលតាមរយៈការប៉ះរាងកាយ ហើយថាវ៉ាក់សាំងជំងឺអុតធំ smallpox គឺមានប្រសិទ្ធភាពប្រឆាំងនឹងវាបាន។ ទន្ទឹមនឹងនេះផងដែរ រដ្ឋមន្ត្រីសុខាភិបាលលោក Goto Shigeyuki បាននិយាយថា រដ្ឋាភិបាលបាននិងកំពុងព្យាយាមឆ្លើយតបទៅនឹងស្ថានភាពនេះ។ ថ្លែងទៅកាន់អ្នកសារព័ត៌មាននៅថ្ងៃអង្គារនេះ លោកបាននិយាយថា ប្រព័ន្ធសម្រាប់តាមដានការផ្ទុះឡើងត្រូវបានពង្រឹង ហើយប្រព័ន្ធចាក់វ៉ាក់សាំង និងការព្យាបាលគឺនៅត្រូវបានរៀបចំ។ លោកបាននិយាយថា នាយករងខុទ្ទកាល័យលេខាធិការសម្រាប់ការគ្រប់គ្រងវិបត្តិ លោក Murata Takashi នឹងកោះប្រជុំក្រុមការងារមួយ ដែលមានមន្ត្រីជាន់ខ្ពស់នៃការិយាល័យរដ្ឋាភិបាលដែលពាក់ព័ន្ធនៅថ្ងៃអង្គារនេះ សម្រាប់រយៈពេល

យោងតាមការចុះផ្សាយរបស់សារព័ត៌មាន BBC បានរាយការណ៍ថា ប្រទេសជប៉ុនបានប្រហារជីវិតជនល្មើសវ័យ ៣៩ ឆ្នាំម្នាក់ ដែលបានសម្លាប់មនុស្សចំនួន ៧នាក់ នៅក្នុងទីក្រុងតូក្យូ កាលពីឆ្នាំ២០០៨ នៅអំឡុងពេលនៃការចាក់សម្លាប់ដ៏សាហាវមួយ។ ជនល្មើសមានឈ្មោះថា Tomohiro Kato បានធ្វើឃាតកម្មដ៏គួរឱ្យតក់ស្លុតបំផុតក្នុងប្រវត្តិសាស្ត្រជប៉ុន ហើយក្នុងអំឡុងពេលធ្វើសកម្មភាពនោះផងដែរ ជនល្មើសគឺមានអាយុត្រឹមតែ ២៥ឆ្នាំ ប៉ុណ្ណោះ។ ជននេះត្រូវបានប៉ូលីសចាប់ខ្លួននៅកន្លែងកើតហេតុ ហើយខ្លួនក៏បានសារភាពថា ខ្លួនធ្វើបែបនេះដោយសារតែការធ្វើទុក្ខបុកម្នេញនៅលើអ៉ីនធើណិត (bully)។ នៅថ្ងៃកើតហេតុ ដំបូងឡើយជននេះបានបើករថយន្តបុករះលើពលរដ្ឋ ដែលថ្មើរជើងនៅមជ្ឈមណ្ឌលទិញទំនិញ Akihabara ដែលបណ្ដាលឱ្យមនុស្សចំនួន ៣ នាក់បានស្លាប់។ បន្ទាប់មកទៀត ខ្លួនក៏បានទាញកាំបិតស្នៀត ចាក់ទៅលើពលរដ្ឋដែលដើរកាត់ទីនោះ ដែលបណ្ដាលឱ្យមនុស្សចំនួន ៤ នាក់ស្លាប់

ប្រធានគណៈកម្មាធិការស៊ើបអង្កេតរបស់រុស្ស៊ីបាននិយាយថា ទីក្រុងម៉ូស្គូបានចោទប្រកាន់សមាជិកកងកម្លាំងប្រដាប់អាវុធអ៊ុយក្រែនចំនួន ៩២នាក់ ពីបទឧក្រិដ្ឋកម្មប្រឆាំងមនុស្សជាតិ។ លោក Alexander Bastrykin ដែលជាប្រធានគណៈកម្មាធិការ បានប្រាប់គេហទំព័រព័ត៌មានរដ្ឋាភិបាល Rossiiskaya Gazeta ថា ការស៊ើបអង្កេតឧក្រិដ្ឋកម្មចំនួន ១,៣០០ ករណី កំពុងត្រូវបានចាប់ផ្តើម។ លោកក៏បានស្នើឱ្យមានសាលាក្តីអន្តរជាតិមួយ ដែលគាំទ្រដោយប្រទេសនានា រួមមានអ៉ីរ៉ង់ ស៊ីរី និងបូលីវី ដែលជាសម្ព័ន្ធមិត្តប្រពៃណីរបស់រុស្ស៊ី ខណៈភាគីអ៊ុយក្រែន​ក៏​កំពុង​ធ្វើ​ការ​ស៊ើបអង្កេត​ឧក្រិដ្ឋកម្ម​សង្គ្រាម​របស់​ខ្លួន​ផងដែរ។ លោក Bastrykin បាននិយាយថា មិនត្រឹមតែជនជាតិអ៊ុយក្រែនទាំង ៩២នាក់ ដែលត្រូវបានរុស្ស៊ីចោទប្រកាន់នោះទេ ក្នុងនោះក៏មានមនុស្សចំនួន ៩៦នាក់ ផ្សេងទៀត រួមទាំងមេបញ្ជាការកងកម្លាំងប្រដាប់អាវុធចំនួន ៥១នាក់

ក្រុមមន្ត្រីនៅភាគនិរតីនៃប្រទេសជប៉ុន កំពុងអំពាវនាវឱ្យប្រជាជនក្នុងរង្វង់ចម្ងាយ ៣ គីឡូម៉ែត្រ ពីរណ្ដៅភ្នំភ្លើង Sakurajima ឱ្យមានការប្រុងប្រយ័ត្នឱ្យបានខ្ពស់ បន្ទាប់ពីភ្នំភ្លើងនេះបានផ្ទុះឡើងកាលពីម្សិលមិញ។ អ្នកសង្កេតការណ៍អាកាសធាតុនៅក្នុងខេត្ត Kagoshima បាននិយាយថា ភ្នំភ្លើងនេះបានផ្ទុះឡើងយ៉ាងខ្លាំងកាលពីល្ងាចថ្ងៃអាទិត្យ ដែលនាំឱ្យមានការខ្ទាតថ្មចេញពីរណ្ដៅភ្នំភ្លើង។ ក្រុម​សង្កេតការណ៍​ក៏បានបញ្ជាឱ្យមានការប្រុង​ប្រយ័ត្ន​ដល់​កម្រិត​ខ្ពស់ទី៥ ដែលមានន័យថា នឹងត្រូវមានការជម្លៀសចេញ ដោយ​ពួកគេបានបន្ថែមថា ភ្នំភ្លើង​កំពុង​មាន​សកម្មភាព​ខ្លាំងណាស់។ ការ​ផ្ទុះរបស់ភ្នំភ្លើង Sakurajima ក៏​កំពុង​បន្ត​ ខណៈមាន​ការ​ផ្ទុះ​ដ៏​ធំ​មួយ​ទៀត​ត្រូវ​បាន​រាយការណ៍​កាល​ពី​ព្រឹក​ថ្ងៃ​ចន្ទ ហើយផ្សែង​ភ្នំភ្លើងបានសាយភាយ​ឡើង​ដល់​កម្ពស់​២,២០០ ​ម៉ែត្រ។ មន្ត្រីសង្កេតការណ៍ក៏កំពុងណែនាំការប្រុងប្រយ័ត្នបន្ថែមទៀត ចំពោះកម្អែភ្នំភ្លើងដែលអាចកើតមានក្នុងរង្វង់ប្រហែល ២ គីឡូម៉ែត្រ។ នៅព្រឹកថ្ងៃចន្ទនេះ ក្រុមសង្កេតការណ៍បានបញ្ជូនបុគ្គលិករបស់ខ្លួន ២នាក់ ដើម្បីកំណត់ឱ្យច្បាស់ពីកន្លែងដែលថ្មភ្នំភ្លើងបានហូរកាត់ និងដើម្បីវាយតម្លៃការខូចខាតដែលបណ្តាលមកពីការផ្ទុះ។ ក្រុម​សង្កេតការណ៍​និយាយ​ថា​ មិន​មាន​ការ​ប្រែប្រួល​គួរ​ឱ្យ​កត់សម្គាល់​ត្រូវ​បាន​រក​ឃើញ​ទេ

ចិន៖ យោងតាមទីភ្នាក់ងារសារព័ត៌មាន BBC បានរាយការណ៍ថា លោក Zheng Yixin អនុប្រធានគណៈកម្មការសុខភាពជាតិនៃប្រទេសចិន បានបង្ហាញអោយដឹងថា មេដឹកនាំនយោបាយរបស់ប្រទេស រួមទាំងប្រធានាធិបតី Xi Jinping បានចាក់វ៉ាក់សាំងប្រឆាំងនឹងមេរោគ កូវីដ-១៩ ដែលផលិតនៅក្នុងប្រទេស ដើម្បីជាការបង្ហាញថា ពួកគេមានជំនឿលើវ៉ាក់សាំងចិន។ លោក Zheng មានប្រសាសន៍ថា រឿងនេះបានបង្ហាញអោយឃើញថា បណ្តាមេដឹកនាំបានផ្តល់ការយកចិត្តទុកដាក់យ៉ាងខ្លាំងចំពោះការការពារ និងការគ្រប់គ្រងការរីករាលដាលនៃជំងឺរាតត្បាត ដែលចលនាចុងក្រោយរបស់ប្រទេសចិនត្រូវបានគេមើលឃើញថា វាជាកិច្ចខិតខំប្រឹងប្រែងមួយក្នុងចំណោមកិច្ចខិតខំប្រឹងប្រែងទាំងនោះក្នុងការជំរុញអត្រាការចាក់វ៉ាក់សាំងនៅក្នុងប្រទេស។ ជាពិសេសវ៉ាក់សាំងដែលជាដូសជម្រុញ (booster) ដែលអាជ្ញាធរចិនគិតថា អត្រាការចាក់នៅមានកម្រិតទាប​ពេក​ សម្រាប់ប្រទេសក្នុងការបើកប្រទេសឡើងវិញដោយសុវត្ថិភាព។ គួរបញ្ជាក់ផងដែរថា ប្រទេស​ចិន​បាន​រាយការណ៍​ពី​ចំនួន​សរុប​នៃ​ករណី​ដែល​បាន​បញ្ជាក់​ថា ​មាន​ជំងឺ​កូវីដ-១៩

បើតាមការចុះផ្សាយរបស់សារព័ត៌មាន Global Times ដោយដកស្រង់សម្តីពីមន្ត្រីសុខាភិបាលជាន់ខ្ពស់របស់ចិនម្នាក់បានឱ្យដឹងថា អត្រាកំណើនប្រជាជនរបស់ប្រទេសចិនបានធ្លាក់ចុះយ៉ាងខ្លាំង ហើយត្រូវបានគេរំពឹងថា នឹងប្រែទៅជាអវិជ្ជមាននៅមុនឆ្នាំ២០២៥។ ទិន្នន័យកំណើតដែលចេញផ្សាយកាលពីល្ងាចថ្ងៃអាទិត្យបានបង្ហាញថា ចំនួនកំណើតថ្មីក្នុងឆ្នាំ២០២១ នៅក្នុងខេត្តមួយចំនួនរបស់ចិន គឺមានទាបបំផុតក្នុងរយៈពេលជាច្រើនទសវត្សរ៍។ ជាក់ស្ដែង ចំនួនកំណើតនៅក្នុងខេត្តហ៊ូណាន បានធ្លាក់ចុះក្រោម ៥០០,០០០ ជាលើកដំបូងក្នុងរយៈពេលជិត ៦០ឆ្នាំ ហើយមាន​តែ​ខេត្ត​ក្វាងទុង​​ប៉ុណ្ណោះ​ ដែល​មាន​កំណើត​ថ្មី​ជាង ១ លាន​នាក់។ ប្រទេសចិនកំពុងប្រយុទ្ធដើម្បីបញ្ច្រាសការធ្លាក់ចុះយ៉ាងឆាប់រហ័សនៃអត្រាកំណើន បូករួមទាំងភាពខុសគ្នារវាងអត្រាកំណើត និងមរណភាព ដោយសារមនុស្សវ័យក្មេងជាច្រើនជ្រើសរើសមិនបង្កើតកូន ព្រោះតែកត្តាមួយចំនួនដូចជា៖ ការចំណាយខ្ពស់ក្នុងការចិញ្ចឹមកូន និងសម្ពាធការងារជាដើម។ បើតាមសម្ដីលោក Yang Wenzhuang ប្រធានផ្នែកប្រជាជន និងគ្រួសារ នៅគណៈកម្មការសុខភាពជាតិបាននិយាយថា ចំនួនប្រជាជនចិនត្រូវបានគេរំពឹងថា

យោងតាមការចុះផ្សាយរបស់សារព័ត៌មាន រ៉យទ័រ នៅថ្ងៃចន្ទ ទី២៥ ខែកក្កដា ឆ្នាំ២០២២ បានរាយការណ៍ថា ប្រព័ន្ធផ្សព្វផ្សាយរដ្ឋមីយ៉ាន់ម៉ាបានរាយការណ៍នៅថ្ងៃចន្ទនេះថា អាជ្ញាធរយោធារបស់ប្រទេសខ្លួន បានប្រហារជីវិតសកម្មជនអ្នកប្រជាធិបតេយ្យចំនួន ៤នាក់ ដែលត្រូវបានចោទប្រកាន់ថា «បានចូលរួមអនុវត្តអំពើភេរវកម្ម» ដែលធ្វើឱ្យវាក្លាយជាការប្រហារជីវិតលើកដំបូងបំផុត ក្នុងរយៈពេលជាច្រើនទសវត្សរ៍កន្លងមកនៅក្នុងប្រទេសអាស៊ីអាគ្នេយ៍មួយនេះ។ កាសែត Global New Light of Myanmar បាននិយាយថា អ្នកដែលត្រូវបានប្រហារជីវិតទាំងនោះ រួមមានលោក Kyaw Min Yu ដែលជាអ្នកនិពន្ធ និងជាសមាជិកនិស្សិត​ជំនាន់ទី៨៨ និងលោក Phyo Zeya Thaw ដែលជាអតីតសមាជិកសភា និងជាសិល្បករហ៊ីបហប។

ថៃ៖ ជាការពិតណាស់ឳពុកម្តាយ និងលោកតាលោកយាយតែងរមែងទន្ទឹងរង់ចាំថ្ងៃដ៏ពិសេសរបស់កូនចៅគ្រប់រូបនេះមកដល់ នោះគឺថ្ងៃដែលលោកបានឃើញកូនចៅរៀនចប់ទទួលសញ្ញាបត្រ ព្រមជាមួយនិងអារម្មណ៍ដ៏រំភើបរីករាយ។ ដូចទៅនឹងហេតុការណ៍ដ៏គួរអោយរំភើប មួយដែលក្លាយជាប្រធានបទដ៏ពេញនិយមមួយនៅលើបណ្ដាញសង្គម បន្ទាប់ពីអ្នកប្រើប្រាស់កម្មវិធី TikTok ម្នាក់ដែលមានឈ្មោះថា anyanee5 បានបង្ហោះវីដេអូឃ្លីបដ៏គួរឲ្យស្រលាញ់របស់លោកតាអាយុ ៨៦ឆ្នាំ ដែលចង់មកចូលរួមកម្មវិធីទទួលសញ្ញាបត្ររបស់ចៅស្រី រហូតដល់គាត់យល់ព្រមជិះឡានពីខេត្ត ខន កែន ដែលមានរយៈពេលដល់ទៅ ៥ម៉ោង ដើម្បីតែមកចូលរួមព្រឹត្តិការណ៍ដ៏ពិសេសនេះ។ តាមរយៈការបង្ហោះបានសរសេរថា «ពិតជាមើលទៅក្តីសុខខ្លាំងៗ ដែលលោកតាអាយុ ៨៦ឆ្នាំ ដើរស្ទើរតែមិនរួចក៏នៅតែចង់មក ហើយ គឺមកអោយទាល់តែបាន ទោះលោកជម្ងឺទឹកនោមផ្អែម ត្រូវស្ពាយថ្នាំមកតាមខ្លួនក៏ដោយ ក៏នៅតែមកម្មវិធីទទួលសញ្ញាបត្រចៅ ដោយក្ដីស្រលាញ់ពេញបេះដូង”។ យ៉ាង​ណា​មិញ បន្ទាប់​ពី​ឃ្លីប​នេះ​ត្រូវ​បាន​គេ​ផ្សព្វផ្សាយ មាន​អ្នក​លេង​អ៉ីនធឺណិត​ជា​ច្រើន​បាន​បញ្ចេញ​មតិ

គ្រូពេទ្យរបស់លោក ចូ បៃដិន កាលពីថ្ងៃអាទិត្យ ទី២៤ ខែកក្កដា បាននិយាយថា ស្ថានភាពរបស់លោកប្រធានាធិបតីអាមេរិករូបនេះ ចាប់តាំងពីបានឆ្លងជំងឺ COVID-19 រួចមក គឺបានប្រសើរឡើងគួរឱ្យកត់សម្គាល់ ហើយគាត់គ្រាន់តែមានរោគសញ្ញាឈឺបំពង់កប៉ុណ្ណោះ។ វេជ្ជបណ្ឌិតលោក Kevin O’Connor បាននិយាយថា ការក្អក និងឈឺរាងកាយរបស់ បៃដិន បានថយចុះចាប់តាំងពីគាត់បានធ្វើតេស្តវិជ្ជមាន សម្រាប់ជំងឺ COVID-19 កាលពីថ្ងៃព្រហស្បតិ៍ ហើយគាត់មិនមានបញ្ហាដង្ហើមខ្លីៗណាមួយឡើយ។ កាលពីព្រឹកថ្ងៃអាទិត្យ អ្នកសម្របសម្រួលនៃសេតវិមាន លោក Ashish Jha នៅក្នុងបទសម្ភាសន៍នៅលើកញ្ចក់ទូរទស្សន៍ Fox News Sunday